काठमाडौँ। ओपनर समिर मिन्हासको कीर्तिमानी शतकीय पारीको मद्दतले पाकिस्तानले भारतलाई १९१ रनले पराजित गर्दै यु–१९ एसिया कपको उपाधि जितेको छ।&nbsp; आइतबार दुबईमा भएको फाइनल खेलमा पाकिस्तानले दिएको ३४८ रनको विशाल लक्ष्य पछ्याएको भारत मात्र १५६ रनमा समेटियो। टस हारेर पहिले ब्याटिङ गरेको पाकिस्तानले निर्धारित ५० ओभरमा ८ विकेट गुमाउँदै ३४७ रनको विशाल योगफल खडा गर्यो। पाकिस्तानको जितका नायक समिर मिन्हास बने, जसले ११३ बलमा १७२ रनको विष्फोटक पारी खेले। यो स्कोर युथ ओडिआई विश्वकपको फाइनलमा कुनै पनि ब्याटरले बनाएको अहिलेसम्मकै उच्च व्यक्तिगत स्कोर हो। उनले १७ चौका र ९ छक्का प्रहार गरे। मिन्हासलाई अहमद हुसेनले राम्रो साथ दिए। हुसेनले ५६ रनको अर्धशतकीय योगदान दिँदै मिन्हाससँग तेस्रो विकेटका लागि १३७ रनको साझेदारी गरे। भारतका तर्फबाट दिपेश देवेन्द्रनले ३ विकेट लिए पनि उनले १० ओभरमा ८३ रन खर्चिएका थिए। ३४८ रनको विशाल लक्ष्य पछ्याएको भारतीय टोली पाकिस्तानी बलरसामु निरीह देखियो। भारतका प्रारम्भिक ब्याटर वैभव सूर्यवंशीले १० बलमा २६ रन जोड्दै आक्रामक सुरुवात गरे पनि अलि राजाले उनलाई आउट गरेपछि भारतीय ब्याटिङ लाइनअप धर्मराएको थियो। भारतले पावरप्लेको समाप्तिसम्म ६८ रन जोड्दा महत्वपूर्ण ५ विकेट गुमाइसकेको थियो। मध्यक्रमका ब्याटरहरू सस्तोमै समेटिएपछि भारत २६.२ ओभरमा १५६ रनमै अलआउट भयो। भारतका लागि दिपेश देवेन्द्रनले अन्त्यमा १६ बलमा ३६ रनको संघर्षपूर्ण पारी खेले पनि त्यो जितका लागि पर्याप्त भएन। पाकिस्तानका बलर अलि राजाले उत्कृष्ट बलिङ गर्दै ४ विकेट लिए। उनले ४२ रन खर्चेर भारतको माथिल्लो र तल्लो क्रमलाई ध्वस्त पारेका थिए। त्यस्तै अहसानले २ विकेट लिए। प्रतियोगिताभरि विपक्षी टोलीलाई अलआउट गर्दै आएको पाकिस्तानले फाइनलमा पनि सोही लयलाई कायम राख्यो।

भारतलाई हराउँदै पाकिस्तान यु–१९ एसिया कप च्याम्पियन

काठमाडौँ। नेपाल क्रिकेट संघ ९क्यान० ले भारत र श्रीलंकामा आयोजना हुने आइसीसी टी–२० विश्वकपका लागि २४ खेलाडीलाई बन्द प्रशिक्षणमा बोलाएको छ। आइतबार क्यानले विनोद भण्डारीसहित प्रतिश जिसी, शेर मल्ल र रुपेश कुमार सिंहलाई समेट्दै २४ सदस्यीय प्रारम्भिक टोली सार्वजनिक गरेको हो।<img src="https://app.nepalsportz.com/media/django-summernote/2025-12-21/9d409054-4973-4462-99cf-6fd7c798839c.jpeg" style="width: 698px;"> बन्द प्रशिक्षणमा पर्ने खेलाडीहरूमा कप्तान रोहित पौडेल, उपकप्तान दीपेन्द्रसिंह ऐरी, करण केसी, सोमपाल कामी, भीम सार्की, नन्दन यादव, गुशलन झा, प्रतिश जिसी, विनोद भण्डारी, साहब आलम, बसिर अहमद, रुपेश कुमार सिंह, आरिफ शेख, आसिफ शेख, लोकेश बम, सन्दीप लामिछाने, कुशल भुर्तेल, अविनाश बोहरा, ईशान पाण्डे, कुशल मल्ल, ललित राजवंशी, शेर मल्ल, सन्दीप जोरा र आदिल अन्सारी रहेका छन्। क्यानका अनुसार बन्द प्रशिक्षण पुस ७ गतेबाट सुरु हुनेछ।

२४ खेलाडी क्यानको बन्द प्रशिक्षणमा

काठमाडौं, पुस ६ गते ।&nbsp;आयोजक मातृभूमि ‘ए’ र बौद्ध चिल्ड्रेन हेभेन स्कुलले दोश्रो मातृभूमि कप अन्तरविद्यालय बास्केटबल प्रतियोगिताको उपाधि &nbsp;आइतबार जितेका छन् । मातृभूमि ‘ए’ ब्वाइज तथा बौद्ध चिल्ड्रेन गल्र्समा च्याम्पियन भए । सानोथिमीस्थित घरेलु कोर्टमा भएको ब्वाइजको फाइनलमा मातृभूमि ‘ए’ ले आफ्नै ‘बी’ टिमलाई ५६–२४ ले पराजित ग¥यो । मातृभूमि ‘ए’ का आभास राउतले १८ अंक जोडे । गल्र्सको उपाधि भिडन्तमा बौद्ध चिल्ड्रेनले चेल्सी वल्र्ड स्कुललाई ३४–२८ ले हरायो । बौद्ध चिल्ड्रेनकी जस्मिन गुरुङले १८ स्कोर गरिन् । फाइनलका सर्वाधिक स्कोरकर्ताद्वय आभास र जस्मिन आ–आफ्नो विधामा ‘मोस्ट भेलुएबल प्लेयर’ घोषित &nbsp; भए । ब्वाइजमा मातृभूमि ‘ए’ का सक्षम महर्जन र इनोभेटिभका रिजन खनाल तथा गल्र्समा मातृभूमिकी साइजा श्रेष्ठ उत्कृष्ट ‘थ्री प्वाइन्टर’ चुनिए। ब्वाइजमा मातृभूमि ‘बी’ का प्रयास ढकाल तथा गल्र्समा चेल्सीकी तेन्जिङ कुसाङ शेर्पा प्रतियोगिताकै सर्वाधिक स्कोरकर्ता बने । ब्वाइजमा प्यारागन पब्लिक र गल्र्समा केएमसी अनुशासित टिम ठहरिए । विजेतालाई मातृभूमिका संस्थापक निर्देशक मनोज पन्त र संस्थापक प्रिन्सिपल प्रकृति केसी पन्तले एक कार्यक्रमबीच पुरस्कृत गरे । आठदिने प्रतियोगिताको ब्वाइज र गल्र्समा समान ८ टिमले प्रतिस्पर्धा गरेको मातृभूमिका कोर्डिनेटर जयराम अधिकारीले जनाएका छन् ।

मातृभूमि ‘ए’ र बौद्ध चिल्ड्रेन हेभेन च्याम्पियन

काठमाडौं। नेपाल बास्केटबल संघको आयोजनामा लिनिङ बास्केटबल प्रतियोगिता हुने भएको छ। बौद्धस्थित डंकमाण्डुमा सोमबारदेखि चल्ने प्रतियोगिता शनिबारसम्म हुनेछ। आसन्न हिमालयन जाभा राष्ट्रिय बासकेटबल लिगको छनोट प्रतियोगिताका रुपमा लिएको संघले आइतबार पत्रकार सम्मेलनमा जानकारी गरायो। प्रतियोगितामा १२ वटा टिमको सहभागीता रहेको छ। खुल्ला रुपमा सहभागी टिमले नाम दर्ता गराएको बास्केटबल संघका उपाध्यक्ष पवन थापाले बताए।

सोमबारदेखि लिनिङ बास्केटबल

युभ्न्ट्सले इटालीको सिरी ए मा आफूलाई उपाधिको प्रत्यासी बनाउने क्रममा शनिबार एएस रोमालाई २–१ ले पराजित गरेको छ । यो जितपछि युभेन्ट्सको २९ अंक भएको छ । यो लिग तालिकाको शीर्षमा रहेको इन्टर मिलानसँग चार अंकको दूरी हो । सिजनमा खराव सुरुआत गरेको टुरिन क्लब पछिल्लो समय लयमा देखिएको थियो । यसको ठीक उल्टो रोमाको प्रदर्शन भने कमजोर हुन थालेको छ । हारले रोमा ३० अंकमा चौथो स्थानमा रह्यो । एलिनाट स्टेडियममा भएको खेलमा युभेन्ट्सका लागि फ्रान्सिस्को कोन्सेकाउ र लोइस ओपेन्डाले गोल गरे । रोमाका तर्फबाट टोमासो बाल्डन्जीले एक गोल फर्काए । दिनको अर्को खेलमा लाजियो र क्रेमोन्सेले गोलरहित बराबरी खेले ।

रोमामाथि युभेन्ट्सको महत्त्वपूर्ण जित

केयलिन एमबापे र जुड बेलिंघमको एक एक गोलको मदतले रियल म्याड्रिडले शनिबार स्पेनी ला लिगामा दस खेलाडीमा सीमित सेभियालाई २–० ले हराएको छ । बेलिंघमले ३८ औं मिनेटमा गोलको खाता खोले । त्यसपछि एमबापेले ८६ औं मिनेटमा पेनाल्टीबाट दोस्रो गोल थपे । यो उनको एक वर्षमा गरेको ५९ औं गोल रह्यो । यससँगै उनले सन् २०१३ मा क्रिस्टियानो रोनाल्डोले गरेको गोल संख्याको बराबरी गरेका छन् । यो जितपछि रियलको ४२ अंक भएको छ र यो शीर्षमा रहेको बार्सिलोनासँग एक अंकको मात्र दूरी हो । अन्य खेलमा ओसासुनाले एलाभेसलाई ३–० ले पराजित गर्‍यो &nbsp; यस्तै लेभान्टे र रियल सोसिडाडले १–१ र रियल ओभिएडो र सेल्टा भिगोले गोलरहित बराबरी खेले ।

एमबापले गरे वर्षको ५९ औ गोल

आर्सनल र म्यानचेस्टर सिटी दुवै शनिबारको खेलमा विजयी रहेका छन् । यससँगै उनीहरू इंग्लिस प्रिमियर लिगको शीर्ष दुई स्थानमा रहे । आर्सनलको ३९ अंक छ भने उसको पछाडि सिटीको ३७ अंक छ । आर्सनलले भिक्टर ग्याकेरेसले पेनाल्टीबाट गरेको एक मात्र गोलको मदतले एभरटनलाई १–० ले हरायो । यस्तै इर्लिङ हालान्डले दुई र टिजानी रिजेन्डेर्सको एक गोलमा सिटीले वेस्ट ह्यामलाई ३–० ले पन्छायो । अर्को प्रमुख खेलमा लिभरपुलले नौ खेलाडीमा सीमित टोटनहमलाई २–१ ले हरायो र पाँचौं स्थानमा पुग्यो । अन्य खेलमा लिड्स युनाइटेडले क्रिस्टल प्यालेसलाई ४–१ र ब्रेन्टफोर्डले उल्भ्सलाई २–० ले पराजित गरे । यस्तै न्युकासल युनाइटेड र चेल्सीले २–२, बर्नमाउथ र बर्नलीले १–१ र ब्राइटन र सन्डरल्यान्डले गोलरहित बराबरी खेले ।

आर्सनल र सिटी दुवै विजयी

काठमाडौँ। साफ महिला क्लब च्याम्पियनसिपको उपाधि भारतीय क्लब ईस्ट बंगाल एफसीले जितेको छ। त्रिपुरेश्वस्थित दशरथ रंगशालामा शनिबार सम्पन्न फाइनल खेलमा नेपालको एपीएफ फुटबल क्लबलाई ३–० ले हराउँदै पहिलो संस्करणको उपाधि ईस्ट बंगालले जितेको हो। ईस्ट बंगालको जितमा कप्तान फाजिला इक्वापुतले दुई तथा सिल्कीदेवी हेमामले एक गोल थपिन्। पहिलो हाफमा एपीएफविरुद्ध ईस्ट बंगालले २–० को अग्रता बनाएको थियो। दोस्रो हाफमा थप एक गोल गर्न सफल भयो। प खेलको २२औँ मिनेटमा ईस्ट बंगालकी कप्तान फाजिला इक्वापुतले गोल गर्दै १–० को अग्रता दिलाइन्। ३५औँ मिनेटमा सिल्कीदेवी हेमामको गोलमा ईस्ट बंगालले पहिलो हफमै २–० को अग्रता बनायो। ४६औँ मिनेटमा कप्तान फाजिलाले ब्यक्तिगत दोस्रो तथा टिमको लागि तेस्रो गोल गरिन्। त्यसपछि बाँकी समय थप गोल नहुँदा बंगाल च्याम्पियन बन्यो।&nbsp; यो सँगै च्याम्पियन ईस्ट बंगालले १० हजार अमेरिकीन डल पाउँदा एपीएफले ५ हजारमा चित्त बुझायो।

एपीएफलाई हराउँदै ईस्ट बंगाल च्याम्पियन

काठमाडौँ। साफ महिला क्लब च्याम्पियनसिपको फाइनल खेलको पहिलो हाफमा घरेलु टोली एपीएफ पछि परेको छ। जसमा पहिलो हाफको समाप्तिमा नेपालको एपिएफविरुद्ध भारतको ईस्ट बंगाल एफसीले २–० को अग्रता बनाएको हो। खेलको २२औँ मिनेटमा ईस्ट बंगालको लागि कप्तान फाजिला इक्वापुतले गोल गर्दै १–० को अग्रता दिलाइन्। ३५औँ मिनेटमा सिल्कीदेवी हमालको गोलमा ईस्ट बंगालले २–० को अग्रता बनायो। समूह चरणको खेलमा यी दुई टोलीले गोलरहित बराबरी खेल्दै अंक बाँडेका थिए। ईस्ट बंगाल समूह विजेता तथा एपीएफ दोस्रो स्थानमा रहेर फाइनल पुगेका हुन्। समूह चरणमा दुवै टोली अपराजित रहे।

पहिलो हाफमा एपीएफविरुद्ध ईस्ट बंगाललाई अग्रता

काठमाडौँ। साफ महिला क्लब च्याम्पियनसिपको उपाधिका लागि आज नेपालकाे एपिएफ क्लब र भारतको इस्ट बङ्गाल आमनेसामने हुँदैछन्। फाइनल खेल नेपाली समयअनुसार साँझ ५ बजेदेखि त्रिपुरेश्वरस्थित दशरथ रंगशालामा सुरु हुनेछ। लिग चरणमा दुवै टोली अपराजित रहँदै फाइनलमा पुगेका हुन्। इस्ट बङ्गालले चार खेलमध्ये तीन जित र एक बराबरी खेल्दै १० अंक जोडेर शीर्ष स्थानमा रहँदै फाइनल यात्रा तय गरेको थियो। एपिएफले भने दुई जित र दुई बराबरीसहित ८ अंक हासिल गर्दै दोस्रो स्थानमा रहँदै फाइनलमा स्थान बनाएको हो। लिग चरणमा यी दुई टोलीबीच भएको प्रतिस्पर्धा गोलरहित बराबरीमा सकिएको थियो। आजको फाइनलमा दुवै टोली पहिलो पटक साफ महिला क्लब च्याम्पियनसिपको उपाधि जित्ने लक्ष्यसहित मैदान उत्रनेछन्।

उपाधिका लागि एपिएफ र इस्ट बङ्गाल आज फाइनलमा

स्पेनी ला लिगामा भ्यालेन्सियाले शुक्रबार रियल मार्लोकालाई १–१ को बराबरीमा रोकेको छ । रेलिगेसनबाट बच्न संघर्षरत भ्यालेनिसया पुर्नआगनम रच्दै एक बहुमूल्य अंक जोड्न सफल भएको हो । यो नतिजापछि भ्यालेन्सियाको १६ अंक छ र यो अन्तिम तीन स्थानबाट एक अंक मात्र अगाडि हो । मार्लोका भने १८ अंकमा १४ औं स्थानमा छ । मार्लोकाले २३ औं मिनेटमा सामु कोस्टाको गोलले २३ औं मिनेटमा अग्रता लिएको थियो । भ्यालेन्सियाका लागि ह्युगो डुरोले ५२ औं मिनेटमा बराबरी गोल फर्काए ।

भ्यालेन्सिया र मार्लोकाबीच बराबरी

बोरुसिया डर्टमुन्डले जर्मन बुंडेसलिगामा शुक्रबार मोन्चेनग्लाडबाखलाई सजिलै २–० ले पराजित गरेको छ र यससँगै अंक तालिकाको दोस्रो स्थानमा उक्लेको छ । यो जितपछि डर्टमुन्डको १५ खेलबाट ३२ अंक भएको छ । बायर्न म्युनिक ३८ अंकमा शीर्ष स्थानमा छ र उसले १४ खेल मात्र खेलेको छ । यस्तै आरबी लाइपजिग १४ खेलबाट २९ अंकमा तेस्रो स्थानमा रहेको छ । लाइपजिगसामु शनिबारको खेल जितेर फेरि दोस्रोमा उक्लने अवसर छ । डर्टमुन्डका लागि जुलियन ब्रान्डटले दसौं मिनेटमा पहिलो गोल गरे । त्यसपछि म्याक्सिमिलियन बेरले दोस्रो हाफको इन्ज्युरी समयमा दोस्रो गोल गरे ।

डर्टमुन्डको सजिलो जित

साउदी अरेबियाको रियादमा भइरहेको इटालिन सुपरकपको फाइनलमा नेपोली र बोलोग्ना भिड्ने भएका छन् । प्रतियोगिताको शुक्रबार भएको दोस्रो सेमिफाइनलमा बोलोग्नाले इन्टर मिलानलाई पेनाल्टी सुटआउटमा ३–२ ले हरायो । कुल&nbsp;चार टिम सम्मिलित प्रतियोगिताको फाइनल सोमबार हुनेछ । निर्धारित समयको खेल १–१ को बराबरीमा टुंगेपछि टाइब्रेकरमा गएको थियो र त्यसमा किरो इमोबाइलले निर्णायक गोल गरे । इन्टरले खेलको दोस्रो मिनेटमा मार्कस थुरामको गोलले अग्रता लिएको थियो । इटालियन कप च्याम्पियन रिकार्डो ओसोलिनीले पहिलो हाफको ३५ औं मिनेटमा पेनाल्टीबाट बराबरी गोल फर्काए । नेपोलीले पहिलो सेमिफाइनलमा एसी मिलानलाई हराएको थियो ।

नेपोलीको प्रतिद्वन्द्वी बोलोग्ना

नेपोलीले एसी मिलानलाई २–० ले पराजित गर्दै इटालियन सुपरकपको फाइनलमा स्थान बनाएको छ । अब सोमबार हुने फाइनलमा उसले बोलोग्ना र इन्टर मिलानबीचको खेलका विजेताको सामना गर्नेछ । दोस्रो सेमिफाइनलमा शुक्रबार बोलोग्ना र इन्टर भिड्दै छन् । साउदी अरेबियाको रियादस्थित किंग साउद युनिभर्सिटी स्टेडियममा भएको खेलमा नेपोलीका लागि डाभिड नेरेस र रसमस होजल्यान्डले गोल गरे । सन् २०१४ यता नेपोलीले तेस्रो पल्ट उपाधि इटालियन सुपरकप जित्न सक्नेछ । इटालीको सिरी ए मा नेपोली पछिल्लो पटक युडिनेजीसँग पराजित भएको थियो र यससँगै अंक तालिकमा तेस्रो स्थानमा झरेको थियो ।

नेपोलीसामु सुपरकप जित्ने अवसर

काठमाडौं, आयोजक बिआइए इन्स्टिच्युटले नेपालमै पहिलोपटक आयोजना भएको ह्वीलचेयर रग्बी मैत्रीपूर्ण प्रतियोगिताको उपाधि जितेको छ। बिहीबार बौद्धस्थित डाउनटाउनमा सम्पन्न खेलमा बिआइएले स्पाइनल इन्जरी संघ नेपाललाई ५–३ स्कोरले पराजित गर्दै उपाधि हात पारेको हो। गोकर्णेश्वर नगरपालिका वडा नम्बर ५, नेपाल रग्बी संघ तथा नेपाल स्पाइनल कर्ड इन्जरी संघको सहयोगमा सम्पन्न यो प्रतियोगिता नेपालमा ह्वीलचेयर रग्बी खेलको पहिलो औपचारिक खेल हो। विजेता टोलीले ट्रफी र मेडल प्राप्त गरेको छ। खेलाडीहरूलाई नेपाल रग्बी संघका अध्यक्ष दिपक देवकाेटा, गोकर्णेश्वर–५ का वडा अध्यक्ष नारायण बहादुर सुवेदी, अमेरिकी दूतावासका राजनीतिक अधिकृत ब्लेक गिरागोस, बिआइएका कार्यकारी निर्देशक गोकर्ण ढुंगाना तथा नेपाल स्पाइनल इन्जरी पुनर्स्थापनाका डा. राजु ढकाललगायतले पुरस्कार वितरण गरेका थिए। प्रतियोगितामा बिआइएका प्रकाश बस्नेत उत्कृष्ट खेलाडी घोषित भए भने स्पाइनल इन्जरी संघ नेपालका अनन्त राई ‘इमर्जिङ प्लेयर’ घोषित भए। दुवै खेलाडीले पुरस्कारस्वरूप एयर कुशन प्राप्त गरे। बिआइएका कप्तान तथा स्पोर्ट्स डिपार्टमेन्टका संयोजक दिलिप सापकोटाले लामो समयको प्रयासपछि ह्वीलचेयर रग्बी खेल सफलतापूर्वक आयोजना गर्न सकिएको बताए। उनले भने, “पूर्ण अशक्त अपाङ्गता भएका व्यक्तिहरूलाई समाजसँग जोड्ने, उनीहरूलाई घरबाहिर ल्याउने र खेलमार्फत समावेशी बनाउने नै यस खेलको मुख्य उद्देश्य हो।” उनका अनुसार ह्वीलचेयर रग्बी केवल खेल मात्र नभई सामाजिक संवेदनशीलता र समावेशीकरणको माध्यम हो। “अब यो गतिविधि कुनै एक संस्थाले मात्र गर्ने नभई संगठित रूपमा निरन्तर अघि बढ्नुपर्छ,” उनले थपे। नेपाल रग्बी संघसँग खेललाई निरन्तरता दिन आग्रह गर्दै उनले प्रशिक्षण तथा प्रतियोगिताहरू संस्थागत र विवादरहित ढंगले सञ्चालन हुनुपर्नेमा जोड दिए। “अति अशक्त अपाङ्गता भएका व्यक्तिहरूले खेलमार्फत राष्ट्र र समाजका लागि योगदान दिन सक्ने वातावरण बनाइनुपर्छ,” उनले भने। बिआइए इन्स्टिच्युटले अपाङ्गता भएका व्यक्तिहरूको सीप अभिवृद्धि, क्षमता विकास र आत्मनिर्भरता बढाउने उद्देश्यका साथ काम गर्दै आएको जनाएको छ।

नेपालमै पहिलो ह्वीलचेयर रग्बी मैत्रीपूर्ण खेल सम्पन्न, बिआइए इन्स्टिच्युट विजयी

धावक रामसुन्दर कार्की ललितपुरदेखि भारतको उत्तरप्रदेशस्थित अयोधा मन्दिरसम्म दौड्ने भएका छन् । ५५ वर्षीय कार्कीले चैत ७ गतेदेखि दौड थाल्ने छन् ।&nbsp; करिब ४ सय ५० किलोमिटर दूरी कार्कीले चैत १३ गते रामनवमीका दिन पूरा गर्ने बताए । सोको रुट अवलोकन गर्न कार्की पूर्व खेलाडी गोकुल खत्रीसंगै केही दिनपछि त्यसतर्फ प्रस्थान गर्दै छन् । गोदावरी नगरपालिका वडा १, गोदामचौरस्थित कार्कीटारको हनुमान मन्दिरबाट कार्कीले दौड प्रारम्भ गर्ने &nbsp;छन् । उनी त्यहीका बासिन्दा हुन् । हनुमान मन्दिर पनि कार्की आफैले निर्माण गरेका हुन् । त्यही हनुमान मन्दिरमा २७ फिट अग्लो पिट्टलको गदा निर्माणका लागि सहयोग संकलन गर्न दौड्न लागेको कार्कीले जानकारी गराए । कार्की यसअघि ललितपुरदेखि जनकपुर पाँचपटक, काठमाडौंदेखि दोलखा ३ पटक, काठमाडौं बुटवल १ पटक, काठमाडौंदेखि सिन्धुली ३ पटक र काठमाडौंदेखि उत्तर प्रदेश १ पटक दौडेर पुगेका थिए । त्यस्तै उनले काठमाडौंदेखि भारतको पश्चिम बंगाल हुँदै भुटानको सिमाना फुन्छिुलिङसम्म दौडेका थिए । कार्कीका अनुसार २०६४ सालमा १ सय १ दिन लगाएर नेपालको तत्कालीन ७५ जिल्लानै दौडेर पुगेका थिए ।

कार्की ललितपुरदेखि उत्तरप्रदेशसम्म दौड्दै

च्याम्पियन्स लिग विजेता पेरिस सेन्ट जर्मेन (पीएसजी) ले बुधबार पहिलो संस्करणको पिफा इन्टरकन्टिनेन्टकलकप जितेको छ । उसले कोपा लिबेर्टोडोरेस विजेता फ्लेमिङ्गोलाई टाइब्रेकरमा हराएको हो । यो वर्ष पीएसजीले जितेको यो छैटौं उपाधि हो । उसले सन् २०२५ मा फ्रान्सेली लिग वानपछि पहिलो पटक च्याम्पियन्स लिग पनि जितेको थियो। कतारको दोहामा भएको खेलमा फ्रान्सेली च्याम्पियनका लागि दोस्रो रोजाईका गोलरक्षक माटभेइ सफानोभले चार पेनाल्टी बचाए र टिम २–१ ले विजयी रह्यो । निर्धारित र अतिरिक्त समयको खेलमा दुवै टिम १–१ को बराबरीमा रहेका थिए । क

पीएसजीले जित्यो इन्टरकन्टिनेन्टलकप

डिफेन्डिङ च्याम्पियन न्युकासल युनाइटेडले इंग्लिस लिगकपको सेमिफाइनलमा म्यानचेस्टर सिटीको सामना गर्ने भएको छ । सिटी र न्युकासलले बुधबार इंग्लिस लिगकपको अन्तिम चारको यात्रा तय गरेका हुन् । सेन्ट जेम्स पार्कमा भएको खेलमा न्युकासलले भने फुलहमलाई २–१ ले पराजित गरेको हो । खेल टाइब्रेकरतर्फ अग्रसर भइरहेको बेला लेविस माइलले दोस्रो हाफको इन्ज्युरी समयको दोस्रो मिनेटमा निर्णायक गोल गरे । न्युकासलले योना विसाको गोलले सुरुआती अग्रता लिएको थियो । तर फुलहमका लागि सासा लुकिचले बराबरी गोल फर्काएका हुन् । सिटीले इतिहाडमा भएको खेलमा ब्रेन्टफोर्डलाई २–० ले हरायो । त्यसमा यारन चेर्की र साभिआले एक एक गोल गरे । चेल्सी पनि प्रतियोगिताको सेमिफाइनल पुगिसकेको छ र उसले अर्को अन्तिम चारको खेलमा आर्सनल अथवा क्रिस्टल प्यालेसमध्ये एकको सामना गर्नेछ ।

न्युकासल सेमिफाइनलमा सिटीको सामना गर्दै

काठमाडौँ। साफ महिला क्लब च्याम्पियनसिपमा नेपालको विभागीय टोली एपिएफ क्लब दोस्रो तथा भारतको इस्ट बंगाल एफसी शीर्ष स्थानमा रहेर फाइनलमा खेल्ने भएका छन्। त्रिपुरेश्वस्थित दशरथ रंगशालामा बुधबार सम्पन्न समूह चरणको अन्तिम खेलमा एपिएफ र इस्ट बंगालले गोलरहित बराबरी खेलेका हुन्। खेलमा दुवै टोलीले पाएको केहि अवसरहरु सदुपयोग गर्न सकेनन्।&nbsp; यो नतिजासँगै जारी प्रतियोगितामा एपिएफले ४ खेलबाट दुई जित र दुई बराबरीसहित ८ अंक पुर्याएको छ भने ४ खेलमा तीन जित र एक बराबरी खेल्दै बंगाल शीर्ष स्थानमा रह्यो।

एपिएफ दोस्रो र इस्ट बंगाल शीर्ष स्थानमा रहेर फाइनल खेल्ने

काठमाडौं। नेपाल एसीसी यु–१९ एसिया कपको अन्तिम खेलमा पनि पराजित भएको छ। नेपाल बुधबार अफगानिस्तानसँग ६ विकेटले पराजित भएको हो। नेपालले दिएको १२५ रनको लक्ष्य अफगानिस्तानले २६।५ ओभरमा ४ विकेट गुमाउँदै पूरा गर्‍यो। योसँगै नेपाल यसअघि नै प्रतियोगिताबाट बाहिरिसकेको छ भने जितविहीन रह्यो। नेपाल यसअघि नै श्रीलंकासँग ८ र बंगलादेशसँग ७ विकेटले पराजित भइसकेको थियो।&nbsp; अफगानिस्तानले भने समूह ‘बी’ मा २ अंक जोड्दै प्रतियोगिताको सुखद् अन्त्य गरेको छ। यस समूहबाट समान ४ अंक जोडेका श्रीलंका र बंगलादेशले यसअघि नै सेमिफाइनलमा आफ्नो स्थान सुरक्षित गरिसकेका छन्। अफगानिस्तानलाई जित दिलाउन नियाजाईले सर्वाधिक ६१ रन बनाए। ५९ बल खेलेका उनले ७ चौका र २ छक्का प्रहार गरे। उस्मान सादत २८ र फैसल सिनोजादा १३ रनको योगदान दिँदा महबुब खान र अजिजुल्लाह मियाखिल समान ११ रनमा अविजित रहे। नेपालका अभिषेक तिवारी र अशोक धामीले समान १ विकेट लिए। त्यसअघि दुबईको द सेभेन्स् स्टेडियममा टस हारेर पहिला ब्याटिङ थालेको नेपालले ४६।४ ओभरमा सबै विकेट गुमाउँदै १२४ रन बनाएको थियो। नेपालका दिलसद अलीले सर्वाधिक ३२ रन बनाए। चन्दन रामले २७, अभिषेक तिवारीले २० र रोशन विश्वकर्माले १२ रनको योगदान दिए। अफगानिस्तानका जैतुल्लाह शाहीनले सर्वाधिक ३ विकेट लिए।

Nepalsports

२४ खेलाडी क्यानको बन्द प्रशिक्षणमा

📰 Recent News

Nepalsports