इग्ल्यान्डलाई सम्भवतः म्यानचेस्टरको ओल्ड ट्रायफोर्डमा चलिरहेको चौथो टेस्ट जित्नबाट भारतले रोक्न सक्ने छैन् । टेस्टको तेस्रो दिन समाप्त हुँदा इंग्ल्यान्ड १ सय ८६ रनले अगाडि छ ।

ठ्याक्कै दुई टिमको खेल बाँकी छँदा यो ठोस अग्रता हो । इंग्ल्यान्ड आफ्नो पहिलो इनिङ्समा सात विकेट गुमाएर ५ सय ४४ रन बनाएर खेलिरहेको छ । भारत यसअघि ३ सय ५८ रनमै समेटिएको थियो ।

घरेलु टिमका लागि कप्तान बेन स्टोक्स ७७ र लियाम डसन २१ रन बनाएर खेलिरहेका छन् । त्यस अगाडि जोए रुटले १ सय ५० रनको शानदार इनिङ्स खेलेका थिए ।

यससँगै उनी टेस्ट क्रिकेटमा सर्वाधिक बनाउनको सूचीको दोस्रो स्थानमा पुगेका छन् । उनको यो खेल १ सय ५७ औं टेस्ट हो र उनले १३ हजार ४ सय ९ रन बनाइसके ।

उनले भन्दा बढी रन बनाउने एक्लो ब्याटर अब सचिन तेन्दुलकर हुन् । उनले दुई सय टेस्टमा १५ हजार ९ सय २१ रन बनाएका छन् ।