काठमाडौं। नेपालले आईसीसी पुरुष क्रिकेट विश्वकप लिग २ मा अमेरिकालाई फराकिलाे अन्तरले पराजित गरेकाे छ। त्रिवि क्रिकेट रंगशालामा शुक्रबार सम्पन्न खेलमा नेपालले १२२ रनको जित निकालेको हो। नेपालले दिएको ३१८ रनको लक्ष्य पछ्याएको अमेरिकाले ४१.२ ओभरमा सबै विकेट गुमाउँदै १९५ रन मात्र बनाउन सक्यो। अमेरिकाका सञ्जय कृष्णमुर्तीले सर्वाधिक ५६ रन बनाइन्। उनले ४४ बलमा ४ चौका र ४ छक्का प्रहार गरे। नोस्थुश केन्जिगे २९, शायन जहाँगीर २७, शेहान जयसूर्या २६ र सैतेजा मुकामल्ल २२ रनमा आउट भए। नेपालका सन्दीप लामिछानेले सर्वाधिक ३ विकेट लिए। १० ओभर बलिङ गरेका उनले १ मेडनसहित ३० रन खर्चिए। ललितनारायण राजवंशी, दीपेन्द्रसिंह ऐरी र गुल्सनकुमार झाले समान २ विकेट राखे। यो जितसँगै पाँचौं स्थानकाे नेपालले २४ अंक पुर्‍याएको छ। शीर्षस्थानको अमेरिकाको २८ खेलबाट ३८ अंक छ। नेपालले पहिलो खेलमा अमेरिकालाई ९ विकेटले हराएको थियो। त्यसअघिको चक्रमा नेपालले दुवैपल्ट अमेरिकालाई हराएको थियो।

नेपाल १२२ रनले विजयी

काठमाडौं। घरेलु टोली नेपालले काभा महिला भलिबल च्याम्पियनसिपकाे पहिलाे खेलमा पराजित भएकाे छ। त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा शुक्रबार सम्पन्न समूह ‘ए’ को पहिलो खेलमा नेपाल भारतसँग ३–२ ले पराजित भएको हो। जितसँगै भारतले २ अंक हात पारेको छ। नेपालले भने १ अंक पाएको छ। नेपालले पहिलो सेट २५–२१ ले जितेको थियो। तर, त्यसपछिका दुई सेट नेपालले २०–२५ र १९–२५ ले गुमायो। पाँचौं तथा अन्तिम सेटमा भारत ९–१५ ले आफ्नाे पक्षमा पार्न सफल भयाे।

रोमाञ्चक खेलमा नेपाल पराजित

काठमाडौं। नेपालले उत्कृष्ट ब्याटिङ प्रदर्शन गर्दै अमेरिकाविरुद्ध निर्धारित ५० ओभरमा ८ विकेट गुमाएर ३१७ रनको विशाल योगफल तयार गरेको छ। नेपालको इनिङ्समा ईशान पाण्डे र दीपेन्द्र सिंह ऐरीले शानदार प्रदर्शन गरे। नेपालका ईशान पाण्डेले ८३ बलमा ८ चौका र १ छक्काको मद्दतमा सर्वाधिक ८४ रन बनाए। ओपनर आसिफ शेखले ४३ तथा कुशल भुर्तेलले २९ रनको योगदान दिए। कप्तान रोहित पौडेलले ४६ रन जोड्दा दीपेन्द्र सिंह ऐरीले विस्फोटक ब्याटिङ गर्दै ३६ बलमा ५९ रन बनाए। उनले ४ चौका र ४ छक्का प्रहार गरे। अन्त्यतिर आरिफ शेख १८ रनमा अविजित रहँदा गुल्शन झाले १५ रन बनाए। नेपालले अतिरिक्तबाट १७ रन प्राप्त गर्यो। अमेरिकाका लागि शुभम रञ्जनेले १० ओभरमा ६१ रन खर्चेर ३ विकेट लिए। रुशिल उगारकर र मिलिन्द कुमारले समान १–१ विकेट हात पारे।

अमेरिकाविरुद्ध नेपालले बनायो ३१७ रन

काठमाडौं। काभा वुमन्स भलिबल च्याम्पियनसिपमा इरानले विजयी सुरुआत गरेको छ।&nbsp; शुक्रबार त्रिपुरेश्वरस्थित राष्ट्रिय खेलकुद परिषद् राखेप कभर्डहल मा सम्पन्न खेलमा इरानले बंगलादेशलाई सोझो सेटमा ३–० ले पराजित गरेको हो। एकतर्फी बनेको खेलमा इरानले पहिलो सेट २५–६ ले आफ्नो पक्षमा पार्दै उत्कृष्ट सुरुआत गरेको थियो। दोस्रो सेटमा पनि इरानले दबाब कायम राख्दै २५–९ को जित निकाल्यो। तेस्रो सेट २५–१० ले जित्दै इरानले शानदार जित दर्ता गर्यो। इरानले खेलभर आक्रामक प्रदर्शन गर्दै बंगलादेशलाई कुनै पनि सेटमा खेलमा फर्किन अवसर दिएन। प्रतियोगितामा उपाधि दाबेदार टोलीका रूपमा रहेको इरानले पहिलो खेलमै सशक्त प्रदर्शन गरेको हो।

इरानको विजयी सुरुआत

काठमाडौं। काभा महिला भलिबल च्याम्पियनसिप २०२६ आजदेखि काठमाडौंमा सुरु हुँदैछ। प्रतियोगिताको पहिलो दिन तीन खेल हुनेछन्। पहिलो खेलमा इरानले बंगलादेशसँग बिहान ११ बजे प्रतिस्पर्धा गर्नेछ। त्यसपछि दोस्रो खेलमा घरेलु टोली नेपालले दिउँसो ३ः३० बजे भारतसँग भिड्नेछ। दिनको अन्तिम खेलमा किर्गिस्तान र माल्दिभ्सबीच साँझ ६ बजे प्रतिस्पर्धा हुनेछ। प्रतियोगितामा नेपालसहित इरान, भारत, बंगलादेश, किर्गिस्तान र माल्दिभ्स सहभागी छन्। प्रतियोगिताका खेलहरू काठमाडौंको त्रिपुरेश्वस्थित राष्ट्रिय खेलकुद परिषद्को कभर्ड हलमा सञ्चालन हुनेछ।

काभा महिला भलिबल च्याम्पियनसिप आजदेखि, पहिलो दिन ३ खेल

काठमाडौ, क्रिस्टियानो रोनाल्डोको कप्तानीमा रहेको अल नासरले साउदी प्रो लिगको उपाधि जितेको छ। बिहीबार राति सम्पन्न खेलमा डामाक एफसीलाई ४–१ गोलले पराजित गर्दै नासरले सिजनको अन्त्य उपाधिसहित गरेको हो। खेलमा अल नासरले सुरुदेखि नै आक्रामक प्रदर्शन गरेको थियो। ३४औँ मिनेटमा साडियो मानेले गोल गर्दै अग्रता दिलाए भने ५२औँ मिनेटमा किङ्स्ले कोमानले अर्को गोल थपे। त्यसपछि ६३औँ र ८१औँ मिनेटमा कप्तान क्रिस्टियानो रोनाल्डोले दुई गोल गर्दै नासरको जित पक्का गरे। डामाकका तर्फबाट ५८औँ मिनेटमा मोरले सिल्लाले पेनाल्टीमार्फत एक गोल फर्काएका थिए। अल नासरले यो सिजन ३४ खेलमा २८ जित, २ बराबरी र ४ हारसहित कुल ८६ अंक जोड्दै लिग च्याम्पियन बनेको हो। डामाक भने ६ जित, ११ बराबरी र १७ हारसहित २९ अंकमा सिजन समाप्त गर्दै तालिकाको तल्लो भागमा रह्यो। यस्तै, साविक विजेता अल हिलाल समान खेलबाट ८२ अंकसहित उपविजेता बनेको छ।

नासरले जित्यो साउदी लिग उपाधि

गुजरात टाइटन्सले बिहीबार इन्डियन प्रिमियर लिग (आईपीएल) २०२६ मा ८९ रनले हराएको छ र यो नतिजासँगै क्वालिफायर वानको समीकरण तयार भएको छ । शीर्ष दुई स्थान भित्र को रहने भन्ने निर्णय रोयल च्यालेन्जर्स बेंगलुरु र गुजरातबीच हुनेछ र उनीहरूले नै अब क्वालिफायर वान खेल्नेछन् । दुवै टिम समान १८ अंकमा छन् । चेन्नाइ भने १२ अंकमा सातौं स्थानमा रह्यो । उसको प्ले अफ सम्भावना समाप्त भएको छ । गुजरातले पहिले ब्याटिङ गर्दै चार विकेटमा २ सय २९ रन बनाएको थियो । त्यसमा साइ सुदर्शनले ८४, शुभमन गिलले ६४ र जस बटलरले ५७ रन बनाएर । जवाफमा चेन्नाइले १३.४ ओभरमा १ सय ४० रन मात्र बनाउन सक्यो । त्यसमा मोहम्मद सिराज र कगिसो रबाडाले तीन तीन विकेट लिए ।

गुजरातसँगै बेंगलुरु क्वालिफायर वानमा

काठमाडौं जेठ ७ गते । नेपाल वायु सेवा निगमका दिपेन्द्र ठाकुर १५ औं कर्मचारी खेलकुद प्रतियोगिताअन्तर्गत बुद्धिचालमा बिहीबार पहिलो भएका छन् । पाँच चरणको खेलमा उनले शत प्रतिशत जित निकाल्दै ५ अंक जोडे । कर्मचारी खेलकुद प्रतिष्ठान नेपाल (इशान) को आयोजनामा कमलादीस्थित नेपाल प्रज्ञा प्रतिष्ठानमा भएको खेलमा नेपाल विद्युत प्राधिकरणका रिजन ग्वाचा दोश्रो तथा नेपाल टेलिकमका देवनारायण खनाल तेश्रो बने । रिजनले ४ तथा देवले ३ अंक बटुले । देव टाइब्रेकमा तेश्रो भएका हुन् । १४ प्रतियोगी सहभागी थिए । विभिन्न ४ खेल समावेश प्रतियोगितामा ब्याडमिन्टन, टेबलटेनिस र बुद्धिचालसहित ३ सम्पन्न भएको छ । फुटसल शुक्रबारदेखि कुलेश्वरस्थित भिजन नोभामा सुरु हुँदै । पुरुषमा १३ र महिलामा ७ टिमले लिग कम नकआउट आधारमा प्रतिस्पर्धा गर्ने आयोजक इशानका अध्यक्ष रामविनय श्रेष्ठले जनाएका छन् । ब्याडमिन्टनमा कृषि विकास बैंकले सर्वाधिक २ तथा विद्युत, नेपाल नागरिक उड्डयन प्राधिकरण, एनसेल र एनटीसीले समान&nbsp;१–१&nbsp;स्वर्ण जितेका छन् । टेबलटेनिसमा एभरेष्ट बैंक लिमिटेड र नेपाल वायु सेवा निगमले समान&nbsp;२–२&nbsp;तथा नागरिक उड्डयनले १ स्वर्ण हात पारेका छन् । प्रतियोगिता जेठ १० गतेसम्म चल्ने छ ।

बुद्धिचालमा दिपेन्द्र पहिलो

काठमाडौं। भारतमा आयोजना हुने साफ महिला च्याम्पियनसिप २०२६ खेल्न जाने नेपाली राष्ट्रिय महिला फुटबल टोलीलाई बिहीबार बिदाइ गरिएको छ। शिक्षा तथा खेलकुद मन्त्रालयमा आयोजित कार्यक्रममा शिक्षा तथा खेलकुदमन्त्री सस्मित पोखरेल, मन्त्रालयका सल्लाहकार सिद्धि ब्याञ्जनकार र राजु सिंह, राष्ट्रिय खेलकुद परिषद्का सदस्य–सचिव रामचरित्र मेहता, अखिल नेपाल फुटबल संघ (एन्फा) का अध्यक्ष पंकजविक्रम नेम्वाङ, महासचिव किरण राई, कार्यसमिति सदस्य सरिला श्रेष्ठ मलेकु तथा कोषाध्यक्ष रविन्द्र जोशी ले टोलीलाई सफलताको शुभकामना दिएका थिए। प्रतियोगिताका लागि नेपाली टोली शुक्रबार भारत प्रस्थान गर्ने तालिका रहेको छ। साफ च्याम्पियनसिप भारतको गोवामा जेठ ११ गते (मे २५ ) देखि सुरू हुँदैछ। जहाँ ६ राष्ट्रले प्रतिस्पर्धा गर्नेछन्। नेपाल ग्रुप ‘ए’ मा श्रीलंका र भुटान रहेका छन्। ग्रुप ‘बी’ मा भारत, बङ्गलादेश र माल्दिभ्स रहेका छन्।

साफ महिला च्याम्पियनसिप खेल्न नेपाली महिला टोलीलाई बिदाइ

काठमाडाैं। खेलकुद पत्रकार मञ्च समन्वय शाखा सुर्खेतकाे अध्यक्षमा नविन शाही निर्वाचित भएका छन्। बुधबार वीरेन्द्रनगरमा सम्पन्न मञ्चकाे दाेस्राे साधारण सभाले शाहीकाे नेतृत्वमा‌ नयाँ कार्यसमिति निर्वाचित गरेको हाे । मञ्चकाे उपाध्यक्ष रमा केसी, सचिवमा अप्सरा विष्ट, काेषाध्यक्षमा सिर्जना बुढाथाेकी, सहसचिवमा -नविन‌ सुवेदी निर्वाचित भएका छन्। त्यस्तै सदस्यहरुमा राकेश पाैडेल (तिलक), टेकराज केसी, भावना राना‌ र मिलन श्रेष्ठ निर्वाचित भएका छन्। साधारण सभामा निवर्तमान अध्यक्ष भानुभक्त अधिकारीले खेलकुद पत्रकारिताकाे महत्व र जिम्मेवारी लगायतका विषयमा प्रष्ट पारेका थिए। कार्यक्रममा कर्णाली प्रदेश खेलकुद विकास परिषद्का‌ सदस्य सचिव रविन्द्र चन्दले कर्णालीमा खेलाडीहरुकाे राष्ट्रिय स्तरमा‌ पुर्याउने र खेलाडीकाे प्राेफाइल निर्माण लगायतका गतिविधिमा नेपाल खेलकुद पत्रकार मञ्चसँग सहकार्य र समन्वय गर्न तयार रहेको बताए। कर्णालीमा रहेका लाेप उन्मुख र परम्परागत खेलकुद्काे विकासका‌ लागि कलम चलाउनुपर्ने बताउँदै आगामी दिनमा कर्णालीमा एनएसजेएफ स्पाेर्ट्स अवार्ड‌ गराउनेसमेत बताए। त्यस्तै केन्द्रीय प्रतिनिधि एवम् नेपाल खेलकुद पत्रकार मञ्चका सदस्य नविन‌ लुइटेलले आसन्न दिनमा सुर्खेतमा‌ हुन गरिरहेको दशाैं राष्ट्रिय प्रतियोगिता सम्पन्न गर्न खेलकुद पत्रकारकाे महत्वपूर्ण भूमिका रहने बताए। उनले समग्र खेलकुद र‌‌ खेलाडीकाे बृद्दि विकासमा‌ खेलकुद पत्रकारकाे महत्वपूर्ण याेगदान रहेकाे बताउँदै सुर्खेतमा‌‌ खेल‌ पत्रकारिताको विकासका लागि क्षमता अभिवृद्धि तालिम, फेलाेसीप लगायतका गतिविधि सञ्चालन गर्न‌ सुझाव दिए। त्यस्तै खेलकुद विकास परिषद्ले नै बजेट व्यवस्था गरेर खेलकुद क्षेत्रमा याेगदान पुर्याएका पुरान‌ा‌ खेलाडीहरुकाे खाेजमुलक‌ रिपोर्टिङ् लगायत खेलकुद पत्रकारिताको विकासका‌ लागि याेगदान गर्न सुझाव दिए। कार्यक्रममा नेपाल पत्रकार महासंघ सुर्खेतका अध्यक्ष सुशीलराज शर्माले सुर्खेतकाे‌ खेलकुद विकासका लागि विगतदेखि नै लामाे समयदेखि रिपाेटिङ गर्दै आएकाे बताए। उनले माेफसलमा रहेर विधागत पत्रकारिता‌ गर्न कठिन‌ रहेको बताउँदै पछिल्लो समय सरकारले नै पत्रकारिता, मिडिया हाउस बन्द गराउन लागि परेको बताए। प्रदेश‌ सरकारको पनि केन्द्र सरकारकै रिमाल गरेर लाेक कल्याणकारी विज्ञापन राेकेकाे बताए।

खेलकुद पत्रकार मञ्च सुर्खेतको अध्यक्षमा शाही

एस्टन भिल्लाले फ्रेबर्गलाई सजिलै ३–० ले पराजित गर्दै बुधबार युरोपा लिगको उपाधि हात पारेको छ । यससँगै उसले आफ्नो ३० वर्षको उपाधि खडेरी पनि तोडेको छ । इस्टानबुलमा भएको फाइनलमा इंग्लिस प्रिमियर लिग क्लबका लागि योरी टेलेमन र इमिलिनो बुन्डेआले पहिलो हाफमा गोल गरेपछि &nbsp;मोर्गन रोजर्सले दोस्रो हाफमा एक गोल थपे । &nbsp; भिल्लाले अन्तिम पटक सन् १९९६ मा लिगकप जितेको थियो । यस्तै भिल्लाले सन् १९८२ मा भिल्लाले युरोपियन कप जितेको थियो । भिल्लाका स्पेनी प्रशिक्षक उनई एमरीका लागि पनि अहिलेको सफलता व्यक्तिगत रूपमा ठूलो रह्यो । उनले युरोपा कप जितेको यो पाँचौं पल्ट हो ।

भिल्ला बन्यो युरोपा लिग च्याम्पियन

कोलकाता नाइट राइडर्सले बुधबार इन्डियन प्रिमियर लिग (आईपीएल) २०२६ मा मुम्बई इन्डियन्सलाई चार विकेटले हराएको छ । यससँगै उसको प्ले अफ सम्भावना कायम रह्यो, तर यो अन्य टिमको प्रदर्शनमा पनि आधारित हुनेछ । एडेन गार्डेनमा भएको लो स्कोरिङ खेलमा मुम्बईले पहिले ब्याटिङ गर्दै आठ विकेटमा १ सय ४७ रन खडा गरेको थियो । जवाफमा &nbsp;कोलकाताले १८.५ ओभरमा छ विकेट गुमाएर १ सय ४८ रन बनायो । त्यसमा मनीष पाण्डेको ४५ र रोभमन पावेलको ४० रन बनाए । यो जितपछि कोलकाता १३ अंकमा छैटौं स्थानमा रह्यो । मुम्बई भने आठ अंकमा नवौं स्थानमा छ ।

कोलकाताको भाग्य अरूको हातमा

काठमाडौं। आइबीथ्रीएल अन्तर्राष्ट्रिय इलिट कप बास्केटबल प्रतियोगिताको उपाधि काठमाडौं, नेपालले जितेको छ। भारतकै सबैभन्दा प्रतिस्पर्धात्मक थ्री एक्स थ्री बास्केटबल प्रतियोगितामध्ये एक मानिएको प्रतियोगितामा नेपाली टोलीले उत्कृष्ट प्रदर्शन गर्दै उपाधिमाथि कब्जा जमाएको हो। भारतका नयाँदिल्ली, जयपुर, राँची, मुम्बई र सिलिगुडीमा सम्पन्न छनोट चरण पार गर्दै आएका टोलीबीच कडा प्रतिस्पर्धा भएको थियो। फाइनल खेलमा काठमाडौं टोलीले दिल्ली एसडब्ल्यूसीमाथि शानदार प्रर्शन गर्दै २१–१७ ले आफ्नो पक्षयमा पार्‍यो। उपाधिसँगै नेपाली टोलीले मंगोलिया च्यालेन्जर खेल्ने अवसर पनि प्राप्त गरेको छ। यससँगै टोली अन्तर्राष्ट्रिय फिबा थ्री एक्स थ्री सर्किटतर्फ थप नजिक पुगेको छ। विश्वस्तरीय कागा बास्केटबल एकेडेमीमा आयोजित प्रतियोगिताले सिलिगुडीलाई दक्षिण एशियाली थ्री एक्स थ्री बास्केटबलको उदीयमान केन्द्रका रूपमा स्थापित गरेको छ।

काठमाडौंले जित्यो आइबीथ्रीएल बस्केटबलको उपाधि

काठमाडौं। नेपालले मलेसियामाथि पहिलो टी–२० शृङ्खलामा संघर्षपूर्ण जित हासिल गरेको छ। मलेसियाको क्वालालम्पुरस्थित बायोमास ओभलमा बुधबार सम्पन्न खेलमा घरेलु टोलीलाई नेपालले २ विकेटले पराजित गरेको हो। मलेसियाले दिएको ६८ रनको सामान्य लक्ष्य नेपालले १७.३ ओभरमा ८ विकेट गुमाउँदै पूरा गर्‍यो। नेपालको जितमा सम्झना खड्काले ३९ बलमा २ चौकाको सहयोगमा सर्वाधिक ३२ रनको इनिङ खेलिन्। रुवी पोदार १५ रनमा आउट हुँदा नेपालका अन्य ब्याटरले भने दोहोरो अंकमा रन बनाउन सकेनन्। मलेसियाका लागि नुर कवाल्शाले ३ विकेट लिइन् भने अल्सा एलिसा र एल्सा हन्टरले समान २ तथा नुर दानियाले १ विकेट हात पारिन्। त्यसअघि पहिले ब्याटिङ गरेको मलेसिया १६.५ ओभरमा सबै विकेट गुमाउँदै ६७ रनमा समेटिएको थियो। मलेसियाका लागि एल्सा हन्टरबाहेक अन्य कुनै ब्याटरले दोहोरो अंकमा रन जोड्न सकेनन्। नेपालका लागि पूजा महतोले ३ विकेट लिइन् भने मनिषा उपाध्याय र रिया शर्माले समान २ विकेट हात पारिन्। कविता कुँवर र सीता राना मगरले समान १ विकेट लिए। जितसँगै दुई खेलको टी–२० शृङ्खलामा नेपालले १–० को अग्रता बनाएको छ। एसियन गेम्स छनोट तथा एसीसी प्रिमियर कपको तयारीका लागि मलेसिया पुगेको नेपाली टोलीले घरेलु टोलीसँग तयारीस्वरूप दुई खेलको टी–२० अन्तर्राष्ट्रिय शृङ्खला खेलिरहेको हो। शृङ्खलाको दोस्रो खेल शुक्रबार हुनेछ।

मलेसियाविरुद्ध नेपालको संघर्षपूर्ण जित

काठमाडौं। विश्वकप लिग–२ अन्तर्गत किर्तिपुरस्थित त्रिवि क्रिकेट रंगशालामा जारी खेल स्कटल्यान्ड १६९ रनमा अलआउट भएको छ। टस जितेर पहिले ब्याटिङ रोजेको स्कटल्यान्ड ४३.३ ओभरमा सबै विकेट गुमाउँदै १६९ रनमा समेटिएको हो। याेसँगै अमेरिकाले जितकाे लागि १७० रनकाे लक्ष्य पाएकाे छ। स्कटल्यान्डका लागि मार्क वाटले सर्वाधिक ६६ रन बनाए। उनले ८५ बलमा ४ चौका र ३ छक्का प्रहार गरे। ब्रेन्डन म्याकमुलेनले ३२ रन जोड्दा म्याथ्यु क्रसले २० रनको योगदान दिए। जर्ज मुन्सीले १९ रन बनाउँदा अन्य ब्याटरले उल्लेखनीय प्रदर्शन गर्न सकेनन्। अमेरिकाका रुसिल उगारकरले उत्कृष्ट बलिङ गर्दै ४ विकेट लिए। सौरभ नेत्रभाल्करले ३ विकेट झारे भने शुभम रञ्जनेले २ विकेट हात पारे। हरमित सिंहले १ विकेट लिए। स्कटल्यान्डले नियमित अन्तरालमा विकेट गुमाएको थियो। १.२ ओभरमा १० रन हुँदा पहिलो विकेट गुमाएको टोली १४.५ ओभरमा ६१ रनमै पाँच विकेट गुमाएर दबाबमा परेको थियो।&nbsp;

स्कटल्यान्ड १६९ रनमा अलआउट

काठमाडौं। फिफा विश्वकप २०२६ आउन मात्र अब केहि दिन मात्र बाँकी छ। जसकाे लागि अहिलेसम्म १६ वटा देशले आफ्नो आधिकारिक अन्तिम टोली घोषणा गरिसकेका छन्। अन्तिम टोली बुझाउने अन्तिम मिति फिफाले जून २ तोकेको छ। यसपटक ४८ राष्ट्रले सहभागिता जनाउँदैछन्। यस्तै, उपाधिकाे दाबेदार मध्य एक पाेर्चुगलले ४१ वर्षीय क्रिस्टियानो रोनाल्डोलाई समेट्दै आफ्नाे अन्तिम टाेली घाेषणा गरेकाे छ। यससँगै उनी कीर्तिमानी छैटौं पटक विश्वकप खेल्ने तयारीमा छन्। पोर्चुगलले पहिलो पटक विश्वकप उपाधि जित्ने लक्ष्यसहित अनुभवी कप्तान रोनाल्डोलाई टोलीमा राखेको हो। यो उनको अन्तिम विश्वकप हुन सक्ने अनुमान गरिएको छ । युरोपियन फुटबल छोडेर साउदी अरेबियाको क्लब अल–नासरमा आबद्ध भएपछि रोनाल्डोको यो पहिलो विश्वकप हुनेछ। रोनाल्डो र उनका चर्चित प्रतिद्वन्द्वी लिओनल मेसी विश्वकपको छैटौं संस्करण खेल्ने पहिलो पुरुष खेलाडी बन्न सक्ने सम्भावना छ। रोनाल्डो पुरुष अन्तर्राष्ट्रिय फुटबलमा सर्वाधिक खेल (२२६) र सर्वाधिक गोल (१४३) गर्ने खेलाडी हुन्। साथै, लगातार पाँच विश्वकपमा गोल गर्ने उनी एकमात्र खेलाडी पनि हुन्। <img src="https://app.nepalsportz.com/media/django-summernote/2026-05-20/44e685cc-c82c-456d-a81d-f3ebae48e835.jpeg" style="width: 698px;"> पोर्चुगलको टोलीमा जाओ फेलिक्स, बेर्नार्डो सिल्भा, ब्रुनो फर्नान्डेज, नुनो मेन्डेस, भिटिन्हा, जाओ नेभेस र गोन्सालो रामोसजस्ता खेलाडी पनि समावेश छन्। विश्वकप नियमअनुसार अन्तिम टोलीमा बढीमा २६ खेलाडी राख्न पाइन्छ। तर, प्रशिक्षक मार्टिनेजले गोलरक्षक रिकार्डो भेल्होलाई अतिरिक्त खेलाडीका रूपमा राखेका छन्। आवश्यकता परे मात्र उनी टोलीसँग यात्रा गर्नेछन्। पोर्चुगल समूह ‘के’ मा कोलम्बिया, उज्बेकिस्तान र कंगोसँग परेको छ। पोर्चुगलले जुन १७ मा अमेरिकाको ह्युस्टनमा कंगोविरुद्ध पहिलो खेल खेल्नेछ। पोर्चुगलले हालै २०२५ नेशन्स लिगको उपाधि जितेको थियो। उसले सेमिफाइनलमा जर्मनी र फाइनलमा स्पेनलाई हराएको थियो। पोर्चुगलले जुन १ देखि विश्वकपको तयारी सुरु गर्नेछ। टोलीले जुन ६ मा चिली र जुन १० मा नाइजेरियासँग अभ्यास खेल खेल्नेछ भने जुन १२ मा अमेरिका प्रस्थान गर्नेछ।

विश्वकप खेल्ने पोर्चुगलको टोली घोषणा

वैभव सूर्यवंशीको उत्कृष्ट प्रदर्शनको मदतले राजस्थान रोयल्सले इन्डियन प्रिमियर लिग (आईपीएल) २०२६ मा मंगलबार लखनउ सुपर जायन्ट्सलाई सात विकेटले हराएको छ र प्ले अफको नजिक पुगेको छ । यो जितपछि राजस्थान १४ अंकमा चौथो स्थानमा रहेको छ र प्ले अफको लागि छनोट हुने समीकरण उसकै हातमा रह्यो । लखनउ भने आठ अंकमा पुछारमा छ । जयपुरमा भएको खेलमा लखनउले पहिले ब्याटिङ गर्दै पाँच विकेटमा २ सय २० रन बनाएको थियो र त्यसमा ओपनर मिचेल मार्सको ९६ रन बनाए । जवाफमा राजस्थानले १९.१ ओभरमा तीन विकेट गुमाएर २ सय २५ रन बनाएको थियो । वैभवले ३८ बलमा ९३ रन बनाए । उनले सात चौका र दस छक्का प्रहार गरे ।

राजस्थान प्ले अफको नजिक

आर्सनलले इंग्लिस प्रिमियर लिगको उपाधि जित्ने मंगलबार निश्चित भएको छ । बर्नमाउथले म्यानचेस्टर सिटीलाई १–१ को बराबरीमा रोकेपछि आर्सनल २२ वर्षपछि लिग च्याम्पियन भएको हो । आर्सनल अन्तिम चरणका खेल अगाडि चार अंकले अगाडि रह्यो र अब उसलाई सिटीले उछिन्न सक्ने छैन् । आर्सनलको ८२ अंक छ भने सिटी ७८ अंकमै सीमित रह्यो र यो चार अंकको निर्णायक अग्रता हो । बर्नमाउथले आफ्नो घरेलु मैदानमा एली जुनियरको गोलले अग्रता लिएको थियो । खेलको अन्त्यतिर इर्लिङ हालान्डले बराबरी गोल फर्काए । मंगलबारकै अर्को खेलमा चेल्सीले टोटनहमलाई २–१ ले हरायो । हारले टोटनहनमाथि रेलिगेसन डर कायम रह्यो । टोटनहम ३८ अंकमा १७ औं स्थानमा छ । उसको पछाडि वेस्ट ह्याम ३६ अंकमा छ ।

सिटीको बराबरीले आर्सनल लिग च्याम्पियन

तुल्सीलाल स्मृति दोस्रो राष्ट्रिय जुनियर चेस च्याम्पियनसिप यही जेठ ६ गतेदेखि ९ गतेसम्म भक्तपुरस्थित सूर्यविनायक रिसोर्टमा आयोजना हुने भएको छ। प्रतियोगिता नेपाल बुद्धिचाल महासंघको तत्त्वावधानमा ललितपुर स्पोर्ट्स क्लबको आयोजना तथा भक्तपुर जिल्ला बुद्धिचाल संघको स्थानीय व्यवस्थापनमा सञ्चालन हुनेछ। खेलकुद बिकास परिषद् , बागमती प्रदेशको सहयोग रहेको प्रतिस्पर्धामा नेपालभरि २० वर्षमुनिका १५० भन्दा बढी खेलाडीहरूको सहभागिता रहने अपेक्षा गरिएको आयोजकले जनाएको छ। स्पर्धा वर्ल्ड चेस फेडेरेशनको फिडे लज अफ चेस नियमअनुसार स्विस लिग प्रणालीमा सञ्चालन हुनेछ। प्रतियोगिता ७ देखि ९ चरणसम्म खेलाइनेछ भने प्रत्येक खेलमा ४५ मिनेट समय सहित प्रत्येक चालमा ३० सेकेन्ड इन्क्रिजमेन्ट रहने व्यवस्था गरिएको छ। प्रतियोगिताका छात्र तथा छात्रा दुई विधामा विजयी खेलाडीलाई आकर्षक नगद पुरस्कारको व्यवस्था गरिएको छ। कुल नगद पुरस्कार राशी &nbsp;रु. १ लाख ५५ हजार ५ सय रहेको छ। ओपन छात्रतर्फ प्रथम हुने खेलाडीले नगद रु. ३० हजार तथा छात्रातर्फ प्रथम हुने खेलाडीले नगद रु. १५ हजार पुरस्कार प्राप्त गर्नेछन्। साथै विभिन्न उमेर समूह युवा १०, युवा १२, युवा १४, युवा १६ र युवा १८ वर्षका उत्कृष्ट खेलाडीहरूलाई समेत विशेष पुरस्कार प्रदान गरिनेछ। काठमाडौं उपत्यका बाहिरका खेलाडीहरूलाई जेठ ६ देखि ९ गतेसम्म निःशुल्क बसोबासको व्यवस्था गरिएको आयोजक क्लबका अध्यक्ष हेराकाजी महर्जनले &nbsp;जानकारी गराएको छन्।

दोस्रो राष्ट्रिय जुनियर चेस च्याम्पियनसिप ६ गते देखि

इंग्लिस मिडियाका अनुसार पेप ग्वार्डिओलाले यस सिजनको अन्त्यसँगै इंग्लिस प्रिमियर लिग क्लब म्यानचेस्टर सिटी छाड्ने निश्चित भएको छ । डेली मेल र एथलेटिकोका अनुसार ग्वार्डिओलाले एस्टन भिल्लाविरुद्धको अन्तिम लिग खेलबाट बिदा लिनेछन् । सिटीले यसबारे औपचारिक रूपमा केही पनि भनेको भने छैन् । सन् २०१६ मा उनी सिटी आएका हुन् र त्यसयता छ प्रिमियर लिग र पहिलो युरोपेली च्याम्पियन्स लिग उपाधिसँगै प्रमुख २० ट्रफि जिते । ग्वार्डिओलाले यसअघि बार्सिलोना र बायर्न म्युनिक पनि सम्हालेका थिए । उनलाई विश्व फुटबलकै सर्वाधिक सफल प्रशिक्षक मानिन्छ ।

Nepalsports

नेपाल १२२ रनले विजयी

📰 Recent News

Nepalsports