Armed Police Force

काठमाडौं। एन्फा राष्ट्रिय लिग अन्तर्गत सातदोबाटो युथ क्लब र नव जनजागृति युवा क्लबबीचको खेल बराबरीमा टुंगिएको छ। सातदोबाटोस्थित एन्फा कम्प्लेक्समा शनिबार सम्पन्न खेलमा दुवै टोलीले १–१ गोल गर्दै अंक बाँडेका हुन्। खेलको २६औं मिनेटमा बिक्रम ठोकरले गोल गर्दै नव जनजागृति युवा क्लबलाई अग्रता दिलाएका थिए। तर दोस्रो हाफको ४८औं मिनेटमा अरुण लामाले गोल फर्काउँदै सातदोबाटो युथ क्लबलाई खेलमा फर्काए। त्यसपछि दुवै टोलीले थप गोलका अवसर सिर्जना गरे पनि त्यसलाई सदुपयोग गर्न नसक्दा खेल १–१ को बराबरीमा सकियो। बराबरीसँगै दुवै टोलीले १–१ अंक बाँडेका छन्।

सातदोबाटो र नव जनजागृतिले अंक बाँडे

काठमाडौं । २०८२ साल फागुन ३० गते शनिबार चेस बोर्डमा ४३ वर्षयता नियमित चुनौती दिइरहेका नवाीन तन्डुकरलाई हिमालयन लाइफटाइम अचिभमेन्ट अवार्ड प्रदान गरिएको छ । उक्त अवार्ड हिमालयन चेस एकेडेमीको दोस्रो बार्षिकोत्सवको अवसरमा शनिबार प्रदान गरिएको हो । रोयल सिंगीहोटलमा आयोजित कार्यक्रममा २०४५ साल (सन् १९८८) को राष्ट्रिय बुद्धिचाल प्रतियोगिताका च्याम्पियन तन्डुकरलाई अवार्ड तथा नगद पुरस्कार नेपाल ओलम्पिक कमिटिका अध्यक्ष जीवनराम श्रेष्ठ र हांस्यकलाकार मदनकृष्ण श्रेष्ठले प्रदान गरे । संकटा क्ल्बबाट सहिद स्मारक ए डिभिजन लिग खेलेका ६६ वर्षीय तन्डुकरले यो सम्मान आफ्नो जीवनकै सबभन्दा महत्वपूर्ण भएको बताए । राष्ट्रिय यू ८ चेस च्याम्पियन शुभांग प्रधानले प्लेयर अफ द इयर २०२५ अवार्ड हात पारे । निहाना श्रेष्ठ क्वीन अफ दि हिमालयज २०२५ घोषित् भइन् । त्यस्तै, प्रसित खनालले रेटिङ एक्सिलेन्स अवार्ड, प्रवीर केसीले हिमालयन ट्याक्टिकल टाइटन, सात्विकमान तुलाधरले हिमालयन एरिना अवार्ड, नायुमा मगरले कम्युनिटी सर्भिस अवार्ड, आयन जोशीले स्पेसल अवार्ड, अरिज राईले हिमालयन स्पिरिट अवार्ड र लियोन महर्जनले फेयर प्ले अवार्ड प्राप्त गरे । विराज सारडाले इमर्जिङ प्लेयर अफ दि इयर २०२५ जिते । परराष्ट्र मन्त्रालयका सहसचिव गेहेन्द्र राजभण्डारी (युरोपोयिन युनियनका लागि पूर्वराजदूत पनि हुन्), राष्ट्रिय खेलकुद परिषद (राखेप) का पूर्वसदस्यसचिव टंकलाल घिसिङ, सूर्य नेपालका उपमहानिर्देशक ईश्वर गौतम, सिक्किम ओलम्पिक संघका सहसचिव महेन्द्र ढकाललगायतले सन् २०२५ का उत्कृष्ट चेस खेलाडीहरूलाई प्रदान गरे । त्यसअघि पूर्वयुवा तथा खेलकुद मन्त्री विराजभक्त श्रेष्ठ र हिमालयन चेस एकेडेमीकी संस्थापक मोनालिशा खम्बूले २०८३ सालको नयाँ क्यालेन्डर सार्वजनिक गरेका थिए । कार्यक्रममा राखेपका पूर्वसदस्यसचिव रमेशकुमार सिलवाल, लक्ष्मी सनराइज बैंकका वरिष्ठ उपकार्यकारी प्रमुख सुमेद भट्टराई, राष्ट्रिय पुरुष क्रिकेट टिमका पूर्वकप्तान ज्ञानेन्द्र मल्ल, एतिहास रच्दै आएकी कराते खेलाडी एरिका गुरुङ र प्रशिक्षक कुशल श्रेष्ठ, पर्वतारोही पूर्णिमा श्रेष्ठ, हिमालयन आउटडोर प्रोजेक्टका सहसंस्थापक अनुप गुरुङ, राखेपका कार्यकारी सदस्य सुवर्ण श्रेष्ठ, सदस्य कुमार लामा घिसिङ, काठमाडौं महानगर ४ का वडाध्यक्ष दिनेश महर्जनलगायतको उपस्थिति रहेको थियो । एकेडेमीकी संस्थापक खम्बूले दुई वर्षयता गरेको काम र कार्ययोजनाबारे विस्तृत प्रस्तुती दिएकी थिइन् । एकेडेमीले हिमालयन क्वीन्स ग्याम्बिटको दोस्रो संस्करण आइतबार काठमाडौं ११ स्थित थापाथली चेस पार्कमा आयोजना गर्दैछ । विश्व चेस महासंघको ‘फिडे वुमेन्स चेस म्याराथन’ अन्तर्गतको अफिसियल प्रतियोगिताको रुपमा हुने हिमालयन क्वीन्स ग्याम्बिटमा एक सय बढी खेलाडीले प्रतिस्पर्धा गर्ने बताइएको छ । एकेडेमीको यो १४ औं प्रतियोगिता हुनेछ ।

हिमालयन लाइफटाइम अचिभमेन्ट अवार्डबाट नवीन तन्डुरकार सम्मानित

खेलकुद पत्रकार मञ्च गण्डकीको आयोजना र प्रेस रजिष्टारको कार्यालय गण्डकीप्रदेशको सहयोगमा आज देखी शुरु भएको तालिमको गण्डकी प्रदेशका पे्रस रजिष्टार एबं कार्यक्रमका प्रमुख अतिथि &nbsp;विमला भण्डारीले उद्घाटन गरेकी छिन् । तालिमको उदघाटन गर्दै प्रमुख अतिथि भण्डारीले &nbsp;खेलकुद पत्रकारीता तालिमका माध्यम बाट गण्डकी प्रदेशको खेल क्षेत्रमा भएका खेल गतिबिधि सहित समग्र खेलकुदको बिकासका लागी महत्वपूर्ण योगदान पुग्ने बताइन् ।&nbsp;&nbsp;कार्यक्रममा नेपाल पत्रकार महासंघ कास्कीका अध्यक्ष माधब बरालले कास्की जिल्लामा रहेर बिभिन्न सञ्चार मिडियामा कलम चलाउने पत्रकार हरुका लागी खेलकुद पत्रकारीता तालिमले अन्य समाचार संगै खेलकुद समाचार लेखन शैलीमा बलियो आधार बन्नेमा सहयोग पुग्ने धारणा राखे।&nbsp; सो अबसरमा मञ्चका अध्यक्ष एबं कार्यक्रका सभापति मान बहादुर घर्ति (एमवि आस्था) मगरले गण्डकी प्रदेशको पोखरा पछिल्लो समय खेलकुदको हव बन्दै गएकाले स्थानिय उदियमान खेलाडी देखी अन्तराष्ट्रिय खेलाडीले समेत पोखरमा बिभिनन बिद्यामा खेल्ने गरेकाले खेलाडी तथा खेल प्रशिक्षक एबं खेलप्रमी हरुको हौसला बढाउने र खेलकुद सम्बन्धि समाचार लेखन बृद्धिका लागी तालिमको आयोजना गरिएको धारणा राखे।

नेपाल खेलकुद पत्रकार हरुको क्षमता अभिबृद्धिका लागी दुईदिने खेलकुद पत्रकारीता तालिम

निकोलस पेपेले दोस्रो हाफको इन्ज्युरी समयको आठौं मिनेटमा नाटकीय रूपमा गरेको गोलको मदतले भिल्लारियलले स्पेनी ला लिगामा शुक्रबार एलाभेसलाई १–१ को बराबरीमा रोकेको छ । पेपेले खेलको अन्तिम क्षणमा गोल गरेका हुन् । यससँगै टिम निश्चित देखिएको हारबाट जोगिएको थियो । यसअघि राजभन मारिनको आत्मघाती गोलमा एलाभेस ४० औं मिनेटमा अगाडि रहेको थियो । यो नतिजापछि भिल्लारियल २८ खेलबाट ५५ अंकमा तेस्रो स्थानमा रह्यो । एलाभेस भने २८ अंकमा १६ औं स्थानमा छ र उसमाथि रेलिगेसनको दबाब कायम छ । एक खेल कम खेलेको एटलेटिको म्याड्रिड ५४ अंकमा चौथोमा छ । बार्सिलोना ६७ र रियल म्याड्रिड ६३ अंकमा शीर्ष दुई स्थानमा रहेका छन् ।

पेपेले गरे भिल्लारियलको उद्धार

काठमाडौं। एन्फा राष्ट्रिय लिग अन्तर्गत मनाङ मर्स्याङ्दी क्लब र लालीगुराँस एसोसिएसन क्बल बराबरीमा रोकिएका छन्। त्रिपुरेश्वरस्थित दशरथ रंगशालामा शुक्रबार सम्पन्न खेलमा दुवै टोलीले गोल गर्न नसक्दा खेल गोलरहित बराबरीमा टुंगिएको हो। खेलभरि दुवै टोलीले अवसर सिर्जना गरे पनि त्यसलाई गोलमा परिणत गर्न सकेनन्। जसका कारण दुवै टोलीले ०–० को बराबरी खेल्दै अंक बाँडे। यस बराबरीसँगै मनाङ मर्स्याङ्दी क्लब र लालीगुराँस एसोसिएसनले समान एक–एक अंक जोडेका छन्।

मनाङ र लालीगुराँस गोलरहित बराबरीमा रोकिए

काठमाडौं । एन्फा राष्ट्रिय लिग अन्तर्गत मच्छिन्द्र फुटबल क्लबले विभागीय टोली नेपाल पुलिस क्लबमाथि कठिन जित दर्ता गरेको छ। त्रिपुरेश्वरस्थित दशरथ रंगशालामा शुक्रबार सम्पन्न खेलमा मच्छिन्द्रले पुलिसलाई १–० गोलले पराजित गरेको हो। मच्छिन्द्रको जितमा अबिनाश स्याङतानले गरेको एकमात्र गोल निर्णायक बन्यो। उनले खेलको ३४औँ मिनेटमा गोल गर्दै टोलीलाई अग्रता दिलाएका थिए। पहिलो हाफमा प्राप्त उक्त अग्रता मच्छिन्द्रले अन्तिमसम्म जोगाउन सफल भयो। दोस्रो हाफमा पुलिसले बराबरी गोलका लागि केही राम्रो अवसर सिर्जना गरे पनि त्यसलाई सदुपयोग गर्न नसक्दा खेलमा फर्किन सकेन। यस जितसँगै मच्छिन्द्रले १० खेलबाट २५ अंक जोड्दै अंक तालिकाको शीर्ष स्थानमा उक्लिएको छ। समान खेल खेलेको नेपाल पुलिस क्लब भने ८ अंकमै सीमित रहेको छ।

अबिनाशको निर्णायक गोलमा पुलिसमाथि मच्छिन्द्रको कठिन जित

काठमाडौं । एन्फा राष्ट्रिय लिग अन्तर्गत प्लानिङ ब्वाइज युनाइटेडले उत्कृष्ट पुनरागमन गर्दै जित हात पारेको छ। सातदोबाटोस्थित एन्फा कम्प्लेक्समा शुक्रबार सम्पन्न खेलमा प्लानिङ ब्वाइजले चित्लाङ एफसीलाई ५–२ गोलले पराजित गरेको हो। प्लानिङको जितमा पापा इबु केबेले दुई गोल गरे भने एलेक्स विलेनि, निङ्मा गुरुङ र प्रतापसिंह राईले समान एक–एक गोल थपे। खेलको २२औं मिनेटमा सोलोमो इलिसाबिले गोल गर्दै चित्लाङलाई अग्रता दिलाएका थिए। उनले नै ३९औं मिनेटमा व्यक्तिगत दोस्रो गोल गरेका थिए। तर त्यसपछि प्लानिङ ब्वाइजले शानदार पुनरागमन गर्दै लगातार गोल गर्दै खेल आफ्नो पक्षमा पार्यो। यस जितसँगै ११ खेलबाट प्लानिङ ब्वाइजले २२ अंक जोडेको छ। समान खेल खेलेको चित्लाङ एफसीको भने ७ अंक मात्रै रहेको छ।

चित्लाङमाथि प्लानिङ ब्वाइजको शानदार पुनरागमन

काठमाडौं। अखिल नेपाल फुटबल संघद्वारा आयोजित राष्ट्रिय लिग २०८२ अन्तर्गत आज तीन खेल हुँदैछन्।&nbsp; दिनको पहिलो खेल एन्फा कम्प्लेक्समा बिहान १० बजे प्लानिङ ब्वाइज युनाइटेड र चित्लाङ फुटबल क्लबबीच हुनेछ। यस्तै दोस्रो खेल त्रिपुरेश्वरस्थित दशरथ रंगशालामा दिउँसो २ बजे नेपाल पुलिस क्लब र मच्छिन्द्र फुटबल क्लबबीच प्रतिस्पर्धा हुनेछ। दिनको तेस्रो तथा अन्तिम खेल पनि दशरथ रंगशालामै साँझ ६ बजे हुनेछ, जहाँ मनाङ मर्स्याङ्दी क्लब ले ललिगुराँस एसोसिएसन सँग खेल्ने तालिका रहेको छ। राष्ट्रिय लिगका आजका तीनै खेल रोमाञ्चक हुने अपेक्षा गरिएको छ।&nbsp;

राष्ट्रिय लिग: आज तीन खेल हुँदै

काठमाडौं। एन्फा राष्ट्रिय लिग अन्तर्गत संकटा फुटबल क्लबले श्री भगवती क्लबलाई पराजित गरेको छ। त्रिपुरेश्वरस्थित दशरथ रंगशाला मा बिहीबार सम्पन्न खेलमा संकटाले भगवतीलाई १–० गोलले हराएको हो। संकटाको जितमा ६९औँ मिनेटमा कृष्णबहादुर आलेले गरेको गोल नै निर्णायक बन्यो। पहिलो हाफमा दुवै टोलीले केही अवसर सिर्जना गरे पनि गोल भने हुन सकेन। दोस्रो हाफको अन्त्यतिर भगवतीले काउन्टर आक्रमण गर्दै बराबरी गोलको प्रयास गरेको थियो। तर अवसरलाई सदुपयोग गर्न नसक्दा उसले हार बेहोर्न बाध्य भयो। यस जितसँगै संकटाले १० खेलबाट १३ अंक जोड्दै अंकतालिकाको आठौँ स्थानमा उक्लिएको छ। पराजित भगवती भने समान खेलबाट ८ अंकसहित १३औँ स्थानमा रहेको छ।

संकटाले भगवतीलाई हरायो

काठमाडौं। अखिल नेपाल फुटबल संघ (एन्फा) ले शहीद स्मारक एन्फा महिला लिगको तालिका सार्वजनिक गरेको छ। तालिका अनुसार प्रतियोगिता चैत ४ गते देखि ललितपुरको च्यासल रंगशालामा सुरु हुनेछ। उद्घाटन खेलमा न्यू रोड टिम र संकटा एफसी बिहान ११ बजे भिड्नेछन्। यस्तै दोस्रो खेलमा त्रिभुवन आर्मी एफसी र झापा एफसी बीच दिउँसो ३ बजे प्रतिस्पर्धा हुनेछ। लिगमा न्यू रोड टिम, त्रिभुवन आर्मी एफसी, बागमती युथ क्लब, नेपाल पुलिस क्लब, राप्ती एफसी, एपीएफ एफसी, चर्च ब्वाइज युनाइटेड, आरएस पोखरा, झापा एफसी र संकटा एफसी गरी १० टोली सहभागी छन्। प्रतियोगिताका सबै खेल च्यासल मैदानमै हुनेछन्।<img src="https://app.nepalsportz.com/media/django-summernote/2026-03-12/46716d4b-2790-4fab-8c1d-3c46754708b3.jpeg" style="width: 698px;"> <img src="https://app.nepalsportz.com/media/django-summernote/2026-03-12/4dc6d825-6fdc-4753-b909-e2f35d7cf5c8.jpeg" style="width: 698px;">

एन्फा महिला लिग : उद्घाटन खेलमा एनआरटी र संकटा भिड्ने

काठमाडौं। एन्फा राष्ट्रिय लिगअन्तर्गत चर्च ब्वाइज युनाइटेडले काक्रेबिहार क्लबमाथि कठिन जित हात पारेको छ। सातदोबाटोस्थित एन्फा कम्प्लेक्समा बिहीबार सम्पन्न खेलमा चर्च ब्वाइजले काक्रेबिहारलाई २–१ गोलअन्तरले पराजित गरेको हो। चर्च ब्वाइजको जितमा रिचर्ड कोफी जुनियर विल्सनले दुई गोल गरे। काक्रेबिहारका लागि सुदेन विक्रम सिंह विश्वकर्माले एक गोल फर्काए। रिचर्डले खेलको सातौँ र ३९औँ मिनेटमा गोल गर्दै पहिलो हाफमै चर्च ब्वाइजलाई २–० को अग्रता दिलाएका थिए। दोस्रो हाफको ६६औँ मिनेटमा सुदेनले गोल गर्दै काक्रेबिहारलाई २–१ को अवस्थामा ल्याए। त्यसपछि बाँकी समयमा दुवै टोलीबाट थप गोल हुन नसक्दा चर्च ब्वाइज विजयी भयो। यस जितसँगै चर्च ब्वाइज ९ खेलबाट २२ अंकसहित तालिकाको दोस्रो स्थानमा उक्लिएको छ। समान खेलबाट १ अंक मात्र जोडेको काक्रेबिहार भने तालिकाको पुछारबाट दोस्रो स्थानमा रहेको छ।

काक्रेबिहारमाथि चर्च ब्वाइजको जित

काठमाडौं। अखिल नेपाल फुटबल संघद्वारा सञ्चालन भइरहेको एन्फा राष्ट्रिय लिग अन्तर्गत आज तीन खेल हुँदैछन्। दुई खेल त्रिपुरेश्वरस्थित दशरथ रंगशालामा हुनेछन् भने एक खेल सातदोबाटोस्थित एन्फा कम्प्लेक्समा आयोजना गरिनेछ। दिनको पहिलो खेल बिहान १० बजे एन्फा कम्प्लेक्स सातदोबाटोमा हुनेछ। उक्त खेलमा चर्च ब्वाइज युनाइटेड क्लब र कर्णाली प्रदेशको काक्रेबिहार युथ क्लब आमनेसामने हुनेछन्। त्यसपछि दिउँसो २ बजे दशरथ रंगशालामा संकटा फुटबल क्लब र श्री भगवती क्लबबीच प्रतिस्पर्धा हुनेछ। दिनको अन्तिम खेल साँझ ६ बजे दशरथ रंगशालामै हुनेछ, जहाँ विभागीय डर्बीमा नेपाल पुलिस क्लब र त्रिभुवन आर्मी फुटबल क्लब आमनेसामने हुनेछन्।

राष्ट्रिय लिगमा आज तीन रोमाञ्चक खेल हुँदै

रियल म्याड्रिडले युरोपेली च्याम्पियन्स लिगको अन्तिम १६ को पहिलो लेगमा बुधबार म्यानचेस्टर सिटीलाई ३–० ले पराजित गरेको छ र प्रतियोगिताको लिग चरणमा सिटीसँग बेहारेको हारको बदला पनि लिएको छ । त्यसमा फेडरिक भाल्भेरडेको ह्याट्रिक गरे । युरोपेली क्लब फुटबलको सबैभन्दा ठूलो प्रतियोगितामा इंग्लिस प्रिमियर लिग टिमको खराव प्रदर्शन फेरि कायम रह्यो । यसक्रममा डिफेन्डिङ च्याम्पियन पेरिस सेन्ट जर्मेन (पीएसजी) ले पनि चेल्सीमाथि प्रभावशाली ५–२ को जित रच्यो । आर्सनलले आफ्नो अपराजित याक्रा कायम राख्ने त्रममा बायर लेभरकुजनलाई १–१ को बराबरीमा रोक्यो । आर्सनललाई हारबाट जोगाउन काइ हाभरटेजले ८९ औं मिनेटमा पेनाल्टीबाट बराबरी गोल गरेका हुन् । बोडो/गिल्म्टले आफ्नो अविश्वसनइि याक्रा कायम राख्ने त्रममा स्पोर्टिङ लिस्वनलाई ३–० ले हरायो ।

सिटीमाथि रियलको मीठो बदला

काठमाडौं। एन्फा राष्ट्रिय लिग अन्तर्गत बुधबार सम्पन्न खेलमा सातदोबाटो युथ क्लबले अन्तिम समयमा गोल गर्दै जावलाखेल युथ क्लबसँग बराबरी खेलेको छ। सातदोबाटोस्थित एन्फा कम्प्लेक्समा भएको दिनको दोस्रो खेलमा जावलाखेल र सातदोबाटोले १–१ गोलको बराबरी गर्दै अंक बाँडेका हुन्। खेलको २२औँ मिनेटमा बुबाकार सिसोखोको गोलबाट जावलाखेलले अग्रता लिएको थियो। पहिलो हाफमा अग्रता बनाएको जावलाखेलले खेलको अन्तिम समयसम्म त्यो अग्रता जोगाइराखे पनि इन्जुरी समयमा सम्हालिन सकेन। इन्जुरी समयमा जगजित श्रेष्ठले सुन्दर गोल गर्दै सातदोबाटोलाई हारबाट जोगाएका थिए। यो नतिजासँगै दुवै टोलीले एक–एक अंक बाँडेका छन्।

जगजित श्रेष्ठको गोलमा सातदोबाटो हारबाट जोगियो

काठमाडौं। अन्तर्राष्ट्रिय क्रिकेट परिषद् (आईसीसी) ले टी–२० विश्वकपको पुरस्कार रकम सार्वजनिक गरेको छ। कुल १ करोड १२ लाख ५० हजार अमेरिकी डलर खेलाडी पुरस्कार रकममध्ये नेपालले २ लाख ५६ हजार १५४ अमेरिकी डलर प्राप्त गरेको छ। हालको विनिमयदर अनुसार यो रकम करिब ३ करोड ७७ लाख रुपैयाँ बराबर हुन्छ। परिषद्ले सार्वजनिक गरेको विवरण अनुसार भारतले सबैभन्दा धेरै २६ लाख ३९ हजार ४२३ अमेरिकी डलर प्राप्त गरेको छ। दोस्रो स्थानमा रहेको न्युजिल्याण्डले १४ लाख २२ हजार ६०२ अमेरिकी डलर पाउँदा दक्षिण अफ्रिकाले १० लाख ५ हजार ५७७ अमेरिकी डलर पाएको छ। त्यस्तै इङ्ग्ल्यान्डले ९ लाख ७४ हजार ४२३, वेस्ट इन्डिजले ५ लाख ३८ हजार २६९, पाकिस्तानले ५ लाख २२ हजार ६९२ र जिम्बाब्वेले ४ लाख ९१ हजार ५३८ अमेरिकी डलर पुरस्कार प्राप्त गरेका छन्। नेपालसँगै इटाली, नेदरल्याण्ड्स र संयुक्त अरब इमिरेट्सले समान २ लाख ५६ हजार १५४ अमेरिकी डलर प्राप्त गरेका हुन्। परिषद्का अनुसार सन् २०२४ मा गरिएको पुरस्कार रकम वृद्धिलाई निरन्तरता दिँदै यसपटक कुल पुरस्कार रकम १ करोड १२ लाख ५० हजार अमेरिकी डलर पुर्‍याइएको हो।

टी–२० विश्वकप: एक खेल जितेको नेपाललाई करिब ३ करोड ७७ लाख रुपैयाँ पुरस्कार

काठमाडौं। साफ २० वर्षमुनि च्याम्पियनसिपमा नेपालले आफ्नाे पहिलाे खेल भुटानसँग खेल्ने भएकाे छ। दक्षिण एसियाली फुटबल महासंघले सार्वजनिक गरेको खेल तालिकाअनुसार नेपालले चैत १० गते भुटानसँग खेल्दै प्रतियोगिताको सुरुआत गर्नेछ। माल्दिभ्सको राजधानी मालेस्थित राष्ट्रिय रंगशालामा चैत १० देखि चैत २१ गतेसम्म प्रतियोगिता सञ्चालन हुनेछ। नेपाल अघिल्लो संस्करणको उपविजेता टोली हो। सन् २०२४ मा नेपालमै भएको फाइनलमा बंगलादेशसँग ४–१ ले पराजित हुँदै नेपाल उपाधिबाट वञ्चित भएको थियो। त्यही टोली सम्हालेका उर्जन श्रेष्ठ यसपटक पनि मुख्य प्रशिक्षकको भूमिकामा छन्। नेपालले धर्बेन्द्र कुँवरको कप्तानीमा प्रतियोगिता खेल्नेछ।&nbsp; नेपाल समूह ‘क’ मा रहेको छ। यस समूहमा आयोजक माल्दिभ्स, श्रीलंका र भुटान रहेका छन्। नेपालले दोस्रो खेल चैत १२ गते श्रीलंकासँग खेल्नेछ भने समूह चरणको अन्तिम खेल चैत १४ गते माल्दिभ्ससँग हुनेछ। समूह ‘ख’ मा बंगलादेश, भारत र पाकिस्तान रहेका छन्। समूह चरणपछि दुवै समूहका शीर्ष दुई टोली सेमिफाइनलमा प्रवेश गर्नेछन्।

साफ २० वर्षमुनि च्याम्पियनसिप: नेपालको पहिलो खेल भुटानसँग

काठमाडौं। एन्फा राष्ट्रिय लिगअन्तर्गत न्युरोड टिम (एनआरटी) अन्तिम समयमा अग्रता जोगाउन नसक्दा अंक बाँड्न बाध्य भएको छ। सातदोबाटोस्थित एन्फा कम्प्लेक्समा बुधबार सम्पन्न खेलमा एनआरटी लालीगुराँस एसोसिएसन क्लबसँग १–१ गोलको बराबरीमा रोकिएको हो। खेलको २६औँ मिनेटमा कप्तान अञ्जन विष्टले गोल गर्दै एनआरटीलाई पहिलो हाफमै अग्रता दिलाएका थिए। तर निर्धारित समयको अन्तिम मिनेटमा आशिष गुरुङले गोल फर्काउँदै लालीगुराँसलाई १–१ को बराबरीमा ल्याए। यो बराबरीसँगै एनआरटी १९ अंकसहित सातौँ स्थानमा रहेको छ भने समान खेलबाट लालीगुराँस २० अंकसहित तेस्रो स्थानमा उक्लिएको छ।

अग्रता जोगाउन नसक्दा एनआरटी अंक बाँड्न बाध्य

काठमाडौं। एन्फा राष्ट्रिय लिग अन्तर्गत आज पनि दुई खेल आयोजना हुँदैछन्। सातदोबाटोस्थित एन्फा कम्प्लेक्समा हुने पहिलो खेलमा न्यूरोड टिम (एनआरटी) ले लालीगुँरास एसोसिएसन क्लबसँग खेल्नेछ। यो खेल दिउँसो १२स्१५ बजेबाट सुरु हुनेछ। जारी लिगमा ९ खेल खेलेको लालीगुँरासको १९ अंक रहेको छ भने समान ९ खेल खेलेको एनआरटीको १८ अंक रहेको छ। दुवै टोली जित निकाल्दै तालिकामा आफ्नो स्थान मजबुत बनाउने लक्ष्यमा रहनेछन्। आजै हुने दोस्रो खेलमा दिउँसो ४ बजे जावलाखेल युथ क्लब र सातदोबाटो युथ क्लब आमनेसामने हुनेछन्। जारी लिगमा ८ खेल खेलेको जावलाखेलको ९ अंक रहेको छ। यता ७ खेल खेलेको सातदोबाटो युथ क्लब ६ अंकसहित तालिकाको १५औँ स्थानमा रहेको छ।

राष्ट्रिय लिगमा आज दुई खेल हुँदै

इंग्लिस क्लबका लागि खराव सावित दिन बायर्न म्युनिक र एटलेटिको म्याड्रिडले युरोपेली च्याम्पियन्स लिग अन्तिम १६ को पहिलो लेगको खेलमा मंगलबार आफूलाई बलियो स्थितिमा राखेका छन् र अर्को चरण पुग्ने सम्भावना बलियो बनाएका छन् । बायर्नले एटलान्टालाई ६–१ ले सजिलै हरायो र त्यसमा माइकल ओलिसले दुई गोल गरे । जुलियन अल्भारेजको दुई गोलमा एटलेटिकाले भने टोटनहमलाई ५–२ ले पराजित गर्‍यो । यी जितले बायर्न र एटलेटिको दुवै अर्को चरण प्रवेशको नजिक रहे । <img src="https://app.nepalsportz.com/media/django-summernote/2026-03-11/e345ace1-53b1-4ebe-a534-ec7a2852760b.webp" style="width: 698px;"> यस्तै मारियो लेमिनको गोलमा गालातासारेले लिभरपुलमाथि १–० को जित निकाल्यो भने न्युकासल युनाइटेड र बार्सिलोनाले १–१ को बराबरी खेले । त्यसमा हार्भे बारनेसले न्युकासललाई अग्रता दिलाएपछि लामिन यामलले बार्सिलोनाका लागि बराबरी गोल गरे ।

बायर्न र एटलेटिको एक पाइला अगाडि

काठमाडौं। एन्फा राष्ट्रिय लिगमा मनाङ मर्स्याङ्दी क्लब र मच्छिन्द्रले एन्फा राष्ट्रिय लिगमा विजयी हासिल गरेका छन्। सातदोबाटोस्थित एन्फा कम्प्लेक्समा मंगलबार सम्पन्न पहिलो खेलमा मनाङले चित्लाङ एफसीलाई २-० ले पराजित गरेको हो। जारी प्रतियोगितामा मनाङको यो तेस्रो जित हो। लिगमा १० खेल खेलेको मनाङले १२ अंक जोडेको छ। चित्लाङ भने पाँचौं यो हार हो। समान खेलबाट चित्लाङको भने ९ खेलबाट ७ अंक छ। खेलको ४९औं मिनेटमा शैरभ तामाङको गोलमा मनाङले खेलमा अग्रता लियो। दोस्रो हाफको इन्जुरी समयमा सुमित मल्लले गोल गर्दै मनाङलाई २(० को सहज जित दिलाए। <img src="https://app.nepalsportz.com/media/django-summernote/2026-03-11/1ca47195-3a24-4a34-8c5c-ef1bc0b94b22.jpeg" style="width: 698px;"> यस्तै, दिनको दोस्रो खेलमा मच्छिन्द्रले नव जनजागृतिलाई ४-१ ले पराजित गरेको छ। मछिन्द्रलाई जित दिलाउन जोनाथन क्यान्टिलानाले ह्याट्रिक गरे। त्यस्तै एक गोल रेजिन सुब्बाको नाममा रह्यो।&nbsp; जितसँगै मछिन्द्र ९ खेलमा २१ अंक जोड्दै शीर्ष स्थानमा उक्लिएको हो। समान खेलमा जनजागृतिले अंक विहिन छ।

Nepalsports

⚽ Upcoming Matches

🎖 Recent Matches

📰 Recent News

Nepalsports