साउदी अरेबियासँग पनि उरुग्वेको बराबरी

विश्वकप २०२६ को मंगलबार लगातार बराबरीको नतिजा आउने क्रममा साउदी अरेबिया र उरुग्वेले पनि यस्तै नतिजाको खेल खेलेका छन् । मियामी स्टेडियममा भएको खेलमा उरुग्वेले साउदी अरेबियासँग १–१ को बराबरीमा चित्त बुझाएको हो ।

साउदी अरेबियाले खेलको ४१ औं मिनेटमा अब्दुलेलह अल आमरीको गोलले अग्रता लिएको थियो । खेलको अधिकांस समय आफ्नो नियन्त्रणमा राखेको उरुग्वेले ८० औं मिनेटमा बराबरी गोल फर्काएको थियो र यो म्याक्सिमिलिनो अराउजोको नाममा रह्यो ।

यो नतिजापछि समूह एच मा उरुग्वे र साउदी अरेबिया नै शीर्ष दुई स्थानमा रहे । यसअघि यही समूहको खेलमा स्पेन र केपभार्डेले गोलरहित बराबरी खेलेका थिए । चारै टिम समान एक एक अंकमा रहेका छन् ।