कुराकाउमाथि जर्मनीको सात गोल

जर्मनीले विश्वकप २०२६ मा सोमबार डेब्यु गरिरहेको कुराकाउमाथि ७–१ को ठूलो अन्तरको जित निकालेको छ । समूह ई मा प्राप्त यस जितले जर्मनी अर्को चरणमा प्रवेशका लागि बलियो स्थितिमा पुगेको छ । अबका खेलमा जर्मनीले इक्वडेर र आइभरीकोस्टको सामना गर्नेछ ।

ह्युस्टनमा भएको खेलमा जर्मनीका लागि फेलिक्स नेम्चाले गोलको खाता खोलेपछि कुराकाउले गोल फर्काएर सनसनी मच्चाएका थिए । त्यो गोल लिभानो कोमनसियाको नाममा रह्यो । तर त्यसपछि खेल एकपक्षीय रुपमा जर्मनीको नाममा रह्यो ।

खेलको बाँकी समय जर्मनीका लागि निको स्करटबेक र काइ हाभरटेजले दुई दुई गोल गरे । त्यस्तै जमन मुसलिया, नथानेल ब्राउन र डनेज उनदभले एक एक गोल गरे ।