बेल्जियम र इजिप्टलाई एक एक अंक

बेल्जियमले विश्वकप २०२६ मा मंगलबार इजिप्टलाई १–१ को बराबरीमा रोकेको छ । बेल्जियमले दोस्रो हाफमा बराबरी गोल फर्काएपछि दुवै टिमले एक एक अंकमा चित्त बुझाएको हो । सियाटलमा भएको खेलमा इमाम असोरले गोल गर्दै पहिलो हाफमा इजिप्टलाई अगाडि राखेका थिए।

तर दोस्रो हाफमा मोहम्मद हानीले आत्मघाती गोल गरेपछि बेल्जियमलाई राहत पुगेको हो । यो नतिजाले कीर्तिमान सात पल्टका अफ्रिकी कप अफ नेसन्स विजेता इजिप्टले विश्वकपमा पहिलो जितका लागि अझै पर्खिनु पर्ने भएको छ ।

चौथो पल्ट विश्वकप खेलिरहेको इजिप्टले यसपल्ट समूह जी को खेलमा राम्रो गर्ने विश्वास गरिएको थियो । बेल्जियमले पनि विश्वकपका पछिल्ला तीन संस्करणमा कुनै जित निकाल्न सकेको छैन् ।