काठमाडौँ। नेपाल पुलिस क्लब नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ सेमिफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बिहीबार सम्पन्न दोस्रो क्वाटरफाइनल खेलमा पुलिसले कोशी प्रदेशलाई ३–० को सोझो सेटमा पराजित गर्दै अन्तिम चारको यात्रा तय गरेको हो। पुलिसले पहिलो सेट २५–१९ दोस्रो सेट २५–१७ र तेस्रो सेट २५–१८ ले आफ्नो पक्षमा पार्न सफल भयो। पुलिसले सेमिफाइनलमा शुक्रबार हेल्प नेपालसँग दिउँसो २ बजे प्रतिस्पर्धा गर्नेछ।

पुलिस र हेल्प नेपाल सेमिफाइनलमा भिड्ने

काठमाडौँ। &nbsp;हेल्प नेपाल स्पोर्ट्स क्लब नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ सेमिफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बिहिबार सम्पन्न पहिलो क्वाटरफाइनलमा बूढानीलकण्ठ भलिबल क्लबलाई ३–० को सेटमा हराउँदै सेमिफाइनलमा पुगेको हो।&nbsp; पहिलो सेट २५–१३ ले सहज जित हात पारेको हेल्प नेपालले दोस्रो सेटमा भने २५–२३ ले संघर्षपूर्ण जित निकाल्न सफल भयो। त्यस्तै, तेस्रो सेटमा २५–१८ ले जित निकाल्दै सेमिफाइनलको यात्रा तय गर्यो।&nbsp; हेल्प नेपालले अब सेमिफाइनलमा कोशी प्रदेश नेपाल पुलिसबीचको विजेतासँग शुक्रबार खेल्नेछ।

हेल्प नेपाल सेमिफाइनलमा

काठमाडौं– च्यासलमा रहेको नेपाल स्पोर्टस सेन्टरमा बिहीबारदेखि स्केट हब सुरु भएको छ । पछिल्लो समय नेपालमा स्केटिङ लोकप्रिय खेलका रुपमा विकास र विस्तार भइरहेको छ । काठमाडौं उपत्यकामै मात्र पनि ५० भन्दा बढी स्केट सेन्टर रहेको मानिन्छ । पछिल्लो टोकियो र पेरिस ओलम्पिकमा स्केट बोर्डिङ समावेश गरिएको छ । नेपाल स्पोर्टस सेन्टर नेपाली फुटबलका पूर्व खेलाडी राजुकाजी शाक्य, सुरेन्द्र श्रेष्ठ र दिनेश ब्यन्जनकारले दस वर्षयता सञ्चालन गरिरहेका छन् । सन् २०२६ को नयाँ वर्षको अवसरमा स्केट हब पनि सुरु गरिएको हो ।

स्केट हब सुरु

काठमाडौं। अखिल नेपाल फुटबल संघ ९एन्फा० अर्ली इलेक्सनमा जाने भएको छ। सातदोबाटोस्थित एन्फा कम्प्लेक्समा बुधबार बसेको कार्यसमिति बैठकले आगामी २८ माघमा निर्वाचनमा निर्वाचन गर्ने निर्णय भएको हो। एन्फाका प्रवक्ता सुरेश शाहका अनुसार “बहुमत सदस्यले चारवर्षे कार्यकाल सकिनुअगावै निर्वाचनमा जाने प्रस्ताव राख्नुभयो। उक्त प्रस्ताव पारित गरेका छौं,” शाहले भने। एन्फाको वर्तमान कार्यसमितिको चारवर्षे कार्यकाल अर्को वर्षको ६ असारमा सकिँदै छ। तर, नियमित निर्वाचन गर्ने समयमै अमेरिका, मेक्सिको र क्यानडामा फिफा विश्वकप आयोजना हुने भएको कारण एन्फा नेतृत्व कार्यकाल सकिनुअगावै निर्वाचनमा जान लागेको हो। एन्फा अध्यक्ष पंकजविक्रम नेम्वाङले त्यही एजेन्डा समेट्दै बुधबार एन्फा कार्यसमिति बैठक बोलाएका थिए। यसअघि निलम्बित वरिष्ठ उपाध्यक्ष वीरबहादुर खड्कासहित उपाध्यक्ष विराटजंग शाही, केन्द्रीय सदस्यद्वय रविन चन्द र रूपेश अधिकारीले वर्तमान नेतृत्वले संवेदनशील घटनामा उदासीनता, सरोकारवालाको बेवास्ता, लिग सञ्चालनमा उदासीनता, अन्तर्राष्ट्रिय खेल सञ्चालनमा असफलता, अपारदर्शी आर्थिक गतिविधि र खेलाडी प्रोत्साहनमा कमी भएको भन्दै ‘अर्ली इलेक्सन’को माग गर्दै आएका थिए।

कार्यकाल नसकिँदै एन्फाले लियो अर्ली इलेक्सनको बाटो

आजदेखि सन् २०२६ लागेको छ । नेपाल स्पोर्टसका तर्फबाट हाम्रा सबै पाठकलाई धेरै धेरै शुभकामना । यो वर्ष खेलकुदको दृष्टिकोणबाट असाध्यै धेरै रोमाञ्चक हुने निश्चित छ । किनभने यो वर्ष तीन ठूला प्रतियोगिता हुनेछन्, नेपाली खेल प्रेमीको दृष्टिकोणबाट । त्यसमध्ये पहिलो भयो, अमेरिका, क्यानाडा र मेक्सिकोमा हुने फुटबलको विश्वकप । यो जुन ११ देखि जुलाइ १९ सम्म हुनेछ । &nbsp;जति बेला फुटबलको विश्वकप हुनेछ, सबैको ध्यान त्यसमै हुनेछ । सन् २०२६ मा ओलम्पिक पनि हुनेछ, तर त्यो शीतकालीन हुनेछ । इटालीमा फेब्रवरी ६ देखि २२ सम्म यो प्रतियोगिता हुनेछ । तर हाम्रोतिर शीतकालीन ओलम्पिकमा खासै धेरै रुचि भने हुने गर्दैन् । यही समयमा नेपालमा सबैको ध्यान खिच्ने प्रतियोगिता भने अर्को नै हुनेछ र त्यो हो, क्रिकेटको ट्वान्टी ट्वान्टी विश्वकप । भारत र श्रीलंकाले यसको आयोजना गर्दैछ, फेब्रवरी ७ देखि मार्च ८ सम्म । यसमा हाम्रो धेरै रुचि किन भन्दा नेपाल पनि यसमा आफ्नो चुनौती पेस गर्दैछ । नेपाल प्रतियोगिताको समूह सी मा छ र नेपालले यी टिमविरुद्ध खेल्नेछ, इंग्ल्यान्ड र वेस्ट इन्डिजसँगै बंगलादेश । अनि इटाली पनि । जति जति बेला नेपाल मुम्बईको वानखडे स्टेडियममा खेल्नका लागि उत्रनेछ, सारा नेपालीको ध्यान त्यसमै मात्र हुनेछ, यसमा कुनै शंका छैन् । सन् २०२६ मै एउटा ठूलो एसियाली खेलकुदको महोत्सव पनि परेको छ, त्यो हो, एसियाली खेलकुद । जापानको आइची र नगोयाले सेप्टेम्बर १९ देखि अक्टोर ४ सम्म हुने प्रतियोगिताको आथित्य गर्दैछ । सबैलाई थाहा छ, एसियाली महादेशको यो नै सबैभन्दा वृहत खेल प्रतियोगिता हो र यो नै त्यस्तो एक मात्र ठूलो प्रतियोगिता हो, जसमा नेपालले पदक जित्ने आश गर्न सक्छ ।

यी हुन्, सन् २०२६ का तीन ठूला प्रतियोगिता

काठमाडौं। अन्तिम खेलमा रोमाञ्चक जित निकाल्दै कोशी प्रदेश नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ क्वार्टरफाइनलमा प्रवेश गरेको छ। अन्तिम आठमा पुग्ने कोशी अन्तिम टोली बनेको हो। यससँगै पुरुषतर्फको क्वार्टरफाइनल समीकरण पूरा भएको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार सम्पन्न समूह ‘सी’ को खेलमा कोशीले कीर्तिपुर भलिबल ट्रेनिङ सेन्टरलाई ३–० को सोझो सेटमा पराजित गर्‍यो। यो जितसँगै कोशी समूह उपविजेता बनेको हो। कोशी पहिलो खेलमा त्रिभुवन आर्मी क्लबसँग पराजित भएको थियो। आर्मी समूह विजेता बन्दै अन्तिम आठमा प्रवेश गर्दा कीर्तिपुर भने जितविहीन हुँदै प्रतियोगिताबाट बाहिरिएको छ। क्वार्टरफाइनलमा कोशीले समूह ‘बी’ को विजेता नेपाल पुलिस क्लबसँग प्रतिस्पर्धा गर्नेछ। पुलिसले समूह चरणमा ढोरपाटन क्लब र खिल्जी युवा क्लबलाई पराजित गरेको थियो। यद्यपि नतिजा ३–० भए पनि कीर्तिपुरले कोशीलाई कडा चुनौती दिएको थियो। तीनवटै सेट प्रतिस्पर्धात्मक बने। कोशीले पहिलो सेट २५–२३ ले जित्यो। दोस्रो सेट २५–२० ले आफ्नो पक्षमा पारेको कोशीले तेस्रो सेट पनि २५–२३ ले जित्दै खेल समाप्त गर्‍यो।

अन्तिम खेलमा जित, कोशी प्रदेश क्वार्टरफाइनलमा प्रवेश

काठमाडौँ। बूढानिलकण्ठ भलिबल क्लबले नवौँ एनभीए महिला तथा पुरुष क्लब भलिबल च्याम्पियनसिपअन्तर्गत पुरुषतर्फ क्वार्टरफाइनलमा स्थान सुरक्षित गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार सम्पन्न समूह ‘सी’ को खेलमा बूढानिलकण्ठले जावलाखेल भलिबल ट्रेनिङ सेन्टरलाई ३–१ को सेटमा पराजित गर्दै अन्तिम आठमा प्रवेश गरेको हो। बूढानिलकण्ठले पहिलो सेट २५–१७ र दोस्रो सेट २५–१६ ले जिते पनि तेस्रो सेट १८–२५ ले गुमायो। तर चौथो सेटमा २५–२२ को संघर्षपूर्ण जित निकाल्दै खेल आफ्नो पक्षमा पार्न सफल भयो। यस खेलमा बूढानिलकण्ठका धिरोजकाजी बस्नेत प्लेयर अफ द म्याच घोषित भए।

रोमाञ्चक जितसहित बूढानिलकण्ठ क्वार्टरफाइनलमा

काठमाडौं, पुस १६&nbsp;नेपाल खेलकुद पत्रकार मञ्चको आयोजनामा यही पुस २३ गते हुने देशको प्रतिष्ठित खेलकुद अवार्ड कार्यक्रम एनएसजेएफ पल्सर स्पोट्स अवार्ड २०८१ लाई पोखराको हिमश्री फुड्स प्रालिको रारा चाउचाउले साथ दिएको छ। काठमाडौं बाहिर पहिलो पटक आयोजना हुन लागेको अवार्डमा पोखरा महानगरपालिका प्रवर्धक रहेको छ। जसमा पोखरामा उद्योगीहरुले साथ दिने क्रममा हिम श्री फुड्स पनि जोडिएको हो। नेपाल खेलकुद पत्रकार मञ्चका अध्यक्ष निरञ्जन अधिकारी र प्रवन्ध निर्देशक प्रकाश केसीले अवार्ड सहकार्य सम्वन्धि संझौता पत्रमा हस्ताक्षर गरेका छन् । हिम श्री फुडको रारा चाउचाउ सहारा क्लब पोखराले आयोजना गर्ने आहा रारा गोल्डकप फुटबलको २५ वर्ष देखि निरन्तरको प्रमुख प्रायोजक हो। नेपालमा एउटै संस्था संग यति लामो प्रायोजन सहकार्य भएको यो पहिलो प्रायोजक संस्था पनि हो। नेपाल खेलकुद पत्रकार मञ्चले स्पोर्टस अवार्डसंगै एनएसजेएफ स्पोर्ट्स समिटको पनि आयोजना गर्दैछ। उक्त समिट अवार्डको अघिल्लो दिन पुस २२ गते हुनेछ। &nbsp; &nbsp; अवार्डको मुख्य प्रायोजकमा गोल्छा ग्रुपको निरन्तरता कायमै छ भने पावर्ड बाईमा यती एयरलाइन्सको साथ थपिएको छ । स्पोट्स अवार्डको भोटिङ पार्टनरमा खल्ती र पोसाक पार्टनरमा केल्मी नेपाल रहेका छन् । एनएसजेएफ पल्सर स्पोट्स अवार्ड २०८१ मा विगतमा जस्तै १० विधामा अवार्ड प्रदान गरिनेछ । खेलाडीलाई जनमतबाट विजेता बनाउने विधाको रूपमा रहेको पिपल्स च्वाइसको मनोनयन सार्वजनिक भइसकेको छ। मनोनयनमा परेका खेलाडी विजय सिन्जाली ९उसु०, इभाना थापा ९टेबलटेनिस०, हिमाल सुनारी ९भलिबल०, पूजा महतो ९क्रिकेट० र रेखा पौडेल ९फुटबल० का लागि सामाजिक सञ्जालमा व्यापक चर्चासँगै डिजिटल वालेट खल्ती आईएमई एपमार्फत भोटिङ पनि भइरहेको छ।

पल्सर स्पोट्स अवार्डलाई रारा चाउचाउको साथ

काठमाडौं। भारत र श्रीलङ्कामा संयुक्त रुपमा आयोजना हुने आइसिसी पुरुष टी–२० विश्वकप २०२६ को ट्रफी टुर कार्यक्रम नेपालमा पनि हुने भएको छ। आगामी फेब्रुअरी ७ तारिखदेखि सुरु हुने विश्वकप क्रिकेट प्रतियोगिताको ट्रफी पुस २१ गते सोमबारदेखि २३ &nbsp;जनवरी ५ देखि ७ तारिखसम्म नेपालमा हुने तय भएको नेपाल क्रिकेट सङ्घ (क्यान)द्वारा आज जारी विज्ञप्तिमा जनाएको छ।&nbsp; विज्ञप्तिमा उक्त ट्रफी टुर कार्यक्रमको विस्तृत विवरण, तालिका, स्थान तथा विभिन्न गतिविधिहरूको जानकारी भने अर्को प्रेस विज्ञप्तिमार्फत सार्वजनिक गरिने जनाएको छ। विश्वकपमा नेपाल समूह ‘सी’मा परेको छ। नेपालको समूहमा इङ्ल्यान्ड, वेस्ट इन्डिज, इटाली र बङ्गलादेश छन्।

विश्वकपको ट्रफी नेपालमा पनि आउने

काठमाडौँ। अन्तिम खेलमा मधेस प्रदेशलाई पराजित गर्दै विभागीय टोली नेपाल पुलिस क्लब नवौँ एनभीए महिला तथा पुरुष भलिबल च्याम्पियनसिपअन्तर्गत समूह ‘बी’ को विजेता बनेको छ।&nbsp; त्रिपुरेश्वस्थित राष्ट्रिय खेलकुद परिषद् राखेपको कभर्डहलमा बुधबार सम्पन्न खेलमा पुलिसले मधेस प्रदेशलाई ३–० को सोझो सेटमा पराजित गरेको हो।&nbsp; जितसँगै समूह चरणमा शतप्रतिशत नतिजा निकाल्दै ८ अंक पुर्याएको छ। एपीएफले तीन खेलबाट ७ अंक जोडेर उपविजेता बन्यो। पराजित मधेसले भने समूह चरणको तीनै खेलमा पराजय ब्याहोर्यो। पुलिसले अब सेमिफाइनलमा समूह 'ए' को उपविजेता त्रिभुवन आर्मीसँग खेल्नेछ। सुरुआतको सेटमा २५–३ ले सहज जित हात पारेको पुलिसले दोस्रो २५–८ र अन्तिम सेट २५–९ ले जित हासिल गर्यो।

पुलिस समूह 'बी' को विजेता

काठमाडौँ। नेपाल भलिबल संघको आयोजनामा जारी नवौं एनभीए महिला तथा पुरुष क्लब भलिबल च्याम्पियनसिप अन्तर्गत बुधबार पनि चार खेल हुँदैछ।&nbsp; त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा हुने दिनको पहिलो खेलमा महिलातर्फ समूह 'बी' को नेपाल पुलिस क्बले मधेस प्रदेशसँग बिहान १० बजे खेल्नेछ। पुलिसले आफ्नो समूहका सुरुआती दुवै खेलमा जित हात पारेको छ भने मधेसले दुवै खेल घुमाएको छ।&nbsp; दोस्रो खेलमा १२ बजे समूह 'ए' को एभरेष्ट भलिबल क्बलले युवा क्बलसँग खेल्ने। दुवै टोलीले आफ्नो समूहका दुवै खेलमा पराजय ब्यहोरेका छन्।&nbsp; दिउँसो २ बजेबाट सुरु हुने पुरुषतर्फको खेलमा बुढानिलकण्ठ भलिबल क्लबले जावलाखेल भलिबल ट्रेनिङ सेन्टरसँग खेल्नेछ। यी दुवै टोली समूह 'सी'को खेलमा रुकुम पश्चिमसँग पराजित भएका थिए।&nbsp; ४ बजेबाट सुरु हुने दिनको अन्तिम खेलमा समूह 'डी' को कोशी प्रदेशले क्रीर्तिपुर भलिबल ट्रेनिङ सेन्टरसँग खेल्नेछ।

एनभीए च्याम्पियनसिप : समूह चरणका अन्तिम चार खेल

&nbsp;आर्सनलले इंग्लिस प्रिमियर लिगमा मंगलबार राति त्यस्तो जित निकालेको छ, जसको उपाधि होडमा निर्णायक प्रभाव सावित हुन सक्ने छ । इमिरेट्समा भएको खेलमा आर्सनलले एस्टन भिल्लालाई ४–१ ले पराजित हो । हारले भिल्लाको उपाधि होड आफैमा कमजोर भएको छ । यससँगै उसको लगातार ११ खेलको जित क्रम पनि रोकिएको छ । आर्सनलका लागि ग्याब्रिएलले ४८, मार्टिन जुबिमेन्डीले ५२, लियान्ड्रो ट्रोसार्डले ६९ र ग्याब्रिएल जेससले एक एक गोल गरे । इन्ज्युरी समयमा ओली वाट्किन्सनले भिल्लाका लागि एक गोल फर्काए । यो जितपछि आर्सनलको १९ खेलबाट ४५ अंक भएको छ र यो शीर्षमा पाँच अंकको अग्रता हो । म्यानचेस्टर सिटी ४० अंकमा दोस्रोमा छ । एस्टन भिल्ला भने ३९ अंकमा तेस्रो स्थानमा रह्यो । अन्य प्रमुख खेलमा चेल्सीले ब्राइटनसँग २–२ र म्यानचेस्टर युनाइटेडले उल्भ्ससँग १–१ को बराबरीमा चित्त बुझाए । यस्तोमा चेल्सी ३० अंकमा पाँचौं र युनाइटेड पनि ३० अंकमा छैटौंमा रह्यो । दुवैका लागि यो निराशाजनक नतिजा रह्यो । लिभरपुल ३२ अंकमा चौथो स्थानमा छ । वेस्ट ह्याम र ब्राइटनबीचको खेल पनि २–२ को बराबरीमा समाप्त भयो । न्युकासल युनाइटेडले बर्नलीलाई ३–१ र एभरटनले नटिंघम फरेस्टलाई २–० ले पराजित गरे ।

उपाधि होडमा आर्सनलको निर्णायक सावित जित

काठमाडौँ। न्यु डायमन्ड स्पोर्ट्स क्लब नवौं एनभीए महिला तथा पुरुष क्लब भलिबल च्याम्पियनसिपको महिलातर्फ समूह बिजेता बन्दै सेमिफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् ९राखेप० को कभर्डहलमा मंगलबार सम्पन्न समूह ुएु को खेलमा एभरेष्ट भलिबल क्लबलाई ३–० को सेटमा हराएको हो। जितसँगै न्यु डायमन्ड समूह चरणका सबै तीन खेलमा जित हासिल गर्दै ९ अंक जोड्न सफल भयो। यता, पराजित एभरेष्टले भने लगातार दोस्रो हार ब्यहोरेको छ। यसअघि न्यु डाइमन्डले त्रिभुवन आर्मी र चुलदी युवा क्लबलाई पराजित गरेको थियो। डायमन्डले खेलमा २५–२१, २५–१५, र २५–१५ ले जित हासिल गर्यो।

समूह चरणका सबै खेलमा न्यु डायमन्ड विजयी

काठमाडौँ। विभागीय डर्बीमा एपीएफ क्लबलाई हराउँदै साविक विजेता नेपाल पुलिस क्लब नवौं एनभीए महिला तथा पुरुष क्लब भलिबल च्याम्पियनसिपको सेमिफाइनलमा प्रवेश गरेको। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा मंगलबार सम्पन्न समूह ’बी’ को खेलमा एपीएफलाई ३–० को सेटमा हराएको हो। पुलिसले यस समूहको दुई खेलमा जित हासिल गर्दै ५ अंक जोड्न सफल भयो। यता, पराजित एपीएफले तीन खेलबाट ७ अंक जोडेको छ।&nbsp; सुरुआतका दुवै सेटमा २५–२१, २५–१५ ले जितेको पुलिसले तेस्रो र चौथो सेटमा २२–२५, २१–२५ ले हार ब्यहोरेको थियो भने पाँचौँ तथा निर्णायक सेटमा १५–९ ले जित्दै खेल आफ्नो पक्षमा पार्यो।

एपीएफलाई पाँचौँ सेटमा हराउँदै पुलिस सेमिफाइनलमा

काठमाडौँ। ढोरपाटन स्पोर्ट्स क्लबलाई हराउँदै खिल्जी युवा क्लब नवौं एनभीए महिला तथा पुरुष क्लब भलिबल च्याम्पियनसिपको क्वार्टरफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा मंगलबार सम्पन्न समूह 'बी' को खेलमा ढोरपाटनलाई ३–० को सेटमा हराउँदै क्वाटरफाइनलमा स्थान बनाएको हो।&nbsp; योसँगै ढोरपाटन समूह चरणबाटै बाहिरिएको छ। यी दुवै टोली आ–आफ्नो पहिलो खेलमा नेपाल पुलिस क्लबसँग पराजित भएको थियो।&nbsp; खेलमा खिल्जी २५–१५, २५–१९ तथा निकै प्रतिस्पर्धात्मक बनेको तेस्रो सेटमा २५–ले विजयी भयो। यो सँगै खिल्जीले अन्तिम आठमा विभागीय टोली त्रिभुवन आर्मी प्रतिद्धन्दी पाएको छ।

एनभीए : ढोरपाटनलाई हराउँदै खिल्जी क्वार्टरफाइनलमा

काठमाडौँ। मणिमुकुन्द भलिबल क्लबलाई हराउँदै विभागीय टोली एपीएफ क्लब नवौं एनभीए महिला तथा पुरुष क्लब भलिबल च्याम्पियनसिपको क्वाटफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा मंगलबार सम्पन्न खेलमा एपीएफले मणिमुकुन्द भलिबल क्लबलाई ३–० सोझो सेटमा पराजित गरेको हो। जितसँगै समूह ए बाट उपविजेता बन्दै अघिल्लो चरणमा प्रवेश गरेको छ। पराजित मणिमुकुन्द भने समूहबाटै बाहिरएको छ। दुवै खेल जितेको हेल्प नेपाल यो समूहको विजेता बनेको छ।&nbsp; पहिलो सेट २५–१० ले सहजै जितेको एपीएफले दोस्रो सेट २५–१६ ले आफ्नो पक्षमा पार्न सफल भयो। तर तेस्रो सेटमा भने एपीएफले संघर्ष गर्दै २९–२७ ले रोचक जित हात पार्यो।

एपीएफ क्वाटफाइनलमा

पहिलो हाफको ३१ मिनेटभित्र सम्भव तीन गोलको मदतले एएस रोमाले इटालीको सिरी ए मा सोमबार जोनोआमाथि ३–१ को सजिलो जित निकालेको छ । यो जितपछि रोमाको १७ खेलबाट ३३ अंक भएको छ र चौथो स्थानमा उक्लन सफल रह्यो । स्टाडियो ओलम्पिकोमा भएको खेलमा रोमाका लागि म्याथिस सोउलले १४, मोउन्डिओ कोनेले १९ र इभान फर्गुसनले ३१ औं मिनेटमा गोल गरे । खेलको ८७ औं मिनेटमा जेनोआका लागि जेफ इख्टरले एक गोल फर्काए । खराव लयमा रहेको जेनोओ १४ अंकमा १७ औं स्थानमा छ र रेलिगेसनबाट बच्न संघर्षरत छ । इन्टर मिलान ३६ अंकमा शीर्ष स्थानमा छ र उसको पछाडि एसी मिलानको ३५ र नेपोलीको ३४ अंक छ ।

जेनोआमाति रोमाको सजिलो जित

काठमाडौं। लगातार दोस्रो जित निकाल्दै न्यु डाइमन्ड स्पोर्ट्स क्लब नवौं एनभीए महिला तथा पुरुष क्लब भलिबल च्याम्पियनसिपको महिलातर्फ सेमिफाइनल नजिक पुगेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमबार सम्पन्न खेलमा न्यु डाइमन्डले विभागीय टोली त्रिभुवन आर्मी क्लबलाई ३–० को सोझो सेटमा पराजित गर्दै अन्तिम चारमा पुग्ने सम्भावना बलियो बनाएको हो। यस जितसँगै समूह ‘ए’ मा रहेको न्यु डाइमन्डले ६ अंक जोडेको छ। यसअघि न्यु डाइमन्डले पहिलो खेलमा चुली युवा क्लबलाई पनि सोझो सेटमै हराएको थियो। लिग चरणका सबै खेल सकाएको आर्मीको पनि समान ६ अंक छ। आर्मीले एभरेस्ट भलिबल क्लब र चुली युवा क्लबलाई सोझो सेटमा पराजित गरेको थियो। अब न्यु डाइमन्डले आफ्नो अन्तिम लिग खेलमा एभरेस्ट भलिबल क्लबको सामना गर्नेछ। चुलीले एभरेस्टसँग एक खेल खेल्न बाँकी छ भने एभरेस्टले चुली र न्यु डाइमन्ड दुवैसँग खेल्न बाँकी नै छ। त्यसैले समूह ‘ए’ बाट सेमिफाइनल पुग्ने टोलीको टुंगो न्यु डाइमन्ड र एभरेस्टबीचको खेलको नतिजाले तय गर्नेछ।

न्यु डाइमन्ड सेमिफाइनल नजिक

काठमाडौं– नेपाल ओलम्पिक कमिटी (एनओसी) को सोमबार २१ औं साधारण सभा सम्पन्न भएको छ । अध्यक्ष जीवनराम श्रेष्ठको अध्यक्षतामा भएको साधारण सभामा महासचिव राजीव श्रेष्ठले सन् २०२५ मा सहभागी अन्तर्राष्ट्रिय प्रतियोगिता तथा कार्यक्रमको प्रगति विवरण पेस गरे । यस्तै आन्तरिक लेखापरिक्षक रविन भुसालले आर्थिक वर्ष २०८१/२०८२ को आर्थिक विवरण प्रस्तुत गरे । कोषाध्यक्ष टासी घलेको प्रतिनिधित्व गर्दै प्रमुख लेखापाल राजन श्रेष्ठले सन् २०२६ को वार्षिक बजेट प्रस्तुत गरे । कार्यकारी सचिव सुजनलाल श्रेष्ठले सन् २०२६ मा हुने कार्यक्रमबारे जानकारी गराए । त्यस अनुसार अबको वर्षमा चार ठूला अन्तर्राष्ट्रिय प्रतियोगिता रहेका छन् । ती प्रतियोगिता जापानमा हुने एसियाली खेलकुद, साउदी अरेबियामा हुने एसियन इन्डोर मार्सल आट्स गेम्स, सेनेगलमा हुने युथ ओलम्पिक, चीनमा हुने बिच गेम्स रहेको छ । यस्तै, ओलम्पिक सोलिडारिटी कोर्स, फन रन, लुम्बिनी पिस म्याराथन, स्पोर्टस कंग्रेस, ट्यालेन्ट हन्ट, अन्तर्राष्ट्रिय ओलम्पिक डे र एनओसी अवार्डको पनि आयोजना हुनेछन् । त्यसै अवसरमा पूर्व खेलाडी तथा नेपाल प्रहरीका पूर्व अतिरिक्त महानिरीक्षक किरण वज्राचार्यको संयोजकमा प्रिभेन्सन अन म्यानुपुलेसन अफ स्पोर्टस (पीएमसी) गठनका लागि प्रस्ताव गरिएको छ । साधारण सभाले जेन जी आन्दोलनमा सहिद हुनेलाई श्रद्धान्जली अर्पण गर्दै राष्ट्रिय खेलकुद परिषदले एसियाली खेलकुदमा सहभागी हुने गरेको निर्णयको स्वागत गरेको छ । यस्तै साधारण सभाले सातदोबाटोमा रहेको एनओसीको कार्यालय आफूलाई हस्तान्तरण गर्न पनि अनुरोध गरेको छ । कार्यक्रमले महासचिवको प्रगति विवरण, आर्थिक विवरण, वार्षिक बजेट र सन् २०२६ को कार्यक्रम पारित गरेको थियो । साधारण सभामा कुल २३ संघका प्रतिनिधिको उपस्थिति रहेको थियो । यसअघि उद्घाटन सत्रमा महासचिव श्रेष्ठले स्वागत भाषण गरेका थिए । त्यस्तै त्यस अवसरमा राष्ट्रिय तथा अन्तर्राष्ट्रिय खेलाडी संघका उपाध्यक्ष दीपक थापा, नेपाल खेलकुद पत्रकार मञ्चका अध्यक्ष निरञ्जन अधिकारी र खेल संघका तर्फबाट बेसबल तथा सफ्टबल संघका अध्यक्ष दीपक न्यौपाने शुभकामना सन्देश दिएका थिए । त्यस अवसरमा अध्यक्ष श्रेष्ठले नेपाली खेलकुद विकासका लागि एनओसी सबैसँग सहकार्य गरेर अगाडि बढ्न तयार रहेको भन्दै आफ्नो संस्था नेपाली खेलकुद र खेलाडीको विकासका लागि सधैं तत्पर रहेको बताए ।&nbsp;

नेपाल ओलम्पिक संघको २१ औं साधारण सभा सम्पन्न

काठमाडौं। विभागीय टोली त्रिभुवन आर्मी क्लब नवौं एनभीए महिला तथा पुरुष क्लब भलिबल च्याम्पियनसिपको पुरुषतर्फ क्वार्टरफाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद् ९राखेप० को कभर्डहलमा सोमबार सम्पन्न समूह ‘डी’को खेलमा कीर्तिपुर भलिबल ट्रेनिङ सेन्टरलाई ३–० को सोझो सेटमा पराजित गर्दै अन्तिम ८ मा स्थान सुरक्षित गरेको हो। जितसँगै आर्मीले ६ अंक पुर्‍यायो। पहिलो खेलमा आर्मीले कोशी प्रदेशलाई ३–० को सोझो सेटमा पराजित गरेको थियो। कीर्तिपुरको भने यो पहिलो खेल हो। पहिलो सेट २५–१९ ले जितेको आर्मीले त्यसपछिका दुई सेट २५–२१ ले आफ्नो बनायो। आर्मीले अब समूह ‘ए’को एपीएफ र मणिमुकुन्द भलिबल क्लबबीचको विजेतासँग खेल्नेछ।

Nepalsports

स्केट हब सुरु

📰 Recent News

Nepalsports