Bhutan Women

काठमाडौं। नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फको उपाधिका लागि साविक विजेता हेल्प नेपाल स्पोर्ट्स क्लब र विभागीय टोली त्रिभुवन आर्मी क्लब भिड्ने भएका छन्। त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा शुक्रबार सम्पन्न पुरुषतर्फको अन्तिम सेमिफाइनलमा रुकुम पश्चिम भलिबल ट्रेनिङ सेन्टरलाई ३–० को सोझो सेटमा हराउँदै उपाधि नजिक पुगेको हो।&nbsp; आर्मीले पहिलो सेट २५–२० ले जितेको थियो। त्यसपछि बाँकी दुई सेट २३–२५, १५–२५ ले गुमाएको थियो। चौथो सेटमा २६–२४ तथा पाँचौँ सेटमा १५–१२ ले विजयी हुँदै हेल्प नेपालसँगको भेट् पक्का गरेको हो।

पाँचौँ सेटमा रुकुम पश्चिमलाई हराउँदै आर्मी फाइनलमा, उपाधिका लागि हेल्प नेपालसँग खेल्ने

१८ पुस, ललितपुर। &nbsp;ललितपुर महानगरपालिका वडा नं. ६ को आयोजनामा सातौं मेयर कप अन्तर वडा टेबलटेनिस प्रतियोगिता पुस २० गते आइतबार देखि शुरु हुने भएको छ।&nbsp; ललितपुर महानगरपालिका वडा नं. ६ का अध्यक्ष रुपेन्द्रराज शाक्यले पत्रकार सम्मेलनको आयोजना गरेर सातौं संस्करणको टेबलटेनिस प्रतियोगिताका सम्पूर्ण तयारी पूरा भएको जानकारी गराएका छन्।&nbsp; अध्यक्ष रुपेन्द्रराज शाक्यले खेलकुद मार्फत युवालाई सक्रिय बनाउने तथा खेलाडीलाई टेबलटेनिस खेल बिकास गराउदै राष्ट्रिय तथा अन्तर्राष्ट्रिय स्तरमा उत्कृष्ट नतिजा हासिल गराउने लक्ष्य सहित प्रतियोगिता आयोजना गरिएको बताए । अध्यक्ष शाक्यले प्रतियोगितामा पालिका भित्रका वडाहरुवाट ३०० जना खेलाडीको सहभागिता रहने जानकारी गराएका छन्। प्रतिस्पर्धामा खुल्ला पुरुष, महिला, उमेर समूह गरी जम्मा १७ विधा समावेश गरिएका छन्। स्पर्धा मार्फत टेबलटेनिसका नयाँ खेलाडीको प्रतिभा परिक्षण (टयालेन्ट हन्ट) तथा अनुभवी खेलाडीको क्षमता अभिवृद्धि गर्ने अवसर रहेको अध्यक्ष शाक्यले बताएका छन्। अध्यक्ष शाक्यले विजेता खेलाडीलाई कूल नगद पुरस्कार रु. ४ लाख २५ हजार, आकर्षक ट्रफी, मेडल तथा प्रमाणपत्र प्रदान गरिने जानकारी गराएका छन्। ललितपुर जिल्ला टेबलटेनिस संघको संयोजनमा सञ्चालन हुने खेलमा अन्तर्राष्ट्रिय स्तरका निर्णायक सहित अन्तर्राष्ट्रिय मापदण्ड लागु गर्दै ३ स्टार बल प्रयोग गरिने जिल्ला संघका अध्यक्ष आशिष अवालेले जानकारी गराएका छन् । अन्तर महानगर टेबलटेनिस प्रतियोगिता ललितपुर कनिबहाल स्थित वडा नं. ६ कार्यालय प्राङ्गणमा २० देखि २६ गते सम्म जम्मा सात दिन निरन्तर खेल सञ्चालन हुनेछ।

सातौं मेयर कप टेबलटेनिस आइतबार देखि शुरु हुने

काठमाडौं। नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फको साविक विजेता हेल्प नेपाल स्पोर्ट्स क्लब फाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा शुक्रबार सम्पन्न पुरुषतर्फको पहिलो सेमिफाइनलमा विभागीय टोली नेपाल पुलिस क्लबलाई ३–० को सोझो सेटमा हराउँदै उपाधि नजिक पुगेको हो।&nbsp; हेल्प नेपालले पहिलो सेट २५–२१, दोस्रो सेट २५–२३ तथा तेस्रो सेटमा पुलिस २५–२२ को स्कोरमा पारजित भयो। पुलिसले हरेक सेटमा कडा टक्कर दिए पनि जित हासिल गर्न सकेन। योसँगै हेल्प नेपालले शबिार हुने फाइनलमा रुकुम पश्चिम र आर्मीबीचको विजेतासँग खेल्नेछ।

पुलिसलाई हराउँदै हेल्प नेपाल फाइनलमा

काठमाडौं। नवौं एनभीए महिला तथा पुरुष क्लब भलिबल च्याम्पियनसिपको महिलातर्फको उपाधि विभागीय टोली नेपाल पुलिस क्लब र न्यु डाइमन्ड स्पोर्ट्स युथ क्लबबीच हुने भएको छ। त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा शुक्रबार सम्पन्न दोस्रो सेमिफाइनलमा नेपाल पुलिस क्लबले त्रिभुवन आर्मी क्लबलाई ३–१ को सेटमा पराजित गर्दै फाइनलमा स्थान सुरक्षित गरेको हो। यससँगै पुलिसले न्यु डाइमन्डसँगको उपाधि भिडन्त तय गरेको छ। यसअघि शुक्रबार नै न्यु डाइमन्डले अर्को विभागीय टोली एपीएफ क्लबलाई ३–० को सोझो सेटमा पराजित गर्दै फाइनल यात्रा पक्का गरिसकेको थियो। सेमिफाइनल खेलमा पुलिसले पहिलो सेट २५–१२ ले सहजै आफ्नो पक्षमा पारेको थियो। दोस्रो सेटमा भने कडा प्रतिस्पर्धापछि २९–३१ ले गुमाएको पुलिसले त्यसपछि सशक्त पुनरागमन गर्दै तेस्रो सेट २५–१४ र चौथो सेट २५–१८ ले जित निकाल्दै फाइनलमा प्रवेश गर्‍यो। अब पुलिस र न्यु डाइमन्डबीचको फाइनल भिडन्तले उपाधिका लागि रोमाञ्चक प्रतिस्पर्धा हुने अपेक्षा गरिएको छ।

पुलिस र न्यु डाइमन्ड उपाधिका लागि खेल्ने

काठमाडौँ। न्यु डायमण्ड युथ स्पोर्ट्स क्लब नवौं एनभीए महिला तथा पुरुष क्लब भलिबल च्याम्पियनसिपअन्तर्गत महिलातर्फ फाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा सम्पन्न पहिलो सेमिफाइनल न्यु डायमन्डले समूह ‘बी’ की उपविजेता विभागीय टोली नेपाल एपीएफ क्लब ३–० को सोझो सेटमा पारजित गरेको हो। पहिलो सेट २५–१७ ले जितेको न्यु डायमण्डले दोस्रो सेटमा २५–२० तथा अन्तिम सेटमा २५–७ ले एकतर्फी जित हासिल गरेको हो। अन्तिम सेटमा कुनै समय १२–० ले अग्रता बनाएको डायमण्डले सानदार जित हासिल गर्यो।&nbsp; अब डायमण्डले फाइनलमा पुलिस र आर्मीबीचको विजेतासँग खेल्नेछ। खेलमा सलिना बुढा मगर प्लेअर अफ द म्याच घोषित भइन्।

एपीएफलाई सोझो सेटमा हराउँदै न्यु डायमण्ड फाइनलमा

काठमाडौँ। नेपाल भलिबल संघको आयोजनामा राजधानीमा जारी नवौं एनभीए महिला तथा पुरुष क्लब भलिबल च्याम्पियनसिपअन्तर्गत आज सेमिफाइनलका चार खेल हुँदैछन्। त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा महिलातर्फ दिनको पहिलो सेमिफाइनल खेल बिहान ९ बजे सुरु हुनेछ। यस खेलमा समूह ‘ए’ की विजेता न्यु डायमन्ड युथ स्पोर्ट्स क्लबले समूह ‘बी’ की उपविजेता विभागीय टोली नेपाल एपीएफ क्लबसँग प्रतिस्पर्धा गर्नेछ। महिलातर्फकै दोस्रो सेमिफाइनलमा दिउँसो १२ बजे विभागीय डर्बी हुने छ। साविक विजेता नेपाल पुलिस क्लब र त्रिभुवन आर्मी क्लब आमनेसामने हुनेछन्। आर्मी समूह ‘ए’ को उपविजेता तथा पुलिस समूह ‘बी’ की विजेता बन्दै सेमिफाइनलमा पुगेका हुन्। पुरुषतर्फ दिउँसो २ बजे हुने पहिलो सेमिफाइनलमा हेल्प नेपाल स्पोर्ट्स क्लब र नेपाल पुलिस क्लब भिड्नेछन्। क्वाटरफाइनलमा पुलिसले कोशी प्रदेशलाई पराजित गर्दा हेल्प नेपालले बूढानीलकण्ठ भलिबल क्लबलाई हराउँदै अन्तिम चारमा स्थान सुरक्षित गरेका हुन्। पुरुषतर्फकै अन्तिम सेमिफाइनलमा दिउँसो ४ बजे त्रिभुवन आर्मी क्लब र रुकुम पश्चिम भलिबल प्रशिक्षण केन्द्रबीच प्रतिस्पर्धा हुनेछ। रुकुम पश्चिमले एपीएफ क्लबलाई तथा आर्मीले खिल्जी भलिबल क्लबलाई हराउँदै सेमिफाइनल यात्रा तय गरेका हुन्।

एनभीए च्याम्पियनसिप : आज सेमिफाइनलको रोमाञ्च, चार खेल हुँदै

इंग्लिस प्रिमियर लिगको शीर्ष चारमा रहेका म्यानचेस्टर सिटी र लिभरपुलले बिहीबार अलग अलग खेलमा निराशाजन बराबरी खेलेका छन् । यी नतिजा दुवै टिमका लागि घाटाको प्रदर्शन रहनेछ । सिटीले सन्डरल्यान्ड र लिभरपुलले लिड्स युनाइटेडसँग गोलरहित बराबरी खेलेको हो । अन्य दुई खेल पनि बराबरीमा टुंगिएका छन् । त्यसमा ब्रेन्टफोर्ड र टोटनहमले गोलरहित तथा क्रिस्टल प्यालेस र फुलहमले भने १–१ को बराबरी खेले । <img src="https://app.nepalsportz.com/media/django-summernote/2026-01-02/4d162906-3d83-4b57-a3c3-1701e76535ec.webp" style="width: 698px;"> प्यालेसले जिन फिलिपे माटेटाको गोलले ३९ औं मिनेटमा अग्रता लिएका थिए । त्यसपछि फुलहमका लागि टम केनरीले ८० औं मिनेटमा बराबरी गोल फर्काए । सिटी ४१ अंकमा दोस्रो र लिभरपुल ३३ अंकमा चौथोमा स्थानमा छ । आर्सनल भने ४५ अंकमा शीर्ष स्थानमा रहेको छ ।

सिटी र लिभरपुल रोकियो बराबरीमा

इन्जो मारेस्काले इंग्लिस प्रिमियर लिग क्लब चेल्सीको मुख्य प्रशिक्षक पद बिहीबार छाडेका छन् । क्लब सम्हालेको १८ महिनापछि उनले बिदा लिएको चेल्सीले बताएको छ । क्लबले भनेको छ, ‘चेल्सी र प्रमुख प्रशिक्षक मारेस्काले अलग हुने निर्णय गरेको छ । हाम्रो उद्देश्य अझै पनि चार प्रतियोगिता राम्रो खेल्नु र च्याम्पियन्स लिगका लागि छनोट हुने नै हुनेछ ।’ चेल्सी लिगको तालिकाको पाँचौं स्थानमा रहेको छ । यो शीर्षमा रहेको लन्डन प्रतिद्वन्द्वी आर्सनलसँग १५ अंकको दूरी हो । यस्तै चौथोमा रहेको लिभरपुलसँग दुई अंकले पछाडि छ । चेल्सी लिगका पछिल्ला सात खेलमध्ये एकमा मात्र विजयी रहेको थियो । डिसेम्बरमा छ खेलबाट छ अंक मात्र बटुलेको थियो र यससँगै क्लबको उच्च व्यवस्थापनसँग उनको सम्बन्ध बिग्रेको थियो । मंगलबारको खेलमा चेल्सीले बर्नमाउथसँग २–२ को बराबरी खेलेको थियो । उनकै नेतृत्वमा चेल्सीले सिजनको सुरुमा क्लब वर्ल्डकप जितेको थियो ।

छुटिए चेल्सी र मारेस्का

काठमाडौँ। विभागीय टोली त्रिभुवन आर्मी क्लब नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ सेमिफाइनलमा स्थान सुरक्षित गरेको छ। त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा बिहीबार सम्पन्न अन्तिम क्वाटरफाइनल खेलमा आर्मीले खिल्जी युवा क्लबलाई ३–० को सोझो सेटमा पराजित गर्दै अन्तिम चारको यात्रा तय गर्‍यो। पहिलो सेट २५–१८, दोस्रो सेट २५–१७ र २५–१५ ले आफ्नो पक्षमा पार्न सफल भयो। यस जितसँगै आर्मीले सेमिफाइनलमा शुक्रबार रुकुम पश्चिमसँग शुक्रबार खेल्नेछ।

खिल्जीलाई हराउँदै आर्मी सेमिफाइनलमा

काठमाडौँ। रुकुम पश्चिम भलिबल प्रशिक्षण केन्द्रले विभागीय टोली एपीएफ क्लबलाई पराजित गर्दै नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ सेमिफाइनलमा स्थान सुरक्षित गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बिहीबार सम्पन्न तेस्रो क्वाटरफाइनल खेलमा रुकुमले एपीएफलाई ३–१ सेटले पराजित गर्दै अन्तिम चारको यात्रा तय गर्‍यो। पहिलो सेट २२–२५ ले गुमाएको रुकुमले त्यसपछि उत्कृष्ट पुनरागमन गर्दै बाँकी तीन सेट क्रमशः २५–२०, २५–१६ र २५–२० ले आफ्नो पक्षमा पार्न सफल भयो। यस जितसँगै रुकुमले सेमिफाइनलमा स्थान बनाएको छ। रुकुमले अब शुक्रबार आर्मी क्लब र खिल्जी भलिबल क्लबबीचको खेलको विजेतासँग सेमिफाइनल खेल्नेछ।

एपीएफविरुद्ध पुनरागमन जितसहित रुकुम सेमिफाइनलमा

काठमाडौँ। नेपाल पुलिस क्लब नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ सेमिफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बिहीबार सम्पन्न दोस्रो क्वाटरफाइनल खेलमा पुलिसले कोशी प्रदेशलाई ३–० को सोझो सेटमा पराजित गर्दै अन्तिम चारको यात्रा तय गरेको हो। पुलिसले पहिलो सेट २५–१९ दोस्रो सेट २५–१७ र तेस्रो सेट २५–१८ ले आफ्नो पक्षमा पार्न सफल भयो। पुलिसले सेमिफाइनलमा शुक्रबार हेल्प नेपालसँग दिउँसो २ बजे प्रतिस्पर्धा गर्नेछ।

पुलिस र हेल्प नेपाल सेमिफाइनलमा भिड्ने

काठमाडौँ। &nbsp;हेल्प नेपाल स्पोर्ट्स क्लब नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ सेमिफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बिहिबार सम्पन्न पहिलो क्वाटरफाइनलमा बूढानीलकण्ठ भलिबल क्लबलाई ३–० को सेटमा हराउँदै सेमिफाइनलमा पुगेको हो।&nbsp; पहिलो सेट २५–१३ ले सहज जित हात पारेको हेल्प नेपालले दोस्रो सेटमा भने २५–२३ ले संघर्षपूर्ण जित निकाल्न सफल भयो। त्यस्तै, तेस्रो सेटमा २५–१८ ले जित निकाल्दै सेमिफाइनलको यात्रा तय गर्यो।&nbsp; हेल्प नेपालले अब सेमिफाइनलमा कोशी प्रदेश नेपाल पुलिसबीचको विजेतासँग शुक्रबार खेल्नेछ।

हेल्प नेपाल सेमिफाइनलमा

काठमाडौं– च्यासलमा रहेको नेपाल स्पोर्टस सेन्टरमा बिहीबारदेखि स्केट हब सुरु भएको छ । पछिल्लो समय नेपालमा स्केटिङ लोकप्रिय खेलका रुपमा विकास र विस्तार भइरहेको छ । काठमाडौं उपत्यकामै मात्र पनि ५० भन्दा बढी स्केट सेन्टर रहेको मानिन्छ । पछिल्लो टोकियो र पेरिस ओलम्पिकमा स्केट बोर्डिङ समावेश गरिएको छ । नेपाल स्पोर्टस सेन्टर नेपाली फुटबलका पूर्व खेलाडी राजुकाजी शाक्य, सुरेन्द्र श्रेष्ठ र दिनेश ब्यन्जनकारले दस वर्षयता सञ्चालन गरिरहेका छन् । सन् २०२६ को नयाँ वर्षको अवसरमा स्केट हब पनि सुरु गरिएको हो ।

स्केट हब सुरु

काठमाडौं। अखिल नेपाल फुटबल संघ ९एन्फा० अर्ली इलेक्सनमा जाने भएको छ। सातदोबाटोस्थित एन्फा कम्प्लेक्समा बुधबार बसेको कार्यसमिति बैठकले आगामी २८ माघमा निर्वाचनमा निर्वाचन गर्ने निर्णय भएको हो। एन्फाका प्रवक्ता सुरेश शाहका अनुसार “बहुमत सदस्यले चारवर्षे कार्यकाल सकिनुअगावै निर्वाचनमा जाने प्रस्ताव राख्नुभयो। उक्त प्रस्ताव पारित गरेका छौं,” शाहले भने। एन्फाको वर्तमान कार्यसमितिको चारवर्षे कार्यकाल अर्को वर्षको ६ असारमा सकिँदै छ। तर, नियमित निर्वाचन गर्ने समयमै अमेरिका, मेक्सिको र क्यानडामा फिफा विश्वकप आयोजना हुने भएको कारण एन्फा नेतृत्व कार्यकाल सकिनुअगावै निर्वाचनमा जान लागेको हो। एन्फा अध्यक्ष पंकजविक्रम नेम्वाङले त्यही एजेन्डा समेट्दै बुधबार एन्फा कार्यसमिति बैठक बोलाएका थिए। यसअघि निलम्बित वरिष्ठ उपाध्यक्ष वीरबहादुर खड्कासहित उपाध्यक्ष विराटजंग शाही, केन्द्रीय सदस्यद्वय रविन चन्द र रूपेश अधिकारीले वर्तमान नेतृत्वले संवेदनशील घटनामा उदासीनता, सरोकारवालाको बेवास्ता, लिग सञ्चालनमा उदासीनता, अन्तर्राष्ट्रिय खेल सञ्चालनमा असफलता, अपारदर्शी आर्थिक गतिविधि र खेलाडी प्रोत्साहनमा कमी भएको भन्दै ‘अर्ली इलेक्सन’को माग गर्दै आएका थिए।

कार्यकाल नसकिँदै एन्फाले लियो अर्ली इलेक्सनको बाटो

आजदेखि सन् २०२६ लागेको छ । नेपाल स्पोर्टसका तर्फबाट हाम्रा सबै पाठकलाई धेरै धेरै शुभकामना । यो वर्ष खेलकुदको दृष्टिकोणबाट असाध्यै धेरै रोमाञ्चक हुने निश्चित छ । किनभने यो वर्ष तीन ठूला प्रतियोगिता हुनेछन्, नेपाली खेल प्रेमीको दृष्टिकोणबाट । त्यसमध्ये पहिलो भयो, अमेरिका, क्यानाडा र मेक्सिकोमा हुने फुटबलको विश्वकप । यो जुन ११ देखि जुलाइ १९ सम्म हुनेछ । &nbsp;जति बेला फुटबलको विश्वकप हुनेछ, सबैको ध्यान त्यसमै हुनेछ । सन् २०२६ मा ओलम्पिक पनि हुनेछ, तर त्यो शीतकालीन हुनेछ । इटालीमा फेब्रवरी ६ देखि २२ सम्म यो प्रतियोगिता हुनेछ । तर हाम्रोतिर शीतकालीन ओलम्पिकमा खासै धेरै रुचि भने हुने गर्दैन् । यही समयमा नेपालमा सबैको ध्यान खिच्ने प्रतियोगिता भने अर्को नै हुनेछ र त्यो हो, क्रिकेटको ट्वान्टी ट्वान्टी विश्वकप । भारत र श्रीलंकाले यसको आयोजना गर्दैछ, फेब्रवरी ७ देखि मार्च ८ सम्म । यसमा हाम्रो धेरै रुचि किन भन्दा नेपाल पनि यसमा आफ्नो चुनौती पेस गर्दैछ । नेपाल प्रतियोगिताको समूह सी मा छ र नेपालले यी टिमविरुद्ध खेल्नेछ, इंग्ल्यान्ड र वेस्ट इन्डिजसँगै बंगलादेश । अनि इटाली पनि । जति जति बेला नेपाल मुम्बईको वानखडे स्टेडियममा खेल्नका लागि उत्रनेछ, सारा नेपालीको ध्यान त्यसमै मात्र हुनेछ, यसमा कुनै शंका छैन् । सन् २०२६ मै एउटा ठूलो एसियाली खेलकुदको महोत्सव पनि परेको छ, त्यो हो, एसियाली खेलकुद । जापानको आइची र नगोयाले सेप्टेम्बर १९ देखि अक्टोर ४ सम्म हुने प्रतियोगिताको आथित्य गर्दैछ । सबैलाई थाहा छ, एसियाली महादेशको यो नै सबैभन्दा वृहत खेल प्रतियोगिता हो र यो नै त्यस्तो एक मात्र ठूलो प्रतियोगिता हो, जसमा नेपालले पदक जित्ने आश गर्न सक्छ ।

यी हुन्, सन् २०२६ का तीन ठूला प्रतियोगिता

काठमाडौं। अन्तिम खेलमा रोमाञ्चक जित निकाल्दै कोशी प्रदेश नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ क्वार्टरफाइनलमा प्रवेश गरेको छ। अन्तिम आठमा पुग्ने कोशी अन्तिम टोली बनेको हो। यससँगै पुरुषतर्फको क्वार्टरफाइनल समीकरण पूरा भएको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार सम्पन्न समूह ‘सी’ को खेलमा कोशीले कीर्तिपुर भलिबल ट्रेनिङ सेन्टरलाई ३–० को सोझो सेटमा पराजित गर्‍यो। यो जितसँगै कोशी समूह उपविजेता बनेको हो। कोशी पहिलो खेलमा त्रिभुवन आर्मी क्लबसँग पराजित भएको थियो। आर्मी समूह विजेता बन्दै अन्तिम आठमा प्रवेश गर्दा कीर्तिपुर भने जितविहीन हुँदै प्रतियोगिताबाट बाहिरिएको छ। क्वार्टरफाइनलमा कोशीले समूह ‘बी’ को विजेता नेपाल पुलिस क्लबसँग प्रतिस्पर्धा गर्नेछ। पुलिसले समूह चरणमा ढोरपाटन क्लब र खिल्जी युवा क्लबलाई पराजित गरेको थियो। यद्यपि नतिजा ३–० भए पनि कीर्तिपुरले कोशीलाई कडा चुनौती दिएको थियो। तीनवटै सेट प्रतिस्पर्धात्मक बने। कोशीले पहिलो सेट २५–२३ ले जित्यो। दोस्रो सेट २५–२० ले आफ्नो पक्षमा पारेको कोशीले तेस्रो सेट पनि २५–२३ ले जित्दै खेल समाप्त गर्‍यो।

अन्तिम खेलमा जित, कोशी प्रदेश क्वार्टरफाइनलमा प्रवेश

काठमाडौँ। बूढानिलकण्ठ भलिबल क्लबले नवौँ एनभीए महिला तथा पुरुष क्लब भलिबल च्याम्पियनसिपअन्तर्गत पुरुषतर्फ क्वार्टरफाइनलमा स्थान सुरक्षित गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार सम्पन्न समूह ‘सी’ को खेलमा बूढानिलकण्ठले जावलाखेल भलिबल ट्रेनिङ सेन्टरलाई ३–१ को सेटमा पराजित गर्दै अन्तिम आठमा प्रवेश गरेको हो। बूढानिलकण्ठले पहिलो सेट २५–१७ र दोस्रो सेट २५–१६ ले जिते पनि तेस्रो सेट १८–२५ ले गुमायो। तर चौथो सेटमा २५–२२ को संघर्षपूर्ण जित निकाल्दै खेल आफ्नो पक्षमा पार्न सफल भयो। यस खेलमा बूढानिलकण्ठका धिरोजकाजी बस्नेत प्लेयर अफ द म्याच घोषित भए।

रोमाञ्चक जितसहित बूढानिलकण्ठ क्वार्टरफाइनलमा

काठमाडौं, पुस १६&nbsp;नेपाल खेलकुद पत्रकार मञ्चको आयोजनामा यही पुस २३ गते हुने देशको प्रतिष्ठित खेलकुद अवार्ड कार्यक्रम एनएसजेएफ पल्सर स्पोट्स अवार्ड २०८१ लाई पोखराको हिमश्री फुड्स प्रालिको रारा चाउचाउले साथ दिएको छ। काठमाडौं बाहिर पहिलो पटक आयोजना हुन लागेको अवार्डमा पोखरा महानगरपालिका प्रवर्धक रहेको छ। जसमा पोखरामा उद्योगीहरुले साथ दिने क्रममा हिम श्री फुड्स पनि जोडिएको हो। नेपाल खेलकुद पत्रकार मञ्चका अध्यक्ष निरञ्जन अधिकारी र प्रवन्ध निर्देशक प्रकाश केसीले अवार्ड सहकार्य सम्वन्धि संझौता पत्रमा हस्ताक्षर गरेका छन् । हिम श्री फुडको रारा चाउचाउ सहारा क्लब पोखराले आयोजना गर्ने आहा रारा गोल्डकप फुटबलको २५ वर्ष देखि निरन्तरको प्रमुख प्रायोजक हो। नेपालमा एउटै संस्था संग यति लामो प्रायोजन सहकार्य भएको यो पहिलो प्रायोजक संस्था पनि हो। नेपाल खेलकुद पत्रकार मञ्चले स्पोर्टस अवार्डसंगै एनएसजेएफ स्पोर्ट्स समिटको पनि आयोजना गर्दैछ। उक्त समिट अवार्डको अघिल्लो दिन पुस २२ गते हुनेछ। &nbsp; &nbsp; अवार्डको मुख्य प्रायोजकमा गोल्छा ग्रुपको निरन्तरता कायमै छ भने पावर्ड बाईमा यती एयरलाइन्सको साथ थपिएको छ । स्पोट्स अवार्डको भोटिङ पार्टनरमा खल्ती र पोसाक पार्टनरमा केल्मी नेपाल रहेका छन् । एनएसजेएफ पल्सर स्पोट्स अवार्ड २०८१ मा विगतमा जस्तै १० विधामा अवार्ड प्रदान गरिनेछ । खेलाडीलाई जनमतबाट विजेता बनाउने विधाको रूपमा रहेको पिपल्स च्वाइसको मनोनयन सार्वजनिक भइसकेको छ। मनोनयनमा परेका खेलाडी विजय सिन्जाली ९उसु०, इभाना थापा ९टेबलटेनिस०, हिमाल सुनारी ९भलिबल०, पूजा महतो ९क्रिकेट० र रेखा पौडेल ९फुटबल० का लागि सामाजिक सञ्जालमा व्यापक चर्चासँगै डिजिटल वालेट खल्ती आईएमई एपमार्फत भोटिङ पनि भइरहेको छ।

पल्सर स्पोट्स अवार्डलाई रारा चाउचाउको साथ

काठमाडौं। भारत र श्रीलङ्कामा संयुक्त रुपमा आयोजना हुने आइसिसी पुरुष टी–२० विश्वकप २०२६ को ट्रफी टुर कार्यक्रम नेपालमा पनि हुने भएको छ। आगामी फेब्रुअरी ७ तारिखदेखि सुरु हुने विश्वकप क्रिकेट प्रतियोगिताको ट्रफी पुस २१ गते सोमबारदेखि २३ &nbsp;जनवरी ५ देखि ७ तारिखसम्म नेपालमा हुने तय भएको नेपाल क्रिकेट सङ्घ (क्यान)द्वारा आज जारी विज्ञप्तिमा जनाएको छ।&nbsp; विज्ञप्तिमा उक्त ट्रफी टुर कार्यक्रमको विस्तृत विवरण, तालिका, स्थान तथा विभिन्न गतिविधिहरूको जानकारी भने अर्को प्रेस विज्ञप्तिमार्फत सार्वजनिक गरिने जनाएको छ। विश्वकपमा नेपाल समूह ‘सी’मा परेको छ। नेपालको समूहमा इङ्ल्यान्ड, वेस्ट इन्डिज, इटाली र बङ्गलादेश छन्।

विश्वकपको ट्रफी नेपालमा पनि आउने

काठमाडौँ। अन्तिम खेलमा मधेस प्रदेशलाई पराजित गर्दै विभागीय टोली नेपाल पुलिस क्लब नवौँ एनभीए महिला तथा पुरुष भलिबल च्याम्पियनसिपअन्तर्गत समूह ‘बी’ को विजेता बनेको छ।&nbsp; त्रिपुरेश्वस्थित राष्ट्रिय खेलकुद परिषद् राखेपको कभर्डहलमा बुधबार सम्पन्न खेलमा पुलिसले मधेस प्रदेशलाई ३–० को सोझो सेटमा पराजित गरेको हो।&nbsp; जितसँगै समूह चरणमा शतप्रतिशत नतिजा निकाल्दै ८ अंक पुर्याएको छ। एपीएफले तीन खेलबाट ७ अंक जोडेर उपविजेता बन्यो। पराजित मधेसले भने समूह चरणको तीनै खेलमा पराजय ब्याहोर्यो। पुलिसले अब सेमिफाइनलमा समूह 'ए' को उपविजेता त्रिभुवन आर्मीसँग खेल्नेछ। सुरुआतको सेटमा २५–३ ले सहज जित हात पारेको पुलिसले दोस्रो २५–८ र अन्तिम सेट २५–९ ले जित हासिल गर्यो।

Nepalsports

⚽ Upcoming Matches

🎖 Recent Matches

📰 Recent News

Nepalsports