Machhindra Football Club

काठमाडौं । सेन्ट जेभियर्स कलेजका अभिक शाह शतप्रतिशत जितसहित हिमालयन च्यालेन्जर्स फिडे रेटिङ क्लासिकल चेस च्याम्पियन बनेका छन् । उनले अन्तिम तथा नवौं चरणमा हार्दिक पन्तलाई पराजित गर्दै सोमबार ट्रफी चुमेका हुन् । कुल १ लाख ३५ हजार रुपिया पुरस्कारको हिमालयन च्यालेन्जर्स क्लासिकल चेसमा प्रत्येक खेलमा हरेक खेलाडीलाई ९० मिनेट र ३० सेकेन्डको इन्क्रिमेन्ट समय दिइएको थियो । लगातार नौ दिनको रोमान्चक प्रतिस्पर्धापछि द ब्रिटिश कलेजका सजल न्यौपाने (१९ अंक) उपविजेता भए भने संस्कार गुरुकुल स्कुलका आशिर्वाद थापा (१८ अंक) तेस्रो स्थानमा रहे । हिमालयन च्यालेन्जर्समा शीर्ष वरीयताका अभिकले भने, ‘ब्लिज र र्यापिड चेस चलेको यो बेला क्लासिकल चेसको प्रतियोगिता खेल्न पाउनु नै ठूलो कुरा हो । मैले पहिलोपल्ट लगातार नौ दिन खेल्न पाएँ । सबै खेल जितेपनि प्रतिस्पर्धा रोचक रह्यो । म र अरु युवा खेलाडीको स्तरबृद्धिको लागि क्लासिकल चेस महत्वपूर्ण छ र हिमालयन च्यालेन्जर्सबाट हामीलाई धेरै नयाँ र आवश्यक कुरा सिक्ने अवसर मिलेको छ ।’ १७ वर्षीय उनी हिमालयन चेस एकेडेमीले आयोजना गरेको पहिलो प्रतियोगिता एसईई कपको विजेता पनि हुन् । समापन समारोहमा हिमालयन चेस एकेडेमीकी संस्थापक मोनालिशा खम्बू, प्रमुख अथिति नेपाल सरकारका पूर्वसचिव जीवनप्रभा लामा, राष्ट्रिय खेलकुद परिषदका सदस्य कुमार लामा घिसिङ, कोसी प्रदेश बुद्धिचाल संघका अध्यक्ष सुरेन्द्रकुमार राई, काठमाडौं चजिल्ला चेस संघका अध्यक्ष केशव श्रेष्ठ, साहसिक खेल विज्ञ राजीव चन्द, नेपाल स्टक एक्सचेन्ज (नेप्से) का निर्देशक टिका निधि लोहनी, ललिता राई लामालगायत पुरस्कार, ट्रफी, मेडल तथा प्रमाणपत्र प्रदान गरे । स्वीस लिग प्रणाली अनुसार नौ चरणमा सञ्चालित प्रतियोगितामा १९१८ रेटेड अभिकले सौर्य प्रताप सिंह कार्की, आशिर्वाद थापा, शुभांग प्रधान, सजल न्यौपाने, सात्विकमान तुलाधर, लियोन महर्जन, उजिभानी कँडेल, निहाना श्रेष्ठ र हार्दिकको चुनोती पन्छाउँदै शतप्रतिशत जितसहित अधिकतम २७ अंक जोडेर उपाधि कब्जा गरेका हुन् । उनले लगातार जितसहित अन्तिम खेल बाँकी छँदै उपाधि पक्का गरिसकेका थिए । <img src="https://app.nepalsportz.com/media/django-summernote/2026-01-19/242b6c67-e2b0-4f26-9c7f-9b85e80813ed.jpeg" style="width: 698px;"> सजल र सात्विकको प्रतिस्पर्धाप्रत्येक जितमा तीन र बराबरीमा एक अंक दिने नियमानुसार सजलले ६ जित, १ बराबरी र २ हारको नतिजासँगै १९ अंक जोडे । उनले अन्तिम खेलमा सात्विकमानलाई पराजित गर्दै दोस्रो स्थान सुरक्षित गरेका थिए । उक्त खेलमा जित हात पार्नसकेको भए सात्विक दोस्रो स्थानमा उक्लिने थियो । आशिर्वादले अन्तिम खेलमा लियोन महर्जनलाई हराउँदै तेस्रो स्थान हात पारेका हुन् । उनले ५ जित, ३ बराबरी र १ हारको नतिजा निकाल्दै १८ अंक जोडेका हुन् । मातृभूमि स्कुलका प्रवीर केसीले पनि १८ अंक बटुले । तर, उनलाई टाइब्रेकर (बुगोल्स) मा उछिन्दै आशिर्वाद शीर्ष तीनमा रहेका हुन् । उनले अन्तिम खेलमा निहानालाई पराजित गरे । निहाना महिलामा प्रथममहिलातर्फ निहाना श्रेष्ठ (१५ अंक) पहिलो भइन् । समान १५ अंक जोडेपनि टाइब्रेकरको आधारमा उजिभानी कँडेल दोस्रो र ओजस्वी श्रेष्ठ तेस्रोमा रहे । यू ८ तर्फ विराज सरिया (३ अंक), यू १० मा शुभांग प्रधान (१५ अंक), यू १२ मा हार्दिक पन्त (१७ अंक), यू १४ मा प्रवीर केसी (१८ अंक) र यू १६ मा विमश लोहनी (१७ अंक) प्रथम भए । अरिज राई (५ जित र ४ हारसहित १५ अंक) ले इमर्जिङ प्लेवरको अवार्ड प्राप्त गरे । कुल २८ वटा स्कुल र कलेजका ६ महिला र २४ पुरुष गरी ३० जना खेलाडी सहभागि हिमालयन च्यालेन्जर्स क्लासिक चेसमा फिडे रेटेड १५ खेलाडीसँगै अनरेटेड १५ जना सहभागि थिए । दुर्लभ हुँदै गएको क्लासिकल चेस प्रतियोगिता युवा खेलाडीको स्तरबृद्धिको लागि आयोजना गरिएको र यो भव्यरुपमा सम्पन्न भएको हिमालयन चेस एकेडेमी संस्थापक मोनालिशा खम्बूले बताइन् । प्रत्येक राउन्डको समाप्तिपछि पूर्वराष्ट्रिय च्याम्पियन केशव श्रेष्ठ र फिडे मास्टर रिजेन्द्र राजभण्डारीले खेलको विश्लेषण गरेका थिए । एकेडेमीले आयोजना गरेको ११ औं प्रतियोगिता हो– हिमालयन च्यालेन्जर्स क्लासिकल चेस । उसले यसअघि हिमालयन चेस एकेडेमीले एसईई कप, हिमालयन १०० फर गिनिज वल्र्ड रेकर्ड्स, हिमालयन तीज चेस टोर्नी, प्यट्रिओटिक पन च्याम्पियनसिप, हिमालयन डुओ, हिमालयन ब्लिज कप, देशकै पहिलो फ्रिस्टाइल चेस प्रतियोगिता हिमालयन फ्रिस्टाइल च्याम्पियनसिप, हिमालयन १०० एक्स टु, हिमालयन क्वीन्स ग्याम्बिट र एचसीए युथ कप सफलतापूर्वक आयोजना गरेको थियो । चेसलाई प्रवद्र्धन र विकास गर्ने उद्देष्यले २०८० साल चैत १ गते उद्घाटन गरिएको स्थापित हिमालयन चेस एकेडेमीले फ्रेसर, बिगिनर्स, एड्भान्स बिगिनर्स, इन्टरमिडियट, एड्भान्स र इलिट प्रोग्राम गरी ६ वटा कोर्समा करिब २ सयलाई थापाथलीस्थित आफ्नै चेस हल र भक्तपुर शाखामा प्रशिक्षण दिइसकेको छ । भच्र्युअल रुपमा अनलाइन कक्षा नियमित भइरहेको छ । स्कुल र समुदायमा कार्याशाला तथा प्रशिक्षण सञ्चालन गर्दै आएको छ । उसले कमनवेल्थ च्याम्पियन भारतीय इन्टरनेसनल मास्टर (आईएम) अतनु लहिरी ल्याएर काठमाडौंमा विशेष प्रशिक्षण पनि दिएको थियो ।

हिमालयन च्यालेन्जर्समा शतप्रतिशत जितसहित अभिक च्याम्पियन

काठमाडौं। नेपालले साफ महिला फुटसल च्याम्पियनसिपमा लगातार दोस्रो हार बेहोरेको छ। थाइल्यान्डको बैंककस्थित नन्थाबुरी स्टेडियममा सोमबार सम्पन्न खेलमा नेपाललाई बंगलादेशले ३–० ले पराजित गरेको हो। नेपालको यो लगातार दोस्रो हार हो। नेपालले पहिलो खेलमा श्रीलंकासँग २–२ को बराबरी खेलेको थियो। दोस्रो खेलमा माल्दिभ्सलाई ५–० ले हराएको नेपालले तेस्रो खेलमा भारतसँग ८–१ को फराकिलो हार बेहोरेको थियो। बंगलादेशको भने यो दोस्रो जित हो। पहिलो खेलमा भारतलाई ३–१ ले हराएको बंगलादेशले दोस्रो खेलमा भुटानसँग ३–३ को बराबरी खेलेको थियो।

नेपाल बंगलादेशसँग पराजित

काठमाडौं । बागमती प्रदेशस्तरीय अन्तरपालिका खुला पुरुष महाङ्काल भलिबल च्याम्पियनसिप फागुन पहिलो सातादेखि सुरु हुने आयोजना हुने भएको छ । ललितपुर महांकाल गाउँपालिकाको सहयोग तथा महांकाल क्लबको आयोजनामा प्रतियोगिता फागुन ६ देखि १० गतेसम्म हुनेछ ।&nbsp; प्रतियोगिताको सबै खेलहरु महांकाल वडा ४ को बागभैरव प्राविधिक माध्यमिक विद्यालयको खेल मैदानमा हुनेछ । प्रतियोगिताको विजेताले एक लाख ५० हजार ५५ पाउनेछ । यस्तै, उपविजेताले ७५ हजार ५५५ तथा तेस्रो हुनेले ३५ हजार ५५५ पाउनेछन् । चौथो स्थानमा रहने टोलीलाई २० हजार ५५ प्रदान गरिने प्रतियोगिताका संयोजक लाल बहादुर स्याङ्तानले जानकारी दिए ।&nbsp; क्लबका अध्यक्ष डम्बर बहादुर स्याङ्तानले प्रतियोगितामा सहभागिता जनाउने ७ हजार ५ सय रुपैयाँ शुल्क लाग्ने बताए । प्रतियोगितामा सहभागिता जनाउन फागुन ४ गतेसम्म टिम दर्ता गर्न सकिनेछ । अध्यक्ष स्याङ्तानले यसअघि ह्यान्डबल र सेपाताक्रो आयोजना गर्दै आए पनि यसपटक भलिबल हुन लागेको जानकारी गराए ।&nbsp;<img src="https://app.nepalsportz.com/media/django-summernote/2026-01-19/cb55c75e-268c-4474-b9ca-e5b60377bad6.jpeg" style="width: 698px;"> महांकाल गाउँपालिकाका अध्यक्षमा गणेशबहादुर केसी र खेलकुद विकास समितिका अध्यक्ष राजवीर थोकर छन् । अध्यक्ष स्याङ्तानले सरोकारवाला पक्षको सहयोगले प्रतियोगिता आयोजन गर्न हौसिएको जानकारी गराए ।&nbsp; प्रतियोगितामा २० देखि ५० टिमको सहभागिता रहने अपेक्षा छ । हरेक टिममा १० जना खेलाडी रहने छन् । जसमा हरेक टिमले राष्ट्रिय टिमबाट खेलेका २ खेलाडी समावेश गर्न पाउनेछन् ।&nbsp; महांकाल भलिबल क्लबका कप्तान दार्जे तामाङले आयोजकको टिम खुला छनोटबाट गरिने बताए । खुला छनोट १६ देखि १८ माघ सम्म हुनेछ ।

बागमती प्रदेशस्तरीय महांकाल भलिबल च्याम्पियनसिप फागुन पहिलो साता हुने

एस्टन भिल्ला इंग्लिस प्रिमियर लिगमा आइतबार एभरटनसँग १–० ले पराजित भएको छ । यो नतिजाले शीर्षमा रहेको आर्सनललाई अझ राहत दिनेछ । भिल्ला पार्कमा थिएर्नो बारीले ५९ औं मिनेटमा निर्णायक गोल गरे । यो नतिजापछि भिल्लाको ४३ अंकमै सीमित रहेर तेस्रो स्थानमै रह्यो । म्यानचेस्टर सिटी पनि ४३ अंकमा दोस्रोमा छ । आर्सनल भने ५० अंकमा शीर्ष स्थानमा कायम रहेको छ । यस्तो उसको सात अंकको अग्रता कायम रह्यो । यो सप्ताहन्तका खेलमा शीर्ष चारका सबै टिम जित निकाल्न असफल रहे । आर्सनल, सिटी र लिभरपुल सबै बराबरीमा रोकिएका हुन् । आइतबारकै अर्को खेलमा पनि उल्भ्स र न्युकासल युनाइटेडले गोलरहित बराबरी खेले ।

भिल्ला घरमै पराजित

स्पेनी ला लिगामा बार्सिलोनाको जित यात्रामा पूर्ण विराम लगाएर रियल सोसिडाडले आइतबार २–१ को शानदार जित निकालेको छ । यो नतिजाले लिग उपाधि होड अझ रोमाञ्चक हुने भएको छ । बार्सिलोना १२ खेलयता पराजित भएको यो पहिलो पटक हो र यसले शीर्षमा बार्सिलोनाको अग्रता एक अंकमै मात्र कायक रह्यो । बार्सिलोनाको ४९ छ भने रियल म्याड्रिड ४८ अंकमा दोस्रो स्थानमा छ । आफ्नो घरेलु मैदानमा सोसिडाडका लागि मिकेल आयारजाबाल र गोन्जालो गुडेसले गोल गरे । बार्सिलोनाका लागि मार्कस रसफोर्डले एक गोल फर्काए । सोसिडाड २४ अंकमा आठौं स्थानमा उक्लेको छ ।

बार्सिलोनाको जित यात्रामा सोसिडाडको अवरोध

चर्को विवादबीच सेनगेलले आइतबार अफ्रिका कप अफ नेसन्सको उपाधि जितेको छ । उसले फाइनलमा आयोजक मोरेक्कोलाई १–० ले हराएको हो । खेलको निर्णायक गोल पापे गुएले अतिरिक्त समयमा गरे । निर्धारित समयको खेल बराबरीमा टुंगेपछि गुएले ९४ औं मिनेटमा गोल गरेका हुन् । ब्राहिम डियाजले मोरक्कोका लागि अतिरिक्त समयको २४ औं मिनेटमा प्राप्त पेनाल्टीमा गोल गर्न सकेनन् । उनको प्रहार सेनेगेली गोलरक्षक एडोर्ड मेन्डीले जोगाए । त्यही पेनाल्टी प्रहारको निर्णयविरोधमा सेनेगेली खेलाडी मैदान छाडेर बाहिरिएका थिए । सेनेगलले अफ्रिकी फुटबलको सबैभन्दा ठूलो प्रतियोगिता जितेको यो दोस्रो पल्ट हो । यसअघि सन् २०२२ मा इजिप्टलाई पेनाल्टीमा हराएर सेनेगेलले पहिलो पटक उपाधि हात पारेको थियो ।

विवादबीच सेनेगललाई अफ्रिका कप अफ नेसन्सको उपाधि

काठमाडौं। आइसीसी टी–२० महिला विश्वकपको ग्लोबल क्वालिफायरमा नेदरल्याण्ड्स र आयरल्याण्डले विजयी सुरुआत गरेका छन्। माथिल्लो मुलपानी क्रिकेट मैदानमा आइतबार सम्पन्न समूह ‘ए’ अन्तर्गतको खेलमा आयरल्याण्डले पपुवा न्युगिनी (पीएनजी)लाई ४१ रनले पराजित गरेको हो। आयरल्याण्डले दिएको १४७ रनको लक्ष्य पछ्याएको पीएनजीले निर्धारित २० ओभरमा ६ विकेट गुमाउँदै १०६ रनमै सीमित भयो। त्यसअघि टस जितेर पहिले ब्याटिङ गरेको आयरल्याण्डले २० ओभरमा ६ विकेट गुमाएर १४६ रन बनाएको थियो। यस्तै, आइतबारै त्रिवि क्रिकेट रंगशालामा सम्पन्न अर्को खेलमा नेदरल्याण्ड्सले जिम्बाबेलाई २२ रनले पराजित गरेको छ। नेदरल्याण्ड्सले दिएको १२३ रनको लक्ष्य पछ्याएको जिम्बाबेले निर्धारित २० ओभरमा ८ विकेट गुमाउँदै १०० रन मात्रै बनाउन सक्यो। जितसँगै समूह ‘बी’ मा रहेको नेदरल्याण्ड्स दोस्रो स्थानमा उक्लिएको छ। सोही समूहको अर्को खेलमा नेपाललाई पराजित गरेको थाइल्यान्ड शीर्ष स्थानमा रहेको छ।

नेदरल्याण्ड्स र आयरल्याण्ड विजयी

काठमाडौं। विभागीय टोली एपीएफ क्लबले राष्ट्रिय लिगमा कठिन संघर्षपछि महत्त्वपूर्ण जित दर्ता गरेको छ। च्यासल स्टेडियममा आइतबार सम्पन्न खेलमा एपीएफले फ्रेन्ड्स क्लबलाई १–० गोलले पराजित गर्‍यो। एपीएफको जितमा खेलको २५औँ मिनेटमा खेमराज श्रेष्ठबाट भएको आत्मघाती गोल निर्णायक बन्यो। त्यसपछि दुवै टोलीले केही अवसर सिर्जना गरे पनि थप गोल हुन सकेन। यो जितसँगै एपीएफले प्रतियोगितामा ३ अंक जोडेको छ। फ्रेन्ड्स क्लबको भने यो राष्ट्रिय लिगमा पहिलो हार हो। यसअघि फ्रेन्ड्सले काँक्रेविहार क्लबलाई ३–१ ले पराजित गरेको थियो।

एपीएफको संघर्षपूर्ण जित

काठमाडौं। तीनपल्टसम्म अग्रता लिए पनि त्यसलाई जोगाउन नसक्दा नेपाल साफ फुटसल च्याम्पियनसिपमा चिरप्रतिद्वन्द्वी भारतसँग बराबरीमा रोकिएको छ। रोमाञ्चक बनेको खेलमा नेपाल र भारतले ३–३ को बराबरी खेले। यस नतिजासँगै दुवै टोलीले दुई–दुई खेलबाट समान ४ अंक जोडेको छ। खेलको सुरुआत आक्रामक बनाएको नेपालले पाँचौं मिनेटमै अग्रता लिएको थियो। व्रिकान्त नरसिंह रानाले उत्कृष्ट फिनिसिङ गर्दै नेपाललाई १–० को अग्रता दिलाए। तर त्यो खुशी लामो समय टिक्न सकेन। त्यसको ठीक एक मिनेटपछि लाल्ट्लुआङ्जेलाले गोल गर्दै भारतलाई खेलमा फर्काए। खेलको २५औं मिनेटमा अमित लामाले शानदार गोल गर्दै नेपाललाई पुनः २–१ को अग्रता दिलाए। तर खेलको अन्तिमतिर पुग्दै गर्दा भारतले लगातार दबाब बढायो। ३९औं मिनेटमा अनमोल अधिकारीले गोल गर्दै खेल २–२ को बराबरीमा ल्याए। विजय श्रेष्ठले ४०औं मिनेटमा गोल गर्दै नेपाललाई ३–२ को अग्रता दिलाएका थिए तर भारतका निखिल राजेन्द्र मालिले गोल ३–३ को बराबरी अवस्थामा ल्याए। नेपालले उत्कृष्ट प्रदर्शन गरे पनि अन्तिम समयमा अग्रता जोगाउन नसक्दा जित हात पार्न सकेन।

रोमाञ्चक खेलमा नेपाल भारतसँग रोकियो

काठमाडौं। राष्ट्रिय लिगमा संकटा फुटबल क्लबले सानदार प्रदर्शन गर्दै पहिलो जित दर्ता गरेको छ। ललितपुरको च्यासल रंगशालामा आइतबार सम्पन्न खेलमा संकटाले काक्रेबिहार क्लबलाई ४–० को फराकिलो अन्तरले पराजित गरेको हो। संकटाको जितमा अनिश महर्जन, कृष्ण बहादुर आले, विशाल तामाङ र गिल्बर्ट बिल्गोलेले समान एक–एक गोल गरे। यस जितसँगै संकटाले प्रतियोगितामा पहिलो स्पष्ट तीन अंक जोड्दै दुई खेलबाट ४ अंक बनाएको छ। यसअघि पहिलो खेलमा संकटाले सातदोबाटो युवा क्लबसँग गोलरहित बराबरी खेलेको थियो।

राष्ट्रिय लिग: संकटाको पहिलो जित

ललितपुर महानगरपालिका वडा नं १९ को आयोजनामा वडा कप खुल्ला रापिड रेटिङ बुद्धिचाल प्रतियोगिता शनिबार सम्पन्न भएको छ। फिडे वर्ल्ड चेसको तत्वावधानमा दुई दिन सञ्चालन भएको प्रतिस्पर्धामा दोलखाका आशिष फूयाँलले ८ अंक जोडेर वडा कपको उपाधि जितेका छन्।&nbsp; आशिष फूँयालले नवौं चरणको खेलमा सजिन महर्जन बिरुद्ध कठिन जित दर्ता गर्दै पहिलो पुरस्कार नगद १५ हजार, आकर्षक ट्रफी, मेडल तथा प्रमाणपत्र हात पारेका छन्। अंक ७.५ बनाएर राम्रो प्रोग्रेसिभ प्वाइन्टका आधारमा धरानका मुहान नरसिंह श्रेष्ठले द्वितीय बन्दै नगद १० हजार प्राप्त गरेका छन्। समान अंक जोडेर भक्तपुरका निकेन कुसाथा तृतीय बन्दै नगद ८ हजार प्राप्त गरे।&nbsp; स्पर्धामा ललितपुरका सिएम सजिन महर्जनले चौथो स्थानमा रहँदै नगद ६ हजार तथा सुरज महर्जनले पाँचौं स्थानमा रहँदै नगद ५ हजार प्राप्त गरेका छन्।&nbsp; यसैगरी मकवानपुरका एफएम क्षितिज भण्डारी, काठमाडौँका बद्रीलाल नेपाली, पाँचथरका रिसोन थापा, काठमाडौँका सिएमए केशव श्रेष्ठ र स्याङ्जाका आकाश सुवेदीले समान ७ अंक बनाउदै क्रमशः दशौं स्थान सम्मको नगद ४ हजार प्राप्त गरेका छन्। यसैगरी उत्कृष्ट विधागत पुरस्कार तर्फ महिलामा झापाली खेलाडी द्वय पुनम प्रसाईं प्रथम र कृतिशारा अधिकारी द्वितीय भइन्। उत्कृष्ट नयाँ खेलाडीमा चितवनका सत्यम शर्मा प्रथम र पोखराका आयुष भण्डारी दोस्रो भए। उत्कृष्ट सिनियर मा काठमाडौँका सीएम नवीन तण्डुकार प्रथम र सीएम भगवती प्रसाद शर्मा द्वितीय बने। उत्कृष्ट युवा-१६ वर्ष मुनि मोरङका कशिभ कार्की प्रथम, काठमाडौँका सुभनदीप थापा द्वितीय, युवा-१४ वर्षमा भक्तपुरका प्रत्युस श्रेष्ठ प्रथम, साँखुका सोहम श्रेष्ठ द्वितीय, युवा-१२ वर्ष मुनि भक्तपुरका हृदय बस्नेत प्रथम र ललितपुरका सोयस राई दोस्रो भए। उत्कृष्ट रेटिङ १८ सय मुनि भक्तपुरका प्रेम खड्का प्रथम, पोखराका शिशिर तिवारी द्वितीय, रेटिङ १६ सय मुनि ललितपुरका श्रीयस दाहाल प्रथम, बनेपाका राजन बजगाईं द्वितीय, उत्कृष्ट स्थानीयमा प्रलेस महर्जन प्रथम, विजय महर्जन दोस्रो तथा रौतटहका लक्कि खेलाडी मुकेश बर्माले पुरस्कार प्राप्त गरेका छन्। पाटनको रातो मच्छिन्द्रनाथ बहालमा एक कार्यक्रम बिच प्रमुख अतिथि ललितपुर महानगरपालिकाका उपमेयर मन्जली शाक्य बज्राचार्यले विजेता खेलाडीलाई नगद १ लाख १ हजार पुरस्कृत गरेका छन्। १९ वडाका अध्यक्ष राजेन्द्र महर्जनको सभापतित्वमा सम्पन्न पुरस्कार वितरण समारोहमा नेपाल बुद्धिचाल महासंघका प्रवक्ता राजु ताम्राकार, खेल संयोजक वडा सदस्य बिरेन्द्र ताम्राकार, प्रविन श्रेष्ठ, निर्मला खड्गी लगायतको उपस्थिति रहेको थियो।

एलएमसि वडा कप चेस उपाधि आशिष फूँयालले जिते

काठमाडौं। आइसीसी टी–२० महिला विश्वकपको ग्लोबल क्वालिफायरको पहिलो खेलमा नेपाल थाइल्यान्डसँग ८ विकेटले पराजित भएको छ। त्रिवि क्रिकेट रंगशालामा आइतबार सम्पन्न खेलमा नेपालले दिएको १२३ रनको लक्ष्य थाइल्यान्डले १६.५ ओभरमै दुई विकेट गुमाएर पूरा गर्‍यो। थाइल्यान्डको जितमा नाथकन चान्थमले सर्वाधिक ४८ रनको योगदान दिइन्। उनले ३७ बलमा ७ चौका र एक छक्का प्रहार गरिन्। यस्तै, नान्नापत कोन्चारोएनकाईले ३२ तथा अपिसारा सुवान्चोनरथीले २८ रन बनाइन्। नेपालका लागि बलिङतर्फ सिता रानाले दुई विकेट लिइन्। यसअघि टस हारेर पहिले ब्याटिङ गरेको नेपालले निर्धारित २० ओभरमा सबै विकेट गुमाउँदै १२२ रन बनाएको थियो। नेपालका लागि ओपनर बिन्दु रावलले सर्वाधिक ४४ रन बनाइन्। उनले ५६ बलमा ६ चौका प्रहार गरिन्। अर्की ओपनर सोनु खड्काले २६ रनको योगदान दिइन्। रुविना क्षेत्रीले १७ र उपकप्तान पूजा महतोले १२ रन बनाउँदा अन्य ब्याटरहरू दोहोरो अंकमा पुग्न सकेनन्। थाइल्यान्डका लागि थिपाचा पुथावोङले सर्वाधिक ४ विकेट हात पारिन्।

नेपाल थाइल्यान्डसँग ८ विकेटले पराजित

बायर्न म्युनिकले दोस्रो हाफमा उत्कृष्ट प्रदर्शन गर्दै पुर्नआगमन रचेपछि शनिबार जर्मन बुंडेसलिगामा आरबी लाइपजिगलाई ५–१ ले पराजित गरेको छ । यो जितले बायर्नको उपाधि होड अझ बलियो बनेको छ । तेस्रो स्थानमा रहेको लाइपजिगले रोमुलो कारडोसाको गोलले पहिलो हाफमा अग्रता लिएको थियो । त्यसपछि बायर्नले दोस्रो हाफमा पाँच गोल गरेको हो । यी गोल सर्गे जियानब्रे, ह्यारी केन, जोनाथन ताह, एलेक्जान्डर पाभलोभिच र मिचेल ओलिसले गरे । यो जितपछि बायर्नको १८ खेलबाट ५० अंक भएको छ । लाइपजिग भने ३२ अंकमै रोकियो र चौथो स्थानमा झरेको छ । दोस्रोमा रहेको बोरुसिया डर्टमुन्डको भने ३९ अंक छ । होफनहाइन भने ३३ अंकमा तेस्रोमा उक्लेको छ ।

बायर्न उपाधितर्फ अग्रसर

इन्टर मिलानले शनिबार इटालीको सिरी ए मा युडिनेजीमाथि १–० साँघुरो जित निकालेको छ र ४९ अंकमा शीर्षमा कायम रह्यो । इन्टरका लागि निर्णायक गोल लउतारो मार्टिनेजले गरेका हुन् । डिफेन्डिङ च्याम्पियन नेपोलीले पनि ससुलोलाई १–० ले हरायो र उपाधि होडमा कायम रह्यो । त्यसमा स्टानिस लोबोक्टाले एक मात्र गोल गरे । नेपोली ४३ अंकमा तेस्रो स्थानमा छ । चौथोमा रहेको युभेन्ट्स भने अर्को खेलमा कागलिरीसँग १–० पराजित भयो र ३९ अंकमै सीमित रह्यो । यो हार युभेन्ट्सका लागि धक्काका रूपमा रहेको छ ।

इन्टरको साँघुरो जित

स्पेनी ला लिगामा शनिबार रियल बेटिसले भिल्लारियललाई २–० ले पराजित गरेको छ । यो तेस्रो स्थानमा रहेको भिल्लारियललाई धक्काका रूपमा रहेको छ । यो नतिजापछि भिल्लारियल ४१ अंकमा तेस्रो स्थानमा रह्यो । बेटिसका लागि एइटोर रुबल र पाब्लो फोर्नाल्सले दोस्रो हाफमा एक एक गोल गरे । जितले बेटिसको अर्को सिजन युरोपमा खेल्ने सम्भावना अझ बलियो भएको छ । बेटिस ३२ अंकमा छैटौं स्थानमा छ । शनिबारका अन्य खेलमा रियल म्याड्रिडले लेभान्टेलाई २–० ले हरायो । यस्तै रियल मार्लोकाले एथलेटिको बिलबाओ तथा ओसासुनाले रियल ओभिएडोलाई समान ३–२ को स्कोरले हरायो ।

भिल्लारियललाई बेटिसको धक्का

आर्सनलले इंग्लिस प्रिमियर लिगको शीर्षमा सात अंकको अग्रता खोलेको छ । नटिंघम फरेस्टले शनिबारको खेलमा गोलरहित बराबरीमा रोके पनि आर्सनललाई खासै घाटा भएन् । यसअघिको खेलमा दोस्रो स्थानमा रहेको म्यानचेस्टर सिटी म्यानचेस्टर युनाइेटडको हातबाट २–० ले पराजित रहेको थियो । यस्तै लिभरपुल पनि बर्नलीको हातबाट १–१ को बराबरीमा चित्त बुझाउन बाध्य रह्यो । अब आर्सनलको २२ खेलपछि ५० अंक भएको छ । सिटी ४३ अंकमा दोस्रो तथा लिभरपुल ३६ अंकमा चौथोमा छ । एस्टन भिल्ला भने ४३ अंकमा तेस्रो स्थानमा छ र उसको सामु दोस्रोमा उक्लने अवसर छ । शनिबारका अन्य खेलमा चेल्सीले ब्रेन्टफोर्डलाई २–०, लिड्स युनाइटेडले फुलहमलाई १–०, सन्डरल्यान्डले क्रिस्टल प्यालेसलाई २–१ र वेस्ट ह्यामले टोटनहमलाई २–१ ले हरायो ।

आर्सनल सात अंकले अगाडि

काठमाडौं। विभागीय टोली त्रिभुवन आर्मी क्लबले मनाङ मर्स्याङ्दी क्लबलाई राष्ट्रिय लिगमा फराकिलो अन्तरले पराजित गरेको छ। शनिबार त्रिपुरेश्वरस्थित दशरथ रंगशालामा सम्पन्न खेलमा मनाङ विभागीय टोली त्रिभुवन आर्मी क्लबसँग ५–० ले पराजित भएको हो। आर्मीको जितमा निराजन धामीले दुई, नवीन लामा, नवयुग श्रेष्ठ र जिलेस्पीजंग कार्कीले गोल गरे। आर्मीले पहिलो हाफमै दुई गोल गोल गर्दै अग्रता बनाएको थियो। जितसँगै बालगोपाल महर्जनको प्रशिक्षणमा रहेको आर्मीले पहिलो खेलमै तीन अंक जोडेको छ।

मनाङको पोस्टमा आर्मीको ५ गोल

काठमाडौँ। चित्लाङ एफसीले राष्ट्रिय लिगमा विजयी सुरुआत गरेको छ।&nbsp; सातदोबाटोस्थित एन्फा कम्प्लेक्समा शनिबार सम्पन्न खेलमा चित्लाङले बाराको नव जन जागृति क्लबलाई २–१ ले पराजित गरेको हो। चित्लाङको जितमा म्याथ्यू बाबातुन्डे र सोलोमन अदेइन्काले गोल गरे। यता, नव जन जागृतिका लागि उदित नारायण चौधरीले गोल गरे। जितसँगै जित्लाङले पहिलो खेलबाट ३ अंक जोडेको छ।

चित्लाङको विजयी सुरुआत

काठमाडौं। आइसीसी टी–२० विश्वकपको तयारीका लागि श्रीलंका र भारत जाने नेपाली राष्ट्रिय पुरुष क्रिकेट टोलीलाई औपचारिक रूपमा बिदाइ गरिएको छ। नेपाल क्रिकेट संघ ९क्यान० ले शनिबार काठमाडौंमा एक कार्यक्रम आयोजना गर्दै टोलीको बिदाइ गरेको हो। कार्यक्रममा क्यानका पदाधिकारी, प्रशिक्षक टोली, खेलाडीको उपस्थिति रहेको थियो। बिदाइ कार्यक्रममा क्यान अध्यक्ष चतुरबहादुर चन्दले विश्वकपजस्तो ठूलो प्रतियोगिताअघि श्रीलंका र भारतमा हुने अभ्यास खेल तथा प्रशिक्षणले टोलीलाई प्रतिस्पर्धात्मक रूपमा थप मजबुत बनाउने विश्वास व्यक्त गरे। उनले खेलाडीहरूलाई अनुशासन, आत्मविश्वास र राष्ट्रको गौरवलाई प्राथमिकतामा राखेर प्रदर्शन गर्न आग्रह गरे। मुख्य प्रशिक्षकले श्रीलंका र भारतका स्थानीय तथा अभ्यास टोलीविरुद्ध हुने खेलले खेलाडीहरूको फर्म, संयोजन र रणनीतिमा सुधार ल्याउने बताए। उनका अनुसार बलिङ, ब्याटिङ र फिल्डिङ तीनै पक्षमा टोलीले उच्च स्तरको तयारी गर्नेछ। कप्तानले टोलीको तर्फबाट बोल्दै विश्वकपअघि राम्रो तयारीको अवसर पाएकोमा खुशी व्यक्त गरे। उनले अभ्यास यात्रालाई पूर्ण रूपमा सदुपयोग गर्दै देशको नाम उज्यालो बनाउने प्रतिबद्धता जनाए। टोलीले पहिलो चरणमा श्रीलंकामा करिब एक साता स्थानीय टोलीहरूसँग अभ्यास तथा अभ्यास खेल खेल्नेछ। त्यसपछि टोली भारत प्रस्थान गर्नेछ, जहाँ विश्वकपको लिग चरणका खेल हुने सहर नजिकै थप अभ्यास खेलहरू खेल्ने कार्यक्रम रहेको छ। यस अभ्यास भ्रमणले खेलाडीहरूलाई अन्तर्राष्ट्रिय स्तरको कन्डिसन, पिच र प्रतिस्पर्धासँग अभ्यस्त गराउने विश्वास गरिएको छ। नेपाली टोली विश्वकपमा प्रभावशाली प्रदर्शन गर्ने लक्ष्यसहित उच्च मनोबलका साथ प्रस्थान गरेको छ।

विश्वकप तयारीका लागि श्रीलंका र भारत प्रस्थान गर्ने नेपाली टोलीको बिदाइ

ओसमन डेम्बेलेको दुई गोलको मदतले पेरिस सेन्ट जर्मेन (पीएसजी) ले शुक्रबार राति फ्रान्सेली लिग वानमा लिलाई ३–० ले पराजित गरेको छ र लिग तालिकाको शीर्षमा उक्लेको छ । वर्षाले प्रभावित खेलमा डेम्बेलेले १३ र ६४ औं मिनेटमा गोल गरे । ब्राडली बारकोलालले दोस्रो हाफको इन्ज्युरी समयको तेस्रो मिनेटमा अर्को गोल थपे । यो जितपछि पीएसजीको १८ खेलबाट ४२ अंक भएको छ । यो दोस्रो स्थानमा रहेका लेन्समाथि दुई अंकको अग्रता हो । लेन्सले एक खेल कम खेलेको छ र आइतबार एक्जुरेको सामना गर्दै जित निकाले फेरि शीर्ष स्थानमा उक्लनेछ ।

Nepalsports

⚽ Upcoming Matches

🎖 Recent Matches

📰 Recent News

Nepalsports