Bhutan Women

काठमाडौं जेठ ७ गते । नेपाल वायु सेवा निगमका दिपेन्द्र ठाकुर १५ औं कर्मचारी खेलकुद प्रतियोगिताअन्तर्गत बुद्धिचालमा बिहीबार पहिलो भएका छन् । पाँच चरणको खेलमा उनले शत प्रतिशत जित निकाल्दै ५ अंक जोडे । कर्मचारी खेलकुद प्रतिष्ठान नेपाल (इशान) को आयोजनामा कमलादीस्थित नेपाल प्रज्ञा प्रतिष्ठानमा भएको खेलमा नेपाल विद्युत प्राधिकरणका रिजन ग्वाचा दोश्रो तथा नेपाल टेलिकमका देवनारायण खनाल तेश्रो बने । रिजनले ४ तथा देवले ३ अंक बटुले । देव टाइब्रेकमा तेश्रो भएका हुन् । १४ प्रतियोगी सहभागी थिए । विभिन्न ४ खेल समावेश प्रतियोगितामा ब्याडमिन्टन, टेबलटेनिस र बुद्धिचालसहित ३ सम्पन्न भएको छ । फुटसल शुक्रबारदेखि कुलेश्वरस्थित भिजन नोभामा सुरु हुँदै । पुरुषमा १३ र महिलामा ७ टिमले लिग कम नकआउट आधारमा प्रतिस्पर्धा गर्ने आयोजक इशानका अध्यक्ष रामविनय श्रेष्ठले जनाएका छन् । ब्याडमिन्टनमा कृषि विकास बैंकले सर्वाधिक २ तथा विद्युत, नेपाल नागरिक उड्डयन प्राधिकरण, एनसेल र एनटीसीले समान&nbsp;१–१&nbsp;स्वर्ण जितेका छन् । टेबलटेनिसमा एभरेष्ट बैंक लिमिटेड र नेपाल वायु सेवा निगमले समान&nbsp;२–२&nbsp;तथा नागरिक उड्डयनले १ स्वर्ण हात पारेका छन् । प्रतियोगिता जेठ १० गतेसम्म चल्ने छ ।

बुद्धिचालमा दिपेन्द्र पहिलो

काठमाडौं। भारतमा आयोजना हुने साफ महिला च्याम्पियनसिप २०२६ खेल्न जाने नेपाली राष्ट्रिय महिला फुटबल टोलीलाई बिहीबार बिदाइ गरिएको छ। शिक्षा तथा खेलकुद मन्त्रालयमा आयोजित कार्यक्रममा शिक्षा तथा खेलकुदमन्त्री सस्मित पोखरेल, मन्त्रालयका सल्लाहकार सिद्धि ब्याञ्जनकार र राजु सिंह, राष्ट्रिय खेलकुद परिषद्का सदस्य–सचिव रामचरित्र मेहता, अखिल नेपाल फुटबल संघ (एन्फा) का अध्यक्ष पंकजविक्रम नेम्वाङ, महासचिव किरण राई, कार्यसमिति सदस्य सरिला श्रेष्ठ मलेकु तथा कोषाध्यक्ष रविन्द्र जोशी ले टोलीलाई सफलताको शुभकामना दिएका थिए। प्रतियोगिताका लागि नेपाली टोली शुक्रबार भारत प्रस्थान गर्ने तालिका रहेको छ। साफ च्याम्पियनसिप भारतको गोवामा जेठ ११ गते (मे २५ ) देखि सुरू हुँदैछ। जहाँ ६ राष्ट्रले प्रतिस्पर्धा गर्नेछन्। नेपाल ग्रुप ‘ए’ मा श्रीलंका र भुटान रहेका छन्। ग्रुप ‘बी’ मा भारत, बङ्गलादेश र माल्दिभ्स रहेका छन्।

साफ महिला च्याम्पियनसिप खेल्न नेपाली महिला टोलीलाई बिदाइ

काठमाडाैं। खेलकुद पत्रकार मञ्च समन्वय शाखा सुर्खेतकाे अध्यक्षमा नविन शाही निर्वाचित भएका छन्। बुधबार वीरेन्द्रनगरमा सम्पन्न मञ्चकाे दाेस्राे साधारण सभाले शाहीकाे नेतृत्वमा‌ नयाँ कार्यसमिति निर्वाचित गरेको हाे । मञ्चकाे उपाध्यक्ष रमा केसी, सचिवमा अप्सरा विष्ट, काेषाध्यक्षमा सिर्जना बुढाथाेकी, सहसचिवमा -नविन‌ सुवेदी निर्वाचित भएका छन्। त्यस्तै सदस्यहरुमा राकेश पाैडेल (तिलक), टेकराज केसी, भावना राना‌ र मिलन श्रेष्ठ निर्वाचित भएका छन्। साधारण सभामा निवर्तमान अध्यक्ष भानुभक्त अधिकारीले खेलकुद पत्रकारिताकाे महत्व र जिम्मेवारी लगायतका विषयमा प्रष्ट पारेका थिए। कार्यक्रममा कर्णाली प्रदेश खेलकुद विकास परिषद्का‌ सदस्य सचिव रविन्द्र चन्दले कर्णालीमा खेलाडीहरुकाे राष्ट्रिय स्तरमा‌ पुर्याउने र खेलाडीकाे प्राेफाइल निर्माण लगायतका गतिविधिमा नेपाल खेलकुद पत्रकार मञ्चसँग सहकार्य र समन्वय गर्न तयार रहेको बताए। कर्णालीमा रहेका लाेप उन्मुख र परम्परागत खेलकुद्काे विकासका‌ लागि कलम चलाउनुपर्ने बताउँदै आगामी दिनमा कर्णालीमा एनएसजेएफ स्पाेर्ट्स अवार्ड‌ गराउनेसमेत बताए। त्यस्तै केन्द्रीय प्रतिनिधि एवम् नेपाल खेलकुद पत्रकार मञ्चका सदस्य नविन‌ लुइटेलले आसन्न दिनमा सुर्खेतमा‌ हुन गरिरहेको दशाैं राष्ट्रिय प्रतियोगिता सम्पन्न गर्न खेलकुद पत्रकारकाे महत्वपूर्ण भूमिका रहने बताए। उनले समग्र खेलकुद र‌‌ खेलाडीकाे बृद्दि विकासमा‌ खेलकुद पत्रकारकाे महत्वपूर्ण याेगदान रहेकाे बताउँदै सुर्खेतमा‌‌ खेल‌ पत्रकारिताको विकासका लागि क्षमता अभिवृद्धि तालिम, फेलाेसीप लगायतका गतिविधि सञ्चालन गर्न‌ सुझाव दिए। त्यस्तै खेलकुद विकास परिषद्ले नै बजेट व्यवस्था गरेर खेलकुद क्षेत्रमा याेगदान पुर्याएका पुरान‌ा‌ खेलाडीहरुकाे खाेजमुलक‌ रिपोर्टिङ् लगायत खेलकुद पत्रकारिताको विकासका‌ लागि याेगदान गर्न सुझाव दिए। कार्यक्रममा नेपाल पत्रकार महासंघ सुर्खेतका अध्यक्ष सुशीलराज शर्माले सुर्खेतकाे‌ खेलकुद विकासका लागि विगतदेखि नै लामाे समयदेखि रिपाेटिङ गर्दै आएकाे बताए। उनले माेफसलमा रहेर विधागत पत्रकारिता‌ गर्न कठिन‌ रहेको बताउँदै पछिल्लो समय सरकारले नै पत्रकारिता, मिडिया हाउस बन्द गराउन लागि परेको बताए। प्रदेश‌ सरकारको पनि केन्द्र सरकारकै रिमाल गरेर लाेक कल्याणकारी विज्ञापन राेकेकाे बताए।

खेलकुद पत्रकार मञ्च सुर्खेतको अध्यक्षमा शाही

एस्टन भिल्लाले फ्रेबर्गलाई सजिलै ३–० ले पराजित गर्दै बुधबार युरोपा लिगको उपाधि हात पारेको छ । यससँगै उसले आफ्नो ३० वर्षको उपाधि खडेरी पनि तोडेको छ । इस्टानबुलमा भएको फाइनलमा इंग्लिस प्रिमियर लिग क्लबका लागि योरी टेलेमन र इमिलिनो बुन्डेआले पहिलो हाफमा गोल गरेपछि &nbsp;मोर्गन रोजर्सले दोस्रो हाफमा एक गोल थपे । &nbsp; भिल्लाले अन्तिम पटक सन् १९९६ मा लिगकप जितेको थियो । यस्तै भिल्लाले सन् १९८२ मा भिल्लाले युरोपियन कप जितेको थियो । भिल्लाका स्पेनी प्रशिक्षक उनई एमरीका लागि पनि अहिलेको सफलता व्यक्तिगत रूपमा ठूलो रह्यो । उनले युरोपा कप जितेको यो पाँचौं पल्ट हो ।

भिल्ला बन्यो युरोपा लिग च्याम्पियन

कोलकाता नाइट राइडर्सले बुधबार इन्डियन प्रिमियर लिग (आईपीएल) २०२६ मा मुम्बई इन्डियन्सलाई चार विकेटले हराएको छ । यससँगै उसको प्ले अफ सम्भावना कायम रह्यो, तर यो अन्य टिमको प्रदर्शनमा पनि आधारित हुनेछ । एडेन गार्डेनमा भएको लो स्कोरिङ खेलमा मुम्बईले पहिले ब्याटिङ गर्दै आठ विकेटमा १ सय ४७ रन खडा गरेको थियो । जवाफमा &nbsp;कोलकाताले १८.५ ओभरमा छ विकेट गुमाएर १ सय ४८ रन बनायो । त्यसमा मनीष पाण्डेको ४५ र रोभमन पावेलको ४० रन बनाए । यो जितपछि कोलकाता १३ अंकमा छैटौं स्थानमा रह्यो । मुम्बई भने आठ अंकमा नवौं स्थानमा छ ।

कोलकाताको भाग्य अरूको हातमा

काठमाडौं। आइबीथ्रीएल अन्तर्राष्ट्रिय इलिट कप बास्केटबल प्रतियोगिताको उपाधि काठमाडौं, नेपालले जितेको छ। भारतकै सबैभन्दा प्रतिस्पर्धात्मक थ्री एक्स थ्री बास्केटबल प्रतियोगितामध्ये एक मानिएको प्रतियोगितामा नेपाली टोलीले उत्कृष्ट प्रदर्शन गर्दै उपाधिमाथि कब्जा जमाएको हो। भारतका नयाँदिल्ली, जयपुर, राँची, मुम्बई र सिलिगुडीमा सम्पन्न छनोट चरण पार गर्दै आएका टोलीबीच कडा प्रतिस्पर्धा भएको थियो। फाइनल खेलमा काठमाडौं टोलीले दिल्ली एसडब्ल्यूसीमाथि शानदार प्रर्शन गर्दै २१–१७ ले आफ्नो पक्षयमा पार्‍यो। उपाधिसँगै नेपाली टोलीले मंगोलिया च्यालेन्जर खेल्ने अवसर पनि प्राप्त गरेको छ। यससँगै टोली अन्तर्राष्ट्रिय फिबा थ्री एक्स थ्री सर्किटतर्फ थप नजिक पुगेको छ। विश्वस्तरीय कागा बास्केटबल एकेडेमीमा आयोजित प्रतियोगिताले सिलिगुडीलाई दक्षिण एशियाली थ्री एक्स थ्री बास्केटबलको उदीयमान केन्द्रका रूपमा स्थापित गरेको छ।

काठमाडौंले जित्यो आइबीथ्रीएल बस्केटबलको उपाधि

काठमाडौं। नेपालले मलेसियामाथि पहिलो टी–२० शृङ्खलामा संघर्षपूर्ण जित हासिल गरेको छ। मलेसियाको क्वालालम्पुरस्थित बायोमास ओभलमा बुधबार सम्पन्न खेलमा घरेलु टोलीलाई नेपालले २ विकेटले पराजित गरेको हो। मलेसियाले दिएको ६८ रनको सामान्य लक्ष्य नेपालले १७.३ ओभरमा ८ विकेट गुमाउँदै पूरा गर्‍यो। नेपालको जितमा सम्झना खड्काले ३९ बलमा २ चौकाको सहयोगमा सर्वाधिक ३२ रनको इनिङ खेलिन्। रुवी पोदार १५ रनमा आउट हुँदा नेपालका अन्य ब्याटरले भने दोहोरो अंकमा रन बनाउन सकेनन्। मलेसियाका लागि नुर कवाल्शाले ३ विकेट लिइन् भने अल्सा एलिसा र एल्सा हन्टरले समान २ तथा नुर दानियाले १ विकेट हात पारिन्। त्यसअघि पहिले ब्याटिङ गरेको मलेसिया १६.५ ओभरमा सबै विकेट गुमाउँदै ६७ रनमा समेटिएको थियो। मलेसियाका लागि एल्सा हन्टरबाहेक अन्य कुनै ब्याटरले दोहोरो अंकमा रन जोड्न सकेनन्। नेपालका लागि पूजा महतोले ३ विकेट लिइन् भने मनिषा उपाध्याय र रिया शर्माले समान २ विकेट हात पारिन्। कविता कुँवर र सीता राना मगरले समान १ विकेट लिए। जितसँगै दुई खेलको टी–२० शृङ्खलामा नेपालले १–० को अग्रता बनाएको छ। एसियन गेम्स छनोट तथा एसीसी प्रिमियर कपको तयारीका लागि मलेसिया पुगेको नेपाली टोलीले घरेलु टोलीसँग तयारीस्वरूप दुई खेलको टी–२० अन्तर्राष्ट्रिय शृङ्खला खेलिरहेको हो। शृङ्खलाको दोस्रो खेल शुक्रबार हुनेछ।

मलेसियाविरुद्ध नेपालको संघर्षपूर्ण जित

काठमाडौं। विश्वकप लिग–२ अन्तर्गत किर्तिपुरस्थित त्रिवि क्रिकेट रंगशालामा जारी खेल स्कटल्यान्ड १६९ रनमा अलआउट भएको छ। टस जितेर पहिले ब्याटिङ रोजेको स्कटल्यान्ड ४३.३ ओभरमा सबै विकेट गुमाउँदै १६९ रनमा समेटिएको हो। याेसँगै अमेरिकाले जितकाे लागि १७० रनकाे लक्ष्य पाएकाे छ। स्कटल्यान्डका लागि मार्क वाटले सर्वाधिक ६६ रन बनाए। उनले ८५ बलमा ४ चौका र ३ छक्का प्रहार गरे। ब्रेन्डन म्याकमुलेनले ३२ रन जोड्दा म्याथ्यु क्रसले २० रनको योगदान दिए। जर्ज मुन्सीले १९ रन बनाउँदा अन्य ब्याटरले उल्लेखनीय प्रदर्शन गर्न सकेनन्। अमेरिकाका रुसिल उगारकरले उत्कृष्ट बलिङ गर्दै ४ विकेट लिए। सौरभ नेत्रभाल्करले ३ विकेट झारे भने शुभम रञ्जनेले २ विकेट हात पारे। हरमित सिंहले १ विकेट लिए। स्कटल्यान्डले नियमित अन्तरालमा विकेट गुमाएको थियो। १.२ ओभरमा १० रन हुँदा पहिलो विकेट गुमाएको टोली १४.५ ओभरमा ६१ रनमै पाँच विकेट गुमाएर दबाबमा परेको थियो।&nbsp;

स्कटल्यान्ड १६९ रनमा अलआउट

काठमाडौं। फिफा विश्वकप २०२६ आउन मात्र अब केहि दिन मात्र बाँकी छ। जसकाे लागि अहिलेसम्म १६ वटा देशले आफ्नो आधिकारिक अन्तिम टोली घोषणा गरिसकेका छन्। अन्तिम टोली बुझाउने अन्तिम मिति फिफाले जून २ तोकेको छ। यसपटक ४८ राष्ट्रले सहभागिता जनाउँदैछन्। यस्तै, उपाधिकाे दाबेदार मध्य एक पाेर्चुगलले ४१ वर्षीय क्रिस्टियानो रोनाल्डोलाई समेट्दै आफ्नाे अन्तिम टाेली घाेषणा गरेकाे छ। यससँगै उनी कीर्तिमानी छैटौं पटक विश्वकप खेल्ने तयारीमा छन्। पोर्चुगलले पहिलो पटक विश्वकप उपाधि जित्ने लक्ष्यसहित अनुभवी कप्तान रोनाल्डोलाई टोलीमा राखेको हो। यो उनको अन्तिम विश्वकप हुन सक्ने अनुमान गरिएको छ । युरोपियन फुटबल छोडेर साउदी अरेबियाको क्लब अल–नासरमा आबद्ध भएपछि रोनाल्डोको यो पहिलो विश्वकप हुनेछ। रोनाल्डो र उनका चर्चित प्रतिद्वन्द्वी लिओनल मेसी विश्वकपको छैटौं संस्करण खेल्ने पहिलो पुरुष खेलाडी बन्न सक्ने सम्भावना छ। रोनाल्डो पुरुष अन्तर्राष्ट्रिय फुटबलमा सर्वाधिक खेल (२२६) र सर्वाधिक गोल (१४३) गर्ने खेलाडी हुन्। साथै, लगातार पाँच विश्वकपमा गोल गर्ने उनी एकमात्र खेलाडी पनि हुन्। <img src="https://app.nepalsportz.com/media/django-summernote/2026-05-20/44e685cc-c82c-456d-a81d-f3ebae48e835.jpeg" style="width: 698px;"> पोर्चुगलको टोलीमा जाओ फेलिक्स, बेर्नार्डो सिल्भा, ब्रुनो फर्नान्डेज, नुनो मेन्डेस, भिटिन्हा, जाओ नेभेस र गोन्सालो रामोसजस्ता खेलाडी पनि समावेश छन्। विश्वकप नियमअनुसार अन्तिम टोलीमा बढीमा २६ खेलाडी राख्न पाइन्छ। तर, प्रशिक्षक मार्टिनेजले गोलरक्षक रिकार्डो भेल्होलाई अतिरिक्त खेलाडीका रूपमा राखेका छन्। आवश्यकता परे मात्र उनी टोलीसँग यात्रा गर्नेछन्। पोर्चुगल समूह ‘के’ मा कोलम्बिया, उज्बेकिस्तान र कंगोसँग परेको छ। पोर्चुगलले जुन १७ मा अमेरिकाको ह्युस्टनमा कंगोविरुद्ध पहिलो खेल खेल्नेछ। पोर्चुगलले हालै २०२५ नेशन्स लिगको उपाधि जितेको थियो। उसले सेमिफाइनलमा जर्मनी र फाइनलमा स्पेनलाई हराएको थियो। पोर्चुगलले जुन १ देखि विश्वकपको तयारी सुरु गर्नेछ। टोलीले जुन ६ मा चिली र जुन १० मा नाइजेरियासँग अभ्यास खेल खेल्नेछ भने जुन १२ मा अमेरिका प्रस्थान गर्नेछ।

विश्वकप खेल्ने पोर्चुगलको टोली घोषणा

वैभव सूर्यवंशीको उत्कृष्ट प्रदर्शनको मदतले राजस्थान रोयल्सले इन्डियन प्रिमियर लिग (आईपीएल) २०२६ मा मंगलबार लखनउ सुपर जायन्ट्सलाई सात विकेटले हराएको छ र प्ले अफको नजिक पुगेको छ । यो जितपछि राजस्थान १४ अंकमा चौथो स्थानमा रहेको छ र प्ले अफको लागि छनोट हुने समीकरण उसकै हातमा रह्यो । लखनउ भने आठ अंकमा पुछारमा छ । जयपुरमा भएको खेलमा लखनउले पहिले ब्याटिङ गर्दै पाँच विकेटमा २ सय २० रन बनाएको थियो र त्यसमा ओपनर मिचेल मार्सको ९६ रन बनाए । जवाफमा राजस्थानले १९.१ ओभरमा तीन विकेट गुमाएर २ सय २५ रन बनाएको थियो । वैभवले ३८ बलमा ९३ रन बनाए । उनले सात चौका र दस छक्का प्रहार गरे ।

राजस्थान प्ले अफको नजिक

आर्सनलले इंग्लिस प्रिमियर लिगको उपाधि जित्ने मंगलबार निश्चित भएको छ । बर्नमाउथले म्यानचेस्टर सिटीलाई १–१ को बराबरीमा रोकेपछि आर्सनल २२ वर्षपछि लिग च्याम्पियन भएको हो । आर्सनल अन्तिम चरणका खेल अगाडि चार अंकले अगाडि रह्यो र अब उसलाई सिटीले उछिन्न सक्ने छैन् । आर्सनलको ८२ अंक छ भने सिटी ७८ अंकमै सीमित रह्यो र यो चार अंकको निर्णायक अग्रता हो । बर्नमाउथले आफ्नो घरेलु मैदानमा एली जुनियरको गोलले अग्रता लिएको थियो । खेलको अन्त्यतिर इर्लिङ हालान्डले बराबरी गोल फर्काए । मंगलबारकै अर्को खेलमा चेल्सीले टोटनहमलाई २–१ ले हरायो । हारले टोटनहनमाथि रेलिगेसन डर कायम रह्यो । टोटनहम ३८ अंकमा १७ औं स्थानमा छ । उसको पछाडि वेस्ट ह्याम ३६ अंकमा छ ।

सिटीको बराबरीले आर्सनल लिग च्याम्पियन

तुल्सीलाल स्मृति दोस्रो राष्ट्रिय जुनियर चेस च्याम्पियनसिप यही जेठ ६ गतेदेखि ९ गतेसम्म भक्तपुरस्थित सूर्यविनायक रिसोर्टमा आयोजना हुने भएको छ। प्रतियोगिता नेपाल बुद्धिचाल महासंघको तत्त्वावधानमा ललितपुर स्पोर्ट्स क्लबको आयोजना तथा भक्तपुर जिल्ला बुद्धिचाल संघको स्थानीय व्यवस्थापनमा सञ्चालन हुनेछ। खेलकुद बिकास परिषद् , बागमती प्रदेशको सहयोग रहेको प्रतिस्पर्धामा नेपालभरि २० वर्षमुनिका १५० भन्दा बढी खेलाडीहरूको सहभागिता रहने अपेक्षा गरिएको आयोजकले जनाएको छ। स्पर्धा वर्ल्ड चेस फेडेरेशनको फिडे लज अफ चेस नियमअनुसार स्विस लिग प्रणालीमा सञ्चालन हुनेछ। प्रतियोगिता ७ देखि ९ चरणसम्म खेलाइनेछ भने प्रत्येक खेलमा ४५ मिनेट समय सहित प्रत्येक चालमा ३० सेकेन्ड इन्क्रिजमेन्ट रहने व्यवस्था गरिएको छ। प्रतियोगिताका छात्र तथा छात्रा दुई विधामा विजयी खेलाडीलाई आकर्षक नगद पुरस्कारको व्यवस्था गरिएको छ। कुल नगद पुरस्कार राशी &nbsp;रु. १ लाख ५५ हजार ५ सय रहेको छ। ओपन छात्रतर्फ प्रथम हुने खेलाडीले नगद रु. ३० हजार तथा छात्रातर्फ प्रथम हुने खेलाडीले नगद रु. १५ हजार पुरस्कार प्राप्त गर्नेछन्। साथै विभिन्न उमेर समूह युवा १०, युवा १२, युवा १४, युवा १६ र युवा १८ वर्षका उत्कृष्ट खेलाडीहरूलाई समेत विशेष पुरस्कार प्रदान गरिनेछ। काठमाडौं उपत्यका बाहिरका खेलाडीहरूलाई जेठ ६ देखि ९ गतेसम्म निःशुल्क बसोबासको व्यवस्था गरिएको आयोजक क्लबका अध्यक्ष हेराकाजी महर्जनले &nbsp;जानकारी गराएको छन्।

दोस्रो राष्ट्रिय जुनियर चेस च्याम्पियनसिप ६ गते देखि

इंग्लिस मिडियाका अनुसार पेप ग्वार्डिओलाले यस सिजनको अन्त्यसँगै इंग्लिस प्रिमियर लिग क्लब म्यानचेस्टर सिटी छाड्ने निश्चित भएको छ । डेली मेल र एथलेटिकोका अनुसार ग्वार्डिओलाले एस्टन भिल्लाविरुद्धको अन्तिम लिग खेलबाट बिदा लिनेछन् । सिटीले यसबारे औपचारिक रूपमा केही पनि भनेको भने छैन् । सन् २०१६ मा उनी सिटी आएका हुन् र त्यसयता छ प्रिमियर लिग र पहिलो युरोपेली च्याम्पियन्स लिग उपाधिसँगै प्रमुख २० ट्रफि जिते । ग्वार्डिओलाले यसअघि बार्सिलोना र बायर्न म्युनिक पनि सम्हालेका थिए । उनलाई विश्व फुटबलकै सर्वाधिक सफल प्रशिक्षक मानिन्छ ।

ग्वार्डिओलाले सिटीबाट बिदाइ लिंदै

सनराइज हैदरावादले इन्डियन प्रिमियर लिग (आईपीएल) २०२६ मा चेन्नाइ सुपर किंग्सलाई सोमबार पाँच विकेटले हराएको छ र यो नतिजापछि प्ले अफका लागि छनोट भएको छ । यो नतिजाले गुजरात टाइटन्स पनि प्ले अफ पुगेको छ । यसका विपरित हारले चेन्नाइको भने प्रतियोगिता चुनौती लगभग समाप्त भएको छ । रोयल च्यालेन्जर्स बेंगलुरु १८ अंकमा शीर्षमा छ । गुजरात र हैदरावाद समान १६ अंकमा शीर्ष तीन भित्र रहेका छन् । बेंगलुरु यसअघि नै प्ले अफका लागि छनोट भइसकेको छ । चेन्नाइ १२ अंकमा छैटौं स्थानमा छ । उसले पहिले ब्याटिङ गर्दै सात विकेटमा १ सय ८० रन बनाएको थियो । जवाफमा हैदरावादले इसान किसनको ७० र हेनरिक क्लासेनको ४७ रनको मदतले १९ ओभर उपयोग गरेर पाँच विकेटमा सजिलै १ सय ८१ रन बनायो ।

हैदरावादसँगै गुजरात प्ले अफमा

काइ हार्भटेजलले ३६ औं मिनेटमा गरेको एक मात्र गोलको मदतले आर्सनलले सोमबार इंग्लिस प्रिमियर लिगमा बर्नलीलाई १–० ले हराएको छ । यो जितसँगै आर्सनलले शीर्ष स्थानमा पाँच अंकको अग्रता लिएको छ र २२ वर्षयता पहिलो पटक लिग च्याम्पियन हुने स्थितिमा पुगेको छ । आर्सनललको ८२ अंक भएको छ । म्यानचेस्टर सिटीले मंगबालरको खेलमा बर्नमाउथलाई पराजित गर्न असफल रहे पनि लिग उपाधि आर्सनलको नाममा हुनेछ । त्यस खेलमा सिटीले बर्नमाउथको १६ खेलको अपराजित यात्रा टुंग्याउँछ भने पनि आर्सनलले आइतबार लिग जित्न सक्नेछ । सिटी भने ७७ अंकमा दोस्रो स्थानमा रहेको छ । अन्तिम दिनको खेलमा आर्सनलले क्रिस्टल प्यालेसको सामना गर्नेछ ।

लिग उपाधिको नजिक आर्सनल

काठमाडौं। कप्तान रोहितकुमार पौडेल र इशान पाण्डेको सानदार ब्याटिङसँगै नेपालले आइसीसी क्रिकेट विश्वकप लिग- मा दुई स्थान सुधार गरेको छ। सोमबार सम्पन्न खेलमा नेपालले स्कटल्यान्डलाई ८ विकेटले पराजित गरेको हो। जितसँगै २७ खेल खेलेको नेपालले २२ अंक पुर्‍याएको छ। योसँगै नेपालले नामिबिया र क्यानडालाई पनि उछिनेको छ। एक खेल बढी खेलेको नामिबियाको २२ र तीन खेल कम खेलेको क्यानडाको २१ अंक छ। स्कटल्यान्डले दिएको १९५ रनको लक्ष्य पछ्याएको नेपालले ३८.१ ओभरमा ४ विकेट गुमाउँदै १९९ रन बनाएको हो। नेपालका कप्तान रोहितले अविजित ७४ रन बनाए। ९८ बल खेलेका उनले ५ चौका र २ छक्का प्रहार गरे। तेस्रो नम्बरमा आएका इशानले उनीसँग तेस्रो विकेटका लागि १०४ रनको साझेदारी गरेका थिए। ६१ बल खेलेका इशानले ५ चौका र २ छक्कासहित ५५ रन बनाए। ‌ओपनर आसिफ शेख २९ र कुशल भुर्तेल २८ रनमा आउट भए।

इशान र रोहितको सानदार ब्याटिङमा नेपाल दुई स्थान सुधार

काठमाडौं। आईसीसी पुरुष क्रिकेट विश्वकप लिग–२ अन्तर्गतको खेलमा स्कटल्यान्ड नेपालसामु १९५ रनको लक्ष्य प्रस्तुत गर्दै १९४ रनमा समेटिएको छ।&nbsp; कीर्तिपुरस्थित त्रिवि क्रिकेट रंगशालामा टस जितेर पहिले ब्याटिङ गरेको स्कटल्यान्ड ३९.१ ओभरमा अलआउट भएको हो। स्कटल्यान्डका ब्रान्डन म्याकमुलनले आक्रामक ब्याटिङ गर्दै ४४ बलमा ७३ रन बनाए। उनले ६ चौका र ६ छक्का प्रहार गरे। माइकल इङ्लिसले ७२ बलमा ५१ रनको योगदान दिए। जर्ज मुन्सेले २१ तथा मार्क वाटले २० रन जोडे। अन्य ब्याटरले भने उल्लेखनीय प्रदर्शन गर्न सकेनन्। नेपालका बलर ललित राजवंशीले ८ ओभरमा ३२ रन खर्चेर ४ विकेट लिए। सन्दीप लामिछानेले १० ओभरमा ४७ रन दिँदै ३ विकेट हात पारे। दीपेन्द्रसिंह ऐरी, नन्दन यादव र सोमपाल कामीले समान एक–एक विकेट लिए। यस्तै सन्दीपले एकदिवसीय क्रिकेटमा १५० विकेट पूरा गर्दै कीर्तिमान राखेका छन्।

नेपाललाई स्कटल्यान्डले दियो १९५ रनको लक्ष्य

राफिन्हाको दुई गोलको मदतले बार्सिलोनाले आइतबार स्पेनी ला लिगामा रियल बेटिसलाई ३–१ ले हराएको छ र यससँगै यो सिजन आफ्नो घरेलु मैदानमा सबै खेल जितेर शतप्रतिशत प्रदर्शनको कीर्तिमान बनाएको छ । ला लिगा इतिहासमै आफ्नो घरेले मैदानमा भएका सबै १९ खेल जित्ने बार्सिलोना पहिलो टिम पनि बनेको छ । क्याम्प नुमा प्राप्त यो जितपछि बार्सिलोनाको ९४ अंक भएको छ । अब लिगमा एक चरणको खेल मात्र बाँकी छ । बेटिस भने ५७ अंकमा पाँचौं स्थानमा रह्यो । हारबा वावजुत पनि बेटिस पनि अर्को सिजन युरोपेली च्याम्पियन्स लिगमा छनोट हुने संघारमा रहेको छ ।

घरमा बार्सिलोनाको शतप्रतिशत प्रदर्शन

इंग्लिस प्रिमियर लिगमा न्युकासल युनाइटेडले आइतबार वेस्ट ह्यामलाई ३–१ ले पराजित गरेको छ । हारले वेस्ट ह्याम रेलिगेसनको संघारमा पुगेको छ । वेस्ट ह्याम ३६ अंकमा १८ औं स्थानमा छ र उसको अब एकै खेल मात्र बाँकी छ । उसको अगाडि टोटनहम रहेको छ र उसको ३८ अंक छ । टोटनहमले एक खेल पनि कम खेलेको छ । न्युकासल भने ४९ अंकमा ११ औं स्थानमा रह्यो । न्युकासलको यो जितमा वलियम ओसुलाले दुई गोल गरे । आइतबारका अन्य खेलमा सन्डरल्यान्डले एभरटनलाई ३–१ र लिड्सले ब्राइटनलाई १–० ले हरायो ।

वेस्ट ह्याम रेलिगेसनको संघारमा

दिल्ली क्यापिटल्सले इन्डियन प्रिमियर लिग (आईपीएल) २०२६ मा आइतबार राजस्थान रोयल्सलाई पाँच विकेटले हराएर आफ्नो प्ले अफ सम्भावना जीवन्त राखेको छ । यो जितले दिल्लीको १२ अंक भएको छ र सातौ स्थानमा छ । राजस्थान पनि समान १२ अंकमै रहेको छ र छैटौं स्थानमा छ । नयाँ दिल्लीमा भएको खेलमा राजस्थानले पहिले ब्याटिङ गर्दै आठ विकेटमा १ सय ९३ रन बनाएको थियो । त्यसमा ध्रुव जुरेलले ५३ र कप्तान रायन परागले ५१ रन जोडे । जवाफमा दिल्लीले १ सय ९४ रनको लक्ष्य सफलतापूर्वक पछयाउने क्रममा पाँच विकेटमा १ सय ९७ रन बनाएको थियो । जितसम्म पुग्दा चार बलको खेल बाँकी थियो । दिल्लीका लागि अभिषेक पोरेलले ५१ र केएल राहुलले ५६ रन बनाए ।

Nepalsports

⚽ Upcoming Matches

🎖 Recent Matches

📰 Recent News

Nepalsports