FC Chitwan

Anjan Bista

काठमाडौं। प्रधानमन्त्री कप एभीए महिला तथा पुरुष भलिबल लिगको १०‍‌‍औं संकरणमा न्यू डायमण्ड युथ स्पोर्ट्स क्लबले विजयी सुरुआत गरेको छ।&nbsp; त्रिपुरेश्वस्थित राष्ट्रिय खेलकुद परिषद्को कभर्डहलमा शक्रबार सम्पन्न महिलातर्फको पहिलो खेलमा डायमण्डले सुदूरपश्चिमविरुद्ध ३–० को सोझो सेटमा जित निकालेको हो।&nbsp; डायमण्डले पहिलो सेट २५–११, दोस्रो सेट २५–३, तेस्रो सेटमा २५–१ ले आफ्नो पक्षमा पार्यो। खेलमा उत्कृष्ट प्रदर्शन गर्दै डायमण्डकी जेनिसा विश्वकर्मा प्लेयर अफ द म्याच चुनिइन्।

सुदूरपश्चिमविरुद्ध न्यू डायमण्ड सोझो सेटमा विजयी

काठमाडौं। चीनको सान्या शहरमा शुरु भएको छैटौं एसियन विच गेम्सअन्तर्गत विहिवार भएको महिला कबड्डी प्रतियोगितामा नेपालले चाइनिज ताइपेईलाई ४८-३२ अंकले पराजित गरेको छ।&nbsp; चीनमै गत २०२३ मा भएको एसियन गेम्समा काश्य पदक जितेको महिला नेपाली टोलीले पहिलो हाफमा ताइपेई विरुद्ध २६-१३ ले अग्रता लिएको थियो। मानमति विष्टको कप्तानीमा रहेको टोलीले दोस्रो हाफमा २२ अंक जोड्यो भने ताइपेईले १९ अंक थपेको थियो। सात राष्ट्रले सहभागिता जनाएको महिला कबड्डीमा ७ राष्ट्रको सहभागिता रहेको छ। जसमा नेपाल समुह बीमा छ। समुह बीमा नेपाल, चाइनिज ताइपेई, बंगलादेश र थाइल्यान्ड रहेको छ। नेपालले भोली शुक्रवार बंगलादेश संग खेल्नेछ।&nbsp; प्रत्येक समुहको शीर्ष २ टोली प्रतियोगिताको सेमिफाइनलमा प्रवेश गर्नेछ। एक दिन अगाडि प्रतियोगिताको भब्य उद्घाघाटन गरिएको थियो। अप्रिल २२ देखि ३० सम्म चल्ने प्रतियोगिताको यो संस्करणमा ४५ राष्ट्रका करिब १ हजार ८०० खेलाडीहरूले १४ खेलका विभिन्न ६२ इभेन्टसमा प्रतिस्पर्धा गरिरहेका छन्।&nbsp; एसियन विच गेम्स १० वर्षको अन्तरपछि भएको हो। यसअघि २०१६ मा दानाङमा सम्पन्न भएको थियो। त्यसपछि कोभिड–१९ महामारीका कारण प्रतियोगिता रोकिन पुगेको थियो।&nbsp; प्रतियोगिताको उद्घघाटन ओलम्पिक काउन्सिल अफ एसियाका अध्यक्ष शेख जोन बीन हमाद अल थानीले गरेका थिए। उद्घघाटन समारोहमा उनले भने “एसियामा हाम्रो विविधता नै हाम्रो सबैभन्दा ठूलो शक्ति हो। असंख्य भाषा, परम्परा र संस्कृतिहरू छन्। तर खेलप्रतिको हाम्रो प्रेमले हामीलाई एक बनाउँछ। यही समुद्र किनारमा हामी एक एसियाका रूपमा उभिएका छौं सँगै।”

एसियन विच गेम्स शुरु, चाइनिज ताइपेईविरुद्ध नेपालको जित

काठमाडौं। रसुवा र नुवाकोट जिल्लाको पर्यटन प्रवद्र्धन गर्ने उद्देश्यसहित लाङटाङ ट्रेल रन २०८३ आयोजना हुने भएको छ। रसुवा–नुवाकोट पर्यटन समाजको आयोजनामा आगामी जेठ २३ गते ३२ किलोमिटर दूरीको लाङटाङ ट्रेल रन हुने भएको हो।&nbsp; रसुवाको क्याङ्जिन गुम्बाबाट सुरु हुने दौड स्याफ्रुबेसीसम्म पुग्नेछ। रसुवा–नुवाकोट पर्यटन समाजले बिहीबार पत्रकार सम्मेलन आयोजना गर्दै लाङटाङ ट्रेल रनको बारेमा जानकारी दिएको हो । दौड समुन्द्री सतहबाट करिब तीन हजार आठ सय ७० मिटर उचाइमा रहेको क्याङ्जिन क्षेत्रबाट सुरु हुनेछ।&nbsp; प्रतियोगिता आगामी जेठ २३ देखि २७ गतेसम्म सञ्चालन हुनेछ। उक्त ट्रेल रनमा विदेशी खेलाडीसहित एक सय धावकले प्रतिस्पर्धा गर्ने आयोजकको अनुमान छ। साहसिक पर्यटनलाई अन्तर्राष्ट्रिय स्तरमा प्रवद्र्धन गर्ने लक्ष्यका साथ प्रतियोगिता आयोजना गर्न लागिएको आयोजकले जनाएको छ। महिला र पुरुष दुवैमा शीर्ष पाँच स्थान प्राप्त गर्नेले क्रमशः एक लाख, ७५ हजार, ५० हजार, २५ हजार र १५ हजार रुपैयाँ नगद पुरस्कार पाउनेछन्। वैशाख १० देखि जेठ १० गतेसम्म प्रतियोगिताका लागि दर्ता सुरु हुनेछ। पुरुषतर्फ मिलन कुलुङ राई र महिलामा सुनसरी राई साबिक विजेता हुन्।&nbsp; विगतदेखि नै रसुवा र नुवाकोटका पर्यटकीय क्षेत्रहरूको पहिचान, अध्ययन, प्रचारप्रसार तथा विकासमा सक्रिय रहेको समाजले २०७२ सालको भूकम्पपछि पुनर्निर्माण तथा पर्यटन पुनर्जीवनमा समेत योगदान पु¥याउँदै आएको छ। त्यस क्षेत्रको ट्रेल रन रसुवा जिल्लाको गोसाइकुण्ड गाउँपालिका क्षेत्रभित्र सञ्चालन हुनेछ। यो दौड प्राकृतिक सौन्दर्य र भौगोलिक चुनौतीका कारण आकर्षक मानिएको छ।&nbsp; प्रतियोगितामा स्वदेशी तथा विदेशी धावकहरूको सहभागिता रहने अपेक्षा गरिएको छ। कार्यक्रमलाई बागमती प्रदेशको संस्कृति तथा पर्यटन मन्त्रालय, नेपाल पर्यटन बोर्ड तथा प्रदेश खेलकुद विकास परिषद्को सहयोग रहनेछ। जेठ १९ गते सहभागी टोली काठमाडौंबाट स्याफ्रुबेसीतर्फ प्रस्थान गर्नेछ। जेठ २० गते स्याफ्रुबेसीदेखि लाङटाङसम्म पदयात्रा तथा जेठ २१ गते लाङटाङदेखि क्याङ्जिन गुम्बासम्म पदयात्रा गरिनेछ।&nbsp; उच्च हिमाली क्षेत्रमा प्रतिस्पर्धा हुने भएकाले जेठ २२ गते अनुकूलन तथा तयारीका कार्यक्रम राखिएको छ। मुख्य प्रतिस्पर्धा जेठ २३ गते क्याङ्जिन गुम्बादेखि स्याफ्रुबेसीसम्म ३२ किलोमिटर दूरीमा सञ्चालन हुनेछ। प्रतियोगिता सम्पन्न भएपछि जेठ २४ गते सहभागी टोली काठमाडौं फर्कने तालिका रछ। रसुवा–नुवाकोट पर्यटन समाजका अध्यक्ष बलराम न्यौपानेले लाङटाङ क्षेत्रलाई साहसिक पर्यटनको अन्तर्राष्ट्रिय गन्तव्यका रूपमा स्थापित गर्न प्रतियोगिताले महत्वपूर्ण भूमिका खेल्ने विश्वास व्यक्त गरेका छन्।

लाङटाङ ट्रेल रन जेठ २३ देखि

स्पेनी ला लिगामा रेलिगेसन संघर्ष बिहीबार रोमाञ्चक मोडमा पुगेको छ । पुछारमा रहेको रियल ओभिएडाले भिल्लारियललाई १–१ को बराबरीमा रोकेर आफ्नो बच्ने सम्भावना कायम राख्यो । &nbsp; भिल्लारियलले निकोलस पेपेले पेनाल्टीबाट गरेको गोलको मदतले पहिलो हाफमा अग्रता लिएको थियो । ओभिएडोका लागि इलियास काइराले दोस्रो हाफमा बराबरी गोल फर्काए । भिल्लारियल ६२ अंकमा तेस्रो स्थानमा छ र अर्को सिजन च्याम्पियन्स लिग खेल्ने तय छ । ओभिएडो भने २८ अंकमा सबैभन्दा पुछारमा छ । यस्तै सेभिया लेभान्टको हातबाट २–० ले पराजित भयो । सेभिया ३४ अंकमा १७ औं स्थानमा छ । लेभान्टे भने ३२ अंकमा १९ औं स्थानमा छ । अन्तिम तीन स्थानमा रहने टिमको निर्णयका लागि अन्तिम दिनसम्म कुर्नु पर्ने हुन सक्छ ।

स्पेनमा रेलिगेसन संघर्ष चर्किदै

ओपनर सन्जु सामसनको शतकको मदतले चेन्नाइ सुपर किंग्सले मुम्बई इन्डियन्सलाई बिहीबार १ सय ३ रनको ठूलो अन्तरले हराएको छ । वानखेडेमा भएको खेल जितेर चेन्नाइ छ अंकमा पाँचौं स्थानमा उक्लेको छ र शीर्षका लागि प्रत्यासी बनेको छ । लगातार खराव खेलिरहेको मुम्बई भने चार अंकमा आठौं स्थानमा रह्यो । चेन्नाइले पहिले ब्याटिङ गर्दै छ विकेटमा २ सय ७ रन बनाएको थियो । सामसन ५४ बलमा १ सय १ रन बनाएर नटआउट रहे । उनले १० चौका छ र छ छक्का प्रहार गरे । जवाफमा मुम्बई १९ ओभरमा १ सय ४ रन मात्र बनाएर अलआउट भयो । मुम्बईलाई सस्तोमा समेट्न अकिल हुसेनले १७ रनमा चार विकेट लिए ।

सन्जुको शतकमा चेन्नाइ विजयी

काठमाडौं — २२औं वाटा ओपन अन्तर्राष्ट्रिय तेक्वान्दो च्याम्पियनसिपमा सहभागी हुन नेपाली टोली जापान प्रस्थान गरेको छ। उक्त प्रतियोगिता अप्रिल २४ देखि २६, २०२६ सम्म जापानको ओसाका सहरस्थित ओहामा एरेनामा सञ्चालन हुनेछ। टोलीलाई नेपाल तेक्वान्दो संघका महासचिव हेमन्त डाँगी तथा राष्ट्रिय खेलकुद परिषद्का बोर्ड सदस्य कुमार लामा घिसिङले नेपाली घरबाट विशेष कार्यक्रमका बीच विदाई गरेका थिए। प्रतियोगितामा सहभागी हुने खेलाडीहरू यसप्रकार रहेका छन्: 1. आरावी ग्यावाली — अन्डर ९ वर्ष, व्यक्तिगत पुम्से (महिला), लिटल बड स्कुलकी छात्रा 2. विशेष चन्द्र गामी — अन्डर ११ वर्ष, व्यक्तिगत पुम्से (पुरुष), होग आउ तेक्वान्दो डोजाङ 3. श्रेयान कार्की — अन्डर ११ वर्ष, व्यक्तिगत पुम्से (पुरुष), गोंगबु तेक्वान्दो डोजाङ 4. आयुषा कार्की — -४९ केजी, क्योरुगी (महिला) टोलीका मुख्य प्रशिक्षक सरोज तामाङ (गोंगबु तेक्वान्दो डोजाङ) रहेका छन्। उहाँ लिटल बड स्कुल कीर्तिपुर, त्याङलाफाँट, शाङ्ग्रिला स्कुल इमाडोल, ललितपुरसँग पनि आबद्ध हुनुहुन्छ। टोली व्यवस्थापकका रूपमा रुश्मा सुबेदी रहेकी छन्।

जापानमा हुने अन्तर्राष्ट्रिय तेक्वान्दो प्रतियोगितामा नेपाली टोली प्रस्थान

काठमाडौं। एपीएफ क्लबले १०औं संस्करणको प्रधानमन्त्री कप एनभीए महिला तथा पुरुष भलिबल लिगमा विजयी सुरुआत गरेको छ। त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा बिहीबार सम्पन्न दिनको पहिलो खेलमा एपीएफले अर्को विभागीय टोली त्रिभुवन आर्मी क्लबलाई ३-१ को सेटमा पराजित गरेको हो। निकै प्रतिस्पर्धात्मक बनेको पहिलो सेट एपीएफले २५-२३ ले आफ्नो पक्षमा पार्दा दोस्रो सेट भने १७-२५ ले गुमायो। त्यसपछि बाँकी दुई सेटमा २५-१९, २५-१९ आफ्नो पक्षमा पार्दै खेलमा जित हासिल गर्न सफल भयो।

पीएम कप भलिबल : एपीएफको विजयी सुरुआत

लामिन यामलले पहिलो हाफमा गरेको गोलमा बार्सिलोनाले स्पेनी ला लिगामा बुधबार सेल्टा भिगोलाई १–० ले हराएर उपाधिको नजिक पुगेको छ । तर यामल खेलकै क्रममा चोट बाक्दै मैदान छाड्न बाध्य रहे । उनको निर्णायक गोल भने ४० औं मिनेटमा सम्भव भएको थियो । । यो जितपछि बार्सिलोनाको ३२ खेलबाट ८२ अंक भएको छ र यो दोस्रो स्थानमा रहेको रियल म्याड्रिडमाथि नौ अंकको अग्रता हो । सेल्टा भिगो ४४ अंकमा सातौं स्थानमा रह्यो । बुधबारकै अर्को खेलमा गेटाफेले रियल सोसिडाडलाई १–० ले पराजित गर्‍यो । गेटाफे ४४ अंकमै छैटौं स्थानमा छ भने रियल सोसिडाड ४२ अंकमा आठौं स्थानमा छ । यो नतिजाले अर्को सिजन युरोपमा खेल्ने दौड अझ कडा भएको छ ।

बार्सिलोनाको अग्रता नौ अंक

इर्लिङ हालान्डले पाँचौं मिनेटमा गरेको निर्णायक गोलको मदतले म्यानचेस्टर सिटीले इंग्लिस प्रिमियर लिगमा बुधबार बर्नलीलाई १–० ले हराएको छ । यो जितपछि सिटी अंक तालिकाको शीर्षमा उक्लेको छ । हारले बर्नली भने रेलिगेसनमा पर्ने दोस्रो टिम बन्यो । बर्नली २० अंकमा १९ औं स्थानमा रहेको छ र पछिल्ला पाँच सिजनमा बर्नली प्रिमियर लिगबाट रेलिगेसनमा परेको यो तेस्रो पल्ट हो । यसअघि उल्भ्स रेलिगेसनमा पर्ने पहिलो टिम बनेको थियो । जितपछि ७० अंकमा पहिलो स्थानमा रह्यो । समान अंकमा आर्सनल भने दोस्रो स्थानमा झरेको छ । बुधबारकै अर्को खेलमा बर्नमाउथ र लिड्स युनाइटेडले २–२ रोमाञ्चक को बराबरी खेले ।

आर्सनललाई उछिनेर सिटी शीर्षमा

राजस्थान रोयल्सले इन्डियन प्रिमियर लिग (आईपीएल) २०२६ को दोस्रो स्थानमा उक्लने क्रममा बुधबार लखनउ सुपर जायन्सलाई सजिलै ४० रनले हराएको छ । यो जितपछि राजस्थानको १० अंक भएको छ । पंजाव किग्स ११ अंकमा शीर्षमा छ । लखनउ भने चार अंकमा नवौं स्थानमा रह्यो । लखनउमा भएको खेलमा पहिले ब्याटिङ गर्दै राजस्थानले छ विकेटमा १ सय ५९ रन बनाएको थियो । रविन्द्र जडेजाले त्यसमा सबैभन्दा बढी ४३ रन बनाए । जवाफमा लखनउ १८ ओभरमा १ सय १९ रन मात्र बनाएर अलआउट भयो । ओपनर मिचेल मार्सले ५५ रन बनाए, त्यसको खासै अर्थर रहेन् ।

राजस्थानको अर्को सजिलो जित

काठमाडौं। आइसीसी च्यालेन्ज ट्रफीमा नेपालले लगातार दोस्रो जित दर्ता गरेको छ।&nbsp; बुधबार सम्पन्न खेलमा नेपालले घरेलु टोली रुवाण्डविरुद्ध दुई विकेटको रोमाञ्चक जित निकालेको हो।&nbsp; रुग्वाण्डाले प्रस्तुत गरेको ८९ रनको लक्ष्य नेपालले दुई बल बाँकी छँदा आठ विकेट गुमाएर पूरा गर्यो।&nbsp; नेपालका लागि सम्झना खड्काले सर्वाधिक ४८ रनको योग्दान दिइन्। यस्तै, पूजा महतो १३ र विन्दु रावलले १० रन बनाउँदा अन्य ब्याटरले दोहोरो अंकमा रन बनाउन सकेनन्।&nbsp; रुगाण्डका लागि जीयोभानीस युवासेले तीन तथा हेनहरीटेले र जिसिलले समना दुई विकेट लिए। त्यसअघि टस जितेर पहिले ब्याटिङ गरेको रुगाण्डाले १९ ४ ओभरमा सबै विकेट गुमाउँदा ८८ रनको योगफल तयार पारेको थियो। रुवाण्डाका लागि एसिल अइकोउ १७ र मार्भेली युवासेले १५ रनको योग्दान दिइन्।&nbsp; नेपालका लागि रचना चौधरीले तीन, पूजा, कविता कुँवरले समान दुई तथा मनिषा उपाध्याय रिया शर्माले समान एक विकेट लिए।&nbsp; यो जितसँगै नेपालले तीन खेलमा चार अंक जोडेको छ। पहिलो खेलमा अमेरिकासँग पराजित भएको नेपालले दोस्रो खेलमा इटालीलाई पराजित गर्दै विजयी सुरुआत गरेको थियो।

नेपालको लगातार दोस्रो जित

काठमाडौं। नेपाल दक्षिण एसियाली फुटबल महासंघ (साफ) महिला च्याम्पियनसिप २०२६ मा सहज समूहमा परेको छ। भारतको गोवामा मे २५ देखि जुन ६ सम्म सञ्चालन हुने प्रतियोगिताका लागि बुधबार बंगलादेशको ढाकामा सम्पन्न समूह विभाजनअनुसार नेपाल रहेको समूह ‘ए’ मा श्रीलंका र भुटान छन्। तुलनात्मक रूपमा यो समूह नेपालका लागि सहज मानिएको छ। यता साविक विजेता बंगलादेश आयोजक भारतसँगै समूह ‘बी’ मा परेका छन्। यो समूहमा माल्दिभ्स पनि रहेकाले खेल प्रतिस्पर्धात्मक हुने अपेक्षा गरिएको छ। यसअघि काठमाडौंमा सम्पन्न &nbsp;२०२२ को फाइनलमा नेपाल ३-१ ले पराजित हुँदै उपविजेतामा सीमित बनेको थियो।<img src="https://app.nepalsportz.com/media/django-summernote/2026-04-22/0171f6cb-9f8c-4fe3-acce-150b9105c0da.jpeg" style="width: 698px;">

साफ महिला च्याम्पियनसिपमा नेपाललाई सहज समूह

काठमाडौं। पहुना ओमानले नेपाल 'ए' लाई जितको लागि २८१ रनको लक्ष्य प्रस्तुत गरेको छ।&nbsp; माथिल्लो मूलपानी क्रिकेट मैदानमा टस जितेर पहिले ब्याटिङ थालेको ओमानले निर्धारित ५० ओभरमा ९ विकेट गुमाएर २८० रन बनायो।&nbsp; ओमनका लागि मुजिबर अलि ८५ बलमा ७२ रन बनाएर आउट भए। उनले चार चौका र तीन छक्का प्रहार गरे। यस्तै, जतेन्दर सिंहले ४८ बलमा ९ चौका र एक छक्काको सहयोगा ५८ रनको अर्धशतकीय पारी खेले।&nbsp; हसिर डाफेदरले ४६, आशिष ओडेराले २७, विनायक सुक्लाले २५ रन बनाए।&nbsp; नेपालका आकाश चन्दले चार विकेट र सन्तोष यादवले दुई विकेट लिए। शेर मल्ल, राशिद खान र शाहव आलमले समान एक विकेट लिए।&nbsp; पहिलो विकेटका लागि जतेन्दर र आशिषले ८९ रनको साँझेदारी गर्दै ओमानलाई राम्रो सुरुआत गरेका थिए। यसगरी चौथो विकेटका लागि मुजिबर र हसिरले ९१ रनको शानदा साँझेदारी गरे। यस्तै सिरिजको दोस्रो खेल शुक्रबार हुनेछ।&nbsp;

नेपाल 'ए' ले पायो २८१ रनको लक्ष्य

काठमाडौं। आईसीसी वुमेन्स च्यालेन्ज ट्रफीअन्तर्गत नेपालले आज घरेलु टाेली रुवाण्डाको सामना गर्दैछ। यी दुई टाेलीबीचकाे खेल नेपाली समयअनुसार दिउँसो १२:४५ बजेदेखि शुरु हुँदैछ। नेपालले यसअघिका दुई मध्य एकमा जित र एकमा ब्यहाेरेकाे थियो। आमेरिकमसँग हार्दा इटालीलाई पराजित गरेको थियो। त्यस्तै रुवाण्डाले खेलेका ३ खेलमा २ जित र एक हार बेहोरेको छ। यस प्रतियोगितामा अमेरिका, नेपाल, इटाली, पूर्वी &nbsp;भानुआटु र आयोजक रुवान्डा रहेका छन्। नेपालले अर्को खेल अप्रिल २४ मा भानुआटुमासँग खेल्ने तालिका रहेको छ।

नेपालले रुवाण्डाको सामना गर्दै

रियल म्याड्रिडले मंगलबार स्पेनी ला लिगामा एलाभेसलाई २–१ ले पराजित गरेको छ र लिग उपाधि जित्ने आफ्नो झिनो सम्भावना कायम राखेको छ । रियलका लागि केयलिन एमबापे र भिनिसियस जुनियरले एक एक गोल गरे । यो जितपछि रियलको ७३ अंक भएको छ र यो शीर्षमा रहेको बार्सिलोनासँग छ अंकमा छोट्याउन सफल रह्यो । बार्सिलोनाले एक खेल पनि कम खेलेको छ । एलाभेस ३३ अंकमा १७ औं स्थानमा छ । अर्को खेलमा रियल बेटिसले जिरोनालाई ३–२ ले हराएको छ र यो जितपछि बेटिस ४९ अंकमा पाँचौं स्थानमा रह्यो । यससँगै उसले पनि अर्को सिजन युरोपमा खेल्ने सम्भावना बढेको छ । जिरोना ३८ अंकमा ११ औं स्थानमा छ ।

रियलको झिनो आश कायम

ब्राइटनले इंग्लिस प्रिमियर लिगमा मंगलबार चेल्स्लीाई सजिलै ३–० ले पराजित गरेको छ र यससँगै चेल्सीलाई नै उछिनेर ५० अंकमा छैटौं स्थानमा उक्लेको छ । चेल्सीको यो हारले अर्को सिजन युरोपेली च्याम्पियन्स लिगमा खेल्ने सम्भावना लगभग समाप्त भएको छ । ब्राइटनका लागि फेरडी काडिग्लु, ज्याक हिन्सेलउड र ड्यानी वेलब्याकले एक एक गोल गरे । खराव लयमा रहेको चेल्सी सन् १९१२ यता विना कुनै गोल गर्दै लगातार पाँच खेलमा पराजित भएको यो पहिलो पटक हो । चेल्सी लिगका पछिल्ला आठ खेलमध्ये सातमा पराजित रहेको छ र अहिले सातौं स्थानमा झरेको छ । यो पाँचौं स्थानमा रहेको लिभरपुलसँग सात अंकको दूरी हो । लिभरपुलको ५५ अंक छ र पाँचौं स्थानसम्म रहने टिम च्याम्पियन्स लिगमा छनोट हुनेछ ।

चेल्सीलाई उछिनेर ब्राइटन छैटौंमा

ओपनर अभिषेक शर्माले इन्डियन प्रिमियर लिग (आईपीएल) कै इतिहासमा बनाएको पाँचौं ठूलो व्यक्तिगत स्कोरको मदतले सनराइज हैदरावादले मंगलबार दिल्ली क्यापिटल्सलाई ४७ रनले पराजित गरेको छ । हैदरावादमा भएको खेलमा अभिषकले ६८ बलमा नटआउट रहेर १ सय ३५ रन बनाए र टिमले पहिले ब्याटिङ गर्दै दुई विकेटमा २ सय ४२ रन बनायो । उनले दस चौका र दस छक्का प्रहार गरे । त्यसको जवाफमा दिल्लीले नौ विकेटमा १ सय ९५ रन मात्र बनाउन सक्यो । हैदरावादका लागि इसान मलिंगाले ३२ रनमा चार विकेट लिए । यो जितपछि हैदरावाद आठ अंकमा तेस्रो स्थानमा उक्लेको छ भने दिल्ली छ अंकमा पाँचौं स्थानमा रह्यो ।

हैदरवादको जितमा अभिषेकको शतक

काठमाडौं। ओपनर कुशल भुर्तेलको अर्धशतको सहयोगमा नेपालले युएईविरुद्धको दोस्रो टी-२० खेलमा ८ विकेटले विजयी हासिल गरेको छ। योसँगै दुई खेलको सिरिज १–१ को बराबरी भएका छ। मंगलबार त्रिवि क्रिकेट रंगशालामा सम्पन्न खेलमा युएईले दिएको १२९ रनको लक्ष्य नेपालले १५.५ ओभरमा दुई विकेट गुमाएर पूरा गर्यो। नेपालको जितमा ओपनर कुशल भुर्तेलले अर्धशतकीय पारी खेले। उनले ७५ बलमा १२ चौका र २ छक्का प्रहार गर्दै ८४ रनमा अविजित रहे। यस्तै, अर्का ओपनर कुशल मल्लले १९ रन बनाएर आउट हुँदा कप्तान दिपेन्द्रसिंह ऐरी २३ रनमा अविजित रहे।&nbsp; पहिलो विकेटका लागि कुशल द्वोयले ६७ रनको साँझेदारी गर्दै नेपाललाई समानजनक स्कोरतर्फ अघि बढाएका थिए। कुशल र दीपेन्द्रले ५८ रनको साँझेदारी गर्दै जित दिलाए। युएईका महोमद अर्फान र निलम शेसवानीले समान एक विकेट लिए। त्यसअघि पहिले ब्याटिङ गरेको युएईले निर्धारित २० ओभरमा ८ विकेट गुमाए १२८ रन बनाएको थियो। यूएईका अक्षदीप नाथले सर्वाधिक ५३ रन बनाए। उनले ४२ बलमा ३ चौकार ४ छक्का प्रहार गरे। अदीव उसबानीले ३० रन बनाउँदा महोमद आरफ्यान ३२ रन बनाएर सन्दीपको बलिङमा कप्तान दिपेन्द्रको हातबाट क्याच आउट भए। सातौं विकेटका लागि मोहमद र अक्षयदीपले ६४ रनको साँझेदारी गरे। लगत्तै सन्दीपले पुन दिपेन्द्रको हातबाट कुजयमा तनबिरलाई शून्य रनमा आउट गराए। नेपालका सन्दीप लामिछाने तीन, हेमन्त धामी दुई तथा नन्दन यादव र साहब आलयमले समान एक विकेट लिए।&nbsp; यसअघि सोमबार सम्पन्न पहिलो खेलमा नेपाल ६ विकेटले पराजित भएको थियो।

युएईविरुद्ध नेपाल ८ विकेटले विजयी

काठमाडौं। नेपाल क्रिकेट संघ (क्यान)ले ओमानविरुद्ध हुने एकदिवसीय शृंखला खेलका लागि नेपाल ‘ए’ टोली घोषणा गरेको छ। संघले जारी गरेको प्रेस विज्ञप्तिअनुसार नेपाल ‘ए’ र ओमानबीच दुई खेलको एकदिवसीय शृंखला अप्रिल २२ र २४ मा माथिल्लो मूलपानी क्रिकेट मैदानमा सञ्चालन हुनेछ। नेपाली टोलीको कप्तानी अनिलकुमार साहले गर्नेछन्। टोलीमा देव खनाल, ईशान पाण्डे, सन्दीप जोरा, नृततराज दास, कुशल मल्ल, सन्तोष यादव, राशिद खान, साहब आलम, हेमन्त धामी, रिजन ढकाल, आकाश चन्द, युवराज खत्री र शेर मल्ल समावेश छन्। क्यानले युवा तथा उदीयमान खेलाडीलाई अन्तर्राष्ट्रिय अनुभव दिलाउने उद्देश्यसहित नेपाल ‘ए’ टोली मैदानमा उतार्न लागेको जनाएको छ।&nbsp;

अनिलको कप्तानीमा नेपाल ‘ए’ टोली घोषणा

काठमाडौं। अखिल नेपाल फुटबल संघ (एन्फा)ले भारतमा आयोजना हुने साफ महिला च्याम्पियनसिप २०२६ का लागि ३५ सदस्यीय प्रारम्भिक टोली घोषणा गरेका छन्। नविन न्यौपानेको प्रशिक्षणमा रहने टिमका लागि घोषित टोलीले वैशाख १५ देखि सातदोबाटोस्थित एन्फा कम्प्लेक्समा बन्द प्रशिक्षण सुरु गर्ने तालिका छ। प्रतियोगिता मे २५ देखि जुन ७ सम्म भारतको गोवास्थित फातोर्दा रंगशालामा आयोजना हुनेछ। उपविजेता बन्दै आएको नेपालले न्यौपानेको नेतृत्वमा पहिलो पटक उपाधि जित्ने लक्ष्य राखेको छ। प्रारम्भिक टोलीअञ्जिला तुम्बापो सुब्बा, अञ्जना राना मगर, अनिता बस्नेत, अनिता लम्जेल, अनिता केसी, अस्मिता नेपाली, वर्षा ओली, बिमला बिके, बिमला चौधरी, बिर्सना चौधरी, दिपा शाही, गीता राना, हिराकुमारी भुजेल, जेनीफर राना, मानमाया दमाई, मीना देउवा, नेहा कुमारी चौधरी, निशा ठोकर, पुनम छेम्जोङ, प्रतीक्षा चौधरी, प्रीति राई, पूजा राना, पूर्णिमा राई, रश्मीकुमारी घिसिङ, रेखा पौडेल, रेनुका नगरकोटी, सबिना चौधरी, सजनी ठोकर, समीक्षा घिमिरे, सरस्वती हमाल, सरु लिम्बु, सिलु परियार, सुकृया मिया, सुषिला कुमारी र उषा नाथ रहेका छन्।

Nepalsports

⚽ Upcoming Matches

🎖 Recent Matches

📰 Recent News

Nepalsports