काठमाडौं। मंसिर १९ देखि पुस ५ गतेसम्म काठमाडौंमा हुने दक्षिण एसियाली फुटबल संघ (साफ) महिला क्लब च्याम्पियनसिपका लागि टिकट दर सार्वजनिक गरिएको छ। अखिल नेपाल फुटबल संघ (एन्फा)ले सोमबार पत्रकार सम्मेलन गर्दै प्रतियोगिताबारे विस्तृत जानकारी दिएको हो। दशरथ रंगशालामा हुने खेलका लागि साधारण प्यारापिटको टिकट तीन सय रुपैयाँ र भिआइपी सेक्टरको टिकट पाँच सय रुपैयाँ तोकिएको छ। टिकट डिजिटल वालेट ‘खल्ती’मार्फत किन्न सकिने जनाएको छ। प्रतियोगिताको मार्केटिङ, ब्रोडकास्टिङ र डिजिटल अधिकार सुश्री मिडिया प्रालाइलाइ प्रदान गरिएको छ। मुख्य प्रायोजकमा भात्सल्या नेचुरल आइभिएफ र सह-प्रायोजक एक्सिट्रम ड्रिङ्क्स रहेका छन्। एन्फाले सम्झौता रकम भने सार्वजनिक गरेन। यसपटकको संस्करणमा नेपालका एपिएफ क्लब, भारतको इस्ट बंगाल, भुटानको ट्रान्सपोर्ट युनाइटेड, पाकिस्तानको कराँची सिटी र बंगलादेशको नास्रिन स्पोर्ट्स एकेडेमी सहभागी हुनेछन्। श्रीलंका र माल्दिभ्स भने अनुपस्थित रहने एन्फाले जनाएको छ। सिंगल राउन्ड–रोबिन ढाँचामा खेलिने प्रतियोगिताबाट शीर्ष दुई टोली फाइनलमा प्रवेश गर्नेछन्। विजेताले १० हजार र उपविजेताले पाँच हजार अमेरिकी डलर प्राप्त गर्ने छन्। अन्य तीन टोलीले जनही दुई हजार अमेरिकी डलर पाउने एन्फाले जानकारी गराएको छ। प्रतियोगिताको अनुमानित बजेट करिब तीन करोड ७७ लाख ७७ हजार ९० रुपैयाँ रहेको छ।

साफ महिला क्लब च्याम्पियनसिप : टिकट दर तीन सयदेखि पाँच सयसम

काठमाडौँ। दक्षिण अफ्रिकाका पुर्व कप्तान फाफ डु प्लेसिस नेपाल प्रिमियर लिग खेल्न काठमाडौँ आइपुगेका छन्। फाफ सोमबार काठमाडौँ आइपुगेका हुन्। उनले सन्दीप लामिछाने कप्तान रहेको विराटनगर किंग्सबाट एनपिएल खेल्ने छन्। फाफ विश्व क्रिकेटमा हाइप्रोफाइल क्रिकेटर हुन्। उनले आइपीएलमा रोयल च्यालेन्जर्स बैंगलुरुको कप्तानी समेत गरेका थिए भने दिल्ली र चेन्नई सुपर किंग्स जस्ता टिमबाट समेत खेलेका थिए।

फाफ डु प्लेसीसि एनपिएल खेल्न काठमाडौँ आइपुगे

काठमाडौं। एसीसी यु–१९ प्रिमियर कपमा नेपाल उपविजेता बनेको छ।&nbsp; सोमाबर सम्पन्न खेलमा नेपाल घरेलु टोली युएईसँग २७ रनले पराजित हुँदै उपविजेतामा सीमित भएको हो। युएईले दिएको १४८ रनको सामान्य लक्ष्य पछ्याएको नेपालले ३३.२ ओभरमा सबै विकेट गुमाउँदै १२० रन मात्र बनाउन सक्यो। नेपालका अशोक धामीले सर्वाधिक ३४ रन बनाए। रफशन विश्वाका र आशीष लोहारले समान २५ रन बनाए। यता, युएईका लागि युग जय शर्मा, अली असगर शम्सले समान तीन विकेट लिए।

नेपाललाई हराउँदै युएईले जित्यो उपाधि

काठमाडौँ। अखिल नेपाल फुटबल संघ एन्फाले आगामी पुष २५ गतेबाट राष्ट्रिय लिग आयोजना गर्ने भएको छ। ‍एन्फा कम्पलेक्स सातदोबाटोमा सोमबार बसेको कार्यसमितिको आपतकालिन बैठकले सो निर्ण गरेको हो। सो प्रतियोगिताका लागि संघको विधान अनुसारका क्लबहरुका साथै इच्छुक सबै ए डिभिजन क्लबहरुलाई टिम दर्ता गर्न खुला गर्ने निर्णय गरेको छ।&nbsp; यस्तै, प्रतियोगिता सम्पन्न भएको एक महिना भित्र ए डिभिजन लिग आयोजना गर्ने र राष्ट्रिय लिगको आगामी एक वर्ष र शहिद स्मारक ए डिभिजन लिगको आगामी पाँच वर्षको लागि मार्केटिङ्ग, टिकेटिङ्ग, ब्रोडकास्टिङ, डिजिटल अधिकारको बोलपत्र आह्वान गर्ने निर्णय गरियो।&nbsp; बोलपत्रको लागि राष्ट्रिय लिगको सातदिने र शहिद स्मारक ए डिभिजन लिगको लागि १५ दिने सुचना जारी गर्ने निर्णय गरेको छ।

पुष २५ बाट राष्ट्रिय लिग

काठमाडौँ । एसीसी पुरुष यू–१९ प्रिमियर कपको फाइनल आज नेपाल र युएई भिड्दै छन्। नेपाली समयअनुसार बिहान १०स्४५ बजेदेखि सुरु हुनेछ। &nbsp;&nbsp; सेमिफाइनलमा नेपालले मलेसियालाई ९ विकेटले पराजित गरेर फाइनलमा पुगेको हो भने युएईले ओमानलाई ८ विकेटले पराजित गर्दै फाइनलमा पुगेको हो। फाइनलमा पुगेसँगै नेपाल र युएई आगामी डिसेम्बरमा हुने यू(१९ एशिया कपमा छनोट भएका छन्। त्यस्तै मलेसिया र ओमानबीच तेस्रो स्थानको खेल पनि आज नै हुँदैछ। यो खेल जित्ने टोली तेस्रो हुँदै एसिया कपमा छनोट हुनेछ।

एसीसी यू–१९ प्रिमियर कप : उपाधिका लागि नेपाल र युएई भिड्दै

नेपोलीले इटालीको सिरी ए मा शीर्षमा रहेको एसी मिलानलाई पछ्याउने क्रममा आइतबार एएस रोमालाई १–० ले पराजित गरेको छ । खेलको एक मात्र गोल ब्राजिली खेलाडी डाविभ नेरेसले पहिलो हाफको अन्त्यतिर गरे । यो जितपछि नेपोलीको १३ खेलबाट २८ अंक भएको छ । मिलान उत्तिकै अंकमा गोल अन्तरले शीर्षमा छ । इन्टर मिलान २७ अंकमा तेस्रोमा छ भने पराजित रोमा भने २७ अंकमा चौथोमा रह्यो । इन्टरले अर्को खेलमा पिसालाई २–० ले हराएको हो । त्यसमा दुवै गोल लउतारो मार्टिनेजले ६९ र ८३ औं मिनेटमा गरे । अन्य खेलमा लेसले टुरिनोलाई २–१ र एटलान्टाले फियोरेन्टिनालाई २–० ले हरायो ।

नेपोली मिलानलाई पछ्याउँदै

रियल म्याड्रिडले आइतबार स्पेनी ला लिगामा बार्सिलोनालाई उछिनेर शीर्षमा उक्लने अवसर खेर पठाएको छ । जिरोनाले रियललाई १–१ को बराबरीमा रोकेको हो । एक गोलले पछाडि रहेको स्थितिमा केयलिन एमबापेले पेनाल्टीबाट गोल गरेका हुन् । जिरोनाले आफ्नो घरेलु मैदानमा एजेडिन आनाहीको गोलले पहिलो हाफको अन्त्यतिर अग्रता लिएको थियो । यो बराबरीपछि रियलको १४ खेलबाट ३३ अंक भएको छ र दोस्रो स्थानमा छ । बार्सिलोनाले उत्तिकै खेल खेलेर ३४ अंकमा शीर्षमा रहेको छ । शीर्ष चारमा &nbsp;भिल्लारियलको ३२ र एटलेटिको म्याड्रिडको ३१ अंक छ । भिल्लारियलले अर्को खेलमा रियल सोसिडाडलाई ३–२ ले पराजित गर्‍यो । यस्तै रियल बेटिसले सेभियालाई २–० र इस्पनयोलले सेल्टा भिगोलाई १–० ले हरायो ।

रियल बार्सिलोनाको पछाडि

दस खेलाडीमा सीमित चेल्सीले इंग्लिस प्रिमियर लिगमा आइतबार आर्सनललाई १–१ को बराबरीमा रोकेको छ । स्टायनफोर्ड ब्रिजमा भएको लन्डन डर्बीको यो नतिजापछि आर्सनलको १३ खेलबाट ३० अंकमा शीर्षमा रह्यो । त्यसपछि म्यानचेस्टर सिटीको २५ र चेल्सीको २४ अंक छ । चेल्सीले मोइस काइसेडोलाई रातो कार्डमा पहिलो हाफमा गुमाएको थियो । दोस्रो हाफमा ट्रेभोह चालोबहले गोल गर्दै चेल्सीलाई अग्रता दिलाए । त्यसपछि मिखेल मेरिनोले आर्सनलका लागि बराबरी गोल फर्काए । भिल्लाले अर्को खेलमा उल्भ्सलाई १–० ले हरायो र २४ अंकमै चौथो स्थानमा रह्यो । अन्य खेलमा लिभरपुलले वेस्ट ह्यामलाई २–०, ब्राइटनले नटिंघम फरेस्टलाई २–० र म्यानचेस्टर युनाइटेडले क्रिस्टल प्यालेसलाई २–१ ले हरायो ।

चेल्सी र आर्सनलको बराबरी

काठमाडौँ। कर्णाली याक्समाथि सहज जित निकाल्दै काठमान्डू गोर्खाजले जारी एनपिएलमा चौथो जित दर्ता गरेको छ। खेलमा काठमान्डू ५ विकेटले विजयी भएको हो। जितसँगै ६ खेलबाट चौथो जित निकालेको काठमान्डूले ८ अंक जोडेको छ। यता, पाँच खेलमा ४ हार ब्यहोरेको कर्णालीको प्लेअफको सम्भावना सकिएको छ। कर्णालीले दिएको १५० रनको लक्ष्य काठमान्डूले १८ ओभरमा ५ विकेट गुमाएर पूरा गर्यो।&nbsp; काठमान्डूको जितमा गेरहार्ड इरास्मसले ३३ बलमा ४४ रन बनाउँदा जोन सिम्पसनले २१ बलमा ४ चौका र २ छक्काको सहयोगमा ४१ रन बनाएर आउट भए। यस्तै, ओपनर बेन चार्ल्सवर्थले २१ बलमा दुई चौका र तीन छक्काको सहयोगमा ३४ रन बनाए। मिलिन्द्र कुमार १५, तथा ओपनर आकाश त्रिपाठीले ८ रन बनाए।&nbsp; यता, कर्णालीको लागि नन्दन यादले सर्वाधिक ३ र पवन शराफले एक विकेट हात पारे। त्यसअघि त्रिवि क्रिकेट रंगशालामा टस जितेर पहिले ब्याटिङ थालेको कर्णालीले निर्धारित २० ओभरमा ७ विकेट गुमाएर १४९ रन बनाएको थियो।&nbsp; कर्णालीको लागि अल राउन्डर गुलसन झाले सर्वाधिक ४९ रन बनाए। उनले २२ बलमा ६ चौका र ३ छक्का प्रहार गरे। यस्तै, पवन शराफले २९ बलमा दुई चौका र छक्काको सहयोगमा ३५, ओपनर मार्क वार्डले २७ बलमा एक चौका र दुई छक्को सहयोगमा ३० रन बनाउँदा दिपक डुम्रेले १० रन बनाए।&nbsp; काठमान्डूका लागि रासिद खानले दुई विकेट लिए। सन्तोष यादव, मिलिन्द कुमार र कप्तान करण केसीले समान एक विकेट लिए।&nbsp; जारी प्रतियोगितामा पाँच खेलमा दुई जित हात पारेको छ भने कर्णालीले चार खेलमा एक खेल मात्रै जितेको छ। कर्णालीले पछिल्लो दुई खेलमा हार ब्यहोर्दा काठमान्डूले दुवै खेलमा जित हासिल गरेको थियो।

कर्णालीमाथि काठमान्डूको जित

फ्रान्सको लिग वानमा मोनाकोले शनिबार पेरिस सेन्ट जर्मेन (पीएसजी) लाई १–० ले पराजित गरेको छ । उपाधि होडमा पीएसजीका लागि यो हार गम्भीर धक्का रहेको छ । मोनाकोका लागि एक मात्र गोल ताकुमी मिनामिनोले ६८ औं मिनेटमा गरे । हारका बावजुत पीएसजी ३० अंकमा अझै शीर्ष स्थानमा छ । तर उसको अग्रता एक अंकमा छोटिएको छ । मार्से २९ अंकमा दोस्रो स्थानमा छ । मार्सेले टुलोजसँग २–२ को बराबरी खेलेपछि पीएसजीलाई उछिन्ने अवसर गुमाएको हो । अझ एक खेल कम खेलेको लेन्स २८ अंकमा तेस्रोमा छ । मोनाको आफै २३ अंकमा छैटौं स्थानमा छ । रेनेसले भने अर्को खेलमा मेट्जलाई १–० ले हरायो भने पेरिस एफसी र अजुरेले १–१ को बराबरी खेले ।

पीएसजीलाई मोनाकोको धक्का

बायर्न म्युनिकले जर्मन बुंडेसलिगाको शीर्ष स्थानमा आफ्नो अग्रतालाई आठ अंक पुर्‍याएको छ । बायर्नले एलिनाज एरेनामा भएको खेलमा सेन्ट पउलीलाई सजिलै ३–१ ले हराएको हो । पउलीले सुरुमै अप्रत्यासित अग्रता लिएयता बायर्नले तीन गोल फर्काएको हो । त्यो राफेल गुरेरो, लुइस डियाज र निकोलस ज्याक्सनको नाममा रह्यो । बायर्नको १२ खेलबाट ३४ अंक भएको छ । दोस्रोमा रहेको आरबी लाइपजिग भने समान १२ खेलबाट २६ अंकमा छ । लाइपजिग भने अर्को खेलमा बोरुसिया मोन्चेनग्लाडबाखको हातबाट गोलरहित बराबरीमा रोकियो । तेस्रो स्थानमा रहेको बोरुसिया डर्टमुन्डले भने बायर लेभरकुनजलाई २–१ ले हरायो । डर्टमुन्डको १२ खेलबाट २५ अंक छ ।&nbsp;

बायर्नको अग्रताले छोयो आठ अंक

काठमाडौँ। नेपाल प्रिमियर लिग अन्तर्गत आज एक खेल हुँदैछ। जसमा कर्णाली याक्स र काठमाडौँ गोर्खाजबीच दिउसो ३:३० बजेदेखि खेल हुँदैछ। कर्णालीले ४ खेलमा केवल एक खेल जितेको छ भने ३ खेलमा हार बेहोरेको छ। त्यस्तै काठमाडौँ गोर्खाजले ५ खेलमा ३ खेल जितेको छ भने २ खेलमा हार बेहोरेको छ।

कर्णाली र काठमाडौँ भिड्दै

राफेल लिओले दोस्रो हाफको सुरुमा गरेको निर्णायक गोलको मदतले एसी मिलानले इटालीको सिरी ए मा शनिबार लाजियोलाई १–० ले हराएको छ । सानसिरोमा लिओले ५१ औं मिनेटमा एक मात्र गोल गरे । यो जितपछि मिलानको १३ खेलबाट २८ अंक भएको छ र शीर्ष स्थानमा उक्लेको छ । तर उनको यो अग्रता एकै दिनका लागि मात्र हुन सक्नेछ । उसको पछाडि एएस रोमाको २७, नेपोलीको २५ र इन्टर मिलानको २४ अंक छ । उनीहरूसामु मिलानमाथि चुनौती थप्ने अवसर हुनेछ । शनिबार युभेन्ट्सले कागलिरीलाई २–१ ले हराएयो र१३ खेलबाट २३ अंकसहित सातौं स्थानमा रह्यो । अन्य खेलमा युडिनेजीले पार्मालाई २–० र जेनोआले हेलास भेरोनालाई २–१ ले पराजित गर्न सफल रह्यो ।

मिलानको जितमा लिओको निर्णायक गोल

स्पेनी ला लिगामा उपाधिका दुई प्रमुख प्रत्यासी बार्सिलोना र रियल म्याड्रिडले एकले अर्कोलाई उछिनेर शीर्षमा जाने क्रम शनिबार पनि कायम रह्यो । बार्सिलोनाले एलाभेसलाई ३–१ ले हराएर कम्तीमा एक दिनका लागि पहिलो स्थानमा रह्यो । त्यसमा लामिन यामलले बार्सिलोनाका लागि पहिलो गोल गरेपछि डानी ओल्मोले दुई गोल थपेका हुन् । त्यस अगाडि एटलेटिकोले रियल ओभिडोलाई २–० ले पराजित गरेको थियो र त्यसमा दुवै गोल एलेक्जान्डर सरलोथले गरे । बार्सिलोना ३४ अंक भएको छ भने एटलेटिकोको ३१ अंक छ र तेस्रो स्थानमा छ । रियल भने एक खेल कम खेलेर ३२ अंकमा दोस्रोमा छ र उसको सामु आइतबार फेरि शीर्षमा उक्लिने अवसर हुनेछ । अन्य खेलमा एथलेटिको बिलबाओले लेभान्टेलाई २–० ले पन्छायो भने रियल मार्लोका र ओसासुनाले भने २–२ को रोमाञ्चक बराबरी खेले ।

रियललाई उछिनेर बार्सिलोना अगाडि

म्यानचेस्टर सिटीले इंग्लिस प्रिमियर लिगमा शनिबार लिड्स युनाइटेडमाथि ३–२ को संघर्षपूर्ण जित निकालेको छ । खेल बराबरीतर्फ अग्रसर भइरहेको बेला फोडेनले दोस्रो हाफको इन्ज्युरी समयको पहिलो मिनेट गोल गर्दै जितको उद्धार गरेका हुन् । फोडनले नै इतिहाडमा भएको खेलमा गोलको खाता खोलेका थिए । यो जितपछि सिटी १३ खेलबाट २५ अंक भएको छ । सिटी दोस्रो स्थानमा छ र यो पहिलो स्थानमा रहेको आर्सनलसँग चार अंकको अन्तर हो । यो सिजन सरप्राइज टिम रहेको सन्डरल्यान्डले भने उत्कृष्ट पुर्नआगमन रच्दै बर्नमाउथलाई ३–२ ले नै हरायो र २२ अंकमा चौथो स्थानमा उक्लिन सफल रह्यो । घरमा भएको खेलमा सन्डरल्यान्ड सुरुमै दुई गोलले पछाडि रहेको थियो । यस्तै अन्य खेलमा फुलहमले टोटनहमलाई २–१, न्युकासल युनाइटेडले एभरटनलाई ४–१ र ब्रेन्टफोर्डले बर्नलीलाई ३–१ ले हरायो ।

लिड्समाथि सिटीको संघर्षपूर्ण जित

काठमाडौं। साविक विजेता जनकपुर वोल्ट्सलाई हराउँदै सुदूरपश्चिम रोयल्स दोस्रो संस्करणको नेपाल प्रिमियर लिग (एनपिएल) को प्लेअफमा प्रवेश गरेको छ। लगातार पाँचौं जितसँगै सुदूर प्लेअफमा पुग्ने पहिलो टिम बनेको छ। यता, चारै खेलमा पराजित जनकपुरको प्लेअफ पुग्ने सम्भावना समाप्त भएको छ। त्रिवि क्रिकेट रंगशालामा जनकपुरले दिएको १४६ रनको लक्ष्य पछ्याएको सुदूरले १७.४ ओभरमा ४ विकेट गुमाएर पूरा गर्यो। खेलमा ६ विकेटले विजयी भयो। सुुदूरको जितमा इशान पाण्डेले सर्वाधिक ५६ रनको अर्धशतकिय पारी खेले। उनले ३५ बलमा ८ चौका र एक छक्का प्रहार गरे। ओपनर बिनोद भण्डारी ४२ रन बनाउँदा कप्तान दिपेन्द्र सिंह ऐरीले १० र हर्मित सिंह २५ रनमा अविजित रहे। जनकपुरका लागि सन्जयकृष्ण मुर्थिले दुई, ललित राजवंशीले एक विकेट लिए।&nbsp; कुनै समय पहिलो बलमा विकेट गुमाएको सुदूरका लागि बिनोद र इशानले तेस्रो विकेटका लागि ९२ रनको साझेदारी गरे।&nbsp; त्यसअघि टस जितेर पहिलो ब्याटिङ थालेको जनकपुरले निर्धारित २० ओभरमा ८ विकेट गुमाएर १४५ रन बनाएको। जनकपुरका लागि सन्जय कृष्णमुर्थिले ३८ बलमा ५०, जान निकोल लफ्टी इटन ३३ बलमा ३९, आदित्य महता १३ बलमा १५ र कप्तान वार्नि पार्नेलले १४ रन बनाए। यता, सुदूरका लागि अभिनाष बोहरा सर्वाधिक ४ विकेट लिँदा स्कट कुइगेलिनले तीन तथा कप्तान दिपेन्द्र सिंह ऐरीले एक विकेट लिए।

जनकपुरलाई हराउँदै सुदूरपश्चिम प्लेअफमा

काठमाडौं। पहिलो जितको खोजिमा रहेको जनकपुर वोल्ट्सले सुदूरपश्चिम रोयल्सलाई १६४ रनको लक्ष्य प्रस्तुत गरेको छ। त्रिवि क्रिकेट रंगशालामा टस जितेर पहिलो ब्याटिङ थालेको जनकपुरले निर्धारित २० ओभरमा ८ विकेट गुमाएर १४५ रन बनायो। जनकपुरका लागि सन्जय कृष्णमुर्थिले ३८ बलमा ५०, जान निकोल लफ्टी इटन ३३ बलमा ३९, आदित्य महता १३ बलमा १५ र कप्तान वार्नि पार्नेलले १४ रन बनाए। यता, सुदूरका लागि अभिनाष बोहरा सर्वाधिक ४ विकेट लिँदा स्कट कुइगेलिनले तीन तथा कप्तान दिपेन्द्र सिंह ऐरीले एक विकेट लिए।

सुदूरपश्चिमलाई १४६ रनको लक्ष्य

काठमाडौँ। दोस्रो संस्करणको नेपाल प्रिमियर लिगमा लुम्बिनी लायन्सले दोस्रो जित दर्ता गरेको छ। जितसँगै पाँच खेलबाट लुम्बिनीले दुई जित दर्ता गरेको छ। पोखरा भने चार खेलमा तेस्रो हार ब्यहोरेको छ। पोखराले दिएको १५१ रनको लक्ष्य पछ्याएको लुम्बिनीले १९.४ ओभरमा ७ विकेट गुमाएर लक्ष्य पूरा गर्यो। लुम्बिनीको जितमा कप्तान रोहितकुमार पौडेलले सर्वाधिक ४० रन बनाए। उनले ३६ बलमा तीन चौका र दुई छक्का प्रहार गरे।&nbsp; निरुशन डिकवेल्ला २२ बलमा दुई चौका र दुई छक्काको सहयोगमा ३७ रन बनाए। गुलबदिन नइबले ११ बलमा १७, दिलिप नाथ १०, सन्दीप जोराले २२ बलमा २५ रन बनाए। पोखराको लागि विपिन खत्री, सागर ढकाल, म्याटेलरले समान दुई विकेट लिए। जिम्मी निशमले एक विकेट लिए। त्यसअघि त्रिवि क्रिकेट रंगशालामा टस हारेर पहिले ब्याटिङ थालेको पोखराले निर्धारित २० ओभरमा ५ विकेट गुमाएर १५० रन बनाएको थियो। पोखराको लागि एडम रोसिङटनले शानदार पारी खेले उनले ६३ बलमा ७ चौका र ५ छक्काको सहयोगमा ८१ रन बनाए। यस्तै, अलराउन्डर जिम्मी निशमले ३२ बलमा ३ चौका र ३ छक्काको सहयोगमा ५१ रन बनाए।&nbsp; लुम्बिनीका लागि तिलक भण्डारी र शेर मल्लले दुई विकेट लिए।

रोमाञ्चक खेलमा लुम्बिनीले पोखरालाई हरायो

काठमाडौँ। एसीसी यु–१९ प्रिमियर कपको सेमिफाइनलमा मलेसियालाई ९ विकेटले हराउँदै नेपाल फाइनलमा प्रवेश गरेसँगै एसिया कपमा छनोट भएको हो। &nbsp;मलेसियाले दिएको ५२ रनको सामान्य लक्ष्य नेपालले ७.५ ओभरमा एक विकेट गुमाएर पूरा गर्यो। नेपालका लागि भन्स क्षेत्री २७ बलमा सर्वाधिक २३ रन &nbsp;बनाए।&nbsp; यस्तै, निश्चल खत्रीले १८ बलमा १५ रन बनाउँदा ओपनर निरजकुमार यादवले ४ रन बनाएर आउट भए। त्यसअघि यूएईको अजमनमा टस हारेर पहिले ब्याटिङ गरेको मलेसियाले १७‍।२ ओभरमा सबै विकेट गुमाएर ५२ रन बनाएको थियो। मलेसियाको लागि हम्जाह पङ्गगीले २० बलमा सर्वाधिक १३ रन बनाए। यस्तै, मोहमद फतुलले ११ रन बनाउनु बाहेक अन्य ब्याटरले रन बनाउन सकेनन्। मलेसियालाई कम स्कोरमा रोक्न नेपालका लागि नितिश कुमार पटेलले सर्वाधिक चार, चन्दन रामले तीन, कप्तान अशोक धामी, अपराजित पौडेल र रोसन विश्वकर्माले समान एक विकेट लिए। नेपालले अब उपाधिको लागि ओमान र यूएईबीच जारी दोस्रो सेमिफाइनलको विजेतासँग सोमबार खेल्नेछ।

नेपालको युवा टोली एसिया कपमा

काठमाडौँ। पोखरा एभेन्जर्सका ओपनर एडम रोसिङटन र जिम्मी निशमनको शानदार अर्धशतका लुम्बिनी लायन्सले १५१ रनको लक्ष्य पाएको छ।&nbsp; त्रिवि क्रिकेट रंगशालामा टस हारेर पहिले ब्याटिङ थालेको पोखराले निर्धारित २० ओभरमा ५ विकेट गुमाएर १५० रन बनायो। पोखराको लागि एडम रोसिङटनले शानदार पारी खेले उनले ६३ बलमा ७ चौका र ५ छक्काको सहयोगमा ८१ रन बनाए। यस्तै, अलराउन्डर जिम्मी निशमले ३२ बलमा ३ चौका र ३ छक्काको सहयोगमा ५१ रन बनाए।&nbsp; लुम्बिनीका लागि तिलक भण्डारी र शेर मल्लले दुई विकेट लिए।

Nepalsports

फाफ डु प्लेसीसि एनपिएल खेल्न काठमाडौँ आइपुगे

📰 Recent News

Nepalsports