Nepal Police Club

test m

test l

j test

tp g

test player f

test player e

test player d

test player c

test player a

Amrit Acharya

Aashish Dhakal

समूह ‘सी’ मा ब्राजिल र मोरक्कोले सबैको ध्यान तान्दा स्कटल्यान्ड र हाइटीको पुनरागमन

पाँचौं काठमाडौं महानगरपालिका वडा नं.४ स्तरीय दौड प्रतियोगिताको उपाधि कृष्ण राई र अन्जु बुढाले जितेका छन् । शनिबार सम्पन्न ५ किमि दौडमा कृष्णले पुरुष र अन्जुले महिलातर्फ उपाधि जितेका हुन् । काठमाडौं वडा नं.४ द्वारा आयोजित दौड प्रतियोगितामा कृष्णले १९ मिनेट ५६ सेकेन्डमा दूरी पार गर्दै सफलता हात पारेका हुन् । रमेश सिंह २० मिनेट ३२ सेकेन्डसाथ दोस्रो तथा रावल तिनवा २० मिनेट ३६ सेकेन्डसहित तेस्रोमा रहे । अन्जुले २१ मिनेटमा ५ किमि पूरा गर्दै महिलातर्फ पहिलो स्थान हासिल गरेकी हुन् । गोमा राई २१ मिनेट २७ सेकेन्डसहित दोस्रो भइन् भने जानकी श्रेष्ठले ३८ मिनेट ५ सेकेन्डसाथ तेस्रो स्थान हासिल गरिन् । तीन किमि छात्रतर्फ धुम्रवराह माविका सुमन तामाङ (११ मिनेट २० सेकेन्ड) पहिलो, बाँसबारी माविका राजेश शाही (११ मिनेट २४ सेकेन्ड) दोस्रो र सलमान शेख (११ मिनेट २८ सेकेन्ड) तेस्रो भए । छात्रातर्फ न्युटन स्कुलका अनिता बुढा (१४ मिनेट ४२ सेकेन्ड) पहिलो, बाँसबारी माविका महिमा राई (१५ मिनेट ५ सेकेन्ड) दोस्रो र स्मृति महतरा (१५ मिनेट १३ सेकेन्ड) तेस्रोमा रहे । त्यस्तै, ३ किमि भेट्रान (५५ वर्षमाथि) पुरुषतर्फ ६१ वर्षीय रविनजंग थापा (१४ मिनेट ६ सेकेन्ड) पहिलो, निरज पौडेल (१५ मिनेट ९ सेकेन्ड) दोस्रो र मिलन ढकाल (१५ मिनेट ३२ सेकेन्ड) तेस्रो भए । महिलातर्फ ५९ वर्षीया शान्ता गौतम (२० मिनेट ५७ सेकेन्ड), ६५ वर्षीया तिलादेवी खनाल (२१ मिनेट १० सेकेन्ड) र ६७ वर्षीया लक्ष्मी लम्साल २२ मिनेट ९ सेकेन्ड) शीर्ष तीनमा रहे । कुल एक लाख आठ हजार रुपिया पुरस्कारको प्रतियोगितामा कामपा ४ का वडाध्यक्ष दिनेश महर्जनका अनुसार प्रतियोगितामा खुला, विद्यार्थी र भेट्रनका ६ स्पर्धामा चार सय बढी धावक सहभागि थिए । वडाध्यक्ष महर्जनसहित अथितिहरूले नगद पुरस्कार, मेडल तथा प्रमाणपत्र प्रदान गरेका थिए । ५ किमि दौड विशालनगरस्थित विशाल मिलन केन्द्रबाट सुरु भई चण्डौल, फिनल्यान्ड दूतवास, खहरे, धुमवाराही चौक, शंख पार्क, लामटंगिन मार्ग, चुनदेवी, पञ्चकन्या टुँडालदेवी हुँदै पुनः विशाल मिलन केन्द्र पुगेर टुंगिएको थियो । ३ किमि दौड पनि विशाल मिलन केन्द्रबाटै प्रारम्भ भएर टुँडालदेवी, कालिबुढी चौक, पञ्चकन्या, चुनदेवी, गणेश वस्ती, अरुणा लामा मार्ग, ढुंगेधारा हुँदै विशाल मिलन केन्द्र फर्केर सकिएको थियो ।

कामपा ४ दौडमा कृष्ण र अन्जुलाई उपाधि

आठौं वरीयताकी रुसी खेलाडी मिरा आन्द्रेभाले शनिबार क्वालिफायर माजा चावलिन्स्कीलाई ६–३ र ६–२ ले हराएर फ्रेन्च ओपन २०२६ को उपाधि जितेकी छिन् । रोलान्ड ग्यारोसमा भएको फाइनलमा आन्द्रेभाले उत्कृष्ट प्रदर्शन गर्दै खेल आफ्नो पक्षमा पारेकी हुन् । उनले पहिलो पल्ट ग्रान्ड स्लाम उपाधि जितेकी हुन् । यस्तै उनी ग्रान्ड स्लाम प्रतियोगिताको फाइनल पुगेको पनि यो पहिलो पटक हो । पोलिस १ सय १४ औं वरीयताकी खेलाडी चावलिन्स्कीले फाइनलमा बलियो चुनौती पेस गर्न सकिनन् । अर्कोतर्फ १९ वर्षीया आन्द्रेभा सन् १९९२ यता फ्रेन्च ओपन जित्ने सबैभन्दा कान्छि खेलाडी पनि भएकी छिन् । सन् १९९२ मा मोनिका सेलेसले १८ वर्षको उमेरमा यो उपाधि जितेकी थिइन् ।

आन्द्रेभाले जितिन् फ्रेन्च ओपन

भारतले शनिबार छैटौं पल्ट वुमेन्स साफ च्याम्पियनसिपको उपाधि जित्ने क्रममा दुई पल्टको डिफेन्डिङ बंगलादेशलाई ३–१ ले पराजित गरेको छ । पण्डित जवाहरलाल नेहरु स्टेडियममा भाएको फाइनलमा भारतका लागि प्यारी सासा, सनफिदा र लिन्डाले एक एक गोल गरिन् । बंगलादेशका लागि ऋतुपोर्ना चक्माले एक गोल फर्काइन् । समूह चरणमा पनि भारतले बंगलादेशलाई ३–० ले हराएको थियो । पहिलो संस्करणदेखि पाँचौं संस्करणसम्म लगातार उपाधि जितेको भारत अहिले नवौं संस्करणमा आएर घरेलु मैदानमा फेरि विजेता बनेको छ । त्यसबीच भने बंगलादेश दुई पल्ट च्याम्पियन भएको हो । उसले पछिल्लो दुई संस्करण जितेको थियो । सन् २०१६ को फाइनलमा पनि भारतले बंगलादेशलाई नै हराएको हो ।

भारत फेरि वुमेन्स साफ च्याम्पियन

काठमाडौं। रसुवाको गोसाइँकुण्ड गाउँपालिकाअन्तर्गत पर्ने क्यान्जेन गुम्बादेखि स्याफ्रुबेसीसम्मको ३२ किलोमिटर दूरीमा आयोजित ‘लाङटाङ ट्रेल रन–२०२६’ मा पुरुषतर्फ मिलन कुलुङ र महिलातर्फ अन्जुली गुरुङले उपाधि जितेका छन्। रसुवा–नुवाकोट पर्यटन समाजको आयोजना तथा बागमती प्रदेश संस्कृति तथा पर्यटन मन्त्रालयको सहयोगमा सम्पन्न प्रतियोगितामा १०६ खेलाडी सहभागी थिए। सहभागीमध्ये १८ महिला र ८८ पुरुष खेलाडी रहेका थिए। पुरुषतर्फ मिलन कुलुङले २ घण्टा १६ मिनेट ४३ सेकेन्डमा दौड पूरा गर्दै पहिलो स्थान हासिल गरे। धिरबहादुर बुढा २ घण्टा १८ मिनेट ४७ सेकेन्डसहित दोस्रो तथा विशाल राई २ घण्टा २० मिनेट ०२ सेकेन्डसहित तेस्रो भए। यस्तै, गोपाल तामाङ चौथो र चन्द्र रावत पाँचौँ स्थानमा रहे। महिलातर्फ अन्जुली गुरुङले ४ घण्टा ४५ मिनेट ०३ सेकेन्डमा दौड पूरा गर्दै उपाधि जितिन्। सुरक्षा तामाङ ४ घण्टा ५९ मिनेट ३५ सेकेन्डसहित दोस्रो भइन्। अस्ट्रियाकी खेलाडी आना लेना फर्टनरले ५ घण्टा ०९ मिनेट १४ सेकेन्डमा दौड पूरा गर्दै तेस्रो स्थान हासिल गरिन्। गीता महर्जन चौथो तथा सोनु पौडेल पाँचौँ स्थानमा रहिन्।

लाङटाङ ट्रेल रनको उपाधि कुलुङ र गुरुङलाई

काठमाडौं। काठमाडौं जिल्ला क्रिकेट संघको आयोजनामा जारी तेस्रो संस्करणको एसियन ई–लर्निङ ‘जयकुमारनाथ शाह स्मृति’ यु–१६ इन्टरस्कुल क्रिकेट प्रतियोगितामा डीएभी सुशील केडिया विश्व भारती स्कुल र सैनिक आवासीय महाविद्यालय सेमिफाइनलमा प्रवेश गरेका छन्। माथिल्लो मूलपानी क्रिकेट मैदानमा शनिबार सम्पन्न पहिलो क्वाटरफाइनल खेलमा डीएभीले केएमसी स्कुललाई ९४ रनले पराजित गर्दै अन्तिम चारमा स्थान सुरक्षित गर्यो। टस जितेर पहिले ब्याटिङ गरेको डीएभीले निर्धारित २० ओभरमा ७ विकेट गुमाएर १५७ रन बनाएको थियो। टोलीका लागि आरुष झाले ४६ बलमा ६ चौका र १ छक्कासहित सर्वाधिक ५९ रन बनाए। कमल शाहीले ४१ तथा प्रसिद्ध जैशीले १८ बलमा २६ रनको योगदान दिए। केएमसीका श्रीजल भट्टले २ तथा अमितकुमार दासले १ विकेट लिए। १५८ रनको लक्ष्य पछ्याएको केएमसी १३.२ ओभरमा ६३ रनमा समेटियो। अमितकुमार दासले १५ तथा विधान सापकोटाले ११ रन बनाए पनि टोलीलाई जिततर्फ डोर्‍याउन सकेनन्। डीएभीका कुञ्जन आचार्यले उत्कृष्ट बलिङ गर्दै ४ ओभरमा १७ रन खर्चेर ६ विकेट लिए। केशव अग्रवाल, तनिष शाह, प्रसिद्ध जैशी र कमल शाहीले समान १–१ विकेट हात पारे। कुञ्जन आचार्य ‘पिक प्वाइन्ट प्लेयर अफ द म्याच’ घोषित भए। यस्तै शनिबार सम्पन्न दोस्रो क्वाटरफाइनलमा सैनिक आवासीय महाविद्यालयले अपी स्कुललाई १ विकेटले पराजित गर्दै सेमिफाइनल यात्रा तय गर्यो। टस जितेर पहिले ब्याटिङ गरेको अपी स्कुल १९.२ ओभरमा ८३ रनमा अलआउट भयो। अपीका युगान्त कार्कीले सर्वाधिक ३४ रन बनाए भने कुसुम प्रसालले १२ रन जोडे। सैनिक आवासीयका आभाष केसीले ३ तथा सफल पौडेलले २ विकेट लिए। ८४ रनको लक्ष्य पछ्याएको सैनिक आवासीयले निकै रोमाञ्चक खेलमा १९.५ ओभरमा ९ विकेट गुमाएर लक्ष्य पूरा गर्यो। सुशान्त नेपालले २४ तथा आभाष केसीले अविजित २० रन बनाए। अन्तिम समयमा शुभव बिष्टले ३ बलमा अविजित ९ रन जोड्दै टोलीलाई रोमाञ्चक जित दिलाए। अपीका एकेन्द्र बुढाले ३ तथा सृजल कार्कीले २ विकेट लिए। आभाष केसी ‘पिक प्वाइन्ट प्लेयर अफ द म्याच’ घोषित भए। डीएभीले अब सेमिफाइनलमा मोक्षदा स्कुल र जेम्स स्कुलबीचकाे विजेतासँग साेमबार खेल्नेछ। यस्तै, सैनिकले नेपाल पुलिस स्कुल र रत्नराज्य माध्यमिक विद्यालयबीचकाे विजेतासँग खेल्नेछ। आगामी जेठ २६ गतेसम्म सञ्चालन हुने प्रतियोगितामा २४ टोलीको सहभागिता रहेको छ। प्रतियोगिताको विजेताले १ लाख ५० हजार रुपैयाँ तथा उपविजेताले ७५ हजार रुपैयाँ पुरस्कार प्राप्त गर्नेछन्।&nbsp; प्रतियोगिताको मुख्य प्रायोजक एसियन ई–लर्निङ प्रालि रहेको छ भने सह–प्रायोजकमा ई–सेवा रहेको छ। एसोसिएट प्रायोजकका रूपमा लाइफ इन्स्योरेन्स कर्पोरेसन (नेपाल) लिमिटेड र प्रभु बैंक लिमिटेड रहेका छन्। साथै विभिन्न बैंक, शैक्षिक संस्था तथा व्यावसायिक प्रतिष्ठानहरूले प्रतियोगिता सञ्चालनमा सहयोग पुर्‍याएका छन्। प्रतियोगिता सम्पन्न गर्न सांग्रिला डेभलपमेन्ट बैंक लिमिटेड, एभरेष्ट बैंक लिमिटेड, डार्क फ्यान्टासी चोको रोल्स, आयुष इन्टरनेशनल ओभरसिज सर्भिसेज प्रा.लि, पिक पोइन्ट एकेडेमी, ग्यालेक्सी पब्लिक स्कूल, गरिमा विकास बैंक लिमिटेड, सिद्धार्थ प्रिमियम इन्स्योरेन्स लिमिटेड, माछापुच्छ्रे बैंक लिमिटेड, डीएभी स्कूल, यती एयरलाइन्स, लकर रुम, हिमालयन बैंक लिमिटेड, एक्स्ट्रिम इनर्जी ड्रिंक,पाईलट पेन, होप हस्पिटल &nbsp;र लोकल थकालीको सहयोग रहेको आयोजकले जनाएको छ।

डीएभी र सैनिक आवासीय सेमिफाइनलमा

घरेलु मैदानमा इतिहास बनाउने सहआयोजक क्यानाडाको लक्ष्य

काठमाडौं। साविक विजेता बागमती प्रदेशले १६ औं केन्द्रीय राष्ट्रपति रनिङ सिल्ड खेलकुद प्रतियोगिताको उपाधि शुक्रबार जितेको छ। विभिन्न ६ खेल समावेश प्रतियोगितामा २२ स्वर्ण, २१ रजत र १३ कांस्य जित्दै बागमती उपाधि रक्षा गर्न सफल भयो। राष्ट्रिय खेलकुद परिषद् (राखेप) को आयोजना तथा प्रदेश खेलकुद विकास परिषद्, बागमती प्रदेश र नेपालय इन्टरनेसनल प्रा.लि. को सह–आयोजनामा भएको प्रतियोगितामा सुदूरपश्चिम प्रदेश दोश्रो भयो।&nbsp; सुदूरपश्चिमले १९ स्वर्ण, ९ रजत र १४ कांस्य हात पा¥यो। १२ स्वर्ण, १५ रजत र १८ कांस्य जितेको लुम्बिनी प्रदेश तेश्रो बन्यो। ५ स्वर्ण, २ रजत र १८ कांस्यसाथ गण्डकी प्रदेश चौथो, ४ स्वर्ण, ७ रजत र १७ कांस्यसाथ कोशी प्रदेश पाँचौ, ३ स्वर्ण, ६ रजत र ६ कांस्यसाथ मधेश प्रदेश छैटौं तथा २ स्वर्ण, ५ रजत र १२ कांस्यसाथ कर्णाली प्रदेश सातौं स्थानमा रहे। तीनदिने प्रतियोगितामा सात प्रदेशबाट ६ सय ८६ खेलाडीले एथलेक्टिस, भलिबल, कबड्डी, तेक्वान्दो, कराते र उसुमा प्रतिस्पर्धा गरेका थिए। विजेतालाई राखेपका सदस्य–सचिव रामचरित्र मेहता, शिक्षा तथा खेलकुद मन्त्रीका प्रमुख सल्लाहकार सिद्धी व्यञ्जनकार र सल्लाहकार राजु सिंहलगायतले एक कार्यक्रमबीच पुरस्कृत गरे। पदक विजेतालाई करिब १२ लाख नगद पुरस्कार वितरण गरिएको प्रतियोगिता व्यवस्थापन तथा सञ्चालन समितिका सचिव मीनकुमार शर्माले जनाएका छन्। प्रतियोगिताको १७ औं संस्कारण कोशी प्रदेशमा फागुन १९ देखि २२ गतेसम्म हुने भएको छ। बुधबार भएको उद्घाटन समारोहमा राष्ट्रपति रामचन्द्र पौडेलले प्रदेश खेलकुद विकास बोर्ड, कोशीका सदस्य–सचिव विप्लव घोषलाई प्रतियोगिता आयोजनाका लागि झण्डा हस्तान्तरण गरेका थिए।

बागमती टिम च्याम्पियन

फ्रेच्न ओपन २०२६ को पुरुष एकलको फाइनलमा एलेजान्डर जेभेरेभ र फ्लाभिओ कोबोली भिड्ने भएका छन् । फाइनल आइतबार हुनेछ । उनले शुक्रबार भएको सेमिफाइनलमा जाकुब मेनसिकलाई चार सेटमा ७–५, ६–२, ३–६, ६–३ र ६–३ ले पराजित गरे । अब जेभेरेभले आफ्नो खेल जीवनसामु पहिलो ग्रान्ड स्लाम जित्न सक्ने छन् र फाइनलमा उपाधिका लागि बलियो प्रत्यासी पनि रहने छन् । उनी यसअघिका तीन ग्रान्ड स्लाम फाइनलमा पराजित भइसकेका छन् । कोबोली भने फाइनल प्रवेशका लागि कोर्टमै भिड्नु परेन्, उनका प्रतिद्वन्द्वी माटेओ आरनाल्डी सेमिफाइनल अगाडि विरामी परे । यस्तोमा उनले खेल परित्याग गरे र कोबोलीले वाकओभर पाए ।

उपाधि भिडन्तमा जेभेरेभ र कोबोली

काठमाडौं। काठमाडौं जिल्ला क्रिकेट संघको आयोजनामा जारी तेस्रो संस्करणको एसियन ई–लर्निङ ‘जयकुमारनाथ शाह स्मृति’ यु–१६ इन्टरस्कुल क्रिकेट प्रतियोगितामा जेम्स स्कुल र डीएभी सुशील केडिया विश्व भारती स्कुल क्वाटरफाइनलमा प्रवेश गरेका छन्। यता रत्न राज्य माध्यमिक विद्यालयले पनि पहिलाे जित दर्ता गरेको छ। समूह ‘जी’ को विजेता बन्दै जेम्स स्कुल अन्तिम आठमा पुगेको हो। तल्लो मूलपानी अन्तर्राष्ट्रिय क्रिकेट मैदानमा शुक्रबार सम्पन्न खेलमा जेम्सले लिभरपुल सेकेन्डरी स्कुललाई १० विकेटले पराजित गर्‍यो। टस जितेर पहिले ब्याटिङ गरेको लिभरपुल १३ ओभरमा ५२ रनमै अलआउट भयो। उसका लागि युवराजकुमार झाले सर्वाधिक १९ रन बनाए भने प्रणव धामीले ९ तथा अभिषेक चौहानले ७ रन जोडे। जेम्सका लागि स्वराज चौलागाईंले ३ विकेट लिए। प्रगव पाण्डेले २ विकेट हात पारे भने प्रचेत लाखोटिया, अञ्जन झा र आरव ज्ञवालीले समान १–१ विकेट लिए। ५३ रनको सामान्य लक्ष्य पछ्याएको जेम्सले मात्र ४ ओभरमा कुनै विकेट नगुमाई लक्ष्य पूरा गर्‍यो। स्वराज चौलागाईं ११ बलमा ४ चौकासहित २० रनमा अविजित रहे भने सुदिश पौडेल १३ बलमा १६ रन जोड्दै अविजित रहे। स्वराज चौलागाईं ‘पिक प्वाइन्ट प्लेयर अफ द म्याच’ घोषित भए। यता, त्रिवि क्रिकेट मैदानमा सम्पन्न अर्को खेलमा डीएभीले रेडियन्ट रिडर्स स्कुललाई १७८ रनले पराजित गर्दै समूह ‘ए’ को विजेताका रूपमा क्वाटरफाइनलमा स्थान सुरक्षित गर्‍यो। डीएभीले लगातार दोस्रो जित दर्ता गरेको हो। पहिले ब्याटिङ गरेको डीएभीले निर्धारित २० ओभरमा ३ विकेट गुमाउँदै २५८ रनको विशाल योगफल खडा गरेको थियो। प्रसिद्ध जैशीले ५४ बलमा १७ चौका र ८ छक्कासहित १५२ रनको विस्फोटक इनिङ्स खेले। आरुष झाले अविजित ८० रन बनाए भने सत्याम बस्नेतले १५ रन जोडे। २५९ रनको लक्ष्य पछ्याएको रेडियन्ट १८.३ ओभरमा ८० रनमा समेटियो। अनिल गुरुङले २७ तथा अनिल कुमार शाहले १७ रन बनाए। डीएभीका कुनजन आचार्यले ३ विकेट लिए। तनिश शाह र प्रसिद्ध जैशीले समान २–२ विकेट लिए भने कमल शाही र केशव अग्रवालले १–१ विकेट हात पारे। प्रसिद्ध जैशी ‘पिक प्वाइन्ट प्लेयर अफ द म्याच’ घोषित भए। माथिल्लो मूलपानी क्रिकेट मैदानमा सम्पन्न अर्को खेलमा रत्न राज्य माध्यमिक विद्यालयले संस्कृति इन्टरनेशनल स्कुललाई ९१ रनले पराजित गर्दै पहिलाे जित दर्ता गर्‍यो। टस जितेर पहिले ब्याटिङ गरेको रत्न राज्यले निर्धारित २० ओभरमा ५ विकेट गुमाउँदै १९३ रन बनाएको थियो। एशिक चन्दले ५२ बलमा ११ चौका र १ छक्कासहित ८१ रन बनाए भने करण चौधरीले ६६ रनको महत्वपूर्ण योगदान दिए। उदयकुमार मण्डलले २४ रन जोडे। जवाफमा संस्कृति निर्धारित २० ओभरमा ५ विकेट गुमाउँदै १०२ रनमा सीमित भयो। गर्भ बहेती ४२ रनमा अविजित रहे भने दिपांशा मान श्रेष्ठ १० रनमा अविजित रहे। रत्न राज्यका शौरभ यादव र दिपेश थापाले समान २–२ विकेट लिए भने बिकेश तामाङले १ विकेट हात पारे। एशिक चन्द ‘पिक प्वाइन्ट प्लेयर अफ द म्याच’ घोषित भए।&nbsp;<img src="https://app.nepalsportz.com/media/django-summernote/2026-06-05/548dc4f4-b855-41b4-9c2d-cb5d660dfa23.jpeg" style="width: 698px;">

जेम्स र डीएभी क्वाटरफाइनलमा, रत्न राज्यको पहिलो जित

काठमाडौं। अन्तर्राष्ट्रिय फुटबल महासंघ (फिफा) ले आगामी विश्वकपकाे सुरक्षासम्बन्धी चिन्तालाई कारण देखाउँदै आगामी विश्वकपका स्टेडियमभित्र पानीका बोतल लैजान प्रतिबन्ध लगाएको छ। प्रतियोगिता सुरु हुनुभन्दा करिब एक साताअघि गरिएको यो नियम परिवर्तन हो। फुटबलको २३औँ संस्करण आगामी बिहीबारदेखि संयुक्त राज्य अमेरिका, क्यानडा र मेक्सिकोमा सुरु हुँदैछ। यसअघि स्टेडियमको आचारसंहितामा स्पष्ट रूपमा भनिएको थियो, ‘कुनै द्विविधा नहोस् भनेर स्पष्ट पार्नुपर्दा खाली, पारदर्शी, पुनःप्रयोग गर्न मिल्ने एक लिटरसम्म क्षमताका प्लास्टिक बोतल स्टेडियमभित्र ल्याउन सकिन्छ।’ पछिल्लो निर्णयअनुसार अब बोतलसँगै कप, जार र क्यानहरू पनि स्टेडियमभित्र निषेध गरिएको छ। फिफाका अनुसार समर्थकहरूले ती वस्तुहरू हान्दा हुन सक्ने चोटपटकको जोखिम घटाउन यो निर्णय गरिएको हो। फिफाले विज्ञप्तिमा लेखेको छ, ‘फिफा सबै खेलाडी, रेफ्री, समर्थक, स्वयंसेवक र कर्मचारीहरूको स्वास्थ्य तथा सुरक्षाको संरक्षणमा प्रतिबद्ध छ।’ यसैबीच दर्शकहरूले स्टेडियमभित्र पानी किन्न पाउनेछन् र यसको मूल्य सामान्यभन्दा बढी नहुने फिफाले जनाएको छ।

फिफा विश्वकपमा पानीको बोतल प्रतिबन्ध

काठमाडौं। अन्तर्राष्ट्रिय मैत्रीपूर्ण फुटबल खेलमा स्पेन र इराकले १–१ गोलको बराबरी खेलेका छन्। खेलको १६औं मिनेटमा फेरान टोरेसले गोल गर्दै स्पेनलाई सुरुआतफ अग्रता दिलाएका थिए। डानी ओल्मोको पासमा उनले उत्कृष्ट फिनिसिङ गर्दै टोलीलाई १–० को अवस्थामा पुर्‍याए। तर, २७औं मिनेटमा मेर्चास डोस्कीले गोल गर्दै इराकलाई खेलमा फर्काए। अकाम हाशिमको पासमा डोस्कीले टाढाबाट गरेको प्रहार गोलमा परिणत भएपछि खेल १–१ को बराबरीमा पुगेको थियो। बराबरी गोलपछि दुवै टोलीले थप अवसर सिर्जना गरे पनि गोल गर्न सकेनन्। दोस्रो हाफमा दुवै टोलीले धेरै परिवर्तन गर्दै नयाँ खेलाडी मैदानमा उतारेका थिए।&nbsp; निर्धारित समयभर दुवै टोलीले गोलका लागि संघर्ष गरे पनि थप गोल निस्कन नसक्दा खेल १–१ को बराबरीमा सकिएको हो। फिफा विश्वकप अघि मैत्रीपूर्णले दुवै टाेलीले केहि हैसियका छन्।

स्पेन र इराक बराबरी रोकिए

फ्रेन्च ओपन २०२६ ले महिला एकलमा नयाँ विजेता पाउने भएको छ । अब शनिबार हुने फाइनलमा माजा चवलिन्स्का र मिरा आन्द्रेभा भिड्ने भएका छन् । चवलिन्स्काले नयाँ इतिहास बनाउने क्रममा बिहीबार फाइनल यात्रा तय गरेकी हुन् । उनी प्रतियोगिताको १ सय १४ वर्ष लामो इतिहासमा फाइनल पुग्ने पहिलो क्वालिफायर खेलाडी पनि भएकी छिन् । वरीयताको १ सय १४ स्थानमा रहेकी पोल्यान्डकी चवलिन्स्काले डायना स्नाइडरलाई ७–६ र ६–४ ले पराजित गरिन् । त्यस अगाडि रुसकी १९ वर्षीया खेलाडी आन्द्रेभाले अर्को सेमिफाइनलमा मार्टा क्यास्ट्युकलाई ६–१ र ६–३ ले हराएकी थिइन् । उनी पनि आफ्नो खेल जीवनको पहिलो ग्रान्ड स्लामको फाइनल पुगेकी हुन् ।

फ्रेन्च ओपन २०२६- उपाधि भिडन्तमा चवलिन्स्का र आन्द्रेभा भिड्दै

इंग्लिस प्रिमियर लिग क्लब लिभरपुलले बिहीबार आफ्नो नयाँ प्रशिक्षकमा स्पेनका एन्डोनी इराओला नियुक्त गरेको छ । इराओला आएपछि अब लिभरपुलले योर्गन क्लोप समयको जस्तो आक्रमण फुटबल खेल्ने बताइएको छ । लिभरपुलले इराओलासँग दुई वर्षको अनुबन्ध गरिएको छ । उनकै नेतृत्वमा यसै सिजन बर्नमाउथले लिगमा उत्कृष्ट प्रदर्शन गरेर छैटौं स्थानमा रहेको थियो र यसक्रममा पहिलो पटक युरोपका लागि छनोट भएको थियो । यसअघि उनले रायो भालेकानो सम्हालेका थिए । लिभरपुलले गत शनिबार मात्रै आर्ने स्लटलाई वर्खास्त गरेको थियो । स्लटको नेतृत्वमा गत सिजन लिभरपुलले लिग उपाधि जितेपनि यसपल्ट राम्रो प्रदर्शन गर्न सकेको थिएन् ।

लिभरपुल प्रशिक्षकमा इराओला

काठमाडौं। तेस्रो संस्करणको एसियन ई–लर्निङ ‘जयकुमारनाथ शाह स्मृति यु–१६ इन्टर स्कुल क्रिकेट प्रतियोगिता’ अन्तर्गत सम्पन्न खेलमा अपी स्कुल र केएमसी स्कुलले लगातार दोस्रो जित हासिल गर्दै क्वाटरफाइनलमा स्थान सुरक्षित गरेका छन्। साथै संस्कृति, विज्डम र अक्षरिका स्कुलले पनि जित दर्ता गरेका छन्। माथिल्लो मूलपानी क्रिकेट मैदानमा भएको दिनको पहिलो खेलमा केएमसी स्कुलले ग्यालेक्सी पब्लिक स्कुललाई ६२ रनले पराजित गर्दै लगातार दोस्रो जितसहित क्वाटरफाइनलमा प्रवेश गर्‍यो। टस जितेर पहिले ब्याटिङ गरेको केएमसीले २० ओभरमा ५ विकेट गुमाएर १८५ रन बनायो। बिदान सपकोटाले ५५ बलमा १०५ रनको शतकीय इनिङ्स खेले भने अवियनराज यादवले २४ रनको योगदान दिए। केएमसीले दिएको १८६ रनको लक्ष्य पछ्याएको ग्यालेक्सी १९.३ ओभरमा १२३ रनमै समेटियो। खुशबेन्द्र साहले ५२ रन र बाइभव नारायण साहले अविजित ३० रन बनाए पनि टोलीलाई जित दिलाउन सकेनन्। केएमसीका लागि खुशबेन्द्र साहले ३ विकेट लिए भने बिदान लुइँटेल र अमित कुमार दासले २/२ विकेट लिए। बिदान सपकोटा ‘प्लेयर अफ द म्याच’ घोषित भए। त्यसै मैदानमा अपी स्कुलले ज्ञान मन्दिरलाई १९१ रनको फराकिलो अन्तरले पराजित गर्दै लगातार दोस्रो जितसहित क्वाटरफाइनलमा स्थान सुरक्षित गर्‍यो। अपीले २० ओभरमा ३ विकेट गुमाएर २६५ रनको विशाल योगफल तयार गर्‍यो। कुसुम प्रसालले ६७ बलमा १२० रन र युगान्त कार्कीले ३५ बलमा ८२ रन बनाए। २६६ रनको लक्ष्य पछ्याएको ज्ञान मन्दिर १८ ओभरमा ७४ रनमै समेटियो। अपीका विशाल बुढा र कुसुम प्रसालले २/२ विकेट लिए। कुसुम प्रसाल ‘प्लेयर अफ द म्याच’ घोषित भए। तल्लो मूलपानी क्रिकेट मैदानमा विज्डम इङ्ग्लिस एकेडेमीले क्लिन्टन स्कुललाई ४१ रनले पराजित गर्‍यो। विज्डमले २० ओभरमा १० विकेट गुमाएर ९८ रन बनायो भने क्लिन्टन ५७ रनमै अलआउट भयो। आयुष थापाले ७ विकेट लिँदै उत्कृष्ट प्रदर्शन गरे र ‘प्लेयर अफ द म्याच’ बने। सोही मैदानमा संस्कृति इन्टरनेसनल स्कुलले अक्षरा स्कुललाई ५ विकेटले पराजित गर्‍यो। अक्षराले दिएको ११५ रन पछ्याएको संस्कृतिले १८.२ ओभरमा ५ विकेट गुमाउँदै लक्ष्य पूरा गर्‍यो। खेलमा गेबान्शजंग लामिछानेले अविजित ६४ रनको उत्कृष्ट इनिङ्स खेले र ‘प्लेयर अफ द म्याच’ बने। त्रिभुवन विश्वविद्यालय अन्तर्राष्ट्रिय क्रिकेट मैदानमा अक्षरिका स्कुलले लिभरपुल सेकेन्डरी स्कुललाई ३७ रनले पराजित गर्‍यो। अक्षरिकाले दिएको १३८ रनको लक्ष्य पछ्याएको लिभरपुल १८.३ ओभरमा १०० रनमै समेटियो। अक्षरिका आर्यन शाह ‘प्लेयर अफ द म्याच’ बने। त्यसै मैदानमा द सेलिब्रेसन सहशिक्षा विद्यालय र पिक पोइन्ट एकेडेमीबीचको खेल वर्षाका कारण रद्द भयो। जसको कारण दुवै टोलीले एक–एक अंक बाँडे। प्रतियोगिताका सबै खेलमा ‘प्लेयर अफ द म्याच’लाई पिक पोइन्टको तर्फबाट नगद रु १ हजार ५ सय प्रदान गरिएको आयोजकले जनाएको छ। आगामी जेठ २५ गतेसम्म सञ्चालन हुने प्रतियोगितामा २४ टोलीको सहभागिता रहेको छ। प्रतियोगिताको मुख्य प्रायोजक एसियन ई–लर्निङ प्रालि रहेको छ भने सह–प्रायोजकमा ई–सेवा रहेको छ। एसोसिएट प्रायोजकका रूपमा लाइफ इन्स्योरेन्स कर्पोरेसन (नेपाल) लिमिटेड र प्रभु बैंक लिमिटेड रहेका छन्।&nbsp;

अपी र केएमसी क्वाटरफाइनलमा, संस्कृति–विज्डम र अक्षरिका पनि विजयी

काठमाडौं। एसियन गेम्स पुरुष क्रिकेट छनोटअन्तर्गत समूह ‘ए’ को खेलमा नेपालले मलेसियालाई १६७ रनको फराकिलो अन्तरले पराजित गरेको छ। सिंगापुरमा बिहीबार सम्पन्न खेलमा नेपालले पहिले ब्याटिङ गर्दै २० ओभरमा ७ विकेट गुमाएर २७५ रनको विशाल योगफल बनाएको थियो। नेपालका लागि कुशल भुर्तेलले १२६ रन र आसिफ शेखले ६८ रनको विस्फोटक इनिङ्स खेलेका थिए। नेपालले दिएकाे २७६ रनको लक्ष्य पछ्याएको मलेसिया २० ओभरमा ९ विकेट गुमाउँदै १०८ रनमै समेटियो। मलेसियाका कप्तान सैयद अजिजले सर्वाधिक ५४ रन बनाए पनि टोलीलाई जित दिलाउन सकेनन्। नेपालका शेर मल्लले ३ विकेट लिए भने सन्दीप लामिछाने, कुशल मल्ल, सोमपाल कामी, करण केसी र दीपेन्द्रसिंह ऐरीले समान १–१ विकेट लिए। याे जितसँगै समूह बिजेता बन्दै नेपाल सेमिफाइनलमा प्रवेश गरेकाे छ।&nbsp;

नेपाल १६७ रनले विजयी

काठमाडौं। तेस्रो संस्करणको एसियन ई–लर्निङ ‘जयकुमारनाथ शाह स्मृति यु–१६ इन्टर स्कुल क्रिकेट प्रतियोगिता’ अन्तर्गत बिहीबार सम्पन्न खेलमा अपी स्कुलले ज्ञान मन्दिर इङ्ग्लिस बोर्डिङ स्कुललाई १ सय ९१ रनले पराजित गर्दै लगातार दोस्रो जितसहित क्वाटरफाइनलमा स्थान सुरक्षित गरेको छ। माथिल्लो मूलपानी अन्तर्राष्ट्रिय क्रिकेट मैदानमा टस जितेर ब्याटिङ रोजेको अपीले निर्धारित २० ओभरमा ३ विकेट गुमाएर २ सय ६५ रनको विशाल योगफल तयार गरेको थियो। अपीका कुसुम प्रसालले ६७ बलमा १ सय २० रनको विस्फोटक शतकीय इनिङ्स खेले भने कप्तान युगान्त कार्कीले ३५ बलमा ८२ रन जोडे। २ सय ६६ रनको लक्ष्य पछ्याएको ज्ञान मन्दिर १८ ओभरमा ७४ रनमै समेटियो। उसका लागि सोनु कुमारले अविजित ३८ रन बनाए। अपीको जितमा विशाल बुढा र कुसुम प्रसालले समान २–२ विकेट लिए। अलराउण्ड प्रदर्शन गरेका कुसुम प्रसाल ‘प्लेयर अफ द म्याच’ घोषित भए। उनलाई पिक पोइन्टको तर्फबाट नगद १ हजार ५ सय रुपैयाँ प्रदान गरिएको थियो। यसअघि अपीले समूह ‘डी’ को पहिलो खेलमा एन्जल्स हार्ट नेसनल स्कुललाई ८ रनले पराजित गरेको थियो। लगातार दोस्रो जितसँगै अपी समूह विजेताका रूपमा क्वाटरफाइनलमा प्रवेश गरेको छ। यस्तै, अर्को खेलमा संस्कृति इन्टरनेसनल स्कुलले अक्षरा स्कुललाई ५ विकेटले पराजित गरेको छ। तल्लो मूलपानी अन्तर्राष्ट्रिय क्रिकेट मैदानमा पहिले ब्याटिङ गरेको अक्षराले १९.३ ओभरमा सबै विकेट गुमाएर ११५ रन बनाएको थियो। नेयोल राउतले सर्वाधिक ३० रन बनाए। संस्कृतिका गेबांशजंग लामिछाने, प्राञ्जल देवकोटा, प्राञ्जन शर्मा देवकोटा र गर्भ बहेतीले समान २/२ विकेट लिए। जवाफी ब्याटिङमा संस्कृतिले १८.२ ओभरमा ५ विकेट गुमाउँदै लक्ष्य पूरा गर्यो। गेबांशले अविजित ६४ रनको उत्कृष्ट इनिङ्स खेले। गेबांशजंग &nbsp;‘प्लेयर अफ द म्याच’ घोषित भए। उने पिक पोइन्टकोतर्फबाट नगद १ हजार ५ सय रुपैयाँ प्राप्त गरे। समूह एफ को यसअघिको पहिलो खेलमा अक्षराले रत्न राज्य माध्यमिक विद्यालयलाई पराजित गरेको थियो।&nbsp; त्रिभुवन विश्वविद्यालय अन्तर्राष्ट्रिय क्रिकेट मैदानमा बिहीबार सम्पन्न खेलमा अक्षारिका स्कुलले लिभरपुल सेकेन्डरी स्कुललाई ३७ रनले पराजित गर्दै प्रतियोगितामा विजयी सुरुआत गरेको छ। यसअघि पहिलो खेलमा अक्षरिका जेम्स स्कुलसँग १२५ रनले पराजित भएको थियो। टस जितेर पहिले ब्याटिङ गरेको अक्षारिकाले निर्धारित २० ओभरमा ६ विकेट गुमाएर १३७ रन बनायो। टोलीका लागि कप्तान आर्यन शाहले सर्वाधिक २७ रन बनाए भने दिव्यांश जोशी १७ रनमा अविजित रहे। अतिरिक्तबाट अक्षारिकाले ४६ रन प्राप्त गरेको थियो। जितसँगै दुई खेलम अक्षरिकाले दुई अंक जोडेको छ। १३८ रनको लक्ष्य पछ्याएको लिभरपुल १८.३ ओभरमा १०० रनमै अलआउट भयो। उसका कप्तान राजन खड्काले ३८ रनको संघर्षपूर्ण इनिङ्स खेले पनि टोलीलाई जित दिलाउन सकेनन्। अक्षारिकाको जितमा प्रशम हुमागाईं, सम्भ्रान्त लायालु र आशिष थापाले समान २–२ विकेट लिए। उत्कृष्ट प्रदर्शन गरेका आर्यन शाह ‘प्लेयर अफ द म्याच’ घोषित भए। उनले पिक पोइन्टको तर्फबाट नगद रु १ हजार ५ सय पाए। प्रतियोगिताको मुख्य प्रायोजक एसियन ई–लर्निङ प्रालि रहेको छ भने सह–प्रायोजकमा ई–सेवा रहेको छ। एसोसिएट प्रायोजकका रूपमा लाइफ इन्स्योरेन्स कर्पोरेसन (नेपाल) लिमिटेड र प्रभु बैंक लिमिटेड रहेका छन्। काठमाडौं जिल्ला क्रिकेट संघको आयोजनामा भइरहेको प्रतियोगितामा २४ विद्यालय सहभागी छन्। सहभागी टोलीलाई आठ समूहमा विभाजन गरिएको छ। प्रतियोगिता सञ्चालनमा विभिन्न बैंक, शैक्षिक संस्था तथा व्यावसायिक प्रतिष्ठानहरूको सहयोग रहेको आयोजकले जनाएको छ।

यु–१६ इन्टर स्कुल क्रिकेट : अपी क्वाटरफाइनलमा पुग्दा संस्कृति र अक्षारिका विजयी

काठमाडौं। एसियन गेम्स पुरुष क्रिकेट छनोटअन्तर्गत समूह ‘ए’ को खेलमा नेपालले मलेसियाविरुद्ध निर्धारित २० ओभरमा ७ विकेट गुमाएर २७५ रनको विशाल योगफल खडा गरेको छ। सिंगापुरमा जारी खेलमा टस हारेर पहिले ब्याटिङ गरेको नेपालका लागि कुशल भुर्तेलले विस्फोटक ब्याटिङ गर्दै ५४ बलमा १४ चौका र ८ छक्काको मद्दतले १२६ रन बनाए। उनले टी–२० अन्तर्राष्ट्रिय क्रिकेटमा शानदार शतक पूरा गरेका हुन्। नेपाललाई आक्रामक सुरुआत दिलाउने क्रममा आसिफ शेखले २४ बलमा ५ चौका र ७ छक्कासहित ६८ रनको योगदान दिए। कुशल र आसिफले पहिलो विकेटका लागि १३४ रनको साझेदारी गर्दै नेपाललाई बलियो अवस्थामा पुर्‍याएका थिए। त्यसपछि सन्दीप जोराले १५, कप्तान दीपेन्द्रसिंह ऐरीले ११ बलमा ३१ तथा लोकेश बमले १० रन जोडे।&nbsp; मलेसियाका लागि विरन्दीप सिंहले सर्वाधिक ३ विकेट लिए। सइद अजिज र विजय उन्नीले समान २–२ विकेट हात पारे।

कुशल भुर्तेलको शतकीय इनिङ्समा मलेसियालाई २७६ रनको लक्ष्य

काठमाडौं। रुविना क्षेत्रीको अलराउन्ड प्रदर्शनसँगै नेपाल एसीसी महिला प्रिमियर कपको शानदार जित दर्ता गरेकाे छ। बिहीबार सम्पन्न खेलमा नेपालले भुटानलाई ५१ रनले हराएको हो। योजितसँगै नेपालले २ खेलबाट ४ अंक जोडेको छ। नेपालले दिएको ११४ रनको लक्ष्य पछ्याएको भुटानले २० ओभरमा ८ विकेट गुमाउँदै ६२ रन मात्र बनाउन सक्यो। भुटानकी देचेन वाङ्मोले सर्वाधिक ३९ रन बनाइन्। नेपालकी रुविनाले ३ विकेट लिइन्। रिया शर्माले २ विकेट लिँदा कविता कुँवर र मनिषा उपाध्यायले समान १ विकेट राखे। त्यसअघि टस हारेर पहिला ब्याटिङ थालेको नेपालले निर्धारित २० ओभरमा सबै गुमाएर ११३ रन बनाएको थियो। नेपालकी सीता रानामगरले सर्वाधिक ३७ रन बनाइन्। रुविनाले भने २१ बलमा ३ चौकासहित २४ रन बनाइन्। यी दुईबीच आठौं विकेटका लागि ३१ बलमा ४० रनको साझेदारी भएको थियो। सोनी पाख्रिन ११३ र सम्झनाकुमारी खड्का १० रनमा आउट हुँदा अन्य ब्याटर चल्न सकेनन्।<table class="table table-bordered"><tbody><tr><td> </td></tr></tbody></table>

रुविनाको अलराउन्ड प्रदर्शनमा नेपाल विजयी

डायना स्नाइडरले शीर्ष वरीयताकाी आारयना सबलेन्का बुधबार ३–६, ७–५ र ६–० पराजित गर्दै फ्रेन्च ओपनको सेमिफाइनल यात्रा तय गरेकी छिन् । निश्चित जितको स्थितिबाट सबलेन्का हारेकी हुन् । अब सेमिफाइनलमा स्नाइडरले माजा चवलिन्स्काको सामना गर्नेछिन् । चवलिन्स्काले भने अर्को क्वाटरफाइनल एना कालिनसाक्यामाथि ७–६ र ६–३ को जित दर्ता गरिन् । &nbsp; पुरुषतर्फको क्वाटरफाइनलमा दर्सौ वरीयताका फ्लाबिओ कोबोलीले एलेक्स अगरलाई ४–६, ६–४, ६–४ र ६–४ ले पराजित गरे । उनले अब म्याटेओ आरनाल्डीविरुद्ध सेमिफाइनलमा खेल्नेछन् । आरनाल्डीले भने पूरा खेल नै खेल्नु परेन् र उनी ७–५ र ५–२ ले अगाडि रहेको बेला चोटका कारण म्याटिओ बेरटिनी खेल छाडे ।

Nepalsports

⚽ Upcoming Matches

🎖 Recent Matches

📰 Recent News

Nepalsports