Bangladesh Women

काठमाडौं। जेलेस्पीजंघ कार्कीको निर्णायक गोलसँगै नेपालले सिंगापुरमाथि विजयी हासिल गरेको छ। सिंगापुर नेसनल स्टेडियममा शुक्रबार सम्पन्न अन्तराष्ट्रिय मैत्रीपूर्ण खेलमा नेपालले १–० को जित निकालेको हो।&nbsp; नेपालको जितमा जेलेस्पीले पहिलो हाफमा गरेको गोल नै निर्णायक बन्यो। उनले १२औं मिनेटमा मनीष डाँगीको क्रसमा गोल गरेका हुन्। सिंगापुरविरुद्ध नेपालले गरेको यो नै पहिलो गोल हो। नेपाल र सिंगापुर सन् १९८९ पछि आमुन्नेसामुन्ने भएका हुन्। ५ जुन १९८९ मा भएको पछिल्लो भेटमा सिंगापुरले नेपाललाई ७–० ले पराजित गरेको थियो। त्यसअघि भएको दुई भेट (१९८२ र १९८९) मा पनि नेपाल क्रमशः २–० र ३–० ले पराजित हुन पुगेको थियो। नेपाल एएफसी एसियन कप छनोट २०२७ खेल्न प्रस्थान गर्नेछ। मार्च २५ मा नेपालले घरेलु टोली मलेसियासँग प्रतिस्पर्धा गर्नेछ।

जेलेस्पीको निर्णायक गोलमा नेपालले सिंगापुरलाई हरायो

जावलाखेल । ललितपुर महानगरपालिकाको १०६औं वार्षिकोत्सब अवसरमा आयोजना हुन लागेको मेयर कप महिला तथा पुरुष भलिबल प्रतियोगिता २०८१ को तयारी पूरा भएको छ। जावलाखेल भलिबल प्रशिक्षण केन्द्र कभर्डहलमा आयोजना हुने प्रतियोगिता चैत १० देखि १५ गतेसम्म सञ्चालन हुनेछ। शुक्रबार आयोजकले पत्रकार सम्मेलनमार्फत प्रतियोगिताको तयारी पूरा भइको जानकारी गराएको हो। यस्तै, प्रतियोगिताको विजेताले दुवैतर्फ दुई लाख पाउनेछन्। उपविजेता एक लाख, तेस्रो हुनेले ५० हजार पाउनेछन्।प्रतियोगितामा महिलातर्फ ८ टिमको सहभागिता रहनेछ भने पुरुषतर्फ १४ टिमको सहभागि हुनेछ। प्रतियोगितामा बिधागततर्फ सर्वोत्कृष्ट खेलाडीले १० हजार, वेस्ट स्पाईकर, वेस्ट ब्लकर, वेस्ट लिबेरो र वेस्ट प्रशिक्षकले समान ५ हजार पाउनेछन्। प्रतियोगिताको खेलहरु लिगकम नकआउटको आधारमा सञ्चालन हुनेछ। नयाँ प्रतिभाशाली खेलाडीहरुले प्रतिभा देखाउन पाउने र बागमती प्रदेश पालिकाहरुबीच सुमधुर सम्बन्ध विकास गर्ने सुनौलो अवसर भएकाले सो प्रतियोगिता आयोजना गरेको आयोजकले जनाएको छ। प्रतियोगितामा सहभागी महिला टिम १. ललितपुर महानगरपालिका (ललितपुर)२. काठमाडौं महानगरपालिका (काठमाडौं)३. हेलम्बु गाउँपालिका (सिन्धुपाल्चोक)४. बिबु गाउँपालिका (दोलखा)५. महालक्ष्मी नगरपालिका (ललितपुर)६. निलकण्ठ नगरपालिका (धादिङ)७. चन्द्रागिरी नगरपालिका (काठमाडौं)८. दुप्चेस्वर गाउँपालिका (नुवाकोट) पुरुषतर्फ१. ललितपुर महानगरपालिका (ललितपुर)२. काठमाडौं महानगरपालिका (काठमाडौं)३. बागमती गाउँपालिका (ललितपुर)४. महांकाल गाउँपालिका (ललितपुर)५. रामेछाप नगरपालिका (रामेछाप)६. खाडाँदेवी गाउँपालिका (रामेछाप)७. मेलुंग गाउँपालिका (दोलखा)८. मन्थली नगरपालिका (रामेछाप)९. महांकाल ४ सि.एल.सी (ललितपुर)१०. दुप्चेश्वर गाउँपालिका (नुवाकोट)११. पनौती नगरपालिका (काभ्रे)१२. गल्छी नगरपालिका (धादिङ)१३. पंञ्चकन्या गाउँपालिका (नुवाकोट)१४. मेलम्ची नगरपालिका (सिन्धुपाल्चोक)

मेयर कप भलिबलको तयारी पूरा, २२ टिम सहभागी

काठमाडौं। नेपालले यस वर्ष सेन्ट्रल एसिया भलिबल एसोसिएसन (काभा) का दुई प्रतियोगिता आयोजना गर्ने भएको छ। काभाले बिहीबार सार्वजनिक गरेको २०२५ को क्यालेन्डरअनुसार नेपालले काभा वुमेन्स नेसन्स लिग र काभा वुमेन्स च्याम्पियन्स लिग आयोजना गर्ने भएको हो। काभाका अनुसार नेसन्स लिग ११ देखि १७ अक्टोबरसम्म हुनेछ। च्याम्पियन लिग भने १ देखि ७ डिसेम्बरसम्म आयोजना हुनेछ। यी दुवै लिग काठमाडौंमा हुने तय छ। नेपालले गत वर्ष काभा वुमन्स नेसन्स भलिबल लिग र काभा पुरुष भलिबल क्लब च्याम्पियनसिप आयोजना गरेको थियो। त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा भएको नेसन्स लिगको फाइनलमा भारतसँग ३–२ को सेटमा पराजित हुँदै नेपाल उपविजेतामा सीमित भएको थियो। पुरुष क्लब च्याम्पियनसिपको फाइनलमा भारतको क्यालिकट हिरोजले हेल्प नेपाल स्पोर्ट्स क्लबलाई ३–१ ले पराजित गर्दै उपाधि जितेको थियो।

नेपालमा काभाका दुई प्रतियोगिता आयोजना हुने

फ्लड लाइट र १० हजार क्षमताको प्यारापिट बनाउने काम वैशाख २४ भित्रै निर्माण गरी सफलतापूर्वक सम्पन्न गरेका आयोजना पनि नेपालमा छन् भन्ने सन्देश दिनेछौं&nbsp; काठमाडौं : उपप्रधानमन्त्री एवम् शहरी विकास मन्त्री प्रकाशमान सिंहले आज किर्तिपुरस्थित क्रिकेट मैदानमा पुगेर निर्माण कार्य निरिक्षण गर्नुभएको छ ।&nbsp; वैशाखको २४ गतेभित्रै कीर्तिपुर मैदानमा १० हजार क्षमताको प्यारापिट निर्माण सम्पन्न गर्ने लक्ष्यअनुसार काम सक्ने विश्वास पनि सो क्रममा उहाँले व्यक्त गर्नुभयो ।&nbsp;शहरी विकास मन्त्रालयअन्तर्गतको संघीय सचिवालय निर्माण तथा व्यवस्थापन कार्यालयबाट &nbsp;कीर्तिपुर क्रिकेट मैदानमा अन्तराष्ट्रिय मापदण्ड अनुरूप प्यारापिट निर्माण कार्य र फ्लडलाईट जडान कार्यको २०८१ फागुनमा सम्झौता &nbsp;भई २०८२ बैशाख २४ गतेभित्र कार्य सम्पन्न गर्ने गरी निर्माण कार्य अघि बढिरहेको छ ।&nbsp; प्यारापिट निर्माणको काम अवलोकन गर्न बिहीबार कीर्तिपुरस्थित क्रिकेट मैदान पुगेका उपप्रधानमन्त्री सिंहले काम छिटो सक्न ८ घन्टाको दरले तीनै सिफ्टमा काम भइरहेको बताउनुभयो । &nbsp;निर्माण कार्य समयमै सम्पन्न गर्न उपप्रधानमन्त्री सिंहले निर्माण कार्यमा चासो राखिरहनुभएको छ ।‘क्रिकेट मैदानमा प्यारापिट निर्माणलगायत काममा प्रधानमन्त्रीको पनि चासो छ, समयमै काम सक्नका लागि ८ घन्टाका दरले तीन सिफ्टमा काम पनि भइरहेको छ,’ उपप्रधानमन्त्री सिंहले भन्न्ुभयो । फ्लड लाइट र १० हजार क्षमताको प्यारापिट बनाउने काम वैशाख २४ भित्रै निर्माण गरी उद्घाटन गरेर सफलतापूर्वक सम्पन्न गरेका आयोजना पनि नेपालमा छन् भन्ने सन्देश दिनुपर्ने उहाँको भनाई छ ।

किर्तिपुरमा क्रिकेट रंगशाला समयमै सम्पन्न गर्न उपप्रधानमन्त्री सिंहको चासो

काठमाडौं । कर्णाली प्रदेशमा आगामी वर्ष जेठमा हुने दशाैं राष्ट्रिय खेलकुदको लोगो र मस्कट सार्वजनिक भएको छ । मंगलबार एक कार्यक्रमका बीच लोगो र मस्कट सार्वजनिक गरिएको हो । युवा तथा खेलकुद मन्त्री तेजुलाल चाैधरीले रिमोट थिचेर लोगो र मस्कट सार्वजनिक गरेका हुन् । मन्त्री चाैधरीसँगै राखेप उपाध्यक्ष ध्रुव आचार्यले भाैतिक रुपमा लोगो र मस्कट अनावरण गरे । लोगो र मस्कट दुवै विकास तमकुजुले बनाएका हुन् । मस्कटमा रेड पाण्डा (हाब्रे) राखिएको छ भने लोगोमा ७ रङ, चन्द्र र सुर्य अंकित छ । दशाैं राष्ट्रिय खेलकुदका लागि खेलाडी दर्ता अनलाइनबाट हुने भएको छ । खेलाडी दर्ता पोर्टल पनि कार्यक्रममार्फत लञ्च गरिएको छ जहाँ खेलाडी र प्रशिक्षकले आफ्नो नाम दर्ता गर्ने सक्नेछन् । सँगै दशाैं राष्ट्रिय खेलकुदको डेडिकेटेड अनलाइन पोर्टल पनि सार्वजनिक गरिएको छ ।

दशौं राष्ट्रिय खेलकुदको लोगो र मस्कट सार्वजनिक

काठमाडौं । उर्जन श्रेष्ठलाई अखिल नेपाल फुटबल संघ (एन्फा) ले नेपाली यु १९ पुरुष टोलीको मुख्य प्रशिक्षक नियुक्त गरेको छ। अर्को महिना भारतमा आयोजना हुने साफ यु-१९ च्याम्पियनसिपका लागि एन्फाले श्रेष्ठलाई युवा टोलीको जिम्मेवारी दिएको हो‌। एन्फा महासचिव किरण राईले प्रशिक्षक श्रेष्ठलाई आइतबार नियुक्त पत्र प्रदान गरे। यसअघि पनि उनले नेपालमा भएको साफ यु-२० च्याम्पियन्सिपमा युवा टोली सम्हालेका थिए। नेपाल त्यसको फाइनलमा बंगलादेशसँग ४-१ ले पराजित भएको थियो । यो पटक प्रतियोगिता यु-१९ फरम्याटमा‌ हुँदैछ। यसपटक च्याम्पियनसिप वैशाख २६ देखि जेठ ४ सम्म भारतको अरुणाचल प्रदेशमा हुनेछ।

श्रेष्ठ यू–१९ टिमको प्रशिक्षक

काठमाडौं । सेनेगलका पापे अब्दुलाह देकिते नेपाल आईपुगेका छन्।&nbsp;ललितपुर सिटी एफसीबाट नेपाल सुपर लिग खेल्नका लागि उनि सोमबार नेपाल आईपुगेका हुन्। ३२ वर्षिय देकितेले आफ्नो फुटबल करियर विभिन्न अन्तर्राष्ट्रिय &nbsp;क्लबहरूमा बिताएका छन्। उनले अफ्रिका, एसिया, र अन्य महादेशका विभिन्न लिगहरूमा खेलेका छन्। उन्ले भियतनामको टप डिभीजन लिग भि.१ लिगसमेत खेलेका छन्।&nbsp;साविक विजेता ललितपुरमा सामेल हुन पाउँदा उनले आफु निकै उत्साहित भएको बताएका छन्। ललितपुरले चैत्र १६ गते उद्घाटन खेलमा काठमाडौं रेजर्सविरुद्ध खेल्नेछ।

नेपाल आईपुगे ललितपुरका डिफेन्डर देकिते

काठमाडौं । नेपाल स्पाइनल कर्ड इन्जरी खेलकुद संघ (एनएससिआइए) को आयोजनामा जारी उपत्यका क्लबस्तरीय ह्विलचियर बास्केटबल प्रतियोगिताको सेमिफाइनल समीकरण पूरा भएको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमबारबाट सुरु भएको प्रतियोगितामा पहिलो दिन समूह चरणका सम्पूर्ण खेल सम्पन्न भएसँगै सेमिफाइनल प्रवेश गर्ने महिला तथा पुरुष दुवैतर्फबाट अन्तिम चारमा पुग्ने टोलीको टुंगो लागेको हो। पुरुषतर्फ समूह ‘ए’ बाट आर्मी समूह विजेता र एपिएफ उपविजेता हुँदै अन्तिम चारमा प्रवेश गरेका छन्। आर्मीले तीन खेलमा तीन जित हासिल गर्दा आर्मीसँग एपिएफ पराजित हुँदै उपविजेता बन्यो। अर्को समूहबाट आयोजक एनएससिआइए समूह विजेता र बिआइए उपविजेता हुँदै सेमिफाइनलमा पुगेको छ। अब सेमिफाइनलमा आर्मीले बिआइए र एपिएफले एनएसिसआइएसँग खेल्नेछ। महिलातर्फ समूह ‘ए’ बाट राष्ट्रिय आदिवासी अपांग महिला संघ नेपाल (निडवान) र आयोजक टोली एनएससिआइए सेमिफाइनलमा प्रवेश गरेका छन्। अर्को समूहबाट डब्ल्युएसए विजेता तथा जावलाखेल ह्विलचियर स्पोर्ट्स क्लब (जिडब्युएससी) उपविजेता हुँदै सेमिफाइनल यात्रा तय गरे। प्रतियोगिताका टेक्निकल हेड तथा कमिस्नर प्रेमसुन्दर होनाका अनुसार सेमिफाइनलमा अब डब्ल्युएसएले एनएससिआइए र निडवानले जिडब्युएससीसँग प्रतिस्पर्धा गर्नेछन्। प्रतियोगिताको उद्घाटन बागमती प्रदेशसभासदस्य लक्ष्मी घिमिरेले गरेकी दिइन्। एनएससिआइए अध्यक्ष देवी आचार्यले सभाअध्यक्ष ग्रहण गरिन्। यस्तै, अन्य विशेष अतिथि उपस्थित थिए।

ह्विलचियर बास्केटबलको सेमिफाइनल समीकरण पूरा

काठमाडौं। सिंगापुर र मलेसियासँग खेल्ने नेपाली टोली घोषणा गरिएको छ।&nbsp; मुख्य प्रशिक्षक म्याट रसले सोमबार २३ सदस्सीय टोली घोषणा गरेका हुन्। नेपालले मार्च २१ मा सिंगारपुरसँग मैत्रीपूर्ण र मार्च २५ मा मलेसियासँग एएफसी एसियन कप छनोट २०२७ खेल्दैछ। रसले यसअघि २७ खेलाडीलाई बन्द प्रशिक्षणमा राखेका थिए। तीमध्ये फरवार्ड सुवास ठकुरी बम, डिफेन्डर सुमन श्रेष्ठ र एञ्जल श्रेष्ठले पहिलोपल्ट टोलीमा स्थान बनाएका हुन्। यी दुईले स्थान बनाउँदा गोलकिपर विशाल सुनार, डिफेन्डर आशिष गुरुङ तथा फरवार्डद्वय नीराजन धामी र सृजनराज गौतम फ्याँकिएका हुन्। दोस्रो चरणको प्रशिक्षणमा फरवार्ड रेजिन सुब्वा तथा सृर्जनराज गौतम र डिफेन्डर सुमन श्रेष्ठ स्ट्यान्डबाइ सूचीबाट समेटिएका थिए। नेपालले एएफसी एसियन कप छनोट २०२७ को तयारीस्वरूप सिंगापुरसँग मैत्रीपूर्ण फुटबल खेल्न लागेको हो। प्रशिक्षक रसले यही खेलमार्फत डेब्यु गर्नेछन्। एन्फाले उनीसँग एक वर्षको सम्झौता गरेको छ। उक्त खेललगत्तै नेपाली टोली त्यहीबाट मलेसिया प्रस्थान गर्नेछ। पूर्व निर्धारित तालिकाअनुसार नेपालले छनोटको पहिलो खेल त्रिपुरेश्वरस्थित दशरथ रंगशालामा खेल्नुपर्ने थियो। तर, मैदान र सुरक्षाका कारण देखाउँदै खेलस्थान मलेसिया सारिएको हो।&nbsp; प्रारम्भिक टोली गोलकिपरः किरणकुमार लिम्बू, दीप कार्की, एञ्जल श्रेष्ठडिफेन्डरः अनन्त तामाङ, रोहित चन्द, विमल पाण्डे, सनिश श्रेष्ठ, रन्दीप पौडेल, सुमन श्रेष्ठमिडफिल्डरः लकेन लिम्बू, रोहन कार्की, मणि लामा, भरत खवास, एरिक विष्ट, मनिष डाँगी, आयुष घलान, कृतिशरत्न छिन्जुफरवार्डः जिलेस्पिजंग कार्की, अञ्जन विष्ट, दीनेश हेन्जन, सुवास ठकुरी बम, रेजिन सुब्वा

सिंगापुर र मलेसियासँग खेल्ने नेपाली टोली घोषणा

&nbsp;काठमाडौं। सहिद स्मारक ‘बी’ डिभिजन लिगमा प्लानिङ ब्वाइज युनाइटेडले लगातार दोस्रो जित दर्ता गरेको छ।&nbsp;सातदोबाटोस्थित एन्फा कम्प्लेक्समा सोमबार सम्पन्न खेल प्लानिङले च्यासल युथ क्लबलाई ४–० ले पराजित गरेको हो। प्लानिङको जितमा फागुराम थारुले दुई तथा सुजन डंगोल र अभिनाश थापाले समान एक गोल गरे। पहिलो हाफ गोलरहित बराबरीमा सकिएको थियो। तर, ५५औं मिनेटमा सुजले प्यानिङलाई सुरुआती अग्रता दिलाए। त्यसको पाँच मिनेट फागुले अर्को गोल गर्दै अग्रता दोब्बर बनाए। ७७औं मिनेटमा अभिनाशले गोल गर्दै प्लानिङलाई ३–० को सहज जिततर्फ डोहर्‍याए। ८३औं फागुले व्यक्तिगत दोस्रो गोल गर्दै प्लानिङलाई सहज जित दिलाए। यो नतिजासँगै प्लानिङले दुई खेलबाट ६ अंक जोड्दै शीर्ष स्थानमा उक्लिएको छ। च्यासलको भने एक अंक छ।&nbsp;

प्लानिङ ब्वाइजको लगातार दोस्रो जित

काठमाडौं । बाह्रखरी गल्फको विजेताले सुनको बल पाउने भएका छन्। बाह्रखरी मिडियाले वार्षिक रूपमा आयोजना गर्दै आएको कर्पोरेट गल्फ प्रतियोगिता चैत २३ (अप्रिल ५)मा काठमाडौंको गोकर्ण फरेस्ट रिसोर्टको गल्फ कोर्समा आयोजना हुने तय छ। प्रतियोगितामा यस वर्ष करिब १२० जना कर्पोरेट खेलाडीले प्रतिस्पर्धा गर्नेछन् । प्रतियोगिताको उद्घाटन बिहान ८ बजे हुनेछ । प्रतियोगिता १८ होलमा स्टेबल फोर्ड फर्म्याटमा हुनेछ । यसको अर्थ कुनै पनि होलमा तोकिएको भन्दा बढी स्ट्रोक हान्न पाइने छैन । प्रतियोगितामा भारत, अमेरिका, चीन, सिंगापुर, श्रीलंकाका गल्फरले पनि प्रतियोगितामा सहभागिता जनाउने आयोजकले जनाएको छ।&nbsp; कर्पोरेट क्षेत्रका खेलाडीबीच हुने प्रतियोगिताको ‘अल–राउन्ड’ विजेताले २४ क्यारेट सुनले बनेको गल्फ बल प्राप्त गर्नेछन् । उक्त बल डेढ तोला सुनको हुने बताइएको छ। कुनै प्रतियोगीले तोकिएको होलमा एकै सटमा लक्ष्य प्राप्त गरे भने ‘होल इन–वन’ पुरस्कारका रूपमा ‘एट्टो थ्री’ गाडी प्राप्त गर्नेछन् ।

बाह्रखरी गल्फको विजेताले सुनको बल पाउने

काठमाडौं। सहिद स्मारक ‘बी’ डिभिजन लिगमा वीरगञ्ज युनाइटेड क्लबले पहिलो जित दर्ता गरेकाे छ। सातदोबाटोस्थित एन्फा कम्प्लेक्समा सोमबार सम्पन्न खेल वीरगञ्जले श्रीकुमारी क्लबलाई २–० ले पराजित गरेको हो। वीरगञ्जकाे जितमा विपिन तुमसिंह मगर र कृपाकान्त महतोले गोल गरे। खेलको १२औं मिनेटमै विपिनले वीरगञ्जलाई सुरुआती अग्रता दिलाए। त्यसपछि वीरगञ्जले केही अवसर बुने पनि गोलमा परिणत गर्न सकेको थिएन।&nbsp; यद्यपि, निर्धारित समय सकिन केही सेकेन्डअघि कृपाकान्तले गोल गर्दै २–० को सहज जित दिलाए। यो नतिजासँगै वीरगञ्जले दुई खेलबाट चार अंक पुर्‍याएको छ। श्रीकुमारी भने जितविहीन छ।

वीरगञ्जको पहिलो जित

काठमाडौँ । इङ्लिस प्रिमियर लिगअन्तर्गत म्यानचेस्टर युनाइटेडले लेस्टर सिटीलाई पराजित गरेको छ। आइतबार सम्पन्न भएको खेलमा युनाइटेडले सिटीलाई ३(० गोल अन्तरले पराजित गरेको हो। युनाइटेडको जितमा रासमस होजलण्ड, अलेजान्द्रो गार्नाचो र ब्रुनो फर्नानडेजले एक एक गोल गरे। युनाइटेडको यस सिजनमा यो १०औं जित हो। २९ खेलमा ३७ अंक रहेको युनाइटेड हाल लिगमा १३औं स्थानमा रहेको छ। सिटीको भने २९ खेलमा १७ अंक रहेको छ र लिगमा १९औं स्थानमा छ।

युनाइटेडको सहज जित

काठमाडौं। एट्लेटिको मड्रिडले आइतबार स्पेनिस ला लिगामा बार्सिलोनासँग ४–२ को हार बेहोर्न पुग्यो।&nbsp; मेट्रोपोलिटानो स्टेडियममा भएको खेलमा एट्लेटिकोले पहिलो हाफमा २–० को अग्रता लिएको थियो। तर, इन्जुरी समयमा दुई गोल स्वीकार गर्दै बार्सिलोनालाई जित सुम्पिन बाध्य भयो। यो जितपछि बार्सिलोना शीर्ष स्थानमा फर्किएको छ। एट्लेटिको भने समान ६० अंक भएका बार्सिलोना र रियलसँग चार अंकले पछि परेको छ।&nbsp; बार्सिलोनाका लागि लामिन यमलले इन्जुरी समयको दोस्रो मिनेटमा गोल गर्दै खेलमा ३–२ को अग्रता दिलाए। त्यसपछि फेरान टोरेसले छैटौं मिनेटमा अर्को गोल गर्दै बार्सिलोनालाई महत्त्वपूर्ण जित दिलाए।&nbsp; एट्लेटिकोका लागि जुलियन अल्भारेजले पहिलो हाफको अन्त्यतिर काउन्टर एट्याकमा गोल गर्दै अग्रता दिलाए।&nbsp; ७०औं मिनेटमा एलेक्जान्डर सोरलोथले पेनाल्टी बक्स भित्रबाट गोल गर्दै एट्लेटिकोको अग्रता दोब्बर बनाए। तर, ७२औं मिनेटमा रबर्ट लेवान्डोस्कीले गोल गर्दै बार्सिलोनालाई पुन: खेलमा फर्काए। त्यसपछि ७८औं मिनेटमा राफिन्हाको क्रसलाई टोरेसले हेडरमार्फत गोल गर्दै खेल बराबरी गरे। अन्ततः इन्जुरी समयमा यमल र टोरेसले गोल गर्दै बार्सिलोनालाई नाटकीय पुनरागमन जित दिलाए।

बार्सिलोनाले एट्लेटिको मड्रिडलाई हरायो

काठमाडौं । युगान्डामा जारी चार देशीय सिरिज अन्तर्गत तेस्रो स्थानका लागि आज नेपाल र हङकङ भिड्दै छन्। उक्त खेल नेपाली समयअनुसार दिउँसो १२स्४५ बजेदेखि सुरु हुनेछ। यस सिरिजमा नेपालले ६ खेलेको थियो। जसमा २ खेलमा जितेको छ भने ४ खेलमा हार व्यहोरेको थियो। नेपालले नामिबियासँगका दुवै खेलमा हार व्यहोरेको थियो भने हङकङ र युगान्डासँग एक एक खेलमा हार व्यहोरेको थियो। नेपालले आयोजक युगान्डा र हङकङलाई एक एक खेलमा पराजित गरेको थियो। त्यस्तै फाइनलमा भने शीर्ष स्थानमा रहेको आयोजक युगान्डा र दोस्रो स्थानमा रहेको नामिबिया आजै खेल्दै छन्।

नेपालले हङकङको सामना गर्दै

काठमाडौँ । किलीयन एम्बाप्पेले दुई गोल गरेपछि स्पेनिस ला लिगामा रियल म्याड्रिडले भिल्ला रियललाई पराजित गरेको छ। शनिबार राति सम्पन्न खेलमा रियलले भिल्लामाथि २-१ को जित हासिल गरेको हो।१-० ले पछि परेको रियलले खेलमा पुनरागमन गर्दै जित हासिल गरेको थियो।रियलका लागि एम्बाप्पेले दुवै गोल गर्दा भिल्लाका लागि जुआन फोयिथले गरे। जितसँगै रियलको २८ खेलमा ६० अंक भएको छ र लिगमा शीर्ष स्थानमा उक्लिएको छ। त्यस्तै दुई खेल कम खेलेको बार्सिलोनाको २६ खेलमा ५७ अंक रहेको छ र दोस्रो स्थानमा रहेको छ। त्यस्तै भिल्ला रियलको २७ खेलमा ४४ अंक रहेको छ र लिगमा पाँचौं स्थानमा रहेको छ।

एम्बापे चम्किँदा रियल शीर्ष स्थानमा

काठमाडौँ, चैत २ गते ।&nbsp; नेपालको चर्चित रेसमध्येको एक मञ्जुश्री ट्रेल रेस (एमटिआर) को पाँचौँ संस्करणमा नेपालका अर्जुन कुलुङ राई विजेता बनेका छन् । मञ्जुश्री ट्रलको प्रमुख इभेन्ट एक सय माइल्स दौड अर्जुनले २६ घन्टा २९ मिनेट २५ सकेन्ड समय लगाएर सबभन्दा चाँडै पार गरे । नेपालकै मिलन कुलुङ राईले २८ः१५ः२५.३ सकेन्ड समय लगातार दोस्रो तथा शेर थारु २८ः४७ः०६.२ सकेन्डसहित तेस्रो भए । विजेता अर्जुनले ७५ हजार, मिलनले ४० हजार र &nbsp;शेरले २० हजार रुपियाँ पुरस्कार पाए ।&nbsp;एक सय किमी दौडमा विशाल राई १३ः२९ः०४ सकेन्ड समय लगार च्याम्पियन बने । सो इभेन्टमा गोपाल तामाङले १३ः३९ः०७ सकेन्ड र निरोज भट्टले १४ः१२ः३५ सकेन्डमा दौड पुरा गरेर दोस्रो र तेस्रो स्थान हासिल गरे । एक सय किमी दौड महिलातर्फ नेपालकी रसिला तामाङ पहिलो भए । रसिलाले १७ः५८ः०५ सकेन्डमा दौड सकाइन् । छोकी शेर्पा १८ः१५ः०५ सकेन्ड समय लगातार दोस्रो भइन् , फ्लेर मोउतज्वले २०:४३:०५ सकेन्ड समय लगाएर तेस्रो स्थान हासिल गर्नुभयो ।। एक सय किमी दौडमा शीर्ष तीन स्थानमा रहने धावकधाविकालाई क्रमशः ५० हजार, २५ हजार र १५ हजार रुपियाँ प्रदान गरिएको थियो ।५० किमी पुरुष दौडमा मानकुमार रोक्का मगर (०६ः४२ः२५ सकेन्ड) पहिलोे, लोकेन्द्र राई (०६ः४६ः३८ सकेन्ड) दोस्रो र धीरबहादुर बुढा (०६ः५९ः५९ सकेन्ड) तेस्रो भए । ५० किमी महिला दौडमा प्रिया राई पहिलो, कल्पना बुढा दोस्रो र राज्य लक्ष्मी रावल तेस्रो भए । प्रियाले निर्धारीत दुरी ०७ः४६ः०५ सकेन्डमा पूरा गरिन् । यसैगरी कल्पनाले ०८ः१६ः०६ सकेन्ड र राज्यलक्ष्मीले ०८ः४०ः५२ सकेन्ड समय लगाए । यस स्पर्धामा शीर्ष तीन स्थानमा रहने धावकधाविकाले क्रमशः ३० हजार, १५ हजार र १० हजार रुपियाँ पुरस्कार प्राप्त गरे ।&nbsp;३० किमी दौडमा राजन मेयोङबा ३ः४३ः०३ सकेन्ड समय लगातार विजेता बने । युवक राज बुढा (४ः०३ः२२ सकेन्ड) दोस्रो र अक्कल बढवाल (४ः३७ः०१ सकेन्ड) तेस्रो भए । ३० किमी महिलातर्फ अस्मी तामाङ ६ः३४ः०३ सकेम्ड समयमा दौड पुरा गरी च्याम्पियन बनिन् &nbsp;कथेरिना हल दोस्रो र रीन्छे दोला लामा तेस्रो भए । कथेरिनाले निर्धारीत दुरी ०८:२४:०६ सकेन्डमा पूरा गरिन् । यसैगरी रीन्छेले ०८ः५३:०० सकेन्ड समय लगाए । यस स्पर्धामा पहिलो देखि तेस्रो हुने क्रमशः २० हजार १० हजार र ५ हजार रुपियाँको हकदार बने ।&nbsp; १० किमी पुरुषतर्फ नेपालका सुमन नापित र महिलातर्फ अमेरिकाकी बोराह लिम विजेता बने । सुमनले ५२ मिनेट ४२ सकेन्डमा निधारीत दृुरी पुरा गरे &nbsp;यसैगरी उदयबहादुर श्रेष्ठ ५३ मिनेट ३० सकेन्डसहित दोस्रो र हरि तामाङ ५५ मिनेट ०२ सकेन्ड सहित तेस्रो भए । अमेरिकी लिमले १० किमी महिला इभेन्ट जित्न ५२ मिनेट ४० सकेन्डमा दौड पुरा गरिन् । सो स्पर्धामा बेल्जियमकी जारा भान रेन्टरगे (१ घन्टा १६ मिनेट १ सकेन्ड) दोस्रो र जर्मनीकी सामन्था नोउभेल (१ घन्टा १८ मिनेट ४० सकेन्ड) तेस्रो भए । नेपाल ओलम्पिक कमिटीका निरज श्रेष्ठले विजेता धावकधाविकाहरुलाई पुरस्कार प्रदान गर्नुभयो ।&nbsp;मञ्जुश्री ट्रेल रेसमा एक सय माइल्समा ८१, १०० किमीमा ५२, ५० किमीमा १३१, ३० किमीमा ९८ र १० किमीमा १९१ धावकधाविकाले सहभागिता जनाएका थिए ।

मञ्जुश्री ट्रेल रेसमा अर्जुन विजेता

काठमाडौं । चिनियाँ नयाँ वर्षको अवसरमा नेपाल र चीनबीचको प्रदर्शनी खेलको क्रममा खुट्टा भाँचिएका आशिष राईको सहयोगमा कुल ३ लाख १५ हजार रकम संकलन गरिएको छ। रोयल नेपाल एफसी, फोर्थवर्थ राइजिङस्टार, राहुल भट्टराई, डीएफडब्ल्यू, हिमालय एफसी, आशिष भट्टराई र टोली, युलेस रोयल एफसी र अभियानलाई समर्थन गर्ने विभिन्न संस्था, क्लब र व्यक्तिहरूको योगदानका फल स्वरूप यो पहल सम्भव भएको हो। शनिबार सातदोवाटो स्थित एन्फा कम्प्लेक्समा पुरुष राष्ट्रिय टोलीका कप्तान किरण चेम्जोङलेले उक्त रकम राईलाई हस्तान्तण गरेका छन्।&nbsp; प्रलयराज भण्डारीको नेतृत्वमा सुरु भएको अभियानमा चेम्जोङले थप रु १५,००० बराबरको आवश्यक सामाग्री प्रदान गरे।&nbsp;

आशिषलाई ३ लाख १५ हजार सहयोग

चैत २ गते, काठमाडौं। अन्तर उपत्यका क्लबस्तरीय ह्विलचियर बास्केटबल प्रतियोगितामा चैत ४ गतेदेखि सुरु हुने भएको छ। नेपाल स्पाइनल कर्ड इन्जरी खेलकुद संघ (एनएससिआइए) को आयोजनामा हुने प्रतियोगिता त्रिपुरेश्वरस्थित राष्ट्रिय खेलकुद परिषद् (राखेप) कभर्ड हलमा चैत ४ र ५ गते हुने तय भएको हो। संघले गोकर्णेश्वर नगरपालिका ६, नारायणटारमा शनिबार पत्रकार सम्मेलन गर्दै प्रतियोगिताको सम्पूर्ण तयारी पूरा भएको जानकारी दिएको छ। संघका अनुसार दुई दिन चल्ने प्रतियोगितामा पुरुषतर्फ सात र महिलातर्फ ६ गरी १३ टोलीले सहभागिता जनाउने पक्का भएको हो। प्रतियोगितामा सहभागी टोलीलाई दुई समूहमा विभाजन गरिएको छ। प्रतियोगिताका टेक्निकल हेड तथा कमिस्नर प्रेमसुन्दर होनाका अनुसार पुरुषतर्फ समूह ‘ए’ मा दुई विभागीय टोली एपिएफ र आर्मीसहित इस्पाइनल कट इन्जरी नेटवर्क नेपाल (एससिआइएनएन) र ह्विलचियर स्पोर्ट्स एसोसिएसन (डब्ल्युएसए) छन्। अर्को समूहमा बिआइए, नेपाल आदिवासी जनजाती अपांग संघ (एनआइडिए) र आयोजक टोली एनएससिआइए छन्। महिलातर्फ भने समूह ‘ए’ मा एससिआइएनएन, राष्ट्रिय आदिवासी अपांग महिला संघ नेपाल (निडवान) र आयोजक टोली एनएससिआइए छन्। अर्को समूहमा जावलाखेल ह्विलचियर स्पोर्ट्स क्लब (जिडब्युएससी), डब्ल्युएसए र बिआइए छन्। लिग कम नकआउट आधारमा हुने प्रतियोगिताको पहिलो दिन १५ खेल हुनेछन्। यी सबै लिग चरणका खेल सकिएसँगै दोस्रो दिन सेमिफाइनल, फाइनल, तेस्रो र चौथो स्थानका लागि प्रतिस्पर्धा हुने टेक्निकल हेड होनाले जानकारी दिए। हरेक समूहका शीर्ष दुई टोली सेमिफाइनल प्रवेश गर्नेछन्। सेमिफाइनल विजेताले फाइनलमा स्थान बनाउने छन्। ‘पराजित हुने दुई/दुई टोलीले तेस्रो स्थानका लागि प्रतिस्पर्धा गर्नेछन्,’ उनले भने। प्रतियोगिताको पहिलो खेलमा पुरुषतर्फ एपिएफ र एससिआइएनएन भिड्ने छन्। महिलातर्फ जावलाखेलले डब्ल्युएसएलाई चुनौती प्रस्तुत गर्नेछन्। संघका अध्यक्ष देवी आचार्यका अनुसार महिला र पुरुष दुवै टिमको विजेताले ५० हजार रुपैयाँ प्राप्त गर्नेछन्। दोस्रोले ४० र तेस्रोले ३० हजार रुपैयाँ पाउने छन्। प्रतियोगिताको हाइ स्कोरर र सर्वोत्कृष्ट खेलाडीले समान तीन हजार रुपैयाँ प्राप्त गर्नेछन्। यस प्रतियोगितामा सहभागी हुने सबै खेलाडीलाई जर्सीसहित प्रतिदिन एक हजार रुपैयाँ दरले यातायात खर्च र खाना खाजासमेत उपलब्ध गराइने उनले जानकारी दिइन्।यस प्रतियोगिता सम्पन्न गर्न १२ लाख २९ हजार रुपैयाँ लाग्ने आचार्यले जानकारी दिइन्। ‘मिति सर्दै जाँदा बल्लतल्ल ४ र ५ गते समय पाएका हौं। त्यसैले अनिश्चितता हुँदा तयारीका लागि पर्याप्त समय नै पाइनौं। छोटो समयमै विभिन्न निकायहरूमा आर्थिक सहयोग गर्न अनुरोध गरेका थियौं। तर, त्यसअनुसार सहयोग पाएनौं,’ उनले भनिनन्। उनका अनुसार युवा तथा खेलकुद मन्त्रालय बागमती प्रदेश र प्रदेश खेलकुद विकास परिषद्बाट मात्रै सहयोग प्राप्त भएको छ। हालसम्म १० लाख रुपैयाँ उठेको अध्यक्ष आचार्यले जानकारी दिइन्। यसपल्ट राखेपले भेन्यु उपलब्ध गराएको छ। यस्तै, नेपाल बास्केटबल संघ र एनएससिआइएले सहकार्य गर्नेछन्। पत्रकार सम्मेलनमा संघका अध्यक्ष आचार्य र टेक्निकल हेड होना, महासचिव राजु खड्का, उपाध्यक्ष सुन्दर राई, सचिव रवीन्द्र खड्का, वरिष्ठ सदस्य अनन्त राईलगायतको उपस्थिति थियो।

क्लबस्तरीय ह्विलचियर बास्केटबल चैत ४ देखि

काठमाडौं। तेस्रो संस्करणको नेपाल सुपर लिग (एनएसएल)को उद्घाटन खेलमा साबिक विजेता ललितपुर एफसी र पहिलो संस्करणको विजेता काठमाडौं रेजर्स भिड्ने भएका छन्। आयोजक नेपाल स्पोर्ट्स एन्ड इभेन्ट्स म्यानेजमेन्ट (एनएसइएम) शुक्रबार खेल तालिका सार्वजनिक गर्दै उक्त जानकारी दिएको हो। प्रतियोगिता चैत १६ देखि बैशाख १३ गतेसम्म हुने तय छ। ललितपुर र काठमाडौं खेल साँझ ६ बजे हुनेछ। बैशाख ४ गतेसम्म सिंगल राउन्ड रोबिनमा लिग चरणका खेल हुनेछन्। २१ खेल हुनेछन्। प्रतियोगितामा यसपल्ट साबिक विजेता ललितपुर सिटी एफसीसँगै झापा एफसी, एफसी चितवन, काठमाडौं रेजर्स एफसी, ललितपुर सिटी एफसी, पोखरा थन्डर्स एफसी, बुटवल लुम्बिनी एफसी र धनगढी एफसीले सहभागिता जनाउने आयोजकले पक्का गरिसकेको छ। वीरगञ्ज युनाइटेड एफसी र स्पोर्टिङ इलाम डे मेची एफसीले भने तेस्रो संस्करण नखेल्ने भएका छन्। सहभागी सात टोलीले प्रशिक्षक, मार्की, कप्तान र खेलाडी अनुबन्ध गरिसकेका छन्। केही टोलीले भने नियमित प्रशिक्षणसमेत थालिसकेका छन्। लिग चरणका उत्कृष्ट दुई टोलीले पहिलो क्वालिफायर खेल्नेछन्। यो खेल बैशाख ६ गते हुनेछ। तेस्रो र चौथो स्थानमा रहने टोलीले भने दोस्रो क्वालिफायर खेल्नेछन्।&nbsp; पहिलो क्वालिफायरको विजेताले सिधै फाइनलमा स्थान बनाउने छ। पहिलो क्वालिफायरमा पराजित भएको टोली र दोस्रो क्वालिफायर विजेता टोलीले इलिमिनेटरमा प्रतिस्पर्धा गर्नेछन्। विजेता टोलीले फाइनलमा स्थान बनाउने छ। दोस्रो क्वालिफायर बैशाख ७ गते हुनेछ। इलिमिनेटर बैशाख १० र फाइनल बैशाख १३ गते हुनेछ।

Nepal Sports

MENU

FOOTBALL LEAGUE

FAVORITE CLUB

⚽ Upcoming Matches

🎖 Recent Matches

📰 Recent News