Himalayan Sherpa Club

ओसमन डेम्बेलेको दुई गोलको मदतले पेरिस सेन्ट जर्मेन (पीएसजी) ले शुक्रबार राति फ्रान्सेली लिग वानमा लिलाई ३–० ले पराजित गरेको छ र लिग तालिकाको शीर्षमा उक्लेको छ । वर्षाले प्रभावित खेलमा डेम्बेलेले १३ र ६४ औं मिनेटमा गोल गरे । ब्राडली बारकोलालले दोस्रो हाफको इन्ज्युरी समयको तेस्रो मिनेटमा अर्को गोल थपे । यो जितपछि पीएसजीको १८ खेलबाट ४२ अंक भएको छ । यो दोस्रो स्थानमा रहेका लेन्समाथि दुई अंकको अग्रता हो । लेन्सले एक खेल कम खेलेको छ र आइतबार एक्जुरेको सामना गर्दै जित निकाले फेरि शीर्ष स्थानमा उक्लनेछ ।

लिललाई हराएर पीएसजी शीर्षमा

काठमाडौं। एलिक श्रेष्ठको निर्णायक गोलसँगै मच्छिन्द्र फुटबल क्लबले राष्ट्रिय लिगमा सुखद सुरुआत गरेको छ। त्रिपुरेश्वरस्थित दशरथ रंगशालामा शुक्रबार सम्पन्न खेलमा मच्छिन्द्रले न्युरोड टिम (एनआरटी)लाई १-० ले पराजित गरेको हो। यो संघर्षपूर्ण जितसहित मच्छिन्द्रले तीन अंक जोडेको छ। दुवै टोलीले पहिलो हाफमा केही मौका सिर्जना गरेका थिए। तर, गोलमा परिणत भने गर्न सकेन। खेलको ६३औं मिनेटमा मच्छिन्द्रले सुरुआती अग्रता लियो। करिब ३५ भन्दा बढी यार्डबाट एलिकले सिधै प्रहार गरेको बलले जाली चुम्यो। त्यसपछि कुनै गोल नहुँदा मच्छिन्द्रले तीन अंक हात पार्यो।

एलिकको गोलमा मच्छिन्द्रको जित

काठमाडौं। सरोज तामाङको दुई गोलको मद्तमा नेपाली राष्ट्रिय पुरुष टिमले साफ फुटसल च्याम्पियनसिपमा विजयी सुरुआत गरेको छ।&nbsp; थाइल्यान्डको बैंककस्थित नन्थाबुरी स्टेडियममा शुक्रबार सम्पन्न खेलमा नेपालले श्रीलंकालाई २–१ गोलले पराजित गरेको हो।&nbsp; सरोजले १५ र २१औं मिनेटमा गोल गर्दै नेपाललाई जित दिलाए। त्यसअघि खेलको १०औं मिनेटमा श्रीलंकाका लागि मोहमद कुर्सितले गोल गर्दै सुरुआती अग्रता दिलाएका थिए।&nbsp; जितसँगै नेपालले पहिलो खेलबाटै ३ अंक जोड्न सफल भयो।

साफ फुटसल: सरोज चम्किँदा नेपालको पुनरागमन जित

बार्सिलोनाले बिहीबार रेसिङ सान्टेन्डरलाई २–० ले पराजित गर्दै कोपा डेल रेको क्वाटरफाइनल यात्रा निश्चित गरेको छ । त्यसमा फेरान टोरेस र लामिन यामलले एक एक गोल गरे । लयमा रहेको बार्सिलोनाको यो सबै प्रतियोगिताका खेलमा गरेर लगातार ११ औं जित हो । स्पेनी दोस्रो डिभिजनको शीर्षमा रहेको सान्टेन्डरले कडा चुनौती पेस गरेपछि बार्सिलोनाको जित सहज भने रहेन् । टोरेसले ६६ औं मिनेटमा बार्सिलोनाका लागि गोलको खाता खोलेपछि यामलले दोस्रो हाफको इन्ज्युरी समयको पाँचौं मिनेटमा दोस्रो गोल थपे ।

सान्टेन्डररलाई हराएर बार्सिलोना क्वाटरफाइदलमा

एसी मिलानले बिहीबार कोमोलाई ३–१ ले हराएर इटालीको सिरी ए को उपाधि होडमा कायम रह्यो । यो जितपछि मिलान लिग तालिकाको शीर्षमा रहेको इन्टर मिलानसँगै तीन अंकको दूरीमा रह्यो । मिलानका लागि एडरिन राबोटले दुई गोल गरे र उनी नै खेलका नायक रहे । हाइ फ्लाइङ कोमाले मार्क ओलिभरको गोलले १० औं मिनेटमा अग्रता लिए पनि त्यसलाई कायम राख्न सकेन् । पहिलो हाफको इन्ज्युरी समयको पहिलो मिनेटमा क्रिस्टोफर एन्कुन्कुले मिलानका लागि बराबरी गोल फर्काए ।त्यसपछि राबोटले ५५ र ८८ औं मिनेटमा दुई शान्दार गोल गरेका हुन् । कोमो भने ३४ अंकमा छैटौं स्थानमा रहेको छ ।

कोमोलाई हराएर मिलान उपाधि होडमा कायम

काठमाडौं। लालिगुराँस एसोसिएसन क्लबले राष्ट्रिय लिगमा सुखद् सुरुआत गरेको छ। सातदोबाटोस्थित एन्फा कम्प्लेक्समा बिहीबार सम्पन्न खेलमा पोखराको‍ लालिगुराँसले ‘ए’ डिभिजन लिग क्लब जावालाखेल युथलाई १–० ले पराजित गरेको हो। लालिगुराँसको जितमा राजले गरेको गोल नै निर्णायक रह्यो। जितसँगै लालिगुराँसले ३ अंक प्राप्त गरेको छ। खेलको सुरुआती दोस्रो मिनेटमै लछु थापाले हानेको फ्रिकिकलाई राजले गोलमा परिणत गर्दै लालीगुराँसलाई अग्रता दिलाए। यही गोल खेलको निर्णायक गोल बन्यो।

लालिगुराँसको विजयी सुरुआत

काठमाडौं। नेपालले साफ महिला फुटसल च्याम्पियनसिपमा ऐतिहासिक फराकिलो जित दर्ता गरेको छ। थाइल्यान्डको बैंककस्थित नन्थाबुरी स्टेडियममा बुधबार सम्पन्न खेलमा नेपालले माल्दिभ्सलाई ५–० ले हराएको हो। जहाँ नेपाली महिला फुटसल टिमले हात पारेको यो पहिलो जित हो। नेपालको जितमा जेनिफर रानाले दुई गोल गर्दा बिमला बिक र मनिषा थापा मागरले समान एक गोल गरिन्। यस्तै, अर्को गोल भने नेपालले उपाहर पायो। मल्दिभ्सकी फत्तिमाज साइनाले आत्माघाती गोल गरिन्। प्रतियोगिताको पहिलो खेलमा नेपाल श्रीलंकासँग २–२ गोलको बराबरी खेलेको थियो। माल्दिभ्सको भने यो लगातार दोस्रो हार हो। यसअघि भारतसँग ११–१ ले पराजित भएको थियो। जितसँगै नेपालले दुई खेलबाट ४ अंक पुर्‍याएको छ।

नेपाली महिला टिमको फराकिलो जित

काठमाडौं। नेपाल क्रिकेट संघ ९क्यान० ले अस्ट्रेलियाका पूर्वअन्तर्राष्ट्रिय क्रिकेटर इयान हार्भेलाई नेपाली राष्ट्रिय क्रिकेट टोलीको बलिङ कन्सल्टेन्ट प्रशिक्षक नियुक्त गरेको छ। क्यानले आगामी आईसीसी टी–२० विश्वकप तथा अन्य महत्वपूर्ण अन्तर्राष्ट्रिय प्रतियोगितालाई लक्षित गर्दै अनुभवी प्रशिक्षक हार्भेलाई टोलीमा समेटेको हो। टी–२० विश्वकप आगामी ७ फेब्रुअरीदेखि भारत र श्रीलंकामा सुरु हुँदैछ। प्रतियोगितामा २० टोली सहभागी हुनेछन् भने भारत र श्रीलंकाका ८ विभिन्न मैदानमा २९ दिनसम्म खेल सञ्चालन हुनेछ। नेपाल प्रतियोगिताको समूह ‘सी’ मा परेको छ। नेपाल रहेको समूहमा समान दुईपटकको च्याम्पियन इङ्ल्यान्ड र वेस्ट इन्डिजसँगै इटाली र बंगलादेश रहेका छन्।

अस्ट्रेलियाका इयान हार्भे नेपाली टोलीका बलिङ कन्सल्टेन्ट

खानेपानी, सरसफाइ तथा स्वच्छतासम्बन्धी जनचेतना प्रवाह गर्ने उद्देश्यले हिजो बुधबार मधेश प्रदेशमा क्रिकेट फर वास (Cricket for WASH) कार्यक्रमको उद्घाटन गरिएको छ। मधेश प्रदेश खेलकुद परिषद्, जनकपुरधामको कभर्ड हलमा सम्पन्न कार्यक्रममा खेलकुद तथा समाज कल्याण मन्त्रालयका मन्त्री बसन्त कुमार कुशवाहा र नेपाल क्रिकेट संघ (क्यान) का सचिव तथा नेपाली राष्ट्रिय क्रिकेट टोलीका पूर्व कप्तान पारस खड्का र मधेश प्रदेश क्रिकेट संघका अध्यक्ष सुनिल महासेठ संयुक्त रूपमा कार्यक्रम उद्घाटन गरेका हुन्। वेल्थङ्गरहिल्फे (Welthungerhilfe) र सबल नेपालको साझेदारीमा सञ्चालित ‘तराई–मधेश क्षेत्रमा खानेपानी, सरसफाइ तथा स्वच्छता प्रणाली सुदृढीकरण परियोजना’ अन्तर्गत महिनाव्यापी स्वास्थ्य, सामुदायिक तथा व्यक्तिगत सरसफाइ सचेतना प्रवर्द्धनका लागि क्रिकेट खेलको माध्यमबाट किशोरीहरूको सहभागिता र सामाजिक सक्रियता बढाउने उद्देश्यले तयार गरिएको Cricket + WASH खेल मार्गदर्शन पुस्तिका समेत सोही कार्यक्रममा लोकार्पण गरिएको थियो। कार्यक्रममा बोल्दै क्यान सचिव पारस खड्काले कोभिड–१९ महामारीको समयमा स्वास्थ्य र सरसफाइप्रति हामी जति सचेत थियौँ, अहिले त्यसलाई क्रिकेटको माध्यमबाट अझ प्रभावकारी रूपमा जोडिएको उल्लेख गरे। यस पहलले विशेषगरी महिला क्रिकेट र नयाँ खेलाडीहरूलाई मार्गदर्शन गर्ने अवसर प्रदान गरेको भन्दै उनले कार्यक्रम सफलताको शुभकामना व्यक्त गरे। मधेश प्रदेशका खेलकुद तथा समाज कल्याण मन्त्री बसन्त कुमार कुशवाहाले खानेपानी, सरसफाइ र स्वच्छता अभियानमा क्रिकेट खेलमार्फत युवाको सहभागिता प्रवर्द्धन गर्नु सन्देशमूलक र प्रभावकारी रहेको बताए। साथै आगामी दिनमा नेपाल क्रिकेट संघ मातहत प्रदेश तथा जिल्ला संघहरूसँग समन्वय गरी यस्ता कार्यक्रमहरू आयोजना गरिने जानकारी दिए। प्रदेशस्तरीय उद्घाटनसँगै सिरहा जिल्लाको कर्जन्हा नगरपालिकास्थित फूलकुमारी महतो माध्यमिक विद्यालय, बन्दीपुरमा पनि कार्यक्रम औपचारिक रूपमा सञ्चालन गरिएको थियो। सो अवसरमा मार्गदर्शन पुस्तिकाको आधारमा किशोरीहरूसँग प्रदर्शनी अभ्यास खेल खेल्दै कार्यक्रमको उद्घाटन गरिएको थियो। कार्यक्रममा सबल नेपालले मधेश प्रदेश क्रिकेट संघसँग ५ लाख रुपैयाँ बराबरको सम्झौता समेत गरेको छ। सम्झौतापत्रमा सबल नेपालका कार्यकारी निर्देशक दीपक कुमार झा र मधेश प्रदेश क्रिकेट संघका अध्यक्ष सुनील महासेठले हस्ताक्षर गरेका थिए। सम्झौताअनुसार क्रिकेट फर वास कार्यक्रम प्रवर्द्धन गरिने उल्लेख छ। कर्जन्हा नगरपालिकाका मेयर भोला प्रसाद पोखरेलको अध्यक्षतामा सम्पन्न कार्यक्रममा क्यान सदस्य एवं एनपीएल गभर्निङ काउन्सिल सदस्य सुदीप शर्मा, क्यान सदस्य तथा मधेश प्रदेश क्रिकेट संघका सचिव आयुष श्रेष्ठ, मधेश प्रदेश क्रिकेट संघका अध्यक्ष सुनिल महासेठ, धनुषा क्रिकेट संघका अध्यक्ष शोभाकान्त पाण्डे, पर्सा जिल्ला क्रिकेट संघका अध्यक्ष मनिष सिंह, क्यानको राष्ट्रिय क्रिकेट टिमका छनोटकर्ता सदस्य मुर्तुजा हवारी लगायतको उपस्थिति रहेको थियो। क्रिकेटको माध्यमबाट मधेशका किशोरीहरूले सामाजिक सचेतनामा योगदान पुर्‍याउने विश्वास व्यक्त गर्दै प्रमुख अतिथि पारस खड्काले यस अभियानले भविष्यमा राष्ट्रिय क्रिकेट टोलीका लागि सक्षम खेलाडी उत्पादन गर्ने सम्भावना बढाउने बताए। कार्यक्रममा मधेश प्रदेश क्रिकेट संघका अध्यक्ष सुनील महतोले यस कार्यक्रमले विशेषगरी महिला क्रिकेट प्रवर्द्धनका लागि प्रदेशस्तरीय गतिविधिहरू समेटिएको उल्लेख गर्दै मधेश प्रदेशमा महिला क्रिकेट खेलाडी उत्पादनमा थप टेवा पुग्ने विश्वास व्यक्त गरे। क्रिकेटलाई सरसफाइसँग जोडेर यसको विकासका लागि गरिएको यस पहलका लागि सबै सहयोगीप्रति धन्यवाद व्यक्त गर्दै क्यान सचिव पारस खड्काले कार्यक्रममा सहभागी किशोरीहरू भविष्यमा नेपाली राष्ट्रिय टोलीसम्म पुग्न सक्ने आत्मविश्वास बढेको बताए। स्थानीय स्तरमै उपस्थिति जनाई युवा खेलाडीहरूलाई उत्साह प्रदान गरेकोप्रति सहभागी किशोरी तथा खेलाडीहरूले खुसी र उत्साह व्यक्त गरेका सबल नेपालका कार्यकारी निर्देशक दीपक कुमार झाले बताए।

क्रिकेट र स्वच्छतामा जोड: पारस खड्कासँगै ‘क्रिकेट फर वास’ कार्यक्रम सुरु

काठमाडौं। राष्ट्रिय लिगमा सातदोबाटो युवा क्लब र संकटा फुटबल क्लब बराबरीमा रोकिएका छन्।&nbsp; सातदोबाटोस्थित एन्फा कम्लेक्समा बुधबारबाट सुरुभएको सो प्रतियोगिताको दोस्रो दिनको पहिलो खेलमा संकटा र सातदोबाटोले गोलरहित बराबरी खेलेका हुन्।&nbsp; यो नतिजासँगै दुवै टोलीले पहिलो खेलबाट एक एक अंक जोडेका छन्। खेलमा दुवै टोलीले केहि राम्रो अवसर पाए पनि गोलमा परिणत भने गर्न सकेनन्। अन्ततः दुवै टोलीले गोलरहित बराबरीमा खेल समाप्त गर्दै प्रतियोगिताको सुरुआत गरे।

सातदोबाटो र संकटा बराबरीमा रोकिए

उचारचढावबाट गुज्रिरहेको रियल म्याड्रिड बुधबार कोपा डेल रेको खेलमा अल्बासेटको हातबाट ३–२ ले पराजित भएको छ र प्रतियोगिताबाट बाहिरिएको छ । दोस्रो डिभिजनको लिगमा रेलिगेसनबाट बच्न संघर्षरत अल्बासेटका लागि खेलको अन्त्यतिर जेफ्टे बेटानाकोरले दुई गोल गरे । त्यसमध्ये निर्णायक गोल दोस्रो हाफको इन्ज्युरी समयको चौथो मिनेटमा सम्भव भएको हो । यही खेलबाट नव नियुक्त प्रशिक्षक अल्भारो एरबेलोआले डेब्यु गरे, तर उनका लागि यो सुखद सावित भएन् । यसअघि रियलले आफ्ना प्रशिक्षक जाभी एलोन्सोसँग छुटिएको घोषणा गरेको थियो ।

रियल अल्बासेटसँग स्तब्ध

बायर्न म्युनिकले बुधबार जर्मन बुंडेसलिगामा कोलोनलाई ३–१ ले हराएको छ र यससँगै शीर्षमा आफ्नो अग्रतालाई दोहोरो अंक बनाएको छ । उपाधितर्फ उन्मुख बायर्नको अग्रता ११ अंक भएको छ । कोलोनले लिन्टन मानिआको गोलले अग्रता लिएयता बायर्न पुर्नआगमन रच्न सफल रह्यो र यसका लागि सेर्गे ग्यानब्रे, किम मिन जाए तथा लेनार्ट कार्लले गोल गरे । लिगले मध्य भाग छुंदा दोस्रोमा रहेको बोर्सिया डर्टमुन्डमाथिको ११ अंकको अग्रता जर्मन बुंडेसलिगा इतिहासमै सबैभन्दा ठूलो अन्तर हो । उसको १७ खेलबाट ४७ अंक भएको छ ।

बायर्नको अग्रता दोहोरो अंकमा

आर्सनलले लिगकपको पहिलो लेगको सेमिफाइनलमा बुधबार चेल्सीलाई ३–२ ले पराजित गरेको छ र यो जित हात पार्दै फाइनल प्रवेशको सम्भावना बलियो बनाउन सफल भएको छ । स्टायनफोर्ड ब्रिजमा भएको खेलमा आर्सनलका लागि बेन ह्वाइट, भिक्टर ग्योकेरेस र मार्टिन जुबिमेन्डीले गोल गरेका हुन् । चेल्सीका दुवै गोल भने एलेजान्ड्रो गारान्चोको गर्न सफल रहे । आर्सनल सबै खाले प्रतियोगिताका पछिल्ला १० खेलमा अपराजित रहेर लयमा रहेको छ । अब इमिरेट्समा दोस्रो लेगको सेमिफाइनल हुनेछ । अर्को सेमिफाइनल पहिलो लेगमा यसअघि म्यानचेस्टर सिटीले न्युकासल युनाइटेडलाई हराएको थियो ।

आर्सनलको हातबाट चेल्सी पराजित

इन्टर मिलानले इटालीको सिरी ए मा आफ्नो पकड अझ मबजुत बनाएको छ । उसले बुधबार सानसिरोमा भएको खेलमा लेचेलाई १–० ले हराएको हो । यससँगै शीर्षमा इन्टरको अग्रताले छ अंक छोएको छ । इन्टरको २० खेलबाट ४६ अंक भएको छ । एसी मिलान ४० अंकमा दोस्रोमा छ । नेपोलीको पनि २० खेलबाट ४० अंकमा तेस्रो स्थानमा छ । बुधबार नै नेपोली र पार्माले गोलरहित बराबरी खेलेका थिए र यसले पनि इन्टरलाई फाइदा पुगेको हो । पछिल्लो समय इन्टर लयमा छ र लिगका आठ खेलमध्ये सातमा विजयी रहेको छ । त्यसमध्ये एक खेल भने बराबरीमा टुंगेको थियो र त्यो नेपोलीविरुद्ध रहेको थियो ।

शीर्षमा इन्टर मजबुत

सेनेगेलले इजिप्टमाथिको पछिल्लो प्रभुत्वलाई कायम राख्दै बुधबार अफ्रिका कप अफ नेसन्सको फाइनलमा प्रवेश गरेको छ । सेनेगलले पहिलो सेमिफाइनल १–० जितेको हो र त्यसमा निर्णायक गोल साडियो मानेले गरे । उनले टानगियर्समा भएको सेमिफाइनलमा ७८ औं मिनेटमा एक मात्र गोल गरे । फाइनल आइतबार हुनेछ र त्यसमा सेनेगलको सामना आयोजक मोरक्को अथवा नाइजेरियामध्ये एककोविरुद्ध हुनेछ । यो खेल बिहीबार हुनेछ । सेनेगेलले सन् २०२२ को अफ्रिका कप अफ नेसन्सको फाइनलमा इजिप्टलाई नै हराएको थियो । यस हारपछि इजिप्टको मोहमद सलाहको आफ्नो देशका लागि उपाधि जित्ने सपना अधुरो नै रह्यो ।

सेनगेल उपाधिका लागि भिड्दै

काठमाडौं। फ्रेन्ड्स क्लबले राष्ट्रिय लिगमा विजयी सुरुआत गर्दा श्री भगवती क्लब र चर्च ब्वाइज युनाइटेड क्लबले बराबरी खेल्दै अंक बाँडेका छन्। सातदोबाटोस्थित एन्फा कम्प्लेक्समा बुधबार उद्घाटन खेलमा काँक्रेविहार क्लबलाई ३–१ गोल अन्तरले पराजित गर्दै प्रतियोगितामा जितसँगै सुरुआत गरेको छ। फ्रेन्ड्सलाई जित दिलाउन प्रशान्त लक्क्षम, प्रवेश बस्नेत र आशीष चापागाँईले गोल गरे। काँक्रेविहारले एक गोल उपहारमा आएको हो। जितसँगै फ्रेन्ड्सले तीन अंक जोडेको छ। <img src="https://app.nepalsportz.com/media/django-summernote/2026-01-14/511ecc6a-2313-4153-8ec8-b54741a605af.jpeg" style="width: 698px;"> खेलको छैटौं मिनेटमै काँक्रेविहारले सुरुआती अग्रता लियो। सन्दीप देउवाले प्रहार गरेको बल फ्रेन्ड्सका कमल श्रेष्ठलाई लाग्दै गोलमा परिणत भयो। ३५औं मिनेटमा फ्रेन्ड्सका दिपेश घलेले गरेको प्रहार काँक्रेविहारका गोलकिपर सुपबहादुर शाहीले बचाए। त्यसपछि फ्रेन्ड्सका प्रशान्तले पाएको अवसर पनि सदुपयोग हुन सकेन। प्रशान्तको प्रहार गोलकिपर शाहीले उत्कृष्ट बचाउ गरे। पहिलो हाफको इन्जुरी समयमा प्रशान्तले गोल गर्दै फ्रेन्ड्सलाई बराबरीमा ल्याए। मौसम सुब्बाको पासमा प्रशान्तले गोल गरेका हुन्। दोस्रो हाफको ५७औं मिनेटमा फ्रेन्ड्सका आशीषले गरेको प्रहार क्रसबारमा लागेको थियो, जसलाई गोलकिपर शाहीले नियन्त्रणमा लिए। तर, त्यसको दुई मिनेटपछि नै प्रवेशले गोल गर्दै फ्रेन्ड्सलाई २–१ को अग्रता दिलाए। बस्नेत दोस्रो हाफमा राजेश परियारको स्थानमा मैदान प्रवेश गरेका थिए। खेलको ९०औं मिनेटमा कमलको पासमा आशीषले गोल गर्दै फ्रेन्ड्सलाई ३–१ को सहज जित दिलाए। यस्तै, अर्को खेलमा भगवती र चर्चले १–१ गोलको बराबरी खेल्दै अंक बाँडेका हुन्।<div> </div>

राष्ट्रिय लिग: फ्रेन्ड्सको सुखद सुरुआत, भगवती र चर्च ब्वाइजले अंक बाँडे

काठमाडौं । हिमालयन च्यालेन्जर्स फिडे रेटिङ क्लासिकल चेस प्रतियोगितामा मंगलबार पुष्पसदन हाईस्कुलका लियोन महर्जनले हार्दिक पन्तलाई पराजित गर्दै लगातार तेस्रो जित हात पारेका छन् । १२ वर्षीय लियोनले दुई घन्टा ४५ मिनेटको प्रतिस्पर्धापछि १६०५ रेटेड हार्दिकको चुनौती पन्छाएका हुन् । हिमालयन च्यालेन्जर्सको तेस्रो चरणका खेल सकिदा अनरेटेड लियोनले तीनै खेलमा रेटेड खेलाडीलाई हराएका छन् । उनले पहिलो चरणमा ईश्वर लामा (१५५१) र दोस्रो चरणमा अनमोल राई (१५३४) लाई पराजित गरेका थिए । उनले चौथो चरणमा वुधबार १६०७ रेटेड रोहित श्रेष्ठविरुद्ध खेल्दैछन् । हिमालयन चेस एकेडेमीद्वारा काठमाडौं जिल्ला चेस संघसँग सहकार्य गर्दै युवा खेलाडीको स्तरोन्नतिको लागि आयोजित हिमालयन च्यालेन्जर्सको तेस्रो दिन शीर्ष वरीयताका अभिक शाह (१९१८ रेटेड) र सजल न्यौपाने (१६९७) ले पनि शतप्रतिशत जितलाई कायम राखे । सेन्ट जेभियर्स कलेजका अभिकले शुभांग प्रधानलाई पराजत गरे भने द ब्रिटिश कलेजका सजलले निहाना श्रेष्ठको अपराजित यात्रामा पूर्णविराम लगाइदिए । चौथो चरणमा वुधबार अभिकविरुद्ध सजलको खेल हुँदैछ । तेस्रो चरणका खेलमा अग्रता आचार्यले सात्विकमान तुलाधर, रोहित श्रेष्ठले रेयांश खनाल, विमश लोहनी ईश्वर लामा, अनमोल राईले नायुमा मगर, आशिर्वाद थापाले अभिक रेग्मी, प्रवीर केसीले रेयांश महर्जन, उजिभानी कँडेलले विराज सरिया, निवा राईले रियांशु पौडेल, वियांका गौतमले श्रेयांश सापकोटा, सूर्यप्रताप सिंह कार्कीले ओजस्वी श्रेष्ठ र अरण्य तुलाधरले अभियान राईविरुद्ध जित निकाले । काठमाडौं ११ थापाथलीस्थित हिमालयन चेस हलमा सञ्चालित प्रतियोगितामा अभिक, सजल र लियोन तेस्रो चरणसम्म शतप्रतिशत जितसहित शीर्ष तीन स्थानमा छन् । प्रत्येक जितमा ३ अंक दिइने नियमानुसार यी तीन खेलाडीले ९–९ अंक बनाएका छन् । १३ खेलाडीले ६–६ अंक जोडेका छन् । दस खेलाडीको खातामा ३ अंक रहेको छ । चार खेलाडी अंकको खाता खोल्न संघर्षरत् छन् । स्वीस प्रणालीको आधारमा नौ चरणमा आयोजित प्रतियोगितामा हरेक दिन एक चरणको खेल हुनेछ । प्रत्येक चरणमा खेलाडीलाई ९० मिनेटसँगै ३० मिनेटको इन्क्रिमेन्ट समय दिइनेछ । कुल २८ वटा स्कुल र कलेजका ६ महिला र २४ पुरुष गरी ३० जना खेलाडी सहभागि हिमालयन च्यालेन्जर्स क्लासिक चेस माघ ४ गतेसम्म सञ्चालन हुनेछ । अचेल छोटो अवधिका र्यापिड र ब्लिज चल्तीमा रहेपनि खेलाडीका स्तरबृद्धि लागि उपयुक्त मानिएको क्लासिकल चेसको प्रतियोगिता युवा खेलाडीलाई अवसर दिन आयोजना गरिएको एकेडेमीकी संस्थापक मोनालिशा खम्बू बताउँछिन् । प्रत्येक राउन्डको समाप्तिपछि पूर्वराष्ट्रिय च्याम्पियन केशव श्रेष्ठ र फिडे मास्टर रिजेन्द्र राजभण्डारीले खेलको विश्लेषण गरिरहेका छन् । हिमालयन चेस एकेडेमीले एसईई कप, हिमालयन १०० फर गिनिज वल्र्ड रेकर्ड्स, हिमालयन तीज चेस टोर्नी, प्यट्रिओटिक पन च्याम्पियनसिप, हिमालयन डुओ, हिमालयन ब्लिज कप, देशकै पहिलो फ्रिस्टाइल चेस प्रतियोगिता हिमालयन फ्रिस्टाइल च्याम्पियनसिप, हिमालयन १०० एक्स टु, हिमालयन क्वीन्स ग्याम्बिट र एचसीए युथ कप गरी दस प्रतियोगिता सफलतापूर्वक आयोजना गरिसकेको छ । त्यसैले उसको ११ औं प्रतियोगिता हो– हिमालयन च्यालेन्जर्स क्लासिकल चेस । चेसलाई प्रवद्र्धन र विकास गर्ने उद्देष्यले २०८० साल चैत १ गते उद्घाटन गरिएको स्थापित हिमालयन चेस एकेडेमीले फ्रेसर, बिगिनर्स, एड्भान्स बिगिनर्स, इन्टरमिडियट, एड्भान्स र इलिट प्रोग्राम गरी ६ वटा कोर्समा करिब २ सयलाई थापाथलीस्थित आफ्नै चेस हल र भक्तपुर शाखामा प्रशिक्षण दिइसकेको छ । भच्र्युअल रुपमा अनलाइन कक्षा नियमित भइरहेको छ । स्कुल र समुदायमा कार्याशाला तथा प्रशिक्षण सञ्चालन गर्दै आएको छ । उसले कमनवेल्थ च्याम्पियन भारतीय इन्टरनेसनल मास्टर (आईएम) अतनु लहिरी ल्याएर काठमाडौंमा विशेष प्रशिक्षण पनि दिएको थियो ।

हिमालयन च्यालेन्जर्स चेसमा लियोनको लगातार तेस्रो जित

काठमाडौं। अखिल नेपाल फुटबल संघ (एन्फा) को आयोजनामा बुधबारदेखि राष्ट्रिय लिग फुटबल सुरु हुँदैछ। सातदोबाटोस्थित एन्फा कम्प्लेक्समा हुने उद्घाटन खेलमा काँक्रेबिहार युवा क्लब र फ्रेन्ड्स क्लब आमनेसामने हुनेछन्। यो खेल विहान ११ बजेबाट सुरु हुनेछ। यस्तै दोस्रो खेल दिउँसो ३ बजे श्री भगवती क्लब र चर्च ब्वाइज युनाइटेड भिड्नेछन्। यस संस्करणको राष्ट्रिय लिगमा १७ क्लबको सहभागिता रहनेछ। लिग सुरु हुनुअघि मंगलबार काठमाडौंमा आयोजित पत्रकार सम्मेलनमा सहभागी सबै टोलीका प्रशिक्षक तथा कप्तानहरूले लिगमा उत्कृष्ट प्रदर्शन गर्दै उपाधि जित्ने लक्ष्य रहेको बताएका छन्। तीन वर्षदेखि शहिद स्मारक ‘ए’ डिभिजन लिग आयोजना गर्न नसकेको एन्फाले यसपटक सिंगल राउन्ड रोबिन प्रणालीमा राष्ट्रिय लिग सञ्चालन गर्न लागेको हो। लिगमार्फत क्लबहरूलाई नियमित प्रतिस्पर्धा उपलब्ध गराउने तथा नेपाली फुटबलको स्तर उकास्ने एन्फाको उद्देश्य रहेको छ। राष्ट्रिय लिगका खेलहरू दशरथ रंगशाला सातदोबाटोस्थित एन्फा मैदान तथा च्यासल मैदानमा आयोजना हुनेछन्। लिगमा हिमालयन शेर्पा क्लबबाहेक १३ ‘ए’ डिभिजन क्लबका साथै मोफसलका लालिगुराँस एसोसिएसन, काँक्रेबिहार युवा क्लब, नव जनजागृति क्लब र चित्लाङ एफसी सहभागी हुनेछन्। राष्ट्रिय लिगको विजेता टोलीले ५० लाख रुपैयाँ नगद पुरस्कार प्राप्त गर्नेछ। प्रतियोगितालाई नेपाली क्लब फुटबलका लागि महत्वपूर्ण मञ्चका रूपमा हेरिएको छ, जहाँ नयाँ प्रतिभा र स्थापित खेलाडीले आफ्नो क्षमता प्रदर्शन गर्ने अवसर पाउनेछन्।

राष्ट्रिय लिग: काँक्रेबिहार र फ्रेन्ड्स तथा भगवती र चर्च ब्वाइ भिड्दै

बोरुसिया डर्टमुन्डले मंगलबार जर्मन बुंडेसलिगामा वेडर ब्रेमनमाथि सजिलो ३–० को जित निकालेको छ । त्यस जितमा निको स्कलोटेरबेक, मार्केल सबिटजेर र सेरहोउ गुरेसीले गोल गरे । यो जितपछि अंक तालिकको दोस्रो स्थानमा डर्टमुन्डको पकड अझ बलियो बनेको छ । उसको १७ खेलबाट ३६ अंक भएको छ र यो तेस्रोमा रहेको आरबी लाइपलिगमाथि चार अंकको अग्रता हो । तर डर्टमुन्ड शीर्ष स्थानमा रहेको बायर्न म्युनिक भन्दा आठ अंकले पछाडि छ । बायर्नको १६ खेलबाट ४४ अंक रहेको छ ।

ब्रेमनमाथि डर्टमुन्डको सजिलो जित

नयाँ अनुबन्धित खेलाडी एन्टोन सेमेन्योको प्रभावशाली प्रदर्शनको मदतले म्यानचेस्टर सिटीले लिगकप सेमिफाइनलको पहिलो लेगमा न्युकासल युनाइटेडलाई २–० ले पराजित गरेको छ । यो जितले सिटी फाइनल नजिक पुगेको छ । हारले डिफेन्डिङ च्याम्पियन न्युकासललाई दोस्रो लेगको सेमिफाइनलमा आफू पछाडि रहेको स्थितिबाट जित्न गाह्रो हुनेछ । सेन्ट जेम्स पार्कमा भएको खेलमा सिटीका लागि सेमेन्यो र रायन चेर्कीले गोल गरे । गत सिजन न्युकासलले ७० वर्षपछि पहिलो पटक उपाधिका रूपमा लिगकप जितेको थियो । अब दोस्रो लेगको सेमिफाइनल खेल इतिहाडमा हुनेछ ।

Nepalsports

⚽ Upcoming Matches

🎖 Recent Matches

📰 Recent News

Nepalsports