काठमाडौं। विभागीय टोली नेपाल पुलिस क्लबले राष्ट्रिय लिगमा श्री भगवती क्लबलाई पराजित गरेको छ। सातदोबाटोस्थित एन्फा कम्प्लेक्समा सोमबार सम्पन्न खेलमा पुलिस १–० ले विजयी भयो। पुलिसको जितमा उपहार गोल नै निर्णायक बन्यो। खेलको ३७औँ मिनेटमा श्री भगवतीका विवश चौधरीले गरेको आत्माघाती गोलका कारण पुलिसले अग्रता लिएको थियो, जुन अन्तिमसम्म कायम रह्यो। यस जितसँगै नेपाल पुलिस क्लबले महत्वपूर्ण तीन अंक जोड्न सफल भएको छ।

श्री भगवतीमाथि पुलिसकाे कठिन जित

काठमाडौं । देशमै पहिलोपल्ट आयोजित चेस पजल सोल्भिङ कन्टेस्ट सम्पन्न भएको छ । हिमालयन चेस एकेडेमीद्वारा आयोजित प्रतियोगितामा दुई क्याटगोरीमा ६ महिला र १५ पुरुष गरी कुल २१ खेलाडीले प्रतिस्पर्धा गरे । एकेडेमीले वल्र्ड फेडेरेसन फर चेस कम्पोजिसन (डब्लुएफसीसी) सँगको सहकार्यमा आयोजित रेटेड प्रतियोगितामा निक्कै अनुभवी खेलाडीले मात्रै अवसर पाउने क्याटगोरी १ मा कसैले नाम दर्ता गरेन । कम अनुभवीको क्याटगोरी २ तथा १३ वर्षमुनिका खेलाडीको क्याटगोरी ३ मा चार घन्टा बसेर डब्लुएफसीसीले पठाएका पजल सोल्भ गरेका थिए । क्याटगोरी २ मा १२ र क्याटगोरी ३ मा ६ वटा पजल सोल्भ गर्न दिइएको थियो । क्याटगोरी २ मा ११ र क्याटगोरी ३ मा १० खेलाडीले पजल सोल्भ गरे । ६ देखि २४ वर्ष उमेरका उनीहरू ११ वटा स्कुल र कलेजबाट सहभागि भएका हुन् । क्याटगोरी २ का पजल सोल्भरले डब्लुएफसीसीको रेटिङ पाउनेछन् । एकेडेमीका निर्देशक याईशाष यासिर खम्बूका अनुसार सोल्भ गरेको पेपर पठाएपछि डब्लुएफसीसीले जाँच गरेपछि यही हप्ता नतिजा सार्वजनिक गरिनेछ । चेस पजल सोल्भिङले खेलाडीको विश्लेषणलाई सहज बनाउँदै क्षमता अभिबृद्धि हुने गर्दछ । डब्लुएफसीसीसँग सहकार्य गर्दै इन्टरनेसनल सोल्भिङ कन्टेस्ट (आईएससी) २०२६ को एउटा प्रतियोगिताको रुपमा हिमालयन चेस एकेडेमीले देशमै पहिलोपल्ट काठमाडौंमा पजल सोल्भिङ कन्टेस्ट आयोजना गरेको हो । आईएससीको २२ औं संस्करणमा २७ देशका काठमाडौंसहित ६५ सहरमा एकसाथ आइतबार (२५ जनवरी) नौ सय बढीले प्रतिस्पर्धा गर्दैछन् । हरेक सहरमा उत्कृष्ट नतिजा ल्याउने खेलाडीले जर्मनीको मगडेबर्गमा २०२६ अगस्ट ८ देखि १५ सम्म हुने ४९ औं वल्र्ड चेस सोल्भिङ च्याम्पियनसिपमा सहभागि हुन पाउने छन् । २०८० साल चैत १ गते औपचारिक उद्घाटनसँगै व्यवस्थित रुपमा सञ्चालित हिमालयन चेस एकेडेमीले आयोजना गर्न लागेको १२ औं प्रतियोगिता पनि हो– पजल सोल्भिङ कन्टेस्ट । उसले यसअघि ब्ल्ट्जि, र्यापिड, क्लासिकल र फ्रिस्टाइल चेसका ११ प्रतियोगिता सफलतापूर्वक आयोजना गरिसकेको छ । एकेडेमीले थापाथली कौशलटारमा नियमित प्रशिक्षण गराउँदै आएको छ । उसले अनलाइन, स्कुल र समुदायमा पनि वर्कशप र प्रशिक्षण सञ्चालन गरिरहेको छ ।

चेस पजल सोल्भिङमा २१ जनाको होड

काठमाडौं। छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लव च्याम्पियनसिपमा गण्डकी प्रदेशले त्रिभुवन आर्मी क्लबमाथि रोमाञ्चक जित निकालेको छ । पोखरा रंगशालास्थित भलिबल कोर्टमा जारी च्याम्पियनसिपअन्तर्गत आजको तेस्रो तथा अन्तिम खेलमा गण्डकीले आर्मीमाथि ३–१ को रोमाञ्चक जित निकालेको हो । निकै प्रतिष्पर्धात्मक भएको पहिलो र तेस्रो सेट गण्डकीले समान ३३–३१ ले आफ्नो पक्षमा पार्दा दोस्रो सेटमा आर्मी हाबी हुँदै २५–१५ को जित निकाल्यो । चौथो सेटमा गण्डकीले २५–१९ ले जित निकाल्दै खेलमा आफ्नो पक्षमा पा¥यो । च्याम्पियनसिपमा गण्डकीले दोस्रो जित दर्ता गराएको छ । पहिलो खेलमा सशस्त्र प्रहरी बल एपीएफसँग पराजित भएको गण्डकीले दोस्रो खेलमा माल्दिभ्स भलिबल एसोसियसनलाई पराजित गरेको थियो । आर्मीले भने लगातार दोस्रो हार बेहोरेको छ । पहिलो खेलमा माल्दिभ्सलाई हराएको आर्मी दोस्रो खेलमा नेपाल पुलिस क्लबसँग पराजित भएको थियो । यसअघि आजै भएका खेलमा महिला र पुरुष दुवैतर्फ एपीएफले जित निकाल्यो । पुरुषतर्फ एपीएफले माल्दिभ्सलाई ३–० को सोझो सेटमा पराजित गरेको हो । एपीएफले पहिलो सेट २५–२०, दोस्रो सेट २५–१८ र तेस्रो सेट २५–२० ले आफ्नो पक्षमा पा¥यो । महिलातर्फ एपीएफले त्रिभुवन आर्मी क्लबलार्य पराजित गरेको थियो । आर्मीविरुद्ध एपीएफले पहिलो सेट २५–११, दोस्रो सेट २५–१८ र तेस्रो सेट २५–१९ ले आफ्नो पक्षमा पार्दै च्याम्पियनसिपमा दोस्रो जित दर्ता ग¥यो । च्याम्पियनसिपअन्तर्गत भोलि मंगलबार ४ खेल हुनेछन् । पहिलो खेल महिलातर्फ आर्मी र थाइल्याण्ड क्विन्सबिच बिहान साढे ८ बजेबाट सुरु हुनेछ । दोस्रो खेल महिलातर्फ नै न्यू डायमण्ड स्पोट्र्स क्लब र पुलिसबिच हुनेछ । त्यसपछि पुरुषतर्फका २ खेल हुनेछ । पुरुषतर्फको पहिलो खेलमा पर्वत जिल्ला भलिबल संघ र माल्दिभ्स भिड्नेछन् । पुरुषतर्फको दोस्रो खेल गण्डकी र पुलिसबिच हुने तालिका छ ।

टाइगर कपः आर्मीमाथि गण्डकीको रोमाञ्चक जित

काठमाडौं। छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लब च्याम्पियनसिपमा एपीएफले माल्दिभ्स भलिबल एसोसियसनमाथि सहज जित निकालेको छ । पोखरा रंगशालास्थित भलिबल कोर्टमा जारी च्याम्पियनसिपअन्तर्गत आजको दोस्रो खेलमा पुरुषतर्फ एपीएफले माल्दिभ्सलाई ३–० को सोझो सेटमा पराजित गरेको हो । एपीएफले पहिलो सेट २५–२०, दोस्रो सेट २५–१८ र तेस्रो सेट २५–२० ले आफ्नो पक्षमा पा¥यो । च्याम्पियनसिपमा एपीएफले दोस्रो जित निकाल्दा माल्दिभ्सले भने लगातार तेस्रो हार बेहोरेको छ । अब आजको अन्तिम खेलमा त्रिभुवन आर्मी क्लब र गण्डकी प्रदेश प्रतिष्पर्धा गर्नेछन् । यसअघि आजै भएको पहिलो खेलमा महिलातर्फ सशस्त्र प्रहरी बल एपीएफले त्रिभुवन आर्मी क्लबलार्य पराजित गरेको थियो । आर्मीविरुद्ध एपीएफले पहिलो सेट २५–११, दोस्रो सेट २५–१८ र तेस्रो सेट २५–१९ ले आफ्नो पक्षमा पार्दै च्याम्पियनसिपमा दोस्रो जित दर्ता ग¥यो । आर्मीले लगातार तेस्रो हार बेहोर्दै फाइनल दौडबाट बाहिरियो । टाइगर ग्रुप अफ पोखरा नेपालको आयोजनामा माघ १७ गतेसम्म चल्ने च्याम्पियनसिपमा पुरुषतर्फ ६ र महिलातर्फ ५ टोली सहभागी छन् ।

माल्दिभ्समाथि एपीएफको सहज जित

काठमाडौं। मनाङ मार्स्याङ्दी क्लबले राष्ट्रिय लिगमा सिजनको पहिलो जित दर्ता गरेको छ। सोमबार सातदोबाटोस्थित एन्फा कम्प्लेक्समा सम्पन्न खेलमा मनाङले काँक्रेविहार क्लबलाई ५–१ को फराकिलो अन्तरले पराजित गर्दै प्रभावशाली प्रदर्शन गर्‍यो। यस जितसँगै मनाङले चार खेलबाट ३ अंक जोडेको छ। समान खेल खेलेको काँक्रेविहार भने अझै अंकविहीन रहेको छ। मनाङले खेलको १६औँ मिनेटमा सुरेश कुमालको गोलमार्फत अग्रता लिएको थियो। तर २०औँ मिनेटमा सन्दीप देउवाले गोल गर्दै काँक्रेविहारलाई खेलमा फर्काए र स्कोर १–१ को बराबरीमा पुर्‍याए। त्यसपछि २५औँ मिनेटमा अनिल कुमारले गोल गर्दै मनाङलाई पुनः अग्रता दिलाए। पहिलो हाफमै लय समातेको मनाङले दोस्रो हाफमा पनि आक्रामक खेल जारी राख्यो। दोस्रो हाफको ५४औँ र ८५औँ मिनेटमा गिडियन नाहले दुई गोल गर्दै टोलीको अग्रता फराकिलो बनाए। ८०औँ मिनेटमा नवराज गुरुङले अर्को गोल थपेपछि मनाङले ५–१ को एकपक्षीय जित सुनिश्चित गर्‍यो।

राष्ट्रिय लिगमा मनाङको पहिलो जित

काठमाडौं। आईसीसी टी–२० महिला विश्वकप छनोट प्रतियोगिताको समूह चरणबाटै नेपाली महिला क्रिकेट टोली बाहिरिएको छ। सोमबार त्रिभुवन विश्वविद्यालय क्रिकेट रंगशालामा सम्पन्न खेलमा नेपाल स्कटल्यान्डसँग ७२ रनले पराजित भएको हो। स्कटल्यान्डले दिएको १४१ रनको चुनौतीपूर्ण लक्ष्य पछ्याएको नेपाल १३.५ ओभरमै सबै विकेट गुमाउँदै ६८ रनमै सीमित भयो। नेपालको ब्याटिङ अत्यन्तै कमजोर रहँदा विन्दु रावल र रोम थापाले समान १४–१४ रन बनाउनु बाहेक अन्य खेलाडीले दोहोरो अंकमा रन जोड्न सकेनन्। यस हारसँगै नेपाल चार खेलबाट २ अंक मात्र जोड्दै समूह ‘बी’ को चौथो स्थानमा रह्यो र प्रतियोगिताबाट बाहिरियो। समूह चरणमा नेपालले जिम्बाब्वेलाई पराजित गरे पनि थाइल्यान्ड, नेदरल्यान्ड्स र स्कटल्यान्डसँग हार बेहोर्नु पर्‍यो।

स्कटल्यान्डसँग ७२ रनको हारसँगै नेपाल विश्वकप छनोटबाट बाहिरियो

काठमाडौं। छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लव च्याम्पियनसिपमा महिलातर्फ त्रिभुवन आर्मी क्लबले लगातार तेस्रो हार बेहोर्दै फाइनल दौडबाट बाहिरिएको छ । पोखरा रंगशालास्थित भलिबल कोर्टमा जारी च्याम्पियनसिपअन्तर्गत आफ्नो तेस्रो खेलमा आर्मी सशस्त्र प्रहरी बल एपीएफसँग ३–० को सोझो सेटमा पराजित भयो । आर्मी पहिलो खेलमा न्यू डायमण्ड स्पोट्र्स क्लब र दोस्रो खेलमा नेपाल पुलिस क्लबसँग पराजित भएको थियो । अब आर्मीले अन्तिम खेल भोलि थाइल्याण्ड क्विन्ससँग भिड्नेछ । सोमबार बिहान भएको खेलमा आर्मीविरुद्ध एपीएफले पहिलो सेट २५–११, दोस्रो सेट २५–१८ र तेस्रो सेट २५–१९ ले आफ्नो पक्षमा पार्दै च्याम्पियनसिपमा दोस्रो जित दर्ता ग¥यो । पहिलो खेलमा थाइल्याण्ड क्विन्सलाई पाँचौं सेटमा हराएको एपीएफ दोस्रो खेलमा न्यू डायमण्ड स्पोट्र्स क्लबसँग पराजित भएको थियो । आजको दोस्रो खेल पुरुषतर्फ एपीएफ र माल्दिभ्स भलिबल एसोसिएनबिच हुनेछ । त्यसपछि आजको अन्तिम खेलमा गण्डकी प्रदेश र आर्मी भिड्नेछन् । टाइगर ग्रुप अफ पोखरा नेपालको आयोजनामा माघ १७ गतेसम्म चल्ने च्याम्पियनसिपमा पुरुषतर्फ ६ र महिलातर्फ ५ टोली सहभागी छन् । सिंगल राउण्ड रोविनको आधारमा भएको प्रतियोगितामा शीर्ष दुईमा रहने टोली उपाधिका लागि भिड्ने छन् ।

तेस्रो हारसँगै उपाधि दौडबाट बाहिरियो आर्मी, एपीएफको दोस्रो जित

इटालीको सिरी ए मा युभेन्ट्सले आइतबार नेपोलीमाथि ३–० को शानदार जित रचेको छ । यो नतिजाले डिफेन्डिङ च्याम्पियन नेपोलीको उपाधि होडमा गम्भीर धक्का लागेको छ ।&nbsp; यो नतिजापछि युभेन्ट्स ४२ अंकमा पाँचौं स्थानमा छ भने नेपोली ४३ अंकमा चौथो स्थानमा रह्यो । युभेन्ट्सका लागि जोनाथन डेविड, केनान यिल्डिज र फिलिप कोस्टिचले गोल गरे ।&nbsp; इन्टर मिलान ५२ अंकमा शीर्षमा छ । उसको पछाडि एसी मिलानको ४७ र रोमाको ४३ अंक छ । आइतबार नै मिलान र एएस रोमाले १–१ को रोमाञ्चक बराबरी खेलेका थिए ।&nbsp; मिलानले कोनी डे विन्टरको गोलले अग्रता लिएपछि रोमाका लागि लोरेन्जो पेलेग्रिनीले बराबरी गोल फर्काए ।&nbsp;

नेपोलीमाथि युभेन्ट्सको शानदार जित

आफ्नो पारम्परिक प्रतिद्वन्द्वी रियल म्याड्रिडलाई उछिनेर बार्सिलानो फेरि स्पेनी ला लिगाको शीर्ष स्थानमा उक्लेको छ । यसका लागि उसले आइतबार रियल ओभिएडोलाई ३–० ले पराजित गरेको हो । त्यसमा डानी ओल्मो, राफिन्हा र लामिन यामलले गोल गरे । अघिल्लो दिन रियलले भिल्लारियललाई हराएर पहिलो स्थान उक्लेको थियो । अब बार्सिलोना ५२ र रियल ५१ अंक भएको छ । लिगमा कुनै पनि बेला यी दुई टिमको स्थान तलमाथि हुन सक्नेछ । तर उपाधि होडमा यिनै दुई टिम मात्र रहनेछन् । तेस्रोमा रहेका एटलेटिको म्याड्रिडले रियल मार्लोकालाई ३–० ले पराजित गर्‍यो । तर उसको ४४ अंक मात्रै छ ।

बार्सिलोना फेरि शीर्ष स्थानमा

म्यानचेस्टर युनाइटेडले आर्सनलमाथि ३–२ को उत्कृष्ट पुर्नआगमन जित रचेपछि इंग्लिस प्रिमियर लिगको उपाधि होड खुल्ला भएको छ । यो सिजन आफ्नो घरेलु मैदान इमिरेट्समा आर्सनलको यो पहिलो हार पनि हो । &nbsp; खेलको ८७ औं मिनेटमा युनाइटेडका लागि ब्राजिली खेलाडी म्याथ्येस कुन्हाले निर्णायक गोल गरे । यो नतिजाले शीर्षमा आर्सनलको अग्रता चार अंक मात्रै कायम रह्यो । उसको ५० अंक छ । म्यानचेस्टर सिटी र एस्टन भिल्लाको समान ४६ अंक रहेको छ । &nbsp; युनाइटेडको यो जितपछि ३८ अंक भएको छ र चौथो स्थानमा उक्लेको छ । त्यस अगाडि भिल्लाले न्युकासल युनाइटेडलाई २–० ले पराजित गरेको थियो । यस्तै चेल्सी क्रिस्टल प्यालेसलाई ३–१ ले पन्छाएको थियो ।

युनाइटेडको जितले उपाधि होड खुल्ला

काठमाडाैं। छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लव च्याम्पियनसिपमा नेपाल पुलिस क्लबले त्रिभुवन आर्मी क्लबलाई पराजित गरेको छ । पोखरा रंगशालास्थित भलिबल कोर्टमा जारी च्याम्पियनसिपअन्तर्गत आजको अन्तिम खेलमा पुलिसले आर्मीलाई ३–१ को सेटमा पराजित गरेको हो । पहिलो सेट २२–२५ र दोस्रो सेट १६–२५ ले गुमाएको आर्मीेले तेस्रो सेटमा २५–२१ ले जित निकाल्दै खेलमा फर्किने कोसिस गरेपनि सफल हुन सकेन । चौथो सेटमा पुलिसले २५–१५ ले जित निकाल्दै आर्मीलाई पहिलो हार चखायो । यसअघि भएको खेलमा पुरुषतर्फ पर्वत जिल्ला भलिबल संघले सशस्त्र प्रहरी बल (एपीएफ) लाई ३–१ को सेटमा पराजित गर्दै दोस्रो जित दर्ता गरेको थियो । पहिलो सेट २५–१८ ले आफ्नो पक्षमा पारेको पर्वतले दोस्रो सेट २१–२५ ले एपीएफलाई सुम्पिएको थियो । त्यसपछिका दुई सेटमा पुनरागमन जित निकाल्दै पर्वतले जित सुनिश्चित ग¥यो । पर्वतले तेस्रो सेट २५–१९ र चौथो सेट २५–१५ ले जित निकालेको हो । आजै भएको खेलमा महिलातर्फ न्यू डायमण्ड स्पोट्र्स क्लब र थाइल्याण्ड क्विन्स विजयी भए । न्यू डायमण्डले विभागीय टोली सशस्त्र प्रहरी बल (एपीएफ) माथि ३–० को सोझो सेटमा पराजित गर्दा थाइल्याण्ड क्विन्सले नेपाल पुलिस क्लबमाथि पाँचौं सेटमा पुनरागमन जित निकालेको थियो । &nbsp; च्याम्पियनसिपअन्तर्गत चौथो दिन भोलि ३ खेल हुनेछन् । पहिलो खेल महिलातर्फ बिहान १० बजे एपीएफ र आर्मीबिच हुनेछ । त्यसपछि पुरुषतर्फ एपीएफ र माल्दिभ्स भलिबल एसोसिएन भिड्ने छन् । भोलिको अन्तिम खेल गण्डकी प्रदेश र आर्मीबिच हुनेछ । टाइगर ग्रुप अफ पोखरा नेपालको आयोजनामा माघ १७ गतेसम्म चल्ने च्याम्पियनसिपमा पुरुषतर्फ ६ र महिलातर्फ ५ टोली सहभागी छन् । सिंगल राउण्ड रोविनको आधारमा भएको प्रतियोगितामा शीर्ष दुईमा रहने टोली उपाधिका लागि भिड्ने छन् ।&nbsp;

टाइगर कपः विभागीय डर्बीमा आर्मीमाथि पुलिसको सहज जित

काठमाडौं। नेपाली राष्ट्रिय यु–२० महिला फुटबल टोलीको मुख्य प्रशिक्षकमा यमप्रसाद गुरुङ नियुक्त भएका छन्। अखिल नेपाल फुटबल संघ (एन्फा) ले चीनको युनान युथ महिला टोलीसँग हुने मैत्रीपूर्ण खेलका लागि गुरुङलाई मुख्य प्रशिक्षकको जिम्मेवारी दिएको हो। उक्त मैत्रीपूर्ण खेल जनवरी ३१ गते त्रिपुरेश्वरस्थित दशरथ रंगशालामा आयोजना हुने तय गरिएको छ। यसअघि पनि गुरुङकै प्रशिक्षणमा नेपाली महिला टोलीले बंगलादेशमा सम्पन्न साफ यु–२० महिला च्याम्पियनसिपमा सहभागिता जनाएको थियो। सो प्रतियोगितामा नेपाल उपविजेता बनेको थियो। गुरुङको प्रशिक्षण टोलीमा सहायक प्रशिक्षकका रूपमा सन्देशकुमार श्रेष्ठ, गोलकिपिङ प्रशिक्षक सञ्जीव जोशी तथा टोली व्यवस्थापकका रूपमा दीपा क्षेत्री रहेका छन्।

यमप्रसाद गुरुङ यु–२० महिला टोलीको मुख्य प्रशिक्षक

काठमाडाैं। छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लव च्याम्पियनसिपमा पर्वत जिल्ला भलिबल संघले लगातार दोस्रो जित दर्ता गरेको छ । पोखरा रंगशालास्थित भलिबल कोर्टमा जारी च्याम्पियनसिपअन्तर्गत आजको तेस्रो खेलमा पुरुषतर्फ पर्वत भलिबलले सशस्त्र प्रहरी बल (एपीएफ) लाई ३–१ को सेटमा पराजित गर्दै दोस्रो जित दर्ता गरेको हो । पहिलो सेट २५–१८ ले आफ्नो पक्षमा पारेको पर्वतले दोस्रो सेट २१–२५ ले एपीएफलाई सुम्पिएको थियो । त्यसपछिका दुई सेटमा पुनरागमन जित निकाल्दै पर्वतले जित सुनिश्चित ग¥यो । पर्वतले तेस्रो सेट २५–१९ र चौथो सेट २५–१५ ले जित निकालेको हो । यसअघि पर्वतले आफ्नो पहिलो खेलमा नेपाल पुलिस क्लबलाई पाँचौं सेटमा पराजित गरेका थियो । एपीएफले भने पहिलो खेलमा गण्डकी प्रदेशलाई ३–१ को सेटमा पराजित गर्दै सुखद सुरुआत गरेको थियो । अब आजको अन्तिम खेल पुरुषतर्फ नेपाल पुलिस क्लब र त्रिभुवन आर्मी क्लबबिच हुनेछ । यसअघि आजै भएको पहिलो खेलमा महिलातर्फ न्यू डायमण्ड स्पोट्र्स क्लबले विभागीय टोली सशस्त्र प्रहरी बल (एपीएफ) माथि ३–० को सोझो सेटमा पराजित गरेको थियो । यस्तै आजको दोस्रो खेलमा महिलातर्फ थाइल्याण्ड क्विन्सले नेपाल पुलिस क्लबलाई पाँचौं सेटमा पुनरागमन जित निकालेको थियो । &nbsp; टाइगर ग्रुप अफ पोखरा नेपालको आयोजनामा माघ १७ गतेसम्म चल्ने च्याम्पियनसिपमा पुरुषतर्फ ६ र महिलातर्फ ५ टोली सहभागी छन् । सिंगल राउण्ड रोविनको आधारमा भएको प्रतियोगितामा शीर्ष दुईमा रहने टोली उपाधिका लागि भिड्ने छन् ।

टाइगर कपः पर्वत भलिबल संघको लगातार दोस्रो जित, एपीएफ पराजित

काठमाडौं। छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लब भलिबल च्याम्पियनसिपमा महिलातर्फ थाइल्याण्ड क्विन्सले पुनरागमन जित निकालेको छ । पोखरा रंगशालास्थित भलिबल कोर्टमा जारी च्याम्पियनसिपअन्तर्गत आजको दोस्रो खेलमा थाइल्याण्ड क्विन्सले नेपाल पुलिस क्लबलाई पाँचौं सेटमा पराजित ग¥यो । पहिलो दुई सेट गुमाएको थाइल्याण्डले पछिल्ला तीन सेटमा उत्कृष्ट पुनरागमन गर्दै जित दर्ता गर्न सफल भयो । पुलिसले पहिलो सेट २५–२२ र दोस्रो सेट २५–२० ले जित निकालेको थियो । तर, त्यसपछिका सेटमा पुलिस सम्हालिन सकेन । थाइल्याण्डले तेस्रो सेट २५–२३, चौथो सेट २५–१४ र पाँचौं सेट १६–१४ ले जित निकाल्यो । पहिलो खेलमा सशस्त्र प्रहरी बल एपीएफसँग पाँचौं सेटमा पराजित भएको थाइल्याण्डले दोस्रो खेलमा पाँचौं सेटमा पुगेर जित निकालेको हो । आज पराजित भएको पुलिसले पहिलो खेलमा त्रिभुवन आर्मी क्लबलाई ३–१ को सेटमा पराजित गरेको थियो । यसअघि आजै भएको पहिलो खेलमा महिलातर्फ न्यू डायमण्ड स्पोट्र्स क्लबले विभागीय टोली सशस्त्र प्रहरी बल ९एपीएफ० माथि ३–० को सोझो सेटमा पराजित गरेको थियो । अब पुरुषतर्फका खेल हुनेछन् । पुरुषतर्फको पहिलो खेलमा एपीएफ र पर्वत भलिबल संघ भिड्नेछन् । दोस्रो खेलमा पुलिस र आर्मी खेल्ने तालिका छ । &nbsp; टाइगर ग्रुप अफ पोखरा नेपालको आयोजनामा माघ १७ गतेसम्म चल्ने च्याम्पियनसिपमा पुरुषतर्फ ६ र महिलातर्फ ५ टोली सहभागी छन् । सिंगल राउण्ड रोविनको आधारमा भएको प्रतियोगितामा शीर्ष दुईमा रहने टोली उपाधिका लागि भिड्ने छन् ।

टाइगर कपः पुलिसमाथि थाइल्याण्ड क्विन्सको पुनरागमन जित

काठमाडाैं। छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लब भलिबल च्याम्पियनसिपमा न्यू डायमण्ड स्पोट्र्स क्लबले सहज जित दर्ता गरेको छ ।&nbsp; पोखरा रंगशालास्थित भलिबल कोर्टमा जारी च्याम्पियनसिपअन्तर्गत आजको पहिलो खेलमा महिलातर्फ न्यू डायमण्डले विभागीय टोली सशस्त्र प्रहरी बल (एपीएफ) माथि ३–० को सोझो सेटको जित दर्ता गरेको हो । न्यू डायमण्डले पहिलो सेट २५–१७, दोस्रो सेट २५–२१ र तेस्रो सेट २५–२३ ले आफ्नो पक्षमा पा¥यो । खेलको प्लेयर अफ द म्याच न्यू डायमण्डकी सुमित्रा रेग्मी घोषित भइन् । न्यू डायमण्डको यो लगातार दोस्रो जित हो । यसअघि भएको पहिलो खेलमा न्यू डायमण्डले त्रिभुवन आर्मी क्लबलाई पराजित गरेको थियो । एपीएफले भने पहिलो हार बेहोरेको छ । यसअघि एपीएफले थाइल्याण्ड क्विन्सलाई पाँचौं सेटमा पराजित गरेको थियो । अब आजको दोस्रो खेलमा महिलातर्फ नेपाल पुलिस क्लब र थाइल्याण्ड क्विन्सबिच हुनेछ । त्यसपछि पुरुषतर्फका खेल हुनेछन् । पुरुषतर्फको पहिलो खेलमा एपीएफ र पर्वत भलिबल संघ भिड्नेछन् । दोस्रो खेलमा पुलिस र आर्मी खेल्ने तालिका छ । &nbsp; टाइगर ग्रुप अफ पोखरा नेपालको आयोजनामा माघ १७ गतेसम्म चल्ने च्याम्पियनसिपमा पुरुषतर्फ ६ र महिलातर्फ ५ टोली सहभागी छन् । सिंगल राउण्ड रोविनको आधारमा भएको प्रतियोगितामा शीर्ष दुईमा रहने टोली उपाधिका लागि भिड्ने छन् ।

एपीएफमाथि न्यू डायमण्डको सहज जित

जर्मन बुंडेसलिगामा बायर्न म्युनिक शनिबार असबर्गको हातबाट २–१ ले पराजित भएको छ । मार्चयता बायर्नको यो बायर्नको पहिलो हार हो र यससँगै २७ खेलको अपराजित यात्रामा पूर्ण विरामा लागेको छ ।&nbsp; एलिनाज एरेनामा बायर्नले हिरोकीको गोलले अग्रता लिको थियो । तर असबर्गले दोस्रो हाफमा दुई गोल गरेको थियो । त्यसमा आर्थर चाभेस र हान नोहले एक एक गोल गरे ।&nbsp; दोस्रो स्थानमा रहेको बोरुसिया डर्टमुन्डले भने अर्को खेलमा युनियन बर्लिनलाई ३–० ले हरायो र बायर्नसँगको दूरी आठ अंकमा छोट्याउन सफल रह्यो ।&nbsp;

असबर्गसँग बायर्नको दुर्लभ हार

इंग्लिस प्रिमियर लिगमा म्यानचेस्टर सिटीले सहज जित हात पार्न लिभरपुल भने पराजित भएको छ । एतिहाडमा सिटीले उल्भ्सलाई २–० ले पराजित गरेको थियो । त्यसमा भने ओमर मारमोस र एन्टोन समेन्योले एक एक गोल गरेका हुन् । <img src="https://app.nepalsportz.com/media/django-summernote/2026-01-25/c83c1766-636b-4fab-958b-e57abccf714c.webp" style="width: 698px;"> लिभरपुल भने बर्नमाउथको हातबाट ३–२ ले पराजित हो । त्यसमा आमिन एडिलले दोस्रो हाफको इन्ज्युरी समयको पाँचौं मिनेटमा निर्णायक गोल गरे । सिटीको ४६ अंक भएको छ र यो शीर्षमा रहेको आर्सनलसँग चार अंकको अन्तर हो । लिभरपुल ३६ अंकमा चौथोमा रह्यो । अन्य खेलमा फुहमलले ब्राइटनलाई २–१ ले हरायो भने बर्नली र टोटनहमले २–२ को बराबरीमा चित्त बुझाए ।

सिटी जित्यो तर लिभरपुलले सकेन्

केयलिन एममबापले दुई गोल गरेपछि रियल म्याड्रिडले शनिबार भिल्लारियललाई २–० ले हराएको छ र कम्तीमा एक दिनको अंक तालिकाको शीर्षमा उक्लेको छ । रियललाई लाई शीर्षमा दुई अंकको अग्रता प्राप्त छ । रियलको ५१ अंक भएको छ । बार्सिलोना ४९ अंकमा दोस्रो स्थानमा छ । भिल्लारियल भने ४१ अंकमा चौथो स्थानमा रह्यो । एमबापेले ४७ औं मिनेटमा पहिलो गोल गरेपछि दोस्रो हाफको इन्ज्युरी समयको चौथो मिनेटमा दोस्रो गोल थपे ।&nbsp; यो पेनाल्टीबाट सम्भव भएको थियो । अल्भारो अरबेलोआकोको रियलको सबै प्रतियोगितामा गरेर लगातार तेस्रो जित हो । शनिबारका अन्य खेल प्रमुख खेलमा सेभियाले एटलेटिको बिलबाओलाई २–१ र भ्यालेन्सियाले इस्पनयोललाई&nbsp;३–२&nbsp;ले हरायो ।&nbsp;

रियललाई जिताउन एमबापेको दुई गोल

काठमाडौं। राष्ट्रिय लिग अन्तर्गत मच्छिन्द्र फुटबल क्लब र विभागीय टोली त्रिभुवन आर्मी क्लबले आ–आफ्नो खेलमा विजयी हासिल गरेका छन्। शनिबार त्रिपुरेश्वस्थित दशरथ रंगशालामा सम्पन्न खेलमा आर्मीले चित्लाङ फुटबल क्लबमाथि ५–१ को शानदार जित निकालेको छ। खेलको २६औँ मिनेटमा चित्लाङका म्याथ्यु बाबाटुन्डेले गोल गर्दै टोलीलाई अग्रता दिलाए पनि त्यसपछि खेलमा आर्मी पूर्ण रूपमा हाबी रह्यो। आर्मीका लागि ४०औँ र ८२औँ मिनेटमा दिनेश हेनजानले दुई गोल गर्दै उत्कृष्ट प्रदर्शन गरे। त्यसैगरी पहिलो हाफको इन्जुरी समयमा अनवायु श्रेष्ठले गोल गरे भने ६३औँ मिनेटमा नबिन लामा पेनाल्टीमार्फत गोल गर्न सफल भए। खेलको ८५औँ मिनेटमा नरेन्द्र चौधरीले अर्को गोल थप्दै आर्मीको जित सुनिश्चित गरे। जितसँगै आर्मीले तीन अंक जोड्न सफल भयो। यस्तै, आजै भएको पहिलो खेलमा मच्छिन्द्रले प्लानिङ ब्वाइज युनाइटेडलाई २–० ले पराजित गर्यो। जारी प्रतियोगितामा मच्छिन्द्रको यो लगातार तेस्रो जित हो।

मच्छिन्द्र र आर्मी विजयी

रेलिगेसनबाट बच्न संघर्षरत वेस्ट ह्यामले शनिबार इंग्लिस प्रिमियर लिगमा सन्डरल्यान्डलाई ३–१ ले पराजित गरेको छ । यो जितपछि वेस्ट ह्यामको २३ खेलबाट २० अंक भएको छ । लन्डन क्लब अझै पनि १८ औं स्थानमा रहेको छ । सन्डरल्यान्ड भने ३३ अंकमा नवौं स्थानमा रह्यो । लन्डन स्टेडियममा भएको खेलमा घरेलु टिमका लागि क्रेसेन्को सुमेरभिले, जार्डोन बावेन र म्याथ्येस फर्नान्डेजले एक एक गोल गरे । तीन गोल पहिलो हाफमा सम्भव भएको थियो । दोस्रो हाफमा सन्डरल्यान्डले एक गोल फर्काएको थियो र यो ब्रायन ब्रोबीको नाममा रह्यो ।

Nepalsports

श्री भगवतीमाथि पुलिसकाे कठिन जित

📰 Recent News

Nepalsports