बागमती प्रदेश पहिलो
स्केट च्याम्पियनसिप, ज्याम
ज्याम स्केट ज्याम
शीर्षकमा, बागमती प्रदेश
स्केटिङ र स्केटबोर्डिङ
संघले इन्जिनियर र
स्केटरहरूमा चेतना फैलाउन
आयोजना गरिएको थियो।
यस प्रतियोगिताले "हामी
आशा गर्छौं, यदि
एक जना इन्जिनियरले
आफ्नो क्याम्पसदेखि होस्टल
र होस्टलदेखि क्याम्पससम्मको
दैनिक क्रियाकलापमा स्केटबोर्ड
वा रोलर स्केटलाई
यातायातको साधनको रूपमा
प्रयोग गर्छ भने,
इन्जिनियरिङ अध्ययनको चार वर्षमा
उसले ११ दिन बचाउन सक्छ"
भन्ने नारा बोकेको
थियो।<o:p></o:p><o:p>&nbsp;</o:p>यस च्याम्पियनसिपको सहआयोजन नेपाल स्केटिङ
र स्केटबोर्डिङ संघ
र नेपाल स्केट
क्लबले गरेका थिए।
केन्द्रीय अध्यक्ष अच्युत खनालले
सबै जिल्लाका र
प्रादेशिक संघहरूले यस्तै कार्यक्रमहरू
आयोजना गर्नुपर्ने आवश्यकता
जोड दिए।<o:p></o:p><o:p>&nbsp;</o:p>बागमती प्रदेश स्केटिङ
र स्केटबोर्डिङ संघका
अध्यक्षले इन्जिनियर र स्केटरहरूका
लागि कार्यक्रम आयोजना
गर्न पाएकोमा खुसी
व्यक्त गरे। उनले
इन्जिनियरहरूलाई आफ्नो क्याम्पसमा
स्केट खेलहरूको प्रवर्द्धन
गर्न प्रोत्साहित गरे।
इञ्जिनियर प्रकाश श्रेष्ठको
नेतृत्वमा केटाहरू र केटीहरू
गरी दुई विधामा
प्रतियोगिता सम्पन्न भएको थियो।<o:p></o:p>यो कार्यक्रम प्रदेश सदस्य
बिभुसा बजगाईंले प्रस्तुत
गरेकी थिइन्। ह्वाइट
र्याबिट स्टुडियोका सीईओ
तथा प्रायोजक इञ्जिनियर
परिवेश कोइरालाले कार्यक्रमको
समर्थन गर्न पाउँदा
आफूलाई खुसी लागेको
बताए। थप रूपमा,
नासा इन्टरनेसनल कलेजका
सीईओले आफ्नो कलेजमा
स्केट पार्क निर्माण
गर्ने प्रेरणा पाएको
बताए।<o:p></o:p><o:p>&nbsp;</o:p>













प्रतियोगिता प्रथम स्केट
खेलाडी रामचन्द्र कोइरालाले
इञ्जिनियर प्रकाश श्रेष्ठलाई
ज्याम ज्याम स्केट
ज्याम आयोजना गरेकोमा
धन्यवाद दिँदै समापन
गरियो।<o:p></o:p>

पहिलो स्केट च्याम्पियनसिप आयोजना

काठमाडौं, असोज ४ गते । पाँचौं मिस्टर काठमाडौं शारीरिक सुगठन प्रतियोगिताको उपाधि विजेता स्व. प्रकाश राईप्रति शुक्रबार श्रद्धाञ्जली अर्पण गरिएको छ । स्व. राईलाई श्रद्धाञ्जली दिन उनको पार्थिव शरीरलाई शुक्रबार त्रिपुरेश्वरस्थित राष्ट्रिय खेलकुद परिषद् (राखेप) को हातामा राखिएको थियो ।राखेपका सदस्य–सचिव टंकलाल घिसिङ, नेपाल शारीरिक सुगठन तथा फिट्नेस महासंघका प्रथम उपाध्यक्ष विजयलाल कायश्थ, काठमाडौं जिल्ला शारीरिक सुगठन तथा फिट्नेस संघका अध्यक्ष सुरेश सुवेदी, खेलाडी, प्रशिक्षक, कर्मचरीलगायतले राईको पार्थिव शरीरमा झण्डा र पुष्पगुच्छा चढाईं भावपूर्ण श्रद्धाञ्जली अर्पण गरेका थिए ।मोरङको पथरी निवासी ४५ वर्षीय स्व. राईले गत शनिबार काठमाडौं जिल्ला शारीरिक सुगठन तथा फिट्नेस संघद्वारा आयोजित पाँचौं मिस्टर काठमाडौं शारीरिक सुगठन प्रतियोगिताको उपाधि जितेका थिए । उनको गत बुधबार हृदयघाटका कारण निधन भएको थियो । स्व. राईले २०१८ को बुल्स म्यानमा स्वर्ण तथा २०६३ मा भएको मिस्टर धर्मश्रीमा रजत जितेका थिए । उनले २०१४ मा हङकङमा भएको हङकङ आर्नोल्ड क्लासिकमा पनि सहभागिता जनाएका थिए । उनको पार्थिव शरीरलाई शुक्रबारै गृह जिल्ला मोरङ लगिदै छ । शनिबार उनको अन्त्येष्ती गरिने अध्यक्ष सुवेदीले जानकारी गराए ।

शारीरिक सुगठक प्रकाशप्रति श्रद्धाञ्जली

काठमाडौं । विभागिय टोली नेपाल पुलिस क्लबले माल्दिभ्समा जारी काभा महिला क्लब च्याम्पियसिप भलिबलमा लगातार पाँचौं खेलमा जित हासिल गरेको छ। शुक्रबार भएको खेलमा माल्दिभ्स पुलिस क्लबलाई नेपाल पुसिलले ३–१ को सेटमा पराजित गरेको हो। यो जितसँगै पुलिसले पाँच खेलबाट १४ अंक जोड्दै अपराजित रहेको छ। पुलिसले पहिलो सेट २५–१२, दोस्रो सेट २५–२१ ले आफ्नो पक्षमा पारेको थियो भने तेस्रो सेटमा २३–२५ ले गुमाएको थियो। चौथो सेट २५–२१ ले आफ्नो पक्षमा पार्दै पुलिसले तीन अंक हासिल गर्न सफल भयो।&nbsp; यसअघि नै फाइनलमा स्थान बनाएको पुलिसले पहिलो खेलमा उज्वेकिस्तानको हुमो भलिबल क्लब, श्रीलंका एयर फोर्स र ताजकिस्तानको डाइमेड भलिबल क्लबलाई समान ३–० को तथा चौथो खेलमा माल्दिभ्सको वाम्को क्लबलाई ३–२ को सेटमा पराजित गरेको थियो।

माल्दिभ्समा पुलिसको लगातार पाँचौं जित

काठमाडौं । फ्रेन्चाइज टोली गण्डकी थण्डर्सले ‘ट्यालेन्ट हन्ट’ गर्ने भएको छ।&nbsp; एभरेस्ट महिला भलिबल लिग (इडब्ल्युभिएल)को लागि गण्डकीले असोज ९ गते ‘ट्यालेन्ट हन्ट’ गर्ने भएको हो।&nbsp; कार्यक्रम बिहान ८ः३० मा पोखरा स्टेडियममा हुने छ। जसमा गण्डकीका ट्यालेन्टहरुले सहभागिता जनाउन पाउनेछन्।&nbsp; टोलीका मुख्य प्रशिक्षक रुपेश विष्ट र टिमकी मार्की खेलाडी सरस्वती चौधरी सहित टिमको म्यानेजमेन्ट समूहले पोखरमा एक खेलाडीको छनोट गर्नेछ।&nbsp; ‘ट्यालेन्ट हन्ट’ मा हालसम्म राष्ट्रिय तथा अन्तर्राष्ट्रिय स्तरमा सहभागि नभएका खेलाडीले सहभागिता जनाउन पाउनेछन्। इन्फिनिटी ड्रिम्स प्रालिले नेपाली भलिबल इतिहामै पहिलो पटक फ्रेन्चाइजी लिगको आयोजना गरेको हो। महिला भलिबलको इतिहासमा नेपालमा पहिलो पटक खेलाडी ‘ट्यालेन्ट हन्ट’ बाट छनोट हुने भएको हो।

गण्डकी थण्डर्सले असोज ९ गते ‘ट्यालेन्ट हन्ट’ गर्ने

काठमाडौं । त्रिभुवन आर्मी फुटबल क्लबले चन्द्रपुर नगरपालिकामाथि फराकिलो हासिल गरेको छ। शुक्रबार सातदोबाटोस्थित एन्फा कम्प्लेक्समा सम्पन्न खेलमा आर्मीले चन्द्रपुरमाथि १०–० को फराकिलो जित हासिल गरेको हो।&nbsp; एन्फा महिला लिग अन्तर्गत आर्मीको जितमा चन्द्रा भण्डारी र अमिशा कार्कीले ह्याट्रिक गरिन्। हिमा चौधरी, दीपा शाही, अन्जना रानामगर &nbsp;र शर्मिला थापामगरले समान एक गोल गरिन्।&nbsp; जितसँगै सात खेलबाट १६ अंक जोडेको आर्मी दोस्रो स्थानमा छ। पराजित चन्द्रपुर समान खेलबाट सात अंकका साथ सातौं स्थानमा छ।

चन्द्रपुरको पोस्टमा आर्मीको १० गोल

काठमाडौं । दोस्रो प्रयागराज सिंह सुवाल स्मृति अन्तर वडा फुटसल प्रतियोगितामा शुक्रबार वडा नं ८ ले वडा नं १३ लाई टाइब्रेकरमा ३–२ ले हराएको छ। लैनचौर फुटसल मैदानमा भएको सो खेलको निर्धारीत समय गोलरहित बराबरमिा सकिएको थियो। त्यसपछि पेनाल्टी सुटआउटबाट जितको छिनोफानो गरिएको हो। सो खेलमा विजयी टिमका गोलरक्षक मिसन श्रेष्ठ म्यान अफ दि म्याच घोषित भए। यस नतिजासँगै गत उपविजेता वडा १३ को यात्रा पहिलो खेलमै सकिएको हो। अन्य खेलमा वडा नं ३१, वडा नं २२ र वडा नं २१ ले जित हात पारे। दिपक तामाङले गरेको गोल निर्णयक बनेपछि वडा ३१ ले वडा १ लाई १–० ले निराश बनायो। सो खेलमा गोलकर्ता दिपक नै उत्कृष्ट खेलाडी चुनिए। वडा २२ ले वडा १९ लाई पेनाल्टी सुटआउटमा २–० ले हरायो। निर्धारीत समयमा दुवै टिमले गोल गर्न सकेनन्। सो खेलमा वडा २२ का अजय महर्जन म्यान अफ दि म्याच चुनिए। शुक्रबार भएको चौथो तथा अन्तिम खेलमा वडा नं २१ ले वडा नं २८ लाई सहजै ४–० ले पराजित गर्यो। वडा २१ का लागि अनिकेत देउलाले दुई तथा सनिम देउला र रुपेश शाक्यले एक÷एक गोल गरे। शनिबार प्रिक्वाटरफाइनलमा काठमाडौँ महानगरपालिका र वडा नं ९, वडा नं ६ र वडा नं ३, वडा नं १६ र वडा नं २० तथा वडा नं १४ र वडा नं १० बिच खेल हुनेछ।

अन्तर वडा फुटसल : वडा ८, २१, २२ र ३१ विजयी

काठमाडौं । चितवन शक्तिले एभरेष्ट महिला भलिबल लिग (इडब्ल्युभीएल) का लागि रसियाकी अपोजिट हिटर अन्ना डिमित्रीभालाई भित्र्याएको छ।&nbsp; अजरबैजानकी केन्सिया पावेल्नि सहभागि नहुँने भएपछि चितवनले उनको स्थापनमा प्रतिस्थापन गर्न लागेको हो।&nbsp; २१ बर्षकी अन्ना ६.२ उचाइ भएकी दायाँ हाते स्पाइकर हुन्। उनी पहिलो पटक नेपालमा खेल्न आउन लागेकी हुन्।&nbsp; उनको उपस्थितीले टिम थप बलियो हुने र प्रतियोगितामा राम्रो प्रदर्शन गर्ने विश्वास चितवन शक्ति टिमले लिएको छ। चितवनका लागि भारतीय मिडलब्लकर सूर्या सरसुरी र स्पाइकर केपी अनुश्रीलाई अनुबन्ध गरिसकेको छ।&nbsp; अन्ना चितवनको तेस्रो विदेशी खेलाडी हुन्। चितवनका लागि नेपाली महिला भलिबल टिमकी कप्तान अरुणा शाही मार्की खेलाडीको रुपमा रहेकी छिन्।

चितवन शक्तिले ल्यायो रसियन स्पाइकर

काठमाडौं । विभागीय टोली नेपाल एपिएफ क्लबले एन्फा महिला लिगमा कोशी प्रदेशमाथि फराकिलो जित हासिल गरेको छ।&nbsp; सातदेबाटोस्थित एन्फा कम्प्लेक्समा शुक्रबार भएको पहिलो खेलमा एपिएफले कोशी प्रदेशमाथि ८–० गोलको फराकिलो जित हासिल गरेको छ। यो जितसँगै जारी लिगमा एपिएफले आफ्नो अपराजित यात्रा कायम राखेको छ। एपिएफको रश्मीकुमारी घिसिङले पाँच, अनिता बस्नेतले दुई र अनिता केसीले एक गोल गरे।&nbsp; खेलको पाँचौं मिनेटमा अनिता केसीको गोलमार्फत एपिएफले अग्रता लिएको थियो।&nbsp; जितसँगै सात खेलमा १९ अंक जोडेको एपिएफले शीर्ष स्थानमा फराकिलो अग्रता बनाएको छ। पराजित कोशी समान खेलबाट १० अंकका साथ पाँचौं स्थानमा छ।

कोशीको पोस्टमा एपिएफको ८ गोल

काठमाडौं । साफ यु–१७ च्याम्पियनसिप शुक्रबारदेखि भुटानमा सुरुहुँदै छ। दक्षिण एसियाका ७ देशका युवा टिमले यो प्रतियोगिता खेल्दै छन्। आज शुक्रबार हुने उद्घाटन खेलमा भारत र बंगलादेश भिड्ने छन्। याे खेल नेपाली समय अनुसार साँझ पौने ६ बजे सुरु हुने छ। भारत गत संस्करणको उपाधि विजेता टोली हो। यसैगरी नेपालले आफ्नो पहिलो खेलमा शनिबार पाकिस्तानसँग प्रतिस्पर्धा गर्ने छ। साफ यू-१७ का लागि बुधवार भुटान उत्रिएसँगै अभ्यास गरेको थियो। नेपाली टिमका मुख्य प्रशिक्षक सनोज श्रेष्ठले नेपाली टिम उपाधि जित्नका लागि भुटान आएको बताएका छन्। काठमाडौंमा पनि अभ्यास राम्रो गरेको बताउँदै भुटानको मौसमका कारण पनि नेपाललाई खेल्न सहज हुने विश्वास व्यक्त गरे।

साफ यु–१७ आजदेखि, उद्घाटन खेलमा भारत र बंगलादेश भिड्दै

काठमाडौं । लगातार पाँचौं जितेको लक्ष्यमा रहेको नेपाल पुलिस क्लब शुक्रबार माल्दिभ्स पुलिस क्लबको सामना गर्दा छ। काभा महिला क्लब च्याम्पियसिप अन्तर्गत यसअघि सम्पन्न सबै चार खेलमा जित हासिल गरेको पुलिस जितेको लक्ष्यमा हुने छ। खेल नेपाली समयअनुसार साँझ ५ः४५ मा सुरु हुनेछ। माल्दिभ्सको मालेमा जारी प्रतियोगितामा पुलिसले ११ अंक जोडेको छ। फाइनलमा स्थान बनाएको पुलिसले यसअघि उज्वेकिस्तानको हुमो भलिबल क्लब, श्रीलंका एयर फोर्स र ताजकिस्तानको डाइमेड भलिबल क्लबलाई समान ३–० को तथा माल्दिभ्सको वाम्को क्लबलाई ३–२ को सेटमा पराजित गरेको थियो।

Nepal Sports

MENU

FOOTBALL LEAGUE

FAVORITE CLUB

Live Match

NepalSports Mobile App

📰 Recent News

⚽ Football Matches

📰 All News and Transfer Today