म्यानचेस्टर युनाइटेडले सोमबार आफ्ना प्रशिक्षक रुबेन एमोरिमलाई वर्खास्त गरेको घोषणा गरेको छ । इंग्लिस प्रिमियर लिग क्लबमा यी पोर्चुगाली प्रशक्षिकले १४ महिना मात्र बिताउन पाए ।

उनको नेतृत्वमा पछिल्लो खेलमा युनाइटेडले आइतबार लिड्स युनाइडेटसँग १–१ को बराबरी खेलेको थियो । त्यस अगाडि एमोरिमले युनाइटेडको व्यवस्थापनले आफूलाई सक्दो सहयोग नगरेको बताएका थिए ।

अब युनाइटेडले बुधबार हुने खेलमा बर्नलीको सामना गर्नेछन् र त्यसमा टिम डरेन फ्लेट्चरले सम्हाल्ने छन् । अहिले युनाइटेड २० खेलबाट ३१ अंकसहित छैटौं स्थानमा रहेको छ ।

एमोरिम आएयता पनि युनाइटेडको खेलमा खासै सुधार भएको थिएन् र उनी लगातार आलोचनामा शिकार भइरहे ।