Yemen

काठमाडौं। नेपाली राष्ट्रिय क्रिकेट टोलीका कप्तान रोहित पौडेल, उपकप्तान दीपेन्द्रसिंह ऐरी र ‘ग्लोबल आइकन’ सन्दीप लामिछानेसहित ८ नेपाली खेलाडी बेल्जियममा आयोजना हुने इयू टी–२० लिगमा सहभागी हुने भएका छन्। बेल्जियममा पहिलोपटक हुन लागेको फ्रेन्चाइज आधारित यो लिग आगामी जुन ६ देखि १४ सम्म सञ्चालन हुनेछ। प्रतियोगितामा जेबी ब्रुग्स, एन्टवर्प एंकर्स, ब्रसेल्स वारियर्स, घेन्ट ग्लाडियटर्स, लुभेन लायन्स र लियेज रेड लायन्स सहभागी रहनेछन्। ड्राफ्टमार्फत कप्तान रोहित पौडेल, विकेटकिपर ब्याटर आशिफ शेख, स्पिनर ललितनारायण राजवंशी र युवा खेलाडी इशान पाण्डे विभिन्न टोलीमा अनुबन्ध भएका हुन्। यस्तै विकेटकिपर अनिलकुमार साह र अलराउन्डर गुल्शनकुमार झा पनि टोलीमा समेटिएका छन्। यसअघि नै जेबी ब्रुग्सले दीपेन्द्रसिंह ऐरीलाई प्रि-साइन गरिसकेको थियो भने लियेज रेड लायन्सले सन्दीप लामिछानेलाई टोलीमा भित्र्याइसकेको थियो। रोहित घेन्ट ग्लाडियटर्समा ‘क्याटेगोरी बी’बाट अनुबन्ध भएका छन् भने आशिफलाई एन्टवर्प एंकर्सले ‘क्याटेगोरी सी’बाट टोलीमा समेटेको छ। ललित र इशान भने दीपेन्द्र आबद्ध जेबी ब्रुग्समै पुगेका छन्। अनिल र गुल्शन पनि ‘अप्सनल राउन्ड’मार्फत जेबी ब्रुग्समा अनुबन्ध भएसँगै एकै टोलीबाट ५ नेपाली खेलाडी मैदान उत्रने भएका छन्। विदेशी खेलाडीका रूपमा कोलिन मनरो र रासी भान डर डुसेनलाई पनि जेबी ब्रुग्सले टोलीमा समेटेको छ। नेपाली खेलाडीहरूको उल्लेखनीय सहभागितासँगै इयू टी–२० लिगमा यसपटक नेपालको उपस्थिति बलियो देखिएको छ।

सन्दीपसहित ८ नेपाली खेलाडी इयू टी–२० लिगमा

काठमाडौं। नेपाली महिला फुटबल टोलीकी स्टार खेलाडी सावित्रा भण्डारी ‘साम्बा’को घुँडाको सफल शल्यक्रिया न्युजिल्यान्डमा सम्पन्न भएको छ। बुधवार बिहान अकल्यान्डमा डाक्टर साइमन र उनको टोलीले सफलतापूर्वक शल्यक्रिया सम्पन्न गरेको जानकारी साम्बाले सामाजिक सञ्जालमार्फत दिएकी छिन्। उनले लामो प्रतीक्षापछि शल्यक्रिया सफल भएको बताउँदै सुरुवातमा कतारस्थित एस्पेटारमा उपचार गर्ने योजना रहेको उल्लेख गरेकी छिन्। तर, मध्यपूर्व क्षेत्रमा हालको असहज अवस्थाका कारण त्यहाँ पुग्न समस्या भएपछि विशेषज्ञकै सुझावमा न्युजिल्यान्डमै शल्यक्रिया गरिएको उनले स्पष्ट पारिन्। साम्बाका अनुसार अब अकल्यान्डमै चिकित्सकको निगरानीमा पुनर्स्थापना (रिह्याब) प्रक्रिया सुरु हुनेछ। अवस्था सामान्य हुनेबित्तिकै पुनः एस्पेटारमा गएर रिह्याबलाई निरन्तरता दिने योजना पनि उनले सार्वजनिक गरेकी छिन्। यस कठिन घडीमा साथ दिने सबैप्रति आभार व्यक्त गर्दै उनले विशेषगरी वेलिंगटन र अकल्यान्डमा रहेका नेपाली समुदायप्रति कृतज्ञता व्यक्त गरिन्। साथै आफ्नो क्लब वेलिंगटन फिनिक्स र व्यवस्थापन टोलीले शल्यक्रियाको समय मिलाउन दिनरात सहयोग गरेको उल्लेख गरिन्। समर्थकहरूको माया र साथलाई आफ्नो ऊर्जा बनाउँदै साम्बाले अब पूर्ण रूपमा पुनरागमनमा केन्द्रित हुने बताएकी छिन्।

न्युजिल्यान्डमा ‘साम्बा’को सफल शल्यक्रिया

लिभरपुलका लागि दुई प्रिमियर लिग, च्याम्पियन्स लिग, फिफा क्लब वर्ल्डकप, यूईएफ सुपरकप, एफएकप र दुई लिगकप उपाधि जितेका मोहमद सलाहले यो सिजनको अन्त्यमा क्लब छाड्ने भएका छन् । क्लबले मंगलबार यसको घोषणा गरेको हो । यससँगै लिभरपुलमा उनको सफल नौ वर्षको बसाईमा टुंगिनेछ । यसक्रममा उनी विश्व फुटबलकै सबैभन्दा सफल खेलाडी बने । । अहिलेसम्म उनले लिभरपुलका लायग ४ सय ३५ खेल खेलेर २ सय ५५ गोल गरेका छन् । सलाहले प्रिमियर लिगमा चेल्सीबाट पनि खेले, तर त्यहाँ उनको बसाई सफल भने रहेन् । सन् २०१७ मा ३३ वर्षीय इजिप्टको स्टार खेलाडी इटालीको रोमाबाट एनफिल्ड आएका थिए । त्यति बेला उनलाई लिभरपुलले तीन करोड ४० लाख पाउन्ड तिरेको थियो । सलाहले सन् २०२५ मा लिभरपुलसँग दुई वर्षको अनुबन्ध गरेका थिए । तर अब दुई पक्षबीचको सहमती अनुसार फ्रि ट्रान्सफरमा क्लब छाड्ने छन् ।

लिभरपुलको घोषणा, सलाहले क्लब छाड्ने

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा नेपाल पुलिस क्लबले सशस्त्र प्रहरी बल (एपीएफ) क्लबलाई १८५ रनले पराजित गर्दै पहिलो जित दर्ता गरेको छ। ३५६ रनको विशाल लक्ष्य पछ्याएको एपीएफ ४४ ओभरमा १७० रनमै समेटियो। एपीएफका लागि नन्दन यादवले अविजित ४४ रन बनाए भने कमल ऐरीले ३५ रनको योगदान दिए। अन्य ब्याट्सम्यानले भने उल्लेखनीय प्रदर्शन गर्न सकेनन्। पुलिसका ललित राजवंशीले ३ विकेट लिए। करण केसी, राशिद खान र दिनेश खरेलले समान २–२ विकेट लिँदा सागर ढकालले १ विकेट हात पारे। त्यसअघि पहिले ब्याटिङ गरेको नेपाल पुलिस क्लबले निर्धारित ५० ओभरमा ९ विकेट गुमाउँदै ३५५ रन बनाएको थियो। पुलिसका लागि दिनेश खरेलले ६० रन बनाए भने शंकर रानाले ६१ रनको महत्वपूर्ण इनिङ्स खेले। कप्तान आरिफ शेखले ५० रन जोड्दा राशिद खानले ४४ रन बनाए। अमित श्रेष्ठले ३९ रन र गुलशन झाले २३ रन बनाउँदा अन्तिमतिर दिलसाद अलीले अविजित ५१ रनको आक्रामक इनिङ्स खेल्दै टोलीलाई विशाल योगफलसम्म पुर्‍याएका थिए। एपीएफका लागि कमल ऐरी र अमर राउतेलाले समान २–२ विकेट लिए भने नन्दन यादव, रोहित पौडेल र युवराज खत्रीले एक–एक विकेट लिएका थिए।

प्रधानमन्त्री कप: पुलिसको पहिलो जित

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा बागमती प्रदेशले गण्डकी प्रदेशविरुद्ध १७० रनको फराकिलो जित दर्ता गरेको छ। पहिलो खेलमा एपीएफसँग ७१ रनले पराजित भएको बागमतीले पहिलो जित दर्ता गरेको हो। २९५ रनको लक्ष्य पछ्याएको गण्डकी ३१।५ ओभरमा मात्र १२४ रनमा अलआउट भयो। गण्डकीका लागि अर्जुन कुमालले सर्वाधिक ७४ रन बनाए पनि अन्य ब्याट्सम्यानले साथ दिन सकेनन्। सुभाष भण्डारीले २९ रन जोड्दा बाँकी खेलाडी दोहोरो अंकमा पुग्न सकेनन्।&nbsp;अर्जुनले ९० बलमा ११ चौका प्रहार गरे।&nbsp;बागमतीका रिजन ढकालले ३ विकेट लिए। सन्दीप लामिछाने र इशान पाण्डेले समान २–२ विकेट लिँदा दयानन्द मण्डल र सुभाष खत्रीले १–१ विकेट हात पारे। त्यसअघि पहिले ब्याटिङ गरेको बागमतीले निर्धारित ५० ओभरमा ८ विकेट गुमाउँदै २९४ रन बनाएको थियो। बागमतीका लागि आशुतोष घिरैयाँले ५९ रनको महत्वपूर्ण इनिङ्स खेले भने शुभ कंसाकारले आक्रामक ४४ रन बनाए। इशान पाण्डेले उत्कृष्ट ७१ रन बनाउँदै टोलीलाई मजबुत अवस्थामा पुर्‍याए। मध्यक्रममा उत्तम मगरले ३० रन बनाए भने विवेक मगरले २७ रन थपे। कप्तान सन्दीप लामिछानेले अन्त्यतिर अविजित २६ रन बनाउँदै टोलीलाई ठूलो योगफलसम्म पुर्‍याएका थिए। गण्डकीका लागि कमल परियारले २ विकेट लिए भने विपिन खत्री, अंकित न्यौपाने, सिब्रिन श्रेष्ठ र सुभाष भण्डारीले समान १–१ विकेट लिएका थिए।

गण्डकीमाथि बागमती १७० रनले विजयी

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा लुम्बिनी प्रदेश र सुदूरपश्चिम प्रदेशले शानदार जितसँगै आफ्नो यात्रा सुरु गरेका छन्। जनकपुरमा सोमबार सम्पन्न खेलमा लुम्बिनी प्रदेशले कोशी प्रदेशलाई १४८ रनले पराजित गर्दै प्रभावशाली प्रदर्शन गर्‍यो। २५० रनको लक्ष्य पछ्याएको कोशी ३१.४ ओभरमै १०१ रनमा समेटियो। कोशीका लागि अंकित सुवेदीले सर्वाधिक ३० रन बनाए भने तीन ब्याट्सम्यान शून्य रनमै पवेलियन फर्किए। कोशीलाई सस्तो स्कोरमै रोक्न लुम्बिनीका सन्तोष यादवले ४ विकेट लिए। राजेन्द्र बमले ३, निर्मल गुरुङले २ तथा सन्देश थापाले १ विकेट हात पारे। यसअघि पहिले ब्याटिङ गरेको लुम्बिनीले ४९.३ ओभरमा अलआउट हुँदै २४९ रनको प्रतिस्पर्धात्मक योगफल तयार पारेको थियो। कप्तान देव खनालले उत्कृष्ट ९२ रन बनाए। सन्तोष यादवले ४८ तथा रन्जीत खड्काले ३५ रनको योगदान दिए। कोशीका सुजन थपलियाले ४ विकेट लिए। पहिलो खेलमा अंक बाँडेको लुम्बिनीले यस जितसँगै ३ अंक जोड्दा कोशीको खातामा १ अंक रहेको छ। यता, वीरगञ्जस्थित नारायणी रंगशालामा भएको अर्को खेलमा सुदूरपश्चिम प्रदेशले कर्णाली प्रदेशलाई ४ विकेटले पराजित गर्दै विजयी सुरुआत गर्‍यो।<img src="https://app.nepalsportz.com/media/django-summernote/2026-03-23/51bc3487-7309-4864-862c-f55a76b3a465.jpeg" style="width: 698px;"> पहिले ब्याटिङ गरेको कर्णाली ३२ ओभरमा ११९ रनमा अलआउट भयो। बिपिन रावलले सर्वाधिक ३३ रन बनाए भने सुनिल धमलाले २८ रन जोडे। सुदूरपश्चिमका हेमन्त धामीले घातक बलिङ गर्दै ७ ओभरमा मात्र १६ रन खर्चेर ६ विकेट लिए। शेर मल्ल, नारायण जोशी, अशोक धामी र मिलन बोहराले समान १–१ विकेट लिए। १२० रनको सामान्य लक्ष्य पछ्याएको सुदूरपश्चिमले २९.२ ओभरमा ६ विकेट गुमाउँदै लक्ष्य पूरा गर्‍यो। किरण ठगुन्नाले २६ रन बनाए भने खडक बोहराले २३ रन जोडे। मिलन बोहरा १८ र शेर मल्ल १० रनमा अविजित रहे। कर्णालीका लागि अनुज चनारा र दिवान पुनले २–२ विकेट लिए भने प्रकाश जैशी र दिपेन्द्र रावतले १–१ विकेट हात पारे।

पीएम कपमा लुम्बिनी र सुदूरपश्चिमको विजयी सुरुआत

काठमाडौँ। साफ यु–२० च्याम्पियनसिपमा नेपालले सुखद सुरुआत गरेको छ। समूह ‘ए’ अन्तर्गत सोमबार माल्दिभ्सको मालेस्थित राष्ट्रिय फुटबल रंगशालामा सम्पन्न खेलमा नेपालले भुटानलाई २–१ गोलले पराजित गर्दै महत्वपूर्ण तीन अंक जोडेको हो। नेपालको जितमा सुजन डंगोल र सुवास बम नायक बने। खेलको पाँचौँ मिनेटमै सुजनले गोल गर्दै नेपाललाई अग्रता दिलाएका थिए। पहिलो हाफमा अग्रता जोगाएको नेपालले दोस्रो हाफको ५२औँ मिनेटमा सुवासको गोलमार्फत अन्तर दोब्बर बनायो। खेलको अन्त्यतिर भुटानले दबाब बढाउँदै ८३औँ मिनेटमा ढेनदुप ग्याल्जेनमार्फत एक गोल फर्काए पनि नेपालले बाँकी समय संयमित खेल प्रदर्शन गर्दै जित सुरक्षित गर्‍यो। चैत २१ गतेसम्म सञ्चालन हुने प्रतियोगितामा नेपाल समूह ‘ए’ मा रहेको छ, जहाँ आयोजक माल्दिभ्स, श्रीलङ्का र भुटान रहेका छन्। नेपालले अब आफ्नो दोस्रो खेल मार्च २५ मा श्रीलङ्कासँग र अन्तिम समूह चरणको खेल मार्च २७ मा माल्दिभ्ससँग खेल्नेछ। यस्तै समूह ‘बी’ मा भारत, बङ्गलादेश र पाकिस्तान रहेका छन्। राउन्ड रोबिन लिग चरणपछि दुवै समूहका शीर्ष दुई टोली सेमिफाइनलमा प्रवेश गर्नेछन्।

साफ यु–२० च्याम्पियनसिपमा नेपालको विजयी सुरुआत

इटालीको सिरी ए मा आइतबार फियोरेन्टिनाले इन्टर मिलानलाई १–१ को बराबरीमा रोकेको छ । इन्टरले खेलको पहिलो मिनेटमै पिओ इस्पोसिटोको गोलले अग्रता लिएको थियो । तर त्यसलाई कायम राख्न सकेन् । केर एडोरले फियोरेन्टिनाका लागि दोस्रो हाफमा बराबरी गोल फर्काए । यो जितपछि लिग तालिकाको शीर्ष स्थानमा इन्टरको अग्रता छ अंक मात्र रह्यो । इन्टरको ६९ अंक भएको छ । एसी मिलान ६३ अंकमा छ । आइतबारका अन्य खेलमा लाजियोले बोलोग्नालाई २–० र एएस रोमाले लेचेलाई १–० ले पराजित गर्‍यो । यस्तै कोमोले पिसालाई ५–० ले हराउन सफल रह्यो ।

फियोरेन्टिनाले इन्टरलाई रोक्यो बराबरीमा

भनिसियस जुनियरले दुई गोल गरेपछि रियल म्याड्रिडले स्पेनी ला लिगामा आइतबार एटलेटिको म्याड्रिडलाई ३–२ ले हराएको छ । यो जितपछि रियलले बार्सिलोनासँगको दूरी चार अंकमा कायम राख्यो । लिग तालिकामा रियलको ६९ भएको छ । बार्सिलोना ७३ अंकमा छ । हारले एटलेटिको ५७ अंकमा चौथो स्थानमा कायम रह्यो । भिल्लारियल भने ५८ अंकमा तेस्रो स्थानमै कायम रह्यो । बर्नाबाउमा भएको खेलमा रियलका लागि फेडरिको भाल्भारडेले पनि एक गोल थपे । तर उनले रातो कार्ड खाएर मैदान छाडे र रियल दस खेलाडीमा सीमित रह्यो । एटलेटिकोका तर्फबाट एडेमोला लुकमन र नहुल मोलिनाले एक एक गोल गरे ।

रियलले हरायो एटलेटिकोलाई

निको ओ’रेलीले दोस्रो हाफमा दुई गोल गरेपछि म्यानचेस्टर सिटीले आर्सनललाई आइतबार २–० ले पराजित गर्दै लिगकपको उपाधि जितेको छ । वेम्बलीमा भएको फाइनलमा उनले ६० र ६४ औं मिनेटमा गोल गरे । इंग्लिस प्रिमियर लिगको शीर्षमा रहेको आर्सनल खेल अगाडि जितका लागि बलिया प्रत्यासी रहेको थियो । तर दोस्रो स्थानमा रहेको सिटीले उपाधि जितेपछि प्रिमियर लिगको उपाधि होड पनि रोमाञ्चक बनेको छ । आर्सनलसामु सन् २०२० यता पहिलो उपाधि जित्ने अवसर थियो र उसले सन् १९९३ यता लिगकप जित्न सकेको थिएन् । लिग तालिकामा आर्सनलको ७० अंक छ भने एक खेल कम खेलेको सिटीको ६१ अंक छ ।

आर्सनललाई हराएर सिटी लिगकप च्याम्पियन

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिताअन्तर्गत त्रिभुवन आर्मी क्लबले नेपाल पुलिस क्लबविरुद्ध उत्कृष्ट प्रदर्शन गर्दै २२ रनले जित दर्ता गरेको छ। ४७ ओभरको खेलमा आर्मीले बसिर अहमदको शतकीय इनिङ्समा ८ विकेट गुमाएर २४३ रनको प्रतिस्पर्धात्मक योगफल खडा गरेको थियो। जवाफी ब्याटिङमा उत्रिएको पुलिस क्लब ४५।३ ओभरमा २२१ रनमै समेटियो। २२४ रनको लक्ष्य पछ्याएको पुलिसको सुरुआत खराब रह्यो। पहिलो बलमै विकेट गुमाएको टोलीका लागि राशिद खानले ६० रन बनाउँदै केही संघर्ष गरे। शंकर राणाले ४६ रन जोड्दा आरिफ शेखले ३८ रन बनाए। तर, आर्मीका बलरहरूले नियमित अन्तरालमा विकेट झार्दै खेल आफ्नो नियन्त्रणमा राखे। नरेन साउदले उत्कृष्ट बलिङ गर्दै ३ विकेट लिए भने आकाश चन्दले २ विकेट हात पारे। शाहब आलम, बसिर अहमद, कुशल मल्ल र पवन कार्कीले समान १–१ विकेट लिए। मध्यक्रममा विकेट गुमाउँदै गएको पुलिस अन्ततः लक्ष्यभन्दा २२ रन टाढा रहँदै अलआउट भयो।&nbsp; त्यसअघि पहिले ब्याटिङ गरेको आर्मीका लागि बसिर अहमदले ८६ बलमा ८ चौका र २ छक्कासहित शानदार १०० रन बनाए। भीम शर्कीले ६२ रनको महत्वपूर्ण योगदान दिँदा दुवैबीचको साझेदारीले टोलीलाई मजबुत स्थितिमा पुर्‍याएको थियो। नरेन साउद २१ रनमा अविजित रहे। पुलिसका लागि सर्वन यादवले ३ विकेट लिए भने सागर ढकाल र राशिद खानले समान २–२ विकेट झारे। ललित राजवंशीले १ विकेट लिए।

बसिर अहमदको शतकमा आर्मीको जित

काठमाडौं। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिताअन्तर्गत २७२ रनको लक्ष्य पछ्याएको बागमती प्रदेश २०० रनमै समेटिँदा सशस्त्र प्रहरी बल ९एपीएफ० क्लबले सहज जित दर्ता गरेको छ। ४५।१ ओभरमा अलआउट भएको बागमतीका लागि विवेक मगरले सर्वाधिक ३४ रन बनाए भने उत्तम मगरले २६ रनको योगदान दिए। सुवास खत्रीले २७ रन जोड्दा रिजन ढकाल २० रनमा अविजित रहे। अन्य ब्याटरले राम्रो सुरुआत गरे पनि ठूलो इनिङ्स खेल्न नसक्दा टोली दबाबमा परेको थियो। बागमतीको सुरुआत भने खराब रह्यो। पहिलो विकेट ९ रनमै गुमाएको टोलीले लगातार अन्तरालमा विकेट गुमाउँदै खेलमा पकड बनाउन सकेन। ७१ रनसम्म पुग्दा चार विकेट गुमाइसकेको बागमती मध्यक्रममा पनि सम्हालिन सकेन। एपीएफका लागि रोहित पौडेल र अविशेक गौतमले उत्कृष्ट बलिङ गर्दै समान ३–३ विकेट लिए। रोहितले १० ओभरमा मात्र २२ रन खर्चेर ३ विकेट लिएर किफायती प्रदर्शन गरे। गौतमले पनि १० ओभरमा ४३ रन दिँदै ३ विकेट झारे। कमल ऐरी, नन्दन यादव र युवराज खत्रीले समान १–१ विकेट लिए भने अमर रौतेलाले अन्तिम विकेट हात पारे। यसअघि एपीएफले ५० ओभरमा २७१ रन बनाउँदै बागमतीसामु प्रतिस्पर्धात्मक लक्ष्य प्रस्तुत गरेको थियो।&nbsp;

बागमती २०० रनमै समेटियो, एपीएफको सहज जित

काठमाडौं। विभागीय टोली एपीएफले प्रधानमन्त्री कप एकदिवसीय पुरुष राष्ट्रिय क्रिकेट प्रतियोगितामा बागमती प्रदेशलाई २७१ रनको लक्ष्य प्रस्तुत गरेको छ। माथिल्लो मुलपानी क्रिकेट मैदानमा टस हारे पहिले ब्याटिङ थालेको एपीएफका लागि आसिफ शेखले उत्कृष्ट ब्याटिङ प्रदर्शन गर्दै १०५ बलमा १४ चौका र ३ छक्कासहित सर्वाधिक ११४ रन बनाए। कप्तान रोहित पौडेल भने १० बलमा ९ रनमै आउट हुँदा टोलीलाई सुरुवाती दबाब परेको थियो। त्यसपछि सन्दीप जोरा र आसिफबीच राम्रो साझेदारी बन्यो। जोराले ५३ बलमा ५ चौका र ३ छक्कासहित ५२ रन बनाएर टोलीको इनिङ्स सम्हाले। मध्यक्रममा सुमित महर्जनले १८ रन योगदान गरे भने लोकेश बमले ३६ बलमा २९ रन जोडे। अन्त्यतिर युवराज खत्री २६ रनमा अविजित रहँदा कमल ऐरी ३ रनमा नटआउट रहे। एपीएफले निर्धारित ५० ओभरमा २७१ रन बनाउँदा ८ विकेट गुमायो। बलिङतर्फ बागमतीका रिजान ढकालले उत्कृष्ट प्रदर्शन गर्दै १० ओभरमा ४ विकेट लिए। ईशन पाण्डेले २ विकेट लिँदा कप्तान सन्दीप लामिछाने र सोनु देवकोटाले समान १र१ विकेट हात पारे।

आसिफको शतकमा एपीएफद्वारा बागमतीलाई २७२ रनको लक्ष्य

एसी मिलानले इटालीको सिरी ए आइतबार टुरिनोलाई ३–२ ले हराएको छ र यससँगै शीर्षमा रहेको छिमेकी इन्टर मिलानसँगको दूरी पाँच अंकमा छोट्याएको छ । यो नतिजापछि मिलानको ६३ अंक भएको छ । एक खेल कम खेलेको इन्टर ६८ अंकमा शीर्क्ष स्थानमा छ । अब आइतबारको खेलमा इन्टरले फियोरेन्टिनाको सामना गर्नेछ । मिलानका लागि एडरिन राबोट तथा युसुफ फाफोनाले दोस्रो हाफमा गोल गरे र यो नै जितको आधार बन्यो । अर्को खेलमा युभेन्ट्स र ससुलोले १–१ को बराबरी खेलेका छन् र यो नतिजापछि युभेन्ट्स ५४ अंकमा पाँचौं स्थानमा पुगेको छ ।

इन्टरमाथि मिलानको दबाब

बायर्न म्युनिकले शनिबार जर्मन बुंडेसलिगामा युनियन बर्लिनलाई ४–० ले सजिलै पराजित गर्दै उपाधिको नजिक पुगेको छ । लिगमा सात चरणका खेल बाँकी छँदा उसलाई उछिन्ने सम्भावना कम भएको छ । उसका लागि सर्गे जियानब्रेले दुई गोल गरे । यस्तै माइकल ओलिस र ह्यारी केनले एक एक गोल गरे । लयमा रहेको केनले यो सिजन बायर्नका लागि ३१ गोल गरिसकेका छन् । यो जितपछि बायर्नको ७० अंक भएको छ र यो दोस्रो स्थानमा रहेको बोरुसिया डर्टमुन्डमाथि नौ अंकको अग्रता हो । डर्टमुन्डको ६१ अंक रहेको छ । उसले अर्को खेलमा ह्याम्बर्गमाथि ३–२ को जित हात पार्‍यो ।

बायर्न उपाधिको नजिक

एभरटनले इंग्लिस प्रिमियर लिगमा शनिबार चेल्सीमाथि ३–० को प्रभावशाली जित निकाल्दै आफूले अर्को सिजन युरोपमा खेल्ने टिमको प्रत्यासीका रूपमा पेस गरेको छ । यो जितपछि उसको ४६ अंक भएको छ र यो शीर्ष चारसँग पाँच अंकको दूरी हो । खराव लयमा रहेको चेल्सी भने ४८ अंकमै सीमित रहेर छैटौं स्थानमा रह्यो । चेल्सीको यो लगातार चौथो हार हो र यसले टिममाथि चर्को दबाबसिर्जना भएको छ । एभरटनका लागि बेटोले दुई गोल गरे भने इलमन एनडियेले एक गोल थपे । अन्य खेलमा लिड्स युनाइटेड र ब्रेन्टफोर्डले गोलरहित बराबरी खेले भने फुलहमले बर्नलीलाई ३–१ ले पराजित गर्‍यो । ब्रेन्टफोर्ड ४६ अंकमा सातौं तथा फुलहम ४४ अंकमा नवौं स्थानमा छन् ।

चेल्सीलाई हराएर एभरटन अगाडि बढ्दै

सिड्नी। एसियन महिला फुटबलको उपाधि फेरि एकपटक जापानले जितेको छ। शनिबार स्टेडियम अष्ट्रेलियामा सम्पन्न फाइनलमा जापानले घरेलु टोली अस्ट्रेलियालाई १–० ले पराजित गर्दै उपाधि उचालेको हो। खेलको सुरुआतदेखि नै अस्ट्रेलियाले आक्रामक खेल प्रस्तुत गर्दै दबाब बनाएको थियो। तर १७औँ मिनेटमा जापानकी मिडफिल्डर युई हासेगावाले दिएको पासमा माइका हमानोले उत्कृष्ट प्रहार गर्दै टोलीलाई अग्रता दिलाइन्।&nbsp; त्यसपछि अस्ट्रेलियाले खेलमा फर्किने प्रयास जारी राख्यो। दोस्रो हाफभरि घरेलु टोलीले लगातार आक्रमण गर्दै जापानको पोस्ट समस्या गर्‍यो। क्याटलिन फोर्ड, साम केर र मेरी फाउलरले अवसर पाए पनि त्यसलाई गोलमा परिणत गर्न सकेनन्। खेलको अन्तिम समयमा एलाना केनेडीको हेडर समेत जापानकी गोलकिपर आयाका यामाशिताले उत्कृष्ट बचाउ गर्दै टोलीलाई अग्रता जोगाइन्। जापानले पनि केही अवसर गुमाएको थियो। रिको उएकीले दोस्रो हाफमा पाएका दुई अवसर सदुपयोग गर्न नसक्दा खेल अझ प्रतिस्पर्धात्मक बनेको थियो। यस जितसँगै जापानले आफ्नो तेस्रो एसियन कप उपाधि जित्दै पछिल्ला चार संस्करणमध्ये तीन पटक उपाधि हात पारेको छ। प्रतियोगिताभर उत्कृष्ट प्रदर्शन गरेको जापानले ६ खेलमा २९ गोल गर्दै केवल एक गोल मात्र बेहोरेको थियो।

जापान एसियन कप च्याम्पियन

ब्राइटनले इंग्लिस प्रिमियर लिगमा लिभरपुललाई शनिबार २–१ ले पराजित गरेको छ र यो जितका नायक रहे, ड्यानी वेलब्याक । उनले १४ तथा ५६ औं मिनेटमा दुई गोल गरे र आफ्नो टिमलाई बहुमूल्य तीन अंक दिलाए । खराव लयमा रहेको लिभरपुलका लागि मिलोस केरकेजले एक गोल फर्काए । यो नतिजापछि लिभरपुल ४९ अंकमा पाँचौ स्थानमा रह्यो र उसको अर्को सिजन युरोपेली च्याम्पियन्स लिग खेल्ने सम्भावना कमजोर बन्यो । ब्राइटन भने ४३ अंकमा आठौं स्थानमा उक्लेर आफ्नो स्थिति बलियो बनाएको छ र अर्को सिजन युरोपमा खेल्ने सम्भावना जीवन्त बनाएको छ ।

ब्राइटनसँग लिभरपुल स्तब्ध

काठमाडौँ। त्रिभुवन आर्मी क्लबका विनोद रोकायाले चौथो लुम्बिनी अन्तर्राष्ट्रिय पिस म्याराथन २०२६ मा पहिलो स्थान हासिल गरेका छन्। महिला हाफ म्याराथनमा &nbsp;त्रिभुवन आर्मीकै पूर्णलक्ष्मी न्यौपाने विजेता बनिन्। पवित्र बौद्ध तीर्थस्थल लुम्बिनीमा शनिबार सम्पन्न प्रतियोगितामा त्रिभुवन आर्मी क्लबको वर्चश्व रह्यो। म्याराथनमा शीर्ष तीन स्थान आर्मीकै खेलाडीले प्राप्त गरे। विजेता विनोदले २ घन्टा १७ मिनेट ५५ सकेन्डमा दौड पूरा गरी पहिलो स्थान प्राप्त गरेका हुन्। दोस्रो हुने सुशील कुमार शाही २ घन्टा १८ मिनेट १६ सकेन्ड समय लगाएर दोस्रो तथा आर्मीकै नरेन्द्र सिह राउत २ घन्टा १९ मिनेट ५८ सकेन्ड समयसहित तेस्रो भए। यसैगरी चिनका वाङ चि (२.२१ः०५ सकेन्ड) चौथो, केन्याका जुलियस वाकोमे (२.२३.०० सकेन्ड) पाँचौँ, दल बहादुर कुुँवर (२.२४.०७ सकेन्ड) छैटौँ, इशाह नुन्गु (२.२५ः४२ सकेन्ड) सातौँ, कुलबहादुर बस्नेत (२ः२८.१७ सकेन्ड) आठौँ, हरि रिमाल (२.२९ः२० सकेन्ड) नवौँ र कर्णबहादुर रोका मगर (२ः३४.२० सकेन्ड) दशौँ स्थानमा रहे। पुरुष म्याराथनमा विजेता विनोदले तीन लाख ५० हजार, दोस्रो हुने सुशीलले दुई लाख ५० हजार र तेस्रो हुने नरेन्द्रले एक लाख ५० हजार रुपियाँ पुरस्कार प्राप्त गरे । यसैगरी म्याराथनमा शीर्ष दस स्थानमा रहने धावकहरुलाई क्रमशः एक लाख, ८० हजार, ६० हजार, ४० हजार, २० हजार १० हजार र ५ हजार रुपियाँ प्रदान गरिएको थियो। महिला हाफ म्याराथनमा पूर्णलक्ष्मीले दावेदार सन्तोषी श्रेष्ठलाई निराश बनाउँदै उपाधि जितिन्। पूर्णलक्ष्मीले एक घन्टा १७ मिनेट दस सकेन्ड समय लगाएर सबभन्दा चाँडै दौड पूरा गरिन्। पछिल्ला संस्करणकी विजेता सन्तोषीले (१ः१८.४० सकेन्ड)ले उपविजेतामा चित्त बुझाइन्। पछिल्लो संस्करणमा सन्तोषीसँग पछाडि परेपछि पूर्णलक्ष्मी दोस्रो स्थानमा थन्किएकी थिइन्। आर्मीकै दुई धाविका निशा सार्की (१.१९ः१९ सकेन्ड) तेस्रो र सुनसरी रोकाया (१ः२१.४६ सकेन्ड) तेस्रो र चौथो भए । यसैगरी रुवान सिइङ (१.२२.३८ सकेन्ड) पाँचौँ, जुम्लाकी कल्पना बुढा (१ः२५ः०७ सकेन्ड) छैटौँ, राज्यलक्ष्मी रावल (१ः२८ः०२ सकेन्ड) सातौँ, सन्दीभा बुढा (१.२८ः३४ सकेन्ड) आठौँ, आश्मा विक (१.३१ः२० सकेन्ड) नवौँ र रसिला तामाङ (१.४२ः४० सकेन्ड) दशौँ स्थानमा रहे। महिला हाफ म्याराथनमा विजेता पूर्णलक्ष्मीले एक लाख ५० हजार, उपवजेता सन्तोषीले एक लाख, तेस्रो हुने निशाले ८० हजार, चौथो हुने सुनसरीले ५० हजार र पाँचौँ स्थान प्राप्त गर्ने रुवानले ३० हजार रुपियाँ पुरस्कार प्राप्त गरे। यसैगरी भेटरान्स ५ किमी दौडमा धर्म महर्जनले पहिलो स्थान हासिल गरे। सो दौडमा रामचन्द्र श्रेष्ठ दोस्रो र रेवतबहादुर दाहाल तेस्रो भए। पुरुष ५ किलोमिटर खुल्ला दौडमा नेपाल पुलिस क्लबका नागेश्वर अहिर पहिलो, आर्मीका रुपेश कार्की दोस्रो र भारतका प्रिन्स निसाद तेस्रो भए। ५ किलोमिटर दौड गल्र्समा दिपशिाख शाही, स्वस्तिका शाही र अन्तिमा बुढा शीर्ष तीन स्थानमा रहे। ५ किलोमटर ब्वाइजमा युवराज बुढाले पहिलो, रमेश बुढाले दोस्रो र अरविन्द कुमार यादवले तेस्रो स्थान हासिल गरे। म्याराथनकै अवसरमा पारेर तीन किलोमिटरको वाकाथनको पनि आयोजना गरिएको थियो। पिस म्याराथन नेपाल ओलम्पिक कमिटीको आयोजना तथा चिनिया राजदूतावासको सहयोगमा भएको हो। विजेताहरुलाई नेपाल ओलम्पिक कमिटीका अध्यक्ष जीवनराम श्रेष्ठ, उपाध्यक्ष तथा लुम्बिनी पिस म्याराथनका संयोजक अशोक वज्राचार्यलगायतले नगद पुरस्कार, पदक तथा प्रमाणपत्र प्रदान गरे।

लुम्बिनी अन्तर्राष्ट्रिय पिस म्याराथनमा विनोद र पूर्णलक्ष्मी प्रथम

आरबी लाइपजिगले जर्मन बुंडेसलिगामा शुक्रबार होफनहाइनमाथि ५–० को शानदार जित निकालेको छ । यो जितले लाइपजिग तेस्रो स्थानमा उक्लेको छ भने होफनहाइन पाँचौं स्थानमा झरेको छ । लिग तालिकामा लाइपजिग, स्टुटगार्ट र होफनहाइन तीनै टिम समान ५० अंकमा रहेका छन् । बायर्न म्युनिक ६७ र बोरुसिया डर्टमुन्ड ५८ अंकमा शीर्ष दुई स्थानमा छन् । लाइपजिगको जितमा ब्राजन ग्रुडा र क्रिस्टोफ बउमगार्टनरले दुई दुई गोल गरे । एक गोल भने बेन्जामिन हेनरिकको नाममा रह्यो ।

Nepalsports

⚽ Upcoming Matches

🎖 Recent Matches

📰 Recent News

Nepalsports