इंग्लिस प्रिमियर लिगमा एस्टन भिल्लाले शनिबार शीर्ष स्थानमा रहेको आर्सनललाई २–१ ले पराजित गरेको छ । एमी बुन्डिआले दोस्रो हाफको इन्ज्युरी समयको पाँचौं मिनेटमा भिल्लाका लागि निर्णायक गोल गरे । त्यस अगाडि म्याटी क्यासको गोलले भिल्लाले ३६ औं मिनेटमा अग्रता लिएको थियो । आर्सनलका तर्फबाट लियान्ड्रो ट्रोसार्डले बराबरी गोल फर्काएका थिए । यो नतिजापछि भिल्ला १५ खेलबाट ३० अंकमा दोस्रो स्थानमा उक्लेको छ । आर्सनल भने समान खेलबाट ३३ अंकमा शीर्ष स्थानमा कायम छ ।

आर्सनललाई भिल्लाको धक्का

काठमाडौँ। चितवन राइनोजलाई ८ विकेटले हराउँदै पोखरा एभेन्जर्सले जारी नेपाल प्रिमियर लिगको आफ्नो यता सकाएको छ।&nbsp; त्रिवि क्रिकेट रंगशालामा शनिबार चितवनले दिएको १२१ रनको लक्ष्य पछ्याएको पोखराले १९.४ ओभरमा दुई विकेट गुमाएर पूरा गर्यो। पोखराको जितमा ओपनर एडम रोसिंगटनले अर्धशतकीय पारी खेले। उनले ४८ बलमा ५ छक्का र ४ चौका प्रहार गर्दै ६५ रन बनाए। पहिलो विकेटको लागि उनले अर्जुन साउदसँग मिलेर १०० रनको साझेदारी गरेका थिए। यस्तै, अर्जुनले ४३ रन बनाउँदा कप्तान कुशल भर्तेलले १० बलमा ४ रन बनाए। बलिङतर्फ चितवनको लागि रिजन ढकाल र जैबले एक विकेट लिए। त्यसअघि टस जितेर पहिले ब्याटिङ थालेको चितवनले निर्धारित २० ओभरमा ६ विकेट गुमाएर १२० रन बनाएको थियो। चितवनका लागि देव खनालले सर्वाधिक ३५ रन बनाए। कप्तान कुशल मल्ल २२, सेफ जैब १७, अल्पेश रामजानी २२ बलमा ३३ रनमा अविजित रहे। यता, पोखराको लागि धनञ्जय लक्ष्मणले सर्वाधिक ३ विकेट हात पारे। रोहित चन्द्र, किरण ठकुन्न र विपिन खत्रीले समान एक विकेट लिए। जितसँगै पोखराले ७ खेलबाट ६ अंक जोड्दै जारी सिजनको एनपिएल सकाएको छ। यता, समान खेलबाट ४ अंक रहेको चितवनले हारबाट प्रतियोगिताको अन्त्य गरेको छ।

रोसिंगटनको अर्धशतकमा पोखराले चितवनलाई हरायो

काठमाडौँ। चितवन राइनोजले पोखरा एभेन्जर्सलाई जितको लागि १२१ रनको लक्ष्य प्रस्तुत गरेको छ।&nbsp; त्रिवि क्रिकेट रंगशालामा टस जितेर पहिले ब्याटिङ थालेको चितवनले निर्धारित २० ओभरमा ६ विकेट गुमाएर १२० रन बनायो। चितवनका लागि देव खनालले सर्वाधिक ३५ रन बनाए। कप्तान कुशल मल्ल २२, सेफ जैब १७, अल्पेश रामजानी २२ बलमा ३३ रनमा अविजित रहे। यता, पोखराको लागि धनञ्जय लक्ष्मणले सर्वाधिक ३ विकेट हात पारे। रोहित चन्द्र, किरण ठकुन्न र विपिन खत्रीले समान एक विकेट लिए। दुवै टोलीले जारी सिजनको एनपिएलको अन्तिम खेल खेल्दै छन्। दुवै टोली प्लेअफको दौडबाट यसअघि नै बाहिरिएका थिए।

पोखरालाई १२१ रनको लक्ष्य

काठमाडौँ। सुदूरपश्चिम रोयल्सलाई ६ विकेटले हराउँदै विराटनगर किंग्स दोस्रो संस्करणको नेपाल प्रिमियर लिगको दोस्रो स्थानमा उक्लिँदै पहिलो क्वालिपायरमा पुगेको छ। सुदूरले दिएको १४८ रनको लक्ष्य विराटनगरले १२ ओभरमा ४ विकेट गुमाएर पूरा गर्यो।&nbsp; विराटनगरको लागि ब्याटिङतर्फ साम हेजलेटले २७ बलमा ३ चौका र ४ छक्काको सहयोगमा ५२ रन बनाए। फाफ डु प्लेसिसले २० बलमा ५० रन बनाए। उनले ५ चौका र ४ छक्का प्रहार गरे। पहिलो विकेटको लागि फाफ डु र सामले ९७ रनको साझेदरी गरे। मार्टिन गप्टिलले ९ बलमा २२ रन बनाएर आउट भए। लोकेश बम ३ र मसिर अहमले ८ रन बनाउँदै जित दिलाए। प्रतिश जिसीले ३ बलमा १३ रन प्रहार गर्दै जित दिलाए। यता, सुदूरको लागि अभिनाष बोहराले दुई तथा हर्मित सिंहले एक विकेट लिए। त्यसअघि त्रिवि क्रिकेट रंगशालामा टस हारेर पहिले ब्याटिङ थालेको सुदूरपश्चिम रोयल्सले निर्धारित २० ओभरमा ६ विकेट गुमाएर १४७ रन बनायो।&nbsp; सुदूरको लागि ब्याटिङतर्फ आरिफ शेखले सर्वाधिक ४५ रन बनाए। यनले ३२ बलमा एक चौका र तीन छक्का प्रहार गरे। ओपनर जोस ब्राउन २४, बिनोद भण्डारी १५, इशान पाण्डेले ३५ बलमा दुई चौका र दुई छक्काको सहयोगमा ३८ रन बनाए।&nbsp; यस्तै, कप्तान दीपेन्द्र सिंह ऐरीले ११ बलमा २० रन बनाए आउट भए। विराटनगरको लागि बलिङतर्फ कप्तान सन्दिप लामिछानेले तीन, प्रतिश जिसीले दुई विकेट लिए। प्रतिशले अन्तिम ओभरको पहिलो बलमै सुदूरका कप्तानलाई आउट गाए। उनले एक ओभर बलिङ गर्दै चार रन खर्चिएर दुई विकेट हात पारेका हुन्। सन्दीपले ४ ओभरमा २० रन खर्चिए। बसिर अहमदको नाममा एक विकेट रह्यो।

सुदूरलाई हराउँदै विराटनगर पहिलो क्वालिफायरमा

काठमाडौँ। सुदूरपश्चिम रोयल्सले विराटनगर किंग्सलाई जितको लागि १४८ रनको विजयी लक्ष्य प्रस्तुत गरेको छ। त्रिवि क्रिकेट रंगशालामा टस हारेर पहिले ब्याटिङ थालेको सुदूरपश्चिम रोयल्सले निर्धारित २० ओभरमा ६ विकेट गुमाएर १४७ रन बनायो।&nbsp; सुदूरको लागि ब्याटिङतर्फ आरिफ शेखले सर्वाधिक ४५ रन बनाए। यनले ३२ बलमा एक चौका र तीन छक्का प्रहार गरे। ओपनर जोस ब्राउन २४, बिनोद भण्डारी १५, इशान पाण्डेले ३५ बलमा दुई चौका र दुई छक्काको सहयोगमा ३८ रन बनाए।&nbsp; यस्तै, कप्तान दीपेन्द्र सिंह ऐरीले ११ बलमा २० रन बनाए आउट भए। विराटनगरको लागि बलिङतर्फ कप्तान सन्दिप लामिछानेले तीन, प्रतिश जिसीले दुई विकेट लिए। प्रतिशले अन्तिम ओभरको पहिलो बलमै सुदूरका कप्तानलाई आउट गाए। उनले एक ओभर बलिङ गर्दै चार रन खर्चिएर दुई विकेट हात पारेका हुन्। सन्दीपले ४ ओभरमा २० रन खर्चिए। बसिर अहमदको नाममा एक विकेट रह्यो।

सुदूरले विराटनगरलाई दियो १४८ रनको लक्ष्य

काठमाडौँ । नेपाल प्रिमियर लिग एनपिएल अन्तर्गत आज दुई खेल हुँदैछ। आज हुने पहिलो खेलमा सुदूरपश्चिम रोयल्स र विराटनगर किंग्सबीच बिहान ११ ४५ बजेदेखि खेल सुरु हुँदैछ। सुदूरपश्चिम र विराटनगर दुवै प्लेअफमा पुगिसकेका छन्।&nbsp; सुदूरपश्चिम शीर्ष स्थानमा रहेर पहिलो क्वालिफायरमा पुगेको छ भने विराटनगर हाल तेस्रो स्थानमा छ। आजको खेल ठुलो अन्तरले जितेर दोस्रो स्थानमा पुगे विराटनगर सुदूरपश्चिमसँगै पहिलो क्वालिफायर खेल्नेछ। &nbsp; त्यस्तै आज हुने दोस्रो खेल चितवन राइनोज र पोखरा एभेन्जर्सबीच दिउँसो ३ ३० बजेदेखि खेल हुने छ। चितवन र पोखरा दुवै प्लेअफको दौडबाट बाहिरिएकाले यस खेलको नतिजाले कुनै प्रभाव पार्ने छैन।

एनपिएलमा आज दुई खेल हुँदै

अमेरिका, क्यानाडा र मेक्सिकोमा हुने विश्वकप २०२६ मा सहभागी हुने टिमले लिग चरणमा को कसको विरुद्ध खेल्नेछन् त ? शुक्रबार त्यसको उक्तर आएको छ । आयोजक देशमध्ये एक अमेरिकाको वासिङटनमा आयोजित विशेष कार्यत्रमबीच फिफाले समूह विभाजन गरेको हो । त्यस अनुसार अर्जेन्टिना, स्पेन र इंग्ल्यान्डले केही सजिलो समूह पाएका छन् । तर फ्रान्स भने कठिन समूहमा परेको छ । यसपल्टको विश्वकपमा पहिलो पटक ४८ टिमको सहभागिता रहनेछ । त्यसमध्ये ४२ टिमको निर्णय भने भइसकेको छ । बाँकी छ टिमको निर्णय भने प्ले अफबाट हुनेछ । समूह विभाजन अनुसार समूह ‘ए’ मा मेक्सिको, दक्षिण अफ्रिका, दक्षिण कोरिया र युरोपेली प्ले अफ ‘डी’ विजेता, समूह समूह ‘बी’ मा क्यानाडा, युरोपेली प्ले अफ ‘ए’ विजेता, कतार र स्विटजरल्यान्ड, समूह ‘सी’ मा ब्राजिल, मोरेक्को, हाइटी र स्टकल्यान्ड छन् । समूह ‘डी’ मा अमेरिका, पाराग्वे, अस्ट्रेलिया, युरोपेली प्ले अफ ‘सी’ विजेता, समूह ‘ई’ मा जर्मनी, क्युरासाउ, आइभरीकोस्ट र इक्वेडर, समूह ‘एफ’ मा नेदरल्यान्ड्स, जापान, युरोपेली प्ले अफ ‘बी’ विजेता, ट्युनिसिया, समूह ‘जी’ मा बेल्जियम, इजिप्ट, इरान र न्युजिल्यान्ड, समूह ‘एच’ मा स्पेन, केप भार्डे, साउदी अरेबिया र उरुग्वे छन् । यस्तै समूह ‘आई’ मा फ्रान्स, सेनेगेल, प्ले अफ फिफा–टु विजेता र नर्वे, समूह ‘जे’ मा अर्जेन्टिना, अल्जेरिया, अस्ट्रिया र जोर्डन तथा समूह ‘के’ मा पोर्चुगल, प्ले अफ फिफा–वान, उज्वेकिस्तान र कोलम्बिया तथा समूह ‘एल’ मा इंग्ल्यान्ड, क्रोएसिया, घाना र पानामा परेका छन् ।

विश्वकपको निकालियो ‘ड्र’

काठमाडौं। गोल्डेनगेट इन्टरनेसनल कलेज र ल्यान्डमार्क एकेडेमीले दोस्रो अन्तर-कलेज गर्ल्स बास्केटबल प्रतियोगितामा बिहीबार जित हात पारेका छन् । एसियु र प्रोफेसनल एजुकेसन कन्सलटेन्सीको आयोजना तथा रोएल स्पोर्ट्स सेन्ट्रलको व्यवस्थापनमा रोएल स्पोर्ट्स सेन्ट्रलको कोर्टमा भएको दिनको पहिलो खेलमा ल्यान्डमार्कले कान्जिरोवालाई ३०-९ अन्तरले हरायो । ल्यान्डमार्क एकेडेमीले सृष्टी तामाङले १२ अंक स्कोर गरिन् ।&nbsp; यस्तै दोस्रो खेलमा गोल्डेनगेटलले ब्लुबर्ड बलेजलाई ३३-२० ले पराजित गर्‍यो । गोल्डेनगेटका लागि प्रकृति खड्काले सर्वाधिक १४ अंक स्कोर गरिन् । प्रतियोगिता अन्तर्गत शुक्रबार लिग चरणका अन्तिम दुई खेलमा जेभियर इन्टरनेसनल कलेज र ल्यान्डमार्क एकेडेमी तथा कान्जिरोना नेसनल कलेज र ब्लुबर्ड कलेजबीच प्रतिस्पर्धा हुनेछ । सिंगल राउण्ड रोविनको आधारमा खेल भएपछि शीर्ष चार स्थानमा रहने टोलीले सेमिफाइनल खेल्नेछन् । फाइनल खेल डिसेम्बर ७ मा हुनेछ ।

अन्तर कलेज गर्ल्स बास्केटबलमा गोल्डेनगेट र ल्यान्डमार्क विजयी

काठमाडौं। साफ महिला क्लब च्याम्पियनसिप आजदेखि काठमाडौँमा सुरु हुँदैछ।&nbsp; प्रतियोगिता अन्तर्गत आज हुने पहिलो खेलमा पाकिस्तानको कराची सिटी एफसी र भुटानको ट्रान्सपोर्ट युनाइटेड लेडिज एफसबीच खेल हुनेछ। दोस्रो खेलमा एपीएफ क्लबले नसरिन स्पोट्स एकेडेमीसँग प्रतिस्पर्धा गर्नेछ। पहिलो खेल दिउँसो २ बजे तथा दोस्रो खेल साँझ ६ बजेदेखि सुरु हुने छ। पुस ५ गतेसम्म त्रिपुरेश्वरस्थित दशरथ रंगशालामा आयोजना हुने साफ महिला क्लब च्याम्पियनसिपमा दक्षिण एसियाका पाँच देशका च्याम्पियन क्लबहरूले प्रतिस्पर्धा गर्दैछन्। &nbsp; प्रतियोगितामा नेपालबाट विभागीय टोली एपीएफ फुटबल क्लब, भारतबाट इस्ट बंगाल, बंगलादेशबाट नसरिन स्पोट्र्स एकेडेमी, भुटानबाट ट्रान्सपोर्ट युनाइटेड लेडिज एफसी र पाकिस्तानबाट कराची सिटी एफसीले प्रतिस्पर्धा गर्दै छन्। &nbsp; विजेताले १० हजार अमेरिकी डलर र उपविजेताले ५ हजार अमेरिकी डलर तथा बाँकी तीन टोलीले समान २ हजार अमरिकी डलर प्राप्त गर्नेछन्।

साफ महिला क्लब च्याम्पियनसिप : एपीएफले नसरिनसँग प्रतिस्पर्धा गर्दै

काठमाडौं। राजधानीमा जारी दोस्रो संस्करणको नेपाल प्रिमियर लिग ९एनपिएल०अन्तर्गत शुक्रबार लुम्बिनी लायन्स र जनकपुर बोल्ट्स भिड्दैछन्। खेल अपराह्न ४ः०० बजेदेखि त्रिवि क्रिकेट रंगशालामा सुरु हुनेछ। जारी प्रतियोगिताा ६ खेलबाट ६ अंक जोडेको लुम्बिनीलाई प्लेअफ पुग्न जित्नैपर्ने दबाब छ। लुम्बिनीले जितेमा पोखरा एभेन्जर्स, चितवन राइनोज र जनकपुर बाहिरनेछ। जनकपुरले हालसम्म ५ खेलबाट २ अंक मात्र हात पारेको छ। यस्तै, साबिक उपविजेता सुदूरपश्चिम रोयल्स भने क्वालिफायर १ मा पुगिसकेको छ। यता, विराटनगर किङ्स र काठमान्डु गोर्खाजले पनि प्लेअफ पक्का गरिसकेका छन्।

लुम्बिनी र जनकपुर भिड्दै

म्यानचेस्टर युनाइटेडले बिहीबार इंग्लिस प्रिमियस लिगमा वेस्ट ह्यामसँग १–१ को बराबरी खेलेको छ र यो नतिजामा प्रशिक्षक रुबेन एमोरिमले दिक्क लागेको प्रतिक्रिया दिएका छन् । युनाइटेड फेरि एकपल्ट आफूले लिएको अग्रता जोगाउन असफल रहेको हो । ओल्ड ट्रायफोर्डमा भएको खेलमा युनाइटेडले डिएगो डालोटको गोलले ५८ औं मिनेटमा अग्रता लिएको थियो । &nbsp; तर खेलको ८३ औं मिनेटमा &nbsp;सोंगोटोउ मागासाले वेस्ट ह्यामका लागि बराबरी गोल गरे । यो नतिजापछि युनाइटेड १४ खेलबाट २२ अंकमा आठौं स्थानमा रह्यो । यो शीर्षबाट दुई अंक मात्रै टाढा हो । त्यसैले यो खेल जितेको भए युनाइटेडको स्थिति धेरै राम्रो हुने थियो, त्यसैले प्रशिक्षक एमोरिमले आफूलाई दिक्क लागेको बताएका हुन् । वेस्ट ह्याम भने अझै रेलिगेसन क्षेत्रमा छ र उसको १२ अंक मात्र रहेको छ ।

युनाइटेडको बराबरीमा एमोरिम दिक्क

काठमाडौँ। दोस्रो संस्करणको नेपाल प्रिमियर लिगमा सुदूरपश्चिम रोयल्सले लगातार छैटौँ जित दर्ता गरेको छ। विहिवार सम्पन्न खेलमा चितवन राइनोजलाई सुदूरले ४९ रनले पराजित गरेको हो। त्रिवि क्रिकेट रंगशालामा सुदूरले दिएको १७० रनको लक्ष्य पछ्याएको चितवनले १७.१ ओभरमा सबै विकेट गुमाएर १२० रन मात्रै बनाउन सक्यो।&nbsp; चितवनका लागि रभी बोपराले सर्वाधिक २९ रन बनाए। उनले २३ बलमा एक चौका र दुई छक्का प्रहार गरे। यस्तै, ओपनर अर्जुन साउदले १६, कप्तान कुशल मल्ल १५, देव खना २८ रन बनाए। उनले १९ बलमा तीन चौका प्रहार गरे। अमर राउटेला ९ रनमा आउट भए।&nbsp; सुदूरका लागि पुनित मेहराले सर्वाधिक ३ विकेट लिए। कप्तान दिपेन्द्रले एक विकेट हात पारे। जितसँगै ६ खेलमा ६ जित दर्ता गरेको सुदूर १२ अंकसहित शीर्ष स्थानमा छ। यता, पराजित चितवन समान खेलबाट ४ अंक रहेको छ। त्यसअघि टस हारेर पहिले ब्याटिङ थालेको सुदूरले निर्धारित २० ओभरमा ४ विकेट गुमाएर १७९ रन बनाएको थियो। सुदूरको लागि ओपनर क्रिस लिनले ७५ रन बनाएर रिटायर्ड हर्ट भए। उनले ५६ बलमा ५ चौका र ३ छक्का प्रहार गरे। यस्तै, अर्का ओपनर बिनोद भण्डारीले १७ बलमा २१ रन बनाए। उनले दुई चौका र एक छक्का प्रहार गरे। कप्तान दिपेन्द्रसिंह ऐरी र आरिफ शेखले समान २४ रन बनाए। चितवनका लागि बलिङतर्फ साफ जैबले दुई, रन्जित कुमार, जर्ज स्क्रिमशाले समान एक विकेट लिए।

सुदूरको लगतार छैटौँ जित, चितवनको हारले विराटनगर प्लेअफमा

काठमाडौँ। पोखरा एभेन्जर्सलाई १३ रनले हराउँदै काठमान्डू गोर्खाज जारी नेपाल प्रिमियर लिगको प्ले अफमा प्रवेश गरेको छ। त्रिवि क्रिकेट रंगशालामा काठमान्डूले दिएको १६६ रनको लक्ष्य पछ्याएको पोखराले २० ओभरमा सबै विकेट गुमाएर १५२ रन मात्रै बनाउन सक्यो। काठमान्डूको जितमा साहब आलमले ह्याट्रिकसहित ६ विकेट लिए। जारी एनपिएलमा ह्याट्रिक विकेट लिने उनि पहिलो तथा एक मात्र खेलाडी हुन्। जितसँगै ७ खेलबाट काठमान्डूले पाँचौँ जित दर्ता गर्दै १० अंक जोडेर प्ले अफमा पुग्ने दोस्रो टिम बनेको छ। यसअघि सुदूरपश्चिम रोयल्स पुगिसकेको छ।

पोखरालाई हराउँदै काठमान्डू प्लेअफमा

इंग्लिस प्रिमियर लिगमा शीर्षमा रहेको आर्सनल बुधबार विजयी रहँदा चेल्सी भने पराजित भएको छ । इमिरेट्समा आर्सनलले ब्रेन्टफोर्डलाई सजिलै २–० ले हराएको हो । त्यसमा मिखेल मेरिनो र बुकायो साकाले एक एक गोल गरे । चेल्सी भने लिड्सको हातबाट ३–१ ले पराजित रह्यो । आर्सनलको १४ खेलबाट ३३ अंक भएको छ र शीर्षमा छ । म्यानचेस्टर सिटी २८ अंकमा दोस्रो स्थानमा छ । हारले चेल्सी २४ अंकमा चौथामा झरेको छ । तेस्रो स्थानमा उक्लिन एस्टन भिल्लाले ब्राइटनलाई ४–३ ले हरायो । क्रिस्टल प्यालेसले भने बर्नलीलाई १–० ले पन्छायो र पाँचौंमा पुग्यो । अन्य खेलमा नटिंघम फरेस्टले उल्भ्सलाई १–० ले पराजित गर्‍यो भने लिभरपुल र सन्डरल्यान्डले भने १–१ को बराबरी खेले ।

आर्सनल जित्यो तर चेल्सी पराजित

केयलिन एमबापेले फेरि एकपल्ट रियल म्याड्रिडका लागि बुधबार शानदार प्रदर्शन गरेका छन् । उनको दुई गोल तथा अर्कोमा सहभागी भूमिकापछि रियलले स्पेनी ला लिगामा एथलेटिको बिलबाओलाई सजिलै ३–० ले हराएको हो । फ्रान्सेली स्टारले सातौं मिनेटमा गोलको खाता खोले र ५९ औं मिनेटमा दोस्रो थपे । त्यसबीच एडुवार्डो कोमाभिन्गाले ४२ औं मिनेटमा अर्को गोल पनि गरे । यो जितपछि रियलले शीर्षमा रहेको बार्सिलोनासँगको दूरी फेरि एक अंकमा कायम राखेको छ । रियलको १५ खेलबाट ३६ अंक भएको छ । बिलबाओ २० अंकमा आठौं स्थानमा रह्यो ।

रियलको जितमा एमबापे नायक

काठमाडौँ। लुम्बिनी लायन्सले विराटनगर किंग्सलाई ५ विकेटले पराजित गरेको छ। त्रिवि क्रिकेट रंगशालामा विराटनगरले दिएको १४५ रनको लक्ष्य लुम्बिनी १७.४ ओभरमा ५ विकेट गुमाएर पूरा गर्यो।&nbsp; लुम्बिनीको जितमा ओपनर डीुआर्सी सर्टले अर्धतकिय पारी खेले। उनले ४४ बलमा ६ चौका र देई छक्काको सहयोगमा ५७ रन बनाए। यस्तै, निरोशन डिकवेला ३० रनमा अविजित रहे। उनले २२ बलमा दुई चौका र एक छक्का प्रहार गरे। सन्दीप जोरा २४ तथा ओपनर सुमित महर्जनले १० रन बनाए भने दिलिप नाथले १२ बलमा १६ रन बनाएर आउट भए। विराटनगरको लागि कप्तान सन्दीप लामिछानेले र सुवास भण्डारीले समान दुई तथा बसिर अहमदले विकेट लिए।&nbsp; जितसँगै ६ खेलबाट ६ अंक जोडेको लुम्बिनीले प्ले अफको सम्भावना कायम राखेको छ। समान खेलबाट ८ अंक रहेको विराटनगरले आफ्नो अन्तिम खेलमा सुदूरपश्चिम रोयल्सलाई हराउनु पर्ने भएको छ। त्यसघि त्रिवि क्रिकेट रंगशालामा टस हारेर पहिले ब्याटिङ थालेको विराटनगरले निर्धारित २० ओभरमा ८ विकेट गुमाएर १४४ रन बनाएको थियो।विराटनगरको लागि लोकेश बमले सर्वाधिक ३५ रन बनाए। उनले ४२ बलमा दुई चौका र दुई छक्का प्रहार गरे।&nbsp; यस्तै, साम हिजलेटले २० बलमा एक चौका र दुई छक्काको सहयोगमा २७ रन बनाए। फाफ डु प्लेसिस १२, प्रतिस जिसी ११ तथा बसिर अहमदले १९ बलमा २८ रन बनाए। उनले एक चौका र एक छक्का प्रहार गरे। बसिर र मर्चेन्ट डे लाङ्गेले सातौँ विकेटको लागि ३० रनको साझेदारी गरे। मर्चेन्टले १० तथा कप्तान सन्दीप लामिछानेले एक बलमा छक्का प्रहार गर्दै ६ रनमा अविजित रहे। पहिलो ओभरको दोस्रो बलमै जर्ज मुन्सेलाई शुन्य रनमा गुमाएको विराटनगरले तेस्रो ओभरको अन्तिम बलमा दक्षिण अफ्रिकि ब्याटर फाफलुलाई १२ रनमा गुमाउँदा टिमको स्कोर १५ पुगेको थियो।&nbsp; त्यसपछि लोकेश र सामले तेस्रो विकेटका लागि ५५ रनको साझेदारी गर्दै टिमको स्कोर ७० रनमा पुर्या। यता, लुम्बिनीका लागि शेर मल्लले चार ओभर बलिङ गर्दै २५ रन खर्चिएर तीन विकेट लिए। अभिषेश गौतम, जेजे स्मित र रुबेन ट्रम्पेलम्यानले समान एक विकेट लिए।

विराटनगरलाई हराउँदै लुम्बिनीको प्ले अफको सम्भावना कायमै

ट्रंग्राम इन्टरनेशनल एकेडेमीद्वारा आयोजित दोस्रो टिआइए अन्तर स्कूल चेस च्याम्पियनसिपमा भारतका एआइएम दिपञ्जली श्रीवास्तवले अग्रता लिएको छ। बुधबार सम्पन्न तिन चरणको खेलमा युवा १० बर्ष छात्रा तर्फ पूर्ण ३ अंक प्राप्त गर्दै दिपञ्जलीसँगै नेपालका अग्रता आचार्य, शुभश्री श्रेष्ठ र सरमिना श्रेष्ठले संयुक्त लिड लिएका छन्। प्रतिस्पर्धामा युवा १३ वर्ष छात्रातर्फ ११ जना खेलाडीले संयुक्त अग्रता लिएका छन्। जहाँ विश्व निकेतन स्कुलका उज्जीभनी कँडेल, ग्रीनल्यान्ड स्कुलका आरिभ रावल, टिआइएका सोनालिका सराफ, मार्बलस स्कुलका निहाना श्रेष्ठ लगायतले लिड लिएका छन्। यस्तै युवा १७ वर्ष छात्रातर्फ अक्स्फोर्ड स्कूलका प्रतिमा बाँस्कोटा, भक्तपुरका श्रेषा दुवाल, किर्तिपुरका एञ्जल महर्जन, केएमसी स्कूलका विनायक गौतम र सन् श्रेष्ठले संयुक्त लिड लिएका छन्। यता २ चरणको खेलमा युवा १० वर्ष छात्रतर्फ नेपालका स्वर्णिम बम, टिआइए का अभय लामिछाने, भारतका मानसले अग्रता बनाएका छन्। युवा १३ वर्ष छात्र तर्फ ग्लोबल एकेडेमी झापाका श्रृयष चौलागाईं, सूर्योदय सेकेण्डरी बोर्डिङ्ग स्कूलका अग्रिम सैंजु, &nbsp;पुष्पसदन स्कूलका हार्दिक पन्त अगाडि रहेका छन्। युवा १७ वर्ष माथि छात्र तर्फ एनआइसी एकेडेमीका रशेष महर्जन, मोडर्न इण्डियन स्कूलका आशिष गुप्ता, नेपालकै आयुष सिंह अगाडि छन्। टालेण्ट हण्ट नवप्रतिभा खेलाडी खोज गर्ने अभिप्रायले आयोजना गरिएको यस प्रतियोगितामा युवा १० वर्ष, युवा १३ वर्ष र युवा १७ वर्ष गरी जम्मा ६ विधाका छात्र-छात्रा प्रतिस्पर्धामा उत्रका छन्। काठमाडौं बुढानिलकण्ठ नगरपालिका स्थित स्टार होटल रोयल आस्टोरियामा १७ गते देखि १९ गते सम्म तिन दिन अन्तर विद्यालय बुद्धिचाल प्रतियोगिता सञ्चालन हुनेछ।&nbsp; स्पर्धामा पहिलो, दोस्रो, तेस्रो स्थान प्राप्त गर्ने प्रत्येक विधाका विजयी छात्र र छात्रा विद्यार्थी खेलाडीहरुले क्रमशः नगद २५ हजार, १५ हजार, १० हजार पुरस्कार तथा शिल्ड, पदक र प्रमाणपत्र हात पार्ने छन्। जम्मा ५५० विद्यार्थी सहभागी भएको हरेक विधाका विजयी खेलाडीहरुलाई नगद ५० हजार पुरस्कार प्रदान गरिने प्रतियोगिताको कूल पुरस्कार ३ लाख रहेको छ । यसअघि बुढानिलकण्ठ नगरपालिकाका उपमेयर अनिता लामा तथा बुद्धिचाल महासंघका कोषाध्यक्ष तारा बहादुर रानाभाटले प्रतियोगिताको उदघाटन गरेको थियो।&nbsp; प्रतियोगिताका प्रमुख निर्णायक मिशन बास्कोटाले क्लासिकल चेस अन्तर्राष्ट्रिय स्वीस लिग प्रणालीको नियमका आधारमा स्वीस मानेजर सफ्टवेयर प्रयोग गरि खेलाएको बताएका छन्।

ट्रङ्ग्राम स्कूल चेसमा भारतीय खेलाडी अगाडि ।

काठमाडौं । २०८२ साल मंसिर १७ गते वुधबार केबी साम नेपाल कबड्डी लिग (एनकेएल) को आयोजक एस्ट्रोनिक्स म्यानेजमेन्टले खेलाडी उत्पादनको उद्देष्यले ‘एनकेएल नेक्स्टजेन इन्टर स्कुल कबड्डी च्याम्पियनसिप’ आयोजना गर्ने भएको छ । यसमा काठमाडौं उपत्यका छनौट प्रतियोगिता आइतबार सुरु हुँदैछ । उपत्यका छनौट प्रतियोगिता थिमि, भक्तपुरस्थित मिड भ्याली सेकेन्डरी स्कुलमा दुई दिन सञ्चालन हुनेछ, जहाँ आठ स्कुलले नकआउटको आधारमा प्रतिस्पर्धा गर्नेछन् । काठमाडौं उपत्यका छनौटको विजेता टिम (स्कुल) राष्ट्रिय स्तरको एनकेएल नेक्स्टजेन इन्टर स्कुल कबड्डी च्याम्पियनसिपको फाइनल चरणमा प्रवेश गर्नेछ । त्यस्तै, क्षेत्रीय स्तरमा छनौट प्रतियोगिता पोखरा, विराटनगर, बुटवल, धनगढी र जनकपुरमा पनि आयोजना गरिनेछ । प्रत्येक क्षेत्रका छनौटका विजेता गरी कुल ६ टिमले एनकेएल सिजन २ कै अवसरमा हुने एनकेएल नेक्स्टजेन इन्टर स्कुल कबड्डी च्याम्पियनसिपको फाइनल चरणमा प्रतिस्पर्धा गर्नेछन् । एनकेएल सिजन २ को तयारीमा रहेको एस्ट्रोनिक्स म्यानेजमेन्टले कबड्डीलाई ग्रासरुट स्तरबाटै विकास गर्ने प्रयासमा एनकेएल नेक्स्टजेन इन्टर स्कुल कबड्डी च्याम्पियनसिप आयोजना गर्न लागेको हो । यस प्रतियोगिताले नेपाली कबड्डी र एनकेएलप्रति आकर्षण बढ्ने आशा गरिएको एस्ट्रोनिक्स म्यानेजमेन्टका प्रमुख अमितकुमार बेगानीले बताए । ग्रासरुटबाट उत्पादित खेलाडी नै व्यावसायिक लिगको लागि तयार हुने विश्वास गरिएको छ । बेगानी ग्रुपको एस्ट्रोनिक्स म्यानेजमेन्टले नेपाल कबड्डी संघको स्वीकृतिमा केबी साम एनकेएलको पहिलो संस्करण गत वर्ष सफलतापूर्वक आयोजना गरेको थियो । उसले संघसँग १० वर्षे सम्झौता गरी फ्रेन्चाइज टिमको अवधारणामा एनकेएल सञ्चालन गरेको हो । अहिले दोस्रो संस्करणको तयारी भइरहेको छ । दोस्रो सिजनको केबी साम एनकेएलको लागि ५ सय १२ जना नेपाली खेलाडीले नाम दर्ता गरिसकेका छन्, जुन गत वर्षभन्दा झण्डै दोब्बर हो । राष्ट्रिय खेलकुद परिषदको त्रिपुरेश्वरस्थित कभर्डहलमा आयोजित रोमान्चक फाइनलमा काठमाडौं माभरिक्सलाई ४३–४१ ले पराजित गर्दै जनकपुर नाइट्स एनकेएल च्याम्पियन भएको थियो । पहिलो सिजनका दुई कप्तान काठमाडौंका घनश्याम रोका मगर र हिमालयन रेइडर्सका गणेश पार्कीले भारतको प्रो कबड्डी लिग (पीकेएल) सिजन १२ खेलेका थिए । एनकेएल सिजन २ को ड्राफ्ट र प्रतियोगिताको मिति चाँडै घोषणा गरिनेछ ।

एनकेएल नेक्स्टजेन अन्तर स्कुल कबड्डी अर्को सातादेखि सञ्चालन हुने

काठमाडौँ। टस हारेर पहिले ब्याटिङ थालेको विराटनगर किंग्सले लुम्बिनी लायन्सलाई १४५ रनको लक्ष्य दिएको छ।&nbsp; त्रिवि क्रिकेट रंगशालामा विराटनगरले निर्धारित २० ओभरमा ८ विकेट गुमाएर १४४ रन बनायो। विराटनगरको लागि लोकेश बमले सर्वाधिक ३५ रन बनाए। उनले ४२ बलमा दुई चौका र दुई छक्का प्रहार गरे।&nbsp; यस्तै, साम हिजलेटले २० बलमा एक चौका र दुई छक्काको सहयोगमा २७ रन बनाए। फाफ डु प्लेसिस १२, प्रतिस जिसी ११ तथा बसिर अहमदले १९ बलमा २८ रन बनाए। उनले एक चौका र एक छक्का प्रहार गरे। बसिर र मर्चेन्ट डे लाङ्गेले सातौँ विकेटको लागि ३० रनको साझेदारी गरे। मर्चेन्टले १० तथा कप्तान सन्दीप लामिछानेले एक बलमा छक्का प्रहार गर्दै ६ रनमा अविजित रहे। पहिलो ओभरको दोस्रो बलमै जर्ज मुन्सेलाई शुन्य रनमा गुमाएको विराटनगरले तेस्रो ओभरको अन्तिम बलमा दक्षिण अफ्रिकि ब्याटर फाफलुलाई १२ रनमा गुमाउँदा टिमको स्कोर १५ पुगेको थियो।&nbsp; त्यसपछि लोकेश र सामले तेस्रो विकेटका लागि ५५ रनको साझेदारी गर्दै टिमको स्कोर ७० रनमा पुर्या। यता, लुम्बिनीका लागि शेर मल्लले चार ओभर बलिङ गर्दै २५ रन खर्चिएर तीन विकेट लिए। अभिषेश गौतम, जेजे स्मित र रुबेन ट्रम्पेलम्यानले समान एक विकेट लिए।

लुम्बिनीलाई विराटनगरले दियो १४५ रनको लक्ष्य

लामो दुरीकी नेपालकी शीर्ष धाविका सन्तोषी श्रेष्ठ विश्व प्रतिष्ठित भ्यालेन्सिया म्याराथनमा भाग लिन त्यसतर्फ प्रस्थान गरेकी छिन् । स्पेनको भ्यालेन्सियामा यही ७ डिसेम्बर आइतवार भ्यालेन्सिया म्याराथनको ४४औं संस्करण हुँदैछ । सन् १९८१ मा सुरु भएको भ्यालेन्सिया म्याराथन वल्र्ड एथ्लेटिक्सबाट प्लेटिनम लेवलको मान्यता पाएको विश्व दौडको सर्वाधिक आकर्षकमध्ये म्याराथन हो । संसारकै सरल कोर्ष मानिने भएकाले आफ्नो उत्कृष्ट समय निकाल्न संसारभरका धावकहरुको उच्च प्राथमिकतामा भ्यालेन्सिया पर्दछ । धारा नेपालगन्ज म्याराथन र पोखरा अन्तर्राष्ट्रिय म्याराथनमा गरेको प्रदर्शनका आधारमा सन्तोषीलाई छनोट गरिएको हो । नेपाल रन युकेले सन्तोषीको सहभागिताका लागि सम्पुर्ण व्यवस्थापन गर्नेछ । सन्तोषीसँगै नेपाल रन युकेका संस्थापक तथा प्रशिक्षक सन्तोष राई पनि भ्यालेन्सिया प्रस्थान गरेका छन् । प्रशिक्षक राई सहित नेपाल रन युकेका अन्य सदस्यहरु पनि भ्यालेन्सिया म्याराथनमा भाग लिनेछन् । उनीहरु बेलायतबाटै भ्यालेन्सिया पुग्ने प्रशिक्षक राईले बताए । भ्यालेन्सिया जाने दुई सदस्यीय टोलीलाई धारा नेपालगन्ज म्याराथनका संस्थापक टीएस ठकुरीले त्रिभुवन अन्तर्राष्ट्रिय विमानस्थलमा विदाइ गरे । संस्थापक ठकुरी स्वयं पनि भियतनामको होचिमिन्हमा डिसेम्बर ४ र ५ मा हुने मास पार्टिसिपेसन वल्र्ड कन्फ्रेन्समा भाग लिन त्यसतर्फ प्रस्थान गरेका छन् । भ्यालेन्सिया प्रस्थान गर्नुपुर्व नेपाल रन युकेका संस्थापक राईले नेपालगन्ज म्याराथनको कोर्ष भ्यालेन्सिया भन्दा पनि सहज भएको बताउँदै व्यापक प्रचारप्रसारमा जोड दिन एम्सका सदभावना दुत समेत रहेको संस्थापक ठकुरीलाई सुझाए । भ्यालेन्सिया सहज कोर्षका कारण विश्वभरिका धावकहरुले आफ्नो व्यक्तिगत समय राम्रो निकाल्नका लागि पहिलो छनोटमा राख्ने गर्दछन् । नेपालमा पनि शीर्ष धावकहरुका लागि धारा नेपालगन्ज म्याराथनको कोर्ष निकै सहज मानिन्छ । यसबर्ष खडकबहादुर खड्काले २ घण्टा १५ मिनेट ६ सेकेन्डको समय निकाल्दै विजेता बने । उनी बैकुण्ठ मानन्धरको दक्षिण एशियाली रेकर्डमा पाँच सेकेन्डले मात्र चुके । खडकलाई समेत लन्डन म्याराथन लगायत वल्र्ड मेजर म्याराथनमा सहभागिताको पहल गरिने नेपाल रन युकेका संस्थापक राइले बताए । यसअघि नेपाल रन युकेले गोपीचन्द्र पार्की र सन्तोषीलाई सात वल्र्ड मेजर म्याराथन मध्येको लन्डन म्याराथनमा सहभागिताको अवसर प्रदान गरेको थियो । नेपाल रन युकेले नेपालका शीर्ष खेलाडीका लागि अवसर प्रदान गर्नुका साथै खेलाडी उत्पादनका लागि मिरा राई इनिसियटिभ र विश्वकीर्तिमानी धावक हरि रोकायको जुम्लास्थित प्रशिक्षण केन्द्रका लागि पनि काम गरिरहेको छ ।

Nepalsports

पोखरालाई १२१ रनको लक्ष्य

📰 Recent News

Nepalsports