Pakistan Women

काठमाडौं। साउदी प्रो लिग अन्तर्गत अल नासरले अल एत्तिफाकलाई पराजित गर्दै महत्वपूर्ण तीन अंक जोडेको छ। खेलमा अल नासरका किङ्स्ले कोमानले ३१औं मिनेटमा गरेको गोल नै निर्णायक बन्यो। यस जितसँगै अल नासरले साउदी प्रो लिगमा २९ खेलबाट ७६ अंक जोडेको छ। यो दोस्रो स्थानमा रहेको अल हिला भन्दा ८ अंकले बढी हो। खेलको अन्त्यतिर अल एत्तिफाकका ज्याक हेन्ड्रीले इन्जुरी समयमा रातो कार्ड पाउँदै टोली १० खेलाडीमा सीमित भएको थियो। खेलभरि दुवै टोलीले केही परिवर्तन गरेका थिए। अल नासरका आयमान याह्या, साद अल नासेर, सुल्तान अल घान्नाम, अब्दुल्लाह अल हमदान र अब्दुलरहमान घरेब मैदान प्रवेश गरेका थिए। यस्तै अल एत्तिफाकका मुख्तार अली, जलाल अल सलेम र अब्दुल्लाह अल घाम्दी पनि सब्स्टिच्युटका रूपमा मैदान उत्रिएका थिए।

अल एत्तिफाकमाथि अल नासरको जित

युरोपेली च्याम्पियन्स लिगको सेमिफाइनल समीकरण बुधबार पूरा भएको छ । त्यस अनुसार पहिलो सेमिफाइनलमा डिफेन्डिङ च्याम्पियन पेरिस सेन्ट जर्मेन (पीएसजी) ले बायर्न म्युनिकको सामना गर्नेछ । अर्को सेमिफाइनलमा एटलेटिको म्याड्रिड र आर्सनल भिड्ने छन् । लयमा रहेको बायर्नले एलिनाज एरेनामा भएको क्वाटरफाइनल दोस्रो लेगको खेलमा नौ खेलाडीमा सीमित रियल म्याड्रिडलाई ४–३ ले हरायो र समग्रमा ६–४ को निर्णायक अग्रता लियो । बायर्न पहिलो लेगमा&nbsp;२–१ले विजयी रहेको थियो ।&nbsp; अर्को क्वाटरफाइनल दोस्रो लेगमा आर्सनलले स्पोर्टिङ लिस्वनलाई इमिरेट्समा गोलरहित बराबरीमा रोक्दै समग्रमा १–० को अग्रता लियो । पहिलो लेगमा आर्सनलले १–० को अग्रता लिएको थियो र अन्ततः त्यही निर्णायक सावित भयो ।&nbsp;

सेमिफाइलन समीकरण पूरा

विराट कोहलीको ४९ रनको मदतले रोयल च्यालेन्जर्स बेंगलुरुले बुधबार इन्डियन प्रिमियर लिग (आईपीएल) २०२६ मा लखनउ सुपर जायन्ट्सलाई पाँच विकेट पराजित गरेको छ । यो जितपछि बेंगलुरु आठ अंकमा शीर्ष स्थानमा उक्लेको छ । राजस्थान रोयल्स आठ अंकमै दोस्रो स्थानमा छ । लखनउ भने चार अंकमा सातौं स्थानमा रह्यो । बेंगलुरुमा भएको खेलमा जितका लागि १ सय ४७ रनको लक्ष्य पाएको घरेलु टिमले पाँच विकेट गुमाएर १ सय ४९ रन बनाएको हो । उनले छ चौका र एक छक्का प्रहार गरे । त्यस अगाडि पहिले ब्याटिङको निम्तो पाएको लखनउले २० ओभरमा सबै विकेट गुमाएर १ सय ४६ रन बनाएको थियो । त्यसमा सबैभन्दा ठूलो योगदान ओपनर मिचेल मार्सको रह्यो । उनले ३२ बलको सामना गर्दै ४० रन बनाए । यस्तै आयुष बदोनीले २४ बलमा ३८ रनको योगदान दिए । बेंगलुरुको बलरमध्ये रसिक सलामले चार विकेट लिए । यस्तै भुवेश्वर कुमारले तीन विकेट आफ्नो नाममा लेखाए । यस्तै क्रुनाल पान्ड्याले दुई विकेट हात पारे ।

लखनउलाई हराएर बेंगलुरु शीर्षमा

चेन्नाइ सुपर किंग्सले मंगलबार इन्डियन प्रिमियर लिग (आईपीएल) २०२६ मा कोलकाता नाइट राइडर्सलाई सजिलै ३२ रनले पराजित गरेको छ । हारले कोलकाता अंक तालिकाको पुछारमा रह्यो । उसको पाँच खेलबाट एकै अंक मात्र छ । अर्कोतर्फ चेन्नाइको भने चार अंक भएको छ र यो पनि आठौं स्थानमा मात्र छ । चेन्नाइमा उसले पहिले ब्याटिङ गर्दै पाँच विकेटमा १ सय ९२ रन बनाएको थियो । त्यसमा सन्जु सामसनले ३२ बलमा सर्वाधिक ४८ रन बनाए । यस्तै डेवाल्ड ब्रेभिसले ४१ रन जोडे । जवाफमा कोलकाताले सात विकेटमा १ सय ६० रन मात्र बनाउन सक्यो । रमनदीप सिंहले बनाएको ३५ रन नै यसमा सबैभन्दा ठूलो स्कोर रह्यो ।

चेन्नाइसँग हारेर कोलकाता पुछारमै

पेरिस सेन्ट जर्मेन (पीएसजी) र एटलेटिको म्याड्रिडले मंगलबार युरोपेली च्याम्पियन्स लिगको सेमिफाइलनमा आफ्नो स्थान सुरक्षित गरेका छन् । पीएसजीले एनफिल्डमा भएको क्वाटरफाइनल दोस्रो लेगमा लिभरपुललाई २–० ले हरायो र समग्रमा ४–० को अग्रता लिन सफल रह्यो । डिफेन्डिङ च्याम्पियन पीएसजीका लागि ओसमन डेम्बेलेले दुवै गोल गरे । यस हारसँगै लिरभपुलको यो सिजन कुनै पनि उपाधि जित्ने सम्भावना समाप्त भएको छ । पीएसजी पहिलो लेगमा २–० ले नै अगाडि थियो । &nbsp; <img src="https://app.nepalsportz.com/media/django-summernote/2026-04-15/0689be97-3a49-42db-8e37-bd3dddce88b0.jpeg" style="width: 698px;"> अर्को क्वाटरफाइदल दोस्रो लेलगमा बार्सिलोनाले एटलेटिकोलाई २–१ ले हरायो । तर बार्सिलोना अझै पनि समग्रमा ३–२ ले पछाडि परेको हो । एटलेटिकोले पहिलो लेग २–० ले जितेको थियो । यसपल्ट बार्सिलोनाका लागि लामिन यामल र फेरान टोरेसले गोल गरे । तर एडेमोला लुकमनले एटलेटिकोका लागि गरेको गोलले अन्ततः उसलाई सेमिफाइनल पुर्‍यायो ।

पीएसजी र एटलेटिका अन्तिम चारमा

काठमाडौं। प्रधानमन्त्री कप एकदिवसीय क्रिकेट प्रतियोगिताअन्तर्गत गण्डकी प्रदेशले कर्णाली प्रदेशलाई ९ विकेटले पराजित गर्दै सहज जित हात पारेको छ।&nbsp; कर्णालीले दिएको ७३ रनको सामान्य लक्ष्य गण्डकीले १३ ओभरमै मात्र एक विकेट गुमाएर पूरा गर्‍यो। गण्डकीका सिब्रिन श्रेष्ठले आक्रामक ब्याटिङ गर्दै अविजित ४० रन बनाए भने दीपक डुम्रे २२ रनमा अविजित रहे। सुरुवाती विकेटका रूपमा अर्जुन कुमाल ६ रनमा आउट भए। कर्णालीका लागि एक मात्र विकेट विपिन शर्माले लिए। कर्णालीको कमजोर प्रदर्शनटस जितेर ब्याटिङ रोजेको कर्णाली प्रदेश सुरुवातदेखि नै दबाबमा देखियो। टोली २५.२ ओभरमा मात्र ७२ रनमा समेटियो। कर्णालीका लागि प्रकाश जैसीले अविजित १५ रन बनाउँदा कप्तान दिवान पुनले १४ रन जोडे। अर्जुन घर्तीले १३ रन बनाउनु बाहेक अन्य ब्याट्सम्यान चल्न सकेनन्। विपिन खत्रीको घातक बलिङगण्डकीका विपिन खत्रीले उत्कृष्ट बलिङ गर्दै १० ओभरमा मात्र १८ रन दिएर ५ विकेट लिए। त्यसैगरी अपराजित पौडेल ले ३ विकेट तथा सुबास भण्डारी र कमल परियार ले समान १–१ विकेट लिए।

प्रधानमन्त्री कप : गण्डकी प्रदेशको सहज जित

काठमाडौं। आगामी अप्रिल २०२६ मा रुवान्डामा आयोजना हुने आईसीसी वुमेन्स च्यालेन्ज ट्रफीका लागि नेपाली महिला राष्ट्रिय क्रिकेट टोली घोषणा गरिएको छ।&nbsp; नेपाल क्रिकेट संघले साेमबार प्रेस विज्ञप्तिमार्फत टोली सार्वजनिक गरेको हो। घोषित टोलीको कप्तानी इन्दु बर्माले गर्नेछिन् भने उपकप्तानको जिम्मेवारी पूजा महतोलाई दिइएको छ। अनुभवी र युवा खेलाडीको समिश्रण रहेको टोलीले अन्तर्राष्ट्रिय प्रतियोगितामा राम्रो प्रदर्शन गर्ने अपेक्षा गरिएको छ। घोषित टोली १. इन्दु बर्मा (कप्तान)२. पूजा महतो (उपकप्तान)३. बिन्दु रावल४. सम्झना खड्का५. रुबी पोखरेल६. कविता जोशी७. रिया शर्मा८. रोमा थापा९. कविता कुँवर१०. सुमन बिष्ट११. अनु कडायत१२. मनिषा उपाध्याय१३. रचना चौधरी१४. रबिना क्षेत्री

आईसीसी वुमेन्स च्यालेन्ज ट्रफीका लागि नेपाली महिला टोली घोषणा

काठमाडौं। छैटौं संस्करणको एनभिए अवार्डमा महिलातर्फ न्यू डायमण्ड स्पोर्ट्स क्लबकी सुमित्रा रेग्मी र पुरुषतर्फ नेपाल पुलिस क्लबका पहल गहतराज वर्षका उत्कृष्ट खेलाडी घोषित भएका छन्। दुवै खेलाडीले जनही ५० हजार रुपैयाँसहित सम्मान प्राप्त गरे। नेपाल भलिबल संघद्वारा प्रत्येक वर्ष उत्कृष्ट प्रदर्शन गर्ने खेलाडी तथा व्यक्तित्वलाई सम्मान गर्ने उद्देश्यले आयोजना गरिने अवार्ड कार्यक्रम सोमबार काठमाडौंमा सम्पन्न भएको हो। अवार्डमा विभिन्न विधागत सम्मान पनि प्रदान गरिएको थियो। उदियमान खेलाडी पुरुषतर्फ नेपाल पुलिस क्लबका विवश थापा तथा महिलातर्फ एभरेष्ट भलिबल क्लबकी मिना सुनार उत्कृष्ट घोषित भए। त्यस्तै, उत्कृष्ट प्रशिक्षक पुरुषतर्फ पुलिसका चन्द्र कुँवर र महिलातर्फ कुमार राई घोषित भए। विधागत विजेताहरूले ५० हजार रुपैयाँका दरले पुरस्कार पाए। टिमतर्फ पुरुषमा नेपाल पुलिस क्लब र महिलातर्फ न्यू डायमण्ड स्पोर्ट्स क्लब उत्कृष्ट घोषित हुँदै २ लाख रुपैयाँ प्राप्त गरे।&nbsp; यसैबीच, काभा यू–१९ च्याम्पियनसिपमा रजत पदक जितेको नेपाली महिला टोलीका खेलाडीलाई जनही ४० हजार रुपैयाँ प्रदान गरी सम्मान गरिएको थियो। कार्यक्रममा खेलकुद पत्रकारितातर्फ ‘मेरो खेल टडकम’का सम्पादक श्री विक्रम भण्डारीलाई ५० हजार रुपैयाँसहित सम्मान गरिएको थियो। साथै, भरत यादव र राष्ट्रिय महिला भलिबल टिमका प्रशिक्षक जगदीश भट्टलगायत व्यक्तित्वलाई दोसल्ला ओढाएर सम्मान गरिएको थियो। नेपालमा भलिबलले राष्ट्रिय खेलको मान्यता पाएपछि नेपाल भलिबल संघ ले पहिलो पटक २०७४ साल माघ ८ गते एनभिए अवार्ड आयोजना गरेको थियो। त्यसअघि पुष्पकमल दाहाल नेतृत्वको सरकारले २०७४ साल जेठ ८ गते भलिबललाई नेपालको राष्ट्रिय खेलको मान्यता दिएको थियो।

एनभिए अवार्ड : सुमित्रा र पहल वर्षका उत्कृष्ट खेलाडी घोषित

नोआ ओकाफोरले निर्णायक गोलको मदतले लिड्स युनाइटेडले इंग्लिस प्रिमियर लिगमा सोमबार म्यानचेस्टर युनाइटेडलाई २–१ ले हराएर दुर्लभ र ऐतिहासिक जित निकालेको छ । युनाइटेडमाथि लिगमा लिड्स विजयी रहेको यो सन् २००२ यता पहिलो हो । यस्तै ओल्ड ट्रायफोर्डमा लिड्स विजयी रहेको यो ४५ वर्षयता पहिलो पटक हो । ओकाफोरले नै लिड्सलाई अग्रता दिलाएयता कासेमेरोले युनाइटेडका लागि बराबरी गोल फर्काए । लिसान्ड्रो मार्टिनेजले दोस्रो हातमा रातो कार्ड खाएर मैदान छाडेपछि युनाइटेड दस खेलाडीमा सीमित रहेको थियो । &nbsp; लिड्सको ३६ अंक भएको छ र यो रेलिगेसन क्षेत्रबाट छ अंकको अग्रता हो । लिड्स अब लगभग सुरक्षित देखिएको छ । युनाइटेड भने ५५ अंकमा तेस्रो स्थानमा रह्यो । यो हारले शीर्ष चारमा रहन युनाइटेडले संघर्ष गर्नु पर्ने भएको छ ।

युनाइटेडमाथि लिड्सको ऐतिहासिक जित

अंक तालिकाको शीर्ष स्थानमा रहेको राजस्थान रोयल्सले सोमबार इन्डियन प्रिमियर लिग (आईपीएल) २०२६ मा पहिलो हार बेहोरेको छ । उसलाई सनराइज हैदरावादले ५७ रनले पराजित गरेको हो । हारका बावजुत राजस्थान आठ अंक पहिलो स्थानमै छ । हैदरावाद भने चार अंकमा चौथो स्थानमा उक्लेको छ । हैदरावादमा भएको खेलमा घरेलु टिमले पहिले ब्याटिङ गर्दै छ विकेटमा २ सय १६ रन बनाएको थियो । त्यसमा कप्तान इसान किसनले ९१ रनको योगदान गरे । उनले आठ चौका र छ छक्का प्रहार गरे । जवाफमा राजस्थानले १९ ओभरमा अलआउट हुन अगाडि १ सय ५९ रन मात्र बनाउन सक्यो । डोनाभन फेरेराको यसमा ६९ रनको योगदनन रह्यो । हैदरावादका लागि प्रभुल हिंगे र सकिब हुसेनले चार चार विकेट लिए ।

राजस्थानको पहिलो हार

इन्टर मिलानले इटालीको सिरी ए मा आइतबार सात गोलको थ्रिलरमा कोमोमाथि ४–३ को जित आत्मसात् गरेको छ । यो नतिजापछि उसले एक हात उपाधिमाथि राखेको छ । इन्टर ७५ अंकमा शीर्ष स्थानमा रह्यो भने नेपोली ६६ अंकमा दोस्रोमा छ । नेपोलीले पार्मासँग १–१ को बराबरीमा रोकिएपछि इन्टरका लागि स्थिति अझ अनुकुल बनेको हो । इन्टरले दुई गोलले पछाडि रहेको स्थितिबाट यो जित आत्मसात् गरेको हो । त्यसमा मार्कस थुराम डेनजेल डुमफ्रेसले इन्टरका लागि दुई दुई गोल गरे । त्यस अगाडि कोमोले एलेक्स भाले र निको पाजको गोलले कोमोले दुई गोलको अग्रता लिएको थियो ।

सात गोलको थ्रिलरमा इन्टर विजयी

इंग्लिस प्रिमियर लिगमा म्यानचेस्टर सिटीले आइतबार चेल्सीलाई ३–० ले हराएको छ । यो जितपछि सिटी शीर्षमा रहेको आर्सनलमाथि दबाब सिर्जना गर्ने बलियो स्थितिमा पुगेको छ । सिटीको ३१ खेलबाट ६४ अंक भएको छ । आर्सनल ७० अंकमा शीर्ष स्थानमा रहेको छ । उसले एक खेल बढी खेलेको पनि छ । स्टायनफोर्ड ब्रिजमा भएको खेलमा सिटीका लागि निको ओरेली, मार्क गुएही र जेरेमी डुकुले गोल गरेका हुन् । तीन गोल दोस्रो हाफमा १७ मिनेटको अन्तरमा सम्भव भएको थियो । हारले चेल्सीको अर्को सिजन युरोपेली च्याम्पियन्स लिगमा खेल्ने सम्भावना कमजोर बनेको छ । चेल्सी ४८ अंकमा छैटौं स्थानमा रह्यो । यो पाँचौ स्थानमा रहेको लिभरपुलसँग चार अंकको दूरी हो ।

चेल्सीलाई हराएपछि सिटी बलियो

रोयल च्यालेन्जर्स बेंगलुरुले इन्डियन प्रिमियर लिग (आईपीएल) २०२६ मा आइतबार मुम्बई इन्डियन्समाथि १८ रनको जित निकालेको छ । यस जितपछि उसका छ अंक भएको छ र तेस्रो स्थानमा रह्यो । मुम्बई भने दुई अंकमा आठौं स्थानमा छ । जितका लागि २ सय ४१ रन पछ्याएको मुम्बईले वानखेडेमा पाँच विकेट गुमाएर २ सय २२ रन मात्र बनाउन सक्यो । मुम्बईका लागि सेरफान रडरफोर्डले सर्वाधिक ७१ रन बनाए । यस्तै हार्द्धिका पान्ड्याले ४० रन जोडे । त्यस अगाडि तीन अर्धशतकीय इनिङ्सको मदतले बेंगलुरुले चार विकेटमा २ सय ४० रन बनाएको थियो । त्यसमा फिल साल्टले ७८, विराट कोहलीले ५० र रजत पाटिदारले ५३ रन बनाए ।

मुम्बईमाथि बेंगलुरु हाबी

नोरडी मुखिलेले ६१ औं मिनेटमा गरेको निर्णायक गोलको मदतले सन्डरल्यान्डले इंग्लिस प्रिमियर लिगमा आइतबार टोटनहमलाई १–० ले पराजित गरेको छ । हारले टोटनहममाथि रेलिगेसनको दबाब अझ बढेको छ । अहिले टोटनहम ३० अंकमा सीमित रहेर १८ औं स्थानमा छ । उसको अगाडि वेस्ट ह्याम ३२ अंकमा रहेको छ । सन्डरल्यान्ड भने ४६ अंकमा दसौं स्थानमा उक्लेको छ । नटिंघम फरेस्ट र एस्टन भिल्लाबीचको खेल भने १–१ को बराबरीमा समाप्त भएको छ । भिल्ला ५५ अंकमा चौथो स्थानमा कायम छ । यस्तै क्रिस्टल प्यालेसले भने न्युकासल युनाइटेडमाथि २–१ को पुर्नआगमन जित हात पारेको छ । त्यसमा जियान फिलिपेले दुई गोल गरे । उनको निर्णायक गोल दोस्रो हाफको इन्ज्युरी समयको चौथो मिनेटमा पेनाल्टीबाट भएको थियो ।

टोटनहमाथि रेलिगेसन दबाब बढ्दै

प्रसिद्ध कृष्णले उत्कृष्ट बलिङ गरेपछि गुजरात टाइटन्सले इन्डियन प्रिमियर लिग (आईपीएल) २०२६ मा आइतबार लखनउ सुपर जायन्ट्सलाई सजिलै सात विकेटले हराएको छ । पहिले ब्याटिङ गरेको लखनउले आठ विकेट गुमाएर १ सय ६४ रन मात्र बनाउन सकेको थियो । प्रसिद्धले २८ रनमा चार विकेट लिए र उनी नै निर्विवाद प्लेयर अफ द म्याच रहे । लखनउका लागि ओफनर एडेन मारक्रमले बनाएको ३१ रन नै सर्वाधिक ठूलो व्यत्तिगत स्कोर रह्यो र उनलाई छाडेर अरुले गतिलो योगदान गर्न सकेनन् । जवाफमा गुजरातले १८.४ ओभरमा तीन विकेट गुमाएर १ सय ६५ रन बनाउन सफल रह्यो । उसका लागि कप्तान शुभमन गिलले ५६ र जस बटलरले ६० रन बनाए । यो जितपछि गुजरात चार अंकमा पाँचौं स्थान पुगेको छ । लखनउ चार अंकमै रहेर छैटौं स्थानमा रह्यो ।

लखनउमाथि गुजरात सजिलै विजयी

काठमाडौं। राष्ट्रिय रग्बी सेभेन्स महिला तथा पुरुष च्याम्पियनसिप–२०२६ मा पुरुषतर्फ एपीएफ क्लब र महिलातर्फ त्रिभुवन आर्मी क्लब च्याम्पियन बनेका छन्। त्रिपुरेश्वरस्थित दशरथ रंगशालामा आइतबार सम्पन्न फाइनल खेलमा महिलातर्फ आर्मीले एपीएफलाई २२–१२ ले पराजित गर्दै उपाधि जित्यो। पुरुषतर्फ एपीएफले आर्मीमाथि १०–५ को प्रतिस्पर्धात्मक जित निकाल्दै च्याम्पियन बन्न सफल भयो। यस्तै, तेस्रो स्थानका लागि भएको खेलमा पुरुषतर्फ गण्डकीले कर्णाली प्रदेशलाई १२–७ ले हरायो। महिलातर्फ बागमतीले कर्णाली प्रदेशलाई ५–० ले पराजित गर्दै तेस्रो स्थान हासिल गर्‍यो। व्यक्तिगततर्फ पुरुषमा एपीएफका रोहन ढंगोल उत्कृष्ट खेलाडी घोषित हुँदै ट्रफीसहित ५ हजार रुपैयाँ प्राप्त गरे। महिलातर्फ आर्मीकी कुमारी श्रेष्ठ उत्कृष्ट खेलाडी घोषित हुँदै ५ हजार रुपैयाँ र ट्रफी हात पारिन्। सेमिफाइनलमा पुरुषतर्फ आर्मीले कोशी प्रदेशलाई ४१–५ को फराकिलो अन्तरले हराएको थियो भने एपीएफले गण्डकी प्रदेशलाई २४–० ले पराजित गर्दै फाइनलमा स्थान बनाएको थियो। महिलातर्फ एपीएफले बागमती प्रदेशलाई र आर्मीले कर्णाली प्रदेशलाई हराउँदै उपाधि भिडन्त तय गरेका थिए। प्रतियोगितामा विजेता टोलीले ५० हजार रुपैयाँ तथा उपविजेताले ३० हजार रुपैयाँ नगद पुरस्कार प्राप्त गरे।&nbsp; नेपाल रग्बी संघको आयोजनामा दुई दिनसम्म सञ्चालन भएको प्रतियोगितामा महिला र पुरुष गरी कुल १४ टोलीको सहभागिता रहेको थियो। समापन समारोहमा राष्ट्रिय खेलकुद परिषद् (राखेप) का निवर्तमान सदस्य सचिव तथा एसिया रग्बी संघका उपाध्यक्ष टंकलाल घिसिङलगायत विशिष्ट व्यक्तित्वहरूको उपस्थिति रहेको थियो।

राष्ट्रिय रग्बी सेभेन्स च्याम्पियनसिप : पुरुषतर्फ एपीएफ र महिलातर्फ आर्मी च्याम्पियन

काठमाडौं। राष्ट्रिय रग्बी सेभेन्स महिला तथा पुरुष च्याम्पियनसिप–२०२६ अन्तर्गत महिलातर्फको फाइनल समीकरण पनि पूरा भएको छ। उपाधिका लागि विभागीय दुई बलिया टोली त्रिभुवन आर्मी क्लब र एपीएफ क्लब आमनेसामने हुने भएका छन्। नेपाल रग्बी संघको आयोजनामा त्रिपुरेश्वरस्थित दशरथ रंगशालामा जारी प्रतियोगितामा दुवै टोलीले सेमिफाइनलमा एकतर्फी प्रदर्शन गर्दै फाइनल यात्रा तय गरेका हुन्। पहिलो सेमिफाइनलमा एपीएफ क्लबले बागमती प्रदेशमाथि ३९–० को शानदार जित दर्ता गर्‍यो। दोस्रो सेमिफाइनलमा त्रिभुवन आर्मी क्लबले कर्णाली प्रदेशलाई ३६–० ले पराजित गर्दै फाइनलमा स्थान सुरक्षित गर्‍यो।&nbsp; अब उपाधिका लागि आर्मी र एपीएफबीचको रोमाञ्चक फाइनल खेल दिउँसो २स्३० बजे सुरु हुनेछ। समूह चरणमा बागमती प्रदेश समूह ‘ए’ को विजेता तथा कर्णाली प्रदेश उपविजेता बन्दै सेमिफाइनलमा पुगेका थिए। यता समूह ‘बी’ बाट आर्मी विजेता र एपीएफ उपविजेता बनेका थिए। यसअघि पुरुषतर्फ पनि उपाधिका लागि त्रिभुवन आर्मी क्लब र एपीएफ क्लब नै भिड्ने भएका छन्। तेस्रो स्थानका लागि पुरुषतर्फ कोशी प्रदेश र गण्डकी प्रदेशबीच प्रतिस्पर्धा हुनेछ भने महिलातर्फ बागमती प्रदेश र कर्णाली प्रदेश आमनेसामने हुनेछन्। प्रतियोगितामा महिला तथा पुरुष दुवै विधाका विजेताले ५० हजार रुपैयाँ तथा उपविजेताले ३० हजार रुपैयाँ पुरस्कार प्राप्त गर्नेछन्। साथै उत्कृष्ट महिला र पुरुष खेलाडीले समान ५–५ हजार रुपैयाँ पुरस्कार पाउनेछन्।

राष्ट्रिय रग्बी सेभेन्स च्याम्पियनसिप : महिलातर्फ पनि उपाधिका लागि आर्मी र एपीएफ भिड्ने

काठमाडौं। राष्ट्रिय रग्बी सेभेन्स महिला तथा पुरुष च्याम्पियनसिप–२०२६ अन्तर्गत पुरुषतर्फको फाइनल समीकरण पूरा भएको छ। दुई विभागीय टोली त्रिभुवन आर्मी क्लब र एपीएफ क्लब उपाधिका लागि आमनेसामने हुने भएका छन्। नेपाल रग्बी संघको आयोजनामा त्रिपुरेश्वरस्थित दशरथ रंगशालामा जारी प्रतियोगितामा दुवै टोलीले सेमिफाइनलमा प्रभावशाली प्रदर्शन गर्दै फाइनल यात्रा तय गरेका हुन्। पहिलो सेमिफाइनलमा त्रिभुवन आर्मी क्लबले कोशी प्रदेशमाथि ४१–५ को फराकिलो जित निकाल्यो। आर्मीको जितमा दिनेश ढकालले दुई ट्राइसहित १० अंक जोड्दै टोलीलाई एकतर्फी जित दिलाए।&nbsp; दोस्रो सेमिफाइनलमा एपीएफ क्लबले गण्डकी प्रदेशलाई २४–० ले पराजित गर्‍यो। अब उपाधिका लागि यी दुई विभागीय टोलीबीचको फाइनल खेल दिउँसो २ बजे हुनेछ। समूह चरणमा आर्मी समूह ‘ए’ को विजेता र गण्डकी प्रदेश उपविजेता बन्दै अन्तिम चारमा पुगेको थियो। यता एपीएफ समूह ‘बी’ को विजेता रहँदा कोशी प्रदेश उपविजेताका रूपमा सेमिफाइनलमा पुगेको थियो। यस्तै, महिलातर्फ पहिलो सेमिफाइनलमा एपीएफ क्लबले बागमती प्रदेशसँग प्रतिस्पर्धा गर्नेछ भने दोस्रो सेमिफाइनलमा त्रिभुवन आर्मी क्लबले कर्णाली प्रदेशसँग खेल्नेछ। प्रतियोगितामा महिला तथा पुरुष दुवै विधाका विजेताले ५० हजार रुपैयाँ तथा उपविजेताले ३० हजार रुपैयाँ पुरस्कार प्राप्त गर्नेछन्। साथै उत्कृष्ट महिला र पुरुष खेलाडीले समान ५–५ हजार रुपैयाँ पुरस्कार पाउनेछन्।

राष्ट्रिय रग्बी सेभेन्स च्याम्पियनसिप : पुरुषतर्फ उपाधिका लागि आर्मी र एपीएफ भिड्ने

काठमाडौं । गोल्डेनगेट बास्केटबल क्लबले हिमालयन जाभा बास्केटबल लिग (एचजेएनबीएल) २०२६ को उपाधि जितेको छ । त्रिपुरेश्वरस्थित दशरथ रंगशाला कभर्डहलमा शनिबार भएको फाईनलमा &nbsp;विभागीय टोली त्रिभुवन आर्मी क्लबलाई &nbsp;९५-७४ ले पराजित गर्दै गोल्डेनगेट च्याम्पियन बनेको हो ।&nbsp; यसअघि लिग चरणमा दुई र पहिलो क्वालिफायरमा गरि आर्मीले तीनपटक गोल्डेनटलाई पराजित गरेको थियो ।तर फाईनलमा भने गोल्डेनगेटले आर्मी विरुद्ध बदला लियो&nbsp; गोल्डेनगेटले पहिलो क्वाटरमा २४-१४ को अग्रता बनाएको थियो । दोस्रो क्वाटर पनि गोल्डेनगेटले १७-१२ ले आफ्नो पक्षमा पार्दै हाफटाईमसम्म ४१-२६ को अग्रता बनायो । तेस्रो क्वाटर गोल्डेनगेटले २७-२५ ले आफ्नो पक्षमा पार्दै अग्रता बढायो । गोल्डेनगेटले चाैथो क्वाटर २७-२३ ले आफ्नो पक्षमा पार्दै ९५-७४ ले खेल जितेको हो&nbsp; म्यान अफ दि म्याच गोल्डेनगेटका जाईन खान घोषित भए । <img src="https://app.nepalsportz.com/media/django-summernote/2026-04-12/b7f8108b-ca87-4928-893c-24f315238c89.jpeg" style="width: 698px;"> नेपाल बास्केटबल संघ (नेबा) को आयोजना तथा हिमालयन जाभाको मुख्य प्रायोजनमा भएको प्रतियोगितामा कुल ८ टोलीको सहभागिता थियो । डबल राउण्ड रोविन प्रणालीमा सञ्चाल भएको लिगमा शीर्ष चार टोलीले प्लेअफ खेलेका थिए । प्रतियोगिताको विजेता गोल्डेनगेटले ट्रफीसँगै नगद ४ लाख प्राप्त गरेको छ भने उपविजेताले २ लाख र तेस्रो हुनेले १ लाख हात पार्यो । यसअघि पहिलो संस्करणमा विजेता बनेको टाईम्स बास्केटबल क्लब यसपटक तेस्रो स्थानमा सिमित भयो । यस्तै प्रतियोगिताभर उत्कृष्ट प्रदर्शन गरेका गोल्डेनगेटका निकेश रख्याल मगर लिगकै मोस्ट भ्यालुएबल प्लेअर (एमभिपी) घोषित भए ।

एचजेएनबीएलको उपाधि गोल्डेनगेटलाई

<div dir="auto" style="font-size: 16px; -webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody;"><div dir="auto">नेपालका उदियमान खेलाडी निहाना श्रेष्ठले ७ खेलबाट ५.५ अंक जोडेर आफ्नो व्यक्तिगत चौथो वोर्ड समूह स्पर्धामा नेपालको लागि रजत पदक जित्न सफल भएका छन्। </div><div dir="auto"> </div><div dir="auto"> </div><div dir="auto">उनले अष्ट्रेलिया, भारत, हङकङ, उज्बेकिस्तानत, सिङ्गापुरका खेलाडी माथि सानदार जीत दर्ता गरेका छन् भने चिन विरुद्ध बराबरी तथा पाकिस्तानसँग एक मात्र हारको नतिजा निकाले सँगै देशको लागि रजत पदक जितेकी छिन्।</div><div dir="auto">फिडे वर्ड स्कूल टिम चेस च्याम्पियनसिप अन्तर्गत एशियन कन्टिनेन्टल स्टेजको अन्तर्राष्ट्रिय प्रतिस्पर्धामा नेपाली टोलीले भने मिश्रित खेल प्रस्तुत गरेका छन्।</div><div dir="auto"> </div><div dir="auto"> </div><div dir="auto">काजकिस्तानको अल्माटिमा सम्पन्न आठ चरणको टिम प्रतिस्पर्धामा नेपाली टोलीले तीन जीत, एक बराबरी तथा चार खेलमा पराजित हुँदै ७ अंक स्कोर गरेका छन्। </div><div dir="auto"> </div><div dir="auto"><img src="https://app.nepalsportz.com/media/django-summernote/2026-04-12/f51773cf-9a4b-4ca6-83bc-abb3744db42f.jpeg" style="width: 698px;"> </div><div dir="auto"> </div><div dir="auto">नेपालका लागि गत संस्करणका राष्ट्रिय विजेता मार्भलस इङ्गलिस ब‍ोर्डिङ्ग स्कूलका ब्रिजनन्दन दास, कृष्टि रिजाल, आकाश शरन कुँवर, निहाना श्रेष्ठ र सुहानी सिंहले सहभागी जनाएका हुन्।</div><div dir="auto">नेपाली टोलीको व्यवस्थापकमा महासंघका सदस्य निरञ्जन प्रजापति तथा प्रशिक्षकका रुपमा रिजेन्द्र राजभण्डारीले उक्त प्रतियोगितामा सहभागी भएका छन्।</div><div dir="auto"> </div><div dir="auto"> </div><div dir="auto">नेपाली चेस टोलीले प्रतियोगितामा अष्ट्रेलियाको कार्लटोन गार्डेनस् स्कुल सँग २-२ स्कोरको बराबरी, भारतको डोलिङ्गो ड्रिमर्स स्कुललाई&nbsp;३-१&nbsp;स्कोर, उज्बेकिस्तानको एम एल् ख्वारिज्मि स्कूललाई&nbsp;३-१, सिङ्गापुरको राफलेस् गर्ल्स प्राइमरी स्कुल विरुद्ध ३.५ - .५ को स्कोरमा जीत दर्ता गरेका छन्।&nbsp;</div><div dir="auto"> </div><div dir="auto"> </div><div dir="auto">यस्तै चाइना, पाकिस्तान, हङकङ र ताजकिस्तानको टोलीसँग कडा प्रतिस्पर्धात्मक खेलहरूमा हार व्यहोर्नु परेको छ।</div><div dir="auto">एशिया, अफ्रिका, अमेरिका र युरोप गरी चार महादेशीय छनोट चरण पश्चात् प्रत्येक चरणको विजेता चार राष्ट्रिय टोलीले टोली डिसेम्बरमा ग्रान्ड फाइनलमा खेल्ने छ। जसमा एशियावाट उज्बेकिस्तानको विज्डम स्कूलले शीर्ष स्थानमा कब्जा जमाई छनौट हुन सफल भएको छ।</div><div dir="auto"> </div><div dir="auto"> </div><div dir="auto">काजकिस्तान चेस फेडेरेशनको निमन्त्रणामा पुगेका महासचिव धरमबहादुर लामाले फिडे तथा अन्तर्राष्ट्रिय स्कूल चेस महासंघले सन् २०२६ लाई “यर अफ चेस इन स्कूल” घोषणा गरेर विश्वभरका विद्यालयस्तरमा चेस खेलको विकासलाई अझ विशेष महत्व दिएको बताएका छन्।</div><div dir="auto"> </div><div dir="auto"> </div><div dir="auto">प्रतियोगितामा एशियन १९ राष्ट्रका २६ टोलीले सहभागी जनाएको अन्तर्राष्ट्रिय चेस खेलमा नेपालले २० औं स्थानमा रहँदै खेल अन्त्य गरेको नेपाल बुद्धिचाल महासंघका प्रवक्ता राजु ताम्राकारले जानकारी गराएका छन्।</div><div dir="auto"> </div><div dir="auto"> </div><div dir="auto">ताम्राकारले निहाना श्रेष्ठ जस्ता प्रतिभावान युवा खेलाडीको उदयले आगामी संस्करणको अन्तर्राष्ट्रिय विद्यालय चेसमा अझ सशक्त उपस्थिति जनाउन पाब्सन मार्फत नेपालका विद्यालयहरुमा चेस खेललाई समावेश गाराउन अपील समेत गरेका छन् ।</div></div>

Nepalsports

⚽ Upcoming Matches

🎖 Recent Matches

📰 Recent News

Nepalsports