Pokhara Thunders

डिफेन्डिङ च्याम्पियन रोयल च्यालेर्न्ज बेंगलुरुले बुधबार इन्डियन प्रिमियर लिग (आईपीएल) २०२६ मा कोलकाता नाइट राइडर्सलाई छ विकेटले पराजित गरेको छ र लिग तालिकाको शीर्षमा उक्लेको छ । बेंगलुरुको १६ अंक भएको छ र प्ले अफ छनोटको नजिक पुगेको छ । कोलकाता भने नौ अंकमा आठौं स्थानमा छ र उसको प्ले अफ सम्भावना भने कमजोर बनेको छ । बेंगलुरुको जितमा विराट कोहलीको नटआउट रहेर १ सय ५ रन बनाए । उनले ६० बलमा ११ चौका र तीन छक्का प्रहार गरे । यस अगाडि पहिले ब्याटिङ गर्दै चार विकेटमा १ सय ९२ रन बनाएको थियो । त्यसमा अंगकृश रघुवंशीले सर्वाधिक ७१ रन बनाए ।

कोहलीको शतकमा बेंगलुरु शीर्षमा

काठमाडाौं। साउदी प्रो लिगअन्तर्गत मंगलबार राति सम्पन्न रोमाञ्चक खेलमा अल नासर र अल हिलालले १–१ गोलको बराबरी खेलेका छन्। नासरका लागि ३७औँ मिनेटमा मोहम्मद सिमाकानले गोल गर्दै टोलीलाई अग्रता दिलाएका थिए। खेलभर अल नासरले अग्रता जोगाइरहेको अवस्थामा इन्ज्युरी समयमा गोलरक्षक बेन्टोबाट आत्मघाती गोल भएपछि अल हिलालले बराबरी गर्न सफल भयो। बराबरीसँगै जारी लिगमा ३३ खेलबाट ८३ अंकसहित शीर्ष स्थानमा रहेको अल नासरले उपाधि जित्न अझै एक खेल कुर्नुपर्ने भएको छ। अल हिलाल भने ३२ खेलबाट ७८ अंकसहित दोस्रो स्थानमा रहेको छ। लिगमा अब बाँकी एक खेलमा वियजी भए क्रिस्टियानाे राेनाल्डाे समिलित नासरले लिगकाे उपाधि जित्ने छ।

अल नासर हिलालसँग रोकियो

गुजरात टाइटन्सले मंगलबार इन्डियन प्रिमियर लिग (आईपीएल) २०२६ मा सनराइज हैदरावादलाई सजिलै ८२ रनले हराएको छ । प्रतियोगितामा गुजरातको यो लगातार पाँचौं जित हो र यससँगै अंक तालिकाको शीर्ष स्थानमा उक्लेको छ । गुजरातको १६ अंक भएको छ । हैदरावाद भने १४ अंकमा तेस्रो स्थानमा छ । जितका लागि १ सय ६९ रन पछ्याएको हैदरावाद १४.५ ओभर मात्र टिकेर ८६ रनमै अलआउट भयो । कप्तान प्याट कमिन्सको १६ रन नै सबैभन्दा ठूलो स्कोर रह्यो । गुजरातका लागि जेसन होल्डर र कगिसो रबाडाले तीन तीन विकेट लिए । त्यस अगाडि साई सुदर्शनले ६१ र वासिंटन सुन्दरले ५० रनको मदतले गुजरातले पहिले ब्याटिङ गर्दै पाँच विकेट गुमाएर १ सय ६८ रन बनाएको थियो ।

हैदरावादलाई हराएर गुजरात शीर्षमा

काठमाडौं। आइसीसी विश्वकप लिग–२ अन्तर्गत स्कटल्यान्डविरुद्ध सम्पन्न खेलमा नेपाल डकवर्थ–लुइस–स्टर्न ९डीएलएस० विधिअनुसार २ रनले पराजित भएको छ।&nbsp; वर्षाका कारण ३९ ओभरमा झारिएको खेलमा स्कटल्यान्डले दिएको २२१ रनको लक्ष्य पछ्याएको नेपालले ७ विकेट गुमाएर २१८ रन मात्र बनाउन सक्यो। नेपालका गुल्सन झाले अविजित ६१ रनको उत्कृष्ट इनिङ्स खेले। उनले ३५ बलमा २ चौका र ५ छक्का प्रहार गरे। दीपेन्द्रसिंह ऐरीले ४९ बलमा ५५ रन बनाए भने रोहित पौडेलले ३२ रन जोडे। आसिफ शेखले २१ रन बनाउँदा करण केसीले १८ रनको योगदान दिए। स्कटल्यान्डका ब्राड करीले ३ विकेट लिए भने मार्क वाटले २ विकेट हात पारे। ओलिभर डेभिडसन र ज्याक जार्भिसले समान १–१ विकेट लिए। त्यसअघि त्रिवि क्रिकेट रंगशालामा जितेर पहिले ब्याटिङ गरेको स्कटल्यान्डले निर्धारित ५० ओभरमा ८ विकेट गुमाएर २४३ रन बनाएको थियो। जर्ज मुन्सीले सर्वाधिक ७५ रन बनाए। उनले ६२ बलमा १२ चौका र २ छक्का प्रहार गरे। फिन्ले म्याकक्रेथले ३५ रन बनाए भने माइकल इङ्ग्लिस ३४ रनमा अविजित रहे। माइकल लिस्कले २९ तथा मार्क वाटले २४ रन जोडे। नेपालका लागि सन्दीप लामिछानेले उत्कृष्ट बलिङ गर्दै ४ विकेट लिए। करण केसी र नन्दन यादवले समान २–२ विकेट हात पारे। जारी लिग–२ मा नेपालको यो १५औं हार हो। २५ खेलबाट १८ अंकसहित नेपाल सातौं स्थानमा छ। २९ खेलबाट ३६ अंक रहेको स्कटल्यान्ड दोस्रो स्थनामा छ।

आइसीसी विश्वकप लिग–२ मा नेपालको १५औं हार

काठमाडाैं। आईसीसी पुरुष क्रिकेट विश्वकप लिग–२ अन्तर्गत कीर्तिपुरमा जारी खेलमा स्कटल्यान्डले नेपालसामु २४४ रनको लक्ष्य प्रस्तुत गरेको छ।&nbsp; टस जितेर पहिले ब्याटिङ गरेको स्कटल्यान्डले निर्धारित ५० ओभरमा ८ विकेट गुमाउँदै २४३ रन बनायो। स्कटल्यान्डका जर्ज मुन्सीले उत्कृष्ट ब्याटिङ गर्दै ६२ बलमा १२ चौका र २ छक्कासहित सर्वाधिक ७५ रन बनाए। फिन्ले म्याकक्रेथले ३५ रन जोड्दा माइकल लिस्कले २९ तथा मार्क वाटले २४ रनको योगदान दिए। माइकल इङ्ग्लिस ३४ रनमा अविजित रहे। नेपालका सन्दीप लामिछानेले घातक बलिङ गर्दै १० ओभरमा ४१ रन खर्चेर ४ विकेट लिए। करण केसी र नन्दन यादवले समान २–२ विकेट हात पारे। ललित राजवंशीले किफायती बलिङ गर्दै १० ओभरमा ३३ रन दिए भने गुल्शन झाले ७ ओभरमा २७ रन खर्चिए। स्कटल्याण्डले २० ओभरसम्म बलियो सुरुआत गरे पनि सन्दीप लामिछानेले लगातार विकेट निकाल्दै नेपाललाई खेलमा फर्काएका थिए। मध्यक्रममा नियमित अन्तरालमा विकेट गुमाएपछि स्कटल्याण्ड ठूलो योगफलतर्फ अघि बढ्न सकेन।

नेपाललाई २४४ रनको लक्ष्य

काठमाडौं । कोशी प्राइड लिग (केपिएल) तेस्रो संस्करणको प्रत्यक्ष प्रशारण एक्सन स्पोर्ट्सबाट हुने भएको छ ।&nbsp; सोमबार केपिएलका निर्देशक अफजल हुसेन र डिस मिडिया नेटवर्कका ‘ कन्टेन्ट हेड’ सञ्जय राजभण्डारीले सम्झौतापत्रमा हस्ताक्षर गरे ।&nbsp; कोशी प्राइड प्रा.लीले आयोजनामा जेठ ९ देखि हुने टी–२० प्रतियोगिताको ‘पावर्ड वाई’ एक्ट्रिम इनर्जी ड्रिक्स, ‘टु ह्विलर पार्टनर’ मा टिभिएस एन्टोर स्कुटी र ‘डिजिटल वालेट पार्टन’मा माई पे छन् ।&nbsp; प्रतियोगिताको सर्वोत्कृष्ट खेलाडीलाई टिभिएसको एन्टोर स्कुटर प्रदान गरिने आयोजकले बताएको छ ।&nbsp; यसअघि प्रतियोगिता फागुन ९ देखि २१ सम्म हुने भनिएको थियो । तर, विभिन्न कारण प्रतियोगिता दुई पटक सरेको थियो । अब, भने प्रतियोगिता जेठ ९ देखि २३ गतेसम्म हुनेछ ।&nbsp; प्रतियोगितामा सात फ्रेन्चाइज टिमले प्रतिस्पर्धा गर्नेछन् । सहभागी टिमले अक्सनबाट समान १२ खेलाडी अनुबन्ध गरिसकेका छन् । यस्तै, हरेक टिमले ड्राफबाट तीन देखि ६ खेलाडीसम्म अनुबन्ध गरेका छन् ।&nbsp; एभरेष्ट थन्डर्स, नुमना ब्लास्टर, इटहरी आदर्श जायन्ट्स, विर्तामोड हिट्स, पुर्वेली सुपर किंग्स, बिएन कोशी अनर्स, गोर्खा एभेन्जर्सले लिगमा प्रतिस्पर्धा गर्नेछन् ।

एक्सन स्पोर्ट्सबाट केपिएलको प्रत्यक्ष प्रशारण हुने, सर्वोत्कृष्ट खेलाडीले स्कुटर पाउने

काठमाडौं। आइसीसी विश्वकप लिग–२ अन्तर्गत त्रिकोणात्मक एकदिवसीय शृङ्खलामा नेपालले आज (मंगलबार) स्कटल्यान्डसँग प्रतिस्पर्धा गर्दैछ। कीर्तिपुरस्थित त्रिवि क्रिकेट रंगशालामा हुने खेल बिहान ९ः३० बजे सुरु हुनेछ। शृङ्खलामा नेपाल, स्कटल्यान्ड र अमेरिका सहभागी छन्। आठ राष्ट्र सहभागी लिग–२ अंकतालिकामा ३४ अंकसहित स्कटल्यान्ड दोस्रो स्थानमा रहेको छ भने १८ अंकसहित नेपाल पुछारबाट दोस्रो स्थानमा छ। नेपाल र स्कटल्यान्डबीच हालसम्म १० एकदिवसीय अन्तर्राष्ट्रिय खेल भएका छन्। तीमध्ये नेपालले ५ खेल जितेको छ भने स्कटल्यान्ड ४ खेलमा विजयी भएको छ। एक खेल वर्षाका कारण रद्द भएको थियो। पछिल्ला पाँच भेटमा नेपालले ३ खेल आफ्नो पक्षमा पार्दा स्कटल्यान्डले १ खेल जितेको छ। एक खेल भने वर्षाका कारण पूरा हुन सकेको थिएन।

लिग–२ : आज नेपाल र स्कटल्यान्ड भिड्दै

अखिल नेपाल टेबलटेनिस संघको आयोजनामा हुने ४२ औं राष्ट्रिय टेबलटेनिस प्रतियोगिताका लागि बागमती प्रदेशबाट सहभागी हुने खेलाडीको सोमबार टुंगो लागेको छ ।&nbsp; लैनचौरस्थित राष्ट्रिय टेबलटेनिस प्रशिक्षण केन्द्रमा भएको छनोट प्रतियोगिताबाट खेलाडी छनोट गरिएको बागमती प्रदेश टेबलटेनिस संघका संयोजक नदिमरत्न शाक्यले जनाएका छन् । सिंगल्समा समान ३–३ पुरुष÷महिला तथा यु–१५ र यु–१९ मा समान&nbsp;२–२&nbsp;ब्वाइज÷गल्र्स गरी जम्मा १० खेलाडी राष्ट्रिय प्रतियोगिताका लागि छनोट भए । पुरुष सिंगल्समा सिन्धुपाल्चोकका सुजन गडाल, रामेछापका प्रजिल भट्टराई र ललितपुरका कुशल न्याछो तथा महिला सिंगल्समा काभ्रेकी आश्मा पहरी, ललितपुरकी आश्ना महर्जन र भक्तपुरकी निकिता कस्ती छनोट भए । यु–१५ को ब्वाइजमा ललितपुरका रिभान महर्जन र गल्र्समा ललितपुरकै काभ्या शाक्य तथा यु–१९ ब्वाइजमा ललितपुरका रिजन शाक्य र गल्र्समा ललितपुरकी इशाभी महर्जन छानिए । राष्ट्रिय प्रतियोगिता जेठ १४ देखि १७ गतेसम्म लैनचौरमै हुनेछ ।

बागमतीबाट टेबलटेनिस खेलाडी छनोट

डोमिनिक क्लेभर्ट लेविनले पेनाल्टीबाट ७४ औं मिनेटमा बराबरी गोल फर्काएपछि लिड्स युनाइटेडले सोमबार इंग्लिस प्रिमियर लिगमा टोटनहमलाई १–१ को बराबरीमा रोकेको छ । टोटनहमले आफ्नो घरेलु मैदानमा म्याथेस टेलको गोलले ५० औं मिनेटमा अग्रता लिएको थियो, तर त्यसलाई कायम राख्न सकेन् र एकै अंकमा चित्त बुझाउन बाध्य रह्यो र उसमाथि रेलिगेसन तनाव कायम रह्यो । टोटनहम ३८ अंकमा १७ औं स्थानमा छ । उसको पछाडि वेस्ट ह्याम ३६ अंकमा छ र लिगमा दुई चरणका खेल मात्र बाँकी छ । बर्नली र उल्भ्स यसअघि नै रेलिगेसनमा परिसकेका छन् । अब टोटनहम र वेस्ट ह्याममध्ये एक टिम रेलिगेसनमा पर्नेछ ।

लिड्ससँग टोटनहमको बराबरी

अक्षर पटेलले ५६ र डेविड मिलरले ५१ रन बनाएपछि दिल्ली क्यापिटल्सले सोमबार इन्डियन प्रिमियर लिग (आईपीएल) २०२६ मा पंजाव किंग्सलाई पराजित गरेको छ । यस जितले दिल्लीको १० अंक भएको छ र सातौं स्थानमा छ रह्यो । यस्तै यो नतिजाले दिल्लीको प्ले अफ सम्भावना पनि जीवन्त रह्यो । पंजावले पहिले ब्याटिङ गर्दै पाँच विकेटमा २ सय १० रन बनाएको थियो । त्यसमा ओपनर प्रियन्स आर्य र कप्तान श्रेयश अय्यरले ५९ रन बनाए । जवाफमा दिल्लीले १९ ओभरभित्र सात विकेटमा २ सय १६ रन बनायो । पटेल र मिलरले पाँचौं विकेटका लागि निर्णायक सावित ६४ रनको साझेदारी गरे ।

दिल्लीको सम्भावना जीवन्त

रोयल च्यालेन्जर्स बेंगुलुरुले आइतबार इन्डियन प्रिमियर लिग (आईपीएल) २०२६ मा मुम्बई इन्डियन्सलाई अन्तिम बलमा दुई विकेटले हराएको छ र यससँगै अंक तालिकाको शीर्ष स्थानमा उक्लेको छ । बेंगलुरु १४ अंक भएको छ । यो नतिजापछि अन्तिम दुई स्थानमा रहेका मुम्बईसँगै लखनउ सुपर जायन्ट्स प्रतियोगिताबाट बाहिरिएका छन् । जितका लागि १ सय ६७ रन पछ्याउने क्रममा बेंगलुरुले आठ विकेट गुमाएर हात पारेको थियो । क्रुणाल पाण्डेले बेंगलुरुका लागि ४६ बलमा ७३ रन बनाए । &nbsp; उनले चार चौका र पाँच छक्का प्रहार गरे । त्यस अगाडि पहिले ब्याटिङ गरेको मुम्बईले सात विकेटमा १ सय ६६ रन बनाएको थियो र त्यसमा तिलक वर्माले सर्वाधिक ५७ रन बनाए ।

मुम्बईलाई हराएर बेंगलुरु शीर्षमा

आर्सनलले आइतबार इंग्लिस प्रिमियर लिगमा वेस्ट ह्यामलाई १–० ले पराजित गरेको छ र यससँगै २२ वर्षयता पहिलो पटक लिग उपाधिको नजिक पुगेको छ । आर्सनलका लागि लियान्ड्रो ट्रोसार्डले ८३ औं मिनेटमा निर्णायक गोल गरे । आर्सनलले शीर्ष स्थानमा म्यानचेस्टर सिटीमाथि पाँच अंकको अग्रता लिएको छ । यो नतिजाले रेलिगेसन पर्ने अन्तिम टिमको निर्णय टोटनहम र वेस्ट ह्यामबीच हुनेछ । अहिलेका लागि टोटनहमले आफूलाई बचाउने सम्भावना बलियो भएको छ । वेस्ट ह्यामको अहिलेको हारले क्रिस्टल प्यालेस, लिड्स र नटिंघम फरेस्ट तीनै टिम गणितीय रूपमा रेलिगेसनबाट बच्ने निश्चित भएको छ । अर्को प्रमुख खेलमा एस्टन भिल्लाले बर्नलीसँग २–२ को बराबरी खेल्यो ।

आर्सनललाई शीर्षमा पाँच अंकको अग्रता

बार्सिलोनाले आइतबारले एल क्लासिको जित्दै स्पेनी ला लिगामा उपाधि हात पारेको छ । क्याम्प नुमा भएको खेलमा बार्सिलोनाले रियललाई २–० ले पराजित गरेको हो । उसका लागि पहिलो हाफमा मार्कस रसफोर्ड र फेरान टोरेसले एक एक गोल गरे । बार्सिलोनाको ३५ खेलबाट ९१ अंक भएको छ । यससँगै लिगमा तीन चरणको खेल बाँकी छँदा बार्सिलोनाले शीर्ष स्थानमा निर्णायक सावित हुने १४ अंकको अग्रता लिएको हो । रियल भने ७७ अंकमा दोस्रो स्थानमा कायम रह्यो । डिफेन्डिङ च्याम्पियनका रूपमा बार्सिलोनाले लिग उपाधिको रक्षा गरेको हो । रियल यो सिजन उपाधि विहीन रह्यो । बार्सिलोना स्पेनी लिग च्याम्पियन भएको यो २९ औं पटक हो । रियलले कीर्तिमान ३६ पल्ट लिग जितेको छ ।

एल क्लासिको जित्दै बार्सिलोना च्याम्पियन

काठमाडौँ। नेपाल भलिबल संघको आयोजनामा हरने सेन्ट्रल एसियन भलिबल एसोसिएसन ९काभा० वुमन्स भलिबल च्याम्पियनसिप जेठको दोस्रो साता हुने भएको छ। प्रतियोगिता ८ देखि १५ सम्म त्रिपुरेश्वस्थित दशरथ रंगशालाको कभर्ड हुलमा हुनेछ। प्रतियोगितामा कुल ८ देशको सहभागिता रहनेछ। प्रतियोगितामा नेपालसँगै इरान, किर्गिस्तान, भारत, श्रीलंका, बंगलादेश, माल्दिभ्स र काजाकिस्तान रहेका छन्। प्रतियोगिता अन्तर्राष्ट्रिय भलिबल महासंघको औपचारिक कार्यक्रम रहेको हुनाले यसको प्रभाव विश्व वरीयतामा पनि पर्नेछ। प्रतियोगितालाई लिएर आइतबार आयोजित पत्रकार सम्मेलनमा संघका अध्यक्ष जितेन्द्रबहादुर चन्दले सबै तयारी पूरा भएको बताए। पत्रकार सम्मेलनकै अवसरमा प्रतियोगिताको ट्रफि पनि सार्वजनिक गरिएको थियो। प्रतियोगिताको कुल बजेट दुई करोड ५० लाख रुपैयाँ रहनेछ। तयारीका लागि अहिले १६ खेलाडी सम्मिलित नेपाली टिमको प्रशिक्षण चलिरहेको छ।

काभा वुमन्स च्याम्पियनसिप जेठ दोस्रो साताबाट, ट्रफी सार्वजनिक

काठमाडौँ। अन्तर्राष्ट्रिय रग्बी रेफ्री प्रेम कोइराला एसियन रग्बीको डेभलपमेन्ट प्यानलमा पर्न सफल भएका छन्। डेभलपमेन्ट प्यानलमा पर्न सफल उनी पहिलो नेपाली रेफ्री बनेका छन्। उनले सन् २०२३ मा विश्व रग्बीबाट प्रदान गरिने “वर्ल्ड लेभल–२ डेभलपमेन्ट म्याच अफिसियल” रेफ्री सर्टिफिकेट प्राप्त गर्दै उक्त उपलब्धि हासिल गर्ने पहिलो नेपाली रग्बी रेफ्री बन्न सफल भए। एसिया रग्बी रेफ्री कमिटीले प्रत्येक वर्ष सदस्य राष्ट्रका उत्कृष्ट रेफ्रीहरूलाई अनुभव, प्रदर्शन, मूल्याङ्कन र शारीरिक फिटनेसका आधारमा छनोट गर्ने गर्दछ। यही प्रक्रियाअन्तर्गत प्रेम कोइराला सन् २०२६ मा “डेभलपमेन्ट प्यानल” मा पर्न सफल भएका हुन्। यो उपलब्धि पाए सँगै प्रेमले अब एसिया रग्बी अन्तर्गतका आधिकारिक प्रतियोगितामा मुख्य रेफ्रीको भूमिका निर्वाह गर्न सक्नेछन्। साथै अब उनले आफ्नै खर्चमा अन्तर्राष्ट्रिय रेफ्री बन्नु पर्नेछैन। कोइरालाले यो उपलब्धिलाई आफ्नो लामो समयदेखिको धैर्यता भनेका छन्। उनले भने, "मैले यसको लागि धेरै समय धैर्य भएर आफ्नो भूमिका निभाइरहे। त्यसको मूल्याङ्कन भएको ठानेको छु।" यसअघि प्रेमले सन् २०२३ मा विश्व रग्बीबाट प्रदान गरिने 'वर्ल्ड लेभल–२ डेभलपमेन्ट म्याच अफिसियल' रेफ्री सर्टिफिकेट प्राप्त गरेका थिए। उनी यही वैशाख ३१ गते उज्बेकिस्तानमा आयोजना हुने सेन्ट्रल तथा दक्षिण एसियाली रग्बी प्रतियोगितामा रेफ्रीको भूमिका निर्वाह जाँदैछन्। प्रेम भन्छन्, "उज्बेकिस्तानको प्रदर्शन डेभलपमेन्टमा पर्ने आधार भनिएको थियो। तर त्यहाँ जानु अगाडि नै प्यानलमा परेको सूचना पाएँ। यो भन्दा खुसीको कुरा मेरो लागि के हुन्छ।" डेभलपमेन्ट प्यानलमा गरेपछिको बढुवा भनेको ट्यालेन्ट आइडेन्टीफिकेसन प्यानल ( टीआइपी) र त्यसपछि इलाइट प्यानलको रेफ्री बन्नु हुन्छ। प्रेमले आगामी लक्ष्य त्यसैमा केन्द्रित हुने पनि बताए।&nbsp;

प्रेम कोइराला एसियन डेभलपमेन्ट प्यानलमा पर्ने पहिलो रग्बी रेफ्री

काठमाडाैं। नेपाल खेलकुद पत्रकार मञ्च गण्डकीले १०औँ रारा पोखरा स्पोर्ट्स अवार्डका अवसरमा ओलम्पियन टीका बहादुर बोगटीलाई ‘लाइफटाइम एचिभ्मेन्ट अवार्ड’ बाट सम्मानित गर्ने भएको छ। वि.सं. २०१९ सालमा गोरखाको ताप्ले गाउँमा जन्मिएका बोगटीले एथ्लेटिक्सको माध्यमबाट नेपालको गौरवलाई अन्तर्राष्ट्रिय जगतमा पु¥याए बापत यो सम्मान पाउन लागेका हुन्। गोरखाका भिराला पाखाहरूमा दौडिँदै हुर्किएका उनले २०३७ सालमा नेपाली सेनामा भर्ना भएपछि खेल जीवनलाई व्यावसायिक रूपमा अगाडि बढाएका थिए। २०४४ सालदेखि अन्तर्राष्ट्रिय ट्रयाकमा पाइला राखेका बोगटीले राष्ट्रिय स्तरका थुप्रै प्रतियोगिताहरूमा स्वर्ण पदक जितेर आफूलाई अब्बल सावित गरे। बोगटीको खेल जीवनको सबैभन्दा ठूलो उपलब्धि सन् १९८८ को सियोल ओलम्पिक र १९९६ को एटलान्टा ओलम्पिकमा नेपालको प्रतिनिधित्व गर्नु हो। विश्वका हस्ती धावकहरूसँगै ओलम्पिकको ट्रयाकमा दौडिएर उनले नेपालको चन्द्र–सूर्य अंकित झण्डालाई विश्वमाझ चिनाएका थिए। उनले सन् १९९४ मा भएको १२ औँ एसियाली खेलकुदमा समेत सहभागिता जनाएका थिए। दक्षिण एसियाली खेलकुद (साग) मा उनको प्रदर्शन निकै लोभलाग्दो रह्यो। चौथो देखि सातौँ सागसम्म लगातार सहभागी भएका उनले १९९१ मा श्रीलंका र १९९३ मा बंगलादेशमा काश्य पदक जितेका थिए भने १९९५ मा भारतको मद्रासमा भएको सागमा स्वर्ण पदक चुम्न सफल भए। अन्तर्राष्ट्रिय म्याराथनमा नेपालको प्रतिनिधित्व गर्दै सिंगापुर र अस्ट्रेलिया जस्ता देश पुगेका बोगटीले सन् १९८९ मा जर्मनीबाट तीन हप्ताको कोचिङ कोर्स समेत पूरा गरेका थिए। खेलका क्रममा उनले अनेकौँ उतारचढाव र अभावहरू भोगे। आमाको निधन हुँदाको मर्माहत पीडामा समेत उनले खेललाई निरन्तरता दिएको स्मरण गरे। खेल जीवनमा प्राप्त सफलताकै कारण उनलाई तत्कालीन सरकारले ’गोरखा दक्षिणबाहु’ बाट समेत विभूषित गरेको थियो। तत्कालीन समयमा अहिलेको जस्तो सेवा सुविधा नभए पनि दृढ संकल्पका साथ आफू खेलमा लागिरहेको उनले बताए। हाल ६४ वर्षको उमेरमा पुगेका बोगटी अझै पनि उत्तिकै ऊर्जावान् छन्। खेलबाट सक्रिय विश्राम लिएपछि उनी अहिले गोरखाको आफ्नै माटोमा कृषि कर्ममा रमाइरहेका छन्। खेतीपातीसँगै उनले नयाँ पुस्तालाई एथ्लेटिक्सको ज्ञान र अनुशासन सिकाउने गुरुको जिम्मेवारी समेत निभाइरहेका छन्। गाउँको विकास निर्माण र सामाजिक संघसंस्थामा स्वयंसेवकको भूमिकामा सक्रिय बोगटीले समाज सेवालाई पनि उत्तिकै महत्व दिएका छन्। एउटा सफल धावकदेखि कर्मशील किसानसम्मको उनको यो प्रेरक यात्रालाई सम्मान गर्दै प्रदान गर्न लागिएको यो अवार्डलाई नेपाली खेलकुदको सुनौलो इतिहासको सम्मानका रूपमा हेरिएको छ। आगामी वैशाख ३१ गते पोखरा इभेन्ट सेन्टरमा आयोजना हुने अवार्डमा विभिन्न नौ विधामा अवार्ड प्रदान गरिदै छ। हिमश्री फुड्सको उत्पादन रारा तयारी चाउचाउको मुख्य प्रायोजन रहेको उक्त अवार्ड कार्यक्रममा लाइफटाईम एचिभमेन्ट अवार्ड, वर्ष उत्कृष्ट प्रशिक्षक, वर्ष उत्कृष्ट खेलाडी पुरुष, वर्ष उत्कृष्ट महिला, वर्ष उदियमान खेलाडी, वर्ष उत्कृष्ट खेल संघ संस्था, पिपुल्स च्वाइस अवार्ड, स्पेशल अवार्ड र वर्ष उत्कृष्ट खेल पत्रकार रहेका छन्। पोखरा स्पोर्टस अवार्डमा पिपुल्स च्वाइस अवार्डका लागि गुरुङ गहना घर प्रालिले स्कुटर प्रायोजन गरेको छभने स्पेशल अवार्डका लागि नेलम्बो नेपालले प्रायोजन गरेको छ। अवार्डका लागि गण्डकी प्रदेश सरकार, प्रदेश खेलकुद परिषद् गण्डकी, पोखरा महानगरपालिका, राष्ट्रिय खेलकुद परिषद काठमाडाैं, केल्मी नेपाल, नेपाल खेलकुद पत्रकार मञ्च काठमाडाैं, फोर स्टार डिलक्स हेरिटेज टेम्पल बेल बुटिक होटल एण्ड स्पा पोखरा लेकसाईड, होटल क्राउन प्लाजा काठमाण्डौ, जिल्ला खेलकुद बिकास समिति कास्की, बुल्स मेन क्लबका संस्थापक इश्वर गुरुङ (हङकङ), पोखरा एभेन्जर्स, टाइगर ग्रुप अफ पोखरा, तमु धिँ युके, चन्द्र÷शान्ता गुरुङ गोर्खा हिल क्यास एण्ड क्यारी(युके), रुपा गाउँपालिका, मादी गाउँपालिका, अन्नपूर्ण गाउँपालिका र माछापुच्छ्रे गाउँपालिकाको विशेष सहयोग रहेको छ। त्यसैगरी सहयोगीहरुमा सहारा क्लब पोखरा, सहारा युके, सहारा हङकङ, पोखरा महानगरपालिका वडा नं १, वडा नं ३, वडा नं ७, वडा नं ८, वडा नं ९, वडा नं १०, वडा नं १२, वडा नं १३, वडा नं १४, वडा नं १५, वडा नं १७ र वडा नं २६, पोखरा उद्योग वाणिज्य संघ, लेखनाथ उद्योग वाणिज्य संघ, भूतपूर्व खेलाडी मञ्च, कास्की जिल्ला तेक्वान्दो संघ, मञ्चका पूर्व अध्यक्ष प्रेम नारायण न्यौपाने, पत्रकार महासंघ जापानका पूर्व अध्यक्ष तथा मञ्चका पूर्व अध्यक्ष मोहन घले, &nbsp;विनोद गुरुङ, जापानबाट युवराज गुरुङ, निशान रानामगर, रमेश कुमार गुरुङ, पूर्व राष्ट्रिय खेलाडी बसन्त गौचन, किरण थापा अष्ट्रेलिया, प्रेमकाजी गुरुङ अष्टे«लिया, राइनो हस्पिटालिटी एण्ड होटल म्यानेजमेन्ट प्रालि (राइनो क्याफे एण्ड शवार्मा स्टेशन), शिद्धार्थ पाण्डे कम्प्युटर सेन्टर न्युरोड, दीपक बहादुर थापा (पूर्व वडा सदस्य पो.म.न.पा. १०) लामा कलेक्सन न्यूरोड पोखरा, प्रेम पुन (पुन फोटोग्राफी), हेम्जाकोट होमस्टे कास्की रहेका छन्।&nbsp;

ओलम्पियन टीका बहादुर बोगटीलाई लाइफटाइम एचिभ्मेन्ट अवार्ड

म्यानचेस्टर सिटीले शनिबार इंग्लिस प्रिमियर लिगमा शनिबार ब्रेन्टफोर्डलाई पराजित गर्दै शीर्षमा रहेको आर्सनलसँगको दूरी दुई अंकमा कायम राख्यो । सिटीको ३५ खेलबाट ७४ अंक भएको छ । आर्सनल ७६ अंकमा छ । आर्सनलले आइतबार वेस्ट ह्यामको सामना गर्दैछ र यो खेल आफैमा चुनौतीपूर्ण हुनेछ । इतिहाडमा भएको खेलमा सिटीका लागि जेरेमी डोकु, इर्लिङ हालान्ड र ओमर मारमोसले एक एक गोल गरे । शनिबारका अन्य खेलमा सन्डरल्यान्ड र म्यानचेस्टर युनाइटेडले गोलरहित बराबरी खेले । यस्तै बर्नमाउथले फुलहमलाई १–० र ब्राइटनले उल्भ्सलाई ३–० ले पराजित गर्न सफल रह्यो ।

सिटी आर्सनलसँग दुई अंकको दूरीमा

गुजरात टाइटनसले शनिबार इन्डियन प्रिमियर लिग (आईपीएल) २०२६ मा राजस्थान रोयल्समाथि ७७ रनको प्रभाविशाली जित निकालेर अंक तालिकाको दोस्रो स्थानमा उक्लेको छ । गुजरातको १४ अंक भएको छ । राजस्थान भने १२ अंकमा पाँचौं स्थानमा रह्यो । शुभमन गिलले ४४ बलमा बनाएको ८४ रनको मदतले गुजरातले पहिले ब्याटिङ गर्दै चार विकेटमा २ सय २९ रन बनाएको थियो । गिलले पहिलो विकेटका लागि साइ सुदर्शनसँग १ सय १८ रनको साझेदारी गरे । सुदर्शनले ५५ रन जोडे । प्रतिउत्तरमा राजस्थानले १६.३ ओभरमा अलआउट हुन अगाडि १ सय ५२ रन मात्र बनायो र रविन्द्र जडेजाले बनाएको ३८ रन नै सबैभन्दा ठूलो व्यक्तिगत स्कोर रह्यो । रसिद खान ३३ रनमा चार विकेट लिन सफल भए ।

राजस्थानलाई हराएर गुजरात दोस्रोमा

काठमाडौं। आईसीसी विश्वकप लिग २ सिरिजका लागि नेपाली टोलीको घोषणा गरिएको छ। नेपाल क्रिकेट संघ (क्यान)ले नेपाल, अमेरिका र स्कटल्याण्ड सम्मिलित सिरिजका लागि रोहित पौडेलको कप्तानीमा १५ सदस्यीय टोली घोषणा गरेको हो। टोलीमा इशान पाण्डे पनि अटाएका छन्। उनले ७ वर्षपछि राष्ट्रिय टीममा पुनरागमन गरेका छन्। २०१९ मा उनले जिम्बाब्वेविरुद्ध टी–२० आई खेलेका थिए। उक्त खेलमा उनी ८ बलमा ४ रन बनाएर आउट भएका थिए। प्रधानमन्त्री कपमा सानदार प्रदर्शन गरेका पाण्डेले नेपाल ‘ए’ टीमबाट प्रतियोगिता खेल्ने स्कटल्याण्ड र अमेरिकाविरुद्ध पनि राम्रो पदर्शन गरेका थिए। प्रतियोगिता मे १२ देखि २२ सम्म कीर्तिपुरस्थित टियु मैदानमा सुरु हुनेछ। यसअघिको ओमान र यूएईसँगको सिरिजमा नेपालले ४ खेलमा ३ जित निकालेको थियो। नेपाली टोलीः रोहित पौडेल (कप्तान) दीपेन्द्रसिंह ऐरी (उपकप्तान), कुशल भुर्तेल, आरिफ शेख, भीम सार्की, आशिफ शेख, ईशान पाण्डे, गुलशन झा, सोमपाल कामी, सन्दीप लामिछाने, ललित राजवंशी, विनोद भण्डारी, नन्दन यादव, अर्जुन कुमाल र करण केसी

इशानलाई समेट्दै नेपाली टोलीको घोषणा

इंग्लिस प्रिमियर लिगमा लिभरपुलले शनिबार चेल्सीसँग निराशानाजक १–१ को बराबरी खेलेको छ । एनफिल्डमा भएको खेलमा लिभरपुलले ग्रेभेनबेर्चको गोलले छैटौं मिनेटमा लिएको थियो । इन्जो फर्नान्डेजले ३५ औं मिनेटमा फ्रि–किकबाट बराबरी गोल फर्काए । त्यसपछि थप गोल हुन सकेन र लिभरपुल निराशाजनक बराबरीमा चित्त बुझाउन बाध्य रह्यो । यो नतिजापछि लिभरपुल अर्को सिजन युरोपेली च्याम्पियन्स लिगमा छनोटको नजिक पुगेको छ । लिभरपुल ३६ खेलबाट ५९ अंकमा चौथो स्थानमा रह्यो । चेल्सी भने समान खेलबाट ४९ अंकमा नवौं स्थानमा रह्यो । लिगमा लगातार छ हारपछि चेल्सी यो बराबरी निकाल्न सफल रहेको हो ।

Nepalsports

⚽ Upcoming Matches

🎖 Recent Matches

📰 Recent News

Nepalsports