Jawalakhel Youth Club

काठमाडौं। तेस्रो संस्करणको एसियन ई–लर्निङ ‘जयकुमारनाथ शाह स्मृति यु–१६ इन्टर स्कुल क्रिकेट प्रतियोगिता’ अन्तर्गत सम्पन्न खेलमा अपी स्कुल र केएमसी स्कुलले लगातार दोस्रो जित हासिल गर्दै क्वाटरफाइनलमा स्थान सुरक्षित गरेका छन्। साथै संस्कृति, विज्डम र अक्षरिका स्कुलले पनि जित दर्ता गरेका छन्। माथिल्लो मूलपानी क्रिकेट मैदानमा भएको दिनको पहिलो खेलमा केएमसी स्कुलले ग्यालेक्सी पब्लिक स्कुललाई ६२ रनले पराजित गर्दै लगातार दोस्रो जितसहित क्वाटरफाइनलमा प्रवेश गर्‍यो। टस जितेर पहिले ब्याटिङ गरेको केएमसीले २० ओभरमा ५ विकेट गुमाएर १८५ रन बनायो। बिदान सपकोटाले ५५ बलमा १०५ रनको शतकीय इनिङ्स खेले भने अवियनराज यादवले २४ रनको योगदान दिए। केएमसीले दिएको १८६ रनको लक्ष्य पछ्याएको ग्यालेक्सी १९.३ ओभरमा १२३ रनमै समेटियो। खुशबेन्द्र साहले ५२ रन र बाइभव नारायण साहले अविजित ३० रन बनाए पनि टोलीलाई जित दिलाउन सकेनन्। केएमसीका लागि खुशबेन्द्र साहले ३ विकेट लिए भने बिदान लुइँटेल र अमित कुमार दासले २/२ विकेट लिए। बिदान सपकोटा ‘प्लेयर अफ द म्याच’ घोषित भए। त्यसै मैदानमा अपी स्कुलले ज्ञान मन्दिरलाई १९१ रनको फराकिलो अन्तरले पराजित गर्दै लगातार दोस्रो जितसहित क्वाटरफाइनलमा स्थान सुरक्षित गर्‍यो। अपीले २० ओभरमा ३ विकेट गुमाएर २६५ रनको विशाल योगफल तयार गर्‍यो। कुसुम प्रसालले ६७ बलमा १२० रन र युगान्त कार्कीले ३५ बलमा ८२ रन बनाए। २६६ रनको लक्ष्य पछ्याएको ज्ञान मन्दिर १८ ओभरमा ७४ रनमै समेटियो। अपीका विशाल बुढा र कुसुम प्रसालले २/२ विकेट लिए। कुसुम प्रसाल ‘प्लेयर अफ द म्याच’ घोषित भए। तल्लो मूलपानी क्रिकेट मैदानमा विज्डम इङ्ग्लिस एकेडेमीले क्लिन्टन स्कुललाई ४१ रनले पराजित गर्‍यो। विज्डमले २० ओभरमा १० विकेट गुमाएर ९८ रन बनायो भने क्लिन्टन ५७ रनमै अलआउट भयो। आयुष थापाले ७ विकेट लिँदै उत्कृष्ट प्रदर्शन गरे र ‘प्लेयर अफ द म्याच’ बने। सोही मैदानमा संस्कृति इन्टरनेसनल स्कुलले अक्षरा स्कुललाई ५ विकेटले पराजित गर्‍यो। अक्षराले दिएको ११५ रन पछ्याएको संस्कृतिले १८.२ ओभरमा ५ विकेट गुमाउँदै लक्ष्य पूरा गर्‍यो। खेलमा गेबान्शजंग लामिछानेले अविजित ६४ रनको उत्कृष्ट इनिङ्स खेले र ‘प्लेयर अफ द म्याच’ बने। त्रिभुवन विश्वविद्यालय अन्तर्राष्ट्रिय क्रिकेट मैदानमा अक्षरिका स्कुलले लिभरपुल सेकेन्डरी स्कुललाई ३७ रनले पराजित गर्‍यो। अक्षरिकाले दिएको १३८ रनको लक्ष्य पछ्याएको लिभरपुल १८.३ ओभरमा १०० रनमै समेटियो। अक्षरिका आर्यन शाह ‘प्लेयर अफ द म्याच’ बने। त्यसै मैदानमा द सेलिब्रेसन सहशिक्षा विद्यालय र पिक पोइन्ट एकेडेमीबीचको खेल वर्षाका कारण रद्द भयो। जसको कारण दुवै टोलीले एक–एक अंक बाँडे। प्रतियोगिताका सबै खेलमा ‘प्लेयर अफ द म्याच’लाई पिक पोइन्टको तर्फबाट नगद रु १ हजार ५ सय प्रदान गरिएको आयोजकले जनाएको छ। आगामी जेठ २५ गतेसम्म सञ्चालन हुने प्रतियोगितामा २४ टोलीको सहभागिता रहेको छ। प्रतियोगिताको मुख्य प्रायोजक एसियन ई–लर्निङ प्रालि रहेको छ भने सह–प्रायोजकमा ई–सेवा रहेको छ। एसोसिएट प्रायोजकका रूपमा लाइफ इन्स्योरेन्स कर्पोरेसन (नेपाल) लिमिटेड र प्रभु बैंक लिमिटेड रहेका छन्।&nbsp;

अपी र केएमसी क्वाटरफाइनलमा, संस्कृति–विज्डम र अक्षरिका पनि विजयी

काठमाडौं। एसियन गेम्स पुरुष क्रिकेट छनोटअन्तर्गत समूह ‘ए’ को खेलमा नेपालले मलेसियालाई १६७ रनको फराकिलो अन्तरले पराजित गरेको छ। सिंगापुरमा बिहीबार सम्पन्न खेलमा नेपालले पहिले ब्याटिङ गर्दै २० ओभरमा ७ विकेट गुमाएर २७५ रनको विशाल योगफल बनाएको थियो। नेपालका लागि कुशल भुर्तेलले १२६ रन र आसिफ शेखले ६८ रनको विस्फोटक इनिङ्स खेलेका थिए। नेपालले दिएकाे २७६ रनको लक्ष्य पछ्याएको मलेसिया २० ओभरमा ९ विकेट गुमाउँदै १०८ रनमै समेटियो। मलेसियाका कप्तान सैयद अजिजले सर्वाधिक ५४ रन बनाए पनि टोलीलाई जित दिलाउन सकेनन्। नेपालका शेर मल्लले ३ विकेट लिए भने सन्दीप लामिछाने, कुशल मल्ल, सोमपाल कामी, करण केसी र दीपेन्द्रसिंह ऐरीले समान १–१ विकेट लिए। याे जितसँगै समूह बिजेता बन्दै नेपाल सेमिफाइनलमा प्रवेश गरेकाे छ।&nbsp;

नेपाल १६७ रनले विजयी

काठमाडौं। तेस्रो संस्करणको एसियन ई–लर्निङ ‘जयकुमारनाथ शाह स्मृति यु–१६ इन्टर स्कुल क्रिकेट प्रतियोगिता’ अन्तर्गत बिहीबार सम्पन्न खेलमा अपी स्कुलले ज्ञान मन्दिर इङ्ग्लिस बोर्डिङ स्कुललाई १ सय ९१ रनले पराजित गर्दै लगातार दोस्रो जितसहित क्वाटरफाइनलमा स्थान सुरक्षित गरेको छ। माथिल्लो मूलपानी अन्तर्राष्ट्रिय क्रिकेट मैदानमा टस जितेर ब्याटिङ रोजेको अपीले निर्धारित २० ओभरमा ३ विकेट गुमाएर २ सय ६५ रनको विशाल योगफल तयार गरेको थियो। अपीका कुसुम प्रसालले ६७ बलमा १ सय २० रनको विस्फोटक शतकीय इनिङ्स खेले भने कप्तान युगान्त कार्कीले ३५ बलमा ८२ रन जोडे। २ सय ६६ रनको लक्ष्य पछ्याएको ज्ञान मन्दिर १८ ओभरमा ७४ रनमै समेटियो। उसका लागि सोनु कुमारले अविजित ३८ रन बनाए। अपीको जितमा विशाल बुढा र कुसुम प्रसालले समान २–२ विकेट लिए। अलराउण्ड प्रदर्शन गरेका कुसुम प्रसाल ‘प्लेयर अफ द म्याच’ घोषित भए। उनलाई पिक पोइन्टको तर्फबाट नगद १ हजार ५ सय रुपैयाँ प्रदान गरिएको थियो। यसअघि अपीले समूह ‘डी’ को पहिलो खेलमा एन्जल्स हार्ट नेसनल स्कुललाई ८ रनले पराजित गरेको थियो। लगातार दोस्रो जितसँगै अपी समूह विजेताका रूपमा क्वाटरफाइनलमा प्रवेश गरेको छ। यस्तै, अर्को खेलमा संस्कृति इन्टरनेसनल स्कुलले अक्षरा स्कुललाई ५ विकेटले पराजित गरेको छ। तल्लो मूलपानी अन्तर्राष्ट्रिय क्रिकेट मैदानमा पहिले ब्याटिङ गरेको अक्षराले १९.३ ओभरमा सबै विकेट गुमाएर ११५ रन बनाएको थियो। नेयोल राउतले सर्वाधिक ३० रन बनाए। संस्कृतिका गेबांशजंग लामिछाने, प्राञ्जल देवकोटा, प्राञ्जन शर्मा देवकोटा र गर्भ बहेतीले समान २/२ विकेट लिए। जवाफी ब्याटिङमा संस्कृतिले १८.२ ओभरमा ५ विकेट गुमाउँदै लक्ष्य पूरा गर्यो। गेबांशले अविजित ६४ रनको उत्कृष्ट इनिङ्स खेले। गेबांशजंग &nbsp;‘प्लेयर अफ द म्याच’ घोषित भए। उने पिक पोइन्टकोतर्फबाट नगद १ हजार ५ सय रुपैयाँ प्राप्त गरे। समूह एफ को यसअघिको पहिलो खेलमा अक्षराले रत्न राज्य माध्यमिक विद्यालयलाई पराजित गरेको थियो।&nbsp; त्रिभुवन विश्वविद्यालय अन्तर्राष्ट्रिय क्रिकेट मैदानमा बिहीबार सम्पन्न खेलमा अक्षारिका स्कुलले लिभरपुल सेकेन्डरी स्कुललाई ३७ रनले पराजित गर्दै प्रतियोगितामा विजयी सुरुआत गरेको छ। यसअघि पहिलो खेलमा अक्षरिका जेम्स स्कुलसँग १२५ रनले पराजित भएको थियो। टस जितेर पहिले ब्याटिङ गरेको अक्षारिकाले निर्धारित २० ओभरमा ६ विकेट गुमाएर १३७ रन बनायो। टोलीका लागि कप्तान आर्यन शाहले सर्वाधिक २७ रन बनाए भने दिव्यांश जोशी १७ रनमा अविजित रहे। अतिरिक्तबाट अक्षारिकाले ४६ रन प्राप्त गरेको थियो। जितसँगै दुई खेलम अक्षरिकाले दुई अंक जोडेको छ। १३८ रनको लक्ष्य पछ्याएको लिभरपुल १८.३ ओभरमा १०० रनमै अलआउट भयो। उसका कप्तान राजन खड्काले ३८ रनको संघर्षपूर्ण इनिङ्स खेले पनि टोलीलाई जित दिलाउन सकेनन्। अक्षारिकाको जितमा प्रशम हुमागाईं, सम्भ्रान्त लायालु र आशिष थापाले समान २–२ विकेट लिए। उत्कृष्ट प्रदर्शन गरेका आर्यन शाह ‘प्लेयर अफ द म्याच’ घोषित भए। उनले पिक पोइन्टको तर्फबाट नगद रु १ हजार ५ सय पाए। प्रतियोगिताको मुख्य प्रायोजक एसियन ई–लर्निङ प्रालि रहेको छ भने सह–प्रायोजकमा ई–सेवा रहेको छ। एसोसिएट प्रायोजकका रूपमा लाइफ इन्स्योरेन्स कर्पोरेसन (नेपाल) लिमिटेड र प्रभु बैंक लिमिटेड रहेका छन्। काठमाडौं जिल्ला क्रिकेट संघको आयोजनामा भइरहेको प्रतियोगितामा २४ विद्यालय सहभागी छन्। सहभागी टोलीलाई आठ समूहमा विभाजन गरिएको छ। प्रतियोगिता सञ्चालनमा विभिन्न बैंक, शैक्षिक संस्था तथा व्यावसायिक प्रतिष्ठानहरूको सहयोग रहेको आयोजकले जनाएको छ।

यु–१६ इन्टर स्कुल क्रिकेट : अपी क्वाटरफाइनलमा पुग्दा संस्कृति र अक्षारिका विजयी

काठमाडौं। एसियन गेम्स पुरुष क्रिकेट छनोटअन्तर्गत समूह ‘ए’ को खेलमा नेपालले मलेसियाविरुद्ध निर्धारित २० ओभरमा ७ विकेट गुमाएर २७५ रनको विशाल योगफल खडा गरेको छ। सिंगापुरमा जारी खेलमा टस हारेर पहिले ब्याटिङ गरेको नेपालका लागि कुशल भुर्तेलले विस्फोटक ब्याटिङ गर्दै ५४ बलमा १४ चौका र ८ छक्काको मद्दतले १२६ रन बनाए। उनले टी–२० अन्तर्राष्ट्रिय क्रिकेटमा शानदार शतक पूरा गरेका हुन्। नेपाललाई आक्रामक सुरुआत दिलाउने क्रममा आसिफ शेखले २४ बलमा ५ चौका र ७ छक्कासहित ६८ रनको योगदान दिए। कुशल र आसिफले पहिलो विकेटका लागि १३४ रनको साझेदारी गर्दै नेपाललाई बलियो अवस्थामा पुर्‍याएका थिए। त्यसपछि सन्दीप जोराले १५, कप्तान दीपेन्द्रसिंह ऐरीले ११ बलमा ३१ तथा लोकेश बमले १० रन जोडे।&nbsp; मलेसियाका लागि विरन्दीप सिंहले सर्वाधिक ३ विकेट लिए। सइद अजिज र विजय उन्नीले समान २–२ विकेट हात पारे।

कुशल भुर्तेलको शतकीय इनिङ्समा मलेसियालाई २७६ रनको लक्ष्य

काठमाडौं। रुविना क्षेत्रीको अलराउन्ड प्रदर्शनसँगै नेपाल एसीसी महिला प्रिमियर कपको शानदार जित दर्ता गरेकाे छ। बिहीबार सम्पन्न खेलमा नेपालले भुटानलाई ५१ रनले हराएको हो। योजितसँगै नेपालले २ खेलबाट ४ अंक जोडेको छ। नेपालले दिएको ११४ रनको लक्ष्य पछ्याएको भुटानले २० ओभरमा ८ विकेट गुमाउँदै ६२ रन मात्र बनाउन सक्यो। भुटानकी देचेन वाङ्मोले सर्वाधिक ३९ रन बनाइन्। नेपालकी रुविनाले ३ विकेट लिइन्। रिया शर्माले २ विकेट लिँदा कविता कुँवर र मनिषा उपाध्यायले समान १ विकेट राखे। त्यसअघि टस हारेर पहिला ब्याटिङ थालेको नेपालले निर्धारित २० ओभरमा सबै गुमाएर ११३ रन बनाएको थियो। नेपालकी सीता रानामगरले सर्वाधिक ३७ रन बनाइन्। रुविनाले भने २१ बलमा ३ चौकासहित २४ रन बनाइन्। यी दुईबीच आठौं विकेटका लागि ३१ बलमा ४० रनको साझेदारी भएको थियो। सोनी पाख्रिन ११३ र सम्झनाकुमारी खड्का १० रनमा आउट हुँदा अन्य ब्याटर चल्न सकेनन्।<table class="table table-bordered"><tbody><tr><td> </td></tr></tbody></table>

रुविनाको अलराउन्ड प्रदर्शनमा नेपाल विजयी

डायना स्नाइडरले शीर्ष वरीयताकाी आारयना सबलेन्का बुधबार ३–६, ७–५ र ६–० पराजित गर्दै फ्रेन्च ओपनको सेमिफाइनल यात्रा तय गरेकी छिन् । निश्चित जितको स्थितिबाट सबलेन्का हारेकी हुन् । अब सेमिफाइनलमा स्नाइडरले माजा चवलिन्स्काको सामना गर्नेछिन् । चवलिन्स्काले भने अर्को क्वाटरफाइनल एना कालिनसाक्यामाथि ७–६ र ६–३ को जित दर्ता गरिन् । &nbsp; पुरुषतर्फको क्वाटरफाइनलमा दर्सौ वरीयताका फ्लाबिओ कोबोलीले एलेक्स अगरलाई ४–६, ६–४, ६–४ र ६–४ ले पराजित गरे । उनले अब म्याटेओ आरनाल्डीविरुद्ध सेमिफाइनलमा खेल्नेछन् । आरनाल्डीले भने पूरा खेल नै खेल्नु परेन् र उनी ७–५ र ५–२ ले अगाडि रहेको बेला चोटका कारण म्याटिओ बेरटिनी खेल छाडे ।

सबलेन्कालाई हराएर स्नाइडर सेमिफाइनलमा

नेपालले साफ च्याम्पियनसिप २०२६ को बुधबार हुने पहिलो सेमिफाइनलमा दुई पल्टको डिफेन्डिङ च्याम्पियन बंगलादेशको सामना गर्दैछ र त्यसका लागि प्रशिक्षक नवीन न्यौपानेले एन्जिला सुब्बाको नेतृत्वमा टिम उतार्ने भएका छन् । श्रीलंकाविरुद्ध लिग चरणको अन्तिम खेलबाट चार खेलाडी परिवर्तन गरिएको छ । टिममा एन्जिलासँगै पूजा राना, विमला विक, रेनुका नगरकोटे, सरु लिम्बू, गीता राना, रेखा पौडेल, प्रीति राई, रश्मिकुमारी घिसिङ, अनिता लाम्जेल र दीपा शाही रहेका छन् । नेपाल प्रतियोगिताको पछिल्ला दुई संस्करणको फाइनलमा बंगलादेशकै हातबाट पराजित रहेको थियो । दुवै खेल काठमाडौंमा भएका थिए । प्रतियोगिताको बुधबार हुने अर्को सेमिफाइनलमा भारतले भुटानको सामना गर्नेछ ।<img src="https://app.nepalsportz.com/media/django-summernote/2026-06-03/74103249-de7c-46a8-bbd8-0190b19ce7bc.jpeg" style="width: 698px;">

एन्जिलाको नेतृत्वमा नेपाली टिममा चार परिवर्तन

काठमाडौं। एसियन ई–लर्निङ ‘जयकुमारनाथ शाह स्मृति यु–१६ इन्टर स्कुल क्रिकेट प्रतियोगिता’ अन्तर्गत बुधबार त्रिवि र मूलपानी मैदानमा सम्पन्न खेलहरूमा केएमसी, जेम्स र रेडियन्ट रिडर्स स्कुलले आ–आफ्नो खेलमा जित दर्ता गरेका छन्। त्रिवि क्रिकेट मैदानमा केएमसी स्कुलले हिमालयन ह्वाइटहाउसलाई ६ विकेटले पराजित गर्‍यो। ९० रनको लक्ष्य केएमसीले १३ ओभरमै ४ विकेट गुमाएर पूरा गर्‍यो। कप्तान बिधान सापकोटाले अविजित ४८ रन बनाए भने अमित कुमार दासले ३ विकेट लिए। लगातार दोस्रो हारसँगै ह्वाइटहाउस प्रतियोगिताबाट बाहिरिएको छ। यस्तै, माथिल्लो मूलपानी मैदानमा जेम्स स्कुलले अक्षारिका स्कुललाई १२५ रनको फराकिलो अन्तरले हरायो। जेम्सले १४९ रन बनाएपछि अक्षरिका मात्र २४ रनमै अलआउट भयो। जेम्सका प्रचेत नाखोटियाले ३ तथा स्वराज चौलागाईंले ३ विकेट लिए। त्यसैगरी तल्लो मूलपानी मैदानमा रेडियन्ट रिडर्स स्कुलले नेक्सस इन्टरनेसनल स्कुललाई ४८ रनले पराजित गर्‍यो। अनिल गुरुङको अविजित शतककाे मद्दतमा रेडियन्टले १७४ रन बनाएको थियो। नेक्सस १२६ रनमा समेटिँदै प्रतियोगिताबाट बाहिरियो। यी नतिजासँगै केएमसी र रेडियन्टले सेमिफाइनल सम्भावना बलियो बनाएका छन् भने जेम्सले पनि उत्कृष्ट लय कायम राखेको छ।

केएमसी, जेम्स र रेडियन्ट विजयी

काठमाडौं। एसीसी महिला प्रिमियर कपमा नेपालले विजयी सुरुआत गरेको छ। मलेसियामा बुधबारबाट सुरु भएको पहिलो खेलमा नेपालले कतारलाई ८ विकेटले पराजित गर्‍यो। कतारले दिएको ७७ रनको लक्ष्य नेपालले १०.५ ओभरमा २ विकेट गुमाएर पूरा गर्‍यो। नेपालको जितमा विन्दु रावलले ३३ रन तथा पूजा महतोले अविजित २८ रन बनाइन्। यसअघि टस जितेर बलिङ रोजेको नेपालले कतारलाई १६.५ ओभरमा ७६ रनमा अलआउट गरेको थियो। कतारका लागि गितरुड चण्डिरुले सर्वाधिक २५ रन बनाइन्। नेपालका लागि रुबिना क्षेत्रीले ३ विकेट लिइन् भने कविता कुँवर, रिया शर्मा र पूजा महतोले समान १–१ विकेट लिए। प्रतियोगितामा नेपाल समूह ‘डी’ मा रहेको छ। नेपालले दोस्रो खेल बिहीबार भुटानसँग खेल्नेछ। एसिया कप छनोटको रूपमा रहेको प्रतियोगितामा १८ राष्ट्र सहभागी छन्।

एसीसी महिला प्रिमियर कप : नेपालको विजयी सुरुआत

जर्मनीका एलेक्जान्डर जेभेरेभले राफेल जोडारलाई पराजित गर्दै मंगलबार फ्रेन्च ओपन २०२६ को सेमिफाइनल यात्रा तय गरेका छन् । उनले जेभेरेभले जोडारलाई ७–६, ६–१ र ६–३ ले हराए र पहिलो ग्रान्ड स्लाम उपाधिको नजिक पुगे । यस्तै जाकुब मेनसिकले उदयमान खेलाडी जाओ फोनसेकालाई ६–४, ६–४ र ७–६ ले पराजित गरे र अन्तिम चारमा प्रवेश गरेका छन् । महिलातर्फ मार्टा कोस्टयुक र मिरा आन्द्रेभा अन्तिम चारमा प्रतिस्पर्धा गर्ने भएका छन् । &nbsp; कोस्टयुकले एलिना स्भिटोलिनलाई ६–३, २–६ र ६–२ र आन्द्रेभाले सोरानाले क्रिस्टीलाई ६–० र ६–३ ले हराएको हो ।

फ्रेन्च ओपन २०२६- जेभेरेभको सेमिफाइनल यात्रा तय

काठमाडौं। नेपाल एड्भेन्चर रनिङ फेडरेसन (नार्फ) को आयोजनामा आगामी असार ३ मा सुदूरपश्चिम प्रदेशको प्रमुख पर्यटकीय क्षेत्र अछाममा 'रामारोशन स्काई रन २०२६' हुने भएको छ ।&nbsp; फेडरेसनले आफ्नो पहिलो आधिकारिक स्काई रनिङ प्रतियोगिताका रूपमा यसलाई अघि बढाएको हो । सुदूरपश्चिम प्रदेश खेलकुद परिषद्, सुदूरपश्चिम प्रदेश सामाजिक विकास मन्त्रालय, रामारोशन गाउँपालिका तथा साँफेबगर नगरपालिकासँगको सहकार्यमा हुन लागेको यस कार्यक्रमको मुख्य उद्देश्य सुदूरपश्चिमको प्राकृतिक सौन्दर्य, साहसिक खेलकुद, पर्यटन र स्थानीय संस्कृतिलाई राष्ट्रिय तथा अन्तर्राष्ट्रिय स्तरमा प्रवर्द्धन गर्नु रहेको छ ।&nbsp; "बाह्र बण्ड अठार खण्ड" का नामले प्रख्यात, समुद्री सतहबाट २ हजार ५० मिटरदेखि ३ हजार ८ सय ५० मिटरसम्म फैलिएको रामारोशन क्षेत्रका हिमाली ताल, विशाल पाटन, घना वन र मनोरम हिमशृङ्खलाहरूबीच हुने यस प्रतियोगिताले नेपाललाई अन्तर्राष्ट्रिय स्काई रनिङ गन्तव्यका रूपमा स्थापित गर्ने अपेक्षा आयोजकले राखेका छन् । प्रतियोगिताअन्तर्गत २८ किलोमिटर स्काई रनिङ च्यालेन्जमा पुरुष तथा महिला खुला विधामा प्रतिस्पर्धा हुनेछ भने स्थानीय युवाहरूलाई प्रोत्साहन गर्न २० वर्षमुनिका लागि ५ किलोमिटर सामुदायिक दौडसमेत समावेश गरिएको छ । २८ किलोमिटरको स्काई रनिङ मार्ग २,१५० मिटर उचाइको रामेखण्डबाट सुरु भई जिङ्गाले ताल, लामादह ताल, रोशन पाटन, ३,८२० मिटर उचाइमा रहेको चाँखाटप र किनिमिनीपाटन लगायतका प्रमुख प्राकृतिक स्थलहरू पार गर्दै पुनः रामेखण्डमै पुगेर टुङ्गिनेछ ।&nbsp; धावकहरूको सुरक्षा र सुविधाका लागि मार्गभरि ६ वटा वाटर पोइन्ट र ६ वटा चेकपोइन्टको व्यवस्था गरिएको छ । प्रतियोगितामा अधिकतम १०० जना धावकलाई मात्र सहभागिताको अवसर प्रदान गरिनेछ, जसका लागि जेठ १९ देखि दर्ता खुला गरिएको छ । प्रतियोगिताको दर्ता शुल्क प्रतिसहभागी २५०० रुपैयाँ तोकिएको छ भने स्थानीय सहभागीका लागि दर्ता निःशुल्क गरिएको छ । साथै, दर्ता गर्ने पहिलो ३० जनालाई काठमाडौं-रामारोशन-काठमाडौं निःशुल्क यातायात सुविधा उपलब्ध गराइनेछ भने दर्ता भएका सबै सहभागीहरूलाई रामारोशनमा आवास, भोजन तथा अछामभित्र तोकिएको स्थानबाट आवतजावतको सुविधा दिइनेछ । सबै सहभागीले प्रमाणपत्र पाउनेछन् भने २८ किमीको मुख्य दौड पूरा गर्नेलाई फिनिसर मेडल प्रदान गरिनेछ । यस प्रतियोगिताको कुल पुरस्कार राशी ७ लाख ५२ हजार रुपैयाँ रहेको छ । २८ किलोमिटर स्काई रनिङ च्यालेन्ज अन्तर्गत पुरुष तथा महिला दुवै विधामा प्रथम, द्वितीय र तृतीय स्थान प्राप्त गर्ने धावकहरूले क्रमशः १ लाख, ७५ हजार र ५० हजार रुपैयाँ नगद पुरस्कार प्राप्त गर्नेछन् भने शीर्ष १० स्थान हासिल गर्ने धावकहरूलाई पनि नगद पुरस्कार प्रदान गरिनेछ । त्यसैगरी, स्थानीय प्रतिभा प्रोत्साहनका लागि आयोजना गरिने ५ किलोमिटर सामुदायिक दौडतर्फ पुरुष तथा महिला दुवै विधाका शीर्ष तीन विजेताले क्रमशः २० हजार, १५ हजार र १० हजार रुपैयाँ नगदसहित ट्रफी, मेडल र प्रमाणपत्र प्राप्त गर्नेछन् ।

'रामारोशन स्काई रन २०२६' आयोजना हुने

काठमाडौं। तेस्रो संस्करणको एसियन ई–लर्निङ ‘जयकुमारनाथ शाह स्मृति’ यु–१६ इन्टर–स्कुल क्रिकेट प्रतियोगितामा डीएभी सुशील केडिया विश्व भारती स्कुल, ग्यालेक्सी पब्लिक स्कुल र मोक्षदा स्कुलले विजयी सुरुआत गरेका छन्। माथिल्लो मूलपानी क्रिकेट मैदानमा सम्पन्न खेलमा डीएभीले नेक्सस इन्टरनेसनल स्कुललाई १९३ रनको विशाल अन्तरले पराजित गर्‍यो। २४२ रनको कठिन लक्ष्य पछ्याएको नेक्सस १२.४ ओभरमा सबै विकेट गुमाउँदै ४८ रनमा समेटियो। उसका लागि शिवम शाहले अविजित ११ रन बनाए भने अन्य ब्याटरले उल्लेखनीय योगदान दिन सकेनन्। डीएभीको जितमा केशव अग्रवाल र तनिष शाहले समान ३–३ विकेट लिए। कुन्जन आचार्यले २ विकेट हात पार्दा कमल शाही र प्रसिद्ध जैशीले समान १–१ विकेट लिए। त्यसअघि टस जितेर पहिले ब्याटिङ गरेको डीएभीले निर्धारित २० ओभरमा २ विकेट गुमाएर २४१ रनको विशाल योगफल तयार गरेको थियो। टोलीका लागि कमल शाही ४८ बलमा ११ चौका र ३ छक्कासहित ९९ रनमा अविजित रहे। आरुष झाले ५६ रन बनाए भने कप्तान प्रसिद्ध जैशीले २० बलमा ३ चौका र ३ छक्काको मद्दतमा ४० रनको आक्रामक इनिङ्स खेले। यता, तल्लो मूलपानी क्रिकेट मैदानमा सम्पन्न अर्को खेलमा ग्यालेक्सी पब्लिक स्कुलले हिमालयन ह्वाइटहाउस आईबी वर्ल्ड स्कुललाई ९० रनले पराजित गर्‍यो। ग्यालेक्सीले दिएको १४४ रनको लक्ष्य पछ्याएको ह्वाइटहाउस १६.१ ओभरमा सबै विकेट गुमाउँदै ५३ रनमा सीमित भयो। उसका लागि प्रशन्न जैशीले सर्वाधिक ११ रन बनाए भने अन्य कुनै पनि ब्याटरले दोहोरो अंकमा रन जोड्न सकेनन्। ग्यालेक्सीको जितमा मिङ्मा तामाङले ३ विकेट लिए भने स्वीकृत रिजालले २ विकेट हात पारे। यसअघि टस जितेर पहिले ब्याटिङ गरेको ग्यालेक्सीले निर्धारित २० ओभरमा ६ विकेट गुमाएर १४३ रन बनाएको थियो। टोलीका लागि कप्तान स्वीकृत रिजालले सर्वाधिक ३३ रन बनाए। उनले ४० बलमा ३ चौका प्रहार गरे। खुसबेन्द्र साहले २७ रन योगदान गर्दा मिङ्मा तामाङले २० तथा अद्वोय घर्ती मगरले १९ रन जोडे। वैभव नारायण साह १५ रनमा अविजित रहे भने स्माइल लिंखा १ रनमा अविजित फर्किए। ग्यालेक्सीले अतिरिक्तबाट २७ रन प्राप्त गरेको थियो। ह्वाइटहाउसका लागि मधुर पोखरेलले ३ ओभरमा १२ रन खर्चेर २ विकेट लिए। आयुष शाही, प्रशन्न जैशी, रोमन अधिकारी र दाइची खड्काले समान १–१ विकेट हात पारे। त्यसैगरी, त्रिवि क्रिकेट मैदानमा सम्पन्न खेलमा गौतम कुमार पटेलको घातक बलिङमा मोक्षदा स्कुलले विज्डम इङ्ग्लिस एकेडेमीलाई १२३ रनले पराजित गर्‍यो। टस जितेर पहिले ब्याटिङ गरेको मोक्षदाले निर्धारित २० ओभरमा ६ विकेट गुमाएर १६४ रन बनाएको थियो। टोलीका लागि संश्रय श्रेष्ठले ५६ रनको अर्धशतकीय इनिङ्स खेले भने आरोन गिरीले ३६ रन योगदान दिए। यमुन केसीले १७ तथा चन्दन कुमार बेलदार चौहानले अविजित १२ रन जोडे। विज्डमका लागि सुवास कुँवरले २ तथा सौरभ अधिकारीले १ विकेट लिए। १६५ रनको लक्ष्य पछ्याएको विज्डम ९.४ ओभरमै ४१ रनमा अलआउट भयो। साइमन लम्साल क्षेत्रीले अविजित ७ रन बनाउनु बाहेक अन्य ब्याटरले उल्लेखनीय प्रदर्शन गर्न सकेनन्। मोक्षदाको जितमा गौतम कुमार पटेलले ४ ओभरमा केवल ४ रन खर्चेर ७ विकेट लिए। सौगत सेन्चुरी, यमुन केसी र सुयोग्य शाहले समान १–१ विकेट हात पारे। यो जितसँगै समूह ‘ई’ को मोक्षदा स्कुलले २ अंक जोड्दै क्वार्टरफाइनल प्रवेशको सम्भावना बलियो बनाएको छ।

डीएभी, ग्यालेक्सी र मोक्षदाको विजयी सुरुआत

काठमाडौं। साहसिक खेल तथा ट्रेल रनिङको प्रवर्द्धन गर्ने उद्देश्यले आयोजित द नर्थ फेस नाइट ट्रेल रन सफलतापूर्वक सम्पन्न भएको छ।&nbsp; प्रतियोगितामा ३ सय १७ पुरुष र ८३ महिला गरी कुल ४ सय धावकले प्रतिस्पर्धा गरेका थिए भने ६ सयभन्दा बढी दर्शक तथा अतिथिको उपस्थिति रहेको थियो। प्रतियोगिताको एलिएटतर्फ पुरुष विधामा सञ्जय तामाङ प्रथम, दिवाकर बुढा मगर दाेस्राे तथा ऋतुराग रोकाया तेस्राे भए। महिला एलिएटतर्फ मञ्जु सुनुवारले उपाधि जित्दा मेरी एगेन नोर्लोफ दोस्रो र छिरिङ ओङ्मु शेर्पा तेस्रो स्थानमा रहिन्। यस्तै, नियमिततर्फ पुरुष समूहमा फुरा छेतेन शेर्पा प्रथम, अनुराग रोकाया दाेस्राे तथा नवीन खड्का तेस्राे बने। महिला समूहमा गीता महर्जनले पहिलो स्थान हासिल गर्दा क्लारा बर्गग्रेन दोस्रो र अलेक्जान्ड्रा रिग्ली तेस्रो भइन्। एलिएट समूहका शीर्ष तीन विजेताले क्रमशः २००, १५० र १०० अमेरिकी डलर नगद पुरस्कार प्राप्त गरेका थिए। सहभागी सबै धावकलाई फिनिसर पदक, ‘द नर्थ फेस’को टी–सर्ट तथा माउन्टेन म्यान इनर्जी बार प्रदान गरिएको आयोजकले जनाएको छ। निःशुल्क सहभागितामा आयोजना गरिएको प्रतियोगितामा प्यानल छलफल, सांस्कृतिक नृत्य प्रस्तुति तथा लाइभ सङ्गीत कार्यक्रमसमेत समावेश गरिएको थियो।

द नर्थ फेस नाइट ट्रेल रन सम्पन्न, एक हजारभन्दा बढीको सहभागिता

विश्व नम्बर १ खेलाडी आर्यना सबलेन्काले सोमबार नाओमी ओसाकालाई पराजित गर्दै फ्रेन्च ओपन २०२६ को क्वाटरफाइनल पुगेकी छिन् । प्रभावशाली खेल प्रदर्शन गर्दै सलेन्काले चार पल्टका ग्रान्ड स्लाम विजेता ओसाकामाथि ७–५ र ६–३ को जित दर्ता गरेकी हुन् । &nbsp; उनी ग्रान्ड स्लाम प्रतियोगिताको अन्तिम आठमा पुगेको यो लगातार १४ औं पल्ट हो । शीर्ष वरीयताको खेलाडीको स्तब्धपूर्ण हारका कारण चर्चित रहेको यसपल्टको प्रतियोगितामा पुरुष र महिला दुवैतर्फ उनी मात्र ग्रान्ड स्लाम विजेता खेलाडीको चुनौती बाँकी रहेको छ । अबको चरणको खेलमा उनले रुसकी डायना सान्डेरको सामना गर्नेछिन् । यस्तै अर्को खेलमा पोलिस क्वालिफायर माजा चवालिन्स्काले डायना पेरिलाई ६–३ र ६–२ ले पराजित गर्दै आफ्नो सनसनीपूर्ण यात्रालाई कायम राखेकी छिन् । अब सेमिफाइनल प्रवेशका लागि उनले अना कालिनसाक्याको चुनौती सामना गर्नेछिन् ।

ओसाकामाथि सबलेन्काको सहज जित

काठमाडौं। नेपाली राष्ट्रिय महिला फुटबल टोलीकी मिडफिल्डर प्रीति राई साफ महिला च्याम्पियनसिप २०२६ को सेमिफाइनलअघि राष्ट्रिय टोलीसँग जोडिएकी छन्। विदेशी क्लब फुटबलमा व्यस्त रहेकाले प्रीति समूह चरणका खेलहरूमा उपलब्ध हुन सकेकी थिइनन्। उनले हालै जाेर्डनको एतिहाद क्लबबाट तथा त्यसअघि कम्बोडियाको प्रेह खान रिच स्वे रिएङबाट व्यावसायिक फुटबल खेलेकी थिइन्। क्लब फुटबलका प्रतिबद्धताका कारण उनी राष्ट्रिय टोलीमा ढिलो समावेश भएकी हुन्। प्रीतिको आगमनसँगै सेमिफाइनलअघि नेपाली टोली थप बलियो बनेको छ। राष्ट्रिय टोलीकी महत्वपूर्ण मिडफिल्डर मानिने प्रीतिले टोलीको मध्यपंक्तिलाई थप मजबुत बनाउने अपेक्षा गरिएको छ। नेपालले समूह चरणका दुवै खेलमा जित निकाल्दै समूह ‘ए’ को विजेताका रूपमा सेमिफाइनलमा स्थान सुरक्षित गरेको थियो। नेपालले पहिलो खेलमा भुटानलाई १–० ले पराजित गरेको थियो भने दोस्रो खेलमा श्रीलंकामाथि २–० को जित दर्ता गरेको थियो। लगातार दुई जितसहित आत्मविश्वास उच्च बनाएको नेपालले अब फाइनलका लागि साविक विजेता बंगलादेशसँग प्रतिस्पर्धा गर्नेछ।

सेमिफाइनलअघि राष्ट्रिय टोलीसँग जोडिइन् प्रीति राई

काठमाडौं। काठमाडौं जिल्ला क्रिकेट संघको आयोजनामा हुने तेस्रो संस्करणको एसियन ई–लर्निङ &nbsp;‘जयकुमारनाथ शाह स्मृति’ यु–१६ इन्टर स्कूल क्रिकेट प्रतियोगिताको खेल तालिका सार्वजनिक भएकाे छ। भोलि (मंगलबार)देखि सुरु हुने प्रतियोगिताको उद्घाटन दिन कुल ६ खेल खेलाइनेछन्। माथिल्लो मूलपानीमा बिहान ९ बजे डीएभी सुशील केडिया विश्व भारती स्कूल र नेक्सस इन्टरनेशनल स्कुलबीच उद्घाटन खेल हुनेछ भने दिउँसो १ः३० बजे सैनिक आवासीय महाविद्यालय र त्रियोग उच्च माध्यमिक विद्यालय आमनेसामने हुनेछन्। तल्लो मूलपानीमा बिहान ९ बजे ग्यालेक्सी पब्लिक स्कूल र हिमालयन ह्वाइटहाउस आईबी वर्ल्ड स्कूल भिड्नेछन्। सोही मैदानमा दिउँसो १ः३० बजे एन्जल्स हार्ट नेसनल स्कूल र अपी स्कूलबीच प्रतिस्पर्धा हुनेछ। त्रिवि क्रिकेट मैदानमा बिहान ९ बजे मोक्षदा स्कूल र विज्डम इङ्ग्लिस एकेडेमीबीच खेल हुनेछ। सोही मैदानमा दिउँसो १ः३० बजे रत्न राज्य माध्यमिक विद्यालय र अक्षरा स्कूलबीच प्रतिस्पर्धा हुनेछ। लिग चरणका खेलहरू तीनवटै मैदानमा दैनिक दुई सत्रमा सञ्चालन हुनेछन्। प्रत्येक समूहको शीर्ष टोलीले क्वाटरफाइनलमा स्थान बनाउनेछन्। क्वाटरफाइनलका खेल जेठ २३ गते तल्लाे र माथिल्लाे मूलपानी क्रिकेट मैदानमा हुन्छ। सेमिफाइनल जेठ २४ गते तथा फाइनल जेठ २५ गते हुनेछ। प्रतियोगिताको विजेताले १ लाख ५० हजार रुपैयाँ तथा उपविजेताले ७५ हजार रुपैयाँ पुरस्कार प्राप्त गर्नेछन्। मुख्य प्रायोजक एसियन ई–लर्निङ प्रालिले विजेता टोलीको पुरस्कार रकम उपलब्ध गराउनेछ भने सह–प्रायोजक ई–सेवाले उपविजेता टोलीको पुरस्कार रकम प्रदान गर्नेछ। प्रत्येक खेलको ‘प्लेयर अफ द म्याच’ लाई पिक पोइन्ट एकेडेमीको तर्फबाट नगद १ हजार ५ सय रुपैयाँ प्रदान गरिनेछ। साथै, विधागततर्फ उत्कृष्ट खेलाडीलाई किट ब्याग, उत्कृष्ट ब्याटरलाई ब्याट र उत्कृष्ट बलरलाई बलिङ स्पाइक जुत्ता प्रदान गरिने आयोजकले जनाएको छ। यती एयरलाइन्सले प्रतियोगिताको सर्वोत्कृष्ट खेलाडी तथा फाइनल खेलको ‘प्लेयर अफ द म्याच’ लाई माउन्टेन फ्लाइट टिकट प्रदान गर्नेछ। प्रतियोगिताबाट काठमाडौं जिल्लाको उत्कृष्ट एक विद्यालयलाई नेपाल क्रिकेट संघ (क्यान) ले आयोजना गर्ने राष्ट्रिय विद्यालय क्रिकेट प्रतियोगिताका लागि छनोट गरिनेछ। प्रतियोगिताको मुख्य प्रायोजक एसियन ई–लर्निङ सेन्टर रहेको छ भने सह–प्रायोजकमा ई–सेवा रहेको छ। एसोसिएट प्रायोजकका रूपमा लाइफ इन्स्योरेन्स कर्पोरेसन (नेपाल) लिमिटेड र प्रभु बैंक लिमिटेड रहेका छन्। साथै विभिन्न बैंक, शैक्षिक संस्था तथा व्यावसायिक प्रतिष्ठानहरूले प्रतियोगिता सञ्चालनमा सहयोग पुर्‍याएका छन्। प्रतियोगिता सम्पन्न गर्न सांग्रिला डेभलपमेन्ट बैंक लिमिटेड, एभरेष्ट बैंक लिमिटेड, डार्क फ्यान्टासी चोको रोल्स, आयुष इन्टरनेशनल ओभरसिज सर्भिसेज प्रा.लि, पिक पोइन्ट एकेडेमी, ग्यालेक्सी पब्लिक स्कूल, गरिमा विकास बैंक लिमिटेड, सिद्धार्थ प्रिमियम इन्स्योरेन्स लिमिटेड, माछापुच्छ्रे बैंक लिमिटेड, डीएभी स्कूल, यती एयरलाइन्स, लकर रुम, हिमालयन बैंक लिमिटेड, एक्स्ट्रिम इनर्जी ड्रिंक,पाईलट पेन, होप हस्पिटल &nbsp;र लोकल थकालीको सहयोग रहेको आयोजकले जनाएको छ। प्रतियोगितामा २४ विद्यालयको सहभागिता रहनेछ। सहभागी टोलीलाई आठ समूहमा विभाजन गरिएको छ। समूह ‘ए’ मा डीएभी सुशील केडिया विश्व भारती स्कूल, नेक्सस इन्टरनेशनल एकेडेमी र रेडियन्ट रिडर्स स्कूल रहेका छन्। समूह ‘बी’ मा सैनिक आवासीय महाविद्यालय, त्रियोग उच्च माध्यमिक विद्यालय र क्रियटिभ एकेडेमी रहेका छन्। यस्तै, समूह ‘सी’ मा ग्यालेक्सी पब्लिक स्कूल, हिमालयन ह्वाइटहाउस आईबी वर्ल्ड स्कूल र केएमसी स्कूल रहेका छन् भने समूह ‘डी’ मा एन्जल्स हार्ट नेशनल स्कूल, ज्ञान मन्दिर सेकेन्डरी इङ्ग्लिस स्कूल र अपी स्कूल रहेका छन्। समूह ‘ई’ मा मोक्षदा स्कूल, विज्डम इङ्ग्लिस एकेडेमी र क्लिन्टन स्कूल रहेका छन्। समूह ‘एफ’ मा रत्न राज्य माध्यमिक विद्यालय, अक्षरा स्कूल र संस्कृति इन्टरनेशनल स्कूल रहेका छन्। त्यसैगरी, समूह ‘जी’ मा जेम्स स्कूल, अक्षारिका स्कूल र लिभरपुल सेकेन्डरी स्कूल रहेका छन् भने समूह ‘एच’ मा नेपाल पुलिस स्कूल, द सेलिब्रेसन सहशिक्षा विद्यालय र पिक पोइन्ट एकेडेमी रहेका छन्।

एसियन ई–लर्निङ ‘जयकुमारनाथ शाह स्मृति’ यु–१६ इन्टर स्कूल क्रिकेट प्रतियोगिताको खेल तालिका सार्वजनिक

पूर्व च्याम्पियन इगा स्वाटिक युक्रेनकी मार्टा कोस्युकको हातबाट पराजित हुँदै फ्रेन्च ओपन २०२६ बाट बाहिरिएकी छिन् । आफ्नो २५ औं जन्मदिन मनाऊने क्रममा रहेकी स्वाटिक युत्रेनकी मार्टा कोस्युकको हातबाट ७–५ र ६–१ ले पराजित भइन् । पुरुषतर्फ ब्राजिली सनसनी जाओ फोनसेकाले कास्पर रुडलाई ७–५, ७–६, ५–७ र ६–२ ले हराएर क्वाटरफाइनलमा पुगेका छन् । यसअघि नोभाक जोकोभिचलाई पनि हराएका उनी ग्रान्ड स्लामको क्वाटरफाइनल पुगेको यो पहिलो पटक हो । अब उनको सामना चेक खेलाडी ज्याकब मेनसिकविरुद्ध हुनेछ । मनसिकले पनि पहिलो पटक ग्रान्ड स्लाम टेनिसको क्वाटरफाइनल पुग्न आन्द्रे रुबलेभलाई ६–३, ७–६, ४–६, २–६ र ६–३ ले हराए ।

फ्रेन्च ओपन २०२६- जन्म दिनमै स्वाटिक पराजित

नेपालले वुमेन्स साफ च्याम्पियनसिप २०२६ को समूह ए विजेता बन्दै आइतबार सेमिफाइनल यात्रा निश्चित गरेको छ र यसका लागि नेपालले अन्तिम लिग खेलमा श्रीलंकालाई २–० ले हराएको हो । नेपालको जितमा रश्मिकुमारी घिसिङ र कप्तान रेनुका नगरकोटेले एक एक गोल गरे । रश्मिले पहिलो हाफको इन्ज्युरी समयको दोस्रो मिनेटमा पहिलो गोल गरिन् । अनमार्क रहेकी रश्मिले पेनाल्टी एरियामा प्राप्त रेखा पौडेलको पासलाई गोलमा परिणत गरेकी हुन् । रेनुकाले ६० औं मिनेटमा दोस्रो गोल गरिन् र यसका लागि उनले पेनाल्टी एरिया बाहिरबाट प्रहार गरेको चिप सबैलाई झुक्याएर गोलमा परिणत भएको थियो । रेनुकाले नेपालका लागि गरेको यो नै पहिलो अन्तर्राष्ट्रिय गोल हो । नेपालको यस जितले भुटानलाई पनि सेमिफाइलमा पुर्‍याएको छ । नेपाल दुई खेलबाट छ अंकसहित शीर्ष स्थानमा रह्यो । भुटान भने तीन अंकमा दोस्रोमा रह्यो । श्रीलंका दुवै खेलमा पराजित रह्यो र शून्य अंकमा रह्यो ।

नेपाल समूह जितेर सेमिफाइनलमा

काठमाडौं। चीनसँग पराजित भएपछि नेपाली महिला क्रिकेट टोली एसियन गेम्स छनोट हुनबाट वञ्चित भएको छ। आइतबार सम्पन्न तेस्रो स्थानका लागि भएको खेलमा चीनले डीएलएस मेथडका आधारमा नेपाललाई ५ विकेटले हरायो। आईसीसी महिला टी–२० वरीयतामा नेपाल २१औँ स्थानमा रहेको टोली हो भने चीन ४२औँ स्थानमा छ। नेपालले दिएको ४४ रनको लक्ष्य पछ्याएको चीनले ७ ओभरमा ५ विकेट गुमाउँदै ४५ रन बनाएर जित हात पारेको हो। एसियन गेम्समा छनोट हुन कम्तीमा तेस्रो स्थान हासिल गर्नुपर्ने थियो। तर, सेमिफाइनलमा मलेसियासँग २ विकेटले पराजित हुँदै तेस्रो स्थानको खेलमा पुगेको नेपाललाई चीनले पनि निराश बनायो। यसअघि समूह चरणको पहिलो खेलमा नेपालले चीनलाई १९ रनले पराजित गरेको थियो। तर निर्णायक खेलमा चीनसँग हार बेहोर्दै नेपाल एसियन गेम्स छनोटको लक्ष्य पूरा गर्न असफल रह्यो।

चीनसँगको हारसँगै एसियन गेम्स छनोटबाट बाहिरियो नेपाल

काठमाडौं। कुशल भुर्तेलको विस्फोटक शतक र बलरहरूको उत्कृष्ट प्रदर्शनमा नेपालले एसियन गेम्सको छनोट खेलमा चीनलाई २२१ रनको फराकिलो अन्तरले पराजित गरेको छ। पहिले ब्याटिङ गरेको नेपालले निर्धारित २० ओभरमा २ विकेट गुमाएर ३१३ रनको विशाल योगफल खडा गरेको थियो। नेपालको इनिङ्समा कुशल भुर्तेलले ४३ बलमा ५ चौका र १६ छक्कासहित १२९ रनको आक्रामक शतकीय इनिङ्स खेले। कुशल मल्ल ४७ बलमा ८५ रन तथा रोहित पौडेल २१ बलमा ६९ रन बनाएर अविजित रहे। ३१४ रनको विशला लक्ष्य पछ्याएको चीन १९।२ ओभरमा ९२ रनमै समेटियो। उसका लागि शेन्जियान झेङले सर्वाधिक ३१ रन बनाए भने अन्य ब्याटरले प्रभाव जमाउन सकेनन्। नेपालका बलरमध्ये कुशल मल्लले १।२ ओभरमा कुनै रन नदिई ३ विकेट लिए। सोमपाल कामी र सन्दीप लामिछानेले समान २–२ विकेट हात पारे। नन्दन यादवले १ विकेट लिए भने चीनका दुई ब्याटर रनआउट भएका थिए। यो जितसँगै नेपालले पहिलो खेलबाट दुई अंक जोड्न सफल भएको छ। नेपाल रहेको समूह ए मा मलेसिया र कतार रहेका छन्।

Nepalsports

⚽ Upcoming Matches

🎖 Recent Matches

📰 Recent News

Nepalsports