Three Star Club

Mohamad Rablh Taha

Bikram Lama

काठमाडौं। राष्ट्रिय युवा संघ नेपालको आयोजनामा आगामी जेठ १ गते पुरुष '१० किमी एनवाईएफएन रन' हुने भएको छ।&nbsp; संघको ३७औं स्थापना दिवसको उपलक्ष्यमा युवा संघले खेल आयोजना गर्न लागेको हो। दशरथ रंगशाला त्रिपुरेश्वरबाट सुरु हुने प्रतियोगिता तीनकुने फन्को मार्दै पुन: रंगशालामा पुगेर टुंगिनेछ।&nbsp; आयोजक राष्ट्रिय युवा संघ नेपालका अध्यक्ष महाराज गुरुङलेले प्रतियोगितामा पाँच सय देखि हजार जनाको सहभागिता रहने विहिवार आयोजित पत्रकार सम्मेलनमा बताए। जसमा खुल्ला प्रतियोगिता भएकोले राष्ट्रिय स्तरको खेलाडी देखि राष्ट्रिय युवा संघका सदस्यहरु सहभागि हुनेछन्।&nbsp; नेपाल एथलेटिक्स संघको प्राविधिक सहयोगमा हुनेछ। प्रतियोगितामा शीर्ष ५ स्थान रहने खेलाडीको लागि पुरस्कारको ब्यवस्था गरिएको छ। जसमा पहिलो हुने खेलाडीले ५० हजार, दोस्रो हुनेले ४० हजार, तेस्रो हुनेले ३० हजार, चौथोले २० हजार र पाँचौं स्थान हात पार्नेले १० हजार प्राप्त गर्नेछन्।&nbsp; बिहीबार आयोजित पत्रकार सम्मेलनमा संघका अध्यक्ष गुरुङले अर्को वर्ष देखि महिला खेलाडिको इभेन्ट्स पनि समावेश गरिने बताए।&nbsp;

टेन के रन हुने

कुपर कोलनीको शानदार शतकले पनि पंजाव किंग्सलाई बुधबार हारबाट जोगाउन सकेन् र सनराइज हैदरावादले इन्डियन प्रिमियर लिग (आईपीएल) २०२६ मा बुधबार ३३ रनको जित निकाल्दै लिग तालिकाको शीर्ष स्थानमा उक्लेको छ । यो नतिजापछि हैदरावादको ११ खेलबाट १४ अंक भएको छ । पंजाव भने १० खेलबाट १३ अंकमा दोस्रो स्थानमा झरेको छ । पंजावको कमजोर फिल्डिङको फाइदा उठाएर हैदरावादले घरेलु मैदानमा पहिले ब्याटिङ गर्दै चार विकेटमा २ सय ३५ रन बनाएको थियो । त्यसमा हेनरिक क्लासेनले ४३ बलमा ६८ रन र इसान किसनले ३२ बलमा ५५ रन बनाएको थियो । जवाफमा पंजावले सात विकेटमा २ सय २ रन मात्र बनाउन सक्यो । उनले नटआउट रहेर ५९ बलमा १ सय ७ रन बनाए र त्यसमा सात चौका र आठ छक्का सामेल थियो ।

पंजावलाई उछिनेर हैदरावाद अगाडि

डिफेन्डिङ च्याम्पियनका रूपमा पेरिस सेन्ट जर्मेन (पीएसजी) ले युरोपेली च्याम्पियन्स लिगको उपाधि रक्षा गर्ने मौका पाएको छ । उसले बुधबार भएको सेमिफाइनल दोस्रो लेगमा बायर्न म्युनिकलाई १–१ को बराबरीमा रोक्दै फाइनल यात्रा निश्चित गरेको हो । अब उपाधिका भिडन्तमा पीएसजीले आर्सनलको चुनौती सामना गर्नेछ । फाइनल मे ३० मा बुडापेस्टमा हुनेछ र त्यसमा पीएसजी नै उपाधिका लागि बलियो प्रत्यासी रहनेछ । पछिल्लो समय लगातार दुई च्याम्यिन्स लिगको उपाधि जित्ने टिम रियल म्याड्रिड रहेको छ । यस्तो उपलब्धी उसले सन् १९९० मा हात पारेको थियो । यसपल्ट म्युनिकमा एलिनाज एरेनामा भएको खेलमा पीएसजीले ओसमन डेम्बेलेको गोलले अग्रता लिएको थियो । खेलको अन्त्यतिर बायर्नका लागि ह्यारी केनले बराबरी गोल फर्काए, तर यसले फाइनल पुग्ने समीकरणमा केही फरक पारेन् ।

पीएसजीसामु उपाध रक्षाको मौका

राष्ट्रिय खेलकुद परिषद्का निवर्तमान सदस्य–सचिव टंकलाल घिसिङले एसिया रग्बी फिफ्टिन्स इमिरेट्स महिला च्याम्पियनसिपको उपाधि विजेता जापानलाई पुरस्कृत गरेका छन् । एसिया रग्बीका उपाध्यक्ष समेत रहेका घिसिङ प्रमुख अतिथिका रुपमा कार्यक्रममा सहभागी भएका थिए । कजाखस्तानको अल्माटीमा जारी प्रतियोगितामा एसियाका शीर्ष ३ वरीयतामा रहेका राष्ट्र जापान, हङकङ चीन र कजाखस्तानले प्रतिस्पर्धा गरेका थिए । सिंगल राउन्ड रोविनका आधारमा भएको प्रतियोगितामा जापानले पहिलो खेलमा कजाखस्तान र दोश्रोमा हङकङ चीनलाई पराजित गर्दै उपाधि जितेको हो । लिगको अन्तिम खेल भने हुन बाँकी छ । लिगको अन्तिम खेल कजाखस्तान र हङकङ चीनबीच मे १० तारिखमा हुनेछ । ‘अल्माटीमा आयोजित एसिया रग्बीमा पुरस्कार वितरण गर्न पाउँदा सम्मानित भएको महसुश गरेको छु । जापानलाई जितका लागि बधाई छ । तपाईंको अनुशासन, टिम वर्क र जोशले साँच्चै एसियाली रग्बीमा उत्कृष्टताको मानक तय गरेको छ ।’ पुरस्कार वितरणपछि घिसिङले आफ्नो फेसबुकमा लेखेका छन्– ‘हङकङ चीन र कजाखस्तान टोलीलाई उत्कृष्ट प्रदर्शनका लागि, उत्कृष्ट कार्यक्रम गरेकोमा आयोजक संघलाई, मूल्यवान प्रायोजक एमिरेट्सलाई निरन्तर समर्थनका लागि र यो प्रतियोगिता सम्भव बनाउने स्वयंसेवकहरूलाई प्रशंसनीय कार्यका लागि हार्दिक धन्यवाद । यो च्याम्पियनसिपले एसियाभरि महिला रग्बीको स्थिर प्रगति र बढ्दो स्तरलाई प्रतिबिम्बित गर्दछ, र सबै तहमा खेललाई अझ विकास गर्ने हाम्रो साझा प्रतिबद्धतालाई सुदृढ गर्दछ ।’

घिसिङद्वारा च्याम्पियन जापान पुरस्कृत

आर्सनलले एटलेटिको म्याड्रिडलाई सेमिफाइनल दोस्रो लेगमा १–० ले पराजित गर्दै मंगलबार युरोपेली च्याम्पियन्स लिगको फाइनलमा प्रवेश गरेको छ । इंग्लिस प्रिमियर लिगको शीर्ष स्थानमा रहेको आर्सनलका लागि बुकायो साकाले ४४ औं मिनेटमा निर्णायक गोल गरे । इमिरेट्समा प्राप्त यो जितपछि आर्सनलले दुई लेगको सेमिफाइनलमा समग्रमा २–१ को अग्रता हो । म्याड्रिडमा भएको पहिलो लेगको सेमिफाइनल १–१ को बराबरीमा टुंगेको थियो । अब फाइनलमा आर्सनलको सामना डिफेन्डिङ च्याम्पियन पेरिस सेन्ट जर्मेन (पीएसजी) अथवा बायर्न म्युनिकसँग हुनेछ । अर्को सेमिफाइनलको दोस्रो लेग बुधबार म्युनिकमा हुँदैछ र त्यसमा पीएसजीलाई अग्रता प्राप्त छ । प्रिमियर लिग उपाधि जित्ने संघारमा रहेको आर्सनलले दुवै उपाधि जित्ने हो भने त्यो क्लब इतिहासमै सबैभन्दा उत्कृष्ट सिजन सावित हुनेछ ।

आर्सनल पुग्यो च्याम्पियन्स लिग फाइनलमा

चेन्नाइ सुपर किंग्सले मंगलबार इन्डियन प्रिमियर लिग (आईपीएल) २०२६ मा दिल्ली क्यापिटल्सलाई आठ विकेटले हराएर प्ले अफको नजिक पुगेको छ । यो जितपछि चेन्नाईको अब दस अंक भएको छ र यो शीर्ष चारबाट दुई अंकको दूरी मात्र हो । दिल्लीले भने यस्तै अवसर गुमायो र आठ अंकमा सातौं स्थानमा रह्यो । दिल्लीमा भएको खेलमा घरेलु टिमले पहिले ब्याटिङ गर्दै सात विकेटमा १ सय ५५ रन बनाएको थियो । त्यसमा समिर रिज्भीको ४० रन नै सर्वाधिक ठूलो व्यक्तिगत स्कोर रह्यो, अरू कसैले गतिलो योगदान गर्न सकेनन् । जवाफमा ओपनर सन्जु सामसनको नटआउट ८७ रनको मदतले चेन्नाइले १७.३ ओभरमा दुई विकेटमा १ सय ५९ रन बनायो । सन्जुले ५२ बलको सामना सामना गरे र सात चौका तथा छ छक्का प्रहार गरे । अर्का नटआउट ब्याटर कार्तिक शर्माले ३१ बलमा ४१ रन बनाएर जितमा ठोस योगदान गरे ।

चेन्नाइ प्ले अफको नजिक

काठमाडौं। नेपाली महिला फुटबल टोलीकी कप्तान तथा स्टार फरवार्ड सावित्रा भण्डारी (साम्बा) शल्यक्रियापछिको ‘रिह्याबिलिटेसन’का लागि कतारस्थित आस्पेटर अस्पताल पुगेकी छन्।&nbsp; सामाजिक सञ्जालमार्फत साेमबार जानकारी दिँदै उनले अबका केही महिना त्यहीँ बसेर उपचार प्रक्रियालाई निरन्तरता दिने बताएकी हुन्। साम्बाले कठिन समयमा साथ दिने समर्थक, आफ्नो क्लब तथा शुभेच्छुकप्रति आभार व्यक्त गर्दै आफ्नो स्वास्थ्य सुधार भएकाे उल्लेख गरेकी छन्। उनले शल्यक्रियापछि आफू पुनः मैदान फर्किन निरन्तर मेहनत गरिरहेको बताएकी छन्। नेपाल महिला राष्ट्रिय टोलीकी कप्तान सावित्रा नेपाली महिला फुटबलको सबैभन्दा सफल खेलाडीमध्ये एक हुन्। उनी नेपालको सर्वाधिक गोलकर्ता खेलाडीका रूपमा परिचित छिन्। हाल उनी अष्ट्रेलियाली लिगअन्तर्गतवेलिङ्टन फिनिक्स एफसीमा आबद्ध छिन्। यसअघि उनले भारतको महिला लिग गोकुलम केरल एफसी र फ्रान्सको शीर्ष डिभिजन क्लब एन आवाँ ग्याँगाँपबाटसमेत खेल्दै अन्तर्राष्ट्रिय स्तरमा नेपाली फुटबललाई चिनाएकी थिइन्। <img src="https://app.nepalsportz.com/media/django-summernote/2026-05-05/02d56a74-485e-4a6c-a6bd-90341f3ac142.jpeg" style="width: 600px;"> सावित्राले पोस्टमार्फत नेपालमा फुटबलको वर्तमान अवस्थाप्रति चिन्ता समेत व्यक्त गरेकी छन्। एकातर्फ आफू मैदान फर्किन संघर्षरत रहे पनि अर्कोतर्फ नेपाली फुटबलको अवस्था देखेर निराश भएको उनको भनाइ छ। यद्यपि, छिट्टै नेपाली फुटबलको अवस्था सुधार हुनेमा उनले आशा व्यक्त गरेकी छन्।

रिह्याबका लागि कतारको अस्पेटार अस्पताल पुगिन् सावित्रा भण्डारी

ओपनर जोडी रायन रिकेल्टन र रोहित शर्मा ब्याटबाट चम्केपछि इन्डियन प्रिमियर लिग (आईपीएल) २०२६ मा मुम्बई इन्डियन्सले सोमबार लखनउ सुपर जायन्ट्सलाई वानखेडे स्टेडियममा छ विकेटले पराजित गरेको छ । उनीहरूले पहिलो विकेटका लागि १ सय ४३ रनको साझेदारी गरेर जितको आधार तयार पारे । लखनउले पहिले ब्याटिङ गर्दै पाँच विकेटमा २ सय २८ रन बनाएको थियो । जवाफमा मुम्बईले चार विकेट गुमाए २ सय २९ रन बनायो । विजयी टिमका लागि रिकेल्टनले ८३ र चोटबाट मुक्त भएर मैदानमा फर्केका रोहितले ८४ रन बनाए । जितपछि मुम्बईको दस खेलबाट छ अंक छ र नवौं स्थानमा छ । अन्तिम स्थानमा रहेको लखनउ भने चार अंकमा रहेको छ । उसको यो लगातार छैटौं हार हो र सबैभन्दा खराव लयमा रहेको छ ।

रोहित र रिकेल्टन चम्केपछि मुम्बई विजयी

म्यानचेस्टर सिटी इंग्लिस प्रिमियर लिगमा सोमबार एभरटनको हातबाट ३–३ को बराबरीमा रोकिएको छ र यो नतिजा उसका लागि ठूलो धक्का रहेको छ । एभरटनका लागि थिएर्नो बेरीले दुई गोल गरे । यस्तै सिटीका तर्फबाट जेरेमी डोकुले दुई गोल फर्काए । यो नतिजापछि सिटी ७१ अंकमा दोस्रो स्थानमा रह्यो । आर्सनल भने एक खेल बढी खेलेर ७६ अंकमा शीर्ष स्थानमा छ । अब सिटीका लागि उपाधि होड उसको नियन्त्रणमा रहेन् र आर्सनलले २२ वर्षयता पहिलो पटक लिग जित्ने सम्भावना बढेको छ । अर्को प्रमुख खेलमा नटिंघम फरेस्टले चेल्सीलाई ३–१ ले हरायो । त्यसमा फरेस्टका लागि टाइओ एवानियीले दुई गोल गरे । यो जितले फरेस्टको ४२ अंक भएको छ र रेलिगेसनबाट जोगिने लगभग निश्चित जस्तै भएको छ ।

उपाधि होडमा सिटी कमजोर

काठमाडौं। नेपाल क्रिकेट संघ (क्यान) ले दर्शक संख्या न्यून भएपछि विश्वकप लिग–२ अन्तर्गतका खेलहरूको टिकट मूल्य घटाएको छ। अब टिकट दर २०० रुपैयाँ मात्र कायम गरिएको क्यानले जनाएको छ। क्यानले जारी गरेको प्रेस विज्ञप्तिअनुसार त्रिवि क्रिकेट रंगशालामा सञ्चालन भइरहेको आईसीसी पुरुष क्रिकेट विश्वकप लिग–२ अन्तर्गत भोलि हुने नेपाल र ओमानबीचको खेलका साथै मे १२ देखि सुरु हुने नेपाल, अमेरिका र स्कटल्यान्ड सहभागी त्रिकोणात्मक सिरिजका सबै खेलहरूमा पनि यही नयाँ दर लागू हुनेछ। दर्शक उपस्थिति बढाउने उद्देश्यले टिकट मूल्य घटाइएको क्यानले स्पष्ट पारेको छ।

दर्शक संख्या न्यून भएपछि क्यानले घटायो टिकट मूल्य

काठमाडौं। साउदी प्रो लिगअन्तर्गत अल काद्सियाले अल नासरलाई ३–१ गोल अन्तरले पराजित गरेको छ।&nbsp; यस हारसँगै अल नासर ३१ खेलबाट ७९ अंकसहित शीर्ष स्थानमै कायम रहेको छ। एक खेल कम खेलेको अल हिलाल ७४ अंकसहित दोस्रो स्थानमा छ। जितसँगै अल काद्सियाले ३१ खेलबाट ६८ अंक जोड्दै तालिकाको चौथो स्थानमा आफ्नो स्थिति थप मजबुत बनाएको छ। खेलको २४औँ मिनेटमा मोहम्मद अबुलशामतले गोल गर्दै अल काद्सियालाई अग्रता दिलाए। त्यसपछि ३९औँ मिनेटमा जोआओ फेलिक्सले गोल फर्काउँदै अल नासरलाई खेलमा बराबरी दिलाए र पहिलो हाफ १–१ को अवस्थामा सकियो। दोस्रो हाफमा अल काद्सियाले उत्कृष्ट प्रदर्शन गर्दै खेल आफ्नो पक्षमा पार्‍यो। ५५औँ मिनेटमा मुसाब अल-जुवैरले गोल गर्दै टोलीलाई पुनः अग्रता दिलाए। त्यसपछि ७८औँ मिनेटमा जुलियन क्विनोनेसले गोल थप्दै अल काद्सियाको जित सुनिश्चित गरे।

अल नासर पराजित

अर्को साता रियल म्याड्रिड र बार्सिलानो स्पेनी लिगामा भिड्दै छन् र यही एल क्लासिकोले लिग उपाधिको निर्णय गर्नेछ । रियलले आइतबारको खेलमा इस्पनयोललाई २–० ले पराजित गरेपछि लिग उपाधिका लागि बार्सिलोनाले अझै कुर्नु पर्ने भएको हो । बार्सिलोना ८८ अंकमा शीर्ष स्थानमा छ र रियलको ७७ अंक छ । अर्को साता हुने खेलमा आफू अनुकुल नतिजा निकालेर बार्सिलोनाले लिग उपाधि जित्न सक्नेछ र लिगमा चार चरणका खेल बाँकी छन् । आइतबारका अन्य खेलमा सेल्टा भिगोले एल्चेलाई ३–१, रायो भालेकानोले गेटाफेलाई २–० र रियल बेटिसले रियल ओभिएडलाई ३–० ले हरायो।

रियल र बार्सिलोनाबीचको खेल निर्णायक

मार्कस थुराम र हेनरिक मखाटेरियनको एक एक गोलको मदतले इन्टर मिलानले आइतबार पार्मालाई २–० ले पराजित गर्दै इटालीको च्याम्पियन भएको छ । पछिल्लो छ सिजनमा इन्टरले इटालीको सिरी ए को उपाधि जितेको यो तेस्रो पल्ट हो । लिगमा अब तीन चरणका खेल मात्र बाँकी छन् र इन्टरलाई दोस्रो स्थानमा रहेको डिफेन्डिङ च्याम्यिन नेपोलीमाथि १५ अंकको निर्णायक अग्रता प्राप्त भएको छ । अब लिगका बाँकी खेलमा जस्तै नतिजा आएपछि कसैले इन्टरलाई उछिन्न सक्ने छैन् । इन्टरको ८२ अंक भएको छ भने उसको पछाडि नेपोलीको ७० र एसी मिलानको ६७ अंक भएको छ । अब इन्टरले अर्को साता कोपा इटालियाको फाइनलमा लाजियोको सामना गर्दैछ र उससामु कप डबल गर्ने अवसर हुनेछ ।

इन्टर बन्यो इटालीको च्याम्पियन

कोनोर ग्यालिघर र रिचार्लिसनले पहिलो हाफमा गरेको गोलको मदतले टोटनहमले इंग्लिस प्रिमियर लिगमा आइतबार एस्टन भिल्लालाई २–१ ले हराएको छ र यससँगै रेलिगेसन क्षेत्र छाडेको छ । टोटनहमको ३७ अंक भएको छ र १७ औं स्थानमा उक्लिन सफल रह्यो । वेस्ट ह्याम भने ३६ अंकमा १८ औं स्थानमा झरेको छ । यसअघिको खेलमा म्यानचेस्टर युनाइटेडले लिभरपुललाई ३–२ ले पराजित गर्दै अर्को सिजन युरोपेली च्याम्पियन्स लिगका लागि छनोट भएको छ । &nbsp; युनाइटेडको यो जितपछि ६४ अंक भएको छ र तेस्रो स्थानमा रह्यो । लिभरपुल भने ५८ अंकमा चौथो स्थानमा रहेको छ । यस्तै अर्को खेलमा बर्नमाउथले क्रिस्टल प्यालेसलाई ३–० ले पराजित गर्न सफल रह्यो ।

टोटनहम रेलिगेसन क्षेत्र छाड्न सफल

गुजरात टाइटन्सले आइबार इन्डियन प्रिमियर लिग (आईपीएल) २०२६ मा शीर्ष स्थानको पंजाव किंग्सलाई चार विकेटले हराएको छ र यससँगै शीर्ष चारमा रहेर प्ले अफ पुग्ने समीकरण रोमाञ्चक भएको छ । एक बलको खेल बाँकी छँदा गुजरात जितसम्म पुगेको हो र अब उसको १२ अंक भएको छ र पाँचौं स्थानमा रह्यो । पंजाव भने १३ अंकमा पहिलो स्थानमै छ । उसको पछाडि रोयल च्यालेर्न्ज बेंगलुरु, सनराइज हैदरावाद र राजस्थान रोयल्सको समान १२ अंक छ । अहमदावादमा भएको खेलमा पंजावले पहिले ब्याटिङ गर्दै नौ विकेटमा १ सय ६३ रन बनायो । त्यसमा सूर्याश सेड्गेले ५७ र मार्कस स्टोइनसले ४० रन बनाए । जवाफमा गुजरातले साई सुदर्शनको ५७ र वासिंटन सुन्दरको ४० रनको मदतले १९.५ ओभरमा छ विकेट गुमाएर १ सय ६७ रन बनायो ।

गुजरातको जितले प्ले अफ समीकरण रोमाञ्चक

काठमाडौं नेपाल पुलिस क्लबले प्रथम पोखरा महिला गोल्डकपको उपाधी चुमेको छ। आर.एस. पोखरा फुटबल क्लबको आयोजनामा पोखरामा आइतबार सम्पन्न प्रतियोगिताको फाइनल खेलमा १० खेलाडीमा सिमित त्रिभुवन आर्मी क्लबलाई पेनाल्टीमा ५–४ ले हराउँदै पुलिस च्याम्पियन बनेको हो।&nbsp; पोखरामै पहिलो पटक भएको महिला गोल्डकपको उपाधिसंगै पुलिसले ५ लाख रुपैयाँ हात पारेको छ। उपविजेता आर्मीलाई ३ लाख रुपैया प्राप्त गरेको छ। निर्धारित समयको खेल गोलरहित बराबरीमा रोकिएको थियो।&nbsp; पहिलो हाफमै १० खेलाडीमा सिमित आर्मीले पुलिसलाई निर्धारित समयसम्म गोलरहित बराबरीमै रोक्यो। पहिलो हाफको २७ मिनेटमै आर्मी १० खेलाडीमा सिमित भएको हो। पुलिसकी निर्मला विकले बल अघि बढाउने क्रममा आर्मीकि डिफेन्डर विमला विकले डि एरिया नजिक लडाएपछी रातो कार्ड पाएकी थिइन्।&nbsp; ३७औं मिनेटमा आर्मीको अवसरमा पुलिसकी समीक्षा घिमिरे बाधक बनिन्। हिमा चौधरीले गरेको क्रस गोललाइन नजिकबाट समिक्षाले क्लियर गरिन्। पहिलो हाफ गोलरहित बराबरीमा सकिएको थियो। ६३औं मिनेटमा रेखा पौडेलको प्रहारलाई आर्मीकि गोलरक्षक कोपिला खड्काले उत्कृष्ट बचाउ गर्दा रिबाउन्ड बलमा अनुस्का शेर्पाको प्रहारपनी उषाले बचाईन।&nbsp; ६९औं मिनेटमा रेखाको प्रहार क्रसबार नजिकैबाट बाहिरियो। ७५औं मिनेटमा रेखाको कर्नरमा निरु थापाको प्रहार क्रसबार नजिकैबाट बाहिरियो। ८०औं मिनेटमा अनिस्काको प्रहारमा कोपिला बाधक बनिन। ८१ औं मिनेटमा आर्मीकि चन्द्रा भण्डारीको प्रहार उषाले बचाइन्। ८८औं मिनेटमा आर्मीले स्वर्ण अवसर खेर फाल्यो। चन्द्राको पासमा हिमाको प्रहार आकाशीयो। नेपाल पुलिसकी समिक्षा घिमिरे प्लेयर अफ दि म्याच घोषित भइन्। पुलिसकी निर्मला सर्वोत्कृष्टविधागत पुरस्कारतर्फ पनि पुलिसकै दबदबा रह्यो। पुलिसकी निर्मला विक सर्वोत्कृष्ट खेलाडी घोषित भइन्। उनले ३० हजार रुपैयाँ प्राप्त गरिन्। यस्तै उत्कृष्ट गोलरक्षक पुलिसकी उषा नाथ रेखा पौडेल सर्वाधिक गोलकर्ता बनिन् । रेखाले जारी प्रतियोगितामा कुला पाँच गोल गरिन्। पहिलो खेलमा आयोजक विरुद्ध उनले पाँच गोल गरेकी थिइन्।&nbsp; उत्कृष्ट दुवैले समान १५ हजार रुपैयाँ प्राप्त गरे। अनुसासित टिमको पुरस्कार आर एस पोखरा फुटबलले प्राप्त ग¥यो । तीन दिनसम्म चलेको प्रतियोगितामा कुल चार टिमको सहभागिता रहेको थियो। प्रतियोगितामा पुलिस, आर्मीसंगै संकटा र आयोजक आर.एस. पोखरा फुटबल क्लबको सहभागिता रहेको थियो।&nbsp;

प्रथम महिला गोल्डकपको उपाधि नेपाल पुलिसलाई

पोखरा। आगामी बैशाख ३१ गते पोखरामा आयोजना हुने १०औं रारा पोखरा स्पोर्ट्स अवार्ड भब्य र सभ्य बनाउनका लागि पोखराका पर्यटन व्यवसायीहरुले साथ दिने प्रतिवद्धता जनाएका छन्।&nbsp; आयोजक नेपाल खेलकुद पत्रकार मञ्च गण्डकीले पोखराका विभिन्न पर्यटनसम्बन्धी संघ–संस्थासँग गरेको छलफलमा यस्तो सहमति बनेको हो। पोखरा स्पोर्टस अवार्डसँगै अयोजना गरिने स्पोर्ट्स कनक्लेभ तथा विभिन्न ९ विद्यामा प्रदान गरिने अवार्डलाई प्रभावकारी बनाउन पर्यटन क्षेत्रको सक्रिय सहभागिता आवश्यक रहेकोमा जोड दिइएको थियो। सो अवसरमा वोल्दै पोखरा पर्यटन परिषदका अध्यक्ष तारानाथ पहारीले प्रदेशस्तरमै उत्कृष्ट कार्यक्रमका रूपमा स्थापित पोखरा स्पोर्टस् अवार्डले खेल क्षेत्र संगै पोखराको पर्यटनमा समेत ठूलो टेवा पुगेको बताए। पर्यटन परिषदले “टुगेदर फर टुरिजम” भन्ने नारालाई सार्थक बनाउन पोखरा स्पोर्ट्स अवार्डमा सहकार्य गर्दै अघि बढ्ने उनले उल्लेख गरे। पर्यटन परिषदका पूर्व अध्यक्ष तथा पोखरा भ्रमण वर्षका संयोजक गोपी भट्टराईले खेल पत्रकारहरुले राज्यले गर्नुपर्ने काम गरेको बताउदै राज्यले समेत खेलाडी र खेल क्षेत्रलाई सम्मान गर्न नसकिरहेको सन्दर्भमा गण्डकी प्रदेशमा रहेका उत्कृष्ट खेलाडीहरुलाई सम्मान गर्ने गरी आयोजित पोखरा स्पोर्टस अवार्ड प्रदेश स्तरमै उत्कृष्ट कार्य भएको बताए। पर्यटन परिषदका पूर्व अध्यक्ष टीकाराम सापकोटा ले यस्ता कार्यक्रमले आर्थिक गतिविधि चलायमान बनाउने र पर्यटन भित्र्याउन सहयोग पुग्ने बताए। सबै संघ–संस्थाबीचको सहकार्यबाट मात्र कार्यक्रम सफल हुने बताउदै भट्टराईले &nbsp;पोखरामा &nbsp;रंगशालामा पूर्वाधार बने पनि कार्यक्रम सञ्चालन नहुँदा लगानी खेर जाने भएकाले राज्यलाई सचेत गराउने खालका गतिविधिमा समेत पत्रकारहरुले कार्यक्रमहरुको आयोजना गर्नुपर्नेमा जोड दिए। नेपाल हवाइ खेलकुद संघ नाका पूर्व अध्यक्ष तथा पाटा नेपालका कार्यकारी सदस्य सुनिल भट्टराईले पोखरा स्पोर्ट्स अवार्डमा पर्यटन क्षेत्रलाई समेटेर लैजाने प्रयासप्रति आभार प्रकट ब्यक्त गर्दै सहकार्य गरेर अगाडी बढ्ने बताए। नाटाका प्रथम उपाध्यक्ष संगीता पौडेलले पर्यटन प्रवद्र्धनमा व्यवसायीलाई जोड्ने पहल सकारात्मक रहेको उल्लेख गर्दै आफ्नो संस्थाबाट पूर्ण साथ रहने बताए। ट्रेकिङ एजेन्सिज एसोसिएसन अफ नेपाल (टान) का अध्यक्ष कृष्ण आचार्य ले साहसिक पर्यटन र खेलकुदलाई जोड्न सके कार्यक्रम अझ उत्कृष्ट बन्ने धारणा राख्दै आर्थिक, नैतिक र भौतिक सहयोग गर्ने प्रतिबद्धता जनाए। होटल संघ पोखराका अध्यक्ष लक्ष्मण सुवेदीले पर्यटकीय राजधानी पोखरामा प्रदेश स्तरमा आयोजना हुने खेलकुदको कार्यक्रमले पोखरामा पर्यटन भित्रयाउन सहयोग पुग्ने बताउदै आफ्नो संस्थाको तर्फबाट साथ र सहयोग रहने बताए। पर्यटन व्यवसायी महिला संघ नेपाल टेवानका अध्यक्ष शोभा न्यौपाने पाण्डेले खेल क्षेत्रमा कलम चलाउने पत्रकारहरुले खेलाडीहरुको सम्मानका लागि आयोजना गर्ने कार्यक्रममा सहकार्य गर्न पाउदा खुसी लागेको बताउदै आफ्नो संस्थाबाट सहयोग गर्ने प्रतिवद्धता ब्यक्त गरे। महिला पर्यटन व्यवसायी मञ्च ओटेफका अध्यक्ष ममता न्यौपानेले गण्डकी प्रदेशका खेलाडीहरुको योगदानको कदर गर्दै अवार्ड प्रदान गरिने कार्यक्रम आफैमा उत्कृष्ट कार्य भएकाले सहकार्य गर्न पाउदा हर्सित भएको बताइन। पत्रकारहरुको संस्थाले आयोजना गरेको कार्यक्रममा पर्यटन क्षेत्रको साथ र सहयोगले आफुहरुमा थप हौसला बढेको पोखरा स्पोर्टस अवार्ड कार्यक्रमका आयोजक नेपाल खेलकुद पत्रकार मञ्च गण्डकीका अध्यक्ष एमबी आस्था मगरले बताए। पोखरा स्पोर्टस् अवार्डलाई खेलकुद र पर्यटनको साझा प्लेटफर्मका रूपमा विकास गर्दै अन्तर्राष्ट्रिय स्तरसम्म प्रवद्र्धन गर्ने लक्ष्यसहित कार्यक्रमको तयारीलाई तीब्र पारिएको उनको भनाइ रहेको थियो। आगामी वैशाख ३१ गते पोखरा इभेन्ट सेन्टरमा आयोजना हुने अवार्डमा विभिन्न ९ विधामा अवार्ड प्रदान गरिदै छ। जसमा लाइफटाईम एचिभमेन्ट अवार्ड, वर्ष उत्कृष्ट प्रशिक्षक, वर्ष उत्कृष्ट खेलाडी पुरुष, वर्ष उत्कृष्ट महिला, वर्ष उदियमान खेलाडी, वर्ष उत्कृष्ट खेल संघ संस्था, पिपुल्स च्वाइस अवार्ड, स्पेशल अवार्ड र वर्ष उत्कृष्ट खेल पत्रकार &nbsp;रहेका छन्। पोखरा स्पोर्टस अवार्डमा पिपुुल्स च्वाइस अवार्डका लागि गुरुङ गहना घर प्रालिले स्कुटर प्रायोजन गरेको छभने स्पेशल अवार्डका लागि नेलम्बो नेपालले प्रायोजन गरेको छ। अवार्डका लागि गण्डकी प्रदेश सरकार, प्रदेश खेलकुद परिषद् गण्डकी, पोखरा महानगरपालिका, राष्ट्रिय खेलकुद परिषद काठमाण्डौ, केल्मी नेपाल, &nbsp;नेपाल खेलकुद पत्रकार मञ्च काठमाण्डौ, होटल क्राउन प्लाजा काठमाण्डौ, फोर स्टार डिलक्स हेरिटेज टेम्पल बेल बुटिक होटल एण्ड स्पा पोखरा लेकसाईड, जिल्ला खेलकुद बिकास समिति कास्की, बुल्स मेन क्लबका संस्थापक इश्वर गुरुङ (हङकङ), रुपा गाउँपालिका, मादी गाउँपालिका, अन्नपूर्ण गाउँपालिका र माछापुच्छ्रे गाउँपालिकाको विशेष सहयोग रहेको छ। त्यसैगरी सहयोगीहरुमा टाइगर ग्रुप अफ पोखरा, सहारा क्लब, तमु धिँ युके, फ्रयाङकलिंक एजुकेशन, पोखरा एभेन्जर्स, पोखरा उद्योग वाणिज्य संघ, लेखनाथ उद्योग वाणिज्य संघ, भूतपूर्व खेलाडी मञ्च, कास्की जिल्ला तेक्वान्दो संघ, मञ्चका पूर्व अध्यक्ष प्रेम नारायण न्यौपाने, पत्रकार महासंघ जापानका पूर्व अध्यक्ष तथा मञ्चका पूर्व अध्यक्ष मोहन घले, &nbsp;विनोद गुरुङ, जापानबाट युवराज गुरुङ, निशान रानामगर, रमेश कुमार गुरुङ, पूर्व राष्ट्रिय खेलाडी बसन्त गौचन, किरण थापा अष्ट्रेलिया र राइनो हस्पिटालिटी एण्ड होटल म्यानेजमेन्ट प्रालि (राइनो क्याफे एण्ड शवार्मा स्टेशन), शिद्धार्थ पाण्डे कम्प्युटर सेन्टर न्युरोड, दीपक बहादुर थापा (पूर्व वडा सदस्य पो.म.न.पा. १०) लामा कलेक्सन न्यूरोड पोखरा, हेम्जाकोट होमस्टे कास्की रहेका छन्। अन्य सहयोगी संघ संस्थाको सहयोग आउने क्रम जारी रहेको छ।

पोखरा स्पोर्ट्स अवार्डलाई पर्यटन क्षेत्रको साथ

रोबर्ट लेवनडोस्की र फेरान टोरेसको खेलको अन्त्यतिर गरेको गोलको मदतले बार्सलोनाले शनिबार ओसासुनालाई २–१ ले पराजित गरेको छ र स्पेनी ला लिगा उपाधिको जित्ने संघारमा पुगेको छ । यो जितपछि बार्सिलोनाले दोस्रो स्थानमा रहेको रियल म्याड्रिडमाथि १४ अंकको अग्रता खोलेको छ । बार्सिलोनाको ८८ अंक भएको छ भने रियल ७४ अंकमा छ । अब आइतबार रियलले इस्पनयोलविरुद्धको खेलमा अंक गुमाउने काम गर्न भने लिग उपाधि बार्सिलोनाको हुनेछ । लेवनडोस्कीले ८१ औं मिनेटमा पहिलो गोल गरेपछि त्यसको चार टिममा टोरेसले अर्को गोल थपे । ओसासुनाका लागि राउल गर्सियाले एक गोल फर्काए । रियलले इस्पनयोललाई हराउँछ भने बार्सिलोनासामु लिग जित्ने अवसर आफ्नो त्यही परम्परिक प्रतिद्वन्द्वीविरुद्धको अर्को साता हुने खेलमा हुनेछ ।

बार्सिलोना उपाधि रक्षा गर्ने बाटोमा

इंग्लिस प्रिमियर लिगमा दुई लन्डन क्लबले शनिबार फरक नियति भोगेका छन् । आर्सनलले फुलहमलाई सजिलै ३–० ले पराजित गरेपछि शीर्ष स्थानमा छ अंकको अग्रता लिएको छ । यससँगै आर्सनलसामु २२ वर्षयता पहिलो पटक लिग उपाधि जित्ने आधार तयार भएको छ । त्यसमा भिक्टोर ग्योकुरेसले दुई तथा बुकायो साकाले एक गोल गरे । यो नतिजापछि आर्सनलको ३५ खेलबाट ७६ अंक भएको छ । म्यानचेस्टर सिटी ७० अंकमा दोस्रो स्थानमा छ र उसले दुई खेल कम खेलेको छ । अर्को खेलमा ब्रेन्टफोर्डले वेस्ट ह्यामलाई ३–० ले हरायो र यसले वेस्ट ह्यामाथि रेलिगेसन दबाब बढेको छ । वेस्ट ह्याम ३६ अंकमा १७ औं स्थानमा छ र उसको ठीक पछाडि रहेको टोटनहमसामु रेलिगेसन क्षेत्र छाड्ने अवसर बनेको छ । अन्य खेलमा न्युकासल युनाइटेडले ब्राइटनमाथि ३–१ जित दर्ता गर्‍यो भने उल्भ्स र सन्डरल्यान्डले १–१ को बराबरी खेले ।

आर्सनललाई राहत वेस्ट ह्यामलाई गाह्रो

चेन्नाइ सुपर किंग्सले इन्डियन प्रिमियर लिग (आईपीएल) २०२६ मा मुम्बई इन्डियन्समाथि शनिबार यो सिजनको दोस्रो जित निकालेको छ । यस आठ विकेटको जितले चेन्नाइको आठ अंक भएको छ र छैटौं स्थानमा रह्यो । मुम्बई भने चार अंकमा सीमित छ र प्रतियोगिताबाट बाहिरिने सम्भावनामा पुगेको छ । चेन्नाईमा मुम्बईले पहिले ब्याटिङ गर्दै सात विकेटमा १ सय ५९ रन बनाएको थियो र त्यसमा नमन धिरले सर्वाधिक ५७ रन बनाए । जवाफमा कप्तान ऋतुराज गायकवाडको ६७ र कार्तिक शर्माको ५४ रनको मदतले चेन्नाइले १८.१ ओभरमा दुई विकेट मात्र गुमाएर १ सय ६० रन बनायो ।

Nepalsports

⚽ Upcoming Matches

🎖 Recent Matches

📰 Recent News

Nepalsports