फ्रान्सको लिग वानमा मोनाकोले शनिबार पेरिस सेन्ट जर्मेन (पीएसजी) लाई १–० ले पराजित गरेको छ । उपाधि होडमा पीएसजीका लागि यो हार गम्भीर धक्का रहेको छ । मोनाकोका लागि एक मात्र गोल ताकुमी मिनामिनोले ६८ औं मिनेटमा गरे । हारका बावजुत पीएसजी ३० अंकमा अझै शीर्ष स्थानमा छ । तर उसको अग्रता एक अंकमा छोटिएको छ । मार्से २९ अंकमा दोस्रो स्थानमा छ । मार्सेले टुलोजसँग २–२ को बराबरी खेलेपछि पीएसजीलाई उछिन्ने अवसर गुमाएको हो । अझ एक खेल कम खेलेको लेन्स २८ अंकमा तेस्रोमा छ । मोनाको आफै २३ अंकमा छैटौं स्थानमा छ । रेनेसले भने अर्को खेलमा मेट्जलाई १–० ले हरायो भने पेरिस एफसी र अजुरेले १–१ को बराबरी खेले ।

पीएसजीलाई मोनाकोको धक्का

बायर्न म्युनिकले जर्मन बुंडेसलिगाको शीर्ष स्थानमा आफ्नो अग्रतालाई आठ अंक पुर्‍याएको छ । बायर्नले एलिनाज एरेनामा भएको खेलमा सेन्ट पउलीलाई सजिलै ३–१ ले हराएको हो । पउलीले सुरुमै अप्रत्यासित अग्रता लिएयता बायर्नले तीन गोल फर्काएको हो । त्यो राफेल गुरेरो, लुइस डियाज र निकोलस ज्याक्सनको नाममा रह्यो । बायर्नको १२ खेलबाट ३४ अंक भएको छ । दोस्रोमा रहेको आरबी लाइपजिग भने समान १२ खेलबाट २६ अंकमा छ । लाइपजिग भने अर्को खेलमा बोरुसिया मोन्चेनग्लाडबाखको हातबाट गोलरहित बराबरीमा रोकियो । तेस्रो स्थानमा रहेको बोरुसिया डर्टमुन्डले भने बायर लेभरकुनजलाई २–१ ले हरायो । डर्टमुन्डको १२ खेलबाट २५ अंक छ ।&nbsp;

बायर्नको अग्रताले छोयो आठ अंक

काठमाडौँ। नेपाल प्रिमियर लिग अन्तर्गत आज एक खेल हुँदैछ। जसमा कर्णाली याक्स र काठमाडौँ गोर्खाजबीच दिउसो ३:३० बजेदेखि खेल हुँदैछ। कर्णालीले ४ खेलमा केवल एक खेल जितेको छ भने ३ खेलमा हार बेहोरेको छ। त्यस्तै काठमाडौँ गोर्खाजले ५ खेलमा ३ खेल जितेको छ भने २ खेलमा हार बेहोरेको छ।

कर्णाली र काठमाडौँ भिड्दै

राफेल लिओले दोस्रो हाफको सुरुमा गरेको निर्णायक गोलको मदतले एसी मिलानले इटालीको सिरी ए मा शनिबार लाजियोलाई १–० ले हराएको छ । सानसिरोमा लिओले ५१ औं मिनेटमा एक मात्र गोल गरे । यो जितपछि मिलानको १३ खेलबाट २८ अंक भएको छ र शीर्ष स्थानमा उक्लेको छ । तर उनको यो अग्रता एकै दिनका लागि मात्र हुन सक्नेछ । उसको पछाडि एएस रोमाको २७, नेपोलीको २५ र इन्टर मिलानको २४ अंक छ । उनीहरूसामु मिलानमाथि चुनौती थप्ने अवसर हुनेछ । शनिबार युभेन्ट्सले कागलिरीलाई २–१ ले हराएयो र१३ खेलबाट २३ अंकसहित सातौं स्थानमा रह्यो । अन्य खेलमा युडिनेजीले पार्मालाई २–० र जेनोआले हेलास भेरोनालाई २–१ ले पराजित गर्न सफल रह्यो ।

मिलानको जितमा लिओको निर्णायक गोल

स्पेनी ला लिगामा उपाधिका दुई प्रमुख प्रत्यासी बार्सिलोना र रियल म्याड्रिडले एकले अर्कोलाई उछिनेर शीर्षमा जाने क्रम शनिबार पनि कायम रह्यो । बार्सिलोनाले एलाभेसलाई ३–१ ले हराएर कम्तीमा एक दिनका लागि पहिलो स्थानमा रह्यो । त्यसमा लामिन यामलले बार्सिलोनाका लागि पहिलो गोल गरेपछि डानी ओल्मोले दुई गोल थपेका हुन् । त्यस अगाडि एटलेटिकोले रियल ओभिडोलाई २–० ले पराजित गरेको थियो र त्यसमा दुवै गोल एलेक्जान्डर सरलोथले गरे । बार्सिलोना ३४ अंक भएको छ भने एटलेटिकोको ३१ अंक छ र तेस्रो स्थानमा छ । रियल भने एक खेल कम खेलेर ३२ अंकमा दोस्रोमा छ र उसको सामु आइतबार फेरि शीर्षमा उक्लिने अवसर हुनेछ । अन्य खेलमा एथलेटिको बिलबाओले लेभान्टेलाई २–० ले पन्छायो भने रियल मार्लोका र ओसासुनाले भने २–२ को रोमाञ्चक बराबरी खेले ।

रियललाई उछिनेर बार्सिलोना अगाडि

म्यानचेस्टर सिटीले इंग्लिस प्रिमियर लिगमा शनिबार लिड्स युनाइटेडमाथि ३–२ को संघर्षपूर्ण जित निकालेको छ । खेल बराबरीतर्फ अग्रसर भइरहेको बेला फोडेनले दोस्रो हाफको इन्ज्युरी समयको पहिलो मिनेट गोल गर्दै जितको उद्धार गरेका हुन् । फोडनले नै इतिहाडमा भएको खेलमा गोलको खाता खोलेका थिए । यो जितपछि सिटी १३ खेलबाट २५ अंक भएको छ । सिटी दोस्रो स्थानमा छ र यो पहिलो स्थानमा रहेको आर्सनलसँग चार अंकको अन्तर हो । यो सिजन सरप्राइज टिम रहेको सन्डरल्यान्डले भने उत्कृष्ट पुर्नआगमन रच्दै बर्नमाउथलाई ३–२ ले नै हरायो र २२ अंकमा चौथो स्थानमा उक्लिन सफल रह्यो । घरमा भएको खेलमा सन्डरल्यान्ड सुरुमै दुई गोलले पछाडि रहेको थियो । यस्तै अन्य खेलमा फुलहमले टोटनहमलाई २–१, न्युकासल युनाइटेडले एभरटनलाई ४–१ र ब्रेन्टफोर्डले बर्नलीलाई ३–१ ले हरायो ।

लिड्समाथि सिटीको संघर्षपूर्ण जित

काठमाडौं। साविक विजेता जनकपुर वोल्ट्सलाई हराउँदै सुदूरपश्चिम रोयल्स दोस्रो संस्करणको नेपाल प्रिमियर लिग (एनपिएल) को प्लेअफमा प्रवेश गरेको छ। लगातार पाँचौं जितसँगै सुदूर प्लेअफमा पुग्ने पहिलो टिम बनेको छ। यता, चारै खेलमा पराजित जनकपुरको प्लेअफ पुग्ने सम्भावना समाप्त भएको छ। त्रिवि क्रिकेट रंगशालामा जनकपुरले दिएको १४६ रनको लक्ष्य पछ्याएको सुदूरले १७.४ ओभरमा ४ विकेट गुमाएर पूरा गर्यो। खेलमा ६ विकेटले विजयी भयो। सुुदूरको जितमा इशान पाण्डेले सर्वाधिक ५६ रनको अर्धशतकिय पारी खेले। उनले ३५ बलमा ८ चौका र एक छक्का प्रहार गरे। ओपनर बिनोद भण्डारी ४२ रन बनाउँदा कप्तान दिपेन्द्र सिंह ऐरीले १० र हर्मित सिंह २५ रनमा अविजित रहे। जनकपुरका लागि सन्जयकृष्ण मुर्थिले दुई, ललित राजवंशीले एक विकेट लिए।&nbsp; कुनै समय पहिलो बलमा विकेट गुमाएको सुदूरका लागि बिनोद र इशानले तेस्रो विकेटका लागि ९२ रनको साझेदारी गरे।&nbsp; त्यसअघि टस जितेर पहिलो ब्याटिङ थालेको जनकपुरले निर्धारित २० ओभरमा ८ विकेट गुमाएर १४५ रन बनाएको। जनकपुरका लागि सन्जय कृष्णमुर्थिले ३८ बलमा ५०, जान निकोल लफ्टी इटन ३३ बलमा ३९, आदित्य महता १३ बलमा १५ र कप्तान वार्नि पार्नेलले १४ रन बनाए। यता, सुदूरका लागि अभिनाष बोहरा सर्वाधिक ४ विकेट लिँदा स्कट कुइगेलिनले तीन तथा कप्तान दिपेन्द्र सिंह ऐरीले एक विकेट लिए।

जनकपुरलाई हराउँदै सुदूरपश्चिम प्लेअफमा

काठमाडौं। पहिलो जितको खोजिमा रहेको जनकपुर वोल्ट्सले सुदूरपश्चिम रोयल्सलाई १६४ रनको लक्ष्य प्रस्तुत गरेको छ। त्रिवि क्रिकेट रंगशालामा टस जितेर पहिलो ब्याटिङ थालेको जनकपुरले निर्धारित २० ओभरमा ८ विकेट गुमाएर १४५ रन बनायो। जनकपुरका लागि सन्जय कृष्णमुर्थिले ३८ बलमा ५०, जान निकोल लफ्टी इटन ३३ बलमा ३९, आदित्य महता १३ बलमा १५ र कप्तान वार्नि पार्नेलले १४ रन बनाए। यता, सुदूरका लागि अभिनाष बोहरा सर्वाधिक ४ विकेट लिँदा स्कट कुइगेलिनले तीन तथा कप्तान दिपेन्द्र सिंह ऐरीले एक विकेट लिए।

सुदूरपश्चिमलाई १४६ रनको लक्ष्य

काठमाडौँ। दोस्रो संस्करणको नेपाल प्रिमियर लिगमा लुम्बिनी लायन्सले दोस्रो जित दर्ता गरेको छ। जितसँगै पाँच खेलबाट लुम्बिनीले दुई जित दर्ता गरेको छ। पोखरा भने चार खेलमा तेस्रो हार ब्यहोरेको छ। पोखराले दिएको १५१ रनको लक्ष्य पछ्याएको लुम्बिनीले १९.४ ओभरमा ७ विकेट गुमाएर लक्ष्य पूरा गर्यो। लुम्बिनीको जितमा कप्तान रोहितकुमार पौडेलले सर्वाधिक ४० रन बनाए। उनले ३६ बलमा तीन चौका र दुई छक्का प्रहार गरे।&nbsp; निरुशन डिकवेल्ला २२ बलमा दुई चौका र दुई छक्काको सहयोगमा ३७ रन बनाए। गुलबदिन नइबले ११ बलमा १७, दिलिप नाथ १०, सन्दीप जोराले २२ बलमा २५ रन बनाए। पोखराको लागि विपिन खत्री, सागर ढकाल, म्याटेलरले समान दुई विकेट लिए। जिम्मी निशमले एक विकेट लिए। त्यसअघि त्रिवि क्रिकेट रंगशालामा टस हारेर पहिले ब्याटिङ थालेको पोखराले निर्धारित २० ओभरमा ५ विकेट गुमाएर १५० रन बनाएको थियो। पोखराको लागि एडम रोसिङटनले शानदार पारी खेले उनले ६३ बलमा ७ चौका र ५ छक्काको सहयोगमा ८१ रन बनाए। यस्तै, अलराउन्डर जिम्मी निशमले ३२ बलमा ३ चौका र ३ छक्काको सहयोगमा ५१ रन बनाए।&nbsp; लुम्बिनीका लागि तिलक भण्डारी र शेर मल्लले दुई विकेट लिए।

रोमाञ्चक खेलमा लुम्बिनीले पोखरालाई हरायो

काठमाडौँ। एसीसी यु–१९ प्रिमियर कपको सेमिफाइनलमा मलेसियालाई ९ विकेटले हराउँदै नेपाल फाइनलमा प्रवेश गरेसँगै एसिया कपमा छनोट भएको हो। &nbsp;मलेसियाले दिएको ५२ रनको सामान्य लक्ष्य नेपालले ७.५ ओभरमा एक विकेट गुमाएर पूरा गर्यो। नेपालका लागि भन्स क्षेत्री २७ बलमा सर्वाधिक २३ रन &nbsp;बनाए।&nbsp; यस्तै, निश्चल खत्रीले १८ बलमा १५ रन बनाउँदा ओपनर निरजकुमार यादवले ४ रन बनाएर आउट भए। त्यसअघि यूएईको अजमनमा टस हारेर पहिले ब्याटिङ गरेको मलेसियाले १७‍।२ ओभरमा सबै विकेट गुमाएर ५२ रन बनाएको थियो। मलेसियाको लागि हम्जाह पङ्गगीले २० बलमा सर्वाधिक १३ रन बनाए। यस्तै, मोहमद फतुलले ११ रन बनाउनु बाहेक अन्य ब्याटरले रन बनाउन सकेनन्। मलेसियालाई कम स्कोरमा रोक्न नेपालका लागि नितिश कुमार पटेलले सर्वाधिक चार, चन्दन रामले तीन, कप्तान अशोक धामी, अपराजित पौडेल र रोसन विश्वकर्माले समान एक विकेट लिए। नेपालले अब उपाधिको लागि ओमान र यूएईबीच जारी दोस्रो सेमिफाइनलको विजेतासँग सोमबार खेल्नेछ।

नेपालको युवा टोली एसिया कपमा

काठमाडौँ। पोखरा एभेन्जर्सका ओपनर एडम रोसिङटन र जिम्मी निशमनको शानदार अर्धशतका लुम्बिनी लायन्सले १५१ रनको लक्ष्य पाएको छ।&nbsp; त्रिवि क्रिकेट रंगशालामा टस हारेर पहिले ब्याटिङ थालेको पोखराले निर्धारित २० ओभरमा ५ विकेट गुमाएर १५० रन बनायो। पोखराको लागि एडम रोसिङटनले शानदार पारी खेले उनले ६३ बलमा ७ चौका र ५ छक्काको सहयोगमा ८१ रन बनाए। यस्तै, अलराउन्डर जिम्मी निशमले ३२ बलमा ३ चौका र ३ छक्काको सहयोगमा ५१ रन बनाए।&nbsp; लुम्बिनीका लागि तिलक भण्डारी र शेर मल्लले दुई विकेट लिए।

एडम र जिमीको अर्धशतकमा लुम्बिनीलाई १५१ रनको लक्ष्य

काठमाडौँ। एसीसी यु–१९ प्रिमियर कपको सेमिफाइनलमा नेपालले मलेसियाबाट ५२ रनको सामान्य लक्ष्य पाएको छ।&nbsp; यूएईको अजमनमा जारी खेलमा नेपालले जितका लागि सामान्य लक्ष्य पाएको हो। टस हारेर पहिले ब्याटिङ गरेको मलेसियाले १७‍।२ ओभरमा सबै विकेट गुमाएर ५२ रन मात्रै बनाउन सक्यो। मलेसियाको लागि हम्जाह पङ्गगीले २० बलमा सर्वाधिक १३ रन बनाए। यस्तै, मोहमद फतुलले ११ रन बनाउनु बाहेक अन्य ब्याटरले रन बनाउन सकेनन्। मलेसियालाई कम स्कोरमा रोक्न नेपालका लागि नितिश कुमार पटेलले सर्वाधिक चार, चन्दन रामले तीन, कप्तान अशोक धामी, अपराजित पौडेल र रोसन विश्वकर्माले समान एक विकेट लिए।

एसीसी यु–१९ प्रिमियर कप मलेसिया ५१ रनमै अलआउट

काठमाडौँ। नेपाल प्रिमियर लिग अन्तर्गत पोखरा एभेन्जर्सविरुद्ध लुम्बिनी लायन्सले टस जितेको छ।&nbsp; त्रिवि क्रिकेट रंगशालामा लुम्बिनीका कप्तना रोहितकुमार पौडेलले टस जितेर पहिले फिल्डिङ रोजेका हुन्। पोखराले टस हारेर पहिले ब्याटिङको निम्तो पाएको छ। जारी लिगमा पोखराले तीन खेलमा एक जित र दुई हार व्यहोरेको छ भने लुम्बिनीले चार खेलमा एक जित र तीन हारसहित संघर्ष गरिरहेको छ।

पोखराविरुद्ध लुम्बिनीले टस जित्यो

काठमाडौँ। एसीसी पुरुष यू–१९ प्रिमियर कप क्रिकेटको सेमिफाइनलमा आज नेपालले मलेसियासँग भिड्दैछ। एकदिवसीय फर्म्याटमा हुने यो महत्वपूर्ण खेल नेपाली समयअनुसार बिहान १०:१५ बजेबाट सुरु हुनेछ। नेपाल समूह ‘ए’ र मलेसिया समूह ‘डी’ को विजेता बनेका हुन्। समूह चरणमा उत्कृष्ट प्रदर्शन गर्दै नेपालले लगातार दुई जित दर्ता गर्दै अन्तिम चारमा स्थान सुरक्षित गर्‍यो। नेपालले पहिलो खेलमा साउदी अरेबियालाई आठ विकेटले र दोस्रो खेलमा हङकङलाई ११९ रनको फराकिलो अन्तरले पराजित गरेको थियो। यता अर्को सेमिफाइनलमा युएई र ओमान आमनेसामने हुनेछन्। कुल १४ राष्ट्र सहभागी यस प्रतियोगिताबाट शीर्ष तीन टोली एसीसी पुरुष यू–१९ एशिया कपका लागि छनोट हुनेछन्। नेपाली टिमअशोक धामी (कप्तान), निरज यादव (विकेटकिपर), निश्चल क्षेत्री, आशिष लोहार, सुशील रावल, किब्रिन श्रेष्ठ, दारश सोनार, दयानन्द मण्डल, दिलसाद अली, नितेश पटेल, चन्दन राम, रोशन विक, अपराजित पौडेल, भान्स क्षेत्री

एसीसी यू–१९ प्रिमियर कप सेमिफाइनलमा आज नेपाल र मलेसिया आमनेसामने

काठमाडौँ। नेपाल प्रिमियर लिग (एनपिएल) मा आज पनि दुई रोमाञ्चक खेल हुँदैछन्। आजको पहिलो खेलमा पोखरा एभेन्जर्स र लुम्बिनी लायन्स आमनेसामने हुँदैछन्। खेल बिहान ११:१५ बजेबाट सुरु हुनेछ। जारी लिगमा पोखराले तीन खेलमा एक जित र दुई हार व्यहोरेको छ भने लुम्बिनीले चार खेलमा एक जित र तीन हारसहित संघर्ष गरिरहेको छ। आजकै दोस्रो खेलमा सुदूरपश्चिम रोयल्स र जनकपुर बोल्ट्स भिड्नेछन्। यो खेल दिउँसो ३:३० बजेबाट सुरु हुनेछ। उत्कृष्ट लयमा रहेको सुदूरपश्चिम अपराजित रहँदै लगातार चार खेल जितेर शीर्ष स्थानमा छ। त्यसैगरी, साविक विजेता जनकपुर भने लगातार तीन हारपछि आज पहिलो जितको खोजीमा हुनेछ।

एनपिएलमा आज पनि दुई रोचक खेल हुँदै

इटालीको सिरी ए मा कोमो १९०७ ले शुक्रबार राति अंक तालिकाको छैटौं स्थानमा छलाङ लिएको छ । उसले यसका लागि स्टाडियो गुसेपे सिनिगागिलामा भएको खेलमा ससुलोलाई २–० ले हराएको हो । खेलका दुई गोल प्रत्येक दुवै हाफमा भएका हुन् । अनासाटासोसिस डोभिकासले १४ औं मिनेटमा गोलको खाता खोले । त्यसपछि ५६ औं मिनेटमा अल्बर्टो मोरेनाले दोस्रो गोल थपे । यो जितपछि कोमोको १३ खेलबाट २४ अंक भएको छ । यो शीर्षमा रहेको एएस रोमासँग तीन अंकको दूरी मात्रै हो । मिड टेबलमा रहेको ससुलोको १७ अंक रहेको छ र नवौं स्थानमा छ ।

कोमोको छैटौंमा छलाङ

गेटाफेले स्पेनी ला लिगामा एल्चेलाई शुक्रबार राति १–० ले पराजित गरेर अंक तालिकाको सातौं स्थानमा उक्लेको छ । यससँगै उसको अर्को सिजन युरोपमा खेल्ने महत्त्वकांक्षा बढ्नेछ । यो सिजनको छैटौं जितपछि गेटाफेको १४ खेलबाट २० अंक भएको छ । पराजित एल्चे भने १६ ंकमा १२ औं स्थानमा रह्यो । उसको पनि माथि उक्लेर आफ्नो स्थिति अनुकुल बनाउने अवसर बाँकी छ । कोलिजनमा भएको खेलमा मउरो रआमबारीले दोस्रो हाफमा निर्णायक गोल गरे । उनले ५६ औं मिनेटमा एक मात्र गाल गरेका हुन् ।

एल्चेलाई हराएर गेटाफे सातौंमा

काठमाडौँ। बसिर अहमतको अर्धशतकको सहयोगमा कर्णाली याक्सलाई हराउँदै विराटनगर किंग्सले चौथो जित दर्ता गरेको छ। कर्णालीले दिएको १६१ रनको लक्ष्य पछ्याएको विराटनगर किंग्सले निर्धारित १९।५ ओभरमा ७ विकेट गुमाएर १६३ रन बनाउँदै लक्ष्य पूरा गर्यो। विराटनगरको लागि ३५ बलमा बसिर अहमले अर्धशतक पूरा गरे। उनले तीन चौका र दुई छक्का प्रहार गरे। उनले ४३ बलमा ६३ रन बनाउँदै टिमलाई अन्तिममा छक्का प्रहार गरेर जित दिलाए। कप्तान सन्दीप लामिछानेले चार बलमा ६ रन बनाए। यस्तै, नारायन जोशीले १६ बलमा दुई चौका र एक छक्का प्रहार गर्दै २५ रन बनाएर आउट भए। साहिल पट्टेलले १९, साम हेज्लेटदे १६ रन बनाउँदा ओपनर लोकेश बम र प्रतिश जिसीले समान ६ रन बनाए। यता, कर्णालीका लागि गुलसन र सोमपालले समान दुई विकेट हात पारे। त्यसअघि त्रिवि क्रिकेट रंगशालामा टस जितेर पहिले ब्याटिङ रोजेको कर्णाली निर्धारित २० ओभरमा ३ विकेट गुमाएर १६० रन बनाएको थियो।&nbsp; कर्णालीको लागि प्रियंक पञ्चालको अर्धशतकिय पारी खेले। उनले ४७ बलमा ६ चौका र दुई छक्काको सहयोगमा ६३ रन बनाए। यस्तै, विलियन बोसिस्टोले ४८ रन बनाए। उनले ४८ बलमा दुई चौका प्रहार गरे। दोस्रो विकेटको लागि विलियन र प्रियंकले ९२ रनको साझेदारी गरे। मार्क वार्ड ९ बलमा ६ रन बनाएर क्याच आउट भए। गुलसन झाले १० बलमा एक छक्का र दुई चौका प्रहार गर्दै २० रन बनाएर आउट भए।&nbsp; यता, विराटनगरको लागि बलिङतर्फ मर्चान डि लेङ्ले र कप्तान सन्दीप लामिछानेले एक विकेट लिए।

रोमाञ्चक खेलमा विराटनगर ३ विकेटले विजयी

काठमाडौँ। ओपनर प्रियंक पञ्चालको अर्धशतकमा कर्णाली यक्सले विराटनगर किंग्सलाई &nbsp; रनकोल लक्ष्य प्रस्तुत गरेको छ। त्रिवि क्रिकेट रंगशालामा टस जितेर पहिले ब्याटिङ रोजेको कर्णाली निर्धारित २० ओभरमा ३ विकेट गुमाएर १६० रन बनायो।&nbsp; कर्णालीको लागि प्रियंक पञ्चालको अर्धशतकिय पारी खेले। उनले ४७ बलमा ६ चौका र दुई छक्काको सहयोगमा ६३ रन बनाए। यस्तै, विलियन बोसिस्टोले ४८ रन बनाए। उनले ४८ बलमा दुई चौका प्रहार गरे। दोस्रो विकेटको लागि विलियन र प्रियंकले ९२ रनको साझेदारी गरे। मार्क वार्ड ९ बलमा ६ रन बनाएर क्याच आउट भए। गुलसन झाले १० बलमा एक छक्का र दुई चौका प्रहार गर्दै २० रन बनाएर आउट भए।&nbsp; यता, विराटनगरको लागि बलिङतर्फ मर्चान डि लेङ्ले र कप्तान सन्दीप लामिछानेले एक विकेट लिए।&nbsp; जारी प्रतियोगितामा चार खेलमा विराटनगरले तीन जित र एक हार ब्यहोरेको छ भने कर्णालीले तीन खेलमा एक जित र दुई खेलमा पराजय ब्यहोरेको छ।

Nepalsports

रियललाई उछिनेर बार्सिलोना अगाडि

📰 Recent News

Nepalsports