Lalitpur City FC

काठमाडौं। राष्ट्रिय रग्बी सेभेन्स महिला तथा पुरुष च्याम्पियनसिप–२०२६ अन्तर्गत महिलातर्फको फाइनल समीकरण पनि पूरा भएको छ। उपाधिका लागि विभागीय दुई बलिया टोली त्रिभुवन आर्मी क्लब र एपीएफ क्लब आमनेसामने हुने भएका छन्। नेपाल रग्बी संघको आयोजनामा त्रिपुरेश्वरस्थित दशरथ रंगशालामा जारी प्रतियोगितामा दुवै टोलीले सेमिफाइनलमा एकतर्फी प्रदर्शन गर्दै फाइनल यात्रा तय गरेका हुन्। पहिलो सेमिफाइनलमा एपीएफ क्लबले बागमती प्रदेशमाथि ३९–० को शानदार जित दर्ता गर्‍यो। दोस्रो सेमिफाइनलमा त्रिभुवन आर्मी क्लबले कर्णाली प्रदेशलाई ३६–० ले पराजित गर्दै फाइनलमा स्थान सुरक्षित गर्‍यो।&nbsp; अब उपाधिका लागि आर्मी र एपीएफबीचको रोमाञ्चक फाइनल खेल दिउँसो २स्३० बजे सुरु हुनेछ। समूह चरणमा बागमती प्रदेश समूह ‘ए’ को विजेता तथा कर्णाली प्रदेश उपविजेता बन्दै सेमिफाइनलमा पुगेका थिए। यता समूह ‘बी’ बाट आर्मी विजेता र एपीएफ उपविजेता बनेका थिए। यसअघि पुरुषतर्फ पनि उपाधिका लागि त्रिभुवन आर्मी क्लब र एपीएफ क्लब नै भिड्ने भएका छन्। तेस्रो स्थानका लागि पुरुषतर्फ कोशी प्रदेश र गण्डकी प्रदेशबीच प्रतिस्पर्धा हुनेछ भने महिलातर्फ बागमती प्रदेश र कर्णाली प्रदेश आमनेसामने हुनेछन्। प्रतियोगितामा महिला तथा पुरुष दुवै विधाका विजेताले ५० हजार रुपैयाँ तथा उपविजेताले ३० हजार रुपैयाँ पुरस्कार प्राप्त गर्नेछन्। साथै उत्कृष्ट महिला र पुरुष खेलाडीले समान ५–५ हजार रुपैयाँ पुरस्कार पाउनेछन्।

राष्ट्रिय रग्बी सेभेन्स च्याम्पियनसिप : महिलातर्फ पनि उपाधिका लागि आर्मी र एपीएफ भिड्ने

काठमाडौं। राष्ट्रिय रग्बी सेभेन्स महिला तथा पुरुष च्याम्पियनसिप–२०२६ अन्तर्गत पुरुषतर्फको फाइनल समीकरण पूरा भएको छ। दुई विभागीय टोली त्रिभुवन आर्मी क्लब र एपीएफ क्लब उपाधिका लागि आमनेसामने हुने भएका छन्। नेपाल रग्बी संघको आयोजनामा त्रिपुरेश्वरस्थित दशरथ रंगशालामा जारी प्रतियोगितामा दुवै टोलीले सेमिफाइनलमा प्रभावशाली प्रदर्शन गर्दै फाइनल यात्रा तय गरेका हुन्। पहिलो सेमिफाइनलमा त्रिभुवन आर्मी क्लबले कोशी प्रदेशमाथि ४१–५ को फराकिलो जित निकाल्यो। आर्मीको जितमा दिनेश ढकालले दुई ट्राइसहित १० अंक जोड्दै टोलीलाई एकतर्फी जित दिलाए।&nbsp; दोस्रो सेमिफाइनलमा एपीएफ क्लबले गण्डकी प्रदेशलाई २४–० ले पराजित गर्‍यो। अब उपाधिका लागि यी दुई विभागीय टोलीबीचको फाइनल खेल दिउँसो २ बजे हुनेछ। समूह चरणमा आर्मी समूह ‘ए’ को विजेता र गण्डकी प्रदेश उपविजेता बन्दै अन्तिम चारमा पुगेको थियो। यता एपीएफ समूह ‘बी’ को विजेता रहँदा कोशी प्रदेश उपविजेताका रूपमा सेमिफाइनलमा पुगेको थियो। यस्तै, महिलातर्फ पहिलो सेमिफाइनलमा एपीएफ क्लबले बागमती प्रदेशसँग प्रतिस्पर्धा गर्नेछ भने दोस्रो सेमिफाइनलमा त्रिभुवन आर्मी क्लबले कर्णाली प्रदेशसँग खेल्नेछ। प्रतियोगितामा महिला तथा पुरुष दुवै विधाका विजेताले ५० हजार रुपैयाँ तथा उपविजेताले ३० हजार रुपैयाँ पुरस्कार प्राप्त गर्नेछन्। साथै उत्कृष्ट महिला र पुरुष खेलाडीले समान ५–५ हजार रुपैयाँ पुरस्कार पाउनेछन्।

राष्ट्रिय रग्बी सेभेन्स च्याम्पियनसिप : पुरुषतर्फ उपाधिका लागि आर्मी र एपीएफ भिड्ने

काठमाडौं । गोल्डेनगेट बास्केटबल क्लबले हिमालयन जाभा बास्केटबल लिग (एचजेएनबीएल) २०२६ को उपाधि जितेको छ । त्रिपुरेश्वरस्थित दशरथ रंगशाला कभर्डहलमा शनिबार भएको फाईनलमा &nbsp;विभागीय टोली त्रिभुवन आर्मी क्लबलाई &nbsp;९५-७४ ले पराजित गर्दै गोल्डेनगेट च्याम्पियन बनेको हो ।&nbsp; यसअघि लिग चरणमा दुई र पहिलो क्वालिफायरमा गरि आर्मीले तीनपटक गोल्डेनटलाई पराजित गरेको थियो ।तर फाईनलमा भने गोल्डेनगेटले आर्मी विरुद्ध बदला लियो&nbsp; गोल्डेनगेटले पहिलो क्वाटरमा २४-१४ को अग्रता बनाएको थियो । दोस्रो क्वाटर पनि गोल्डेनगेटले १७-१२ ले आफ्नो पक्षमा पार्दै हाफटाईमसम्म ४१-२६ को अग्रता बनायो । तेस्रो क्वाटर गोल्डेनगेटले २७-२५ ले आफ्नो पक्षमा पार्दै अग्रता बढायो । गोल्डेनगेटले चाैथो क्वाटर २७-२३ ले आफ्नो पक्षमा पार्दै ९५-७४ ले खेल जितेको हो&nbsp; म्यान अफ दि म्याच गोल्डेनगेटका जाईन खान घोषित भए । <img src="https://app.nepalsportz.com/media/django-summernote/2026-04-12/b7f8108b-ca87-4928-893c-24f315238c89.jpeg" style="width: 698px;"> नेपाल बास्केटबल संघ (नेबा) को आयोजना तथा हिमालयन जाभाको मुख्य प्रायोजनमा भएको प्रतियोगितामा कुल ८ टोलीको सहभागिता थियो । डबल राउण्ड रोविन प्रणालीमा सञ्चाल भएको लिगमा शीर्ष चार टोलीले प्लेअफ खेलेका थिए । प्रतियोगिताको विजेता गोल्डेनगेटले ट्रफीसँगै नगद ४ लाख प्राप्त गरेको छ भने उपविजेताले २ लाख र तेस्रो हुनेले १ लाख हात पार्यो । यसअघि पहिलो संस्करणमा विजेता बनेको टाईम्स बास्केटबल क्लब यसपटक तेस्रो स्थानमा सिमित भयो । यस्तै प्रतियोगिताभर उत्कृष्ट प्रदर्शन गरेका गोल्डेनगेटका निकेश रख्याल मगर लिगकै मोस्ट भ्यालुएबल प्लेअर (एमभिपी) घोषित भए ।

एचजेएनबीएलको उपाधि गोल्डेनगेटलाई

<div dir="auto" style="font-size: 16px; -webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody;"><div dir="auto">नेपालका उदियमान खेलाडी निहाना श्रेष्ठले ७ खेलबाट ५.५ अंक जोडेर आफ्नो व्यक्तिगत चौथो वोर्ड समूह स्पर्धामा नेपालको लागि रजत पदक जित्न सफल भएका छन्। </div><div dir="auto"> </div><div dir="auto"> </div><div dir="auto">उनले अष्ट्रेलिया, भारत, हङकङ, उज्बेकिस्तानत, सिङ्गापुरका खेलाडी माथि सानदार जीत दर्ता गरेका छन् भने चिन विरुद्ध बराबरी तथा पाकिस्तानसँग एक मात्र हारको नतिजा निकाले सँगै देशको लागि रजत पदक जितेकी छिन्।</div><div dir="auto">फिडे वर्ड स्कूल टिम चेस च्याम्पियनसिप अन्तर्गत एशियन कन्टिनेन्टल स्टेजको अन्तर्राष्ट्रिय प्रतिस्पर्धामा नेपाली टोलीले भने मिश्रित खेल प्रस्तुत गरेका छन्।</div><div dir="auto"> </div><div dir="auto"> </div><div dir="auto">काजकिस्तानको अल्माटिमा सम्पन्न आठ चरणको टिम प्रतिस्पर्धामा नेपाली टोलीले तीन जीत, एक बराबरी तथा चार खेलमा पराजित हुँदै ७ अंक स्कोर गरेका छन्। </div><div dir="auto"> </div><div dir="auto"><img src="https://app.nepalsportz.com/media/django-summernote/2026-04-12/f51773cf-9a4b-4ca6-83bc-abb3744db42f.jpeg" style="width: 698px;"> </div><div dir="auto"> </div><div dir="auto">नेपालका लागि गत संस्करणका राष्ट्रिय विजेता मार्भलस इङ्गलिस ब‍ोर्डिङ्ग स्कूलका ब्रिजनन्दन दास, कृष्टि रिजाल, आकाश शरन कुँवर, निहाना श्रेष्ठ र सुहानी सिंहले सहभागी जनाएका हुन्।</div><div dir="auto">नेपाली टोलीको व्यवस्थापकमा महासंघका सदस्य निरञ्जन प्रजापति तथा प्रशिक्षकका रुपमा रिजेन्द्र राजभण्डारीले उक्त प्रतियोगितामा सहभागी भएका छन्।</div><div dir="auto"> </div><div dir="auto"> </div><div dir="auto">नेपाली चेस टोलीले प्रतियोगितामा अष्ट्रेलियाको कार्लटोन गार्डेनस् स्कुल सँग २-२ स्कोरको बराबरी, भारतको डोलिङ्गो ड्रिमर्स स्कुललाई&nbsp;३-१&nbsp;स्कोर, उज्बेकिस्तानको एम एल् ख्वारिज्मि स्कूललाई&nbsp;३-१, सिङ्गापुरको राफलेस् गर्ल्स प्राइमरी स्कुल विरुद्ध ३.५ - .५ को स्कोरमा जीत दर्ता गरेका छन्।&nbsp;</div><div dir="auto"> </div><div dir="auto"> </div><div dir="auto">यस्तै चाइना, पाकिस्तान, हङकङ र ताजकिस्तानको टोलीसँग कडा प्रतिस्पर्धात्मक खेलहरूमा हार व्यहोर्नु परेको छ।</div><div dir="auto">एशिया, अफ्रिका, अमेरिका र युरोप गरी चार महादेशीय छनोट चरण पश्चात् प्रत्येक चरणको विजेता चार राष्ट्रिय टोलीले टोली डिसेम्बरमा ग्रान्ड फाइनलमा खेल्ने छ। जसमा एशियावाट उज्बेकिस्तानको विज्डम स्कूलले शीर्ष स्थानमा कब्जा जमाई छनौट हुन सफल भएको छ।</div><div dir="auto"> </div><div dir="auto"> </div><div dir="auto">काजकिस्तान चेस फेडेरेशनको निमन्त्रणामा पुगेका महासचिव धरमबहादुर लामाले फिडे तथा अन्तर्राष्ट्रिय स्कूल चेस महासंघले सन् २०२६ लाई “यर अफ चेस इन स्कूल” घोषणा गरेर विश्वभरका विद्यालयस्तरमा चेस खेलको विकासलाई अझ विशेष महत्व दिएको बताएका छन्।</div><div dir="auto"> </div><div dir="auto"> </div><div dir="auto">प्रतियोगितामा एशियन १९ राष्ट्रका २६ टोलीले सहभागी जनाएको अन्तर्राष्ट्रिय चेस खेलमा नेपालले २० औं स्थानमा रहँदै खेल अन्त्य गरेको नेपाल बुद्धिचाल महासंघका प्रवक्ता राजु ताम्राकारले जानकारी गराएका छन्।</div><div dir="auto"> </div><div dir="auto"> </div><div dir="auto">ताम्राकारले निहाना श्रेष्ठ जस्ता प्रतिभावान युवा खेलाडीको उदयले आगामी संस्करणको अन्तर्राष्ट्रिय विद्यालय चेसमा अझ सशक्त उपस्थिति जनाउन पाब्सन मार्फत नेपालका विद्यालयहरुमा चेस खेललाई समावेश गाराउन अपील समेत गरेका छन् ।</div></div>

अन्तर्राष्ट्रिय चेसका निहाना श्रेष्ठलाई रजत पदक

एसी मिलानले यो सिजन इटालीको सिरी ए उपाधि जित्ने सम्भावनामा शनिबार गम्भीर धक्का लागेको छ । घरमै युडिनेजीको हातबाट ३–० ले पराजित भएपछि मिलानको उपाधि सम्भावना अझ कमजोर बनेको हो । सानसिरोमा डाभिड बारटेसघीको आत्मघाती गोलले अग्रता लिएको युडिनेजीका लागि योर्गन एकेलेक्याम्प र आर्थर आटाले एक एक गोल थपे । अर्को प्रमुख खेलमा युभेनट्सले एटलान्टालाई १–० ले हरायो र अर्को सिजन युरोपेली च्याम्पियन्स लिग खेल्ने सम्भावना कायम राख्यो । त्यसमा जेरेमी बोगाले निर्णायक गोल गरे । लिग तालिकामा मिलान ६३ अंकमा तेस्रो स्थानमा रह्यो । युभेन्ट्स भने ६० अंकमा चौथो स्थानमा उक्लिन सफल रह्यो ।

मिलानको उपाधि सम्भावना कमजोर

बायर्न म्युनिकले जर्मन बुंडेसलिगामा शनिबार सेन्ट पउलीलाई ५–० ले पराजित गरेको छ र यससँगै ३५ औं लिग उपाधिको नजिक पुगेको छ । यसक्रममा बायर्नले ५४ वर्ष लामो गोलको कीर्तिमान तोड्दै नयाँ इतिहास पनि बनाएको छ । लियोन गोरेट्ज्काले ५३ आं मिनेटमा गरेको बायर्नको दोस्रो गोलपछि टिमले यो सिजन लिगमा गरेको गोल संख्या १ सय २ पुगेको थियो । यससँगै उसले आफ्नै नाममा सन् १९७१–१९७२ मा गरेको कीर्तिमानी गोलको कीर्तिमानलाई उछिनेको हो । लिगमा अब पाँच चरणको खेलमा मात्र बाँकी छ र बायर्नले अर्को साता स्टुटगार्टविरुद्धको खेल जितेर उपाधि जित्न सक्नेछ । त्यो खेल बायर्नको घरेलु मैदानमै हुनेछ ।

बायर्नले बनायो गोलको कीर्तिमान

बार्सिलोनाले स्पेनी ला लिगामा शनिबार इस्पनयोललाई सजिलै ४–१ ले पराजित गर्दै शीर्ष स्थानमा नौ अंकको ठोस अग्रता लिएको छ । क्याम्प नुमा भएको खेलमा लामिन यामलले एक गोल गर्दै अन्य दुईमा सहयोगी भूमिका निभाए । फेरान टोरेसले दुई गोल गरेपछि अर्को गोल मार्कस रसफोर्डको नाममा रह्यो । बार्सिलोनाको ३१ खेलबाट ७९ अंक छ । लिगमा सात चरणमा खेल मात्र बाँकी रहेको स्थितिमा बार्सिलोनाको यो अग्रता उपाधिका लागि पर्याप्त हुन सक्छ । चौथो स्थानमा रहेको एटलेटिको म्याड्रिड भने अर्को खेलमा सेभियाको हातबाट २–१ ले पराजित रह्यो । एटलेटिको ५७ अंकमै सीमित रह्यो । सेभिया ३४ अंकमा १५ औं स्थानमा छ ।

बार्सिलोनालाई नौ अंकको अग्रता

रियो एनगुमोहा र मोहमद सलाहको एक एक गोलको मदतले इंग्लिस प्रिमियर लिगमा लिभरपुलले शनिबार फुलहमलाई २–० ले पराजित गरेको छ । खराव लयबाट गुज्रिरहेको लिभरपुलको यो तीन हारपछि पहिलो जित हो । एनगुमोहले ३६ औं मिनेटमा उत्कृष्ट पहिलो गोल गरे लगतै सलाहले ४० औं मिनेटमा अर्को गोल थपे । यो जितपछि लिभरपुल ५२ अंकमा पाँचौं स्थानमा रह्यो । यो चौथो स्थानमा रहेको एस्टन भिल्लासँग चार अंकको दूरी हो । फुलहम भने ४४ अंकमा ११ औं स्थानमा रह्यो । शनिबारका अन्य खेलमा ब्राइटनले बर्नलीलाई २–० ले हराएको थियो भने ब्रेन्टफोर्ड र एभरटनले भने २–२ को बराबरी खेले । त्यस अगाडि दिनको पहिलो खेलमा शीर्ष स्थानको आर्सनल बर्नमाउथको हातबाट घरमै २–१ ले स्तब्ध भएको थियो ।

लिभरपुललाई जितको राहत

चेन्नाइ सुपर किंग्सले इन्डियन प्रिमियर लिगमा शनिबार पहिलो जित आत्मसात् गरेको छ । चेन्नाईमा भएको खेलमा उसले दिल्ली क्यापिटल्सलाई २३ रनले हराएको हो । पहिले ब्याटिङ गर्दै चेन्नाइले दुई विकेटमा २ सय १२ रन बनाएपछि जितको आधार तयार भएको हो । त्यसमा सन्जु साम्सनले नटआउट रहेर शानदार १ सय १५ रन बनाए । उनले ५६ बल मात्र सामना गरेर १५ चौका र चार छक्का प्रहार गरे । यस्तै आयुष मिश्रले पनि ५९ रन बनाए । जवाफमा दिल्ली क्यापिटल्सले २० ओभरमा १ सय ८९ रन मात्र बनाउन सक्यो । उसका लागि पाथुम निसान्काले ४१ र ट्रिस्टन स्टब्सले ६० रन बनाए । अन्य ब्याटरले भने गतिलो योगदान दिन सकेनन् । यो जितका बावजुत चेन्नाइ दुई अंकमा दस टिममध्ये नवौं स्थानमा छ । दिल्ली भने चार अंकमा चौथो स्थानमा छ ।

चेन्नाईको पहिलो जित

इंग्लिस प्रिमियर लिगको उपाधि होडमा रहेको आर्सनल शनिबार बर्नमाउथको हातबाट २–१ ले पराजित भएको छ । आर्सनलका लागि यो ठूलो धक्का रहेको छ । यो नतिजाले दोस्रो स्थानमा रहेको म्यानचेस्टर सिटीको उपाधिका लागि चुनौती फेरि नवीकरण भएको छ । इमिरेट्समा बर्नमाउथले जुनियर क्रोउपीको गोलले १७ औं मिनेटमा अग्रता लिएको थियो । । लगतै पहिलो हाफको ३५ औं मिनेटमा पेनाल्टीको माध्यमबाट आर्सनलका लागि भिक्टर ग्योकुरेसले बराबरी गोल फर्काए । खेलको ७४ औं मिनेटमा एलेक्स स्कटले बर्नमाउथका लागि निर्णायक गोल गरे । लिगमा छ चरणको खेल बाँकी छँदा आर्सनलको ३२ खेलबाट ७० अंक छ । सिटी भने ३० खेलबाट ६१ अंक रहेको छ । बर्नमाउथ भने ४५ अंकमा दसौं स्थानमा रह्यो ।

बर्नमाउथको हातबाट आर्सनल पराजित

काठमाडौं। “राष्ट्रिय रग्बी सेभेन्स महिला तथा पुरुष च्याम्पियनसिप–२०२६” अन्तर्गत पुरुषतर्फ सेमिफाइनल समीकरण पूरा भएको छ। नेपाल रग्बी संघको आयोजनामा त्रिपुरेश्वरस्थित दशरथ रंगशालामा शनिबारदेखि सुरु भएको प्रतियोगिताको पहिलो दिन लिग चरणका खेल सकिएसँगै पुरुषतर्फ अन्तिम चार टोलीको टुंगो लागेको हो। पुरुषतर्फ समूह ‘ए’ बाट त्रिभुवन आर्मी क्लब विजेता तथा गण्डकी प्रदेश उपविजेता बन्दै सेमिफाइनलमा पुगेका छन्। आर्मीले लिग चरणमा कर्णाली प्रदेशलाई ३७–०, गण्डकी प्रदेशलाई १७–५ तथा मधेस प्रदेशलाई ७४–० ले हराउँदै अपराजित रहँदै समूह विजेता बन्न सफल भयो। गण्डकी प्रदेशले मधेसलाई ३६–० र कर्णालीलाई १२–५ ले पराजित गरे पनि आर्मीसँग १७–५ ले हार व्यहोर्दै उपविजेताको रूपमा अन्तिम चारमा स्थान सुरक्षित गर्‍यो। यस्तै, समूह ‘बी’ बाट एपीएफ क्लब विजेता तथा कोशी प्रदेश उपविजेता बनेका छन्। एपीएफले कोशीलाई २४–० र बागमतीलाई ३४–० ले हराउँदै सेमिफाइनलमा स्थान बनायो। कोशीले सुरुआती हारपछि बागमतीलाई २९–५ ले पराजित गर्दै उपविजेताका रूपमा अघिल्लो चरणमा प्रवेश गर्‍यो।<img src="https://app.nepalsportz.com/media/django-summernote/2026-04-11/9ee9f6f5-03b3-4ceb-94e0-33c647dadfb3.jpeg" style="width: 698px;"> महिलातर्फ समूह ‘ए’ को समीकरण पनि टुंगिएको छ। बागमती प्रदेश विजेता तथा कर्णाली प्रदेश उपविजेता बन्दै सेमिफाइनलमा प्रवेश गरेका छन्। बागमतीले मधेसलाई ३५–० ले हराउनुका साथै कर्णालीसँग १०–१० को बराबरी खेल्दै लुम्बिनीलाई २०–० ले पराजित गरी समूह विजेता बन्यो। कर्णालीले बागमतीसँग बराबरी खेल्नुका साथै लुम्बिनीलाई २४–० र मधेसलाई २७–० ले हराउँदै उपविजेता बन्यो। महिलातर्फ समूह ‘बी’ को भने एक खेल बाँकी रहेको छ। यस समूहबाट त्रिभुवन आर्मी क्लब सेमिफाइनलमा पुगिसकेको छ। आर्मीले एपीएफलाई १४–५ र सुदूरपश्चिम प्रदेशलाई ४४–० ले पराजित गर्दै समूह विजेता बनेको हो। अब सुदूरपश्चिम र एपीएफबीच हुने खेलपछि समूह ‘बी’ बाट सेमिफाइनल पुग्ने अर्को टोलीको टुंगो लाग्नेछ। राष्ट्रिय खेलकुद परिषद् ९राखेप० का सदस्य–सचिव रामचन्द्र मेहताले उद्घाटन गरेको प्रतियोगिताको सेमफाइनल फाइनल तथा समापन आइतबार हुनेछ। प्रतियोगितामा महिला तथा पुरुष दुवै विधाका विजेताले समान ५० हजार रुपैयाँ तथा उपविजेताले ३० हजार रुपैयाँ पुरस्कार प्राप्त गर्नेछन्। साथै उत्कृष्ट महिला र पुरुष खेलाडीले समान ५–५ हजार रुपैयाँ पाउनेछन्। प्रतियोगितामा विभागीय टोलीहरू एपीएफ क्लब र त्रिभुवन आर्मी क्लबसँगै बागमती, कर्णाली र मधेस प्रदेशका महिला तथा पुरुष टोली सहभागी छन्। कोशी, सुदूरपश्चिम र लुम्बिनीबाट महिला टोली मात्र सहभागी हुँदा गण्डकी प्रदेशबाट भने पुरुष टोलीले मात्र प्रतिस्पर्धा गरिरहेको छ।

राष्ट्रिय रग्बी सेभेन्स च्याम्पियनसिप : पुरुषतर्फ सेमिफाइनल समीकरण पूरा

स्पेनी ला लागि उपाधि होडमा रियल म्याड्रिडको चुनौतीलाई शुक्रबार थप धक्का लागेको छ । उसलाई आफ्नो घरमै भएको खेलमा जिरोनाले १–१ को निराशाजनक बराबरीमा रोकेको हो । खेलको दुवै गोल दोस्रो हाफमा भएको हो । बर्नाबाउमा भएको खेलमा रियलले फेड भाल्भेरडेको गोलले ५१ औं मिनेटमा अग्रता लिएको थियो । तर थोसम लामेरले जिरोनाका लागि ६२ औं मिनेटमा बराबरी गोल फर्काए । त्यसपछि थप गोल हुन सकेन् र दुवै टिमले एक एक अंकमा चित्त बुझाए । यो नतिजापछि रियल ३१ खेलबाट ७० अंकमा दोस्रो स्थानमा कायम रह्यो । यो शीर्षमा रहेको बार्सिलोनासँग छ अंकको दूरी हो । जिरोना भने ३८ अंकमा १२ औं स्थानमा छ । अब आइतबार बार्सिलोनाले इस्पनयोलको आथित्य गर्नेछ र त्यसमा जित निकाल्न सके नौ अंकको ठोस निर्णायक सावित हुन सक्ने अग्रता लिन सक्नेछ ।

रियलको उपाधि चुनौती अझ कमजोर

वेस्ट ह्यामले इंग्लिस प्रिमियर लिगमा शुक्रबार उल्भ्समाथि ४–० को शानदार जित निकालेको छ । यो जितपछि उसले रेलिगेसन क्षेत्र छाडेको छ । यो नतिजापछि टोटनहम भने १८ औं स्थानमा झरेको छ र दबाबमा आएको छ । वेस्ट ह्यामका लागि कोन्सटान्टिनोस काभ्रोपानोस र भ्यालेन्टिन कासटेलानोसले दुई दुई गोल गरे । यो जितपछि ३२ खेलबाट वेस्ट ह्यामको ३२ अंक भएको छ । एक खेल कम खेलेको टोटनहम भने ३० अंकमा रह्यो । उल्भ्स भने १७ अंकमा सीमित रहेर सबैभन्दा अन्तिम स्थानमा छ । यो सिजन उसको रेलिगेसन तय जस्तै छ । टोटनहम सन् २०१५ यता पहिलो पटक रेलिगेनस क्षेत्रमा पुगेको हो । अब आइतबार हुने खेलमा टोटनहमले सन्डरल्यान्डको सामना गर्नेछ र यो खेल जितेमा फेरि माथि उक्लने अवसर हुनेछ ।

वेस्ट ह्याम जितेपछि टोटनहमलाई दबाब

काठमाडौं। त्रिवि क्रिकेट मैदानमा पहिलो पटक फ्लडलाइटमुनि अन्तर्राष्ट्रिय क्रिकेट खेल आयोजना हुने भएको छ। नेपाल क्रिकेट संघ (क्यान) का अनुसार नेपाल र संयुक्त अरब इमिरेट्स (युएई) बीच हुने दुई टी–२० अन्तर्राष्ट्रिय सिरिज रात्रीकालीन रूपमा सञ्चालन गरिनेछ। बैशाख ७ र ८ गते हुने उक्त टी–२० सिरिज आगामी आईसीसी क्रिकेट विश्वकप लिग २ अन्तर्गतको सिरिजअघि तयारीका रूपमा आयोजना हुन लागेको हो। नेपालले बैशाख १२ बाट सुरु हुने लिग–२ सिरिजमा पहिलो चरणमा युएई र ओमान सँग प्रतिस्पर्धा गर्नेछ। त्यसपछि नेपालले स्कटल्याण्ड र संयुक्त राज्य अमेरिका सँग खेल्ने तालिका रहेको छ। टियु मैदानमा फ्लडलाइटमुनि अन्तर्राष्ट्रिय खेल आयोजना हुनु नेपाली क्रिकेटका लागि ऐतिहासिक उपलब्धिका रूपमा हेरिएको छ, जसले भविष्यमा अझ ठूला प्रतियोगिता आयोजना गर्ने सम्भावना बढाएको छ।

टियुमा पहिलो पटक फ्लडलाइटमुनि अन्तर्राष्ट्रिय क्रिकेट हुँदै

राजस्थान रोयल्सले इन्डियन प्रिमियर लिग (आईपीएल) २०२६ मा शुक्रबार लगातार चौथो जित निकालेको छ । गुवाहतीमा भएको खेलमा राजस्थानले रोयल च्यालेन्जर्स बेंगलुरुलाई सजिलै छ विकेटले पराजित गरेको हो । राजस्थान जितसम्म पुग्दा १२ बलको खेल बाँकी थियो । यससँगै उसको आठ अंक भएको छ र शीर्ष स्थानमा छ । बेंगलुरु भने चार अंकमा तेस्रो स्थानमा छ । पहिले ब्याटिङ गरेको बेंगलोरले आठ विकेटमा २ सय १ रन बनाएको थियो । त्यसमा कप्तान रजत पाटिदारले सर्वाधिक ६३ रन बनाए । त्यस्तै विराट कोहलीको ३२ रनको योगदान रह्यो । जावफमा राजस्थानले १८ ओभरमा चार विकेट गुमाएर २ सय २ रन बनायो । विजयी टिमका लागि ध्रुव जुरेलले ४३ बलमा ८१ रन बनाए । यस्तै ओपनर वैभव सूर्यवंशीले २६ बलमै ७८ रनको आक्रामक प्रदर्शन गरे ।

राजस्थानको लगातार चौथो जित

काठमाडौं। नेपाल रग्बी संघको आयोजनामा “राष्ट्रिय रग्बी सेभेन्स महिला तथा पुरुष प्रतियोगिता–२०२६” शनिबारदेखि सुरु हुने भएको छ। संघले त्रिपुरेश्वरस्थित नेपाल खेलकुद पत्रकार मञ्चकाे कार्यलमा शुक्रबार पत्रकार सम्मेलनकाे आयाेजना गर्दै प्रतियोगिता चैत २८ र २९ गते दशरथ रंगशालामा सञ्चालन हुने जनाएकाे हाे। प्रतियोगिताको विजेता टोलीले ५० हजार रुपैयाँ नगदसहित ट्रफी, पदक र प्रमाणपत्र प्राप्त गर्नेछ भने उपविजेताले ३० हजार रुपैयाँसहित पदक र प्रमाणपत्र पाउनेछ। त्यस्तै, उत्कृष्ट एक पुरुष र एक महिला खेलाडीलाई जनही ५ हजार रुपैयाँ प्रदान गरिनेछ। प्रतियोगितामा दुई विभागीय टाेली एपीएफ र त्रिभुवन आर्मी, बागमती प्रदेश, कर्णाली र मधेसका महिला तथा पुरुष दुवै टाेलीकाे सहभागीता रहँदा काेशी, सुदूरपश्चिम र लुम्बिनीमा महिला टिमकाे मात्रै सहभागी हुँदा गण्डकीकाे पुरुष मात्रै सहभागी रहने छन्। टोलीहरूलाई दुई समूहमा विभाजन गरी लिग कम नकआउट प्रणालीअनुसार खेल सञ्चालन गरिनेछ। आयोजकका अनुसार प्रतियोगिता सञ्चालनका लागि करिब ३० लाख रुपैयाँ खर्च अनुमान गरिएको छ। सहभागी खेलाडीहरूको सुरक्षालाई ध्यानमा राख्दै करिब १ लाख २५ हजार रुपैयाँ बराबरको खेल दुर्घटना बीमा गरिएको छ भने स्वास्थ्य सेवाका लागि भक्तपुर इन्टरनेशनल अस्पतालको सहयोग रहनेछ। साथै, सहभागी टोलीहरूका लागि होटल बसोबास र एकपटकको यातायात खर्चको व्यवस्था पनि गरिएको छ। संघले यस प्रतियोगिताबाट उत्कृष्ट प्रदर्शन गर्ने खेलाडीलाई राष्ट्रिय टोलीमा छनोट गरी आगामी अन्तर्राष्ट्रिय तथा एसियाली स्तरका प्रतियोगितामा सहभागी गराउने लक्ष्य राखेको जनाएको छ।

राष्ट्रिय रग्बी सेभेन्स च्याम्पियनसिप शनिबारदेखि

काठमाडौं। नेपाल क्रिकेट संघ ९क्यान० ले सञ्चालन गर्दै आएको “जय ट्रफी मेन्स एलिट कप” प्रतियोगिताको ढाँचामा परिवर्तन गरेको छ। आगामी सिजनदेखि प्रतियोगितामा कुल ६ टोलीको सहभागिता रहने क्यानले जनाएको छ। यसअघि प्रधानन्त्री कप एकदिवसीय राष्ट्रिय क्रिकेट प्रतियोगिताका उत्कृष्ट ४ टोली मात्र जय ट्रफीमा सहभागी हुँदै आएका थिए। तर अब प्रतियोगितालाई थप प्रतिस्पर्धात्मक र व्यापक बनाउन टोली संख्या बढाएर ६ पुर्‍याइएको क्यानले स्पष्ट पारेको छ। क्यानले जारी गरेको प्रेस विज्ञप्तिअनुसार यस परिवर्तनले घरेलु क्रिकेटको स्तर उकास्न र खेलाडीहरूलाई थप अवसर प्रदान गर्न सहयोग पुग्ने विश्वास लिइएको छ। क्यानका प्रवक्ता छुम्बी लामाले हस्ताक्षर गरेको उक्त विज्ञप्तिमा आगामी सिजनदेखि नयाँ ढाँचाअनुसार प्रतियोगिता सञ्चालन गरिने उल्लेख गरिएको छ।

जय ट्रफीमा अब ६ टिम सहभागी हुने

एन्डी रोबटर्सनले सिजनको अन्त्यमा लिभरपुल छाड्ने भएका छन् । क्लबले बिहीबार यसको घोषणा गर्दै उनले पुर्‍याएको योगदानका लागि धन्यवाद भनेको छ । सन् २०१७ मा उनी हल सिटीबाट लिभरपुल आएका थिए । मर्सिसाइड क्लबमा रहने क्रममा उनले दुई पल्ट इंग्लिस प्रिमियर लिग र एक पल्ट युरोपेली च्याम्पियन्स लिगको उपाधि जिते । नौ सिजन लिभरपुलमा बिताएको क्षणलाई डिफेन्डरले सुखद भनेका छन् । सिजनको अन्त्यमा क्लब र रोबर्टसनबीचको अनुबन्ध सकिनेछ । अहिलेका लागि उनले लिभरपुलको तर्फबाट ३ सय ७३ खेल खेले र एनफिल्डमा रहने क्रममा कुल नौ उपाधि जिते ।

रोबटर्सनले सिजनको अन्त्यमा लिभरपुल छाड्ने

इंग्लिस प्रिमियर लिग क्लब एस्टन भिल्ला र जर्मन बुंडेसलिगा क्लब फ्रेबर्गले बिहीबार युरोपा लिगमा महत्त्वपूर्ण जित निकाल्नै सेमिफाइनल यात्रा बलियो बनाएको छ । क्वाटरफाइनल पहिलो लेगमा भिल्ललो बोलोग्नालाई ३–१ ले हराएको हो । बोलोग्नाको घरेलु मैदानमा भिल्लाका लागि ओली वाट्किन्सनले दुई गोल गरे । अर्को गोल भने एजरी कोन्साले गरे । <img src="https://app.nepalsportz.com/media/django-summernote/2026-04-10/5961c697-3d6f-416b-9500-6a81b29f853b.jpeg" style="width: 698px;"> बोलोग्नाका तर्फबाट जोनाथन रोले एक गोल फर्काए । लयमा रहेको फ्रेबर्गले भने आफ्नो घरमा सेल्टा भिगोलाई ३–० ले पराजित गर्‍यो । युरोपा लिगमा फ्रेबर्गले घरमा जितेको यो लगातार दसौं खेल हो । यो हारले सेल्टा भिगोलाई तीन गोलले पछाडि रहेको स्थिति उल्टाउन कठिन मिहिनेत गर्नु पर्नेछ । अर्को खेलमा एफसी पोर्टो र नटिंघम फरेस्टले भने १–१ को बराबरी खेले ।

भिल्ला र फ्रेबर्ग सेमिफाइनलतर्फ उन्मुख

काठमाडौं। प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत नेपाल पुलिस क्लबले कर्णाली प्रदेशलाई ४८ रनले पराजित गरेको छ।&nbsp; पुलिसले दिएको २६२ रनको लक्ष्य पछ्याएको कर्णाली ४५.२ ओभरमा २१३ रनमै समेटियो। पहिले ब्याटिङ गरेको नेपाल पुलिस क्लबले ५० ओभरमा ८ विकेट गुमाउँदै २६१ रन बनाएको थियो। टोलीका लागि दिनेश खरेलले शानदार ८२ रनको इनिङ्स खेले भने अमित श्रेष्ठले ३० रन योगदान दिए। आरिफ शेखले २७ रन जोड्दा करण केसीले अविजित २१ रन बनाए। अतिरिक्तबाट मात्रै ३५ रन प्राप्त हुनु पुलिसको स्कोर उकास्ने मुख्य आधार बन्यो। कर्णालीका बलरमध्ये प्रकाश जैशीले ३ विकेट लिए भने अनुज चनारा र दिनेश अधिकारीले समान २–२ विकेट हात पारे। २६२ रनको लक्ष्यसहित मैदान उत्रिएको कर्णालीको सुरुआत राम्रो हुन सकेन। प्रारम्भिक विकेट चाँडै गुमाएको टोलीका लागि अर्जुन घर्तीले सर्वाधिक ४६ रन बनाए भने सुनील धमलाले ३४ रन जोडे। अन्य ब्याट्सम्यानले अपेक्षित प्रदर्शन गर्न सकेनन्। पुलिसका बलरमध्ये ललित राजवंशीले उत्कृष्ट बलिङ गर्दै ५ विकेट लिए। करण केसीले ३ विकेट झारे भने दीपक चन्द र आरिफ शेखले समान १–१ विकेट लिए।

Nepalsports

⚽ Upcoming Matches

🎖 Recent Matches

📰 Recent News

Nepalsports