लिभरपुलको पुनरागमन जित

च्याम्पियन्स लिग फुटबलमा लिभरपुलले एट्लेटिको म्याड्रिडलाई २-१ गोलले पराजित गरेको छ। बुधबार राति एनफिल्डमा भएको खेलमा लिभरपुलले पहिलो हाफमा गोल खाएपछि पुनरागमन गर्दै जित निकालेको हो ।

खेलको १७औँ मिनेटमा एट्लेटिकोका मार्कोस लोरेन्टेले गोल गर्दै पाहुना टोलीलाई अग्रता दिलाएका थिए। जुलियन अल्भारेजको पासमा लोरेन्टेले एलिसन बेकरलाई छकाउँदै गोल गरेका थिए ।

तर, लिभरपुलले पहिलो हाफको अन्त्यतिर डोमिनिक सोबोस्लाईको गोलमार्फत खेल बराबरीमा ल्याए। दोस्रो हाफमा एलेक्सिस म्याक एलिस्टरले २० यार्डबाट शानदार गोल गर्दै लिभरपुललाई अग्रता दिलाए ।

यो जितसँगै लिभरपुलले च्याम्पियन्स लिग सिजनको सुखद सुरुवात गरेको छ। यो खेल लिभरपुलका नयाँ प्रशिक्षक आन्दोनी इराओलाको च्याम्पियन्स लिगमा पहिलो खेल थियो ।