मेसीको कीर्तिमानी प्रदर्शनपछि अर्जेन्टिना नकआउट चरणमा

लियोनल मेसीको दुई गोलको मदतले अर्जेन्टिनाले विश्वकप २०२६ मा मंगलबार अस्ट्रियालाई २–० ले पराजित गरेको छ र नकआउट चरणमा पनि प्रवेश गरेको छ । मेसी विश्वकप इतिहासमा सर्वाधिक गोल गर्ने खेलाडी पनि भएका छन् ।

उनले ३८ औं मिनेटमा पहिलो गोल गरेपछि दोस्रो हाफको इन्ज्युरी समयको पाँचौ मिनेटमा दोस्रो गोल थपे । यससँगै उनले विश्वकपमा गरेको कुल गोलको संख्या १८ पुगेको छ । त्यस अगाडि खेलको सुरुमै उनी पेनाल्टीमा गोल गर्न चुकेका थिए ।

यस विश्वकपमै उनले गरेको गोल संख्या पाँच पुगिसकेको छ । उनले मिरोस्लाभ क्लोजको नाममा रहेको सर्वाधिक १६ गोलको कीर्तिमानलाई उछिनेका हुन् । अल्जेरियाविरुद्धको खेलमा ह्याट्रिक गर्दै मेसीले क्लोजको बराबरी गरेका थिए ।

यो जितपछि अर्जेन्टिनाको समूह जे मा छ अंक भएको छ । अस्ट्रिया तीन अंकमा दोस्रो स्थानमा छ ।