&nbsp;काठमाडौं। नेपाली राष्ट्रिय फुटबल टोलीको मुख्य प्रशिक्षकमा हरि खड्कालाई नियुक्त भएका छन्। अखिल नेपाल फुटबल संघ (एन्फा) ले आगामी एएफसी एसियन कप छनोट २०२७ को लागि खड्का लागि शुक्रबार मुख्य प्रशिक्षककाे जिम्मा दिएकाे हाे।&nbsp; उनलाई एन्फा महासचिव किरण राईले नियुक्ति पत्र दिँदै नेपाली टिमकाे जिम्वारी सुम्पिएका हुने। यसअघि म्याट रसले मुख्य प्रशिक्षक पदबाट राजीनामा दिएपछि नेपाली टिम प्रशिक्षक विहिन रहेकाे थियाे। उनलकाे प्रशिक्षणमा नेपालले अब १३ नाेभेम्बरमा बंगलादेशसँग मैत्रिपूर्ण तथा १८ नाेभेम्बरमा एसियन कप छनाेट अन्तर्गत समूह 'एफ' काे खेल मलेसियासँग उसैकाे मैदानमा खेल्नेछ।

हरि खड्का नेपाली राष्ट्रिय फुटबल टोलीको मुख्य प्रशिक्षकमा नियुक्त

२०८२ साल कार्तिक १४ गते शुक्रबार काठमाडौं । नेपालमा व्यावसायिक कबड्डी प्रतियोगिता सुरु गरेको केबी साम एनकेएल (नेपाल कबड्डी लिग) ले जेन्जी आन्दोलनमा क्षतिग्रस्त भएका काठमाडौं, जनकपुर र कीर्तिपुरका पाँच वटा प्रहरी कार्यालय मर्मतसंभार गरिदिएको छ । व्यवसायिक घराना बेगानी ग्रुपको स्वामित्वमा रहेको केबी साम एनकेएलले राजनीतिक परिवर्तनपछि देशलाई फेरि गति दिने प्रयासमा सामाजिक उत्तरदायित्वअन्तर्गत् काठमाडौं उपत्यका प्रहरी कार्यालयको रानीपोखरीस्थित भवन, काठमाडौं उपत्यका ट्राफिक प्रहरी कार्यालय (बग्गी खाना), कीर्तिपुर प्रहरी कार्यालय, जनकपुरस्थित ट्रफिक प्रहरी मुख्यालय र प्रहरी कार्यालय मर्मतसंभार गरेको हो । ती कार्यालयमा पूर्ण रुपमा नयाँ आल्मुनियमको सिसासहित झ्याल १५० वटा, ढोका १३, उपत्यका ट्राफिकमा महिला प्रहरी बस्ने पूरा भवन बनाइदिएको हो । केबी साम एनकेएलका प्रमुख अमिकतकुमार बेगानीले भने, ‘एनकेएलमा अधिकांश खेलाडी प्रहरीमा आबद्ध छन् । जेन्जी आन्दोलनमा उनीहरू कठिन परिस्थितिबाट गुज्रिएका थिए । काठमाडौंसहित धेरै सहरका प्रहरी कार्यालय ध्वस्त भएको थियो । त्यसमध्ये हाम्रा खेलाडी र सुरक्षाको प्रत्याभूति गर्ने प्रहरीको मनोबल बृद्धि गर्दै जीवनशैलीलाई सहज बनाउने प्रयासस्वरुप ८० लाख रुपिया लागतमा पाँच कार्यालय मर्मतसंभार गरेका छौं । देश निर्माणमा खेलकुदसँगै कर्पोरेट हाउसलाई जोड्न पाउँदा खुशी छौं । सहकार्यका लागि नेपाल प्रहरीलाई धन्यवाद दिन चाहान्छौं ।’ जनकपुर उपमहानगरपालिका प्रमुख मनोजकुमार साहले केबी साम एनकेएलको तारिफ गर्दै भने, ‘जेन्जी आन्दोलनमा क्षति भएका प्रहरी कार्यालहरू सरकार आफैले पनि तत्कालै पुननिर्माण गर्न संभव नदेखिएको परिस्थितिमा अग्रसरता लिएर बनाइदिएकोमा बेगानी ग्रुपप्रति आभारी छु ।’ केबी साम एनकेएलले जनकपर र भक्तपुरमा १५–१५ तथा कीर्तिपुरमा ३ वटा ट्राफिक अइल्यान्ड पनि निर्माण गरिदिने जनाएको छ । उपत्यका प्रहरी कार्यालयका एसएसपी शेखर खनालले भने, ‘घरमै दशैं, तिहार, छठ पर्व मनाइरहेको अवस्थामा हाम्रा कार्यालय फेरि बस्नलायक बनाइदिनुभएकोमा बेगानी ग्रुपलाई धेरैधेरै धन्यवाद । यस्तै किसिमको सहयोग र सहकार्यले नेपाल प्रहरीको ‘समुदाय प्रहरी साझेदारी’जस्ता अभियान चरितार्थ भएको छ ।’ बेगानी ग्रुपको आल्मुनियम उत्पादन केबी साम हो । बेगानी ग्रुपकै एस्ट्रोनिक्स म्यानेजमेन्टले नेपाल कबड्डी संघसँग १० वर्षे सम्झौता गरी गत वर्ष ६ सहरका ६ टिमलाई त्रिपुरश्वरस्थित कभर्ड हलमा उतार्दै एनकेएलको पहिलो संस्करण भव्य रुपमा आयोजना गरेको थियो । अहिले दोस्रो संस्करणको तयारी भइरहेको छ । दोस्रो सिजनको केबी साम एनकेएलको लागि ५ सय १२ जना नेपाली खेलाडीले नाम दर्ता गरिसकेका छन्, जुन गत वर्षभन्दा झण्डै दोब्बर हो ।&nbsp; राष्ट्रिय खेलकुद परिषदको त्रिपुरेश्वरस्थित कभर्डहलमा आयोजित रोमान्चक फाइनलमा काठमाडौंलाई ४३–४१ ले पराजित गर्दै जनकपुर एनकेएल च्याम्पियन भएको थियो । पहिलो सिजनका दुई कप्तान काठमाडौंका घनश्याम मगर र हिमालयन रेइडर्सका गणेश पार्की अहिले भारतको प्रो कबड्डी लिग (पीकेएल) सिजन १२ खेल्न व्यस्त छन् । सिजन २ को ड्राफ्ट र प्रतियोगिताको मिति चाँडै सार्वजनिक गर्ने बताइएको छ ।

केबी साम एनकेएलद्वारा जेन्जी आन्दोलनमा ध्वस्त पाँच प्रहरी कार्यालय मर्मतसंभार

काठमाडौं। अखिल नेपाल फुटबल संघ (एन्फा) ले वरिष्ठ उपाध्यक्ष वीरबहादुर खड्कालाई अर्को साधारणसभासम्म निलम्बन गरेको छ। शुक्रबार भएको आकस्मिक भर्चुअल बैठकले विधानको धारा ३८ (१६) अनुसार अनुशासनात्मक कारबाही गर्दै निलम्बनको निर्णय गरेको हो।

एन्फा वरिष्ठ उपाध्यक्ष वीरबहादुर खड्का निलम्बित

काठमाडौँ। भारत आइसीसी महिला क्रिकेट विश्वकपको फाइनलमा पुगेको छ। बिहिवार राति सम्पन्न दोस्रो सेमिफाइनल खेलमा भारतले अस्ट्रेलियालाई ५ विकेटले पराजित गर्दै फाइनलमा पुगेको हो। अस्ट्रेलियाले दिएको ३३९ रनको लक्ष्य पछाएको भारतले ४८.३ ओभरमा ५ विकेट गुमाउँदै लक्ष्य पुरा गर्याे।&nbsp; भारतले महिला क्रिकेटको एकदिवसीय इतिहासकै सबै भन्दा ठुलो लक्ष्य पछाएर जित हासिल गरेको हो। भारतको जितमा जेमिमा रोड्रीगोले अविजित १२७ रन बनाएकी थिइन् भने कप्तान हरमनप्रित कौरले ८९ रन बनाएकी थिइन्। यी दुई खेलाडीले तेस्रो विकेटका लागि १६७ रनको विशाल साझेदारी गरेका थिए।खेलमा रोड्रिग्स ८२ रनमा हुँदा र १०६ रनमा हुँदा अष्ट्रेलियाली फिल्डरहरूबाट जीवनदान पाएकी थिइन्, जसको फाइदा भारतले भरपूर उठायो। अन्तिम ओभरहरूमा दीप्ति शर्मा (२४ रन) र ऋचा घोष (१७ रन) ले छिटो रन जोडेर जित सुनिश्चित गर्न मद्दत गरे। यसअघि टस जितेर पहिला ब्याटिङ गरेको अस्ट्रेलियाले फोएबे लिचफिल्डको ११९ रनको शतकीय पारी र एलिस पेरीको ७७ रनको मद्धतले ४९.५ ओभरमा अलआउट हुँदै ३३८ रन बनाएको थियो। भारतका लागि श्री चरानी र दीप्ति शर्माले २-२ विकेट लिएका थिए। क्रान्ति गौड, अमजोत कौर र राधा यादवले एक एक विकेट लिए। अष्ट्रेलियाका ३ खेलाडी रनआउट भएका थिए। भारतले अब आइतबार हुने फाइनल खेलमा दक्षिण अफ्रिकाको सामना गर्नेछ। अफ्रिकाले पहिलो सेमिफाइनलमा इङ्गल्याण्डलाई पराजित गरेको थियो। भारत सन् २०१७ पछि पहिलो पटक विश्वकप फाइनलमा पुगेको हो।

अस्ट्रेलियालाई हराउँदै भारत फाइनलमा

एनएसपीएल २०२५ को लागि काठमाडौँ किंग्सले आफ्नो जर्सी अनावरण गरेको छ।&nbsp; बिहिबार दरबार मार्गको क्याफोफिलिया क्याफेमा भएको कार्यक्रममा काठमाडौँ किंग्स ले आफ्नो जर्सी अनावरण गरेसंगै आफ्नो टिम एन्थम पनि रिलिज गरेको छ। कार्यक्रममा काठमाडौँ किंग्सका अध्यक्ष अमित अग्रहरी र टिम म्यनागेर दिपक नेपालीले &nbsp;टिमको जर्सी अनावरण गर्नु भएको थियो । कार्यक्रमा बोल्दै अध्यक्ष अमित अग्रहरी ले टिमलाई शुभकामना पनि दिनु भयो। कार्यक्रममा टिमको एन्थम रिलिज हुदै गर्दा गायक र संगीतकार प्रिजोल नेपालीले गीतलाई काठमाडौँ को संस्कृति र नेवारी समुदाय संग जोड्न खोजेको जानकारी दिनु भयो। &nbsp; काठमाडौँ किंग्सले एन एस पी एलमा आफ्नो पहिलो खेल जनकपुर को टिम अप्पन जनकपुर संग शनिबार सांझा ५ बजे खेल्दै छ भने खेलको प्रतक्ष प्रशारण एक्सन स्पोर्ट्स मा हुनेछ।

काठमाडौँ किंग्सले जर्सी अनावरण

काठमाडौं। युएईले नेपाललाई आईसीसी क्रिकेट विश्वकप लिग–२ अन्तर्गतको खेलमा पराजित गरेको छ। बिहीबार युएईमा सम्पन्न खेलमा युएईले &nbsp;नेपाललाई ५ विकेटले पराजित गरेको हो। २३४ रनको मध्यम लक्ष्य पछ्याएको युएईले ओभरमा ५ विकेट गुमाउँदै २३७ रन बनायो। जितसँगै अंक तालिकाको पुछारमा रहेको युएईलाई केही राहत मिलेको छ। युएईले १८ खेलबाट ८ अंक पुर्‍याएको छ। जारी भ्रमणमा नेपालको यो दोस्रो हार हो। यसअघि अमेरिकासँग नेपाल १०६ रनले पराजित भएको थियो। &nbsp;समान खेलबाट १२ अंक रहेको नेपाल सातौं स्थानमा यथावत् छ। युएईलाई जित दिलाउन आर्यान्श शर्माले ९८ रनको उत्कृष्ट इनिङ्स खेले। ९८ बल खेलेका उनले १० चौका र ३ छक्का प्रहार गरे। उनलाई लेग स्पिनर सन्दीप लामिछानेले शतक बनाउनबाट बञ्चित गरे। यद्यपि, सन्दीपको उक्त क्याच एन्ड बोल्डबाट युएईलाई कुनै असर परेन। अलिशान शराफुले २६ बलमा ६ चौका र ३ छक्कासहित ४५ रन बनाइदिसकेका थिए। उनीबाहेक मोहम्मद वासिम २६, कप्तान राहुल चोपरा १५, हर्षित कौशिक १३ रनमा आउट भए। यता, धुर्व पराशर १६ र जाहिद अली ११ रनमा अविजित रहन सफल भए। नेपालका सन्दीपले सर्वाधिक दुई विकेट लिए। उनले आफ्नो १० ओभरमा ३४ रन खर्चिए। करण केसी र दीपेन्द्रसिंह ऐरीको नाममा समान १ विकेट रह्यो। त्यसअघि टस जितेर पहिला ब्याटिङ थालेको नेपालले निर्धारित ५० ओभरमा सबै विकेट गुमाउँदै २३३ रन बनाएको थियो। नेपालका कप्तान रोहितकुमार पौडेलले सर्वाधिक १०९ रन बनाए। १३० बल खेलेका उनले ५ चौका र २ छक्का प्रहार गरे।

नेपाल युएईसँग पराजित

काठमाडौं। आइसीसी विश्ववकप लिग–२ अन्तर्गत त्रीदेशीय सिरिजकाे दोस्रो खेलमा नेपालले घरेलु टोली युएईलाई २३४ रनकाे लक्ष्य दिएको छ।&nbsp; दुबई इन्टरनेसनल क्रिकेट स्टेडियममा टस जितेर पहिले ब्याटिङ थालेकाे नेपालले निर्धारित ५० ओभरमा सबै विकेट गुमाए २३३ रन बनाएकाे हाे।&nbsp; नेपालका लागि कप्तना राेहितकुमार पाैडेलले १०९ रनकाे याेग्दान गरे। उनले १३० बलमा ५ चाैका र २ छक्का प्रहार गरे। उनले ३ वर्ष ७ महिनापछि शतक प्रहार गरेका हुन्। उनले १२६ बलमा पाँच चाैका र एक छक्काकाे सहयाेगमा शतक प्रहार गरेका हुन्। उनको करिअरको दोस्रो शतक हो। यसअघि उनले २५ मार्च २०२२ मा कीर्तिपुरमा भएको खेलमा पपुवा न्यू गिनीविरुद्ध १२६ रनको इनिङ्स खेलेका थिए।त्यसको ३ वर्ष ७ महिना ५ दिनपछि उनले पुन: आफ्नो ब्याटमार्फत शतक बनाएका हुन्। यस्तै, ओपनर आसिफ शेखले ३५, आरिफ शेख २७, उपकप्तान दिपेन्द्र सिंक एैरी २३ रन बनाउँदा साेमपाल कामीले रन बनाए। युवा अलराउन्डर शुन्य रनमा पेबेलियम फर्किँदा ओपनर कुशल भर्तेलले ७ रन बनाए।&nbsp; करण केसी १३, सन्दीप लामिछाने र भिम सार्कीले तीन रन बनाए।&nbsp; यता युएईका लागि जाहिद अलीले सर्वाधिक चार विकेट लिँदा जुनैद सिद्दिकीले तीन हात पारे। यस सिरिजकाे पहिलाे खेलमा नेपाल अमेरिकासँग पराजित भएकाे थियाे।&nbsp; नेपालले अमेरिकासँग १०६ रनको हार बेहोरेको थियो भने युएईले अमेरिकासँग ४ विकेटको हार बेहोरेको थियो। नेपाल र यूएईले हालसम्म एकदिवसीय खेलमा एक अर्काविरूद्ध १५ खेल खेलेका छन्, जसमा नेपालले ९ खेल जितेको छ भने युएईले ६ खेल जितेको छ। विश्वकप लिग-२ मा १२ अंकसहित नेपाल सातौं स्थानमा छ। युएईको ६ अंक छ।

रोहितको शतकमा नेपालले युएईलाई दियो २३४ रनको लक्ष्य

काठमाडौं। नेपाली राष्ट्रिय क्रिकेट टोलीका कप्तान रोहितकुमार पौडेलले युएईविरुद्ध एकदिवसीय क्रिकेटमा शतक प्रहार गरेका छन्। आईसीसी क्रिकेट विश्वकप लिग २ अन्तर्गत शारजहा क्रिकेट रंगशालामा घरेलु टोलीविरुद्ध भइरहेको खेलमा उनले ३ वर्ष ७ महिनापछि शतक प्रहार गरेका हुन्। उनले १२६ बलमा पाँच चाैका र एक छक्काकाे सहयाेगमा शतक प्रहार गरेका हुन्। उनको करिअरको दोस्रो शतक हो। यसअघि उनले २५ मार्च २०२२ मा कीर्तिपुरमा भएको खेलमा पपुवा न्यू गिनीविरुद्ध १२६ रनको इनिङ्स खेलेका गिए। त्यसको ३ वर्ष ७ महिना ५ दिनपछि उनले पुन: आफ्नो ब्याटमार्फत शतक बनाएका हुन्।

युएईविरुद्ध कप्तना रोहितको शतक

काठमाडौं। नेपाली राष्ट्रिय पुरुष फुटबल टोलीमा मुख्य प्रशिक्षक म्याट रसले राजीनामा दिएका छन्। उनले तीन दिन अगाडि नै राजीनामा दिएका हुन्। अखिल नेपाल फुटबल संघ (एन्फा) महासचिव किरण राईले पनि राजीनामा दिएको पुष्टि गरे। ‘के कारण भनेर पछि खुलाउँला। तर, उहाँले राजीनामा दिइसक्नु भएको छ,’ उनले भने। अस्ट्रेलियन प्रशिक्षक रस गत फागुनमा मात्रै मुख्य प्रशिक्षकमा नियुक्त भएका हुन्। उनीसँग एन्फाले १ वर्षको सम्झौता गरेको थियो। उनको प्रशिक्षणमा नेपालले ७ अन्तर्राष्ट्रिय खेल खेलेको &nbsp;थियो। जसमा एक मात्र जित हात परेको थियो भने २ बराबरी र ४ खेलमा हार बेहोरेको थियो।

म्याट रसले दिए राजीनामा

काठमाडौँ। दक्षिण अफ्रिका आइसीसी महिला क्रिकेट विश्वकपको फाइनलमा पुगेको छ। बुधबार सम्पन्न सेमिफाइनल खेलमा इङल्याण्डलाई १२५ रनले पराजित गर्दै दक्षिण अफ्रिका पहिलो पटक फाइनलमा पुगेको हो। अफ्रिकाले दिएको ३२० रनको लक्ष्य पछाएको इङल्याण्ड ४२.३ ओभरमा अल आउट हुँदै १९४ रन मात्र बनाएको थियो। ३२० को लक्ष्य पछ्याउँदै, इङ्गल्याण्डको सुरुवात खराब रह्याे। टोलीले केवल एक रनमा तीन विकेट गुमायो। एमी जोन्स, ट्यामी ब्यूमोन्ट र हेदर नाइट सबै रन नबनाइ फर्किए। इनिङ्सको पहिलो ओभरमा मारिजान क्यापले एमी र नाइटलाई बोल्ड गरिन् भने अर्को ओभरमा अयाबोङ्गा खाकाले ब्युमोन्टलाई विकेटकिपर सिनोलो जाफ्टाको हातबाट क्याच गराइन्। त्यसपछि नेट स्काइभर–ब्रन्ट (६४) र एलिस क्याप्सी (५०) ले चौथो विकेटको लागि १०५ रन जोडे। उनीहरूले टोलीलाई लयमा राख्ने प्रयास गरे, तर २३औं ओभरमा सुन लुसले क्याप्सीलाई नाडाइन डे क्लार्कको हातबाट क्याच गराएर साझेदारी तोडिन्। क्याप्सीले ७१ बलमा ६ चौका प्रहार गरिन्। त्यसपछि कापले स्काइभर–ब्रन्टलाई विकेटकिपर जाफ्टाको हातबाट क्याच गराइन्। त्यसपछि इङ्ल्यान्डको बाँकी आशा समाप्त भयो। ब्रन्टले ७६ बलमा छ चौका र एक छक्का प्रहार गरिन्। कापले सोफिया डङ्कली (०२) र चार्ली डीन (००) लाई पनि आउट गर्दै आफ्नो पाँच विकेट पूरा गरिन्। नाडाइन डे क्लार्कले दुई विकेट लिए र लिन्सी स्मिथ (२७) लाई सुन लुसको हातबाट क्याच गराएपछि दक्षिण अफ्रिकाको जित सुनिश्चित भएको थियो। खेलमा पाँच विकेट लिएर, मारिजान क्यापले एउटा महत्वपूर्ण उपलब्धि हासिल गरिन्। उनी एकदिवसीय विश्वकपमा सर्वाधिक विकेट लिने खेलाडी बनिन्। उनले ४४ विकेट लिइन्, जुन यसअघि पूर्व भारतीय बलर झुलन गोस्वामीको नाममा रहेको रेकर्ड थियो। उनले ३४ इनिङमा ४३ विकेट लिएकी थिइन् । त्यसअघि पहिला ब्याटिङ गरेको दक्षिण अफ्रिकाले कप्तान लाउरा वोलभारडटको १६९ रनको शतकीय पारीको सहयोगले ५० ओभरमा ७ विकेट गुमाउँदै ३१९ रन बनाएको थियो। अब दक्षिण अफ्रीकाले फाइनलमा भारत र अस्ट्रेलियाबीचको बिजेतासँग आगामी आइतबार खेल्ने छ।

दक्षिण अफ्रिका फाइनलमा

काठमाडौं । आईसीसी विश्वकप लिग-२ अन्तर्गत त्रिकोणात्मक सिरिज अन्तर्गत आज नेपाल र युएईबीच खेल हुँदैछ। &nbsp; दुबई इन्टरनेसनल क्रिकेट स्टेडियममा हुने याे खेल नेपाली समयअनुसार बिहान सवा ११ बजे सुरू हुनेछ।&nbsp; यस सिरिजमा नेपाल र युएई दुवै आफ्नाे पहिलाे खेलमा अमेरिकासँग पराजित भएका थिए। नेपालले अमेरिकासँग १०६ रनको हार बेहोरेको थियो भने युएईले अमेरिकासँग ४ विकेटको हार बेहोरेको थियो।&nbsp; नेपाल र यूएईले हालसम्म एकदिवसीय खेलमा एक अर्काविरूद्ध १५ खेल खेलेका छन्, जसमा नेपालले ९ खेल जितेको छ भने युएईले ६ खेल जितेको छ। विश्वकप लिग-२ मा १२ अंकसहित नेपाल सातौं स्थानमा छ। युएईको ६ अंक छ।

लिग-२: नेपाल र युएई भिड्दै

इन्टर मिलानले बुधबार राति इटालीको सिरी ए मा फियोरेन्टिनालाई ३–० ले पराजित गरेको छ । यो नतिजाले इन्टर अंक तालिकाको तेस्रो स्थानमा उक्लेको छ भने फियोरेन्टिनामाथि रेलिगेसनको दबाब अझ चर्केको छ । यो जितपछि इन्टरको नौ खेलका १८ अंक भएको छ । खराव लयबाट गुज्रिरहेको फियोरेन्टिनाको भने नौ खेलबाट चार अंक मात्र छ र १९ औं स्थानमा कमजोर स्थितिमा छ । सानसिरोमा भएको खेलमा हाकान चाहालोलु ६६ र ८८ औं मिनेटमा दुई गोल गरे । अर्को गोल पिटर सुचिचले ७१ औं मिनेटमा गरे । अन्य खेलमा क्रेमोन्सले जेनोआलाई २–० ले हरायो भने बोलोग्ना र टुरिनोले गोलरहित बराबरीमा चित्त बुझाए ।

फियोरेन्टिना इन्टरसामु कमजोर

डिफेन्डिङ च्याम्पियन न्युकासल युनाइटेडले लिगकपको क्वाटरफाइनलमा फुलहमको सामना गर्ने भएको छ । प्रतियोगिताको बुधबार राति निकालिएको ड्र अनुसार यो खेल तय भएको हो । अन्य अन्तिम आठको खेलमा आर्सनलले प्यालेस, चेल्सीले कार्डिफ तथा सिटीले ब्रेन्टफोर्डको सामना गर्नेछन् । त्यसमध्ये कार्डिफ मात्रै इंग्लिस प्रिमियर लिग बाहिरको टिम रहेको छ । बुधबार नै भएका अन्तिम १६ का खेलमा न्युकासलले टोटनहमलाई २–० ले पराजित गरेको थियो । यस्तै आर्सनलले ब्राइटनलाई २–०, क्रिस्टल प्यालेसले लिभरपुललाई ३–०, म्यानचेस्टर सिटीले स्वान्सीलाई ३–१ र चेल्सीले उल्भ्सलाई ४–३ ले हरायो ।

न्युकासलको प्रतिद्वन्द्वी फुलहम

नेपालले भारतविरुद्ध बुधबार भएको फ्रेन्ड्ली म्याच टाइब्रेकरमा ३–० ले जितेको छ । निर्धारित समयको खेल १–१ को बराबरीमा टुंगेपछि पेनाल्टी सुटआउटले निर्णय भएको हो । नेपालको जितमा गोलरक्षक अञ्जना रानामगर फेरि एकपल्ट नायक रहिन् । सम्भावित टाइब्रेकरकै लागि सब्टिच्युट खेलाडीका रूपमा मैदानमा प्रवेश गरेकी अञ्जनाले भारतका दुई प्रहार रोकिन् । भारतको एक अर्को प्रहार बाहिरिएको थियो । नेपालका तर्फबाट गोल गर्नेमा सविता रानागमर, रश्मिकुमारी घिसिङ र निशा थोकरले गोल रहे । कप्तानको भूमिकामा रहेकी अनिता वस्नेत गोल गर्न चुकिन र उनको प्रहार भने बाहिरिएको थियो । त्यस अगाडि सिक्किमको पाल्जोर स्टेडियममा भएको खेलमा भारतले सौम्या गुगुलोथको गोलले पहिलो हाफको ३० औं मिनेटमा अग्रता लिएको थियो । पहिलो हाफको इन्ज्युरी समयमा अनिताको कर्नर प्रहारलाई रश्मिकुमारी घिसिङले हेड गर्दै बललाई पोस्टका दिशा दिएकी हुन् ।

टाइब्रेकरमा नेपालले भारतलाई हरायो

<a href="https://www.youtube.com/live/Bc9xjCN3_YE?si=v6RQtGikKJrAQJSy" target="_blank">Watch Nepal vs India Football </a> <iframe width="560" height="315" src="https://www.youtube.com/embed/Bc9xjCN3_YE?si=znSQYX3aq-GMBBWg" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe>

नेपाल र भारत बिच खेल हेर्नुहोस

काठमाडौं। क्रिस्टियानो रोनाल्डोको अल–नासर किङ्स कपको अन्तिम १६ बाटै बाहिरिएको छ। ‍रोनाल्डोको नासर करिम बेन्जेमाको अल–इत्तिहादसँग २–१ गोलले पराजित हुँदै प्रतियोगिताबाट बाहिरिएको हो। १५औं मिनेटमा कप्तान बेन्जेमाले गोल गर्दै अल–इत्तिहादलाई अग्रता दिलाए। अल–नासरले ३०औं मिनेटमा रोनाल्डोले बाँया तर्फबाट दिएको पास डिबक्सभित्र पाउँदै एन्जेलोले गोल गरे। तर, पहिलो हाफको अतिरिक्त समयको दोस्रो मिनेटमा हुसेम आउआरले गोल गर्दै इत्तिहादलाई फेरि अग्रता दिलाए। दोस्रो हाफको सुरुआतमै अल–इत्तिहादका अहमद अल–जुलैदान रातो कार्ड खाँदै मैदानबाट बाहिरिए। त्यसपछि उनीहरूलाई बाँकी समय १० जना खेलाडीले खेल्नुपर्‍यो। त्यसपछि बाँकी समय थप गाेल नहुँदा नासर पराजित हुन पुग्यो।

अल–नासर किङ्स कपको अन्तिम १६ बाट बाहिरियो

काठमाडौं। नेपाली राष्ट्रिय महिला फुटबल टोलीले आज बुधबार दाेस्राे मैत्रीपूर्ण खेलमा भारतको सामना गर्दैछ। सिक्किमको पाल्जोर रंगशालामा हुने खेल नेपाली समयअनुसार साँझ ५ बजे सुरु हुनेछ। यो खेलले फिफा अन्तर्राष्ट्रिय मान्यता भने पाएको छैन। नेपाल र भारत दुई दिनको अन्तरमा दोस्रो पटक आमने सामने हुँदैछन्। यसअघि सोमबार सिलोङमा सम्पन्न त्रीदेशीय मैत्रीपूर्ण खेलमा कप्तान सावित्रा भण्डारीको दुई गोलमा नेपाल २-१ ले विजयी भएको थियो। बुधबारको खेलमा भने सावित्रा उपलब्ध हुने छैनन्। उनी व्यावसायीक फुटबलका लागि अस्ट्रेलिया फर्किइसकेकी छन्। यसैगरी &nbsp;मिडफिल्डर प्रीति राई र गोलकिपर अञ्जिाल तुम्बापो सुब्बाले पनि आजको खेल गुमाउने भएका छन्।

नेपाल र भारत भिड्दै

इटालीको सिरी ए मा मंगलबार राति त्यस्ता दुई खेल भए जसले डिफेन्डिङ च्याम्पियन नेपोलीलाई फाइदा मात्र भएको छ । पहिलो खेलमा नेपोली आफैले लिसलाई १–० ले हरायो । अर्को खेलमा मिलानले एटलान्टासँग १–१ को बराबरी खेल्यो । नेपोलीको नौ खेलबाट २१ अंक भएको छ भने मिलान समान खेलबाट १८ अंकमा रह्यो । अब त अरू टिमसामु पनि मिलानलाई उछिन्ने अवसर हुनेछ । स्टाडियो भिआ डेल मारेमा प्राप्त जितमा नेपोलीका लागि आन्द्रे फ्रान्कले ६९ औं मिनेटमा एक मात्र गोल गरे । अर्कोतर्फ गेविस स्टेडियममा भने मिलानले चौथो मिनेट सामुएल रिकीको गोलले अग्रता लिएको थियो । एडेमोला लकुमनले ३५ औं मिनेटमा एटलान्टाका लागि बराबरी गोल फर्काए । एटलान्टा यस सिजन लिगमा एक मात्र अपराजित टिम हो, तर उसले नौ खेलमा सात बराबरी खेलिसकेको छ ।

मिलानको बराबरीमा नेपोलीलाई थप फाइदा

काठमाडौं। एएफसी एसियन कप २०२७ छनोटअन्तर्गत नेपालले मलेसियासँग घरेलु मैदानमा खेल्नुपर्ने खेल गुमाएको छ।&nbsp; एएफसीले सुरक्षा र व्यवस्थापकीय कारण देखाउँदै खेल स्थल परिवर्तन गरी आगामी १८ नोभेम्बरमा हुने खेल क्वालालम्पुरको बुकीत जालिल रंगशालामा सारिएको जनाएको छ। त्रिपुरेश्वरस्थित दशरथ रंगशालामा हुने तय खेल अब मलेसियाको घरेलु मैदानमा हुनेछ। समूह ‘एफ’ मा अंकविहीन रहँदै प्रतियोगिताबाट बाहिरिएको नेपालका लागि यो खेल थप कठिन बन्नेछ भने मलेसियाका लागि फाइदाजनक मानिएको छ। नेपालले यसअघि भियतना र लाओसँग पनि उसैकाे मैदानमा गएर खेलेको थियो।

एसियन कप छनोट : फेरि नेपालले घरेलु खेल गुमायो

काठमाडौं। स्ट्राइकर सावित्रा भण्डारी साम्बासँगै गोलकिपर अन्जिला तुम्बापो सुब्बा र मिडफिल्डर प्रीति राईले भारतविरुद्धको दोस्रो मैत्रीपूर्ण खेल गुमाउने भएकी छन्। नेपालले बुधबार भारतसँग मैत्रीपूर्ण खेल खेल्दैछ। तर, फिफा विन्डोमा दुई खेलले मात्रै अन्तर्राष्ट्रिय मान्यता प्राप्त गर्नेछ। नेपाल पहिलो खेलमा इरानसँग ३–० ले पराजित भएको थियो। दोस्रो खेलमा भने भारतलाई २–१ ले पाखा लगाएको थियो। उक्त जितमा साम्बाले नै दुवै गोल गरेकी हुन्। अखिल नेपाल फुटबल संघ (एन्फा)का अनुसार बुधबार हुने खेल अनौपचारिक रहने छ। त्यसैले साम्बा अस्ट्रेलिया फर्किएकी छन्। उनले सामाजिक सञ्जालमार्फत अन्तिम खेलका लागि टोलीलाई शुभकामनासमेत दिइसकेकी छन्। यस्तै प्रीति पनि भारतबाट जोर्डन प्रस्थान गर्नेछिन्। उनी अल–इत्तिहाद क्लबमा अनुबन्ध छिन्।

Nepalsports

एन्फा वरिष्ठ उपाध्यक्ष वीरबहादुर खड्का निलम्बित

📰 Recent News

Nepalsports