काठमाडौँ । आगामी टी–२० विश्वकपको खेल तालिका सार्वजनिक भएको छ। अन्तर्राष्ट्रिय क्रिकेट परिषद् (आईसीसी) ले मंगलबार सार्वजनिक गरेको तालिका अनुसार नेपाल समूह ‘सी’ मा परेको छ। नेपालको समूहमा इंग्ल्यान्ड, वेस्ट इन्डिज, बंगलादेश र इटाली रहेका छन्। नेपालका सबै खेल भारतको मुम्बईमा हुनेछन्। सन् २०२६ फेब्रुअरी ७ देखि मार्च ८ सम्म आयोजना हुने यो टी–२० विश्वकप भारत र श्रीलंकाले संयुक्त रूपमा आयोजना गर्नेछन्। प्रतियोगितामा २० देश सहभागी हुनेछन्। नेपालको खेल तालिका&nbsp;फेब्रुअरी ८ : इंग्ल्यान्डफेब्रुअरी १२ : इटालीफेब्रुअरी १५ : वेस्ट इन्डिजफेब्रुअरी १७ : बंगलादेश विश्वकपका समूहहरूसमूह 'ए' : भारत, पाकिस्तान, अमेरिका, नेदरल्याण्ड्स, नामिबियासमूह 'बी' : श्रीलंका, अष्ट्रेलिया, आयरल्याण्ड, जिम्बाब्वे, ओमानसमूह 'सी' : इंग्ल्यान्ड, वेस्ट इन्डिज, बंगलादेश, नेपाल, इटालीसमूह 'डी' : न्यूजिल्यान्ड, दक्षिण अफ्रिका, अफगानिस्तान, क्यानडा, युएई

टी–२० विश्वकप : नेपाल समूह ‘सी’ मा, पहिलो खेल फेब्रुअरी ८ मा इंग्ल्यान्डसँग

<div>काठमाडौँ । नेपाल प्रिमियर लिग (एनपिएल) मा आज पनि एक खेल हुँदैछ। दिउँसो ४ बजेदेखि हुने खेलमा विराटनगर किंग्स र चितवन राइनोज आमनेसामने हुनेछन्। </div><div> </div><div>जारी प्रतियोगितामा विराटनगर किंग्स शानदार फर्ममा छ। उसले खेलेका तीनै खेल जित्दै तालिकामा उत्कृष्ट प्रदर्शन गरिरहेको छ। त्यस्तै चितवन राइनोजले दुई खेलमा एक जित र एक हारको नतिजा ल्याएको छ।</div><div> </div><div>सन्दीप लामिछानेको कप्तानीमा रहेको विराटनगरमा लोकेश बम, प्रतिश जिसीजस्ता राष्ट्रिय खेलाडीको उपस्थिति छ। उता कुशल मल्लको नेतृत्वमा रहेको चितवनमा रिजन ढकाल, कलमसिंह ऐरी, देव खनालजस्ता प्रतिभावान राष्ट्रिय खेलाडीहरू छन्।</div>

चितवन र विराटनगर आज आमनेसामने

चेल्सीले युरोपेली च्याम्पियन्स लिगमा मंगलबार दस खेलाडीमा सीमित बार्सिलोनामाथि त्यस्तो जित निकालेका छ, जसलाई शानदार भन्न सकिनेछ । स्टायनफोर्ड ब्रिजमा भएको खेलमा इंग्लिस प्रिमियर लिगको दोस्रोमा रहेको चेल्सीले स्पेनी ला लिगाको दोस्रोमा रहेको बार्सिलोनालाई ३–० ले हराएको हो । जुलेस कोन्डको आत्मघाती गोलमा चेल्सी अगाडि रहेपछि स्टेभाओ र लियाम डेलापले गोल थपे । म्यानचेस्टर सिटी भने बायर लेभरकुजनको हातबाट २–० ले पराजित रह्यो र यसको सबै दोष पेप ग्वार्डिओलालाई जानेछ । उनले आफ्ना प्रमुख खेलाडीलाई आराम दिएका थिए र यो निर्णय ठीक रहेन् । बोरुसिया डर्टमुन्डले भिल्लारियलमाथि अर्को शानदार ४–० को जित रच्यो । अर्को इंग्लिस प्रिमियर लिग क्लब न्युकासल युनाइटेड भने मार्सेसँग २–१ ले पराजित भयो । नेपोलीले भने कोरबागमाथि २–० को जित हात पार्‍यो । युभेन्ट्सले बोर्डो/गिम्टलाई ३–२ ले हरायो । अन्य खेलमा बेनफिकाले आयाक्सलाई २–० र युनियन सेन्ट गिलोसले १–० ले हरायो । स्लाभिया प्राग र एथलेटिको बिलबाओबीचको खेल गोलरहित बराबरीमा समाप्त भयो । चेल्सी र सिटी दुवै समान १० अंकमा छन् । लेभरकुजनको आठ अंक भएको छ । बार्सिलोना भने सात अंकमै सीमित रह्यो ।

बार्सिलोनामाथि चेल्सीको शानदार जित

काठमाडौँ। दोस्रो संस्करणको नेपाल प्रिमियर लिग एनपिएलमा लुम्बिनी लायोन्सले लगातार दोस्रो हार ब्यहोरेको छ। लुम्बिनी २२ रनले पराजित भएको हो। त्रिवि क्रिकेट रंगशालामा काठमान्डू गोर्खाजले दिएको १५८ रनको लक्ष्य पछ्याएको लुम्बिनी १३५ रन मात्रै बनाउन सक्यो। लुम्बिनीका लागि दिलिप नाथले २५ रन बनाए। उनले ३३ बलमा १ चौका र १ छक्का प्रहार गरे। यस्तै, डी आर्सी सर्टले २२ रन बनाए। उनले ११ बलमा ३ चौका र १ छक्का प्रहार गरे। सेयर मल्ले १८ बलमा ३ छक्काको सहयोगमा २७य रन प्रहार गर्दै रन आउट भए। कप्तान रोहितकुमार पौडेल र गुलबदिन नाबिले समान ११, ओपनर सन्दीप जोराले ७ रन बनाए।&nbsp; काठमाडौँका लागि मिलिन्द्र कुमार, गेरहार्ड इरास्मसले &nbsp;विकेट लिए। साहब आलम, कप्तान करण केसी, सन्तोष यादव र रासिद खानले समान एक विकेट हात परे।&nbsp; यो जितसँगै ४ खेलमा काठमान्डूले दोस्रो जित दर्ता गरेको छ। यता ३ खेलबाट लुम्बिनीले दोस्रो हार ब्यहोरेको छ। त्यसअघि त्रिवि क्रिकेट रंगशालामा टस हारेर पहिले ब्याटिङको निम्तो पाएको काठमान्डूले निर्धारित २० ओभरमा ८ विकेट गुमाएर १५७ रन बनाएको थियो।&nbsp; काठमान्डूको लागि कप्तान करण केसीले सर्वाधिक ३३ रन बनाए। उनले ११ बलमा ४ चौका र एक छक्का प्रहार गरे। ओपनर आकाश त्रिपाटीले ३२ रन बनाए। उनले ३३ बलमा ३ चौका प्रहार गरे। यस्तै, सन्तोष यादवले १३ बलमा २ छक्काको सहयोगमा २३ रन बनाएर आउट भए। गेर्हाट इरानेशले १५ बलमा २ चौका प्रहार गर्दै १७ रन बनाए। मिलेन्द्र कुमार १७ र रासिद खानले १४ रनको योग्दान गरे। काठमान्डूले १९औँ ओभरमा मात्रै ३१ रन जोड्न सफल भयो। उसका लागि करण केसीले ४ छक्का प्रहार गरे। यता, लुम्बिनीका लागि शेर मल्ल, कप्तान रोहितकुमार पौडेल, रुबेन ट्रम्पलन र गुलबदिन नाविले समन दुई विकेट हात पारे।

लुम्बिनीको लगातार दोस्रो हार, काठमान्डू २२ रनले विजयी

काठमाडौँ। दोस्रो संस्करणको एनपिएलमा काठमान्डू गोर्खाजले लुम्बिनी लायोन्सलाई १५८ रनको लक्ष्य प्रस्तुत गरेको छ।&nbsp; त्रिवि क्रिकेट रंगशालामा टस हारेर पहिले ब्याटिङको निम्तो पाएको काठमान्डूले निर्धारित २० ओभरमा ८ विकेट गुमाएर १५७ रन बनायो।&nbsp; काठमान्डूको लागि कप्तान करण केसीले सर्वाधिक ३३ रन बनाए। उनले ११ बलमा ४ चौका र एक छक्का प्रहार गरे। ओपनर आकाश त्रिपाटीले ३२ रन बनाए। उनले ३३ बलमा ३ चौका प्रहार गरे। यस्तै, सन्तोष यादवले १३ बलमा २ छक्काको सहयोगमा २३ रन बनाएर आउट भए। गेर्हाट इरानेशले १५ बलमा २ चौका प्रहार गर्दै १७ रन बनाए। मिलेन्द्र कुमार १७ र रासिद खानले १४ रनको योग्दान गरे। काठमान्डूले १९औँ ओभरमा मात्रै ३१ रन जोड्न सफल भयो। उसका लागि करण केसीले ४ छक्का प्रहार गरे। यता, लुम्बिनीका लागि शेर मल्ल, कप्तान रोहितकुमार पौडेल, रुबेन ट्रम्पलन र गुलबदिन नाविले समन दुई विकेट हात पारे। यसअघिका तीन मध्य दुवै टोलीले समान एक जित दुई हार ब्यहोरेका छन्।

काठमान्डूले लुम्बिनीलाई दियो १५८ रनको लक्ष्य

काठमाडौँ। नेपाल प्रिमियर लिग अन्तर्गत आज एक खेल हुँदैछ। आज काठमाडौँ गोर्खाज र लुम्बिनी लायन्सबीच खेल हुँदैछ। यो खेल नेपाली समयअनुसार दिउसो ४ बजेदेखि शुरु हुँदैछ। जारी प्रतियोगितामा काठमाडौँ गोर्खाजले ३ खेलमा एक जित र २ हार बेहोरेको छ भने लुम्बिनी लायन्सले २ खेलमा एक जित र एक हार बेहोरेको छ ।

एनपिएल : काठमाण्डु र लुम्बिनी भिड्दै

एभरटनले इंग्लिस प्रिमियर लिगमा सोमबार त्यस्तो परिस्थितिमा म्यानचेस्टर युनाइटेडविरुद्ध जित निकालेको छ, जसलाई अनौठो र बिर्सनलायक मानिनेछ । ओल्ड ट्रायफोर्डमा भएको खेलमा दस खेलाडीमा सीमित एभरटन १–० ले विजयी रहेको हो र त्यसमा किरनन डेब्सबरीले २९ औं मिनेटमा आकर्षक गोल गरे । तर यस खेलको चर्चाको विषय भने इड्रिस गुएलाई देखाइएको सिधा रातो कार्ड रह्यो । आफ्नै साथी खेलाडी माइकल केनलाई प्रहार गरेपछि उनलाई मैदान छाड्न आदेश दिइएको हो । विश्व फुटबलमा आफ्नै टिमका खेलाडीमाथिको गलत व्यवहारका कारण रातो कार्ड देखाइने घटना दुर्लभ नै रहेको छ । यो जितपछि एभरटनको १८ अंक भएको छ र टिम ११ औं स्थानमा उक्लेको छ । अर्कोतर्फ युनाइटेड पनि १८ अंकमै सीमित रहेर १० औं स्थानमा रह्यो ।

ओल्ड ट्रायफोर्डमा एभरटनको अनौठो जित

इस्पनयोलले अर्को सिजन युरोपमा खेल्ने आफ्नो सम्भावनालाई बढाउन सोमबार राति स्पेनी ला लिगामा सेभियालाई २–१ ले हराएको छ । यो जितपछि इस्पनयोलको १३ खेलबाट २१ अंक भएको छ र लिग तालिकाको छैटौं स्थानमा उक्लेको छ । यो शीर्ष चारबाट सात अंकको दूरी हो। खेलका तीन गोल भने इस्पनयोलकै खेलाडीको नाममा रह्यो । घरेलु टिमका लागि पेरे मिला र रोबर्टो फर्नान्डेजले दोस्रो हाफमा गोल गरेका हुन् । खेलको ८६ औं मिनेटमा लियान्ड्रो काब्रेराले आत्मघाती गोल गरे ।

सेभियालाई हराएर इस्पनयोल छैटौं स्थानमा

काठमाडौँ। सुदूरपश्चिम रोयल्सले जारी दोस्रो संस्करणको नेपाल प्रिमियर लिगमा लगातार तेस्रो जित दर्ता गरेको छ। तेस्रो जित निकाल्ने क्रममा सुदूरले कर्णाली याक्सलाई ४५ रनले पराजित गरेको हो। सुदूरले दिएको १४० रनको लक्ष्य पछ्याएको कर्णाली याक्सले १९.२ ओभरमा सबै विकेट गुमाएर ९४ रन मात्रै बनाउन सक्यो।&nbsp; कर्णालीको लागि पवान सराफले सर्वाधिक २७ रन बनाए। उनले २६ बलमा चार चौका प्रहार गरे। यस्तै, मार्क वाटले १० बलमा १७ रन बनाए। कप्तान सोमपाल कामीले १६ बलमा १४ र गुलसन झाले १३ बलमा १३ रन बनाए। यता, सुदूरका लागि कप्तान दिपेन्द्र सिंह एैरीले चार ओभर बलिङ गर्दै २३ रन खर्चिएर चार विकेटद लिए। यस्तै, हर्मित सिंह र अभिनाषा बोहोराले दुई, हेमन्त धामी र स्कट कुगइलेनले समान एक विकेट लिए। जितसँगै सुदूरले आफ्नो तीन खेलमा तीनै जित दर्ता गरेको छ। पारजित कर्णालीले दोस्रो हार ब्यहोरेको छ।

सुदूरपश्चिमको लगातार तेस्रो जित, कर्णालीको दोस्रो हार

काठमाडौँ। सुदूरपश्चिम रोयल्सले आफ्नो तेस्रो खेलमा कर्णाली याक्सलाई १४० रनको लक्ष्य प्रस्तुत गरेको छ।&nbsp; त्रिवि क्रिकेट रंगशालामा टस हरेर पहिले ब्याटिङ गरेको सुदूरले निर्धारित २० ओभरमा ९ विकेट गुमाए १३९ रन बनायो।&nbsp; सुदूरका लागि कप्तान दीपेन्द्र सिंह एैरीले सर्वाधिक ३९ रन बनाए। उनले ३८ बलमा एक चौका र दुई छक्का प्रहार गरे।&nbsp; आरिफ शेख २७, हर्मित सिंह १९, क्रिस लिन १८ ओपनर विनोद भण्डारी ११, स्कोट कुगलेनले १० रन बनाए। यता, कर्णालीको लागि कप्तान सोमपाल कामीले चार ओभर बलिङ गर्दै एक मेडनसहित ३२ रन खर्चिएर तीन विकेट हात पारे। यस्तै, नरेन यादव दुई मार्क वाट, विपिन शर्मा र युवराज खत्रीले समान एक विकेट लिए।

कर्णालीलाई १४० रनको लक्ष्य

काठमाडौँ। दोस्रो संस्करणको नेपाल प्रिमियर लिग एनपिएल मा विराटनगर किङ्सले लगातार तेस्रो जित दर्ता गरेको छ। विराटनगरले साविक विजेता जनकपुर वोल्ट्सलाई ९ रनले पराजित गरेको हो। त्रिवि क्रिकेट रंगशालामा विराटनगरले दिएको १३६ रनको लक्ष्य पछ्याएको जनकपुरले २० ओभरमा ९ विकेट गुमाएर १२६ रन मात्रै बनाउन सक्योजनकपुरको लागि जान निकोल लफ्टी इटनले सर्वाधिक ४१ रन बनाए। उनले ३१ बलमा ४ चौका र १ छक्का प्रहार गरेर रन आउट भए। ओपनर लाहिरु मिलनथाले २२ बलमा २ चौका र १ छक्काको सहयोगमा २३ रन बनाए। सन्जय कृष्णमुर्ती २० तथा अर्का ओपनर आसिफ शेखले १३ रन बनाए। विराटनगरका लागि कप्तान सन्दीप लामिछाने चार विकेट लिए। चार ओभर बलिङ गरेका सन्दीपले ११ रन मात्रै खर्चिए। सुर्य तामाङ दुई, सभम रञ्जन र मर्चेल डे लिङगाले एक विकेट हात पारे।&nbsp; यो सँगै लगातार जित हासिल गरेको विराटनगरको ३ खेलमा ६ अंक पुगेको छ। यता, जनकपुरले लगातार दोस्रो हार ब्यहोरेको छ। त्यसअघि टस हारेर पहिले ब्याटिङ गरेको विराटनगरले निर्धारित २० ओभरमा ७ विकेट गुमाएर १३५ रन बनाएको थियो। विराटनगरको लागि सुभम रञ्जनले ३७ बनाए। बासिर अहमदले ३६ रनको योग्दान दिए। उनले ३५ बलमा ३ चौका प्रहार गरे। &nbsp; ओपनर लोकेश बमले २६ बलमा २ चौका र १ छक्काको सहयोगमा २९ रन बनाएर आउट भए। यस्त, जर्ज मुन्से १०, मार्टिन गप्टील १३ रन बनाएर आउट भए। यता, जनकपुरको लागि संगीत कोरे र रुपेश सिंहले समान दुई विकेट लिए। आदित्य महताले एक विकेट हात पारे।

विराटनगरको लगातार तेस्रो जित

एएस रोमाले इटालीको सिरी ए मा आइतबार क्रेमोन्सेलाई २–० ले हराएरले शीर्षमा उक्लेको छ । अर्को खेलमा एसी मिलानले इन्टर मिलानलाई १–० ले हराएपछि रोमा शीर्षमै कायम रहेको हो । यी नतिजापछि रोमा शीर्षमा दुई अंकले अगाडि रह्यो । उसको २७ अंकमा रह्यो । मिलान भने २५ अंकमा दोस्रो स्थानमा रह्यो । इन्टरले मिलानलाई हराएको उसको सामु शीर्षमा रहने अवसर थियो । स्टाडियो ओलम्पिकोमा भएको खेलमा रोमाका लागि म्याटओ गुन्डोजी र जितनानी नोसलिनले गोल गरे । मिलान डर्बीमा भने क्रिस्टियन पुलिसिचले निर्णायक गोल गरे । लिग तालिकामा नेपोली २५ र इन्टर २४ अंकमा शीर्ष चारमा रहेका छन् ।

क्रेमोन्सेलाई हराएर रोमा शीर्षमा

दस खेलाडीमा सीमित एल्चेले स्पेनी ला लिगामा आइतबार रियल म्याड्रिडलाई २–२ को बहादुृरीपूर्ण बराबरीमा रोकेको छ । यो नतिजाले शीर्षमा रियलको अग्रता एकै अंकमा सीमित भएको छ । रियलको ३२ अंक भएको छ भने बार्सिलोना ३१ अंकमा दोस्रो स्थान रहेको छ । जुड बेलिंघमले खेलको ८७ औं मिनेटमा रियलका लागि बराबरी गोल फर्काएका थिए । खेलको अन्त्यमा एल्चेका भिक्टर चस्ट रातो कार्ड खाएर मैदान छाड्न बाध्य रहे । आफ्नो घरेलु मैदानमा एल्चेले दुई पल्ट अग्रता लिएर पनि त्यसलाई कायम भने राख्न सकेन् । आइतबारनै एटलेटिको म्याड्रिडले गेटाफेलाई १–० ले हरायो र २८ अंकमा चौथो स्थानमा कायम रह्यो । भिल्लारियल भने २९ अंकमा तेस्रो स्थानमा रहेको छ ।

रियलको अग्रता एकै अंकमा सीमित

इबेरची इजीको ह्याट्रिकको मदतले आर्सनलले इंग्लिस प्रिमियर लिगमा आइतबार टोटनहममाथि शानदार ४–१ को जित निकालेको छ । इमिरेट्समा भएको खेलमा इजीले ४१, ४६ र ७६ औं मिनेटमा गोल गरे । लियान्ड्रो ट्रोसार्डले अर्को गोल थपे । टोटनहमका लागि रिचार्लिसनले एक गोल फर्काए । यो जितपछि आर्सनलको २९ अंक भएको छ र लिग उपाधिका लागि एक मात्र बलियो प्रत्यासी बनेको छ । चेल्सी २३ अंकमा दोस्रो स्थानमा छ र शीर्षमा आर्सनलको अग्रताले छ अंक छोएको छ । टोटनहम भने १८ अंकमा नवौं स्थानमा छ । आइतबारकै अर्को खेलमा एस्टन भिल्लाले लिड्स युनाइटेडलाई २–१ ले पराजित गर्‍यो र २१ अंकमा शीर्ष चारमा प्रवेश गर्न सफल रह्यो ।

इजीको ह्याट्रिकमा आर्सनलको शानदार जित

काठमाडौं। नोभेम्बर २६ देखि डिसेम्बर २ सम्म इन्डोनेसियामा हुने थ्री नेसन कप खेल्न जाने नेपाली राष्ट्रिय महिला फुटबल टिमको बिदाइ गरिएको छ।&nbsp; आइतबार टोलीलाई एक कार्यक्रमकाबीच अखिल नेपाल फुटबल संघ एन्फा का महासचिव किरण राई, सिइओ इन्द्रमान तुलाधर, कार्यकारी बोर्ड सदस्य सरिला श्रेष्ठ मलेखुलगायलको उपस्थितिमा टिमलाई बिदाइ गरिएको हो।&nbsp; नेपालले पहिलो खेल नोभेम्बर २६ मा घरेलु टोलीसँग खेल्नेछ। डिसेम्बर २ मा भने चाइनिज ताईपेइसँग खेल्ने तय भएको छ।

महिला फुटबल टिमको बिदाइ

पेरिस सेन्ट जर्मेन (पीएसजी) ले शनिबार फ्रान्सेली लिग वानको शीर्ष स्थान फेरि कब्जा गरेको छ । पीएसजीले मार्सेलाई उछिनेर अगाडि बढ्नका लागि हाभरेलाई ३–० ले हराएको हो । त्यसमा ली काङ–इन, जाओ नेभास र ब्राडली बारकोलाले गोल गरे । पीएसजीको यो जितपछि १३ खेलबाट ३० अंक भएको छ र यो दोस्रो स्थानमा रहेको मार्सेमाथि दुई अंकको अग्रता हो । लेन्स पनि समान २८ अंकमा तेस्रो स्थानमा छ । उसले अर्को खेलमा स्ट्रसबर्गलाई १–० ले हरायो । यसको एक मात्र निर्णायक गोल इस्माअेलो गानिउले गरे ।

मार्सेलाई उछिनेर पीएसजी पहिलोमा

बायर्न म्युनिकले शनिबार जर्मन बुंडेसलिगामा शानदार पुर्नआगमन जित रचेको छ र आफू नै एक मात्र उपाधिको प्रत्यासी रहेको प्रमाणित गरेको छ । एलिनाज एरेनामा भएको खेलमा बायर्नले फ्रेबर्गलाई ६–२ ले हराएको हो । खेलको सुरुआती १७ मिनेटभित्र फ्रेबर्गले दुई गोलको अग्रता लिएपछि बायर्न स्तब्ध देखिएको थियो । तर त्यसपछि बायर्नले एकपछि अर्को गोल गरेको थियो । त्यसमा मिचेल ओलिसले दुई गोल गरे । यस्तै लेनार्ट कार्ल, डायोट उपामेकानो, ह्यारी केन र निकोलस ज्याक्सनले एक एक गोल गरे । यो जितपछि बायर्नको ३१ अंक भएको छ र यो दोस्रोमा रहेको बायर लेभरकुजनमाथि आठ अंकको अग्रता हो ।

बायर्नको शानदार पुर्नआगममन जित

डिफेन्डिङ च्याम्पियन नेपोलीले इटालीको सिरी ए मा आफ्नो उपाधि चुनौती शनिबार पनि कायम राखेको छ र यसका लागि उसले एटलान्टालाई आफ्नो घरमा भएको खेलमा ३–१ ले हरायो । त्यसमा डेविड नेरेसले दुई गोल गरे र यी दुवै गोल पहिलो हाफमा भएको थियो । अर्को गोल भने नोआ लाङको नाममा रह्यो । यो जितपछि नेपोलीको २५ अंक भएको छ र यो शीर्षमा एकै अंकको मात्र अग्रता हो । इन्टर मिलान, बोलोग्ना र एएस रोमा तीनै टिम समान २४ अंकमा शीर्ष चार भित्र रहेका छन् । शनिबारका अन्य खेलमा बोलोग्नाले युडिनेजीलाई ३–० ले हरायो । यस्तै फ्लोरिन्टना र युभेन्ट्सले १–१ को बराबरी खेले । युभेन्ट्स २० अंकमा छैटौं स्थानमा छ र लगातारको कमजोर प्रदर्शनले टुरिन क्लब उपाधि होडबाट लगभग बाहिरिसकेको छ ।

नेपोली उपाधि होडमा कायम

फेरान टोरेसको दुई गोलको मदतले बार्सिलोनाले स्पेनी ला लिगामा शनिबार एथलेटिको बिलबाओलाई सजिलै ४–० ले हराएको छ । यससँगै अंक तालिकाको शीर्ष स्थानमा उक्लेको छ । बार्सिलोनाको ३१ अंक भएको छ र गोल अन्तरले अगाडि छ । रियल म्याड्रिड पनि समान ३१ अंक छ र उसले आइतबारको खेल जितेर बार्सिलानालाई उछिन्न सक्नेछ । भिल्लारियल भने २९ अंकमा तेस्रो स्थानमा उक्लिन सफल रह्यो र यसका लागि उसले रियल मार्लोकालाई २–१ ले हरायो । यस्तै रियल सोसिडाडले ओसासुनालाई ३–१ ले हरायो । उसको १६ अंक भएको छ ।

रियललाई पछ्याउँदै बार्सिलोना

म्यानचेस्टर सिटीले इंग्लिस प्रिमियर लिगमा शनिबार शीर्ष स्थानको आर्सनलसँगको दूरी घटाउने अवसर गुमाएको छ । उसलाई न्युकासल युनाइटेडले २–१ ले हरायो । सेन्ट जेम्स पार्कमा हार्भी बारनेसले दुई गोल गरे । सिटीका तर्फबाट रुबेन डियासले एक गोल फर्काए । &nbsp;यो हारपछि सिटी २२ अंमा तेस्रो स्थानमा रह्यो । चेल्सी २३ अंकमा दोस्रोमा छ । यस्तै एक खेल कम खेलेको आर्सनलको २६ अंक छ । यसअघि चेल्सीले बर्नलीलाई २–० ले हराएको थियो । लिभरपुलको खराव प्रदर्शनको क्रम भने जारी रह्यो र नटिङघम फरेस्टको हातबाट ३–० ले पराजित रह्यो । यससँगै लिभरपुल १८ अंकमा ११ औं स्थानमा झरेको छ । अन्य खेलमा क्रिस्टल प्यालेसले उल्भ्सलाई २–०, फुलहमले सन्डरल्यान्डलाई १–० र ब्राइटनले ब्रेन्टफोर्डलाई २–१ ले पराजित गरेको थियो । बर्नमाउथ र वेस्ट ह्यामले भने २–२ को बराबरी खेले ।

Nepalsports

चितवन र विराटनगर आज आमनेसामने

📰 Recent News

Nepalsports