Nepal

Sanish Shrestha

Bishal Shrestha

Deep Karki

Kiran Kumar Limbu

प्रशिक्षक इगोर टुडोरले आइतबार टोटनहम छाडेका छन् र उनी इंग्लिस प्रिमियर लिग क्लबमा ४४ दिन मात्र टिके । टोटनहम अहिले रेलिगेसनबाट बच्न संघर्षरत छ र अंक तालिकाको १७ औं स्थानमा छ । यो रेलिगेसनबाट एक अंकको दूरी मात्र हो । उसको पछाडि वेस्ट ह्याम रहेको छ । क्रोएसियाली प्रशिक्षकलाई फेब्रवरीमा थोमस फ्रान्क वर्खास्तीमा परेपछि नियुक्त गरिएको हो । तर उनी आएयता पनि टिमको प्रदर्शनमा सुधार भएन् । टोटनहम आफ्नो पछिल्लो खेलमा रेलिगेसनबाट बच्न संघर्षरत अर्को क्लब नटिंघम फरेस्टसँग हारेपछि दबाब अझ बढेको हो । उसले पछिल्ला १३ खेलमा स्पष्ट जित निकाल्न सकेको छैन् र लगातार खराव खेलिरहेको छ ।

४४ टिम मात्र टिके टुडोर

काठमाडौं। कुशल मल्लाको उत्कृष्ट ब्याटिङको मद्दतमा त्रिभुवन आर्मी क्लबले बागमती प्रदेशलाई ३ विकेटले पराजित गरेको छ। माथिल्लो मुलपानी क्रिकेट मैदानमा बागमतीले दिएको २०९ रनको लक्ष्य पछ्याएको आर्मीले २७ ७ ओभरको ७ विकेट गुमाउँदै २१० रन बनाएको हो। आर्मीका लागि कुशल मल्लाले अविजित ९० रनको शानदार इनिङ्स खेले। उनले ५८ बलमा ३ चौका र ८ छक्का प्रहार गर्दै टोलीलाई जिततर्फ पुर्‍याए। त्रितराज दासले ५४ रन जोड्दा नरेन साउदले २६ रनको योगदान दिए। अन्य ब्याटरले भने उल्लेखनीय प्रदर्शन गर्न सकेनन्। बलिङतर्फ बागमतीका इशान पाण्डे र विवेक मगरले समान २–२ विकेट लिए। रिजन ढकाल, सन्दीप लामिछाने र सोनु देवकोटाले समान १–१ विकेट हात पारे। त्यसअघि पहिले ब्याटिङ थालेको बागमतीले २८ ओभरमा ७ विकेट गुमाएर २०७ रन नबाएको थियो।

कुशल मल्लाको विस्फोटक इनिङ्समा आर्मीले बागमतीलाई हरायो

काठमाडौं। गण्डकी प्रदेशले प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा विभागीय टोली एपिएफमाथि ऐतिहासिक जित दर्ता गरेको छ। तल्लो मुलपानी क्रिकेट रंगशालामा आइतबार सम्पन्न खेलमा गण्डकी ४३ रनले विजयी भयो। गण्डकीले दिएको १५१ रनको लक्ष्य पछ्याएको एपिएफ १८.३ ओभरमा सबै विकेट गुमाउँदै १०७ रनमै समेटियो। एपिएफका सुमित महर्जनले २२ रन बनाउँदा ओपनरद्वय लोकेश बम र आशिफ शेखले समान १४ रन जोडे। करन केसीले १७ रन बनाए पनि अन्य ब्याटरले उल्लेखनीय प्रदर्शन गर्न सकेनन्। गण्डकीका अपराजित पौडेल र सिब्रिन श्रेष्ठले समान ३ विकेट लिए। सुवास भण्डारीले २ तथा कमल परियारले १ विकेट हात पारे। यससँगै गण्डकीले जारी प्रतियोगितामा पहिलो जित दर्ता गर्नुका साथै एपिएफविरुद्ध इतिहासमै पहिलो पटक जित निकाल्न सफल भयो। यसअघि टस हारेर पहिले ब्याटिङ गरेको गण्डकीले निर्धारित २१ ओभरमा ७ विकेट गुमाउँदै १५० रनको प्रतिस्पर्धात्मक योगफल तयार पारेको थियो।

एपिएफमाथि गण्डकीको ऐतिहासिक जित

इन्डियन प्रिमियर लिग (आईपीएल) २०२६ शनिबारदेखि सुरु भएको छ र त्यसको उद्घाटन खेलमा रोयल च्यालेन्जर्स बेंगलुरु विजयी रह्यो । बेंगलुरुमा भएको खेलमा डिफेन्डिङ च्याम्पियन २६ बलको खेल बाँकी छँदा सनराइज हैदरावादमाथि छ विकेटले विजयी रहेको हो । पहिले ब्याटिङ गरेको हैदरावादले नौ विकेटमा २ सय १ रन बनाएको थियो । त्यो स्कोर पूर्णतः कप्तान इसान किसनको ८० रनमा टिकेको थियो । उनले ३८ बल मात्र सामना गरेर आठ चौका र पाँच छक्का प्रहार गरे । त्यस बाहेक अंकित वर्षमाले ४३ र हेनरिक क्लासेनले ३१ रन बनाए । बेंगलुरुका बलरमधये ज्याकब डफि र रोमारियो सेपार्डले तीन तीन विकेट लिए । जवाफमा बेंगलुरुले चार विकेटमा २ ुउ ३ रन बनाएको थियो । विराट कोहली ओपनरका रूपमा ६९ रन बनाएर नटआउट रहे । यस्तै देवदत्त पाडिकलले ६१ रनको योगदान गरे ।

बेंगलोरको विजयी सुरुआत

काठमाडौं। नेपाल भलिबल संघको आयोजनामा हुने&nbsp; १०औं संस्करणको प्रधानमन्त्री कप राष्ट्रिय महिला तथा पुरुष भलिबल लिग बैशाख १० गतेबाट सुरु हुने भएको छ।&nbsp; शनिबार काठमाडौं पत्रकार सम्मेलनमार्फत एनभिएले प्रतियोगिताको बारेमा जानकारी गाएको हो। प्रतियोगिता बैशाख १० देखि १९ गतेसम्म त्रिपुरेश्वरस्थित दशरथ रंगशालाको कभर्डहलमा हुनेछ। यस्तै, विजेताले १० लाख पाउनेछ। उपविजेताले ५ लाख तथा तेस्रो हुनेले २ लाख ५० हजार पाउनेछ।&nbsp; यस्तै, विधागतर्फ सर्वोत्कृष्ट खेलाडीले ६०/६० हजार पाउनेछ। अन्य खेलाडीले ३०/३० हजार तथा उपत्यका बाहिरको टिमलाई बस्न र खानको लागि प्रतिव्यक्ति १२ सय तथा उपत्यका भित्रका खेलाडीहरुले ३०० सय पाउनेछन्। प्रतियोगिता सम्पन्नको लागि १ करोड १५ अनुमानि खर्च हुने संघले जनाएको छ। जसमा हरेक टिमले तीन बिदेशी खेलाडी राख्न पाउनेछ।&nbsp; प्रतियोगिता तीन विभागीय ८ पुरुष तथा ६ महिला टोलीसहित कुल १४ टिमको सहभागीता रहेको छ।

प्रधानमन्त्री कप एनभीए लिग :  बैशाख १० देखि, विजेताले १० लाख पाउने

काठमाडौं, नेपाल साफ यू–२० च्याम्पियनसिपको सेमिफाइनलमा प्रवेश गरेको छ। समूह ‘ए’ को विजेता बन्दै नेपाल अन्तिम चारमा पुगेको हो। शुक्रबार भएको खेलमा नेपालले घरेलु टोली माल्दिभ्ससँग १–१ को बराबरी खेलेपछि शीर्ष स्थान कायम गर्दै सेमिफाइनलमा स्थान सुरक्षित गरेको हो। मालेस्थित राष्ट्रिय फुटबल रंगशालामा भएको खेलमा नेपालका लागि निशानराज लावत र माल्दिभ्सका कप्तान मोहम्मद इमरानले गोल गरे। १५औँ मिनेटमा इमरानले गोल गर्दै माल्दिभ्सलाई अग्रता दिलाएका थिए। तर खेल सकिन ३ मिनेट बाँकी रहँदा निशानले नेपालका लागि बराबरी गोल फर्काए। सुवास बमको फ्रिकिक गोल क्षेत्रसम्म पुगेपछि त्यसलाई सदुपयोग गर्दै निशानले गोल गरेका थिए। यस नतिजासँगै नेपालले ३ खेलबाट ७ अंक जोड्दै समूह विजेता बन्यो। माल्दिभ्सले भने समान ३ खेलबाट २ अंक जोड्यो। समूह चरणमा नेपालले यसअघि भुटान र श्रीलंकालाई पराजित गरेको थियो।

नेपाल समूह विजेता बन्दै सेमिफाइनलमा

काठमाडौं। प्रधानमन्त्री कप एकदिवसीय राष्ट्रिय प्रतियोगिताअन्तर्गत सुदूरपश्चिम प्रदेशले काेशीविरुद्ध अर्काे जित दर्ता गरेकाे छ। विरगञ्जकाे नारायणी क्रिकेट मैदानमा शुक्रबार समपन्न खेलमा सुदूरले काेशीलाई ७ विकेटले पराजित गरेकाे हाे। काेशीले दिएकाे १३१ रनको लक्ष्य सुदूरपश्चिमले १९.५ ओभरमा मात्र ३ विकेट गुमाएर पूरा गर्याे। जितसँगै सुदूरले तीन खेलबाट ४ अंक जाेडेकाे छ। चार खेलबाट काेशीकाे एक अंक छ।&nbsp; सुदूरपश्चिमका लागि खडक बोहोराले आक्रामक ब्याटिङ गर्दै ४५ बलमा ६६ रन बनाए। उनले ९ चौका र ३ छक्का प्रहार गर्दै खेलको दिशा नै परिवर्तन गरे। किरण थगुन्ना २५ रनमा अविजित रहँदा लोकेन्द्र चन्दले ६ रन जोड्दै टोलीलाई जितसम्म पुर्‍याए। टिमको सुरुवात भने सामान्य रह्यो। अभिषेक पाल १४ रनमा आउट भए भने प्रकाश पाण्डे ४ रनमै पेभिलियन फर्किए। तर त्यसपछि खडक बोहोराले आक्रामक खेल्दै मध्यमक्रम सम्हाले। बलिङतर्फ विपिन महतोले २ विकेट लिए भने ज्ञानन्द्र श्रेष्ठले १ विकेट हात पारे।&nbsp; त्यसअघि पहिले ब्याटिङ गरेको कोशी प्रदेश ४३.४ ओभरमा १३० रनमै अलआउट भएको छ। कोशीका लागि सुमन श्रेष्ठले सबैभन्दा बढी २४ रन बनाए भने शिवाश बजगाईंले २५ रनको योगदान दिए। दीपेश कँडेलले २० रन जोड्दा अन्य ब्याटरले उल्लेखनीय प्रदर्शन गर्न सकेनन्। शाकिब हक (१५) र फिर्दोस अन्सारी (१८) ले सुरुवात राम्रो गरे पनि त्यसलाई ठूलो इनिङमा परिणत गर्न सकेनन्। बलिङतर्फ सुदूरपश्चिमका हेमन्त धामीले उत्कृष्ट प्रदर्शन गर्दै ९ ओभरमा २६ रन खर्चेर ४ विकेट लिए। नारायण जोशी र सौर्य श्रेष्ठले समान १–१ विकेट लिए भने किरण थगुन्नाले २ विकेट हात पारे।

पीएम कप : कोशीविरुद्ध सुदूरपश्चिम ७ विकेटले विजयी

काठमाडौं। प्रधानमन्त्री कप एकदिवसीय राष्ट्रिय प्रतियोगिताअन्तर्गत लुम्बिनी प्रदेश कमजोर प्रदर्शन गर्दै ९९ रनमै अलआउट भएको छ। १२५ रनको सामान्य लक्ष्य पछ्याएको लुम्बिनी २६ ओभरमा अलआउट भयो। लुम्बिनीको सुरुवात निकै खराब रह्यो। ओपनर रणजीत खड्का, आकाश त्रिपाठी र प्रज्ज्वल थापा शून्यमै आउट हुँदा टोली दबाबमा परेको थियो। कप्तान देव खनालले १२ रन बनाए पनि ठूलो इनिङ खेल्न सकेनन्। मध्यक्रममा सुमित श्रेष्ठले ३० रनको संघर्षपूर्ण इनिङ खेले पनि अन्य ब्याटरले साथ दिन सकेनन्। सन्देश थापाले १६ रन जोड्दा बाँकी खेलाडी सस्तोमा समेटिए। बलिङतर्फ विशाल पटेलले घातक प्रदर्शन गर्दै ९ ओभरमा २४ रन खर्चेर ५ विकेट लिए। प्रदीप पासवानले २ तथा रुपेश सिंह, मोहम्मद आदिल आलम र आशिक बैठाले समान १–१ विकेट लिए। त्यसअघि रामजानकी मल्टिपल स्टेडियममा पहिले ब्याटिङ थालेको मधेसले १२४ रनमै अलआउट भएको थियो। खेलमा मधेश ३८.१ ओभरमै समेटिएको हो। मधेशका लागि मयान यादवले सर्वाधिक ३१ रन बनाए भने मोहम्मद आदिल आलमले २३ रनको योगदान दिए। पवन सर्राफले १९ रन जोड्दा अन्य ब्याटरले ठूलो इनिङ खेल्न सकेनन्। कप्तान अनिल साह मात्र १ रनमा आउट भए। बलिङतर्फ सन्देश थापाले उत्कृष्ट प्रदर्शन गर्दै ५.१ ओभरमा मात्र १३ रन खर्चेर ३ विकेट लिए। सन्तोष यादवले पनि ३ विकेट हात पार्दा अजय चौहानले २ विकेट लिए। निर्मल गुरुङले किफायती बलिङ गर्दै १ विकेट लिए।

लुम्बिनी प्रदेश ९९ रनमै समेटियो, विशाल पटेलको घातक बलिङ

इटालीले विश्वकप २०२६ को छनोटका लागि बोस्निया एन्ड हर्नगोभिनाको सामना गर्ने भएको छ । त्यसका लागि उसले उत्तरी आयरल्यान्डलाई २–० ले हरायो । त्यसमा सान्ड्रो टोनाली र मोइस किनले एक एक गोल गरे । अन्य खेलमा बोस्निया एन्ड हर्नगोभिनाले वेल्सलाई पेनाल्टीमा ४–२, स्विडेनले युक्रेनलाई ३–१, पोल्यान्डले अल्बानियालाई २–१, टर्कीले रोमानियालाई १–०, कोसोभोले स्लोभाकियालाई ४–३, डेनमार्कले नर्थन मेसेडोनियालाई ४–० र चेक गणतन्त्रले उत्तरी आयरल्यान्डलाई पेनाल्टी ४–३ ले हरायो । अब विश्वकप प्रवेशका लागि स्विडेनले पोल्यान्ड, टर्कीले कोसोभो र डेनमार्कले चेक गणतन्त्रको सामना गर्नेछ ।

इटालीको विश्वकप सम्भावना कायम

काठमाडौं, ओपनर शंकर रानाको शानदार शतकमा विभागीय नेपाल पुलिसले दाेस्राे जित दर्ता गरेकाे छ। प्रधानमन्त्री कप एकदिवसीय राष्ट्रिय क्रिकेट प्रतियागिता अन्तर्गत माथिल्लाे मुलपानी क्रिकेट मैदानमा पुलिसले बागमती प्रदेशलाई ७ विकेटले जित दर्ता गरेकाे छ। बागमतीले दिएकाे २६५ रनकाे लक्ष्य पछ्याएकाे पुलिसले ४४ ओभरमा तीन विकेट गुमाएर २७१ बनायाे। पुलिसका दिनेश खरेल र शंकर रानाले शानदार इनिङ्स खेले। खरेलले ७० रन बनाउँदा रानाले ११६ रनको शतकीय पारी खेले। यी दुईबीच पहिलो विकेटका लागि १५९ रनको महत्वपूर्ण साझेदारी बनेको थियो। त्यसपछि दिल्साद अली ८ रनमै आउट भए पनि कप्तान आरिफ शेखले अविजित ४३ रन बनाए। अन्तिमतिर राशिद खानले केवल २ बलमा १० रन जोड्दै टोलीको स्कोर अझ मजबुत बनाए। पुलिसले २४ रन अतिरिक्तका रूपमा प्राप्त गर्याे। बलिङतर्फ बागमतीका रिजन ढकाल, सन्दीप लामिछाने र सुभाष खत्रीले समान १–१ विकेट लिए।

शंकरको शतकमा पुलिस विजयी

काठमाडौं। विभागीय टोली त्रिभुवन आर्मी क्लबले प्रधानमन्त्री कप एकदिवसीय राष्ट्रिय क्रिकेट प्रतियागितामा लगातार दोस्रो जित दर्ता गरेको छ। तल्लो मुलपानी क्रिकेट रंगशालामा गण्डकी प्रदेशले दिएको २१० रनको लक्ष्य पछ्याएको आर्मीले उत्कृष्ट ब्याटिङ प्रदर्शन गर्दै ३४ ओभरमै ३ विकेट गुमाएर २१० रनको लक्ष्य सहजै पूरा गरेको छ। यस जितसँगै आर्मीले लगातार दोस्रो जित दर्ता गरेको छ भने्ले गण्डकीले लगातार दोस्रो हार व्यहोरेको छ। आर्मीका लागि ओपनर तथा कप्तान विनोद भण्डारीले ५८ रनको योगदान गरे। अर्का ओपनर तिर्थराज दासले ५१ रन बनाउँदै राम्रो सुरुवात दिलाएका थिए। &nbsp;दुईबीच पहिलो विकेटका लागि ११० रनको महत्वपूर्ण साझेदारी भयो। त्यसपछि भीम शार्की ५४ रन र कुशल मल्ल ४३ रनमा अविजित रहँदै टोलीलाई सहज जित दिलाए। गण्डकीका सुभाष भण्डारीले २ विकेट लिए भने विपिन खत्रीले १ विकेट लिए।&nbsp; यसअघि टस जितेर पहिले ब्याटिङ गरेको गण्डकी ४९ दशमलव ४ ओभरमा २०९ रनमा अलआउट भएको थियो। गण्डकीका लागि अर्जुन कुमालले ६७ रन बनाउँदा दीपक डुम्रेले ५१ रनको योगदान दिए।&nbsp; बलिङतर्फ आर्मीका आकाश चन्द र शाहाब आलमले समान ३र३ विकेट लिए भने कुशल मल्लले किफायती बलिङ गर्दै २ विकेट लिए।

पीएम कप: आर्मीको लगातार दोस्रो जित

काठमाडाैं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा बागमती प्रदेशले विभागीय टाेली नेपाल पुलिस क्लबलाई २६६ रनकाे लक्ष्य प्रस्तुत गरेकाे छ। माथिल्लाे मुलपानी क्रिकेट मैदानमा टस जितेर पहिले ब्याटिङ थालेकाे बागमतीले ४९ २ ओभरमा सबै विकेट गुमाएर २६५ रनकाे प्रतिस्पर्धात्मक योगफल तयार पारेको छ। शान पाण्डे र पवन थापाले चौथो विकेटका लागि १२४ रनको शतकीय साझेदारी गरेका थिए। बागमतीका लागि इशान पाण्डेले ८० बलमा ७० रनको उत्कृष्ट इनिङ्स खेले भने पवन थापाले १०१ बलमा ७९ रन जोड्दै टोलीलाई मजबुत स्थितिमा पुर्‍याए। सुरुआती क्रममा आशुतोष घिरैयाँ (२२), शुभ कंसाकार (१४) र शिवम तिवारी (१२) ले सामान्य योगदान दिए। मध्यक्रममा विवेक मगर (७), उत्तम मगर (२१) र प्रतिश जिसी (५) ले सानो–सानो योगदान गरे। कप्तान सन्दीप लामिछानेले १२ बलमा १३ रन बनाए। अतिरिक्ततर्फ बागमतीले १७ रन प्राप्त गर्‍यो। बलिङतर्फ पुलिसका राशिद खान र दिनेश खरेलले समान ३ विकेट हात पारे। भने करण केसीले २, ललित राजवंशीले १ विकेट लिए।

पुलिसलाई बागमतीको प्रतिस्पर्धात्मक लक्ष्य

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा गण्डकी प्रदेशले विभागीय टाेली त्रिभुवन आर्मी क्लबलाई २१० रनकाे लक्ष्य प्रस्तुत गरेकाे छ। तल्लाे मुलपानी क्रिकेट मैदानमा टस जितेर पहिले ब्याटिङ थालेकाे गण्डकीले ४९.४ ओभरमा सबै विकेट गुमाउँदै २०९ रन बनाएको छ। गण्डकीका लागि अर्जुन कुमालले ६७ रनको योगदान दिए। उनले १०२ बल खेल्दै ४ चौका र १ छक्का प्रहार गरे। त्यस्तै दीपक डुम्रेले ४५ बलमा ५१ रन बनाउँदै टोलीलाई मध्यम स्कोरसम्म पुर्‍याए। अन्य ब्याटरले भने उल्लेखनीय प्रदर्शन गर्न सकेनन्। गण्डकीको सुरुवात भने राम्रो हुन सकेन। गौरव बीके ६ रनमै आउट भएपछि दबाबमा परेको टोलीले नियमित अन्तरालमा विकेट गुमायो। मध्यक्रममा सिब्रिन श्रेष्ठ (१४) र वंश क्षेत्री (१०) ले लामो इनिङ खेल्न सकेनन्। बलिङतर्फ आर्मीका आकाश चन्द र शाहाब आलमले समान ३/३ विकेट लिए। कुशल मल्लले किफायती बलिङ गर्दै १० ओभरमा मात्र १८ रन खर्चेर २ विकेट लिए।

प्रधानमन्त्री कप : गण्डकीले आर्मीलाई दियो २१० रनको लक्ष्य

काठमाडौं । कर्णाली प्रदेश सरकारले रविन्द्र चन्दलाई कर्णाली प्रदेश खेलकुद विकास परिषद्को सदस्य सचिवमा नियुक्त गरेको छ । बिहीबार बिहान बसेको प्रदेश मन्त्रिपरिषद्को बैठकले उनलाई सदस्य सचिव पदमा नियुक्त गर्ने निर्णय गरेको । प्रदेश सरकारले यसअघि, सदस्य–सचिव छनोट समितिले गत माघ ३ गते अन्तर्वार्ता लिई तीन जनाको नाम सिफारिस गरेको थियो । सिफारिस गरिएका उम्मेदवारहरूमा रविन्द्र चन्द, दीपक हमाल र प्रमोद हमाल थिए । छनोट समितिले गरेको मूल्यांकनमा रविन्द्र चन्दले सर्वाधिक ६७।१७ अंक प्राप्त गरेका थिए भने दीपक हमालले ६०।६३ र प्रमोद हमालले ५२।३७ अंक प्राप्त गरेका थिए । सदस्य–सचिव पदका लागि प्रारम्भमा २१ जनाले आवेदन दिएका थिए, जसबाट १० जनालाई अन्तर्वार्ताका लागि छनोट गरिएको थियो । अन्तर्वार्ता र मूल्यांकनका आधारमा उत्कृष्ट तीन जनाको नाम मन्त्रिपरिषद्मा सिफारिस गरिएको थियो, जसमध्येबाट चन्दलाई नियुक्त गरिएको हो ।

रविन्द्र चन्द कर्णाली प्रदेश खेलकुद विकास परिषद्को सदस्य सचिवमा नियुक्त

काठमाडौं। सुवास बमको गोलसँगै नेपालले साफ यु–२० च्याम्पियनसिपमा लगातार दोस्रो जित निकालेको छ। मालेस्थित राष्ट्रिय फुटबल रंगशालामा बुधबार सम्पन्न खेलमा नेपालले श्रीलंकालाई १–० ले पराजित गरेकोे हो। जितसँगै २ खेलबाट ६ अंक जोड्दै नेपाल शीर्ष स्थानमा उक्लिएको छ। यो जितसँगै नेपालको सेमिफाइनल सम्भावना बलियो बनाएको छ। नेपालले समूह चरणको अन्तिम खेल भुटानसँग खेल्न बाँकी छ।

लगातार दोस्रो जितसँगै नेपाल सेमिफाइनल नजिक

काठमाडौं। राष्ट्रिय खेलकुद परिषद् (राखेप) ले अखिल नेपाल फुटबल संघ (एन्फा) लाई तीन महिनाका लागि निलम्बन गरेको छ। बुधबार जारी गरिएको आधिकारिक पत्रअनुसार राखेपले खेलकुद विकास ऐन, २०७७ तथा राष्ट्रिय खेलकुद विकास नियमावली, २०७९ को प्रावधानअनुसार कारबाही गर्दै एन्फामाथि निलम्बनको निर्णय गरेको हो। राखेपका अनुसार एन्फाले परिषद्बाट पटक–पटक दिइएका निर्देशनहरू अवज्ञा गरेको, स्वीकृति बिना निर्वाचन प्रक्रिया अघि बढाउन खोजेको तथा माग गरिएका स्पष्टिकरणहरू सन्तोषजनक रूपमा पेश नगरेको पाइएको छ। परिषद्ले कार्यसमितिको निर्णयविपरीत गतिविधि अघि बढाएको निष्कर्षसहित कडा कदम चालिएको जनाएको छ। पत्रमा उल्लेख भएअनुसार एन्फाले साधारण सभा (अडिटरी कङ्ग्रेस) र निर्वाचनसम्बन्धी प्रक्रिया परिषद्को स्वीकृतिबिना अघि बढाउन खोजेको देखिएको छ। उक्त कार्य प्रचलित कानुनविपरीत रहेको ठहर गर्दै राखेपले तीन महिनासम्मका लागि निलम्बन गर्ने निर्णय गरेको हो।<img src="https://app.nepalsportz.com/media/django-summernote/2026-03-25/cc08f082-6b45-451c-869a-34edfbfdb59f.jpeg" style="width: 698px;"><img src="https://app.nepalsportz.com/media/django-summernote/2026-03-25/d4539b4e-76d7-45ef-9307-207f3ed00bfd.jpeg" style="width: 698px;"> निलम्बन अवधिभर एन्फाले कुनै पनि प्रशासनिक तथा निर्वाचनसम्बन्धी गतिविधि सञ्चालन गर्न नपाउने स्पष्ट पारिएको छ। साथै, यस अवधिमा आवश्यक छानबिन तथा थप निर्णय प्रक्रिया अघि बढाइने राखेपले जनाएको छ।

राखेपद्वारा एन्फा तीन महिनाका लागि निलम्बित

काठमाडौं। दिनेश अधिकारीको घातक बलिङसँगै कर्णाली प्रदेशले जारी प्रधानमन्त्री कपमा पहिलो जित निकालेको छ। बुधबार सम्पन्न खेलमा कर्णालीले कोशी प्रदेशलाई १६ रनले पराजित गरेको होर कर्णालीले दिएको १५२ रनको लक्ष्य पछ्याएको कोशीले ४४.५ ओभरमा सबै विकेट गुमाउँदै १३५ रन मात्र बनाउन सक्यो। कोशीका दीपेश कँडेलले सर्वाधिक २६ रन बनाए। ६६ बल खेलेका उनले एक चौका प्रहार गरे। ओपनर सुमन श्रेष्ठ २० र शिवास बजगाईं २३ रनमा आउट हुँदा अंकित सुवेदी र शकिव हकले समान १७ रनको योगदान दिए। कर्णालीका दिनेशले सर्वाधिक ५ विकेट लिए। ८.४ ओभर बलिङ गरेका उनले २७ रन खर्चिए। दिवन पुन र प्रकाश जैशीले समान २ विकेट राखे। जितसँगै कर्णालीले ३ खेलबाट ३ अंक पुर्‍याएको छ। कर्णाली तेस्रो स्थानमा छ। कोशीको भने यो लगातार दोस्रो हार हो। कोशी एक अंकसहित आठौं स्थानमा छ। त्यसअघि पहिले ब्याटिङ थालेको कर्णालीले ३९.१ ओभरमा १५१ रनमै अलआउट भएको थियो छ।&nbsp; कर्णालीका लागि विपिन शाहीले सर्वाधिक ६३ रन बनाए पनि अन्य ब्याटरहरूले साथ दिन सकेनन्। विपिन रावलले ३२ रन तथा सुनिल धमलाले १९ रनको योगदान दिए। बाँकी ब्याटरहरू दोहोरो अंकमा पुग्न समेत संघर्षरत देखिए। बलिङतर्फ कोशीका प्रेम कामतले उत्कृष्ट प्रदर्शन गर्दै ४ विकेट लिए। ज्ञानेंद्र श्रेष्ठले ३ विकेट लिँदा सुजन थपलियाले २ तथा विपिन महतोले १ विकेट लिए। कर्णालीको इनिङ्स धराशायी पार्न यी बलरहरू निर्णायक बने।

कर्णालीको पहिलो जित

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिताअन्तर्गत मधेश प्रदेशले सुदूरपश्चिम प्रदेशलाई ५ विकेटले पराजित गरेको छ।&nbsp; नारायणी क्रिकेट मैदान, वीरगञ्जमा सदूरले दिएको १६१ रनको लक्ष्य पछ्याएको मधेशले ३३.४ ओभरमा ५ विकेट गुमाउँदै १६४ रन बनाउँदै सहज जित निकालेको हो। मधेशका लागि अर्निको यादवले अविजित ४६ रन बनाउँदै जितमा महत्वपूर्ण योगदान दिए। मोहम्मद आदिल आलमले ३४ रन जोड्दा पवन सर्राफले २१ रन बनाए। कप्तान अनिल साह र मयान यादवले समान १३–१३ रन जोडेका थिए। अन्त्यतिर रुपेश सिंह १६ रनमा अविजित रहँदै टोलीलाई जितसम्म पुर्‍याए। सुदूरपश्चिमका लागि अशोक धामीले ३ विकेट लिए भने शेर मल्लाले २ विकेट हात पारे। अन्य बलर प्रभावशाली बन्न सकेनन्। यसअघि टस हारेर पहिले ब्याटिङ गरेको सुदूरपश्चिम प्रदेश ४३.२ ओभरमा १६० रनमै अलआउट भएको थियो। अभिषेक पालले ३३ रन बनाउँदा किरण ठगुन्ना र नारायण जोशीले समान २३–२३ रनको योगदान दिएका थिए। अशोक धामी १९ रनमा अविजित रहे। मधेशका लागि अर्निको यादवले ३ विकेट लिए। प्रदीप पासवानले २ विकेट लिँदा रुपेश सिंह, मोहम्मद आदिल आलम, आशिक बैठा र पवन सर्राफले समान १–१ विकेट लिए। जितसँगै दुई खेलबाट मधेसले तीन अंक जोडेको छ। समान खेलबाट दुई अंक जोडेको सुदूरले पहिलो हार ब्यहोरेको छ।

पीएम कप: सुदूरपश्चिममाथि मधेश ५ विकेटले विजयी

काठमाडौं। अखिल नेपाल फुटबल संघ ९एन्फा०ले थाइल्यान्डमा हुने फिफा सिरिजका लागि ३२ खेलाडीलाई प्रारम्भिक क्याम्पमा बोलाएको छ। सुक्रिया मियासहितका खेलाडीहरूलाई समेट्दै टोली मुख्य प्रशिक्षक नविन न्यौपानेले क्याम्प बोलाएका हुन्। टोलीमा अनिता बस्नेत, अनिता केसी, अनिता लाम्जेल, अञ्जना राना मगर, अञ्जिला तुम्बापो सुब्बा, अस्मिता नेपाली, बर्षा ओली, बिमला बि।के।, बिर्सना चौधरी, दीपा शाही र गीता राना समावेश छन्। यस्तै हिरा भुजेल, जेनिफर राना, मनमाया दमाई, मीना देउवा, नेहा कुमारी चौधरी, निशा ठोकर, पूनम चेम्जोङ, प्रतिक्षा चौधरी, प्रीति राई, पूजा राना र पूर्णिमा राई पनि प्रारम्भिक सूचीमा परेका छन्। त्यसैगरी रश्मी कुमारी घिसिङ, रेखा पौडेल, रेनुका नगरकोटी, सबिना चौधरी, समिक्षा घिमिरे, सरस्वती हमाल, सरु लिम्बु, सुक्रिया मिया, सुशिला कुमारी चौधरी र उषा नाथलाई पनि समावेश गरिएको छ। नेपालले थाइल्यान्डमा दुई अन्तर्राष्ट्रिय मैत्रीपूर्ण खेल खेल्नेछ।<img src="https://app.nepalsportz.com/media/django-summernote/2026-03-25/00e6e414-beb0-4455-b2bd-615c73260d6e.jpeg" style="width: 698px;">

फिफा सिरिजका लागि ३२ खेलाडी प्रारम्भिक टोलीमा

काठमाडौं। नेपाल क्रिकेट संघ (क्यान) ले आईसीसी महिला च्यालेन्ज ट्रफीका लागि प्रारम्भिक टोली घोषणा गरेको छ। घोषित टोलीमा इन्दु बर्मा, पूजा महतो, रुबिना क्षेत्री, सिता राना मगर, बिन्दु रावल, सम्झना खड्का, रुबी पोद्दार, कविता जोशी, कविता कुँवर, रिया शर्मा, रोमा थापा, सुमन बिष्ट, अनु कडायत, सीमा केसी र राजमती ऐरी समावेश छन्। यसैगरी मनीषा उपाध्याय, रचना चौधरी, सोनी पाख्रिन, सना प्रविन, खुशी डंगोल, सुधा धामी, किरण कुँवर, लक्ष्मी साउद, अलिशा यादव, तृष्णा बिके, कुसुम गोदार, यशोदा बिष्ट, अन्जी पाठक र रमा बुढाथोकी पनि क्याम्पमा परेका छन्। क्यानले बन्द प्रशिक्षणपछि अन्तिम टोली घोषणा गर्ने तयारी गरेको जनाएको छ। प्रतियोगितालाई लक्षित गर्दै युवा र अनुभवी खेलाडीको संयोजनमा टोली तयार पारेकाे छ।<img src="https://app.nepalsportz.com/media/django-summernote/2026-03-25/1bbf8306-7938-4eff-9538-76b733931d57.jpeg" style="width: 698px;">

Nepalsports

⚽ Upcoming Matches

🎖 Recent Matches

📰 Recent News

Nepalsports