Nepal Women

Rashmi Kumari Ghishing

Sabitra Bandari

एन्थोनी गोर्डनले एक गोल गर्दै अर्कोमा अवसर सिर्जना गरेपछि इंग्ल्यान्डले विश्वकप २०२६ अगाडिको आफ्नो अन्तिम मैत्रीपूर्ण खेलमा बुधबार कोस्टारिकालाई सजिलै ३–० ले हराएको छ । फ्लोरिडामा भएको खेल वर्षा र चट्याङका कारण एक घण्टा ढिला सुरु भएको थियो । थोमस टुचेलको टिमका लागि डेक्लेन राइस, गोर्डन र ओली वाट्किसन्सले गोल गरे । गोर्डनको गोल पेनाल्टीबाट सम्भव भएको हो । <img src="https://app.nepalsportz.com/media/django-summernote/2026-06-11/e7ee9833-94cc-4a8e-9ada-00e5c1e000c6.jpeg" style="width: 698px;"> इंग्ल्यान्ड विश्वकपको समूह एल मा रहेको छ । यो समूहका अन्य टिममा क्रोएसिया, घाना र पानामा रहेका छन् । यस्तै बुधबारकै अर्को मैत्रीपूर्ण खेलमा पोर्चुगलले नाइजेरियामाथि २–१ को संघषैपूर्ण जित निकाल्यो । पेड्रो नेटो र फ्रान्सिस्को कोन्सेकाओले पोर्चुगलका लागि गोल गरे भने नाइजेरियका लागि एकोर एडन्सले एक गोल फर्काए । पोर्चुगल विश्वकपको समूह एफ मा रहेको छ । त्यसमा कंगो, उज्वेकिस्तान र कोलम्बिया पनि रहेका छन् ।

इंग्ल्यान्ड र पोर्चुगलको जित

फिफा विश्वकप २०२६ः गोल्डेन बुटका १० दाबेदार

काठमाडौँ। सुशील केडिया विश्व भारती स्कुल (डीएभी)ले लगातार दोस्रोपटक एसियन ई–लर्निङ ‘जयकुमारनाथ शाह स्मृति’ इन्टरस्कुल यु–१६ क्रिकेट प्रतियोगिताको उपाधि जितेको छ। मूलपानी क्रिकेट मैदानमा सम्पन्न वर्षाले प्रभावित फाइनल खेलमा डीएभीले नेपाल पुलिस स्कुललाई डिएलएस पद्धतीमा ७ विकेटले पराजित गर्दै उपाधिमाथि कब्जा जमाएको हो। उपाधिसँगै डीएभीले १ लाख ५० हजार रुपैयाँ नगद पुरस्कार प्राप्त गर्यो भने उपविजेता नेपाल पुलिस स्कुलले ७५ हजार रुपैयाँमा चित्त बुझायो। डीएभीले दोस्रो संस्करणको पनि उपाधि जितेको थियो। पुलिस स्कुलले दिएको १०२ रनको लक्ष्य पछ्याएको डीएभीले ४।१ ओभरमा २ विकेट गुमाएर १७ रन बनाएको अवस्थामा वर्षाका कारण खेल रोकिएको थियो। त्यसपछि बुधबार खेललाई १२ ओभरमा झार्दै डिएलएस विधिअनुसार डीएभीलाई ७० रनको लक्ष्य दिइएको थियो। डीएभीले १०.५ ओभरमा ३ विकेट गुमाएर उक्त लक्ष्य पूरा गर्दै लगातार दोस्रो पटक च्याम्पियन बन्न सफल भयो। डीएभीको जितमा आरुष झाले ३० बलमा ३ चौकासहित अविजित २६ रन बनाए। बिराज जैसवालले २३ बलमा २२ रन जोडे भने प्रसिद्ध जैशीले ६ रन बनाए। सत्यम बस्नेत २ रनमा आउट हुँदा कमल शाही ३ रनमा अविजित रहे। कमल शाही ‘पिक पोइन्ट प्लेयर अफ द म्याच’ घोषित भए। पुलिस स्कुलका प्रियान्शुकिशोर राउत र सुनिल ठाकुरले समान १–१ विकेट लिए। त्यसअघि मंगलबार टस जितेर पहिले ब्याटिङ गरेको नेपाल पुलिस स्कुलले निर्धारित २० ओभरमा ८ विकेट गुमाएर १०१ रन बनाएको थियो। पुलिसका मोहम्मद अब्बास साफीले अविजित ३३ रन बनाए भने श्याम बाबु ठाकुरले १२ र आशुतोष मिश्रले १० रनको योगदान दिए। डीएभीका कमल शाहीले ४ ओभरमा मात्र ११ रन खर्चेर ४ विकेट लिए। कुञ्जन आचार्य र प्रसिद्ध जैशीले समान २/२ विकेट हात पारे। काठमाडौं जिल्ला क्रिकेट संघको आयोजनामा जेठ १९ गतेदेखि सुरु भएको प्रतियोगितामा २४ टोलीको सहभागिता रहेको थियो। पहिलो संस्करणमा १८ तथा दोस्रोमा २१ टिमको सहभागिता रहेको थियो। यस्तै, प्रतियोगिताको उदयीमान खेलाडी जेम्स स्कुलका स्वराज चौलागाईं घोषित भए। उनले प्रतियोगिताभर १०३ रन बनाउनुका साथै १२ विकेट लिएका थिए। उनले नगद ५ हजार रुपैयाँसहित ‘लकर रुम’को तर्फबाट विशेष उपहार प्राप्त गरे। सैनिक आवासीय महाविद्यालयका राजदीप आचार्य उत्कृष्ट ब्याटर घोषित भए। उनले ४ खेलमा २३९ रन बनाएका थिए। नगद ५ हजार रुपैयाँसहित ‘लकर रुम’को तर्फबाट ब्याट तथा ‘डार्क फेन्टासी’को तर्फबाट विशेष उपहार प्राप्त गरे। डीएभीका कुञ्जन आचार्य १३ विकेटसहित उत्कृष्ट बलर घोषित भए। प्रतियोगिताको सर्वोत्कृष्ट खेलाडी डीएभीका प्रसिद्ध जैशी घोषित भए। उनले प्रतियोगिताभर २७३ रन बनाउनुका साथै ७ विकेट लिँदै टोलीलाई उपाधिसम्म पुर्‍याउन महत्वपूर्ण भूमिका खेले। उनले नगद १० हजार रुपैयाँसहित ‘लकर रुम’को तर्फबाट क्रिकेट किट ब्याग प्राप्त गरे। विधागत उत्कृष्ट खेलाडीहरूलाई पनि आकर्षक उपहार प्रदान गरिएको थियो। समापन समारोहमा प्रमुख अतिथिका रूपमा मुख्य प्रायोजक एसियन ई–लर्निङ प्रालिकी निर्देशक मीना लिम्बुत्रिपाठीको उपस्थिति रहेको थियो। नेपाल क्रिकेट संघ (क्यान) का सचिव पारस खड्का विशेष अतिथि तथा ई–सेवाका ब्रान्ड अफिसर बिमोम डंगोललगायत विशिष्ट अतिथिहरूको कार्यक्रममा सहभागिता रहेको थियो। समारोहको अध्यक्षता काठमाडौं जिल्ला क्रिकेट संघका अध्यक्ष दिवाकर घलेले गरेका थिए। समापन समारोहलाई सम्बोधन गर्दै प्रमुख अतिथि त्रिपाठीले प्रतियोगिताको सफल आयोजनाका लागि आयोजकलाई धन्यवाद दिँदै आगामी दिनमा पनि प्रायोजनलाई निरन्तरता दिने प्रतिबद्धता व्यक्त गरिन्। उनले सहभागी सबै टोली, खेलाडी, प्रशिक्षक तथा अभिभावकलाई बधाई तथा धन्यवादसमेत व्यक्त गरिन्। यस्तै, काठमाडौं जिल्ला क्रिकेट संघका अध्यक्ष दिवाकर घलेले प्रतियोगिताको सफल आयोजनामा सहयोग पुर्‍याउने मुख्य प्रायोजक, सहयोगी संस्था, अफिसियल तथा सम्पूर्ण अतिथिहरूप्रति आभार व्यक्त गर्दै विद्यालयस्तरको क्रिकेट विकासका लागि यस्ता प्रतियोगितालाई आगामी दिनमा पनि निरन्तरता दिने प्रतिबद्धता व्यक्त गरे। प्रतियोगिता सम्पन्न गर्न सांग्रिला डेभलपमेन्ट बैंक लिमिटेड, एभरेष्ट बैंक लिमिटेड, डार्क फ्यान्टासी चोको रोल्स, आयुष इन्टरनेसनल ओभरसिज सर्भिसेज प्रालि, पिक पोइन्ट एकेडेमी, ग्यालेक्सी पब्लिक स्कुल, गरिमा विकास बैंक लिमिटेड, सिद्धार्थ प्रिमियम इन्स्योरेन्स लिमिटेड, माछापुच्छ्रे बैंक लिमिटेड, डीएभी स्कुल, यती एयरलाइन्स, लकर रुम, हिमालयन बैंक लिमिटेड, एक्स्ट्रिम इनर्जी ड्रिंक, पाइलट पेन, होप हस्पिटल र लोकल थकालीले सहयोग गरेका थिए।

डीएभीले जित्यो लगातार दोस्रो पटक एसियन ई–लर्निङ ‘जयकुमारनाथ शाह स्मृति’ यु–१६ क्रिकेटको उपाधि

समूह ‘के’: रोनाल्डो र पोर्चुगललाई समूहमै कोलम्बिया,  उज्वेकिस्तान र कंगोको चुनौती

काठमाडौं। नेपाली महिला क्रिकेट टोली एसिया कपका लागि छनोट हुन असफल भएको छ। मलेसियामा जारी एसीसी महिला प्रिमियर कपको क्वाटरफाइनलमा थाइल्यान्डसँग ५६ रनले पराजित भएसँगै नेपाल प्रतियोगिताबाट बाहिरिएको हो। थाइल्यान्डले दिएको १३१ रनको लक्ष्य पछ्याएको नेपालले २० ओभरमा ७ विकेट गुमाउँदै ७४ रन मात्र बनाउन सक्यो। नेपालका लागि रुबिना क्षेत्रीले सर्वाधिक २० रनको अविजित इनिङ्स खेलिन्। सोनी पाख्रिनले १५, सीता रानामगरले १२ र सम्झना खड्काले ११ रन जोडे पनि टोलीलाई जितसम्म पुर्‍याउन सकेनन्। थाइल्यान्डका बलर थिपात्चा पुथावङले २ विकेट लिइन्। त्यसअघि पहिले ब्याटिङ गरेको थाइल्यान्डले २० ओभरमा ४ विकेट गुमाएर १३० रन बनाएको थियो। नेपालका लागि कविता कुँवर, रिया शर्मा र रुबिना क्षेत्रीले १–१ विकेट लिएका थिए।

नेपाल क्वाटरफाइनलबाटै बाहिरियो

अर्जेन्टिनाले विश्वकप २०२६ अगाडिको आफ्नो मैत्रीपूर्ण खेलमा बुधबार आइसल्यान्डमाथि ३–० को सहज जित निकालेको छ । अर्जेन्टिनाको यो जितमा कप्तान लियोनल मेसीले पनि एक गोल गरे । उनले अलबामाको जोर्डन हारे स्टेडियममा भएको खेलमा पेनाल्टीबाट ७२ औं मिनेटमा गोल गरेका हुन् । पहिलो हाफमा अर्जेन्टिनाले एक गोलको अग्रता लिएको थियो र यो भ्यालेन्टिन बार्कोको नाममा रह्यो । उनले आठौं मिनेटमा गोल गरेका थिए । त्यसपछि थिएगो आल्मान्डाले ८६ औं मिनेटमा तेस्रो गोल थपे । अर्जेन्टिना प्रतियोगिताको समूह जे मा रहेको छ र यसमा अल्जेरिया, अस्ट्रिया र जोर्डन रहेका छन् ।

आइसल्यान्डमाथि अर्जेन्टिनाको जित

नेपालमा सन २०७० सालमा नेपाल स्केटिङ तथा स्केटबोर्डिङ संघ राष्ट्रिय खेलकुद परिषद्‌द्मा विधिवत दर्ता भए देखि निरन्तर यस संघले यस खेल सम्बन्धि विभिन्न प्रतियोगिताहरु सञ्चालन गर्दै आइरहेको छ। जस अनुरुप यसपालि पनि ९ औं राष्ट्रिय स्केटबोर्ड प्रतियोगिता-२०८३ हुन गइरहेको छ । यहाँ सम्म आईपुग्दा विराटनगर, बुटवल, पोखरा र काठमाण्डौमा विभिन्न चरणमा राष्ट्रिय स्केटबोर्ड प्रतियोगिता सफलता पुर्वक सम्पन्न भइसकेका छन् । नेपाल स्केटिङ तथा स्केटबोर्डिङ संघले नेपालमा स्केटिङ तथा स्केटबोर्डिङ खेलप्रति रुची राख्ने धेरै युवा पुस्ता बढिरहेको सन्दर्भमा यस खेलको उचित र वैज्ञानिक प्रर्वधनका खातिर यस संघले स्थापना काल देखि नै राष्ट्रव्यापी रुपमा विविध जिल्ला स्तरीय, प्रदेश स्तरीय र राष्ट्रिय स्तरमा कार्यक्रम गर्दै आइरहेको व्यहोरा यहाँहरु समक्ष जानकारी गराउन चाहन्छौं । यमबुद्ध स्केटपार्क पहेंलो पुल,हाँडिगाउ काठमाण्डौमा उल्लेख्य खेलाडी दर्शकको उपस्थितिका विच हुने ९ औं राष्ट्रिय स्केटबोर्ड प्रतियोगिता-२०८३ मा २५० जना पुरुष र १५० जना महिला प्रतियोगीको सहभागिता रहने छ । उक्त कार्यक्रम शिक्षा तथा खेलकुदमन्त्री, राष्ट्रिय खेलकुद परिषद्का सदस्य-सचिव, नेपाल ओलम्पिक कमिटीका पदाधिकारीहरू, काठमाडौँ महानगरपालिकाका प्रमुख तथा स्थानीय जनप्रतिनिधिहरूको उपस्थितिमा भव्यताका साथ सम्पन्न हुने छ । जेठ ३० र ३१ गते हुने प्रतियोगितामा ३० गते छनौट चरणको खेल हुनेछ र ३१ गते छनौट भएका खेलाडीहरु बिच प्रतिस्पर्धा हुने छ । काठमाण्डौ महानगरपालिका, पहेंलो पुल, हाँडिगगाउमा रहेको यमबुद्ध स्केटपार्कमा ९औं राष्ट्रिय स्केटबोर्ड प्रतियोगिता-२०८३ सम्पन्न हुनेछ । स्केटबोर्डिङ खेल अर्न्तगत फ्रि स्टाईल विधामा बेस्ट ट्रिक र बेस्ट रन विधा खेलाईने छ । साथै उक्त प्रतियोगिताबाट स्केटबोर्ड अफ द इयर पनि घोषणा गरिने छ । सिनियर पुरुष र सिनियर महिला तर्फ प्रथम हुनेले रु. ३०,०००/- द्वितिय हुनेलाई रु.२०,०००/- र तृतिय हुनेलाई १५,०००/- नगद सहित मेडल तथा प्रमाण-पत्र प्राप्त गर्नेछन् । भने जूनियर पुरुष र जूनियर महिला तर्फ प्रथम हुनेले रु. १५,०००/- द्वितिय हुनेलाई रु.१०,०००/- र तृतिय हुनेलाई ५,०००/- नगद सहित मेडल तथा प्रमाण-पत्र प्राप्त गर्नेछन् । ९ औं राष्ट्रिय स्केटबोर्ड प्रतियोगिता-२०८३ आयोजना गर्न लागेको कुरा तपाईहरु समक्ष पेश गर्न पाउँदा हामी अत्यन्त गौरवान्दित महसुश गरिरहेको छौं । तपाइहरुको संचार माध्यमबाट यस समाचारलाई प्रमुखताका साथ प्रकाशन/प्रसारण गरी धेरै भन्दा धेरै स्केट खेलाडीहरु तथा आम नेपाली दाजुभाई दिदिबहिनी समक्ष पुऱ्याइँ यमबुद्ध स्केटपार्कमा उपस्थित हुने वातावरण सिर्जना गरिदिनुहुन्छ भन्ने हामी विश्वस्त छौं ।

९औं राष्ट्रिय स्केटबोर्ड प्रतियोगिता-२०८३ हुने

काठमाडौं, जेठ २६ गते ।&nbsp; नेपालको पहिल‍ो महिला फ्रेन्चाईज भलिबल लिग एभरेष्ट महिला भलिबल लिग (इडब्लुभिएल) &nbsp;को तेस्रो संस्करण असोजमा दोस्रो साता हुने भएको छ ।&nbsp; आयोजक इन्फिनिटी ड्रिम्सले सोमबार प्रेस विज्ञप्ती सार्वजनिक गर्दै तेस्रो संसकरण तेसो संस्करण असोज ८ देखि १७ गतेसम्म त्रिपुरेश्वरस्थित राष्ट्रिय खेलकुद परिषदको कभर्डहलमा आयोजना हुने जनाएको छ ।&nbsp; सहभागि फ्रेन्चाईज टिम र सरोकारवालाहरुसँगको छलफलपछि तेस्रो संस्करणको मिति तय गरेको पनि आयोजकले जनाएको छ ।&nbsp; पछिल्लो समय नेपालमा महिला भलिबलको क्रेजको बढिरहेको र दशैँ अगाडि हुने यस लिगमा दर्शकलाई चाडपर्वको खेलको मनोरञ्जन पनि एक साथ दिने आयोजकको विश्वास छ ।&nbsp; एसियाकै पहिलो महिला भलिबल भलिबल फ्रेन्चाईज लिगको रुपमा समेत रहेको यस लिगले नेपालको महिला भलिबलको विकासमा ठूलो सहयोग पुग्ने आयोजकको विश्वास छ ।&nbsp; यसअघि दुई संस्करण भव्य रुपमा समपन्न भएपछि तेस्रो संस्करण अझ वृहत र परिष्कृत रुपमा सञ्चालन गर्ने आयोजकले जनाएको छ ।&nbsp; यसअघि पहिलो संस्करण काठमाडौंमा आयोजना भएको थियो भने दोस्रो संस्करण पोखरामा आयोजना थियो । तर केही प्राविधिक कारणले बिचमा स्थगित भएकोले काठमाडौंमै दोस्रो संस्करणको बाँकी खेलसहित फाईनल सम्पन्न भएको थियो । कर्णाली यशविसले पहिलो र दोस्रो संस्करणको उपाधि जितेको थियो । दोस्रो संस्करणमा कर्णाली यशविसहित ललितपुर क्विन्स, काठमाडौं स्पाईकर्स, मधेश युनाईटेड, लुम्बिनी लाभाज र पोखरा निन्जाले प्रतिस्पर्धा गरेका थिए । एभरेष्ट महिला भलिबल लिगका टेक्निकल डिरेक्टर जगदिश भट्टले तेस्रो संस्करण भव्य हुने बताए । 'एभरेष्ट महिला भलिबल लिगको तेस्रो संस्करण गत वर्ष भन्दा अझ भव्य र उत्कृष्ट हुनेछ । किनभने नेपालको महिला भलिबल अहिले एफआईभिबी विश्व वरियतामा पनि समावेश छ, एसियाको शीर्ष दस वरियतामा पुगेको छ र जापानमा हुजे एसियन गेम्समा पनि छनोट भएको छ,’ भट्टले भने, ‘यस पटक काठमाडौमै लिग हुँदैछ । यो लिगले खेलाडीहरुले आर्थिक रुपमा पनि केही आर्जन गर्नेछन् । यसले गर्दा पनि यो लिगले नेपालको महिला भलिबल विकासमा ठूलो सहयोग पुग्छ ।' राष्ट्रिय खलेकुद परिषदको कभर्डहलमा स्तरोन्नतीपछि काभा महिला भलिबल प्रतियोगिता देखि राष्ट्रिय स्तरका अन्य प्रतियोगिताहरु पनि आयोजना भइसकेको र यस पटक काठमाडौंमै लिग &nbsp;आयोजना गर्न लागेको आयोजकले जनाएको छ ।

एभरेष्ट महिला भलिबल लिग (इडब्लुभिएल) को तेस्रो संस्करण असोज दोस्रो साता हुने

समूह ‘एच’: ‘डेब्यु’को तयारीमा केप भेर्डे, स्पेन र उरुग्वेबीच महाभिडन्त

अमेरिका–इरान युद्धको छायाँमा समूह ‘जी’

फ्रान्सले लिलमा भएको विश्वकप २०२६ अगाडिको आफ्नो अन्तिम मैत्रीपूर्ण खेलमा सोमबार उत्तरी आयरल्यान्डलाई ३–१ ले हराएको छ । यसमा बायर्न म्युनिकका खेलाडी माइकल ओलिसको ह्याट्रिक गरे । प्रशिक्षक डिडिएर डेसक्याम्पका लागि फ्रान्सेली भूमिमा यो अन्तिम खेल पनि रह्यो । &nbsp; उनले १४ वर्षयता फ्रान्सेली टिम सम्हालेका छन् र अब विश्वकपको समाप्तीसँगै त्यो जिम्मेवारी छोड्दै छन् । ओलिसले भने ४३, ४९ र ७४ औं मिनेटमा गोल गरे । उत्तरी आयरल्यान्डका लागि प्याट्रिक केलीले एक गोल फर्काए । यस्तै अर्को मैत्रीपूर्ण खेलमा नेदरल्यान्ड्सले विश्वकपमा डेब्यु गर्ने क्रममा रहेको उज्वेकिस्तानलाई २–१ ले हराएको छ र यो संघर्षपूर्ण जित रह्यो । डच टिमका लागि कोडी गाक्पोले दोस्रो हाफमा पेनाल्टीबाट गरेको गोल निर्णायक रह्यो ।

विश्वकप अगाडि फ्रान्सको जित

काठमाडौं। नेपालले एसियन गेम्स पुरुष क्रिकेट छनोटको फाइनलमा हङकङलाई पराजित हराउँदै नेपाल च्याम्पियन बनेको छ। वर्षाको कारण खेल रोकिएपछि नेपाल डकवर्थ लेविस स्टर्न पद्दतिका अनुसार नेपाल १९ रनले विजयी भएको हो। हङकङले दिएको १८९ रनको लक्ष्य पछ्याएको नेपालले ११.३ ओभरमा २ विकेटमा ११४ रन बनाएको अवस्थामा बर्षाले खेल रोकिएको थियो। नेपालका ओपनर कुशल भुर्तेलले ४० बलमा ८ चौका र ३ छक्कासहित उनले ६५ रन बनाए। कुशल र रोहित पौडेलले दोस्रो विकेटका लागि ६३ रनको साझेदारी गरे। रोहित ३५ र एक सयौं टी-२० आई खेलिरहेका कप्तान दीपेन्द्र सिंह ऐरी ९ रनमा नटआउट रहँदा खेल रोकिएको थियो। त्यसअघि पहिला ब्याटिङ गरेको हङकङले २० ओभरमा ७ विकेट गुमाउँदै १८८ रन बनाएका छ। नेपालका लागि शेर मल्ल ४, करण केसीले २ र सन्दीप लामिछानेले १ विकेट लिए। हङकङका लागि अंशुमन रथले ८०, सहिद वासिफले ५५, शिव माथुरले २६ रन बनाए। नेपाल र हङकङसहित ओमान र मलेसिया पनि यसै वर्ष जापानमा हुने २०औं एसियाली खेलकुदका लागि छनोट भैसकेका छन्।

अपराजित रहँदै नेपाल च्याम्पियन

काठमाडौं। एसियन गेम्स पुरुष क्रिकेट छनोट प्रतियोगिताको फाइनलमा नेपाल र हङकङ भिड्दै छन्। सिंगापुरमा हुने याे खेल मध्याह्न १२: १५ बजे सुरु हुनेछ। जारी प्रतियोगितामा नेपाल र हङकङ दुवै टोली अपराजित रहँदै फाइनल यात्रा तय गरेका हुन्।&nbsp; आइतबार सम्पन्न पहिलो सेमिफाइनलमा नेपालले ओमानलाई ८ विकेटले हराउँदै फाइनल यात्रा तय गरेको थियो भने हङकङले मलेसियालाई ६ विकेटले हराउँदै फाइनलमा पुगेको हो। नेपालले समूह चरणको पहिलो खेलमा चीनलाई २२१ रन र दोस्रो खेलमा मलेसियालाई १६७ रनको अन्तरले पराजित गरेको थियो।

नेपाल र हङकङ प्रतिस्पर्धा गर्दै

विश्वकप समूह ‘इ’ : जर्मनी अर्को निराशाबाट जोगिएला ?

एलेक्जान्डर जेभेरेभले आइतबार इटालीका फ्लाभिओ कोबोलीमाथि पाँच सेटको नाटकीय जित निकाल्दै फ्रेन्च ओपन २०२६ को उपाधि जितेका छन् । उनको खेल जीवनको यो पहिलो ग्रान्ड स्लाम उपाधि हो । यसअघिका तीन ग्रान्ड स्लाम फाइनलमा उनी लगातार पराजित रहेका थिए र यसक्रममा उनलाई अभाग्यशाली खेलाडी भन्न सुरु भएको थियो । रोलान्ड ग्यारोसमा भएको फाइनलमा दोस्रो वरीयताका जर्मन खेलाडी ६–१, ४–६, ६–४, ६–७ र ६–१ ले विजयी रहे । फाइनल चार घण्टा १६ मिनेट चलेको थियो । दसौं वरीयताका कोबोलीले भने पहिलो पटक ग्रान्ड स्लामको फाइनल खेलेका थिए र उनको तुलनामा जेभेरेभ उपाधिको हकदार पनि रहे ।

जेभेरेभ बने फ्रेन्च ओपन च्याम्पियन

काठमाडौं। तेस्रो संस्करणको एसियन ई–लर्निङ ‘जयकुमारनाथ शाह स्मृति’ यु–१६ इन्टरस्कुल क्रिकेट प्रतियोगिताको सेमिफाइनल समीकरण पूरा भएको छ। माथिल्लो मूलपानी क्रिकेट मैदानमा आइतबार सम्पन्न दुई क्वाटरफाइनल खेलसँगै अन्तिम चारमा पुग्ने टोलीको टुंगो लागेको हो। सोमबार हुने पहिलो सेमिफाइनलमा डीएभी सुशील केडिया विश्व भारती स्कुल र जेम्स स्कुल आमनेसामने हुनेछन् भने दोस्रो सेमिफाइनलमा सैनिक आवासीय महाविद्यालय र नेपाल पुलिस स्कुलबीच प्रतिस्पर्धा हुनेछ। आइतबार सम्पन्न तेस्रो क्वाटरफाइनल खेलमा जेम्स स्कुलले मोक्षदा स्कुललाई १० विकेटले पराजित गर्दै सेमिफाइनलमा स्थान सुरक्षित गर्‍यो। मोक्षदाले दिएको ९६ रनको लक्ष्य जेम्सले कुनै विकेट नगुमाई ९.५ ओभरमै पूरा गर्‍यो। जेम्सले ९७ रन बनाउँदा स्वराज चौलागाईं ३० बलमा ४ चौका र १ छक्काको मद्दतमा ३८ रनमा अविजित रहे भने सुदिश पौडेल ३० बलमा ७ चौका प्रहार गर्दै ४३ रनमा अविजित रहे। अलराउन्ड प्रदर्शन गरेका स्वराज चौलागाईं ‘पिक पोइन्ट प्लेयर अफ द म्याच’ घोषित भए। त्यसअघि टस जितेर ब्याटिङ गरेको मोक्षदा स्कुलले निर्धारित २० ओभरमा ९ विकेट गुमाएर ९५ रन बनाएको थियो। मोक्षदाका लागि ऋषुशाहा सुबेदीले अविजित ५१ रन बनाए। नेम्स योञ्जनले १२ तथा सुयोग्य शाहले ८ रन जोडे। जेम्सका प्रचेत लाखोटियाले ४ ओभरमा १० रन खर्चेर ३ विकेट लिए। स्वराज चौलागाईंले ३ विकेट हात पारे भने प्रगव पाण्डे र रमन महेसेथले समान १/१ विकेट लिए। अन्तिम क्वाटरफाइनलमा नेपाल पुलिस स्कुलले रत्न राज्य माध्यमिक विद्यालयलाई ५० रनले पराजित गर्दै सेमिफाइनलमा स्थान बनायो। १४५ रनको लक्ष्य पछ्याएको रत्न राज्य १७.१ ओभरमा ९४ रनमै अलआउट भयो। रत्न राज्यका उदयकुमार मण्डलले सर्वाधिक ३१ रन बनाए भने सकिन्द्र यादवले १५ तथा रविकिशनकुमार गुप्ताले १४ रन जोडे। अन्य ब्याटरले उल्लेखनीय प्रदर्शन गर्न सकेनन्। पुलिसका सुजित यादवले उत्कृष्ट बलिङ गर्दै ४ विकेट लिए। सागर सिंहले ३ तथा प्रियान्शुकिशोर राउतले २ विकेट हात पारे। सुजित ‘पिक पोइन्ट प्लेयर अफ द म्याच’ घोषित भए। त्यसअघि टस जितेर पहिले ब्याटिङ गरेको पुलिस स्कुलले निर्धारित २० ओभरमा ८ विकेट गुमाएर १४४ रन बनाएको थियो। पुलिसका सुनिल ठाकुरले २५, प्रियान्शुकिशोर राउतले २२ तथा श्यामबाबु ठाकुरले २० रनको योगदान दिए। राजप्रताप यादव र प्रिन्सराज यादवले समान १४ रन जोडे। अतिरिक्तबाट टोलीले २३ रन प्राप्त गरेको थियो। रत्न राज्यका आयुष पाण्डे र बिकेश तामाङले समान ३–३ विकेट लिए भने दिपेश थापाले १ विकेट हात पारे। यसअघि शनिबार सम्पन्न क्वाटरफाइनल खेलमा डीएभी सुशील केडिया विश्व भारती स्कुलले केएमसी स्कुललाई ९४ रन तथा सैनिक आवासीय महाविद्यालयले अपी स्कुललाई १ विकेटले पराजित गर्दै सेमिफाइनलमा स्थान सुरक्षित गरेका थिए। प्रतियोगिताको फाइनल खेल मंगलबार हुनेछ। काठमाडौं जिल्ला क्रिकेट संघको आयोजनामा जेठ १९ गतेदेखि सुरु भएको प्रतियोगितामा २४ टोलीको सहभागिता रहेको छ। प्रतियोगिताको विजेताले १ लाख ५० हजार रुपैयाँ तथा उपविजेताले ७५ हजार रुपैयाँ पुरस्कार प्राप्त गर्नेछन्। प्रतियोगिताको मुख्य प्रायोजक एसियन ई–लर्निङ प्रालि रहेको छ भने सहप्रायोजकमा ई–सेवा रहेको छ। एसोसिएट प्रायोजकका रूपमा लाइफ इन्स्योरेन्स कर्पोरेसन (नेपाल) लिमिटेड र प्रभु बैंक लिमिटेड रहेका छन्। प्रतियोगिता सम्पन्न गर्न सांग्रिला डेभलपमेन्ट बैंक लिमिटेड, एभरेष्ट बैंक लिमिटेड, डार्क फ्यान्टासी चोको रोल्स, आयुष इन्टरनेसनल ओभरसिज सर्भिसेज प्रालि, पिक पोइन्ट एकेडेमी, ग्यालेक्सी पब्लिक स्कुल, गरिमा विकास बैंक लिमिटेड, सिद्धार्थ प्रिमियम इन्स्योरेन्स लिमिटेड, माछापुच्छ्रे बैंक लिमिटेड, डीएभी स्कुल, यती एयरलाइन्स, लकर रुम, हिमालयन बैंक लिमिटेड, एक्स्ट्रिम इनर्जी ड्रिंक, पाइलट पेन, होप हस्पिटल र लोकल थकालीले सहयोग गरेका छन्।

यु–१६ इन्टरस्कुल क्रिकेट: सेमिफाइनलमा डीएभी र जेम्स तथा सैनिक र पुलिस स्कुल खेल्ने

विश्वकप समूह ‘ए’ : इतिहास रच्ने लक्ष्यमा मेक्सिकोसहित चार टोली

काठमाडौं। तेस्राे संस्करणकाे एसियन ई–लर्निङ ‘जयकुमारनाथ शाह स्मृति’ यु–१६ अन्तरस्कुल क्रिकेट प्रतियोगिता २०२६ अन्तर्गत आइतबार सम्पन्न क्वाटरफाइनल खेलमा जेम्स स्कुलले मोक्षदा स्कुललाई १० विकेटले पराजित गर्दै सेमिफाइनलमा स्थान सुरक्षित गरेको छ। मोक्षदाले दिएकाे ९६ रनको लक्ष्य पछ्याएको जेम्सले कुनै विकेट नगुमाई मात्र ९.५ ओभरमा ९७ रन बनाउँदै शानदार जित हात पार्यो। स्वराज चौलागाईं ३० बलमा ४ चौका र १ छक्कासहित ३८ रनमा अविजित रहे भने सुदिश पौडेलले ३० बलमा ७ चौकाको मद्दतमा अविजित ४३ रन बनाए। अलराउन्ड प्रदर्शन गरेका स्वराज चौलागाईं 'पिक पाेइन्ट प्लेयर अफ द म्याच' घोषित भए। यो जितसँगै जेम्स स्कुल प्रतियोगिताको सेमिफाइनलमा प्रवेश गरेको छ। अब फाइनल प्रवेशकाे लागि डीएभी सुशील केडिया विश्व भारती स्कुलसँग साेमबार खेल्छ। आजै हुने अन्तिम क्वाटरफाइनलमा नेपाल पुलिस स्कुलले रत्नराज्य माध्यमिक विद्यालयसँग खेल्नेछ। त्यसअघि माथिल्लो मूलपानी क्रिकेट मैदानमा टस जितेर पहिले ब्याटिङ गरेको मोक्षदा स्कुलले निर्धारित २० ओभरमा ९ विकेट गुमाएर ९५ रन बनाएको थियो। मोक्षदाका लागि ऋषुशाहा सुबेदीले अविजित ५१ रनको योगदान दिए। नेमस योञ्जनले १२ तथा सुयोग्य शाहले ८ रन जोडे। जेम्सका प्रचेत लाखोटियाले उत्कृष्ट बलिङ गर्दै ४ ओभरमा १० रन खर्चेर ३ विकेट लिए। स्वराज चौलागाईंले ३ विकेट हात पारे भने प्रगव पाण्डे र रमन महेसेथले समान १–१ विकेट लिए।

जेम्स स्कुल सेमिफाइनलमा

काठमाडौं। जापनमा आयाेजना हुने एसिन गेम्सकाे पुरुष क्रिकेट छनाेट खेलमा नेपालले ओमानविरुद्ध उत्कृष्ट प्रदर्शन गर्दै ८ विकेटको सहज जित दर्ता गरेको छ। ओमानले दिएको ९५ रनको सामान्य लक्ष्य नेपालले मात्र ९.२ ओभरमा २ विकेट गुमाएर पूरा गर्यो। नेपालका लागि लोकेश बमले अविजित ४४ रनको &nbsp;इनिङ्स खेले। उनले २६ बलमा ७ चौका र १ छक्का प्रहार गरे। तेस्रो नम्बरमा आएका रोहित पौडेल २१ रनमा अविजित रहे। ओपनर कुशल भुर्तेलले आक्रामक ब्याटिङ गर्दै ८ बलमा २० रन बनाए भने आसिफ शेखले १ रन जोडे। ओमानका लागि समिर ओथमानले २ विकेट लिए। त्यसअघि टस जितेर ब्याटिङ गरेको ओमान १९.४ ओभरमा ९४ रनमा समेटिएको थियो। ओमानका कप्तान सुफियान महमुदले सर्वाधिक ३८ रन बनाए भने जुबैर अल बलुशीले २२ रन जोडे। नेपालका लागि करण केसीले उत्कृष्ट बलिङ गर्दै ४ ओभरमा २० रन खर्चेर ३ विकेट लिए। सन्दीप लामिछाने र सोमपाल कामीले समान २–२ विकेट लिए भने कुशल मल्ला, दीपेन्द्रसिंह ऐरी र शाहब आलमले १–१ विकेट हात पारे। यो जितसँगै नेपालले फाइनलमा प्रवेश गरेकाे छ। नेपालले अब फाइनलमा हङकङ र मलेसियाबीचकाे विजेतासँग खेल्नेछ।

Nepalsports

⚽ Upcoming Matches

🎖 Recent Matches

📰 Recent News

Nepalsports