काठमाडौं। नेपाल पुलिस क्लबले काभा वुमन्स लिगमा तेस्रो स्थान हासिल गर्दै कास्य पदक जितेको छ। माल्दिभ्सको मालेस्थित सोसियल सेन्टर इन्डोर हलमा मंगलबार सम्पन्न तेस्रो स्थानको खेलमा पुलिसले श्रीलंकाको हिर्दारामानी क्लबलाई ३–१ सेटले पराजित गर्दै प्रतियोगिताको सुखद अन्त्य गरेको हो। खेलमा पहिलो सेट २५–२१ ले गुमाएको पुलिसले त्यसपछि उत्कृष्ट पुनरागमन गर्दै बाँकी तीनै सेट आफ्नो पक्षमा पार्न सफल भयो। दोस्रो सेट २५–१२, तेस्रो सेट २५–१६ तथा चौथो सेटमा २५–२२ ले विजयी भयो। यसअघि सोमबार सम्पन्न सेमिफाइनलमा नेपाल पुलिस क्लब काजकिस्तानको तुरान भलिबल क्लबसँग ३–० सेटले पराजित हुँदै उपाधि दौडबाट बाहिरिएको थियो। यद्यपि तेस्रो स्थानको खेलमा जित निकाल्दै पुलिसले प्रतियोगितामा कास्य पदक सुरक्षित गरेको छ।

नेपाल पुलिस क्लबलाई कास्य

काठमाडौं। फेब्रुअरी १३ तारिखदेखि थाइल्यान्डमा सुरु हुने राइजिङ स्टार्स महिला एसिया कप क्रिकेट प्रतियोगिताका लागि नेपाली महिला टोलीलाई मंगलबार औपचारिक रूपमा बिदाइ गरिएको छ। नेपाल क्रिकेट सङ्घ ९क्यान० ले बिदाइ समारोहमा पूजा महतोको कप्तानीमा नेपालले प्रतिस्पर्धा गर्ने जानकारी दिएको हो। नियमित कप्तान इन्दु बर्मा चोटका कारण बाहिरिएपछि उपकप्तान महतोलाई टोलीको नेतृत्व सुम्पिएको क्यानले जनाएको छ। आइसिसी महिला टी–२० विश्वकप ग्लोबल छनोट खेलका क्रममा घाइते भएकी इन्दु बर्मा करिब आठ महिना मैदान बाहिर रहने बताइएको छ। त्यसैले टोलीले नयाँ नेतृत्वमा एसिया कप खेल्न लागेको हो। नेपाली टोलीमा पूजा महतोसँगै विन्दु रावल, सम्झना खड्का, रुबी पाद्दोर, रुविना क्षेत्री, कविता जोशी, कविता कुँवर, सीता रानामगर, रिया शर्मा, सुमन विष्ट, अनु कठायत, मनिषा उपाध्याय, काजल श्रेष्ठ र सीमना केसी समावेश छन्। समूह ‘ए’ मा रहेको नेपालले प्रतियोगितामा पाकिस्तान, भारत ‘ए’ टोली र युएईसँग प्रतिस्पर्धा गर्नेछ। यता समूह ‘बी’ मा बंगलादेश ‘ए’, श्रीलंका ‘ए’, मलेसिया र आयोजक थाइल्यान्ड रहेका छन्।

राइजिङ स्टार्स महिला एसिया कपका लागि नेपाली टोलीको बिदाइ

काठमाडौं। स्वामी दयानन्द सरस्वतीको २०२औँ जन्मजयन्तीको अवसरमा डीएभी विद्यालयद्वारा आयोजित प्रथम अन्तर्राष्ट्रिय इन्डाे–नेपाल फुटबल च्याम्पियनसिप मंगलबारदेखि जावलाखेलस्थित डीएभी विद्यालय परिसरमा सुरु भएको छ। नेपाल र भारतका आठ फुटबल एकेडेमी तथा क्लबको सहभागिता रहेको प्रतियोगिताको पहिलो दिन समूह ‘ए’ का खेलहरू सम्पन्न भएका छन्। समूह चरणको खेलपछि जावलाखेल युथ क्लब समूह विजेता बन्दै सेमिफाइनलमा प्रवेश गरेको छ भने काठमाडौं किकर्स उपविजेता बनेको छ। समूह ‘ए’ को पहिलो खेलमा होलिभिजन फुटबल एकेडेमीले डीएभी स्पोर्ट्स एकेडेमीलाई ३–० ले पराजित गर्‍यो। दोस्रो खेलमा जावलाखेल युथ क्लबले काठमाडौं किकर्सलाई ३–१ ले हरायो। तेस्रो खेलमा होलिभिजन फुटबल एकेडेमी र जावलाखेल युथ क्लबबीचको प्रतिस्पर्धा ३–३ गोलको बराबरीमा सकियो। चौथो खेलमा काठमाडौं किकर्सले डीएभी स्पोर्ट्स एकेडेमीलाई ४–३ ले पराजित गर्‍यो। त्यसैगरी पाँचौँ खेलमा काठमाडौं किकर्सले होलिभिजनलाई ५–१ को फराकिलो अन्तरले हरायो। समूह चरणको अन्तिम खेलमा जावलाखेल युथ क्लबले डीएभीलाई ५–१ ले पराजित गर्दै समूह विजेता बन्ने यात्रा पूरा गर्‍यो। माघ २७ देखि २९ गतेसम्म सञ्चालन हुने प्रतियोगितामा आयोजक डीएभी स्पोर्ट्स एकेडेमीसहित बोलपुर टाउन क्लब (पश्चिम बंगाल, भारत), होलिभिजन फुटबल एकेडेमी, काठमाडौं किकर्स फुटबल एकेडेमी, जावलाखेल युथ क्लब, मारियो ग्रासरुट क्लब, एजी–१० फुटबल एकेडेमी र दिलिप मेमोरियल फुटबल एकेडेमी सहभागी छन्। आयोजकका अनुसार प्रतियोगिताका विजेतालाई नगद पुरस्कार प्रदान गरिनेछ। भारत र नेपालबीचको फुटबल सम्बन्ध मजबुत बनाउनुका साथै युवा खेलाडीलाई अन्तर्राष्ट्रिय प्रतिस्पर्धात्मक अनुभव दिलाउने उद्देश्यले प्रतियोगिता आयोजना गरिएको जनाइएको छ।

प्रथम अन्तर्राष्ट्रिय इन्डो–नेपाल फुटबल च्याम्पियनसिप सुरु

काठमाडौं। जारी आईसीसी टी–२० विश्वकप अन्तर्गत समूह ‘ए’को खेलमा नेदरल्याण्ड्सले नामिबियालाई ७ विकेटले पराजित गरेको छ। यो जितसँगै भारत र पाकिस्तान रहेको समूहको नेदरल्याण्ड्सले दुई खेलबाट दुई अंक जोडको छ। १५७ रनको लक्ष्य पछ्याएको नेदरल्याण्ड्सले १८ ओभरमै ३ विकेट गुमाउँदै लक्ष्य पूरा गर्‍यो। बास डे लिडेले अविजित ७२ रनको उत्कृष्ट पारी खेले भने कोलिन एकरम्यानले ३२ रन बनाए। कप्तान स्कट एड्वर्ड्स १८ रनमा अविजित रहे। नामिबियाका तर्फबाट बर्नार्ड स्कोल्ट्ज, रुबेन ट्रम्पेलम्यान र लोफ्टी–इटनले समान १–१ विकेट लिए। पहिले ब्याटिङ थालेको नामिबियाले निर्धारित २० ओभरमा ८ विकेट गुमाउँदै १५६ रन बनाएको थियो। नामिबियाका जान निकोल लोफ्टी–इटनले ३८ बलमा ४२ रनको योगदान दिए भने जान फ्राइलिन्कले ३० रन बनाए। कप्तान गेरहार्ड इरास्मसले १८ र जेजे स्मिटले २२ रन जोडे। नेदरल्याण्ड्सका बलरमध्ये लोगान भान बिक र बास डे लिडेले समान २–२ विकेट लिए।

नेदरल्याण्ड्सद्वारा नामिबिया ७ विकेटले पराजित

काठमाडौं, माघ २७ गते । प्रयास मञ्च नेपालले पूर्व धावक हरिबहादुर रोकायालाई मंगलबार सम्मान गरेको छ । खेलकुदमा पु¥याएको योगदानको कदर गर्दै रोकायालाई सम्मान गरिएको हो । एभरेष्ट म्यानराथनमा गिनिज बुक अफ वल्र्ड रेकर्डमा नाम लेखाउन सफल रोकायाले नेपालको प्रतिनिधित्व २ ओलम्पिक, एसियाली खेलकुद, ४ दक्षिण एसियाली खेलकुदलगायत विभिन्न अन्तर्राष्ट्रिय प्रतियोगितामा सहभागिता जनाएका छन् । रोकाया जुम्लामा एथलेटिक्स खेलाडी उत्पादनमा पनि सक्रिय छन् । सोही अवसरमा दक्षिण एसियाली भेट्रान एथलेटिक्स च्याम्पियनसिपका पदक विजेता पुष्पलाल श्रेष्ठ र समाजसेवी बम भण्डारीलाई पनि सम्मान गरिएको थियो । उनीहरुलाई दक्षिण एसियाली खेलकुदका कीर्तिमानी पूर्व धावक वैकुण्ठ मानन्धर, प्रयास मञ्च नेपालका अध्यक्ष शिवध्वज कार्की र गीतकार समेत रहेका भेट्रान धावक बुद्धवीर लामाले दशरथ रंगशालामा आयोजित एक कार्यक्रमबीच सम्मान गरे । त्यसै अवसरमा बुद्धवीर लामाले जुम्लाका एथलेटिक्स खेलाडीका लागि खेल पोशाक पनि रोकायालाई हस्तान्तरण गरेका थिए ।

रोकाया सम्मानित

काठमाडौं। पाकिस्तानले आईसीसी टी–२० विश्वकपमा भारतविरुद्धको समूहचरणको खेल बहिष्कार गर्ने निर्णय फिर्ता लिएको छ।&nbsp; भारत र श्रीलंकामा संयुक्त रूपमा जारी विश्वकपमा अब भारत र पाकिस्तान आगामी फेब्रुअरी १५ मा श्रीलंकाको कोलम्बोमा आमनेसामने हुने भएका छन्। पाकिस्तान सरकारले मित्र राष्ट्रहरूको आग्रह र हालसम्म भएका छलफललाई ध्यानमा राख्दै खेल्न अनुमति दिएको जनाएको छ। पीसीबी, बीसीबी र आईसीसीबीच भएको निरन्तर संवादपछि बहिष्कारको निर्णय फिर्ता लिइएको हो।&nbsp; यस्तै, आईसीसीले बंगलादेशमाथि कुनै जरिवाना नलगाउने र आगामी चक्रमा थप प्रतियोगिता आयोजना अधिकार दिने निर्णय गरेपछि स्थिति सहज बनेको बताइएको छ।

पाकिस्तानले भारतविरुद्धको खेल बहिष्कार गर्ने निर्णय फिर्ता लियो

भिल्लारियलले स्पेनी ला लिगामा सोमबार इस्पनयोललाई ४–१ ले हराएर चौथो स्थानमा आफ्नो पकड अझ बलियो बनाएको छ । एटलेटिको म्याड्रिड र भिल्लारियल समान ४५ अंकमा क्रमशः तेस्रो र चौथो स्थानमा छन् । एटलेटिको गोल अन्तरले अगाडि रहेको हो । भिल्लारियल पाँचौंमा रहेको रियल बेटिस भन्दा सात अंकले अगाडि हुनाले उसको अर्को सिजन च्याम्पियन्स लिग खेल्ने सम्भावना मजबुत बनेको छ । भिल्लारियलको जितमा जर्जेस मिकाउटाड्जे, निकोलस पेप र अल्बर्टो मोलेरोले भिल्लारियलका एक एक गोल गरेपछि थप एक गोल आत्मघाती प्राप्त भएको थियो । लियान्ड्रो क्याब्रेराले इस्पनयोलका लागि एक सान्त्वता गोल गरे ।

इस्पनयोललाई हराएर भिल्लारियल मजबुत

काठमाडौं। साविक विजेता नेपाल पुलिस क्लब काभा वुमन्स लिगको सेमिफाइनलमा तुरान भलिबल क्लबसँग पराजित भएको छ। सोमबार माल्दिभ्सको मालेस्थित शोसियल सेन्टर इन्डोर हलमा सम्पन्न खेलमा पुलिसले ३–० को सोझो सेटमा हार व्यहोरेको हो। पहिलो सेट २५–१४, दोस्रो सेट २५–१३ र तेस्रो सेट २५–११ ले पुलिस पराजित भयो। यस हारसँगै पुलिस क्लब अब तेस्रो स्थानको लागि खेल्नेछ। पुलिसले तेस्रो स्थानको लागि श्रीलंकाको हिर्दारामानी क्लबसँग प्रतिस्पर्धा गर्नेछ। अर्कोतर्फ, तुरान भलिबल क्लब सहज जीतसँगै फाइनलमा प्रवेश गरेको छ। तुरानले अब इरानको फुलाद क्लबसँग उपाधिका लागि खेल्नेछ।

पुलिस सेमिफाइनलमा चुक्यो, तुरान फाइनलमा प्रवेश

काठमाडौं। श्रीलंका र भारतमा जारी आइसीसी टी–२० विश्वकप क्रिकेटमा स्कटल्यान्डले फराकिलो जित दर्ता गरेको छ।&nbsp; कोलकाताको इडन गार्डेन स्टेडियमा जर्ज मुन्सीको आक्रामक अर्धशतक र माइकल लिस्कको चार विकेटको मद्दतमा स्कटल्यान्डले इटालीलाई ७३ रनले पराजित गरेको हो। पहिले ब्याटिङ गरेको स्कटल्यान्डले २० ओभरमा ४ विकेट गुमाउँदै २०७ रन बनायो। मुन्सीले ५४ बलमा १३ चौका र २ छक्कासहित ८४ रन जोड्दै इनिङ्सको आधार तयार गरे। माइकल जोन्सले ३७ रन बनाए भने ब्रान्डन म्याकमुलनले १८ बलमा ४ छक्कासहित अविजित ४१ रनको तीव्र इनिङ्स खेले। अन्त्यतिर माइकल लिस्कले मात्र ५ बलमा २२ रन जोडेर स्कोर थप उचाइमा पुर्‍याए। २०८ रनको लक्ष्य पछ्याएको इटाली १६।४ ओभरमै १३४ रनमा समेटियो। बेन मानेन्टीले ३१ बलमा ५२ रन र ह्यारी मानेन्टीले ३७ रन बनाए पनि अन्य ब्याटर टिक्न सकेनन्।&nbsp; स्कटल्यान्डका माइकल लिस्कले किफायती बलिङ गर्दै ४ ओभरमा १७ रन खर्चेर ४ विकेट लिए। मार्क वाटले २ तथा ब्राड कर्री, ब्राड व्हिल र ओलिभर डेभिडसनले समान १–१ विकेट झारे। यो जितसँगै स्कटल्यान्डले समूह 'सी' मा पहिलो जित दर्ता गरेको छ। पहिलो खेलमा वेस्ट इन्डिजसँग पराजित भएको स्कटल्यान्डले दोस्रो खेलमा सफलता हात पारेको हो।

स्कटल्यान्डको फराकिलो जित

काठमाडौं। एन्फा महिला च्याम्पियनसिप नकआउट फुटबल प्रतियोगिताको विजेताले ७ लाख ५० हजार रुपैयाँ नगद पुरस्कार प्राप्त गर्ने भएको छ। अखिल नेपाल फुटबल संघ (एन्फा) को आयोजनामा हुने प्रतियोगिता फागुन ९ देखि २१ गतेसम्म उदयपुरको त्रियुगा नगरपालिकास्थित थरुहट रंगशालामा सञ्चालन हुनेछ। प्रतियोगिताको उपविजेताले ५ लाख रुपैयाँ प्राप्त गर्नेछ भने सेमिफाइनल चरणमा पराजित दुई टोलीलाई जनही ५० हजार रुपैयाँ प्रदान गरिनेछ। त्यसैगरी प्रतियोगितामा उत्कृष्ट प्रदर्शन गर्ने खेलाडीहरूलाई पनि नगद पुरस्कार दिइनेछ। उत्कृष्ट खेलाडी, उत्कृष्ट गोलरक्षक र सर्वाधिक गोलकर्ता प्रत्येकलाई जनही ५० हजार रुपैयाँ नगदसहित सम्मान गरिनेछ। प्रतियोगितामा गाईघाट एफसी, न्युरोड टिम (एनआरटी), त्रिभुवन आर्मी फुटबल क्लब, नेपाल पुलिस क्लब, एफसी रियाले, एपीएफ फुटबल क्लब, आरएस रिसोर्ट एन्ड बिच फुटबल क्लब, चर्च ब्वाइज युनाइटेड, छहारी एफसी र संकटा एफसी गरी १० टोलीको सहभागिता रहनेछ। दर्शकका लागि टिकट दर क्वार्टरफाइनलसम्म १०० रुपैयाँ र सेमिफाइनल चरणका लागि २०० रुपैयाँ तोकिएको छ। प्रतियोगिताको अनुमानित कुल बजेट १ करोड २० लाख ६२ हजार २० रुपैयाँ रहेको एन्फाले जनाएको छ।

एन्फा महिला च्याम्पियनसिपको विजेतालाई ७ लाख ५० हजार रुपैयाँ पुरस्कार

काठमाडौं। नेपाल पुलिस क्लब काभा वुमन्स लिगको सेमिफाइनलमा आज कजाकिस्तानको तुरान भलिबल क्लबसँग प्रतिस्पर्धा गर्दैछ। माल्दिभ्सको मालेस्थित सोसाइटी सेन्टस इन्डोर हलमा सोमबार हुने दिनको दोस्रो सेमिफाइनलमा पुलिसले ९:१५ बजे तुरानसँग प्रतिस्पर्धा गर्नेछ। यसअघि आइतबार सम्पन्न खेलमा पुलिसले घरेलु टोली हुर्रा सोसाइटी क्लबलाई ३–० को सोझो सेटमा पराजित गर्दै सेमिफाइनलमा प्रवेश गरेको थियो। पुलिसले पहिलो सेट २५–१९ ले जित्यो भने प्रतिस्पर्धात्मक बनेको दोस्रो सेट २६–२४ ले आफ्नो पक्षमा पार्‍यो। तेस्रो सेटमा भने पुलिसले २५–१६ को सहज जित निकाल्दै खेल आफ्नो नाममा लेखायो। सेमिफाइनलमा पुलिसले समूह ‘ए’ को विजेता कजाकिस्तानको तुरान प्रतिद्धन्द्धी पाएको हो।

सेमिफाइनलमा पुलिस र तुरान भिड्दै

काठमाडौं । भारत र श्रीलंकामा जारी आईसीसी टी–२० क्रिकेट अन्तर्गत आज पनि तीन खेलहरू आयोजना हुँदैछन्। कोलकाताको इडन गार्डेन स्टेडियमा बिहान ११ः१५ बजे सुरु हुने पहिलो खेलमा समूह सी को स्कटल्याण्ड र इटली आमनेसामने हुँदैछन्। त्यसैगरी दिउँसो ३ः१५ बजे जिम्बाब्वे र ओमान श्रीलंकाको कोलम्बोमा भिड्नेछन्। आजको अन्तिम तथा सबैभन्दा चर्चित खेल साँझ ७ः१५ बजे भारतको अहमदाबादमा सुरु हुनेछ। यस खेलमा दक्षिण अफ्रिका र क्यानाडा आमनेसामने हुँदैछन्। हिजो सम्पन्न दिनको अन्तिम खेलमा श्रीलंकाले आयरल्याण्डलाई २० रनले पराजित गरेर विजयी शुरुवात गरेको छ।

टी–२० विश्वकप: आज पनि तीन खेल हुँदै

इन्टर मिलानले इटालीको सिरी ए मा आइतबार ५्र–० ले पराजित गरेपछि टिम उपाधितर्फ उन्मुख भएको छ । यो जितले उपाधि होडमा इन्टर अझ बलियो दावेदार बनेको छ । अहिलेको लागि इन्टर मिलानको ५८ अंक भएको छ । त्यसपछि एसी मिलानको ५०, नेपोलीको ४९ र युभेन्ट्सको ४६ अंक रहेको छ । मिलानले एक खेल कम खेलेको हुनाले उसको सामु इन्टरसँगको दूरी छोट्याउने अवसर भने छ । इन्टर लिगका पछिल्ला १२ खेलमा अपराजित पनि रहेको छ र उत्कृष्ट लयमा कायम रहने क्रममा ११ मा विजयी पनि रहेको छ ।

इन्टर उपाधितर्फ उन्मुख

रियल म्याड्रिडले स्पेनी ला लिगामा आइतबार भ्यालेन्सियालाई २–१ ले हराएर शीर्षमा रहेको बार्सिलोनासँगको दूरी एक अंकमा कायम राख्यो । लिग तालिकामा बार्सिलोनाको ५८ अंक छ भने रियल ५७ अंकमा छ । अल्भारो कारेरस र केयलिन एमबापे रियलका लागि दोस्रो गोलमा दुई गोल गरे । एटलेटिको म्याड्रिड भने अर्को खेलमा रियल बेटिससँग १–० ले पराजित भयो र ४५ अंकमा सीमित रहेर तेस्रो स्थानमा रह्यो ।भिल्लारियल ४२ अंकमा चौथो स्थानमा रहेको छ । अहिले स्पेनी ला लिगा उपाधिको होड बार्सिलोना र रियलमै सीमित रहेको छ ।

रियल एक अंकको दूरीमा

काठमाडौं। नेपाल पुलिस क्लब काभा वुमन्स लिगको सेमिफाइनलमा प्रवेश गरेको छ। आइतबार माल्दिभ्सको मालेस्थित सोसाइटी सेन्टस इन्डोर हलमा सम्पन्न खेलमा पुलिसले घरेलु टोली हुर्रा सोसाइटी क्लबलाई ३–० को सोझो सेटमा पराजित गरेको हो। पुलिसले पहिलो सेट २५–१९ ले जित्यो भने प्रतिस्पर्धात्मक बनेको दोस्रो सेट २६–२४ ले आफ्नो पक्षमा पार्‍यो। तेस्रो सेटमा भने पुलिसले २५–१६ को सहज जित निकाल्दै खेल आफ्नो नाममा लेखायो। यस जितसँगै पुलिस सेमिफाइनलमा पुगेको छ। सेमिफाइनलमा पुलिसले समूह ‘ए’ को विजेता कजाकिस्तानको तुरान भलिबल क्लबसँग प्रतिस्पर्धा गर्नेछ। उक्त खेल सोमबार हुनेछ।

हुर्रा सोसाइटीलाई सोझै सेटमा हराउँदै पुलिस सेमिफाइनलमा

नेपालले ट्वान्टी ट्वान्टी विश्वकप २०२६ को समूह सी को आफ्नो पहिलो खेलमा दुई पल्टको च्याम्पियन इंग्ल्यान्डसँग चार रनको सांघुरो हार बेहोरेको छ । मुम्बईको वानखेडे स्टेडियममा भएको खेलमा नेपालले जितका लागि प्राप्त १ सय ८५ रनको लक्ष्यसामु नेपालले छ विकेटमा १ सय ८० रन मात्र बनाउन सक्यो । नेपाललाई अन्तिम बलमा जितका लागि छ रन चाहिएको थियो । तर लोकेश बमले अन्तिम बलमा एक रन मात्र बनाउन सके । सुरुमा दीपेन्द्रसिंह ऐरी ४४ रन बनाएर साम करनको बलमा आउट भए । उनले २९ बलमा छ चौका र एक छक्का प्रहार गरे । लगतै कप्तान रोहित पौडेल ३९ रन बनाएर आउट भए । उनले भने ३४ बलमा दुई चौका र दुई छक्का प्रहार गरे । ओपनरमध्ये कुशल भर्तेलले २९ र आसिफ सेखले सात रन बनाए । त्यस अगाडि इंग्ल्यान्डले पहिले ब्याटिङ गर्दैसात विकेट गुमाएर १ सय ८४ रन बनाएको हो । उसका लागि ज्याकोब बेथल र कप्तान ह्यारी ब्रुक्सले अर्धशतक बनाए । बेथलले ३५ बलमा ५५ रन बनाए र त्यसमा चार चौका तथा चार छक्का सामेल थियो । यस्तै ब्रुक्सले ३२ बलमा ५३ रन जोडे । उनले चार चौका र तीन छक्का प्रहार गरे । नेपाली बलरमध्ये नन्दन यादव र दीपेन्द्रसिंह ऐरले दुई दुई विकेट लिए । यस्तै डेब्यु गरिरहेका शेर मल्लले एक विकेट लिए र यो उनको पहिलो बलमै प्राप्त भएको थियो । सन्दीप लामिछानेले पनि एक विकेट लिए ।

इंग्ल्यान्डसँग नेपालको सांघुरो हार

इंग्ल्यान्डले ट्वान्टी ट्वान्टी विश्वकप २०२६ मा नेपालविरुद्ध पहिले ब्याटिङ गर्दै १ सय ८५ रनको लक्ष्य प्रस्तुत गरेको छ । मुम्बईको वानखेडे स्टेडियममा भएको समूह सी को खेलमा इंग्ल्यान्डले सात विकेट गुमाएर १ सय ८४ रन बनाएको हो । दुई पल्टको च्याम्पियन इंग्ल्यान्डका लागि ज्याकोब बेथल र कप्तान ह्यारी ब्रुक्सले अर्धशतक बनाए । बेथलले ३५ बलमा ५५ रन बनाए र त्यसमा चार चौका तथा चार छक्का सामेल थियो । यस्तै ब्रुक्सले ३२ बलमा ५३ रन जोडे । उनले चार चौका र तीन छक्का प्रहार गरे । नेपाली बलरमध्ये नन्दन यादव र दीपेन्द्रसिंह ऐरले दुई दुई विकेट लिए । यस्तै डेब्यु गरिरहेका शेर मल्लले एक विकेट लिए र यो उनको पहिलो बलमै प्राप्त भएको थियो । सन्दीप लामिछानेले पनि एक विकेट लिए ।

नेपालसामु इंग्ल्यान्डको १ सय ८५ रनको लक्ष्य

इंग्ल्यान्डले ट्वान्टी ट्वान्टी विश्वकप २०२६ मा नेपालविरुद्ध आइतबार टस जितेर पहिले ब्याटिङको निर्णय गरेको छ । यो खेल मुम्बईको वानखेडे स्टेडियमा हुँदैछ । रोहित पौडेलनको नेतृत्वमा रहेको टिममा कुशल भुर्तेल, आसिफ सेख, दीपेन्द्रसिंह ऐरी, आरिफ सेख, लोकेश बम, गुल्सन झा, करण केसी, शेर मल्ल, नन्दन यादव र सन्दीप लामिछानेट रहेका छन् । शेरले नेपाली टिमबाट डेब्यु पनि गरिरहेका छन् । इंग्लिस टिममा भने कप्तान ह्यारी ब्रुक्ससँगै फिल साल्ट, जस बटलर, ज्याकेब बेथल, टम वान्टन, साम करन, विल ज्याक्स, लियान डसन, जोफ्रा आर्चर, एदिल रहिद र लुक उड रहेका छन् ।

इंग्ल्यान्ड टस जितेर ब्याटिङ गर्दै

काठमाडौँ। भारतमा जारी आईसीसी टी-२० विश्वकप अन्तर्गत आज नेपालले आफ्नो पहिलो खेलमा इङल्यान्डको सामना गर्दैछ। मुम्बईको वानखेडे स्टेडियममा हुने समुह 'सी' अन्तर्गतको यो खेल नेपाली समयअनुसार दिउसो ३:१५ बजेदेखि शुरु हुँदैछ। नेपालले इङल्यान्डविरुद्ध कुनै पनि फर्म्याटमा खेल्न लागेको यो पहिलो पटक हो।&nbsp; विश्वकप अन्तरगत आज बिहान ११:१५ बजेदेखि समुह 'डी' को अफगानिस्तान र न्यूजील्याण्डबीच खेल हुँदैछ भने आजै राति ७:१५ बजेदेखि समुह 'बी' अन्तर्गतको श्रीलंका र आयरल्यान्डबीच खेल हुने तालिका रहेको छ।

Nepalsports

नेदरल्याण्ड्सद्वारा नामिबिया ७ विकेटले पराजित

📰 Recent News

Nepalsports