अन्तर्राष्ट्रिय पदक विजेता उमा कुङफु खेलाडी सरिना घलेलाई धादिङ–नुवाकोट समाज युकले सम्मान गरेको &nbsp;छ । अन्तर्राष्ट्रिय प्रतियोगितामा पदक जित्दै देशको प्रतिष्ठा र गौरव बढाएकोमा सरिनालाई सम्मान गरिएको नेपाल उमा कुङफु संघका अध्यक्ष संजीतकुमार राईले जनाएका छन् ।सरिनालाई बागमती प्रदेशका मुख्य मन्त्री बहादुरसिंह लामा र समाजका अध्यक्ष धनबहादुर तामाङले एनुएल समर गेट टुगेडर कार्यक्रममा प्रशंसा पत्रसहित सम्मान गरे ।सरिनाले युकेमा भएको २ प्रतियोगितामा स्वर्ण जितेकी थिइन् । सरिनाले डब्लुएमएसी ब्रिटिस ओपन च्याम्पियनसिप तथा डब्लुएमएसी इङलिस च्याम्पियनसिपमा स्वर्ण जितेकी हुन् । यसअघि सरिनालाई सोही सफलताको करद गर्दै तमु धि समाज युके र मगर एसोसिएसन युकेले पनि सम्मान गरेको थियो ।नुवाकोट किस्पाङ गाउँपालिका १ की सरिना युकैमै मास्टर्स अध्ययन गरिरहेकी छन् । तेश्रो डान सरिनाले युकैमै सेप्टेम्बर १८ देखि २१ तारिखसम्म हुने डब्लुएमएसी इलाइट वल्र्ड च्याम्पियनसिपमा सहभागिता जनाउने तयारी गरिरहेको अध्यक्ष राईले जानकारी गराए ।

सरिना युकेमा सम्मानित

काठमाडौं, साउन ४ गते । तेक्वान्दोकी अन्तर्राष्ट्रिय निर्णायक काजल श्रेष्ठ वल्र्ड तेक्वान्दो हान्मादाङमा उत्कृष्ट निर्णायक घोषित भएकी छन् । अमेरिकाको क्यालिफोर्निया जुलाइ १७ देखि १९ तारिखसम्म भएको प्रतियोगितामा १३ औं दक्षिण एसियाली खेलकुद (साग) की स्वर्ण विजेता काजलले प्रतियोगितामा ग्योरोगी र पुम्सेमा निर्णायकको भूमिका निर्वाह गरेकी थिइन् ।&nbsp;प्रतियोगितामा ८० निर्णायकको सहभागिता रहेको बताइएको छ । प्रतियोगितामा ३० राष्ट्रका १ हजार ७ सय खेलाडी सहभागी थिए ।काजलले यसअघि अस्ट्रेलियन ओपन तथा जापानमा २०२४ र २०२५ मा भएको वाटा ओपन तेक्वान्दो प्रतियोगितामा निर्णायकको भूमिका निर्वाह गरेकी थिइन् । २०२५ मा काजल उत्कृष्ट निर्णायक पनि घोषित भएकी थिइन् ।

काजल उत्कृष्ट निर्णायक

काठमाडौं। लगातार दोस्रोपटक नेपाल क्रिकेट संघ (क्यान)ले एसियाली क्षेत्रको आइसिसी डिजिटल फ्यान इन्गेजमेन्ट अफ द इयरको अवार्ड प्राप्त गरेको छ। अन्तर्राष्ट्रिय क्रिकेट काउन्सिल (आइसिसी) ले गत जेठमा आइसीसी डेभलपमेन्ट अवार्डको सूची सार्वजनिक गरेको थियो। नेपालसँगै यस विधामा अफ्रिकाबाट नामिबिया, अमेरिकाबाट बर्मुडा र इएपी रिजनबाट इन्डोनेसिया विजयी भएका थियो। नेपालले लगातार दोस्रो वर्ष यो अवार्ड जितेको हो। आइसीसीको वार्षिक कन्फरेन्समा शनिबार अध्यक्ष चतुरबहादुर चन्द, सचिव पारस खड्का र कोषाध्यक्ष पदम खड्काले उक्त अवार्ड ग्रहण गरेका हुन्।

दोस्रोपटक क्यानलाई आइसिसी डिजिटल फ्यान इन्गेजमेन्ट अफ द इयर अवार्ड

काठमाडौं। श्रीलंकामा आयाेजना हुने साफ यु-१७ च्याम्पियनसिपमा नेपाल समूह ‘ए’ मा परेको छ। दक्षिण एसियाली फुटबल महासंघ (साफ)ले आइतबार सर्वाजनिक गरेको ‘ड्र’ अनुसार समूह ‘ए’ मा नेपालसहित श्रीलंका र साविक उपविजेता बंगालदेश परेका छन्। यसैगरी समूह ‘बी’ मा साबिक विजेता भारत, भुटान, माल्दिभ्स र पाकिस्तान छन्। साफ यु-१७ च्याम्पियनसिप अक्टोबर १७ देखि २७ सम्म श्रीलंकामा हुँदैछ।

साफ यु-१७ : नेपालको समूहमा श्रीलंका र बंगलादेश

काठमाडौँ । अमेरिकन मेजर लिग सकर अन्तर्गतको खेलमा इन्टर मियामीले फराकिलो जित दर्ता गरेको छ।आइतबार बिहान सम्पन्न खेलमा मियामीले एनवाई रेड बुल्सलाई ५-१ गोल अन्तरले पराजित गरेको हो। मियामीको जितमा लियोनेल मेस्सी र टेलास्को सेगोभियाले २-२ गोल गरे। त्यस्तै जोर्डी अल्बाले एक गोल गरे। रेड बुल्सका लागि अलेक्जेन्डर ह्याकले एक गोल गरे। खेलमा सुरुआती अग्रता भने रेड बुल्सले लिएको थियो तर, उक्त अग्रता जोगाउन भने सकेन। यो जितपछि मियामी २१ खेलमा ४१ अंकसहित पाँचौं स्थानमा छ। रेड बुल्सको २४ खेलमा ३३ अंक रहेको छ।

इन्टर मियामीको फराकिलो जित

भर्खर्र न्युकासल युनाइटेडले सेल्टिकविरुद्धको मैत्रीपूर्ण खेलमा नराम्रो हार बेहोरेको छ । सेल्टिक पार्कमा भएको त्यस खेलमा क्लबका प्रमुख खेलाडी एलेक्जान्डर इसाकले खेलेनन् । कारण ? उनी अहिले अन्यत्र जाने ठूलै सम्भावनाबाट गुज्रिरहेका छन् ।<div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">विशेषतः इंग्लिस प्रिमियर लिग च्याम्पियन लिभरपुलले उनीमाथि ठूलो रूचि देखाइरहेको छ । सम्भवतः लिभरपुल २५ वर्षीय स्विडेनी खेलाडी इसाकका लागि कीर्तिमान रकम तिर्न पनि तयार छ । न्युकासल स्वंयका लागि भने यो असाध्यै अप्ठ्यारो स्थिति नै हो ।&nbsp; </div><div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">साँच्चै स्थिति के हो त ? न्युकासलका प्रशिक्षक एडि हाउलाई भने विश्वास छ, यी खेलाडी न्युकासलमै रहने छन्, किनभने उनी टिमसँग खुसी छन् । मलाई पूरा विश्वास छ, इसाक अबको नयाँ सिजनमा न्युकासलमै रहने छन् । ‘यो कुरामा म आत्मविश्वासी छुं,’ हाउले भनेका छन् ।&nbsp; </div><div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">त्यही मैत्रीपूर्ण खेलमा फर्कने हो भने न्युकासल ४–० ले पराजित रह्यो । इसाक रहने भने पूरा सम्भावना छ, न्युकासल कमजोर हुन सक्छ र लिगमा उसको प्रदर्शन भने जस्तो नहुन सक्छ । हाउले एउटा अर्को तथ्य पनि भनेका छन्, ‘कोही खेलाडीका लागि शतप्रतिशत यही हो भनेर पनि भन्न सकिन्न ।’&nbsp; </div>

हाउको विश्वास इसाक न्युकासलमै रहने

काठमाडौँ। फ्रान्सलाई पेनाल्टी सुट आउटमा हराउँदै जर्मनी महिला युरोकपको सेमिफाइनलमा प्रवेश गरेको छ।स्वीजरल्याण्ड सेन्ट ज्याकोब-पार्कमा शनिबार राति सम्पन्न भएको खेलमा जर्मनीले फ्रान्सलाई ५-४ ले पराजित गर्दै सेमिफाइनलमा पुगेको हो। निर्धारित ९० मिनेटको समयमा दुवै टिमले १-१ गोल गरेका थिए। खेलको १३औं मिनेटमा नै काथरिन हेनड्रीचले रातो कार्ड पाएपछि जर्मनी १० खेलाडीमा सिमित भएको थियो।&nbsp; &nbsp;त्यसको दुई मिनेटपछि ग्रेस गेयोरोको गोलमा फ्रान्सले १–० को अग्रता बनायो। २५औं मिनेमा स्जोके&nbsp;नुस्केन गाोल गरेपछि जर्मनी खेलमा फर्कियो। त्यसपछि बाँकी समय दुबै टोलीबाट गाेल हुन नसकेपछि खेलको निर्णय पेनाल्टी सुट आउटबाट गरिएको थियो।अब सेमिफाइनलमा जर्मनीले स्पेनको सामना गर्ने छ। यो सेमिफाइनल जुलाई २४ मा हुनेछ। त्यस्तै पहिलो सेमिफाइनल खेल जुलाई २३ मा इङल्यान्ड र इटालीबीच हुनेछ।

जर्मनी सेमिफाइनलमा

फुटबलमा कति बेला कसको भाग्य फेरिने हो, भन्नै नसकिने । जस्तो, मार्कस रसफोर्डकै कुरा । पछिल्लो सिजनदेखि नै उनी म्यानचेस्टर युनाइटेडको साह्रै हेपिएका थिए । नयाँ प्रशिक्षकका रूपमा रुबने एरोम आएयता रसफोर्डले युनाइटेडमा खेल्नै पाएनन् ।<div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">&nbsp;&nbsp; त्यसैले उनी ऋणमा एस्टन भिल्ला पुगे । नयाँ सिजन अगाडि भनियो, यी रसफोर्डमा टिमको कुनै रूचि नै छैन् । उनी आफै भने अब नयाँ कुनै गन्तब्ध जाने सोचमा थिए । ठीक यही बेला उनको भाग्य फेर्न आइपुग्यो, बार्सिलोना । इंग्लिस मिडियालाई विश्वास गर्ने हो भने उनलाई बार्सिलोनाले ऋणमा लिने निश्चित भइसकेको छ ।&nbsp; </div><div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">केही समग अगाडि मात्रै रसफोर्डले भावनामा बगेर भनेका थिए, ‘बार्सिलोनाबाट खेल्न पाएको भए ?’ बार्सिलोनालाई पनि यी खेलाडीमा रूचि रहेछ । सबै कुरा भने जस्तो हुने हो भने रसफोर्ड बार्सिलोनाबाट खेल्ने आफ्नो स्वपनिल इच्छा पूरा गर्दैछन् ।&nbsp; </div><div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">युनाइटेडले रसफोर्डसहित पाँच खेलाडीलाई नयाँ सिजनका लागि उनीहरूमा कुनै रूचि नभएको बताएको थियो । अझ उनीहरूलाई अगलै अभ्यास गर्न पनि भनिएको थियो । यसबीच रसफोर्डले खुबै मन लगाएर एक्लै प्रशिक्षण गरेको तस्बिर पनि बाहिरिएको थियो ।&nbsp;</div>

रसफोर्ड बार्सिलोना जाने तय जस्तै

काठमाडौं। नेपाली चेसमा ऐतिहासिक दिनको रूपमा स्मरणीय बन्ने गरी ‘राजेन्द्र केसी स्मृति हिमालयन १०० एक्स टु ब्लिट्ज चेस प्रतियोगिता’ को खुलतर्फको उपाधि शनिबार क्षितिज भण्डारीले जितेका छन्।हिमालयन चेस एकेडेमीको आयोजनामा काठमाडौंको त्रिपुरेश्वरस्थित वोगनभिल्ला हलमा सम्पन्न एकदिने प्रतियोगितामा २४७ खेलाडी सहभागी भए, जुन नेपाली ब्लिट्ज चेस इतिहासकै सबैभन्दा ठूलो सहभागिता हो।&nbsp; एकेडेमीकी अध्यक्ष मोनालिसा खम्बूका अनुसार गत वर्ष फिडे स्थापनाको १०० वर्ष पुगेको अवसरमा आयोजित पहिलो संस्करण ‘हिमालयन १००’ गिनिज वर्ल्ड रेकर्डमा सूचीकृत भइसकेको छ। यसपटक त्यही अभियानको दोस्रो संस्करण ‘राजेन्द्र केसी स्मृति हिमालयन १०० एक्स टु’ को रूपमा आयोजना गरिएको हो। प्रतियोगिताको खुलातर्फ &nbsp;फिडेमास्टर (एफएम) भण्डारीले सिएम पुरुषोत्तम सिलवाललाई पछि पार्दै १० हजार रुपैयाँ नगद पुरस्कार जिते। उनले ९.५ अंक जोडे। यस्तै, दोस्रो भएका सिलवालले ९ अंकसहित ७ हजार रुपैयाँ प्राप्त गरे।&nbsp; ८.५ अंक जोडेका मुकुन्द नापित तेस्रो हुँदै ५ हजार रुपैयाँ प्राप्त गरे। शीर्ष १० स्थानमा स्थान बनाउने अन्य खेलाडी सन्तोष श्रेष्ठ, रुपेश जैसवाल, प्रेम कृष्ण अधिकारी, रिसन थापा, सुरोज महर्जन, प्रेम खड्का र पुरुषोत्तम चौधरी रहे। यी सबैले जनही १ हजार रुपैयाँ पुरस्कार पाए। १९ विधामा आयोजित प्रतियोगितामा ६ बर्षदेखि ८४ बर्षसम्मका खेलाडी सहभागि थिए। कुल ६७ हजार रुपिया पुरस्कार रहेको प्रतियोगितामा नायुमा मगर, निहाना श्रेष्ठ, प्रज्ञा पन्त, सात्विकमान तुलाधर, प्रवीर केसी, सीताराम अग्रवाललगायत ३२ खेलाडीले पुरस्कार प्राप्त गरे। उपप्रधान तथा सहरी विकास मन्त्री प्रकाशमान सिंहले प्रतियोगिताको उद्घाटन गरेका थिए।

खुला स्पर्धामा भण्डारी विजेता

काठमाडौं । युवा फुटबल प्रतियोगिता डाना कपमा सहभागिता जनाउने काष्ठमण्डप विधालय र लुम्बिनी फुटबल एकेडेमीकाे टोली शनिबार डेनमार्क प्रस्थान गर्ने भएको छ ।काष्ठमण्डले यु-१४ तथा लुम्बिनीले यु-१६ समूहमा प्रतिस्पर्धा गर्नेछन् ।&nbsp; टोली २० खेलाडी र तीन अफिसियल गरि २३ सदस्यीय छ । काष्ठमण्डपकाे प्रशिक्षकमा सन्तोष न्यौपाने छन् । यसैगरी लुम्बिनीकाे प्रशिक्षण जिम्मेवारी विजय महर्जनले सम्हाल्नेछन् । युरोपियन फुटबल महासंघको मान्यता प्राप्त डाना कपमा यसमा ७० भन्दाबढी देशका १ हजार भन्दाबढी युवा टोलीले सहभागिता जनाउने बताइएको छ । डाना कप सन् १९८२ देखि सुरु भएको हो ।

डाना कपमा सहभागी हुन काष्ठमण्डप र लुम्बिनीको टोली डेनमार्क जाँदै

काठमाडौं। भुटानविरुद्ध गोलको वर्षा गर्दै नेपाल बंगलादेशमा जारी साफ महिला यु–२० च्याम्पियनसिपको अंक तालिकामा शीर्ष स्थानमा उक्लिएको छ।&nbsp;बंगलादेशको राजधानी ढाकास्थित बसुन्धरा स्पोर्ट्स ग्राउन्डमा शनिबार भएकाे खेलमा नेपालले भुटानलाई ८-० गाेलले पराजित गरेको हो।&nbsp;नेपाललाई जित दिलाउन पूर्णिमा राई र मीना देउवाले ह्याट्रिक गरिन्। समीक्षा मगर र कुशुम खतिवडाको नाममा समान १ गोल रह्यो। खेलको ४४औं सेकेन्डमै नेपालले सुरुआती अग्रता लियो। मीनाले माथिल्लो बारतर्फबाट प्रहार गरेकाे बल सहजै गोलमा परिणत गरिन्। नवौं मिनेटमा समीक्षाले अर्को गोल थपिन्। त्यसको तीन मिनेटपछि नै मीनाले व्यक्तिगत दोस्रो गोल गरिन्। २३औं मिनेटमा नेपालले अग्रता ४–० मा पुर्‍यायो। मीनाले दिएको पासलाई गोल लाइनजिक रहेकी पूर्णिमाले सहजै गोलमा फरिणत गरिन्। इन्जुरी समयमा पूर्णिमाले व्यक्तिगत दोस्रो तथा टोलीका लागि पाँचौं गोल गरिन्। सरिताले प्रहार गरेको बल भुटानी गोलकिपरले बचाउने प्रयास गरेकी थिइन्। तर, रिबाउन्डमा आएको बललाई पूर्णिमाले हेडरमार्फत गोल गरिन्। इन्जुरी समयको अन्तिम सेकेन्डतिर पूर्णिमाले ह्याट्रिक पूरा गरिन्।&nbsp; जारी प्रतियोगितामा उनको यो दोस्रो ह्याट्रिक हो। यसअघि उनले भुटानविरुद्धको ५-१ को जितमा पनि यो उपलब्धि हासिल गरेकी थिइन्। योसँगै शीर्ष गोलकर्ताको सूचीमा अग्रस्थानमा रहेकी उनले आफ्नो गोल संख्या १० मा पुर्‍याएकी छन्। ६४औं मिनेटमा कुशुमले अग्रता ७–० मा पुर्‍याइन्। वैकल्पिक खेलाडीको रूपमा मैदान उत्रिएकी उनले सुक्रियाको क्रसमा गोल गरेकी हुन्। लगत्तै सुक्रियाको उस्तै क्रसमा अनमार्क मीनाले सहजै गोल गर्दै ह्याट्रिक पूरा गरिन्। जारी प्रतियोगितामा मीनाको यो दोस्रो ह्याट्रिक हो। यसअघि उनले श्रीलंकाविरुद्ध ७–० को जित निकाल्ने क्रममा ह्याट्रिक गरेकी थिइन्। योसँगै उनको गोलसंख्या ७ पुगेको छ। यो जितसँगै आयोजक बंगलादेशलाई उछिन्दै नेपाल शीर्ष स्थानमा उक्लिएको छ। नेपालले ५ खेलबाट १२ अंक पुर्‍याएको छ। एक खेल कम खेलेको बंगलादेशको पनि समान अंक छ। तर, गोलअन्तरमा नेपाल अगाडि छ। नेपालले ३० गोल गर्दा ४ गोल खाएको छ।&nbsp; बंगलादेशले भने १९ गोल गर्दै ४ गोल दिएको छ। जसमा दुई गोल नेपालले गरेको थियो। शनिबार नै दोस्रो खेलमा बंगलादेश र श्रीलंका खेल्नेछन्।

भुटानको पोस्टमा ८ गोल गर्दै नेपाल उक्लियो शीर्ष स्थानमा

काठमाडौं। काभा च्याम्पियन्स लिगमा हेल्प नेपाल स्पोर्ट्स क्लब पाँचौँ सेटमा पराजित गरेकाे छ। शनिबार भएको तेस्रो खेलमा हेल्प नेपाल बिस्केक कीर्गिस्तानसँग ३–२ को सेटमा पराजित भएको हो।&nbsp; पहिलो सेट हेल्प नेपालले २५–२० ले गुमाएको थियो। दोस्रो सेट हेल्प नेपालले २८–२६ ले जित्यो। तेस्रो सेटमा भने पुन: कमजोर प्रदर्शन गर्दा २५–२० ले पराजित हुन पुग्यो। चौथो सेटमा भने बिस्केकलाई २५–१७ ले सहजै पाखा लगायो। पाँचौं तथा अन्तिम सेटमा हेल्प नेपाल १५–११ ले पराजित भयाे। यो हारसँग हेल्प नेपालकाे विजयी यात्रामा पुर्णविराम लागेकाे छ। यसअघि हेल्प नेपालले पहिलो खेलमा माल्दिभ्सको क्लब धिवेही सिफाइन्गे क्लबलाई ३–२ को सेटमा पराजित गरेको थियो। दोस्रो खेलमा पनि माल्दिभ्सकै क्लब एचडिसीलाई ३–१ सेटमा पराजित गरेको थियो।&nbsp;

पाँचौँ सेटमा हेल्प नेपाल स्तब्ध

काठमाडौं। एएफसी यू-२३ एसियाली कप छनोटको लागि हाल बन्द प्रशिक्षणमा रहेको राष्ट्रिय टोलीमा ३२ खेलाडी समेटिएको छ। एन्फाद्वारा आयोजित विभिन्न चरणको छनोट पछि मुख्य प्रशिक्षक नवीन न्यौपानेले क्याम्पको लागि छोटो सूचीमा परेका ४० खेलाडीहरूको प्रारम्भिक समूहबाट आठ खेलाडीहरूलाई रिलिज गरेका छन्। टोलीले सेप्टेम्बर ३ देखि ९ सम्म ताजिकिस्तानमा आयोजना हुने एएफसी यू-२३ एसियाली कप छनोटको लागि तयारी गरिरहेको छ। नेपालसहित आयोजक ताजिकिस्तान, सिरिया र फिलिपिन्ससँगै समूह के मा रहेका छन्। नेपाली टोलीः&nbsp; अभिषेक सेङ्ताङ, अभिषेक वाइबा, आयुष घलान, आयुष तिम्सिना, अमित टमाटा, अनिल बम्जन, अनिश छेत्री, आरोन थापा, विवेक गुरुङ, विशाल केसी, विशाल नेपाली, दिपेश गुरुङ, दिपेश राई, जन्म जय धामी, जियारत शेख, मोहन शेख, कृष्णा राणा, कृष्णराज सुब्बा, निगम लामा, निरज कार्की, निरजन धामी, पेम्बा लामा, पुजन थापा, राम थापा, रोहन खड्गी, सविन घिमिरे, सञ्जीव लामा, शंकर थारु, सन्तोष खत्री, सेमन्त थापा, सुजन मगर, सुमित श्रेष्ठ ।

यू-२३ प्रारम्भिक टोलीमा ३२ खेलाडी

त्रियोग हाई स्कुलको आयोजनामा पाँचौँ त्रियोग अन्तर स्कुल चेस प्रतियोगिता आइतबार सुरु हुँदै छ । स्विस लिग प्रणालीमा सञ्चालन हुने सो प्रतियोगितामा ६० विद्यालयका &nbsp;करिब ४ सय विद्यार्थीको सहभागिता रहने विद्यालयले जानकारी दिएको छ ।&nbsp;दुईदिने कार्यक्रम अन्तर्गत पहिलो दिन छनोट खेल हुने छन् । हरेक स्पर्धामा शीर्ष २० स्थान पाउनेको बिचमा दोस्रो दिन खेल हुने छ । प्रतियोगितामा कुल ८ स्पर्धा समावेश गरिएका छन् ।&nbsp;३ कक्षासम्म, कक्षा ४ र ५, कक्षा ६ र ७ तथा कक्षा ८ देखि १० सम्मका छात्र तथा छात्राको स्पर्धा समावेश गरिएका छन् । आयोजक विद्यालयले पहिलो दिनको बिहान नौ बजे सम्पूर्ण सहभागी विद्यालयलाई सम्पर्कमा आइसक्न अनुरोध गरेको छ ।

त्रियोग अन्तर स्कुल चेस आइतबारदेखि

काठमाडौं, साउन ३ गते । नेपाल जिम्न्याष्टिक संघको केन्द्रीय साधारण सभाले ध्रुवबहादुर प्रधानलाई अध्यक्षमा निरन्तरता दिदै २२ सदस्यीय केन्द्रीय कार्यसमिति शनिबार निर्विरोध चयन गरेको छ ।उपाध्यक्षमा बाबुराम थापा, दीपकृष्ण प्रजापति, सुशिलप्रकाश प्रधान, वचन देउजा, प्रमिला सिंह श्रेष्ठ र राजकुमार कार्की रहेका छन् । मुकुन्दराज शर्माले महासचिव, रामप्रसाद बस्याल र डा. कुस्मिला आचार्यले सचिव, सुनिलमान सिंहले कोषाध्यक्ष र संगिता खड्काले सह–कोषाध्यक्षको जिम्मेवारी पाए ।सूर्यबहादुर अधिकारी, श्रीप्रसाद कोजु, विष्णुनारायण ग्वाछा, निरज थापा, शिवप्रसाद गौतम, राजु केसी, राजु कायश्थ, पर्मेश्वर जोशी, राजेशमान श्रेष्ठ र विवेकानन्द चौधरी सदस्यमा चयन भए ।नवनिर्वाचित पदाधिकारीलाई राष्ट्रिय खेलकुद परिषद् कार्यकारी समितिका सदस्य कमलबहादुर भट्टराईले एक कार्यक्रमबीच प्रमाण पत्र प्रदान गरे । त्यसअघि साधारण सभाको युवा तथा खेलकुद मन्त्री तेजुलाल चौधरीले उद्घाटन गरेका थिए । धोबीघाटस्थित सिद्धार्थ कटेजमा भएको साधारण सभामा एजीयुका प्रतिनिधि कौशिककुमार बिडिवालाको पनि उपस्थिति रहेको थियो&nbsp;

जिम्न्याष्टिकमा प्रधानको निरन्तरता

नेपाल र भुटान बिच खेल हेर्नुहोस<a href="https://www.youtube.com/live/7pwzOswd280?si=e3eLr-IzoLVBOTpX" target="_blank">Nepal vs Bhutan match Live</a> 
<iframe width="560" height="315" src="https://www.youtube.com/embed/7pwzOswd280?si=Wwys2SAHRymBDKXI" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe>

नेपाल र भुटान बिच खेल हेर्नुहोस

काठमाडौँ। नेपाली राष्ट्रिय महिला फुटबल टोलीकी मिडफिल्डर प्रीति राईले जोर्डनको क्लबबाट व्यावसायिक लिग खेल्ने भएकी छन्। एएफसी च्याम्पियनसिप लिग २०२५र०२६ को प्रारम्भिक चरणका लागि अल इत्तिहाद क्लबले अनुबन्ध गरेको हो।&nbsp; शुक्रबार विभागीय टोली एपिएफ क्लबका एक पदाधिकारीले उनि जोर्डनको क्लबमा अनुबन्ध भएको बताएका हुन्। उनी हालसम्म एपिएफ क्लबमा आबद्ध थिइन्। प्रीतिले शुक्रबार जोर्डन जान राष्ट्रिय खेलकुद परिषद् (राखेप)बाट अनुमति लिएकी थिइन्। यो क्लब एएफसी च्याम्पियनसिप लिग अन्तर्गतसमूह ‘सी’ छ। यो समूहमा मलेसियाको केलाना युनाइटेड, सिंगापुरको लायन सिटी र किर्गिजस्तानको सड्युशोर एसआई एसियागोल रहेका छन्। समूहको खेल मलेसियामा हुनेछ। इत्तिहादले पहिलो खेल अगस्ट २५ मा लायनसँग खेल्नेछ।

प्रीति जोर्डनको क्लबमा अनुबन्ध

काठमाडौँ। आयोजक स्वीजरल्याण्डलाई हराउँदै स्पेन महिला युरोकपको सेमिफाइनलमा पुगेको छ।शुक्रबार राति सम्पन्न क्वाटरफाइनलको खेलमा स्पेनले स्वीजरल्याण्डलाई २-० गोल अन्तरले पराजित गर्दै सेमिफाइनलमा पुगेको हो। स्पेनको जितमा एथेनिया डेल कास्टिलो र क्लाउडिया पिनाले एक एक गोल गरिन्। खेलको ९० मिनेटपछिको इन्जुरी समयमा स्वीजरल्याण्डकी नोएल मार्टिजले रातो कार्ड पाएकी थिइन्। स्पेनले सेमिफाइनलमा फ्रान्स र जर्मनीबीचको विजेतासँग खेल्ने छ। यो सेमिफाइनल खेल जुलाई २३ मा हुने छ। यसअघि इटाली र इङल्याण्ड सेमिफाइनलमा पुगिसकेका छन्।

स्पेन सेमिफाइनलमा

इंग्लिस प्रिमियर लिगमा गत सिजन टोटनहमको प्रदर्शन कस्तो रह्यो, त्यो सबैलाई थाहा छ । रेलिगेसन क्षेत्रबाट ठ्याक्कै माथि मात्रै थियो, यो उत्तरी लन्डनको क्लब । त्यो भनेको १७ औं स्थानमा । धन्न टोटनहमले युरोपा लिग जित्यो र अबको युरोपेली च्याम्पियन्स खेल्नेछ । यसबीच क्लबमा धेरै फेरिए । सबैभन्दा ठूलो त नयाँ प्रशिक्षक आए र उनी हुन्, थामस फ्रान्क । उनको नेतृत्वमा टोटनहमले कस्तो खेल्नेछ, त्यो हेर्न लायक रहनेछ । तर क्लबका मालिक ड्यानिएल लेभीले भने अबकै सिजन नयाँ उद्देश्य बनाएका छन् र त्यो हो, प्रिमियर लिग उपाधि जित्ने । यो अलिकति बढी नै भएन त ? त्यसै पनि लेभी आफ्ना समर्थकमाझ खासै लोकप्रिय छैनन् । उनले क्बल राम्रोसँग नचलाएको आरोप पनि छ । यस्तोमा लेभीको त्यो उद्देश्यलाई नयाँ प्रशिक्षक स्वंयले कसरी लिएका छन् त ? फ्रान्क यसलाई नराम्रो केही पनि मान्दैनन्, आखिरमा खेलेपछि उद्देश्य जित्नु नै हुने गर्छ । &nbsp;तर यी डेनिस प्रशिक्षक भन्छन्, ‘मुख्य कुरा क्लब अगाडि बढ्नु पर्छ । टोटनहम जत्तिको क्लबले प्रिमियर लिग जित्ने सपना देख्नु ठीकै हो । तर अबको सिजन लिग उपाधिका लागि हामी पक्कै पनि बलियो प्रत्यासी होइनौं । हाम्रो उद्देश्य बलियो टिम बनाउने र राम्रो प्रदर्शन गर्नु नै हुनेछ ।’

टोटनहमः मालिको एउटा उद्देश्य, प्रशिक्षकको अर्कै

काठमाडौं। काभा क्लब च्याम्पियन्स लिगमा हेल्प नेपाल स्पोर्ट्स क्लबले लगातार दोस्रो जित हासिल गरेको छ। शुक्रबार राति सम्पन्न खेलमा हेल्प नेपालले माल्दिभ्सको क्लब एचडिसीलाई ३–१ सेटमा पराजित गरेको हो। पहिलो सेटमा एचडिसीलाई हेल्प नेपालले २५–१९ ले पाखा लगायो। दोस्रो सेट भने केही रोमाञ्चक बनेको थियो। तर, घरेलु टोलीलाई २३ मै रोक्दै हेल्प नेपालले २–० को अग्रता लियो। तेस्रो सेट भने हेल्प नेपालको फितलो रह्यो। उक्त सेट १९–२५ ले गुमायो। र चाैथाे सेटमा २५–२२ ले जित हासिल गर्दै हेल्प नेपालले खेल ३–१ को सेटमा आफ्नो पक्षमा पार्‍यो। यसअघि हेल्प नेपालले पहिलो खेलमा माल्दिभ्सकै क्लब धिवेही सिफाइन्गे क्लबलाई ३–२ को सेटमा पराजित गरेको थियो।

Nepalsports

दोस्रोपटक क्यानलाई आइसिसी डिजिटल फ्यान इन्गेजमेन्ट अफ द इयर अवार्ड

📰 Recent News

Nepalsports