Nepal

Sanish Shrestha

Bishal Shrestha

Deep Karki

Kiran Kumar Limbu

जितको लयमा रहेको एस्टन भिल्लाले युरोपा लिगमा बिहीबार बासेललाई २–१ ले हराएको छ । प्रतियोगिताको लिग चरणका छ खेलमध्ये भिल्ला पाँचमा विजयी रहेको छ र यससँगै १५ अंकमा तेस्रो स्थानमा रहन सफल रह्यो । अंक तालिकाको शीर्षमा रहेको लियोनले गो अहेड इगल्सलाई २–१ ले पराजित गर्‍यो । लियोनको पनि १५ अंक रहेको छ । सबै प्रतियोगितामा गरेर भिल्लाको यो लगातार आठौं जित हो । सिजनको सुरुमा खराव प्रदर्शन गरेको भिल्ला अहिले सबै प्रतियोगिताका १६ खेलमध्ये भिल्ला १४ मा जित निकाल्न सफल रहेको छ । बासेलविरुद्ध योरी टेलेमन्सले निर्णायक गोल गरे । अर्को प्रिमियर लिग क्लब नटिङघम फरेस्टले पनि एफसी उतरेट्चलाई २–१ ले हरायो । सेल्टिक भने एएस रोमाको हातबाट ३–० ले पराजित रह्यो ।

भिल्लाको जित्ने क्रम जारी

भुटानको ट्रान्सपोर्ट युनाइटेडले वुमेन्स साफ वुमेन्स क्लब च्याम्पियनसिप २०२५ मा बिहीबार नेपाली लिग च्याम्पियन एपीएफलाई गोलरहित बराबरीमा रोकेको छ । यो नतिजाले कुल पाँच टिम सम्मिलित प्रतियोगिताको फाइनल पुग्ने समीकरण खुल्ला रह्यो । खेलमाथि पूर्ण प्रभुत्व राखे पनि एपीएफले निर्णायक आक्रमण बुन्न सकेन् । ट्रान्सपोर्टकी गोलरक्षक संगीता मोन्गरले उत्कृष्ट प्रदर्शन गरिन् र लगातार बचाउ गरिन् । यो नतिजापछि एपीएफ चार अंकमा दोस्रो स्थानमा रह्यो भने ट्रान्सपोर्ट दुई अंकमा चौथो स्थानमा रहिन् । इस्ट बंगाल छ अंकसहित शीर्ष स्थानमा छ । उसले दिनको पहिलो खेलमा कराँची एफसीलाई २–० ले पराजित गरेको थियो । कराँचीको भने तीन खेलबाट दुई अंक छ र तेस्रो स्थानमा छ ।

ट्रान्सपोर्टसँग एपीएफको बराबरी

काठमाडौँ। विराटनगर किंग्सलाई ४० रनले हराउँदै लुम्बिनी लायन्स जारी एनपिएलको उपाधि नजिक पुगेको छ। त्रिवि क्रिकेट रंगशालामा लुम्बिनीले दिएको १३५ रनको लक्ष्य पछ्याएको विराटनगरले १७.५ ओभरमा सबै गुमाएर ९४ रन मात्रै बनाउन सक्यो। जितसँगै लुम्बिनीले उपाधिको लागि शनिबार सुदूरपश्चिम रोयल्ससँग खेल्ने छ। सुदूरले पहिलो क्वालिफायरमा विराटनगरलाई ७७ रनले हराउँदै लगातार दोस्रो सिजन फाइनल प्रवेश गरेको हो।

विराटनगरलाई ४० रनले हराउँदै लुम्बिनी फाइनलमा

काठमाडौँ। जारी नेपाल प्रिमियर लिग एनपिएलको दोस्रो क्वालिफायरमा लुम्बिनी लायन्सले विराटनगर किंग्सलाई १३५ रनको लक्ष्य दिएको छ।&nbsp; त्रिवि क्रिकेट रंगशालामा टस हारेर पहिले ब्याटिङ थालेको लुम्बिनीले निर्धारित २० ओभरमा ८ विकेट गुमाएर १३४ रन बनायो।

लुम्बिनीले विराटनगरलाई दियो १३५ रनको लक्ष्य

काठमाडौँ । नेपाल प्रिमियर लिग (एनपिएल) अन्तर्गत आज दोस्रो क्वालिफायर अन्तर्गतको खेल हुँदैछ। दोस्रो क्वालिफायरमा विराटनगर किंग्स र लुम्बिनी लायन्सबीच दिउँसो ४ बजेदेखि खेल हुँदैछ। विराटनगर पहिलो क्वालिफायरमा सुदूरपश्चिम रोयल्ससँग पराजित भएर दोस्रो क्वालिफायर खेल्न लागेको हो भने लुम्बिनीले इलिमिनेटरमा काठमान्डू गोर्खाजलाई पराजित गरेर दोस्रो क्वालिफायर खेल्न लागेको हो। विराटनगर लुम्बिनीसँग ७७ रनले पराजित भएको थियो भने लुम्बिनीले ४ विकेटको जित हात पारेको थियो। यस अघि लिग चरणको खेलमा लुम्बिनीले विराटनगरलाई ५ विकेटले पराजित गरेको थियो।

एनपिएल : दोस्रो क्वालिफायरमा विराटनगर र लुम्बिनी भिड्दै

आर्सनलले युरोपेली च्याम्पियन्स लिगमा बुधबार लगातार छैटौं जित हात पारेको छ । क्लब ब्रुगलाई ३–० को हराएयता आर्सनलको छ खेलबाट १८ अंक भएको छ र शीर्ष स्थानमा छ । इंग्लिस प्रिमियर लिग क्लबको १८ अंक भएको छ र यो दोस्रोमा रहेको बायर्न म्युनिकमाथि तीन अंकको अग्रता हो । यो जितले मिखेल आर्टेटाको आर्सनलको शीर्ष आठमा रहेर सिधै अन्तिम १६ को खेल खेल्ने सम्भावना लगभग निश्चित जस्तै भएको छ। आर्सनलका लागि नोनी माडुकेले दुई तथा ग्याब्रिएल मार्टिनेली एक गोल गरे । अर्को प्रमुख खेलमा म्यानचेस्टर सिटीले रियल म्याड्रिडलाई २–१ ले पराजित गर्‍यो । बर्नाबाउमा भएको खेलमा रियलले रोड्रिगोको गोलले अग्रता लिए पनि त्यसलाई कायम राख्न सकेन् । पेप ग्वार्डिओलाको सिटीका तर्फबाट निको ओरेलीले बराबरी गोल गरे भने इर्लिङ हालान्डले पेनाल्टीबाट ४३ औं मिनेटमा निर्णायक गोल गरे । सिटी १३ अंकमा चौथो स्थानमा छ । यस्तै अन्य खेलमा आयाक्सले कोराबागलाई ४–२, कोपनहेगनले भिल्लारियललाई ३–२, बेनफिकाले नेपोलीलाई २–० र युभेन्ट्सले पाफोसलाई २–० ले पराजित गर्‍यो । एथलेटिको बिलबाओ र पेरिस सेन्ट जर्मेन (पीएसजी) ले ०–०, बायर लेभरकुजन र न्युकासल युनाइटेडले २–२, बोरुसिया डर्टमुन्ड र बोडो/ग्लिम्टले २–२ को बराबरीमा चित्त बुझाए । पीएसजी १३ अंक भएको छ र उसले दोस्रोमा उक्लने अवसर गुमाएको छ ।

आर्सनलको लगातार छैटौं जित

काठमाडौँ। काठमान्डू गोर्खाजलाई ४ विकेटले हराउँदै लुम्बिनी लायन्स जारी नेपाल प्रिमियर लिगको क्वालिफयर दुईमा पुगेको हो।&nbsp; काठमान्डूले दिएको ११२ रनको सामान्य लक्ष्य १७।४ ओभरमा ६ विकेट गुमाएर पूरा गर्यो लुम्बिनीकका ओपनर डार्सीले सर्वाधिक ३३ रन बनाए। सन्दीप जोरा २३, कप्तान रोहित कुमार पौडेल १८ र निरोसन डिकोलाले १४ रन बनाए।&nbsp; काठमान्डूका सन्तोष यावद २, रासिद खान, कप्तान करण केसी, साहब आलम र सन्नि पट्टेलले समान एक विकेट लिए।&nbsp; त्यसअघि त्रिवि क्रिकेट रंगशालामा टस जितेर पहिले ब्याटिङ थालेको काठमान्डुले १९.१ ओभरमा सबै विकेट गुमाएर १११ रन बनाएको थियो। खराब सुरुआत गरेको काठमान्डूले पावरप्लेमै ५ विकेट गुमाएर २९ बनाएको थियो। काठमान्डूका सन्तोष यादवले सर्वाधिक २३ रन बनाए।&nbsp; महोमद आदिल आलम र जोन सिम्सनले समान १८ रन बनाए। यस्तै, भिम सार्की १४, कप्तान करण केसीले ९ रन बनाए। लुम्बिनीका शेर मल्ल र कप्लेतान रोहित कुमार पौडेलले समान ३ विकेट लिए। रुवेश ट्रम्पलम्यानले २, अभिषेक गौतम १ विकेट लिए। जितसँगै लुम्बिनीले फाइनल प्रवेशको लागि विराटनगर किंग्ससँग बिहिवार खेल्ने छ। बिराटनगर मंगलबार भएको पहिलो क्वालिफयरमा सुदूरपश्चिम रोयल्ससँग ७७ रनले पराजित हुँदै दोस्रो क्वालिफयरमा आइपुगेको हो।

काठमान्डूलाई हराउँदै लुम्बिनी दोस्रो क्वालिफायरमा

काठमाडौँ। लुम्बिनी लायन्सका कप्तान रोहितकुमार पौडेले नेपाल प्रिमियर लिग एनपिएलमा ५०० रन पूरा गरेका छन्।&nbsp; त्रिवि क्रिकेट रंगशालामा इलिमिनेटको खेलमा काठमाडौं गोर्खाजले दिएको ११२ रनको लक्ष्य पछ्याउने क्रममा उनले सो उपलब्धि हासिल गरेका हुन्।&nbsp; यस खेलमा उनी २५ बलमा १८ रन बनाएर आउट भए। यो सँगै उनको ५०५ रन पुगेको छ। एनपिएलमा ५०० रन पूरा गर्ने पहिलो नेपाली खेलाडी बनेका छन्।&nbsp; उनलाई सुदूरपश्चिम रोयल्सका ओपनर बिनोद भण्डारीले ४९९ रन बनाएर पछ्याएका छन्। यसअघि चितवन राइनोजका रबि बोपराले ५०० रन पूरा गरेका छन्। १५ खेलमा ५२३ रन बनाएका छन्।&nbsp; रोहितले १५ खेलमा ५०० रन पूरा गरेका हुन्। यस्तै सुदूरका कप्तान दिपेन्द्र सिंह ऐरीले १७ खेलमा ३७६ रन बनाएर तेस्रो स्थानमा छन्।

एनपिएलमा रोहितको ५०० रन पूरा

काठमाडौँ। इलिमिनेटको खेलमा काठमाडौं गोर्खाजले लुम्बिनी लायन्सलाई ११२ रनको विजयी लक्ष्य प्रस्तुत गरेको छ। त्रिवि क्रिकेट रंगशालामा टस जितेर पहिले ब्याटिङ थालेको काठमान्डुले १९.१ ओभरमा सबै विकेट गुमाएर १११ रन बनायो। खराब सुरुआत गरेको काठमान्डूले पावरप्लेमै ५ विकेट गुमाएर २९ बनाएको थियो। काठमान्डूका सन्तोष यादवले सर्वाधिक २३ रन बनाए।&nbsp; महोमद आदिल आलम र जोन सिम्सनले समान १८ रन बनाए। यस्तै, भिम सार्की १४, कप्तान करण केसीले ९ रन बनाए। लुम्बिनीका शेर मल्ल र कप्लेतान रोहित कुमार पौडेलले समान ३ विकेट लिए। रुवेश ट्रम्पलम्यानले २, अभिषेक गौतम १ विकेट लिए। यस खेलको विजेताले फाइनल प्रवेशको लागि विराटनगर किंग्ससँग बिहिवार खेल्ने छ।

लुम्बिनीलाई काठमान्डूले दियो ११२ रनको लक्ष्य

मोहमद सलाहविनाको लिभरपुलले युरोपेली च्याम्पियन्स लिगमा मंगलबार इन्टर मिलानलाई उसकै घरमा १–० ले पराजित गरेको छ । प्रशिक्षक आर्ने स्लटको चर्को आलोचना गरेपछि क्लबले इजिप्टका स्टार खेलाडीलाई इटाली लगेको थिएन् । सानसिरोमा भएको खेलमा डोमिनिक सबोसलाईले ८८ औं मिनेटमा पेनाल्टीबाट एक मात्र निर्णायक गोल गरे । यससँगै इन्टरको घरमा युरोपेली फुटबलका १८ खेलको अपराजित यात्रा टुंगेको छ । प्रतियोगिताका छ खेलमध्ये चारमा विजयी रहेर लिभरपुल आठौं स्थानमा उक्लेको छ । अन्य प्रमुख खेलमा बार्सिलोनाले फ्रायन्कफर्टलाई २–१ ले हराएको हो भने बायर्न स्पोर्टिङ लिस्वनमाथि ३–१ ले विजयी रह्यो । बायर्न १५ अंकसहित दोस्रो स्थानमा छ भने लिभरपुल १२ अंकमा आठौं स्थानमा रह्यो । बार्सिलोना भने १० अंकमा १४ औं स्थानमा छ । टोटनहमले अर्को खेल स्लाभिया प्रागलाई ३–० ले हरायो र ११ अंकमा नवौं स्थानमा रह्यो । इन्टर आफै भने १२ अंकमा पाँचौं स्थानमा छ । चेल्सी भने एटलान्टनासँग २–१ ले पराजित रह्यो । यस्तै एटलेटिको म्याड्रिड पीएसभी आयनहोभनमाथि ३–२ ले विजयी रह्यो भने ओलम्पियाकोसले आल्माटीलाई १–०, मोनाकाले गालातासारेलाई १–० र मार्सेले युनियन सेन्ट गिलोसालई ३–० ले पराजित गर्‍यो ।

सलाहविनाको लिभरपुलको जित

काठमाडौँ। विराटनगर किंग्सलाई ७८ रनले हराउँदै सुदूरपश्चिम रोयल्स लगातार दोस्रो पटक एनपिएलको फाइनलमा प्रवेश गरेको छ। सुदूरपश्चिमले दिएको १५६ रनको विजयी लक्ष्य पछ्याएको विराटनगरले १४.१ओभरमा सबै विकेट गुमाएर ७८ रन मात्रै बनाउन सक्यो।&nbsp; जितसँगै सुदूर उपाधि नजिक पुगेको छ। पराजित विराटनगरले भने इलिमिनेटरको बिजेतासँग खेल्नेछ। इलिमिनेटर बुधबार लुम्बिनी लायन्स र काठमान्डू गोर्खाजबीच खेल हुँदैछ। विराटनगरका ओपनर फाफ डु प्लेसिसले २९ बलमा सर्वाधिक ३६ रन बनाए। बसिर अहमदले १२ रन बनाउनु बाहेक अन्यले दोहोरो अंकमा रन बनाउन सकेन्न। यता, सुदूरका हर्मित सिंह, स्कट कुग्ल्याने र अविनाश बोहराले समान २ विकेट लिए। हेमन्त धामी र कप्तान दिपेन्द्र सिंह ऐरी समान एक विकेट लिए। त्यसअघि &nbsp;त्रिवि क्रिकेट रंगशालामा टस हारेर पहिले ब्याटिङ थालेको सुदूरले निर्धारित २० ओभरमा ७ विकेट गुमाउँदै १५५ रन बनाएका थियो। सुदूरका विनोद भण्डारीले ६३ रन बनाए। उनले ५२ बलमा ३ चौका र दुई छक्का प्रहार गरे। आरिफ शेखले १३ बलमा २० रनको योग्दान दिए। यस्तै, शेल्डन ज्याक्सनले ११ बलमा २० रन, हर्मित सिंह १४, इशान पाण्डे १३ रन बनाउँदा मुख्तार अहमद १० रन बनाएर आउट भए।&nbsp; यता, विराटनगरका प्रतिश जिसी र मार्चेन डे लिङ्गाले समान २, सुर्य तामाङ र साम हेज्लेटले समान एक विकेट लिए।

विराटनगरलाई हराउँदै सुदूरपश्चिम लगातार दोस्रो पटक फाइनलमा

काठमाडौँ। ओपनर विनोद भण्डारीको अर्धशतकको सहयोगमा सुदूरपश्चिम रोयल्सले विराटनगर किंग्सलाई फाइनल प्रवेशको लागि १५६ रनको लक्ष्य दिएको छ। त्रिवि क्रिकेट रंगशालामा टस हारेर पहिले ब्याटिङ थालेको सुदूरले निर्धारित २० ओभरमा ७ विकेट गुमाउँदै १५५ रन बनायो। सुदूरका विनोद भण्डारीले ६३ रन बनाए। उनले ५२ बलमा ३ चौका र दुई छक्का प्रहार गरे। आरिफ शेखले १३ बलमा २० रनको योग्दान दिए। यस्तै, शेल्डन ज्याक्सनले ११ बलमा २० रन, हर्मित सिंह १४, इशान पाण्डे १३ रन बनाउँदा मुख्तार अहमद १० रन बनाएर आउट भए।&nbsp; यता, विराटनगरका प्रतिश जिसी र मार्चेन डे लिङ्गाले समान २, सुर्य तामाङ र साम हेज्लेटले समान एक विकेट लिए।

विनोदको अर्धशतकमा विराटनगरलाई १५६ रनको लक्ष्य

काठमाडौँ। दोस्रो सिजनको नेपाल प्रिमियर लिग (एनपिएल) को आज पहिलो क्वालिफायर खेल हुँदैछ।&nbsp; पहिलो क्वालिफायरको खेल लिग चरणमा शीर्ष दुईमा रहेका सुदूरपश्चिम रोयल्स र विराटनगर किंग्सबीच दिउँसो ४ बजेदेखि सुरु हुँदैछ। लिग चरणमा सुदूरले ७ खेलमा ६ जित हासिल गरेको थियो भने एक खेल विराटनगरसँग हारेको थियो। त्यस्तै विराटनगरले भने आफ्ना ७ खेलमा ५ खेलमा जित हासिल गरेको थियो। विराटनगर लुम्बिनी लायन्स र चितवन राइनोजसँग पराजित भएको थियो। यस खेलको विजेता सिधै फाइनलमा पुग्ने छ भने पराजित हुने टिमले दोस्रो क्वालिफायर खेल्ने अवसर पाउने छ। सुदूर पहिलो सिजनको उपविजेता टिम हो भने पहिलो सिजनमा लिग चरणबाट बाहिरिएको विराटनगरले यस सिजनमा दोस्रो स्थानमा रहँदै पहिलो क्वालिफायर खेल्न लागि रहेको हो।

एनपिएल : पहिलो क्वालिफायरमा सुदूरपश्चिम र विराटनगर भिड्दै

प्रशिक्षक रुबेन एमोरिमले दाबी गरेका छन्, म्यानचेस्टर युनाइटेडमा पछिल्लो समय धेरै सुधार आएको छ । यसैक्रममा युनाइटेडले सोमबार इंग्लिस प्रिमियर लिगमा सोमबार उल्भ्समाथि ४–१ को जित दर्ता गरेको छ । खराव लयमा रहेको उल्भ्सको घरमा युनाइटेड पूर्णतः हाबी रह्यो । युनाइटेडका लागि ब्रुनो फर्नान्डेज नायक रहे र उनले २५ र ८२ औ मिनेटमा दुई गोल गरे । यस्तै ब्रायन एमबुमोले ५१ र मेसन माउन्टले ६२ औं मिनेटमा एक एक गोल गरे । जिन रिकनरले उल्भ्सका लागि पहिलो हाफको अन्त्यतिर एक गोल फर्काए । यो जितसँगै युनाइटेडको २५ अंक भएको छ र छैटौं स्थानमा उक्लेको छ । यो शीर्ष चारसँग एक अंकको मात्र दूरी हो र युनाइटेडले अब अर्को सिजन च्याम्पियन्स लिग खेल्नेबारे सोच्न सक्नेछ ।

एमोरिमको दाबी, युनाइटेडमा धेरै सुधार

सब्टिच्युट खेलाडीको रूपमा मैदानमा प्रवेश गर्दै क्रिस्टियन पुलिसिचले दुई गोल गरेपछि एसी मिलानले इटालीको सिरी ए मा सोमबार टुरिनमाथि ३–२ को पुर्नआगमन जित रचेको छ । उनले ६७ र ७७ औं मिनेटमा गोल गरेका हुन् । टुरिनले निकोला भ्यासिच र डुभान जापाटाको गोलले सुरुआती १७ मिनेट भित्र अग्रता लिएको थियो । एडरिन राबोटले २४ मिनेटमा गोल गर्दै मिलानको पुर्नआगमन सुरु गरे । त्यसपछि पुलिसिच मिलानका लागि नायक सावित भएका हुन् । मिलानको १४ खेलबाट ३१ अंक भएको छ । नेपोलीको पनि ३१ अंकमै रहेको छ । मिलान गोल अन्तरले अगाडि रहेको हो ।

मिलानको जितमा पुलिसिच नायक

काठमाडौँ। पाकिस्तानको कराँची सिटी एफसीले साफ महिला क्लब च्याम्पियनसिपको लगातार खेलमा पनि बराबरी खेलेको छ।&nbsp; त्रिपुरेश्वस्थित दशरथ रंगशामा सोमाबार सम्पन्न खेलमा कराँचीले बंगलादेशको नासरिन स्पोर्ट्स एकेडेमीसँग गोलरहित खेल्दै अंक बाँडेका हुन्।&nbsp; यो सँगै नासरिनले पहिलो एक अंक जोडेको छ भने कराँचीले दुई खेलबाट दुई अंक जोडेको छ। नासरिन यसअघि पहिलो खेलमा नेपालको एपिएफ क्लबसँग पराजित भएको थियो।

कराँचीको दोस्रो बराबरी

काठमाडौँ। साफ महिला क्लब च्याम्पियनसिपमा भारतको इष्ट बंगाल एफसीले विजयी सुरुआत गरेको छ। त्रिपुरेश्वस्थित दशरथ रंगशालामा सोमाबार सम्पन्न दिनको पहिलो खेलमा बंगालले भुटानको ट्रान्सपोर्टस युनाइटेड एफसीलाई ४–० ले पराजित गरेको हो। इष्ट बंगालको जितमा कप्तान फाजिला इक्वापुतले दुई, रेस्टि नान्जिरि र सुलाजना राईले एक गोल गरिन्। पहिलो हाफमा १–० को अग्रता बनाएको बंगालले दोस्रो हाफमा थप तीन गोल गर्न सफल भयो। खेलको ३६औँ मिनेटमा फाजिलालले गोल गर्दै बंगाललाई १–० को अग्रता दिलाइन्। यस्तै, ६०औँ मिनेटमा सुलजनाले गोल गरिन्। फाजिलाले ६३औँ मिनेटमा व्यक्तिगत दोस्रो तथा टिमको लागि तेस्रो गोल गरिन्। ७२औँ मिनेटमा रेस्टि नान्जिरिले गोल गर्दै खेलमा फराकिलो जित दिलाइन्। यो सँगै पहिलो खेलमै बंगालले तीन अंक जोड्न सफल भएको छ। ट्रान्सपोर्टसले यसअघि आफ्नो पहिलो खेलमा पाकिस्तानको कराँची एफसीसँग गोलरहित बराबरीमा रोकिएको थियो।

इष्ट बंगालको सुखद सुरुआत

नेपोलीले इटालीको सिरी ए को शीर्षमा आइतबार एक अंकको अग्रता खोलेको छ र यसका लागि उसले युभेन्ट्सविरुद्धको महत्त्वपूर्ण खेल २–१ ले जितेको हो । उसका लागि दुवै गोल रसमन होजल्यान्डले गरे । यी गोल सात र ७८ औं मिनेटमा सम्भव भएका हुन् । त्यसबीच येनन यिडिजले ५९ औं मिनेटमा युभेन्ट्सका लागि एक गोल फर्काए । यो जितपछि नेपोलीको १४ खेलबाट ३१ अंक भएको छ । यो दोस्रोमा रहेको इन्टर मिलानमाथि एक अंकको अग्रता हो । उपाधि होडमा रहेको एएस रोमा भने कागिलिरीसँग १–० पराजित रह्यो र २७ अंकमै सीमित रह्यो । कागलिरीका लागि एक माब गोल जियानलुका गानाटोले ५२ औं मिनेटमा गरका हुन् ।

एक अंकको अग्रतामा नेपोली अगाडि

नौ खेलाडीमा सीमित रियल म्याड्रिड आइतबार स्पेनी ला लिगामा सेल्टा भिगोको हातबाट २–० ले स्तब्ध भएको छ र यो हारले प्रशिक्षक ज्याभी एलोन्सो दबाबमा रहनेछन् । बर्नाबाउमा भएको खेलमा सेल्टा भिगोका लागि दुवै गोल विलिट स्वेडबर्गले गरे । उनले ५४ औं मिनेटमा पहिलो गोल गरे र दोस्रो हाफको इन्ज्युरी समयमा दोस्रो गोल थपे । रियल १६ खेलमा ३६ अंकमा सीमित रहेर दोस्रो स्थानमा रह्यो र यो शीर्षमा रहेको बार्सिलोनासँग चार अंकको दूरी हो । सेल्टा भिगो भने १९ अंकमा दोस्रो स्थानमा उक्लेको छ । आइतबारका अन्य खेलमा अन्य खेलमा एल्चेले जिरोनालाई ३–० र इस्पनयोलले रायो भालेकानोलाई १–० ले पराजित गर्‍यो भने भ्यालेन्सिया र सेभियाले १–१ को बराबरीमा चित्त बुझाए ।

सेल्टा भिगोसँग रियल स्तब्ध

अर्को सिजन युरोपमा खेल्ने दाबी फेस गर्ने क्रममा त्रिस्टल प्यालेसले इंग्लिस प्रिमियर लिगमा आइतबार फुलहमलाई २–१ ले हराएको छ । उत्कृष्ट लयमा रहेको प्यालेसको १५ खेलबाट २६ अंक भएको छ र चौथो स्थानमा उक्लेको छ । क्राभेन कटेजमा भएको खेलमा प्यालेसका लागि एडि एनकेटिह र मार्क गुइहीले एक एक गोल गरे । फुलहमका तर्फबाट भने ह्यारी विल्सनले गोल गरे । लिगमा प्यालेसको १५ खेल पुग्दा यो अहिलेसम्मकै उत्कृष्ट सुरुआत हो । फुलहम भने १७ अंकमा १५ औं स्थानमा रह्यो । यस्तै ब्राइटन र वेस्ट ह्यामले १–१ को बराबरीमा चित्त बुझाए । ब्राइटन २३ अंकमा सातौं तथा वेस्ट ह्यामा १३ अंकमा १८ औं स्थानमा संघर्ष गरिरहेको छ ।

Nepalsports

⚽ Upcoming Matches

🎖 Recent Matches

📰 Recent News

Nepalsports