Bhutan

काठमाडौं। नेपाली युथ फिटनेस एन्ड केलिस्थेनिक्सको आयोजनामा एसियन पावरलिफ्टिङ च्याम्पियनसिप प्रतियोगिताको तयारी पुुरा भएको छ। &nbsp;शुक्रबारदेखि काठमाडौंमा सुरु &nbsp;हुने प्रतियोगिता तीन दिनसम्म नेपाल पुलिस क्लब परिसरमा चल्ने छ। यो प्रतियोगिता नेपालमा पहिलोपटक आयोजना हुन लागेको हो। प्रतियोगितामा नेपालसहित भारत, अस्ट्रेलिया, श्रीलंका, पाकिस्तानलगायत विभिन्न एसियाली मुलुकका करिब १२० खेलाडी सहभागी हुनेछन्। प्रतियोगितामा पावरलिफ्टिङ, बेञ्च प्रेस वन्ली र डेडलिफ्ट गरी तीन विधा समावेश रहनेछन्। हरेक विधा १६ वटा तौल समूह (८ पुरुष तर्फ र ८ महिला तर्फ) र २४ वटा उमेर समूह (१२ पुरुष तर्फ र १२ महिला तर्फ) मा विभाजन गरिएको छ। यसरी यस प्रतियोगितामा कुल एक हजार १५२ वटा फरक फरक समूहमा सहभागी खेलाडीबीच प्रतिस्पर्धा गराइनेछ । प्रतियोगितामा प्रत्येक समूहका प्रथम, द्वितीय र तृतीय स्थान हासिल गर्ने खेलाडीलाई पदक, ट्रफी र आकर्षक उपहार प्रदान गरिनेछ। साथै लक्की ड्रमार्फत पाँच जना खेलाडीलाई प्रभु महालक्ष्मी लाइफ इन्स्योरेन्सको १० लाख रुपैयाँ बराबरको एक वर्षे बीमासमेत प्रदान गरिने आयोजकले जनाएको छ। नेपालमै पहिलोपटक कुनै निजी संस्थाले एन्टिडोपिङ परीक्षणसहित अन्तर्राष्ट्रिय मापदण्डअनुसार पावरलिफ्टिङ प्रतियोगिता आयोजना गर्न लागेको हो। कार्यक्रमको अनुमानित बजेट ८६ लाख ५० हजार रहेको छ।

एसियन पावरलिफ्टिङ च्याम्पियनसिपको तयारी पूरा

काठमाडौं। नेपाली राष्ट्रिय पुरुष क्रिकेट टोलीले अस्ट्रेलियामा थप पाँच अभ्यास खेल खेल्ने भएको छ। नेपाल क्रिकेट संघ (क्यान) ले बिहीबार क्रिकेट एसिटी र साउथ अस्ट्रेलियासँग टोलीले सिरिज खेल्न लागेको जानकारी दिएको हो। सिरिज २६ देखि ३० अगस्टसम्म हुनेछ। नेपालले अगस्ट २६ मा एसिटी र अगस्ट २८ मा साउथ अस्ट्रेलियायासँग समान दुई टी–२० खेल्नेछ।&nbsp; नेपालले अगस्ट ३० मा साउथ अस्ट्रेलियासँगै एकदिवसीय खेल खेल्ने तय छ। यो अभ्यास सिरिजअघि नेपालले टप एन्ड टी–२० सिरिज पनि खेल्नेछ। त्यसकाे लागि नेपाली टाेली गत मंगलबार नै अस्ट्रेलिया पुगिसकेकाे छ।

टप एन्ड टी–२० सिरिजपछि नेपालले थप पाँच अभ्यास खेल खेल्ने

(इंग्लिस प्रिमियर लिग २०२५–२०२६ मा सहभागी हुने टिमका चर्चाको यो १५ औं शृंखला । अब हामीले चर्चा गर्न लागेको टिम हो, न्युकासल युनाइटेड ।) लिगकप विजेता न्युकासल युनाइटेड पछिल्लो सिजन इंग्लिस प्रिमियर लिगको पाँचौं स्थानमा रहेको थियो । समग्रमा यो प्रदर्शन राम्रै रह्यो । अब के त ? यसको उत्तरमा भन्दा न्युकासल अहिले दुविधामा छ र यसले उसलाई गाह्रो पार्नेछ । दुविधाको केन्द्रमा रहेका पात्र हुन्, एलेक्जान्डर इसाक । इसाक न्युकासल छाड्न चाहन्छन् र लिभरपुल उनले सोचेको गन्तब्य हुन सक्छ । तर कुरा भने मिलिरहेका छैन् । सायद लिभरपुलसँग न्युकासलले भने जत्तिकै रकम तिर्ने अवस्था पनि नहुन सक्छ । अन्ततः डर के हो भने यसैले कहीं अबको पूरा सिजन टिमको प्रदर्शनमा तलमाथि त हुने होइन् ? कुरा यत्तिकैमा टुंगिन्न । न्युकासलले किन्न खोजेका खेलाडी पनि सेन्ट जेम्स पार्क आउन इच्छुक छैनन् । त्यसमाथि साउदी लगानी रहेको यस क्लबमा अहिलेका लागि स्पोर्टिङ डाइरेक्टर र चिफ एक्ज्युकेटिभ पद पनि खालि छ । टिमको एउट बलियो पक्ष भनेको प्रशिक्षक एडी हाउ र उनको टिम हो ।&nbsp;यसपल्ट पनि न्युकासलको लक्ष्य युरोपमा खेल्नकै लागि छनोट हुने हो, तर यो शीर्ष चार हुने छैन् । सायद न्युकासलले युरोपा लिग अथवा यूईएफएक कन्फ्रेन्स लिग छनोटका लागि खेल्नेछ । त्यो भनेको पाँचौंदेखि सातौं स्थानसम्म । यो नै न्युकासललाई लिएर अहिलेको यथार्थ हो ।

दुविधामा न्युकासललाई गाह्रो

(इंग्लिस प्रिमियर लिग २०२५–२०२६ को चर्चा गर्ने क्रममा हामी त्यस्तो टिमबारे कुरा गर्दैछौं, जसको एक दशक जति अगाडिको इतिहास समृद्ध छ, तर अहिले त्यो सबै कथा मात्रै बनेको छ । र, क्लब हो, म्यानचेस्टर युनाइटेड ।) एलेक्स फर्गुसनले क्लब छाडेयता म्यानचेस्टर युनाइटेडको यति धेरै विजोग हुनेछ भनेर कसले मात्र सोचेको होला ? युनाइटेडका लागि पछिल्लो सिजन साँच्चै साह्रै खराव रह्यो । विश्वास नै गर्न गाह्रो, युनाइटेड त्यो सिजन लिग तालिकाको १५ औं स्थानमा थियो । अनि युरोपा लिगको फाइनलमा पनि पराजित रह्यो । यसै कारण एउटा फाइदा भने छ, युनाइटेडलाई । खालि प्रिमियर लिगमै मात्र केन्द्रित गरेर खेल्न सकिनेछ र अर्को सिजन युरोपमा खेल्ने लक्ष्य बनाउन सकिन्छ । सम्भवतः यही कुरा मनमा रहेको हुनु पर्छ, प्रशिक्षक रुबेन एमोरिमको । उनले चेतावनीको भाषामा आफ्ना खेलाडीलाई राम्रो खेल्न भनिसकेका छन्, नत्र अन्यत्र गएकै राम्रो । नयाँ खेलाडीका रूपमा म्याथेस कुन्हा र ब्रायन एमबुमो आएका छन् । गत सिजन युनाइटेडको प्रदर्शनको सबैभन्दा खराव पक्ष थियो, घरेलु मैदानमै कमजोर प्रदर्शन । त्यसैले युनाइटेडले आफ्नो स्थिति साँच्चै सुधार्ने हो भने सबैभन्दा पहिले ओल्ड ट्रायफोर्डमा लगातार जित्नु पर्ने हुन्छ । अर्को मुख्य कुरा टिमको पुर्ननिर्माण नै हो । इंग्लिस फुटबलका केही पण्डितको के विश्वास छ भने अबको सिजन युनाइटेडले केही ठूलो नै गर्ने छैन्, तर सबलाई आश्चर्यमा पार्ने जत्तिको प्रदर्शन गर्न भने सक्छ ।

इतिहास बिर्सेको युनाइटेड

(अब चर्चा गर्ने पालो, म्यानचेस्टर सिटीको । इंग्लिस प्रिमियर लिग २०२५–२०२६ मा सहभागी हुने टिमको विश्लेषण गर्ने क्रममा यो शृंखलाको १३ औं स्टोरी ।) इंग्लिस प्रिमियर लिग लगातार चार पल्ट जितेर म्यानचेस्टर सिटीले अभुतपूर्व सफलता हात पारेको थियो । त्यसको एक सिजनपछि नै उसलाई च्याम्पियनबाट तेस्रो स्थानमा झार्ने काम गरेको थियो, लिभरपुलले । सिटीका लागि पछिल्लो सिजन साँच्चै खराव रह्यो, उसले कुनै पनि उपाधि जित्न सकेन् । यस्तोमा प्रशिक्षक पेप ग्वार्डिओलाले लगभग टिमलाई पुर्नसंरचनामा लगेका छन् र क्लबको एउटै लक्ष्य हुनेछ, ब्युँझिने । यो के अर्थमा भन्दा सिटी फेरि एकपल्ट राम्रो खेल्न चाहन्छ र राम्रो खेलेर धेरे जित्न चाहन्छ । त्यसैले सिटीले अबको सिजनका लागि भनेर ३० करोड पाउन्ड भन्दा बढि खर्चिसकेको छ । टिमका मुख्य खेलाडी फेरि एकपल्ट पेड्रि हुनेछन् र संयोग कस्तो भने उनी अझै चोटबाट पूर्णतः निको हुन सकेका छैनन् । केभिन डे ब्रुएनाले सिटी छाडेयता रायन चेरकी, फिल फोडेन, जेरमेी डोकु र सिभिन्होले क्लबका लागि महत्त्वपूर्ण योगदान दिनु पर्नेछ । सबैभन्दा महत्त्वपूर्ण तथ्य त के भन्दा सिटीले यसपल्ट फरक शैलीमा खेल्न सक्छ, ग्वार्डिओलाले यस्तै संकेत गरेका छन् । त्यो भनेको बलमाथि अत्याधिक नियन्त्रण गरेर खेल्ने । अबको सिजन भने सिटीले केही पनि जित्न सकेन भने, विशेषतः लिग उपाधि, ग्वार्डिओला आफै ठूलो संकटमा पर्नेछ ।

सिटीको ब्युँझिने प्रयास

काठमाडौं। अखिल नेपाल फुटबल संघ (एन्फा)को आयोजनामा बिहीबारदेखि सुरु हुने एन्फा महिला लिग छनोटमा पहिलाे दिन दुई खेल हुँदै छ। सातदोबाटोस्थित एन्फा मुख्यालय मैदानमा हुने दिनकाे पहिलाे खेलमा एफसी रिएले र छहारी युवा क्लबबीच हुने छ। याे खेल दिउँसाे १ बजेबाट सुरु हुनेछ। यस्तै, दिनकाे दाेस्राे खेलमा संकटा फुटबल क्लबले स्टुडेन्ट फुटबल क्लबसँग प्रतिस्पर्धा गर्ने छ। याे खेल दिउँसाे ४:१५ बजेबाट सुरु हुनेछ। प्रतियोगितामा १४ टोलीको सहभागिता रहने छ। यसअघि असार पहिलो साता एन्फाले १६ टोलीको नाम सार्वजनिक गरेको थियो। तर चित्लाङ एफसी र कन्काइ खेलकुद प्रतिष्ठानले समयमा आवश्यक कागजात बुझाउन नसकेपछि प्रतियोगिताबाट बाहिरिएका छन्। सहभागी मध्यबाट उत्कृष्ट &nbsp;५ टोली एन्फा महिला लिगमा छनोट हुने छन्। यस्तै, सहभागी टोलीलाई २ समूहमा विभाजन गरिएको छ। दुवै समूहमा शीर्ष दुई स्थान पाउने टोली एन्फा लिगमा सहभागी हुने छन् भने समूहमा तेस्रो स्थान पाउने दुई टोलीका बिचमा प्ले अफ खेलमार्फत पाँचौँ टोलीको टुङ्गो लाग्ने छ।&nbsp; समूह 'ए' मा चर्च ब्वाइज युनाइटेड, छहारी फुटबल क्लब, राप्ती एफसी, सिन्धुपाल्चोक एफसी, स्टुडेन्ट फुटबल क्लब, आरबी रिसोर्ट एन्ड बिच फुटबल तथा एफसी रिएले छन्।&nbsp; समूह 'बी' मा एनआरटी, सङ्कटा एफसी, बुटवल लुम्बिनी एफसी, एन्बिएम पोखरा र्गल्स एफसी, झापा एफसी, लम्की फुटबल एन्ड ट्रेनिङ सेन्टर तथा नेपाल खेलकुद क्लब छन्।

एन्फा महिला लिग छनोट : पहिलो दिन दुई खेल

काठमाडौं । अखिल नेपाल फुटबल संघ (एन्फा)ले श्रीलंकामा आयाेजना हुने (साफ) यु-१७ च्याम्पियनसिपका लागि ४५ खेलाडीलाई बन्द प्रशिक्षणमा बोलाएको छ। एन्फाले बुधबार बन्द प्रशिक्षणमा रहेका खेलाडीको नाम सार्वजनिक गर्दै उनीहरूलाई भदौ १ गते मोरङको विराटचोकस्थित नेपालीरिका होटलमा आइपुग्न अनुरोध गरेको छ । साफ सेप्टेम्बर १५ देखि २७ सम्म श्रीलंकामा हुँदैछ। समूह ‘ए’ मा नेपाल, श्रीलंका र बंगलादेश तथा समूह ‘बी’ मा भारत, पाकिस्तान, भुटान र माल्दिभ्स छन्। नेपालले सेप्टेम्बर १५ मा घरेलु टोली श्रीलंकासँग खेल्दै प्रतियोगिताको सुरुआत गर्नेछ।&nbsp; बन्द प्रशिक्षणमा बोलाइएका खेलाडी&nbsp;अभिषेक राई, आदित्य राना मगर, अजय दोर्जी, अञ्जन झा, अनमोल कार्की, अनोज खड्का, भविश्य शाह, भूपेश लामा, भुवन कामी, विनायक थारु, विशेष बानियाँ, चन्द्र हाङ, दिग विजय शाही, धिरज रावल, दिपेन कार्की, दिपसन गुरु कृष्ण विष्णु परियार, कृष्णा लामा, कृष्णबहादुर लामा, विनायक थारु । थामी, मनिष राखाल, मौसम रोकाया, नसिब हेन्जन, निशकुमार श्रेष्ठ, निश्चल मगर, पेम्बा नोर्बु भोटे, पेम्बा तामाङ, प्रशान्त लिम्बु, प्रशान्त मोक्तान, प्रतिश थापा, राम बोहरा, राम थामी, रुपेश भुजेल, समर्पण सुनार, समीर कुमार, संजोग हेमरान, सरोज बराइली, सृजन श्रेष्ठ, सुशन मगर, सुशान्त राणा, सुजल स्याङ्तान, सुनिल मगर, योहान लिम्बु, युनिश बस्नेत

साफ यु–१७ च्याम्पियनसिपको लागि ४५ खेलाडी बन्द प्रशिक्षणमा

युरोपेली च्याम्पियन पेरिस सेन्ट जर्मेन (पीएसजी) ले बुधबार यूईएफए सुपरकपको उपाधि जितेको छ । नयाँ सिजनको पहिलो उपाधि जित्ने क्रममा उसले टोटनहमलाई टाइब्रेकरमा ४–३ ले हराएको हो । निर्धारित समयको खेल भने २–२ को बराबरीमा रहेको थियो । &nbsp;इटालीको युडिनेजीमा भएको खेलमा नयाँ प्रशिक्षक थोमस फ्रान्क आएयता टोटनहम उपाधितर्फ उन्मुख देखिएको थियो । पहिलो हाफमा मिकी भान डे भेन र क्रिस्टियन रोमेरोको गोलको मदतले टोटनहम २–० ले अगाडि थियो । त्यसपछि पीएसजीका लागि ली काङ–इनले ८५ औं मिनेटमा पहिलो गोल गरे । इन्ज्युरी समयको चौथो मिनेटमा गोन्जालो रोमोसले बराबरी गोल गरे । टाइब्रेकरमा भने नुनो मेन्डिजले फ्रान्सेली च्याम्पियनका लागि निर्णायक गोल गरे । कुनै पनि फ्रान्सेली क्लबले सुपरकप जितेको यो पहिलो पटक हो । यस्तै सन् २०२५ मा पीएसजीले जितेको उपाधि संख्या पाँच पुगेको छ ।

पीएसजीलाई सुपरकप उपाधि

काठमाडौं। एभरेष्ट महिला भलिबल लिग (इडब्लुभिएल) का लागि काठमाडौं स्पाइकर्सले काजखस्तानकी खेलाडी अलेना कोलोतीजिनालाई अनुबन्ध गरेको छ।&nbsp; काठमाडौं स्पाइकर्सले दोस्रो विदेशी खेलाडीको रुपमा अलेनाको नाम घोषणा गरेको हो। काठमाडौं स्पाइकर्सले यसअघि बुल्गेरियन सेटर नेकोभा निकोलाएभालाई अनुबन्ध गरिसकेको छ। २९ वर्षीय अलेना अपोजिट हिटर हुन्। अलेनाले काजखस्तानको भिसी कौन्यास र अरु अस्तानाबाट खेलिसकेकी छन्। उनले एभिसी महिला च्याम्पियन्स लिगसमेत खेलिसकेकी छन्। दुई विदेशी खेलाडी नकोभा र अलेनालाई अनुबन्ध पछि काठमाडौं स्पाइकर्सको टिम अझ सन्तुलित र मजबुत हुने टिमको विश्वास छ। पहिलो सिजनमा काठमाडौंमा टर्की र बुल्गेरियका विदेशी खेलाडीले खेलेका थिए। एभरेष्ट महिला भलिबल लिगका लागि तीन विदेशी खेलाडी अनुबन्ध गर्न पाउने प्रावधान छ। तेस्रो तथा अन्तिम विदेशी खेलाडी पनि छिटै घोषणा गर्ने जनाएको छ। दोस्रो संस्करणका लागि काठमाडौंले लोकबहादुर बुढालाई मुख्य प्रशिक्षक नियुक्त गरेको छ। नेपाली राष्ट्रिय महिला भलिबल टिमकी मुख्य स्पाइकर उषा भण्डारी मार्की प्लेअर रहेको काठमाडौं स्पाइकर्समा मनिषा चौधरी, यमुना रसाइँली, रिमा कुँवर, बाल्मिका आचार्य, कमला पुन, आशिका क्षेत्री, भुवनेश्वरी चन्द छन्। इडब्लुभिएलको दोस्रो सिजन आगामी भदौ २० देखि २८ गतेसम्म हुनेछ।

अलेनाले काठमाडौंबाट खेल्ने

काठमाडौं, अखिल नेपाल फुटबल सङ्घ(एन्फा)को आयोजनामा बिहीबार देखि एन्फा महिला लिग छनोट आयोजना हुने भएको छ।&nbsp; एन्फाले प्रतियोगिताको सम्पूर्ण तयारी पुरा गरी सकेको बुधवार आयोजित पत्रकार सम्मेलनमा एन्फा प्रवक्ता सुरेश शाहले जानकारी दिए।&nbsp; एन्फा फुटबल मैदान सातदोबाटोमा हुने प्रतियोगितामा १४ टोलीको सहभागिता रहने छ। सहभागी मध्यबाट उत्कृष्ट &nbsp;५ टोली एन्फा महिला लिगमा छनोट हुने छन्। यस्तै, सहभागी टोलीलाई २ समूहमा विभाजन गरिएको छ। दुवै समूहमा शीर्ष दुई स्थान पाउने टोली एन्फा लिगमा सहभागी हुने छन् भने समूहमा तेस्रो स्थान पाउने दुई टोलीका बिचमा प्ले अफ खेल मार्फत पाँचौँ टोलीको टुङ्गो लाग्ने छ।&nbsp; एसियाली मानचित्रमा नेपाली महिला फुटबलको स्तर बढेको सन्दर्भमा एक टोलीलाई कम्तीमा ६ खेलका लागि अवसर दिन यो संरचना उपयुक्त भएको प्रतियोगिता प्रमुख सञ्जीव मिश्रले जानकारी दिए।&nbsp; समूह A मा चर्च ब्वाइज युनाइटेड, छहारी फुटबल क्लब, राप्ती एफसी, सिन्धुपाल्चोक एफसी, स्टुडेन्ट फुटबल क्लब, आरबी रिसोर्ट एन्ड बिच फुटबल तथा एफसी रियल छन्।&nbsp; समूह B मा एनआरटी, सङ्कटा एफसी, बुटवल लुम्बिनी ्एफसी, एन्बिएम पोखरा र्गल्स एफसी, झापा एफसी, लम्की फुटबल एन्ड ट्रेनिङ सेन्टर तथा नेपाल खेलकुद क्लब छन्। पहिलो दिन एफसी रियल र छहारी तथा सङ्कटा एफसी र नेपाल खेलकुद क्लबका बिचमा खेल हुने छ।

एन्फा महिला लिग छनोट बिहीबारदेखि

काठमाडौं। अखिल नेपाल टेनिस संघको तत्वावधानमा वार्षिक कार्यक्रम अन्तर्गत स्ट्याग च्याम्पियन्त टेबल टेनिस एकेडेमीको आयोजनामा हुने स्टयाग गोल्बल च्याम्पियन्स लिग 'सिजन थ्री' भदौ १ देखि हुने भएको छ। काठमाडौंमा बुधबार पत्रकार सम्मेलनमार्फत आयोजकले लैनचौरस्थित राष्ट्रिय टेबल टेनिस प्रशिक्षण केन्द्रमा मिति भाद्र ०१ देखि ६ गतेसम्म "स्टयाग गोल्बल च्याम्पियन्स लिग सिजन थी' हुने बताएको हो। लैनचौरस्थित राष्ट्रिय टेबल टेनिस प्रशिक्षण केन्द्रमा हुने प्रतियोगिता भाद्र ६ गतेसम्म चल्नेछ। ६ दिनसम्म चल्ने यस मिक्स टिम लिग प्रतियोगितामा १० टिम सहभागिता जनाउनेछन्। प्रतियोगितामा यला टेबल टेनिस, होप्स टेबल टेनिस एकेडेमी, एभीएम टेबल टेनिस क्लब, द ड्रागन्स टेबल टेनिस क्लब, कीर्तिपुर नगरपालिका, भर्टेक्स नेपाल टेबल टेनिस क्लब, ओल्ड हाउस रेस्टुरो, टप स्पिन टेबल टेनिस, गुड्स नेपाल, खोल्चा पुंखु खेलकुद समिति र आयोजक स्ट्याग च्याम्पियन्स टेबल टेनिस एकेडेमी छन्। प्रत्येक टिममा एक महिला र एक पुरुष विदेशी खेलाडी अनुबन्ध गरिएको छ। प्रतियोगिताको अनुमानित बजेट ३० लाख रुपैयाँ रहेको छ। पहिलो हुने टिमले नगद ३ लाख रुपैयाँसहित रनिङ ट्रफी, पदक र प्रमाणपत्र प्राप्त गर्नेछ। दोस्रो हुने टिमले १ लाख ५० हजारसहित ट्रफी, पदक र प्रमाणपत्र पाउनेछ। सेमिफाइनलमा हार्ने दुवै टिमलाई ७५ हजारसहित ट्रफी, पदक र प्रमाणपत्र प्रदान गरिने आयोजकले जनाएको छ।

भदौ १ देखि स्टयाग गोल्बल च्याम्पियन्स लिग 'सिजन थ्री'

आज बुधबार राति यूईएफए सुपर लिगको खेल हुँदैछ, इटालीको युडिनेजीमा । त्यसमा भिड्न लागेका दुई टिम हुन्, पेरिस सेन्ट जर्मन (पीएसजी) र टोटनहम । अपेक्षा त के भने यो खेल रोमाञ्चक र सनसनीपूर्ण होस, तर अनुमान के छ भने सायद पीएसजीविरुद्ध टोटनहमलाई गाह्रै हुनेछ । पीएसजी युरोपेली च्याम्पियन्स लिग विजेताका रूपमा यो खेल खेल्दैछ । क्लब इतिहासमै पहिलो पटक युरोपेली क्लब फुटबलको सबैभन्दा ठूलो प्रतियोगिता जित्ने उसको प्रदर्शन शानदार रह्यो । फाइनलमा पीएसजीले इन्टर मिलानलाई सजिलै ५–० ले हराएको थियो, यसले नै अनुमान गर्न सकिन्छ, यो टिम कति बलियो छ भनेर । फ्रान्सको घरेलु लिग र कपमै पनि पीएसजीको दादागिरी चल्छ । दसौं वर्ष भयो, पीएसजीले फ्रान्सेली लिग वान र कपमा एकछत्र राज गर्न थालेको पनि । प्रशिक्षकको रूपमा लुइस एनरिके आएयता पीएसजीको खेल रणनीति र प्रस्तुत हुने शैली दुवै फेरिएको छ । पीएसजी क्लब वर्ल्डकपको उप–विजेता पनि हो । अर्कोतर्फ टोटनहमले पनि युरोपा लिग विजेताका रूपमा यो खेल खेल्दैछ । तर उसको प्रदर्शन आफैमा राम्रो हुन सकेको छैन् । युरोपा लिगको फाइनलमा टोटनहमले म्यानचेस्टर युनाइटेडलाई हराएको थियो । तर घरेलु प्रिमियर लिगमा टोटनहमको प्रदर्शन सर्वथा बिर्सनलायक थियो । रेलिगेसन क्षेत्रको ठीक अगाडि मात्रै टोटनहमले लिग अभियान टुंग्याएको थियो । युरोपा लिगको उपाधि जिते पनि प्रशिक्षक एन्गे पोस्टेकोग्लु वर्खास्तीमा परे । अहिले उनको ठाउँ थोमस फ्रान्कले लिएका छन् । उनी अहिले टिम बनाउनै ब्यस्त छन् । त्यसैले तय छ, पीएसजीको जित सम्भावना धेरै छ ।

पीएसजीविरुद्ध टोटनहमलाई गाह्रै हुने अनुमान

काठमाडौं। नेपाल फुटबल खेलाडी संघले अखिल नेपाल फुटबल संघ (एन्फा) समक्ष फुटबल लिगको क्यालेन्डर तत्काल कार्यान्वयन गर्न माग गरेको छ। एन्फाका महासचिव किरण राईलाई मंगलबार ज्ञापनपत्र बुझाउँदै संघले सहिद स्मारक ए, बी र सी डिभिजन लिग तत्काल सञ्चालन गर्न एन्फालाई आग्रह गरेको छ।&nbsp; संघका अनुसार, दुई वर्षभन्दा बढी समयदेखि ए डिभिजन लिग नहुँदा खेलाडी, प्रशिक्षक, रेफ्री र फुटबलसम्बद्ध हजारौं व्यक्तिहरू अनिश्चिततामा परेका छन्।&nbsp; लिगको अभावले प्रतिभा विदेश पलायन, आर्थिक कठिनाइ र राष्ट्रिय फुटबलको स्तरमा गिरावट आएको संघको भनाइ छ। संघले क्लबहरूसँग समन्वय गरी तय क्यालेन्डरअनुसार लिग सुरु गर्न एन्फालाई उच्च प्राथमिकताका साथ कदम चाल्न आग्रह गरेको छ।

क्यालेन्डर अनुसार लिग सञ्चालन गर्न खेलाडी संघको माग

(इंग्लिस प्रिमियर लिग २०२५–२०२६ मा सहभागी हुने टिमको विश्लेषण गर्ने क्रममा अब पालो लिभरपुलको । यस सिरिजको १२ औं भागमा परेको छ, डिफेन्डिङ च्याम्पियन ।) पछिल्लो सिजन लिभरपुलले कीर्तिमान बराबरी हुने गरेर २० पल्ट इंग्ल्यान्डको माथिल्लो डिभिजन जितेको थियो । अझ त्यो पनि सजिलै । नयाँ सिजन सुरु हुन लाग्दा लामो इतिहास बोकेको लिभरपुलसामु हुनेछ, इंग्लिस प्रिमियर लिग उपाधिको रक्षा गर्ने अवसर । के यस मर्सिसाइड क्लब यसका लागि सक्षम छ त ? छ नै । यसपल्ट उपाधि जित्ने सम्भावित टिमको सूचीमा लिभरपुल नै अगाडि छ । लिभरपुलको नजर त युरोपेली च्याम्पियन्स लिगमा पनि हुनेछ । त्यसमाथि आर्ने स्लटको लिभरपुलले यसपल्ट मन खुलेर खर्चेको छ, नयाँ खेलाडीका लागि । यसबीच लिभरपुलले एक उम्दा खेलाडी भने गुमाएको छ, डिएगो जोटाका रूपमा । यी पोर्चुगाली खेलाडीको गाडि दुर्घटनामा मृत्यु भएको थियो र उनको अनुपस्थितिले टिममा कस्तो प्रभाव पारेको छ, त्यो हेर्न बाँकी छ । कम्तीमा कागजमा लिरभपुलले पोहोर सिजनको तुलनामा अहिले टिम चाहिँ बलियो बनाएकै छ । लुइस डियाज र डार्विन नुनेज अन्य क्लबतिर लागेका छन् भने मिलोस केरकेज, जेरेमी फ्रिमपोङ, ह्युगो एकिटिके र फ्लोरिन विर्टज जस्ता खेलाडी पनि भित्रिएका छन् । अझ लिभरपुल थप एकाध खेलाडी किन्ने मनसायमा देखिन्छ । त्यो को हुनेछ, त्यो हेर्न लायक नै रहनेछ । कम्युनिटी सिल्डमा लिभरपुलले जित भने निकाल्न सकेन् । क्रिस्टल प्यालेसविरुद्धको हारमा केही कमजोरी पनि देखिएका थिए । स्वंय प्रशिक्षक स्लटले केही खास क्षेत्रमा सुधार आवश्यक रहेको बताएकै छन् । जे होस, लिभरपुल समर्थक यति बेला नयाँ सिजनको सुरुआतलाई लिएर उत्साहित भने छन् ।

लिभरपुलसामु उपाधि रक्षा गर्ने अवसर

अबको सिजनको एउटा ठूलो ट्रान्सरमा ज्याक ग्रेलिसको एभरटन यात्रा पनि रह्यो । म्यानचेस्टर सिटी छाडेर उनी एभरटन गएका हुन् । त्यसो त उनी अझै पनि ऋणमै एभरटन गएका हुन्, पूरा एक सिजनका लागि । तर यो ट्रान्सफरमा उनी खुसी देखिएको छन् । यसपल्ट एभरटन आफै पनि केही नयाँ र राम्रो गर्ने प्रयासमा छ । यसैक्रममा ग्रेलिस डेविड मोयसको टिमले अनुबन्ध गरेको यस सिजनको छैटौं खेलाडी हुनेछन् । ‘एभरटन ठूला क्लब हो । यो निकै लोकप्रिय पनि छ । त्यसैले म एभरटन जान पाउँदा खुसी पनि छुं,’ ग्रेलिसले भनेका छन् । इंग्लिस प्रिमियर लिगको आफ्नो पहिलो खेल एभरटनले सामबार लिड्स युनाइटेडविरुद्ध खेल्दैछ र त्यसमै सम्भवतः ग्रेलिसले डेब्यु पनि गर्नेछन् । तर जसरी उनले सिटी छाड्नु परेको छ, त्यसलाई एउटा धेरै सम्भावना भएका खेलाडीले सक्दो प्रदर्शन गर्न नसकेको अर्थमा लिएका छन् । खासमा उनी एस्टन भिल्लाका उत्पादन हुन् र त्यही क्लबका लागि लामै समय खेले । राम्रो पनि खेले । त्यसपछि उनले सिटी जाने जिद्दी गरे । तर सिटी गएर उनले त्यस्तो प्रदर्शन गर्न सकेनन्, जस्तो अपेक्षा गरिएको थियो । सायद एभरटनको नयाँ गन्तब्यले उनको खेल करियर फेरि उम्दा बन्ने छ ।

ग्रेलिस एभरटन जान पाउँदा खुसी

काठमाडौं। मलेयसयाको कुचिङमा भएको दसौं एसियाली पारा तेक्वान्दो च्याम्पियनसिप (जी ४) की कांस्य पदक पलेशा गोर्वधन र उनका प्रशिक्षक कविराज नेगी लामालाई राष्ट्रिय स्वतन्त्र पार्टी केन्द्रीय युवा तथा खेलकुद विभागले सम्मान गरेको छ। अन्तराष्ट्रिय युवा दिवस २०२५ को उपलक्ष्यमा आयोजना गरिएको फ्यूचर लिडर्स समिट २०२५ को अवसरमा रास्वपाको केन्द्रिय युवा तथा खेलकुद विभागका प्रमुख तोसिमा कार्की र नेपाल तेक्वान्दो संघका उपाध्यक्ष तथा विभागका सदस्य हरिश्वर पोखरेलले पलेशा गोवर्धन र कविराज नेगीलाई सम्मान गरेको हो। पलेशाले पेरिस २०२४ पारालिम्पिक र हाङझाव एसियन पारा गेम्समा एतिहासिक कांस्य पदक जितेकी थिइन्। आफ्नो करियरमा पलेशाले कुल ६ वटा अन्तराष्ट्रिय अफिसियल मेडल प्राप्त भएको छ जसमा २ स्वर्ण र ४ कास्य पदक रहेको छ। सन् २०१५ देखि स्वयंसेवक प्रशिक्षक कविराज नेगी लामा अन्तराष्ट्रिय लेवल २ प्रशिक्षक हुन्। पलेशा २०१६ देखि नेगी संगै प्रशिक्षण गरिरहेकी छन्। नेगीको प्रशिक्षणमा हाल सम्म पारा तेक्वान्दो टोली १२ वटा अन्तराष्ट्रिय अफिसियल पदक नेपालले जितेको छ जसमा एसियन च्याम्पियनशिपदेखि वल्र्ड च्याम्पियनसिप र एसियन पारा गेम्स देखि पारालिम्पिक सम्मको पदक छ।

पलेशा र नेगी सम्मानित

म्याक्सिम्याक्स एजुकेशन एण्ड माइग्रेसन सर्भिसेसले &nbsp;नेपाली महिला फुटबल टोलीकी कप्तान सवित्रा भण्डारी ‘साम्बा’ लाई ब्रान्ड एम्बेसडर नियुक्त गरेको छ। साम्बा र म्याक्सिम्याक्सका प्रबन्ध निर्देशक रोजन दनैले सम्झौता पत्रमा हस्ताक्षर गरे । राष्ट्रिय टोलीबाट ६० खेलमा ६४ गोल गरेकी साम्बालाई म्याक्सीम्याक्ससँग जोड्न पाउँदा खुसी लागेको म्याक्सिम्याक्सले जनाएको छ । साम्बाले कुनै कन्सल्टेन्सीको ब्रान्ड एम्बेसडर बन्ने सपना धेरै अघिबाट देखेको र म्याक्सिम्याक्सले त्यसलाई पूरा गरिदिएकोमा धन्यवाद दिइन् । उनले यसले नयाँ पुस्तालाई पनि प्रेरणा मिल्ने विश्वास व्यक्त गरिन् । अखिल नेपाल फुटबल संघ (एन्फा) का महासचिव किरण राईले म्याक्सिम्याक्सलाई धन्यवाद दिँदै यसले अन्य खेलाडी पनि बाटो खुल्ने आशा राखेका छन्। इक्यानका अध्यक्ष शेषराज भट्टराईले साम्बा र म्याक्सिम्याक्सलाई सहकार्यका लागि शुभकामना दिए । निजी क्षेत्रबाट भएको पहलको तारिफ गर्दै नेपाल खेलाडी संघका अध्यक्ष विक्रम लामाले अन्य खेलाडीका लागि बाटो खुल्ने आशा व्यक्त गरे। साम्बाले म्याक्सिम्याक्सको प्रबद्र्धनमा भूमिका निर्वाह गर्ने बताइएको छ। नेपाल एपिएफ क्लबबाट खेल सुरु गर्नु भएका साम्बाले इन्डियन वुमन्स लिगमा सेथु एफसी, गोकुलम केरलाबाट खेलिसकेकी छिन् &nbsp;। सन् २०२२–२३ मा गोकुलमलाई इन्डियन वुमन्स लिगको उपाधि दिलाउदा उनले १० खेलमा ३१ गोल गरेकी थिइन्। त्यस्तै साम्बाले इजरायलको हापोइल रानानाबाट पनि खेलिसकेकी छिन् । गत वर्ष उहाँले फ्रान्सको प्रिमियर लिगमा गुइनगाम्पबाट खेलिन् । अब छिट्टै नै अस्ट्रेलियाको प्रिमियर लिगमा वेलिङटन फोनिक्सबाट खेल्नेछिन् । म्याक्सिम्याक्सले संस्थाको ब्रान्ड एम्बासडर ‘साम्बा’ सँग ३ वर्षका लागि सम्झौता गरेको हो । अष्ट्रेलियाको मेलबर्नमा मुख्य कार्यालय रहेको म्याक्सिम्याक्स एजुकेशन अष्ट्रेलियामा विभिन्न सामाजिक, सांस्कृतिक र खेलकुद गतिविधिहरूमा सक्रिय रूपमा संलग्न रहेको छ । नेपालमा ललितपुरको कुमारीपाटी, चितवनको पर्सा र पोखराको चिप्लेढुंगामा म्याक्सीम्याक्सका शाखा रहेको छ ।

साम्बा बनिन् म्याक्सिम्याक्सको ब्रान्ड एम्बेसडर

काठमाडौं। एभरेष्ट महिला भलिबल लिग ९इडब्लुभिएल० का लागि काठमाडौं स्पाइकर्सले बुल्गेरियन भलिबल खेलाडी निकोलाएभा नेकोभाले अनुबन्ध गरेको छ। काठमाडौं स्पाइकर्सले पहिलो विदेशी खेलाडीको रुपमा नेकोभाको नाम घोषणा गरेको हो। २७ वर्षीय नेकोभा सेटर पोजिसनमा खेल्छिन्। नेकोभाले बुल्गेरिया, फ्रान्स, अजरबैजानको क्लबबाट खेलेको अनुभव छ। नेकोभाको आगमनले काठमाडौं स्पाइकर्सको टिम अझ सन्तुलित र मजबुत हुने टिमको विश्वास छ। पहिलो सिजनमा पनि बुल्गेरियाकै सेटर आन्द्रे स्भेतानोभाले काठमाडौंबाट खेलेकी थिइन्। पहिलो संस्करणको लिगमा तेस्रो भएको काठमाडौं स्पाइकर्सले दोस्रो सिजन अझ बलियो भएर आउने र कोर्टमा उत्कृष्ट प्रदर्शन गर्ने लक्ष्य राखेको छ। एभरेष्ट महिला भलिबल लिगका लागि तीन विदेशी खेलाडी अनुबन्ध गर्न पाउने प्रावधान छ। अन्य दुई विदेशी खेलाडी पनि छिटै घोषणा गर्ने बताइएको छ। नेपाली राष्ट्रिय महिला भलिबल टिमकी मुख्य स्पाइकर उषा भण्डारी मार्की प्लेअर रहेको काठमाडौंमा मनिषा चौधरी, यमुना रसाइँली, रिमा कुँवर, बाल्मिका आचार्य, कमला पुन, आशिका क्षेत्री, भुवनेश्वरी चन्द छन्। यस्तै मुख्य प्रशिक्षका लोक बहादुर बुढा छन्। एभरेष्ट महिला भलिबल लिग (इडब्लुभिएल) को दोस्रो सिजन आगामी भदौ २० देखि २८ गतेसम्म हुनेछ।

निकोलाएभाले काठमाडौंबाट खेल्ने

<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपालले बंगलादेशसँग दुई अन्तर्राष्ट्रिय मैत्रीपूर्ण खेलका लागि टोली घोषणा गरेको छ। सेप्टेम्बर ६ र ९ मा दशरथ रंगशालामा खेल्ने छ। दुवै खेल फिफा अन्तर्राष्ट्रिय विन्डो अन्तर्गत पर्दछ।<p class="p2" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">एएफसी एसियाली कप छनोटका बाँकी खेल अघि&nbsp;&nbsp;नेपालले मैत्रीपूर्ण खेल्न लागेको हो।<p class="p2" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपाल समूह एफ मा मलेसिया, लाओस र भियतनामस छ। नेपालले अहिलेसम्म समूह चरणमा दुई खेल खेलिसकेका छन् तर दुवै खेलमा हार बेहोरेको अंक बिहिन रहेको छ। नेपालले अब अक्टोबर ९ मा भियतनाममा खेल्ने छ। भने १४ तारिख मा नेपालमा भियतनामसंग खेल्ने छ।&nbsp;<p class="p2" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपाली टोली&nbsp;<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">अभिषेक लिम्बु, आदित्य शाक्य, अमृत श्रेष्ठ, अमित लामा, अनन्त तामाङ, अञ्जल श्रेष्ठ, अञ्जन विष्ट, अरिक विष्ट, भरत खवास, विशाल सुनार, दीप कार्की, दिनेश हेञ्जन, दीपेन्द्र विक, गिलेस्प्य कार्की, किरण चेम्जोङ, कुल्दिप कार्की, कुशल देउबा लक्न लिम्बु मनि लामा, मनिष डाँगी, रणदीप पौड्याल, रोहित चन्द, रोहन कार्की, समिर तामाङ, समित श्रेष्ठ, सुवास बम, सृजनराज गौतम, सुमन श्रेष्ठ, टिकेन्द्र थापा, योगेश गुरुङ

बंगलादेशसँग खेल्ने नेपाली टोली घोषणा

काठमाडौं। एन्फा ग्रास रुट कार्यक्रमको उद्घाटन भएकोछ। सातदोबाटो स्थित अखिल नेपाल फुटबल संघ एन्फा मुख्यालयमा अध्यक्ष पङ्कजविक्रम नेम्बाङ उद्घाटनकै अवसरमा लोगो समेत अनावरण गरियोका छन् । कार्यक्रमका लागि टिडिएच र चाइल्ड नेपालसँग सम्झौता पनि भएको ग्रास रुट विभागका प्रमुख पङ्कज शाहीले जानकारी दिए। दुवै संस्थासँग भिन्न भिन्नै सम्झौता पत्रमा हस्ताक्षर भएको हो। टिडिएचका सेभ गार्डिङ कोअर्डिनेटर कमल लामा तथा चाइल्ड नेपालका कार्यकारी निर्देशक मोहन दंगालले हस्ताक्षर गरे। कार्यक्रमको अध्यक्षता एन्फाका ग्रास रुट समिति संयोजक मणि चेम्जोङले गरेका थिए। विषयगत क्षेत्रमा सहकार्य गर्दै बालबालिकाको सुरक्षित रूपले फुटबलमा सक्रिय रहने वातावरण सृजना गर्ने कुराका सहकार्य भएको शाहीले बताए। ३ वर्षे सो कार्यक्रम विश्व फुटबल महासङ्घ (फिफा)को आर्थिक सहयोगमा हुन लागेको हो। ३ वर्षे कार्यक्रम ३९ जिल्लामा सञ्चालन हुने छ।

Nepalsports

⚽ Upcoming Matches

🎖 Recent Matches

📰 Recent News

Nepalsports