Tribhuwan Army FC

काठमाडौं। नेपालले एसियन गेम्स पुरुष क्रिकेट छनोटको फाइनलमा हङकङलाई पराजित हराउँदै नेपाल च्याम्पियन बनेको छ। वर्षाको कारण खेल रोकिएपछि नेपाल डकवर्थ लेविस स्टर्न पद्दतिका अनुसार नेपाल १९ रनले विजयी भएको हो। हङकङले दिएको १८९ रनको लक्ष्य पछ्याएको नेपालले ११.३ ओभरमा २ विकेटमा ११४ रन बनाएको अवस्थामा बर्षाले खेल रोकिएको थियो। नेपालका ओपनर कुशल भुर्तेलले ४० बलमा ८ चौका र ३ छक्कासहित उनले ६५ रन बनाए। कुशल र रोहित पौडेलले दोस्रो विकेटका लागि ६३ रनको साझेदारी गरे। रोहित ३५ र एक सयौं टी-२० आई खेलिरहेका कप्तान दीपेन्द्र सिंह ऐरी ९ रनमा नटआउट रहँदा खेल रोकिएको थियो। त्यसअघि पहिला ब्याटिङ गरेको हङकङले २० ओभरमा ७ विकेट गुमाउँदै १८८ रन बनाएका छ। नेपालका लागि शेर मल्ल ४, करण केसीले २ र सन्दीप लामिछानेले १ विकेट लिए। हङकङका लागि अंशुमन रथले ८०, सहिद वासिफले ५५, शिव माथुरले २६ रन बनाए। नेपाल र हङकङसहित ओमान र मलेसिया पनि यसै वर्ष जापानमा हुने २०औं एसियाली खेलकुदका लागि छनोट भैसकेका छन्।

अपराजित रहँदै नेपाल च्याम्पियन

काठमाडौं। एसियन गेम्स पुरुष क्रिकेट छनोट प्रतियोगिताको फाइनलमा नेपाल र हङकङ भिड्दै छन्। सिंगापुरमा हुने याे खेल मध्याह्न १२: १५ बजे सुरु हुनेछ। जारी प्रतियोगितामा नेपाल र हङकङ दुवै टोली अपराजित रहँदै फाइनल यात्रा तय गरेका हुन्।&nbsp; आइतबार सम्पन्न पहिलो सेमिफाइनलमा नेपालले ओमानलाई ८ विकेटले हराउँदै फाइनल यात्रा तय गरेको थियो भने हङकङले मलेसियालाई ६ विकेटले हराउँदै फाइनलमा पुगेको हो। नेपालले समूह चरणको पहिलो खेलमा चीनलाई २२१ रन र दोस्रो खेलमा मलेसियालाई १६७ रनको अन्तरले पराजित गरेको थियो।

नेपाल र हङकङ प्रतिस्पर्धा गर्दै

विश्वकप समूह ‘इ’ : जर्मनी अर्को निराशाबाट जोगिएला ?

एलेक्जान्डर जेभेरेभले आइतबार इटालीका फ्लाभिओ कोबोलीमाथि पाँच सेटको नाटकीय जित निकाल्दै फ्रेन्च ओपन २०२६ को उपाधि जितेका छन् । उनको खेल जीवनको यो पहिलो ग्रान्ड स्लाम उपाधि हो । यसअघिका तीन ग्रान्ड स्लाम फाइनलमा उनी लगातार पराजित रहेका थिए र यसक्रममा उनलाई अभाग्यशाली खेलाडी भन्न सुरु भएको थियो । रोलान्ड ग्यारोसमा भएको फाइनलमा दोस्रो वरीयताका जर्मन खेलाडी ६–१, ४–६, ६–४, ६–७ र ६–१ ले विजयी रहे । फाइनल चार घण्टा १६ मिनेट चलेको थियो । दसौं वरीयताका कोबोलीले भने पहिलो पटक ग्रान्ड स्लामको फाइनल खेलेका थिए र उनको तुलनामा जेभेरेभ उपाधिको हकदार पनि रहे ।

जेभेरेभ बने फ्रेन्च ओपन च्याम्पियन

काठमाडौं। तेस्रो संस्करणको एसियन ई–लर्निङ ‘जयकुमारनाथ शाह स्मृति’ यु–१६ इन्टरस्कुल क्रिकेट प्रतियोगिताको सेमिफाइनल समीकरण पूरा भएको छ। माथिल्लो मूलपानी क्रिकेट मैदानमा आइतबार सम्पन्न दुई क्वाटरफाइनल खेलसँगै अन्तिम चारमा पुग्ने टोलीको टुंगो लागेको हो। सोमबार हुने पहिलो सेमिफाइनलमा डीएभी सुशील केडिया विश्व भारती स्कुल र जेम्स स्कुल आमनेसामने हुनेछन् भने दोस्रो सेमिफाइनलमा सैनिक आवासीय महाविद्यालय र नेपाल पुलिस स्कुलबीच प्रतिस्पर्धा हुनेछ। आइतबार सम्पन्न तेस्रो क्वाटरफाइनल खेलमा जेम्स स्कुलले मोक्षदा स्कुललाई १० विकेटले पराजित गर्दै सेमिफाइनलमा स्थान सुरक्षित गर्‍यो। मोक्षदाले दिएको ९६ रनको लक्ष्य जेम्सले कुनै विकेट नगुमाई ९.५ ओभरमै पूरा गर्‍यो। जेम्सले ९७ रन बनाउँदा स्वराज चौलागाईं ३० बलमा ४ चौका र १ छक्काको मद्दतमा ३८ रनमा अविजित रहे भने सुदिश पौडेल ३० बलमा ७ चौका प्रहार गर्दै ४३ रनमा अविजित रहे। अलराउन्ड प्रदर्शन गरेका स्वराज चौलागाईं ‘पिक पोइन्ट प्लेयर अफ द म्याच’ घोषित भए। त्यसअघि टस जितेर ब्याटिङ गरेको मोक्षदा स्कुलले निर्धारित २० ओभरमा ९ विकेट गुमाएर ९५ रन बनाएको थियो। मोक्षदाका लागि ऋषुशाहा सुबेदीले अविजित ५१ रन बनाए। नेम्स योञ्जनले १२ तथा सुयोग्य शाहले ८ रन जोडे। जेम्सका प्रचेत लाखोटियाले ४ ओभरमा १० रन खर्चेर ३ विकेट लिए। स्वराज चौलागाईंले ३ विकेट हात पारे भने प्रगव पाण्डे र रमन महेसेथले समान १/१ विकेट लिए। अन्तिम क्वाटरफाइनलमा नेपाल पुलिस स्कुलले रत्न राज्य माध्यमिक विद्यालयलाई ५० रनले पराजित गर्दै सेमिफाइनलमा स्थान बनायो। १४५ रनको लक्ष्य पछ्याएको रत्न राज्य १७.१ ओभरमा ९४ रनमै अलआउट भयो। रत्न राज्यका उदयकुमार मण्डलले सर्वाधिक ३१ रन बनाए भने सकिन्द्र यादवले १५ तथा रविकिशनकुमार गुप्ताले १४ रन जोडे। अन्य ब्याटरले उल्लेखनीय प्रदर्शन गर्न सकेनन्। पुलिसका सुजित यादवले उत्कृष्ट बलिङ गर्दै ४ विकेट लिए। सागर सिंहले ३ तथा प्रियान्शुकिशोर राउतले २ विकेट हात पारे। सुजित ‘पिक पोइन्ट प्लेयर अफ द म्याच’ घोषित भए। त्यसअघि टस जितेर पहिले ब्याटिङ गरेको पुलिस स्कुलले निर्धारित २० ओभरमा ८ विकेट गुमाएर १४४ रन बनाएको थियो। पुलिसका सुनिल ठाकुरले २५, प्रियान्शुकिशोर राउतले २२ तथा श्यामबाबु ठाकुरले २० रनको योगदान दिए। राजप्रताप यादव र प्रिन्सराज यादवले समान १४ रन जोडे। अतिरिक्तबाट टोलीले २३ रन प्राप्त गरेको थियो। रत्न राज्यका आयुष पाण्डे र बिकेश तामाङले समान ३–३ विकेट लिए भने दिपेश थापाले १ विकेट हात पारे। यसअघि शनिबार सम्पन्न क्वाटरफाइनल खेलमा डीएभी सुशील केडिया विश्व भारती स्कुलले केएमसी स्कुललाई ९४ रन तथा सैनिक आवासीय महाविद्यालयले अपी स्कुललाई १ विकेटले पराजित गर्दै सेमिफाइनलमा स्थान सुरक्षित गरेका थिए। प्रतियोगिताको फाइनल खेल मंगलबार हुनेछ। काठमाडौं जिल्ला क्रिकेट संघको आयोजनामा जेठ १९ गतेदेखि सुरु भएको प्रतियोगितामा २४ टोलीको सहभागिता रहेको छ। प्रतियोगिताको विजेताले १ लाख ५० हजार रुपैयाँ तथा उपविजेताले ७५ हजार रुपैयाँ पुरस्कार प्राप्त गर्नेछन्। प्रतियोगिताको मुख्य प्रायोजक एसियन ई–लर्निङ प्रालि रहेको छ भने सहप्रायोजकमा ई–सेवा रहेको छ। एसोसिएट प्रायोजकका रूपमा लाइफ इन्स्योरेन्स कर्पोरेसन (नेपाल) लिमिटेड र प्रभु बैंक लिमिटेड रहेका छन्। प्रतियोगिता सम्पन्न गर्न सांग्रिला डेभलपमेन्ट बैंक लिमिटेड, एभरेष्ट बैंक लिमिटेड, डार्क फ्यान्टासी चोको रोल्स, आयुष इन्टरनेसनल ओभरसिज सर्भिसेज प्रालि, पिक पोइन्ट एकेडेमी, ग्यालेक्सी पब्लिक स्कुल, गरिमा विकास बैंक लिमिटेड, सिद्धार्थ प्रिमियम इन्स्योरेन्स लिमिटेड, माछापुच्छ्रे बैंक लिमिटेड, डीएभी स्कुल, यती एयरलाइन्स, लकर रुम, हिमालयन बैंक लिमिटेड, एक्स्ट्रिम इनर्जी ड्रिंक, पाइलट पेन, होप हस्पिटल र लोकल थकालीले सहयोग गरेका छन्।

यु–१६ इन्टरस्कुल क्रिकेट: सेमिफाइनलमा डीएभी र जेम्स तथा सैनिक र पुलिस स्कुल खेल्ने

विश्वकप समूह ‘ए’ : इतिहास रच्ने लक्ष्यमा मेक्सिकोसहित चार टोली

काठमाडौं। तेस्राे संस्करणकाे एसियन ई–लर्निङ ‘जयकुमारनाथ शाह स्मृति’ यु–१६ अन्तरस्कुल क्रिकेट प्रतियोगिता २०२६ अन्तर्गत आइतबार सम्पन्न क्वाटरफाइनल खेलमा जेम्स स्कुलले मोक्षदा स्कुललाई १० विकेटले पराजित गर्दै सेमिफाइनलमा स्थान सुरक्षित गरेको छ। मोक्षदाले दिएकाे ९६ रनको लक्ष्य पछ्याएको जेम्सले कुनै विकेट नगुमाई मात्र ९.५ ओभरमा ९७ रन बनाउँदै शानदार जित हात पार्यो। स्वराज चौलागाईं ३० बलमा ४ चौका र १ छक्कासहित ३८ रनमा अविजित रहे भने सुदिश पौडेलले ३० बलमा ७ चौकाको मद्दतमा अविजित ४३ रन बनाए। अलराउन्ड प्रदर्शन गरेका स्वराज चौलागाईं 'पिक पाेइन्ट प्लेयर अफ द म्याच' घोषित भए। यो जितसँगै जेम्स स्कुल प्रतियोगिताको सेमिफाइनलमा प्रवेश गरेको छ। अब फाइनल प्रवेशकाे लागि डीएभी सुशील केडिया विश्व भारती स्कुलसँग साेमबार खेल्छ। आजै हुने अन्तिम क्वाटरफाइनलमा नेपाल पुलिस स्कुलले रत्नराज्य माध्यमिक विद्यालयसँग खेल्नेछ। त्यसअघि माथिल्लो मूलपानी क्रिकेट मैदानमा टस जितेर पहिले ब्याटिङ गरेको मोक्षदा स्कुलले निर्धारित २० ओभरमा ९ विकेट गुमाएर ९५ रन बनाएको थियो। मोक्षदाका लागि ऋषुशाहा सुबेदीले अविजित ५१ रनको योगदान दिए। नेमस योञ्जनले १२ तथा सुयोग्य शाहले ८ रन जोडे। जेम्सका प्रचेत लाखोटियाले उत्कृष्ट बलिङ गर्दै ४ ओभरमा १० रन खर्चेर ३ विकेट लिए। स्वराज चौलागाईंले ३ विकेट हात पारे भने प्रगव पाण्डे र रमन महेसेथले समान १–१ विकेट लिए।

जेम्स स्कुल सेमिफाइनलमा

काठमाडौं। जापनमा आयाेजना हुने एसिन गेम्सकाे पुरुष क्रिकेट छनाेट खेलमा नेपालले ओमानविरुद्ध उत्कृष्ट प्रदर्शन गर्दै ८ विकेटको सहज जित दर्ता गरेको छ। ओमानले दिएको ९५ रनको सामान्य लक्ष्य नेपालले मात्र ९.२ ओभरमा २ विकेट गुमाएर पूरा गर्यो। नेपालका लागि लोकेश बमले अविजित ४४ रनको &nbsp;इनिङ्स खेले। उनले २६ बलमा ७ चौका र १ छक्का प्रहार गरे। तेस्रो नम्बरमा आएका रोहित पौडेल २१ रनमा अविजित रहे। ओपनर कुशल भुर्तेलले आक्रामक ब्याटिङ गर्दै ८ बलमा २० रन बनाए भने आसिफ शेखले १ रन जोडे। ओमानका लागि समिर ओथमानले २ विकेट लिए। त्यसअघि टस जितेर ब्याटिङ गरेको ओमान १९.४ ओभरमा ९४ रनमा समेटिएको थियो। ओमानका कप्तान सुफियान महमुदले सर्वाधिक ३८ रन बनाए भने जुबैर अल बलुशीले २२ रन जोडे। नेपालका लागि करण केसीले उत्कृष्ट बलिङ गर्दै ४ ओभरमा २० रन खर्चेर ३ विकेट लिए। सन्दीप लामिछाने र सोमपाल कामीले समान २–२ विकेट लिए भने कुशल मल्ला, दीपेन्द्रसिंह ऐरी र शाहब आलमले १–१ विकेट हात पारे। यो जितसँगै नेपालले फाइनलमा प्रवेश गरेकाे छ। नेपालले अब फाइनलमा हङकङ र मलेसियाबीचकाे विजेतासँग खेल्नेछ।

ओमानलाई ८ विकेटले हराउँदै नेपाल फाइनलमा

फिफा विश्वकप समूह ‘डी’ : आयोजक अमेरिकाको भाग्य परिक्षणमा परिचित प्रतिद्धन्द्धी

काठमाडौं। अन्तर्राष्ट्रिय मैत्रीपूर्ण फुटबल खेलमा पोर्चुगलले चिलीलाई २–१ गोलले पराजित गरेको छ। पहिलो हाफ गोलरहित बराबरीमा सकिएको खेलमा पोर्चुगलले दोस्रो हाफमा दुई गोल गर्‍यो। खेलको ५८औँ मिनेटमा गोन्सालो गुएडेसले रुबेन नेभेसको पासमा गोल गर्दै पोर्चुगललाई अग्रता दिलाए। त्यसपछि ७५औँ मिनेटमा ब्रुनो फर्नान्डेसले गोल गर्दै पोर्चुगलको अग्रता दोब्बर बनाए। खेलको इन्जुरी समयमा चिलीका लुकास सेपेडाले एक गोल फर्काए पनि टोलीलाई हारबाट जोगाउन सकेनन्। उनले ९२औँ मिनेटमा फेलिपे मेन्देजको पासमा गोल गरेका थिए। खेलको पहिलो हाफको इन्जुरी समयमा पोर्चुगलका राफाएल लियाे र चिलीका इभान रोमानबीच विवाद भएपछि दुवै खेलाडीले रातो कार्ड पाएर मैदान छाडेका थिए। क्रिस्टियानो रोनाल्डोले पहिलो हाफ खेलेका थिए भने दोस्रो हाफको सुरुआतमै उनलाई गोन्सालो गुएडेसले प्रतिस्थापन गरेका थिए। यो जितसँगै पोर्चुगलले फिफा विश्वकपकाे लागि तयार रहेकाे संकेत गरेकाे छ।

मैत्रीपूर्ण खेलमा पोर्चुगल विजयी

समूह ‘सी’ मा ब्राजिल र मोरक्कोले सबैको ध्यान तान्दा स्कटल्यान्ड र हाइटीको पुनरागमन

पाँचौं काठमाडौं महानगरपालिका वडा नं.४ स्तरीय दौड प्रतियोगिताको उपाधि कृष्ण राई र अन्जु बुढाले जितेका छन् । शनिबार सम्पन्न ५ किमि दौडमा कृष्णले पुरुष र अन्जुले महिलातर्फ उपाधि जितेका हुन् । काठमाडौं वडा नं.४ द्वारा आयोजित दौड प्रतियोगितामा कृष्णले १९ मिनेट ५६ सेकेन्डमा दूरी पार गर्दै सफलता हात पारेका हुन् । रमेश सिंह २० मिनेट ३२ सेकेन्डसाथ दोस्रो तथा रावल तिनवा २० मिनेट ३६ सेकेन्डसहित तेस्रोमा रहे । अन्जुले २१ मिनेटमा ५ किमि पूरा गर्दै महिलातर्फ पहिलो स्थान हासिल गरेकी हुन् । गोमा राई २१ मिनेट २७ सेकेन्डसहित दोस्रो भइन् भने जानकी श्रेष्ठले ३८ मिनेट ५ सेकेन्डसाथ तेस्रो स्थान हासिल गरिन् । तीन किमि छात्रतर्फ धुम्रवराह माविका सुमन तामाङ (११ मिनेट २० सेकेन्ड) पहिलो, बाँसबारी माविका राजेश शाही (११ मिनेट २४ सेकेन्ड) दोस्रो र सलमान शेख (११ मिनेट २८ सेकेन्ड) तेस्रो भए । छात्रातर्फ न्युटन स्कुलका अनिता बुढा (१४ मिनेट ४२ सेकेन्ड) पहिलो, बाँसबारी माविका महिमा राई (१५ मिनेट ५ सेकेन्ड) दोस्रो र स्मृति महतरा (१५ मिनेट १३ सेकेन्ड) तेस्रोमा रहे । त्यस्तै, ३ किमि भेट्रान (५५ वर्षमाथि) पुरुषतर्फ ६१ वर्षीय रविनजंग थापा (१४ मिनेट ६ सेकेन्ड) पहिलो, निरज पौडेल (१५ मिनेट ९ सेकेन्ड) दोस्रो र मिलन ढकाल (१५ मिनेट ३२ सेकेन्ड) तेस्रो भए । महिलातर्फ ५९ वर्षीया शान्ता गौतम (२० मिनेट ५७ सेकेन्ड), ६५ वर्षीया तिलादेवी खनाल (२१ मिनेट १० सेकेन्ड) र ६७ वर्षीया लक्ष्मी लम्साल २२ मिनेट ९ सेकेन्ड) शीर्ष तीनमा रहे । कुल एक लाख आठ हजार रुपिया पुरस्कारको प्रतियोगितामा कामपा ४ का वडाध्यक्ष दिनेश महर्जनका अनुसार प्रतियोगितामा खुला, विद्यार्थी र भेट्रनका ६ स्पर्धामा चार सय बढी धावक सहभागि थिए । वडाध्यक्ष महर्जनसहित अथितिहरूले नगद पुरस्कार, मेडल तथा प्रमाणपत्र प्रदान गरेका थिए । ५ किमि दौड विशालनगरस्थित विशाल मिलन केन्द्रबाट सुरु भई चण्डौल, फिनल्यान्ड दूतवास, खहरे, धुमवाराही चौक, शंख पार्क, लामटंगिन मार्ग, चुनदेवी, पञ्चकन्या टुँडालदेवी हुँदै पुनः विशाल मिलन केन्द्र पुगेर टुंगिएको थियो । ३ किमि दौड पनि विशाल मिलन केन्द्रबाटै प्रारम्भ भएर टुँडालदेवी, कालिबुढी चौक, पञ्चकन्या, चुनदेवी, गणेश वस्ती, अरुणा लामा मार्ग, ढुंगेधारा हुँदै विशाल मिलन केन्द्र फर्केर सकिएको थियो ।

कामपा ४ दौडमा कृष्ण र अन्जुलाई उपाधि

आठौं वरीयताकी रुसी खेलाडी मिरा आन्द्रेभाले शनिबार क्वालिफायर माजा चावलिन्स्कीलाई ६–३ र ६–२ ले हराएर फ्रेन्च ओपन २०२६ को उपाधि जितेकी छिन् । रोलान्ड ग्यारोसमा भएको फाइनलमा आन्द्रेभाले उत्कृष्ट प्रदर्शन गर्दै खेल आफ्नो पक्षमा पारेकी हुन् । उनले पहिलो पल्ट ग्रान्ड स्लाम उपाधि जितेकी हुन् । यस्तै उनी ग्रान्ड स्लाम प्रतियोगिताको फाइनल पुगेको पनि यो पहिलो पटक हो । पोलिस १ सय १४ औं वरीयताकी खेलाडी चावलिन्स्कीले फाइनलमा बलियो चुनौती पेस गर्न सकिनन् । अर्कोतर्फ १९ वर्षीया आन्द्रेभा सन् १९९२ यता फ्रेन्च ओपन जित्ने सबैभन्दा कान्छि खेलाडी पनि भएकी छिन् । सन् १९९२ मा मोनिका सेलेसले १८ वर्षको उमेरमा यो उपाधि जितेकी थिइन् ।

आन्द्रेभाले जितिन् फ्रेन्च ओपन

भारतले शनिबार छैटौं पल्ट वुमेन्स साफ च्याम्पियनसिपको उपाधि जित्ने क्रममा दुई पल्टको डिफेन्डिङ बंगलादेशलाई ३–१ ले पराजित गरेको छ । पण्डित जवाहरलाल नेहरु स्टेडियममा भाएको फाइनलमा भारतका लागि प्यारी सासा, सनफिदा र लिन्डाले एक एक गोल गरिन् । बंगलादेशका लागि ऋतुपोर्ना चक्माले एक गोल फर्काइन् । समूह चरणमा पनि भारतले बंगलादेशलाई ३–० ले हराएको थियो । पहिलो संस्करणदेखि पाँचौं संस्करणसम्म लगातार उपाधि जितेको भारत अहिले नवौं संस्करणमा आएर घरेलु मैदानमा फेरि विजेता बनेको छ । त्यसबीच भने बंगलादेश दुई पल्ट च्याम्पियन भएको हो । उसले पछिल्लो दुई संस्करण जितेको थियो । सन् २०१६ को फाइनलमा पनि भारतले बंगलादेशलाई नै हराएको हो ।

भारत फेरि वुमेन्स साफ च्याम्पियन

काठमाडौं। रसुवाको गोसाइँकुण्ड गाउँपालिकाअन्तर्गत पर्ने क्यान्जेन गुम्बादेखि स्याफ्रुबेसीसम्मको ३२ किलोमिटर दूरीमा आयोजित ‘लाङटाङ ट्रेल रन–२०२६’ मा पुरुषतर्फ मिलन कुलुङ र महिलातर्फ अन्जुली गुरुङले उपाधि जितेका छन्। रसुवा–नुवाकोट पर्यटन समाजको आयोजना तथा बागमती प्रदेश संस्कृति तथा पर्यटन मन्त्रालयको सहयोगमा सम्पन्न प्रतियोगितामा १०६ खेलाडी सहभागी थिए। सहभागीमध्ये १८ महिला र ८८ पुरुष खेलाडी रहेका थिए। पुरुषतर्फ मिलन कुलुङले २ घण्टा १६ मिनेट ४३ सेकेन्डमा दौड पूरा गर्दै पहिलो स्थान हासिल गरे। धिरबहादुर बुढा २ घण्टा १८ मिनेट ४७ सेकेन्डसहित दोस्रो तथा विशाल राई २ घण्टा २० मिनेट ०२ सेकेन्डसहित तेस्रो भए। यस्तै, गोपाल तामाङ चौथो र चन्द्र रावत पाँचौँ स्थानमा रहे। महिलातर्फ अन्जुली गुरुङले ४ घण्टा ४५ मिनेट ०३ सेकेन्डमा दौड पूरा गर्दै उपाधि जितिन्। सुरक्षा तामाङ ४ घण्टा ५९ मिनेट ३५ सेकेन्डसहित दोस्रो भइन्। अस्ट्रियाकी खेलाडी आना लेना फर्टनरले ५ घण्टा ०९ मिनेट १४ सेकेन्डमा दौड पूरा गर्दै तेस्रो स्थान हासिल गरिन्। गीता महर्जन चौथो तथा सोनु पौडेल पाँचौँ स्थानमा रहिन्।

लाङटाङ ट्रेल रनको उपाधि कुलुङ र गुरुङलाई

काठमाडौं। काठमाडौं जिल्ला क्रिकेट संघको आयोजनामा जारी तेस्रो संस्करणको एसियन ई–लर्निङ ‘जयकुमारनाथ शाह स्मृति’ यु–१६ इन्टरस्कुल क्रिकेट प्रतियोगितामा डीएभी सुशील केडिया विश्व भारती स्कुल र सैनिक आवासीय महाविद्यालय सेमिफाइनलमा प्रवेश गरेका छन्। माथिल्लो मूलपानी क्रिकेट मैदानमा शनिबार सम्पन्न पहिलो क्वाटरफाइनल खेलमा डीएभीले केएमसी स्कुललाई ९४ रनले पराजित गर्दै अन्तिम चारमा स्थान सुरक्षित गर्यो। टस जितेर पहिले ब्याटिङ गरेको डीएभीले निर्धारित २० ओभरमा ७ विकेट गुमाएर १५७ रन बनाएको थियो। टोलीका लागि आरुष झाले ४६ बलमा ६ चौका र १ छक्कासहित सर्वाधिक ५९ रन बनाए। कमल शाहीले ४१ तथा प्रसिद्ध जैशीले १८ बलमा २६ रनको योगदान दिए। केएमसीका श्रीजल भट्टले २ तथा अमितकुमार दासले १ विकेट लिए। १५८ रनको लक्ष्य पछ्याएको केएमसी १३.२ ओभरमा ६३ रनमा समेटियो। अमितकुमार दासले १५ तथा विधान सापकोटाले ११ रन बनाए पनि टोलीलाई जिततर्फ डोर्‍याउन सकेनन्। डीएभीका कुञ्जन आचार्यले उत्कृष्ट बलिङ गर्दै ४ ओभरमा १७ रन खर्चेर ६ विकेट लिए। केशव अग्रवाल, तनिष शाह, प्रसिद्ध जैशी र कमल शाहीले समान १–१ विकेट हात पारे। कुञ्जन आचार्य ‘पिक प्वाइन्ट प्लेयर अफ द म्याच’ घोषित भए। यस्तै शनिबार सम्पन्न दोस्रो क्वाटरफाइनलमा सैनिक आवासीय महाविद्यालयले अपी स्कुललाई १ विकेटले पराजित गर्दै सेमिफाइनल यात्रा तय गर्यो। टस जितेर पहिले ब्याटिङ गरेको अपी स्कुल १९.२ ओभरमा ८३ रनमा अलआउट भयो। अपीका युगान्त कार्कीले सर्वाधिक ३४ रन बनाए भने कुसुम प्रसालले १२ रन जोडे। सैनिक आवासीयका आभाष केसीले ३ तथा सफल पौडेलले २ विकेट लिए। ८४ रनको लक्ष्य पछ्याएको सैनिक आवासीयले निकै रोमाञ्चक खेलमा १९.५ ओभरमा ९ विकेट गुमाएर लक्ष्य पूरा गर्यो। सुशान्त नेपालले २४ तथा आभाष केसीले अविजित २० रन बनाए। अन्तिम समयमा शुभव बिष्टले ३ बलमा अविजित ९ रन जोड्दै टोलीलाई रोमाञ्चक जित दिलाए। अपीका एकेन्द्र बुढाले ३ तथा सृजल कार्कीले २ विकेट लिए। आभाष केसी ‘पिक प्वाइन्ट प्लेयर अफ द म्याच’ घोषित भए। डीएभीले अब सेमिफाइनलमा मोक्षदा स्कुल र जेम्स स्कुलबीचकाे विजेतासँग साेमबार खेल्नेछ। यस्तै, सैनिकले नेपाल पुलिस स्कुल र रत्नराज्य माध्यमिक विद्यालयबीचकाे विजेतासँग खेल्नेछ। आगामी जेठ २६ गतेसम्म सञ्चालन हुने प्रतियोगितामा २४ टोलीको सहभागिता रहेको छ। प्रतियोगिताको विजेताले १ लाख ५० हजार रुपैयाँ तथा उपविजेताले ७५ हजार रुपैयाँ पुरस्कार प्राप्त गर्नेछन्।&nbsp; प्रतियोगिताको मुख्य प्रायोजक एसियन ई–लर्निङ प्रालि रहेको छ भने सह–प्रायोजकमा ई–सेवा रहेको छ। एसोसिएट प्रायोजकका रूपमा लाइफ इन्स्योरेन्स कर्पोरेसन (नेपाल) लिमिटेड र प्रभु बैंक लिमिटेड रहेका छन्। साथै विभिन्न बैंक, शैक्षिक संस्था तथा व्यावसायिक प्रतिष्ठानहरूले प्रतियोगिता सञ्चालनमा सहयोग पुर्‍याएका छन्। प्रतियोगिता सम्पन्न गर्न सांग्रिला डेभलपमेन्ट बैंक लिमिटेड, एभरेष्ट बैंक लिमिटेड, डार्क फ्यान्टासी चोको रोल्स, आयुष इन्टरनेशनल ओभरसिज सर्भिसेज प्रा.लि, पिक पोइन्ट एकेडेमी, ग्यालेक्सी पब्लिक स्कूल, गरिमा विकास बैंक लिमिटेड, सिद्धार्थ प्रिमियम इन्स्योरेन्स लिमिटेड, माछापुच्छ्रे बैंक लिमिटेड, डीएभी स्कूल, यती एयरलाइन्स, लकर रुम, हिमालयन बैंक लिमिटेड, एक्स्ट्रिम इनर्जी ड्रिंक,पाईलट पेन, होप हस्पिटल &nbsp;र लोकल थकालीको सहयोग रहेको आयोजकले जनाएको छ।

डीएभी र सैनिक आवासीय सेमिफाइनलमा

घरेलु मैदानमा इतिहास बनाउने सहआयोजक क्यानाडाको लक्ष्य

काठमाडौं। साविक विजेता बागमती प्रदेशले १६ औं केन्द्रीय राष्ट्रपति रनिङ सिल्ड खेलकुद प्रतियोगिताको उपाधि शुक्रबार जितेको छ। विभिन्न ६ खेल समावेश प्रतियोगितामा २२ स्वर्ण, २१ रजत र १३ कांस्य जित्दै बागमती उपाधि रक्षा गर्न सफल भयो। राष्ट्रिय खेलकुद परिषद् (राखेप) को आयोजना तथा प्रदेश खेलकुद विकास परिषद्, बागमती प्रदेश र नेपालय इन्टरनेसनल प्रा.लि. को सह–आयोजनामा भएको प्रतियोगितामा सुदूरपश्चिम प्रदेश दोश्रो भयो।&nbsp; सुदूरपश्चिमले १९ स्वर्ण, ९ रजत र १४ कांस्य हात पा¥यो। १२ स्वर्ण, १५ रजत र १८ कांस्य जितेको लुम्बिनी प्रदेश तेश्रो बन्यो। ५ स्वर्ण, २ रजत र १८ कांस्यसाथ गण्डकी प्रदेश चौथो, ४ स्वर्ण, ७ रजत र १७ कांस्यसाथ कोशी प्रदेश पाँचौ, ३ स्वर्ण, ६ रजत र ६ कांस्यसाथ मधेश प्रदेश छैटौं तथा २ स्वर्ण, ५ रजत र १२ कांस्यसाथ कर्णाली प्रदेश सातौं स्थानमा रहे। तीनदिने प्रतियोगितामा सात प्रदेशबाट ६ सय ८६ खेलाडीले एथलेक्टिस, भलिबल, कबड्डी, तेक्वान्दो, कराते र उसुमा प्रतिस्पर्धा गरेका थिए। विजेतालाई राखेपका सदस्य–सचिव रामचरित्र मेहता, शिक्षा तथा खेलकुद मन्त्रीका प्रमुख सल्लाहकार सिद्धी व्यञ्जनकार र सल्लाहकार राजु सिंहलगायतले एक कार्यक्रमबीच पुरस्कृत गरे। पदक विजेतालाई करिब १२ लाख नगद पुरस्कार वितरण गरिएको प्रतियोगिता व्यवस्थापन तथा सञ्चालन समितिका सचिव मीनकुमार शर्माले जनाएका छन्। प्रतियोगिताको १७ औं संस्कारण कोशी प्रदेशमा फागुन १९ देखि २२ गतेसम्म हुने भएको छ। बुधबार भएको उद्घाटन समारोहमा राष्ट्रपति रामचन्द्र पौडेलले प्रदेश खेलकुद विकास बोर्ड, कोशीका सदस्य–सचिव विप्लव घोषलाई प्रतियोगिता आयोजनाका लागि झण्डा हस्तान्तरण गरेका थिए।

बागमती टिम च्याम्पियन

फ्रेच्न ओपन २०२६ को पुरुष एकलको फाइनलमा एलेजान्डर जेभेरेभ र फ्लाभिओ कोबोली भिड्ने भएका छन् । फाइनल आइतबार हुनेछ । उनले शुक्रबार भएको सेमिफाइनलमा जाकुब मेनसिकलाई चार सेटमा ७–५, ६–२, ३–६, ६–३ र ६–३ ले पराजित गरे । अब जेभेरेभले आफ्नो खेल जीवनसामु पहिलो ग्रान्ड स्लाम जित्न सक्ने छन् र फाइनलमा उपाधिका लागि बलियो प्रत्यासी पनि रहने छन् । उनी यसअघिका तीन ग्रान्ड स्लाम फाइनलमा पराजित भइसकेका छन् । कोबोली भने फाइनल प्रवेशका लागि कोर्टमै भिड्नु परेन्, उनका प्रतिद्वन्द्वी माटेओ आरनाल्डी सेमिफाइनल अगाडि विरामी परे । यस्तोमा उनले खेल परित्याग गरे र कोबोलीले वाकओभर पाए ।

उपाधि भिडन्तमा जेभेरेभ र कोबोली

काठमाडौं। काठमाडौं जिल्ला क्रिकेट संघको आयोजनामा जारी तेस्रो संस्करणको एसियन ई–लर्निङ ‘जयकुमारनाथ शाह स्मृति’ यु–१६ इन्टरस्कुल क्रिकेट प्रतियोगितामा जेम्स स्कुल र डीएभी सुशील केडिया विश्व भारती स्कुल क्वाटरफाइनलमा प्रवेश गरेका छन्। यता रत्न राज्य माध्यमिक विद्यालयले पनि पहिलाे जित दर्ता गरेको छ। समूह ‘जी’ को विजेता बन्दै जेम्स स्कुल अन्तिम आठमा पुगेको हो। तल्लो मूलपानी अन्तर्राष्ट्रिय क्रिकेट मैदानमा शुक्रबार सम्पन्न खेलमा जेम्सले लिभरपुल सेकेन्डरी स्कुललाई १० विकेटले पराजित गर्‍यो। टस जितेर पहिले ब्याटिङ गरेको लिभरपुल १३ ओभरमा ५२ रनमै अलआउट भयो। उसका लागि युवराजकुमार झाले सर्वाधिक १९ रन बनाए भने प्रणव धामीले ९ तथा अभिषेक चौहानले ७ रन जोडे। जेम्सका लागि स्वराज चौलागाईंले ३ विकेट लिए। प्रगव पाण्डेले २ विकेट हात पारे भने प्रचेत लाखोटिया, अञ्जन झा र आरव ज्ञवालीले समान १–१ विकेट लिए। ५३ रनको सामान्य लक्ष्य पछ्याएको जेम्सले मात्र ४ ओभरमा कुनै विकेट नगुमाई लक्ष्य पूरा गर्‍यो। स्वराज चौलागाईं ११ बलमा ४ चौकासहित २० रनमा अविजित रहे भने सुदिश पौडेल १३ बलमा १६ रन जोड्दै अविजित रहे। स्वराज चौलागाईं ‘पिक प्वाइन्ट प्लेयर अफ द म्याच’ घोषित भए। यता, त्रिवि क्रिकेट मैदानमा सम्पन्न अर्को खेलमा डीएभीले रेडियन्ट रिडर्स स्कुललाई १७८ रनले पराजित गर्दै समूह ‘ए’ को विजेताका रूपमा क्वाटरफाइनलमा स्थान सुरक्षित गर्‍यो। डीएभीले लगातार दोस्रो जित दर्ता गरेको हो। पहिले ब्याटिङ गरेको डीएभीले निर्धारित २० ओभरमा ३ विकेट गुमाउँदै २५८ रनको विशाल योगफल खडा गरेको थियो। प्रसिद्ध जैशीले ५४ बलमा १७ चौका र ८ छक्कासहित १५२ रनको विस्फोटक इनिङ्स खेले। आरुष झाले अविजित ८० रन बनाए भने सत्याम बस्नेतले १५ रन जोडे। २५९ रनको लक्ष्य पछ्याएको रेडियन्ट १८.३ ओभरमा ८० रनमा समेटियो। अनिल गुरुङले २७ तथा अनिल कुमार शाहले १७ रन बनाए। डीएभीका कुनजन आचार्यले ३ विकेट लिए। तनिश शाह र प्रसिद्ध जैशीले समान २–२ विकेट लिए भने कमल शाही र केशव अग्रवालले १–१ विकेट हात पारे। प्रसिद्ध जैशी ‘पिक प्वाइन्ट प्लेयर अफ द म्याच’ घोषित भए। माथिल्लो मूलपानी क्रिकेट मैदानमा सम्पन्न अर्को खेलमा रत्न राज्य माध्यमिक विद्यालयले संस्कृति इन्टरनेशनल स्कुललाई ९१ रनले पराजित गर्दै पहिलाे जित दर्ता गर्‍यो। टस जितेर पहिले ब्याटिङ गरेको रत्न राज्यले निर्धारित २० ओभरमा ५ विकेट गुमाउँदै १९३ रन बनाएको थियो। एशिक चन्दले ५२ बलमा ११ चौका र १ छक्कासहित ८१ रन बनाए भने करण चौधरीले ६६ रनको महत्वपूर्ण योगदान दिए। उदयकुमार मण्डलले २४ रन जोडे। जवाफमा संस्कृति निर्धारित २० ओभरमा ५ विकेट गुमाउँदै १०२ रनमा सीमित भयो। गर्भ बहेती ४२ रनमा अविजित रहे भने दिपांशा मान श्रेष्ठ १० रनमा अविजित रहे। रत्न राज्यका शौरभ यादव र दिपेश थापाले समान २–२ विकेट लिए भने बिकेश तामाङले १ विकेट हात पारे। एशिक चन्द ‘पिक प्वाइन्ट प्लेयर अफ द म्याच’ घोषित भए।&nbsp;<img src="https://app.nepalsportz.com/media/django-summernote/2026-06-05/548dc4f4-b855-41b4-9c2d-cb5d660dfa23.jpeg" style="width: 698px;">

Nepalsports

⚽ Upcoming Matches

🎖 Recent Matches

📰 Recent News

Nepalsports