काठमाडौं। आगामी शुक्रबारदेखि काठमाडौं महानगरपालिका अन्तर वडाव्यापी वीर गणेशमान स्मृति रनिङ शिल्ड खुला तेक्वान्दो प्रतियोगिता हुने भएको छ । काठमाडौं महानगरपालिका वडा-२२ को आयोजना र संकटा क्लब सहआयोजनामा आगामी माघ २३ र २४ गते संकटाको टेबहाल परिसरमा हुने भएको हो । आयोजकले बुधबार पत्रकार सम्मेलन आयोजना गर्दै&nbsp; नेपालको प्रजातान्त्रिक आन्दोलनका योद्धा वीर गणेशमान सिंहको स्मृतिमा प्रतियोगिता गर्न लागेको जनाएको छ । यस प्रतियोगितामा काठमाडौं महानगरपालिकाका ३२ वटै वडाका खेलाडीले प्रतिस्पर्धा गर्नेछन् । प्रतियोगितामा कुल ६ सय ४० खेलाडी सहभागी हुने अनुमान गरिएको छ । त्यसमा पुरुष तीन सय २० र महिला तीन सय २० जना खेलाडी रहनेछन् । प्रत्येक टिमबाट अधिकतम् २० जना खेलाडी सहभागी हुन पाउने व्यवस्था गरिएको छ । प्रतियोगिताको प्राविधिक सहयोग नेपाल तेक्वान्दो संघले प्रदान गर्नेछ । प्रतियोगितामा ग्योरोगी (प्थयचगनष्) तर्फ पुरुष र महिलामा समान आठ तौलसमूहमा प्रतिस्पर्धा हुनेछ । फाइटमा महिलातर्फ २०–२४ केजी, २४–२८ केजी, २८–३२ केजी, ३२–३६ केजी, ४०–४४ केजी, ४४–४८ केजी र ४८–५२ केजी तौलसमूहमा प्रतिस्पर्धा हुनेछ । पुरुषतर्पm पनि सोही तौलसमूहमा खेल हुनेछ । यसैगरी, एकल पुम्से (एययmकबभ) तर्फ पुरुष तथा महिलामा दुई उमेरसमूह १२ वर्षमुनि र १२ वर्षदेखि १६ वर्षसम्म प्रतिस्पर्धा हुनेछ । प्रतियोगितामा कुल २० स्वर्ण, २० रजत र ४० कांस्य पदक प्रदान गरिनेछ । खेलाडीहरूलाई पदकसँगै नगद पुरस्कारको व्यवस्था पनि गरिएको छ । स्वर्ण पदक विजेताले तीन हजार, रजत पदक विजेताले दुई हजार र कांस्य पदक विजेताले एक हजार नगद पुरस्कारका साथै पदक प्राप्त गर्नेछन् । टिम च्याम्पियनले ट्रफी पनि पाउनेछ । उक्त प्रतियोगिता सञ्चालनका लागि अनुमानित १० लाख रुपैयाँ बजेट विनियोजन गरिएको आयोजकले जनाएको छ । प्रतियोगिताले महानगरस्तरमा तेक्वान्दो खेलको विकास, खेलाडीहरूको प्रतिभा पहिचान तथा युवा पुस्तामा खेलकुदप्रतिको आकर्षण बढाउने विश्वास लिइएको छ ।

शुक्रबारदेखि काठमाडौं महानगरपालिका अन्तर वडाव्यापी गणेशमान स्मृति खुला तेक्वान्दो हुने

काठमाडौं। नेपाल क्रिकेट संघ (क्यान) को आयोजनामा हुने जय ट्रफी क्रिकेट प्रतियोगिता&nbsp;फागुन ८ देखि १५&nbsp;गतेसम्म सञ्चालन हुनेछ।&nbsp; प्रतियोगिता त्रिवि र मूलपानी अन्तर्राष्ट्रिय क्रिकेट मैदानमा हुनेछ। त्रिभुवन आर्मी, नेपाल पुलिस, एपीएफ र बागमती प्रदेश सहभागी प्रतियोगिताका लिग चरणका खेल दुई-दुई दिनका हुनेछन्।&nbsp; लिगपछि शीर्ष दुई टोलीबीच फाइनल खेल त्रिवि मैदानमा आयोजना हुनेछ। सबै खेल बिहान ९:३० बजे सुरु हुनेछन्।

जय ट्रफी फागुनमा

&nbsp;काइ हाभर्टेजले दोस्रो हाफको इन्ज्युरी समयको सातौं मिनेटमा गरेको गोलको मदतले आर्सनलले चेल्सीलाई १–० ले पराजित गर्दै मंगलबार लिगकपको फाइनल यात्रा निश्चित गरेको छ । यससँगै आर्सनल समग्रमा ४–२ ले अगाडि रह्यो । पहिलो लेगको सेमिफाइलनमा आर्सनल ३–२ ले अगाडि थियो । इंग्लिस प्रिमियर लिगको शीर्षमा रहेको आर्सनलसामु छ वर्षयता फाइनल खेल्ने अवसर जुरेको हो । आर्सनल युरोपेली च्याम्पियन्स लिगको अन्तिम १६ मा पनि पुगिसकेको छ । उपाधिको भिडन्तमा आर्सनलको प्रतिद्वन्द्वी म्यानचेस्टर सिटी अथवा न्युकासल युनाइटेडमध्ये एक हुनेछ । अर्को पहिलो लेगको सेमिफाइनलमा सिटी २–० ले अगाडि रहेको छ र दोस्रो लेग बुधबार हुनेछ ।

चेल्सीलाई पन्छाएर आर्सनल लिगकप फाइनलमा

काठमाडौं। राष्ट्रिय लिगअन्तर्गत मंगलबार तीन खेल सम्पन्न भएका छन्। जसमध्ये एक खेलमा जावलाखेल युथ क्लब विजयी हुँदा दुई खेल गोलरहित बराबरीमा सकिएका छन्। त्रिपुरेश्वरस्थित दशरथ रंगशालामा भएको खेलमा जावलाखेल युथ क्लबले नव जनजागृति युवा क्लबलाई ४–० को फराकिलो अन्तरले पराजित गर्दै लिगमा दोस्रो जित हात पारेको हो। जावलाखेलको जितमा हरिशराज भट्ट, बौबकार सिस्सोखो, युवराज ढकाल र धर्मेन्द्रले गोलले समान एक गाेल गरे।&nbsp; <img src="https://app.nepalsportz.com/media/django-summernote/2026-02-04/83a524bb-c00f-4dd6-ac01-67156adc7645.jpeg" style="width: 698px;"> यो जितसँगै पाँच खेल खेलेको जावलाखेलले ६ अंक जोडेको छ। समान खेल खेलेको जनजागृति अंकविहीन रहँदै तालिकाको पुछारमा छ। यस्तै, सातदोबाटोस्थित एन्फा कम्प्लेक्समा भएको अर्को खेलमा लिग लिडर एपीएफ क्लब र न्युरोड टिम (एनआरटी) गोलरहित बराबरीमा रोकिए। यससँगै एपीएफले पाँच खेलबाट १३ अंक बनाएको छ भने एनआरटीले १० अंक जोड्दै चौथो स्थानमा यथावत् छ। मंगलबारकै अर्को खेलमा मनाङ मर्स्याङ्दी क्लब र संकटा एफसीबीचको प्रतिस्पर्धा पनि गोलरहित बराबरीमा सकिएको थियो।

राष्ट्रिय लिग : मनाङ–संकटा तथा एनआरटी–एपीएफ रोकिँदा जावलाखेल विजयी

काठमाडाैं। आरिफ शेख र दीपेन्द्रसिंह ऐरीको अर्धशतकीय इनिङ्स तथा चौथो विकेटका लागि भएको शतकीय साझेदारीको मद्दतमा नेपालले आईसीसी पुरुष टी–२० विश्वकपको वार्मअप खेलमा युएईमाथि सानदार जित निकालेको छ। मंगलबार चेन्नईस्थित एमए चिदम्बरम स्टेडियममा सम्पन्न खेलमा नेपालले युएईलाई ७ विकेटले पराजित गरेको हो। १४६ रनको लक्ष्य पछ्याएको नेपालले १८.४ ओभरमै ३ विकेटको क्षतिमा लक्ष्य पूरा गर्‍यो। नेपालको जितमा आरिफ शेखले ३७ बलमा ८ चौका र २ छक्का प्रहार गर्दै अविजित ६० रन बनाए भने दीपेन्द्रसिंह ऐरीले ३१ बलमा ४ चौका र १ छक्कासहित ५० रनको योगदान दिए। यी दुईले चौथो विकेटका लागि १०३ रनको अविजित साझेदारी गर्दै नेपाललाई सहज जित दिलाए। यसअघि कप्तान रोहितकुमार पौडेल १६ रनमा आउट हुँदा ओपनरद्वय कुशल भुर्तेल र आसिफ शेखले समान ८–८ रन जोडे। युएईका मुहम्मद रोहिदले एक विकेट लिए। त्यसअघि टस हारेर पहिला ब्याटिङ गरेको युएईले निर्धारित २० ओभरमा ६ विकेट गुमाउँदै १४५ रन बनाएको थियो। युएईका सोहेब खान अविजित ३८ रनसहित सर्वाधिक स्कोरर रहे। हर्षित कौशिकले ३५, ओपनर आर्यन्श शर्मा २५, मुहम्मद जोहैबले १९ तथा अलिशान सराफुले १२ रन बनाए पनि अन्य ब्याटरले उल्लेखनीय योगदान दिन सकेनन्।

आरिफ र दीपेन्द्रको अर्धशतकमा नेपाल विजयी

काठमाडौं। साउदी प्रो लिग अन्तर्गतको खेलमा साडियो मानेको निर्णायक गोलमा अल नासरले अल रियाधलाई १–० ले पराजित गरेको छ।&nbsp; सोमबार राति सम्पन्न खेलको ४०औँ मिनेटमा मानेले गोल गर्दै टिमलाई जित दिलाए। इन्जुरी समयमा अल रियाधका तोजेले रातो कार्ड पाउँदा पाहुना टोली १० खेलाडीमा सीमित रह्यो।&nbsp; जितसँगै अल नासर १९ खेलबाट ४६ अंक जोड्दै दोस्रो स्थानमा उक्लिएको छ। समान खेलबाट ४७ अंकसहित अल हिलाल शीर्ष स्थानमा छ, जसले पछिल्ला तीन खेलमा जित निकाल्न सकेको छैन।

मानेको गोलले अल नासर विजयी

सन्डरल्यान्डले इंग्लिस प्रिमियर लिगमा सोमबार बर्नलीमाथि ३–० को सहज जित दर्ता गरेको छ र यसले अंक तालिकाको आठौं स्थानमा उसको पकड अझ बलियो भएको छ । अर्को सिजन युरोपमा सपना बुन्न सक्ने सन्डरल्यान्डको ३६ अंक भएको छ । सन्डरल्यान्डले एक्सेल टुन्जेबेको आत्मघाती गोलले अग्रता लिएको थियो । त्यसपछि हबिब डिएरा र चेम्सडिन टाइबीले एक एक गोल थपे ।हारले भने बर्नलीलाई अझ गाह्रो भएको छ र एक सिजनपछि फेरि रेलिगेसनमा पर्ने सम्भावना बलियो भएको छ । बर्नली १९ औं स्थानमा रहेको छ र उसको १५ अंक मात्रै छ ।

सन्डरल्यान्ड आठौंमा बलियो

अन्तर्राष्ट्रिय क्रिकेट काउन्सिल (आईसीसी) ले हतारमा प्रेस विज्ञप्ती जारी गर्दै भनेको छ, पाकिस्तानले ट्वान्टी ट्वान्टी विश्वकप २०२६ मा भारतविरुद्धको खेल बहिस्कार गर्ने निर्णय फिर्ता लिए राम्रो । यस्तोमा प्रश्न हो, के पाकिस्तानले आफ्नो निर्णय फेर्नेछ ? एउटा तथ्य भने निश्चित छ, पाकिस्तानको यो निर्णयले प्रतियोगितामै गम्भीर प्रभाव भने पारेको छ । भयो के भन्दा, पाकिस्तानी सरकारले आफ्नो राष्ट्रिय टिमलाई आइतबार ट्वान्टी ट्वान्टी विश्वकपमा खेल्न अनुमती त दिएको छ । तर सरकारले टिमलाई भारतविरुद्धको खेलमा सहभागी हुनबाट भने रोक लगाएको छ । पाकिस्तानी सरकारले भनेको छ, ‘पाकिस्तानी क्रिकेट टिमलाई ट्वान्टी ट्वान्टी विश्वकपमा सहभागिताका लागि अनुमती दिइएको छ । तर भारतविरुद्ध फेब्रवरी १५ हुने भनिएको खेलमा सहभागिता जनाउने छैन् ।’ यस निर्णयपछि पाकिस्तानले भारतविरुद्ध नखेल्न निर्णय गर्न सक्ने हल्लाले पुष्टि पाएको छ । पाकिस्तानको यो निर्णय बंगलादेशको समर्थनमा अगाडि आएको हो । बंगलादेशलाई प्रतियोगिताबाट हटाइएपछि पाकिस्तानले विश्वकप बहिस्कार गर्न सक्ने बताएको थियो । बंगलादेशले आफ्ना खेल सुरक्षाको कारण देखाएर भारतबाट सारेर श्रीलंका लान अनुरोध गरेको थियो, तर त्यसलाई अन्तर्राष्ट्रिय क्रिकेट काउन्सिल (आईसीसी) ले मानेको थिएन । आईसीसीले बंगलादेशको स्थानमा स्कटल्यान्डलाई खेलाउने निर्णय गरिसकेको छ । पाकिस्तानले यसको पनि विरोध गरेको छ र आईसीसीले दोहोरो मापदण्डको नीति अपनाएको आरोप पनि लगाएको थियो ।&nbsp;दक्षिण एसियाली भू राजनीतिले समस्यामा पारेको एउटा अर्को ठूलो प्रतियोगिता भएको छ, यही ट्वान्टी ट्वान्टी विश्वकप । जति बेला इतिहासमा यसको चर्चा हुनेछ, त्यति बेला यो प्रतियोगिताको मैदानमा देखिएको रौनकता भन्दा पनि बढी उल्लेख हुने विषय हुनेछ, बंगलादेशले प्रतियोगिता नै नखेल्नु, अनि पाकिस्तानको उसकै समर्थनमा भारतविरुद्धको खेल बहिस्कार गर्नु । यी घटनाक्रमले अब दक्षिण एसियाका अन्य खेल क्षेत्र पनि प्रभावित हुन सक्ने निश्चित जस्तै भएको छ ।

के पाकिस्तानले आफ्नो निर्णय फेर्नेछ ?

इन्टर मिलानले इटालीको सिरी ए को शीर्ष स्थानमा आइतबार आठ अंकको अग्रता लिएको छ र यसका लागि उसले क्रेमोन्सेलाई सजिलै २–० ले पराजित गरेको छ । यो जितले इन्टरको ५५ अंक भएको छ । उसको पछाडि एसी मिलानको ४७, नेपोलीको ४६ र युभेन्ट्सको ४५ अंक छ । सानसिरोमा भएको खेलमा इन्टरका लागि लउटारो मार्टिनेज र पिटर जेलन्स्कीले एक एक गोल गरे । अब इन्टरलाई उपाधि जित्नबाट रोक्न अन्यलाई गाह्रो हुन सक्ने छ । आइतबारको अर्को प्रमुख खेलमा युभेन्ट्सले पार्मामाथि ४–१ को प्रभावशाली जित निकाल्न सफल रह्यो ।

इन्टरको अग्रता आठ अंक

रियल म्याड्रिडले आइतबार स्पेनी ला लिगामा नौ खेलाडीमा सीमित रायो भालेकानोलाई २–१ ले पराजित गरेको छ । यो जितले रियलको ५४ अंक भएको छ र यो शीर्षमा रहेको बार्सिलोनासँग एक अंकको दूरी मात्र हो । बर्नाबाउमा भएको खेलमा केयलियन एमबापेले दोस्रो हाफको इन्ज्युरी समयमा पेनाल्टीबाट निर्णायक गोल गरे । रियलले भिनियस जुनियरको गोलले अग्रता लिएपछि जोर्गे ड फ्रुटोसले भालेकानोका लागि बराबरी गोल फर्कार्ए । लिगको आइतबार भएका अन्य खेलमा रियल बेटिसले भ्यालेन्सियालाई २–१ ले पराजित गरेको छ भने गेटाफे र सेल्टा भिगोले गोलरहित तथा एथलेटिको बिलबाओ र रियल सोसिडाडले १–१ को बराबरी खेलेका छन् ।

शीर्षसँग रियल एक अंकको दूरीमा

इंग्लिस प्रिमियर लिगमा उपाधिको होडमा रहेका म्यानचेस्टर सिटी र एस्टन भिल्लाले आइतबार खराव नतिजा बेहोरेका छन् । टोटनहमले सिटीलाई २–२ को बराबरीमा रोकेको हो । पहिलो हाफमा दुई गोलको अग्रता लिएर पनि सिटीले त्यसलाई कायम राख्न सकेन् । पहिलो हाफमा रायन चेर्की र एन्टोन सेमेन्योले गोल गरेका थिए । दोस्रो हाफमा डोमिनिक सोलन्केले टोटनहमका लागि दुई गोल फर्कार्ए । यस्तै भिल्ला पनि ब्रेन्टफोर्डको हातबाट १–० ले पराजित भयो । आर्सनल ५३ अंकमा शीर्ष स्थानमा छ । त्यस पछाडि सिटीको ४७ र भिल्लाको ४६ अंकमा रहे । चौथो स्थानमा आफ्नो पकड बलियो बनाउन म्यानचेस्टर युनाइटेड भने फुलहमलाई ३–२ ले हरायो । यस्तै नटिंघम फरेस्ट र क्रिस्टल प्यालेसले १–१ को बराबरी खेलेका छन् ।

सिटीको बराबरी भिल्लाको हार

पोखरा। २५औँ संस्करणको राष्ट्रिय तथा अन्तर्राष्ट्रिय अन्तर क्लब आमन्त्रण आहा–रारा पोखरा गोल्डकप फुटबल प्रतियोगिताको पुरस्कार राशीमा वृद्धि गरिएको छ। आइतबार सहारा क्लब पोखराको भवनमा आयोजित पत्रकार सम्मेलनमार्फत मूल आयोजक समिति सदस्य–सचिव गंगाराज पौडेलले प्रतियोगिताबारे जानकारी दिएका हुन्। प्रतियोगिता माघ २७ गतेदेखि फागुन ९ गतेसम्म पोखरा रंगशालामा सञ्चालन हुनेछ। यस संस्करणमा उपाधि विजेताले १४ लाख १ हजार रुपैयाँ तथा उपविजेताले ७ लाख १ हजार रुपैयाँ पुरस्कार प्राप्त गर्नेछन्। प्रतियोगिता ‘खेलकुदको विकासमा सहकार्य गरौँ, पोखरालाई खेलकुद पर्यटन शहरका रूपमा स्थापित गरौँ’ भन्ने उद्देश्यसहित आयोजना हुन लागेको हो। २५औँ संस्करणमा १२ टिमको सहभागिता रहने आयोजकले जनाएको छ। सहभागी टिमहरूमा नेपाल पुलिस क्लब, मनाङ मर्स्याङ्दी क्लब, प्लानिङ ब्वाइज युनाइटेड, पन्डरबोन्ड नर्थ युनाइटेड (सिक्किम, भारत), गोर्खा इन्टरनेशनल फुटबल क्लब (हङकङ), आभा फुटबल क्लब (उज्वेकिस्तान), चर्च ब्वाइज युनाइटेड, नेपाल एपीएफ क्लब, जावलाखेल युथ क्लब, मछिन्द्र फुटबल क्लब, भारतको एक टिम तथा आयोजक सहारा क्लब पोखरा रहेका छन्। हिमश्री फुड्स प्रालिको उत्पादन आहा तथा रारा तयारी चाउचाउ मुख्य प्रायोजक रहने प्रतियोगिता पोखरा महानगरपालिका संरक्षक तथा राष्ट्रिय खेलकुद परिषद्, अखिल नेपाल फुटबल संघ, प्रदेश खेलकुद परिषद् गण्डकी, जिल्ला खेलकुद विकास समिति कास्की, एन्फा कास्की, सहारा यूके, सहारा हङकङ र सहारा क्लब अष्ट्रेलियाको विशेष सहयोगमा सञ्चालन हुनेछ। प्रतियोगितालाई थप आकर्षक बनाउन तथा पोखरा पर्यटन वर्ष २०२५–२६ को प्रवर्द्धनका लागि अस्थायी फ्लडलाइट जडान गरी सन्ध्याकालीन खेलहरू सञ्चालन गरिने आयोजकले जनाएको छ।

२५औँ आहा–रारा पोखरा गोल्डकपको पुरस्कार राशीमा वृद्धि, १२ टिम सहभागी

विश्व क्रिकेटमाथि एउटा गम्भीर आरोप छ, यसमा प्रमुख देश यो खेल आफूहरूबीच मात्र सीमित होस भन्न चाहन्छ । त्यसै त वान डे विश्वकपमा धेरै भन्दा धेरै देशको सहभागिता रहनेछ, बरु एक दर्जन भन्दा कम टिममै सीमित रह्यो । यो तुलना कहाँनिर बढी सान्दर्भिक हुन्छ भने विश्व खेलकुदको सबैभन्दा लोकप्रिय खेल फुटबलको विश्वकप भने झन झन फैलिंदैछ । त्यस अर्थमा विश्व क्रिकेटमाथि लागेको यो आरोप गम्भीर नै छ ।&nbsp; <div style="font-size: 16px; -webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody;"> <div> </div><div>सायद यो तथ्य अन्तर्राष्ट्रिय क्रिकेट काउन्सिल (आईसीसी) ले पनि बुझेको छ । उसले वान डे विश्वकपलाई अझ विस्तार गर्ने आँट त गरेको छैन्, तर एउटा काम भने गरेको छ, ट्वान्टी ट्वान्टी विश्वकपलाई भने फैलाउने काम नै गरेको छ । जस्तो यसपल्टकै ट्वान्टी ट्वान्टी विश्वकप भनौं । यो प्रतियोगिताको दसौं संस्करण हो, यहाँसम्म आइपुग्दा सहभागी टिमको संख्या दोस्रो पटक २० पुगेको छ । <div> </div><div>सन् २०२४ को विश्वकपमा पनि २० टिमको सहभागिता थियो । सन् २००७ मा पहिलो पटक यस विश्वकपको आयोजना भएको बेला यसमा सहभागी टिमको संख्या थियो, १२ । यो क्रम चौथो विश्वकपसम्म कायम रह्यो, सन् २०१२ सम्म । त्यसपछि सन् २०१४ को पाँचौं संस्करण आइपुग्दा सहभागी संख्या बढेर १६ पुग्यो र यो आठौंसम्म कायम रह्यो, त्यो भनेको सन् २०२२ को विश्वकप । यस्तोमा एउटा प्रश्न बन्छ, अहिलेसम्म कति देशले यो विश्वकप खेलेका छन् त ?<div>&nbsp;&nbsp; </div><div>यसको उत्तर हो, २४ । यो भनेको पछिल्लो विश्वकपसम्म भयो । इटाली यो विश्वकप खेल्ने २५ औं टिम हुनेछ । इटालीले यही विश्वकपमा डेब्यु गर्दैछ । सन् २०२४ मा क्यानाडा, युगान्डा र अमेरिकाले डेब्यु गरे । सन् २०२१ मा नामिबिया र पपुवा न्युगिनीले पहिलो पटक यो विश्वकप खेले । यस्तै सन् २०१६ मा डेब्यु गर्ने पालो थियो, ओमानका । सन् २०१४ मा नेपालसँगै हङकङ र यूएईले डेब्युको अवसर पाए ।&nbsp; <div> </div><div>सन् २०१० मा अफगानिस्थान तथा सन् २००९ ममा आयरल्यान्ड र नेदरल्यान्ड्सले पहिलो पटक विश्वकप खेले । सन् २००७ मा पहिलो पटक ट्वान्टी ट्वान्टी विश्वकपको आयोजना गर्दा खेल्ने १२ टिम थिउ, अस्ट्रेलिया, बंगलादेश, इंग्ल्यान्ड, भारत, केन्या, न्युजिल्यान्ड, पाकिस्तान, स्कटल्यान्ड, दक्षिण अफ्रिका, श्रीलंका, वेस्ट इन्डिज र जिम्बावे । विश्व क्रिकेटका ठूला देशले के बुझ्नु पर्छ भने जति धेरै देशले यो खेल खेल्यो, यो त्यतिकै सबैको खेल हुने हो, नत्र यो केही देशमै मात्र सीमित रहनेछ ।&nbsp;</div></div></div></div></div>

फैलिंदै ट्वान्टी ट्वान्टी विश्वकप

नेपोलीले इटालीको सिरी ए मा फियोरेन्टिनालाई २–१ ले हराएर तेस्रो स्थानमा कायम रह्यो र आफ्नो उपाधि रक्षा गर्ने सम्भावनालाई कायम राख्यो । नेपोलीको ४६ अंक भएको छ । उसको अगाडि इन्टर मिलानको ५२ र एसी मिलानको ४७ अंक छ । दुवै सामु आइतबार जित निकालेर आफ्नो स्थिति अझ बलियो बनाउने अवसर छ । एन्टोनिओ भेरगारा र म्यागुएल गुटेरेजले नेपोलीका लागि एक एक गोल गरे । फियारेन्टिनाका लागि मानोर सोलोमनले एक गोल फर्काए र टिम १७ अंकमा रेलिगेसन क्षेत्रमा कायम रह्यो । यस्तै अर्को खेलमा ससुलोले पिसालाई ३–१ ले हरायो ।

नेपोली तेस्रो स्थानमा कायम

बायर्न म्युनिकले लगातार दोस्रो खेलमा अंक गुमाएको छ र यसक्रममा शनिबार भएको खेलमा ह्याम्बर्गले उसलाई २–२ को बराबरीमा रोकेको हो । यो नतिजाले बायर्नको ५१ अंक भएको छ । उसको तुलनामा एक खेल कम खेलेको बोरुसिया डर्टमुन्डको ४२ अंक छ । बायर्नका लागि ह्यारी केन र लुइस डियाजले गोल गरे पनि त्यो जितका लागि पर्याप्त रहेन् । ह्याम्बर्गका तर्फबाट फाबियो भिएरा र लुका भुसिकोभिचले एक एक गोल गरे । चौथो स्थानमा रहेको आरबी लाइपजिग भने मेन्जको हातबाट २–१ ले पराजित भएको छ । तर तेस्रोमा रहेको होफनहामले भने बायर लेभरकुजनलाई ३–१ ले पराजित गरेको छ ।

बायर्न रोकियो बराबरीमा

बार्सिलोनाले स्पेनी ला लिगामा शनिबार एल्चेलाई सजिलै ३–१ ले पराजित गरेको छ र यससँगै शीर्षमा चार अंकको अग्रता लिएको छ । यो जितपछि बार्सिलोनाको ५५ अंक भएको छ । रियल भने ५१ अंकमा दोस्रो स्थानमा छ । उसले आइतबार रायो भाल्कानोको सामना गर्दैछ । अन्य खेलमा एटलेटिको म्याड्रिडले लेभान्टेसँग गोलरहित तथा भिल्लारियलले ओसासुनासँग २–२ को बराबरी खेले । एटलेटिको ४५ अंकमा तेस्रो तथा भिल्लारियल ४२ अंकमा चौथो स्थानमा छ । अर्को एक खेलमा रियल ओभिएडोले भने जिरोनालाई १–० ले पराजित गरेको छ ।

बार्सिलोना चार अंकले अगाडि

<div>इंग्लिस प्रिमियर लिगमा शनिबार भएका खेलमा अंक तालिकामा अगाडि रहेका तीन प्रमुख क्लब विजयी रहे । त्यसमध्ये आर्सनलले लिड्स युनाइटेडलाई ४–० ले हराएर शीर्षमा आफ्नो अग्रतालाई सात अंक बनाएको थियो । </div><div> </div><div>आर्सनलको ५३ अंक भएको छ । चेल्सीले वेस्ट ह्यामलाई ३–२ ले हराएर ४० अंकमा चौथो स्थानमा रह्यो । यस्तै लिभरपुलले न्युकासल युनाइटेडलाई सजिलै ४–१ ले हरायो र ३९ अंकमा पाँचौंमा रह्यो ।</div><div> </div><div>अन्य खेलमा बर्नमाउथले उल्भ्सलाई २–० ले हरायो भने ब्राइटन र एभरटनले १–१ को बराबरी खेलेका छन् ।</div>

आर्सनलको अग्रता सात अंक

पोखरा। गण्डकी प्रदेशले छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लब भलिबल च्याम्पियनसिपको पुरुषतर्फको उपाधि जितेको छ । पोखरा रंगशालास्थित भलिबल कोर्टमा शनिबार सम्पन्न फाइनल खेलमा नेपाल पुलिस क्लबलाई ३–१ को सेटमा पराजित गर्दै गण्डकीले उपाधि जितेको हो ।&nbsp; पहिलो सेट २३–२५ ले गुमाएको गण्डकीले त्यसपछिका तीन सेटमा पुनरामगन जित निकाल्दै उपाधि हात पार्यो । गण्डकीले दोस्रो सेट २८–२६, तेस्रो सेट २५–२२ र चौथो सेट २५–१७ ले जित निकाल्यो । उपाधीसँगै गण्डकीले ६ लाख ६६ हजार ६६६ रुपैयाँ हात पा¥यो । पराजित पुलिसले ३ लाख ६६ हजार ६६६ रुपैयाँमा चित्त बुझायो । तेस्रो भएको पर्वत जिल्ला भलिबल संघले २ लाख ६ हजार ६६६ रुपैयाँ पायो ।&nbsp; गण्डकीका मुस्ताफा खान प्रतियोगिताकै सर्वाेत्कृष्ट खेलाडी घोषित भए । उनले २६ हजार ६६६ रुपैयाँ प्राप्त गरे । सर्भर अद्नान खान, लिविरो भीमबहादुर गाहा, सेटर बलराम गुरुङ, ब्लकर फहद राज, स्पाइकर फकर वाट्टु, प्रशिक्षक रमेश केसी विधागततर्फ उत्कृष्ट बने । उनीहरुले जनही ११ हजार १११ रुपैयाँ हात पारे । महिलातर्फको उपाधि भने न्यू डायमण्ड स्पोट्स क्लबले जितेको थियो ।

पुलिसलाई हराउँदै गण्डकीले जित्यो टाइगर कपको उपाधि

पोखरा। छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लब भलिबल च्याम्पियनसिपको पुरुषतर्फ पर्वत जिल्ला भलिबल संघले तेस्रो स्थान हात पारेको छ। पोखरा रंगशालास्थित भलिबल कोर्टमा शनिबार सम्पन्न खेलमा पर्वत भलिबलले त्रिभुवन आर्मी क्लबलाई ३–० को सोझो सेटमा पराजित ग¥यो। पर्वत भलिबलले पहिलो सेट २५–१९, दोस्रो सेट २९–२७ र तेस्रो सेट २५–१३ ले आफ्नो पक्षमा पा¥यो। तेस्रो बनेसँगै पर्वत भलिबलले २ लाख ६ हजार ६६६ रुपैयाँ पाएको छ।

आमीलाई हराउँदै पर्वत भलिबल तेस्रो

पोखरा। यू–१९ महिला साफ च्याम्पियनसिप फुटबल प्रतियोगिता शनिबारदेखि पोखरामा सुरु हुँदैछ। प्रतियोगिताको उद्घाटन दिन दुई खेल हुने तय भएको छ। पोखरा रंगशालामा हुने पहिलो खेलमा बंगलादेश र भुटानबीच प्रतिस्पर्धा हुनेछ। उक्त खेल मध्यान्ह १२ बजेबाट सुरु हुनेछ। त्यसपछि दिउँसो ३ बजे घरेलु टोली नेपालले भारतको सामना गर्नेछ। प्रतियोगितामा सहभागी चारै टोलीका कप्तान तथा मुख्य प्रशिक्षकहरूले यस प्रतियोगितालाई युवा खेलाडीका लागि अन्तर्राष्ट्रिय अनुभव बटुल्ने महत्वपूर्ण अवसरको रूपमा लिएको बताएका छन्।

Nepalsports

जय ट्रफी फागुनमा

📰 Recent News

Nepalsports