कोलकाता नाइट राइडर्सले शनिबार इन्डियन प्रिमियर लिग (आईपीएल) २०२६ मा गुजरात टाइटन्सलाई २९ रनले हराएको छ । यो जितसँगै कोलकाताले प्ले अफ खेल्ने सम्भावना जीवन्त राख्यो । इडेन गार्डेनमा कोलकाताले पहिले ब्याटिङ गर्दै दुई विकेटमा २ सय ४७ रन बनाएको थियो । ओपनर फिन एलेनले चार चौका र १० छक्काको ३५ बलमा ९३ रन बनाए । यस्तै अंगकृश रघुवंशीिले ४४ बलमा ८२ रन जाडे । त्यसमा चार चौका र सात छक्का सामेल थियो । जवाफमा गुजरातले चार विकेटमा २ सय १८ रन मात्र बनाउन सक्यो । कप्तान शुभमन गिलले ८५ र जस बटलरले ५७ रन बनाए पनि त्यसले कोलकातालाई जितबाट रोक्न सकेन् । यो जितपछि कोलकाताको १२ खेलबाट ११ अंक भएको छ र सातौं स्थानमा छ । गुजरात भने १३ खेलबाट १६ अंकमै सीमित रहेर दोस्रो स्थानमा रह्यो र उसले &nbsp;शीर्ष स्थानमा उक्लने मौका गुमायो ।

गुजरातलाई हराएपछि कोलकाताको सम्भावना जीवन्त

काठमाडौं। एएफसी च्याम्पियन्स लिग–टु को फाइनलमा जापानको गाम्बा ओसाकाले साउदी अरेबियाको अल नासरलाई १–० ले पराजित गर्दै उपाधि जितेको छ। कडा प्रतिस्पर्धात्मक खेलमा गाम्बा ओसाकालाई जित दिलाउने निर्णायक गोल डेनिज हुमेटले ३०औँ मिनेटमा गरेका थिए। पहिलो हाफमै गरिएको उक्त गोल नै खेलको निर्णायक बन्यो। दोस्रो हाफमा अल नासरले बराबरी गोलका लागि लगातार दबाब सिर्जना गरे पनि गाम्बा ओसाकाको रक्षापंक्तिले उत्कृष्ट प्रदर्शन गर्दै अग्रता जोगायो। निर्णायक जितसँगै गाम्बा ओसाकाले एएफसी च्याम्पियन्स लिग टुको उपाधि आफ्नो नाममा लेखाएको छ।&nbsp;

अल नासरलाई हराउँदै गाम्बा ओसाकाको ऐतिहासिक उपाधि

काठमाडौं । निर्मला फाउण्डेसनकाे आयोजनामा बागमती प्रदेश अम्प्युटी फुटसल च्याम्पियनसिप सफलतापूर्वक सम्पन्न भएको छ । शनिबार काठमाडौंस्थित हाइवे फुटसलमा आयोजित प्रतियोगितामा तीन टोलीको सहभागिता रहेको थियो । गण्डकी, बागमती र कर्णाली प्रदेश सहभागी प्रतियोगिताको लिग चरणकाे सम्पन्न प्रतियाेगितामा कर्णाली प्रदेश च्याम्पियन बनेको हो । कर्णालीले दुई खेलबाट एक जित र एक बराबरीसहित चार अंक जोड्दै उपाधि जित्यो । उपाधिसँगै कर्णालीले २५ हजार रुपैयाँसहित ट्रफी र मेडल प्राप्त गर्‍यो । यस्तै, बागमती प्रदेश दुई बराबरीसहित दुई अंकका साथ उपविजेता बन्यो । गण्डकी प्रदेशले दुई खेलबाट एक बराबरी र एक हारसहित एक अंक जोड्यो । उपविजेता बागमतीले १५ हजार तथा तेस्रो भएको गण्डकीले १० हजार रुपैयाँ प्राप्त गरे । प्रतियोगितामा कर्णालीका सुदीप चापागाईं उत्कृष्ट खेलाडी घोषित भए । उनले सर्वाधिक गोलकर्ताको अवार्डसमेत जिते । उत्कृष्ट गोलरक्षकको पुरस्कार पनि कर्णालीकै चेतनारायण खनालले प्राप्त गरे । तीनै विधाका विजेताले जनही पाँच हजार रुपैयाँसहित मेडल प्राप्त गरे । प्रतियोगिताको पुरस्कार वितरण समारोहका प्रमुख अतिथि अखिल नेपाल फुटबल संघका उपाध्यक्ष तथा काठमाडौं जिल्ला फुटबल संघका अध्यक्ष विराटजंग शाही रहेका थिए । विशेष अतिथिका रूपमा नेपाली राष्ट्रिय पुरुष फुटबल टोलीका सहायक प्रशिक्षक बालगोपाल साहुखलाको उपस्थिति रहेको थियो । त्यस्तै, निर्मला फाउन्डेसनकी संस्थापक निर्मला भण्डारी, पूर्ण जीवन फाउन्डेसन नेपाल, इम्प्याक्ट हुप्स एकेडेमीका संस्थापक प्रेमसुन्दर होना तथा विश्राम फाउन्डेसनका प्रतिनिधिहरूको पनि कार्यक्रममा सहभागिता रहेको थियो । प्रतियोगिताले अम्प्युटी खेलाडीहरूको क्षमता, आत्मविश्वास र खेलप्रतिको समर्पण उजागर गर्दै समावेशी खेलकुद विकासमा सकारात्मक सन्देश दिएको आयोजकले जनाएको छ ।

बागमती प्रदेश अम्प्युटी फुटसल च्याम्पियनसिप सम्पन्न, कर्णाली च्याम्पियन

म्यानचेस्टर सिटीले शनिबार चेल्सीलाई फाइनलमा १–० ले हराएर एफएकपको उपाधि जितेको छ र यससँगै कप डबलको सफलता चुमेको छ । सिटीले यो सिजन इंग्लिस फुटबलका दुवै कप जितेको छ । यसअघि उसले आर्सनललाई हराएर लिगकप पनि जितेको थियो । सिटीको जितमा एन्टोन सिमेन्योले दोस्रो हाफमा गरेको गोल निर्णायक रह्यो । वेम्बलीमा वेम्बलीमा भएको फाइनलमा इर्लिङ हालान्डले दिएको पासमा सेमेन्योले ७१ औं मिनेटमा चलाखीपूर्ण गोल गरे । खेलमाथि सिटीको पूर्ण नियन्त्रण गरेपछि अन्त्यतिर चेल्सी दबाब सिर्जना गर्न सफल रह्यो । &nbsp; सिटीका लागि प्रशिक्षकका रूपमा पेप ग्वार्डिओलाले जितेको यो २० औं उपाधि रहेको छ । सिटी इंग्लिस प्रिमियर लिगमा आर्सनलपछि दोस्रो स्थानमा छ र उसको उपाधि जित्ने सम्भावना कायम छ । पूरा सिजन उतारचढावपूर्ण प्रदर्शन गरेको चेल्सीका लागि अहिलेको फाइनल हार बिर्सनलायक रहनेछ ।

चेल्सीलाई हराएर सिटी एफएकप च्याम्पियन

काठमाडौं। ओपनर कुशल भुर्तेलको शतककाे सहयाेगमा नेपालले अमेरिकालाई ९ विकेटले पराजित गरेकाे छ। आईसीसी पुरुष क्रिकेट विश्वकप लिग-२ अन्तर्गतकाे खेलमा ओपनर कुशल भुर्तेलको विष्फोटक शतकीय इनिङ्सको मद्दतले नेपालले अमेरिकाले दिएको १९६ रनको लक्ष्य मात्र ३६.४ ओभरमा १ विकेट गुमाएर पूरा गर्‍यो। नेपालकाे जितमा भुर्तेलले ११८ बलको सामना गर्दै १३ चौका र ४ छक्काको मद्दतले अविजित १२० रनको योगदान दिए। आसिफ शेखले ५८ रन बनाए। शेख र भुर्तेलले पहिलो विकेटका लागि १४५ रनको बलियो साझेदारी गरेका थिए। ७२ बल खेलेका आसिफले ८ चौका प्रहार गरे। आसिफ शेख आउट भएपछि क्रिजमा आएका इशान पाण्डेले ३० बलमा १ चौकासहित अविजित २० रन जोडे। अमेरिकाका लागि एकमात्र विकेट मोहम्मद मोहसिनले लिए। त्यसअघि टस हारेर पहिले ब्याटिङको निम्तो पाएको अमेरिका ४३.३ ओभरमा १९५ रनमा समेटिएको थियो।

कुशलको शतकमा अमेरिकाविरुद्ध नेपाल ९ विकेटले विजयी

काठमाडाैं। आईसीसी विश्वकप लिग–२ अन्तर्गत कीर्तिपुरमा जारी खेलमा अमेरिकाले नेपालसामु १९६ रनको लक्ष्य प्रस्तुत गरेको छ।&nbsp; टस जितेर पहिले ब्याटिङ गरेको अमेरिकाले ४३ दशमलव ३ ओभरमा सबै विकेट गुमाउँदै १९५ रन बनायो। अमेरिकाका लागि स्मित पटेलले सर्वाधिक ८३ रन बनाए। उनले ८९ बलमा ८ चौका र ३ छक्का प्रहार गरे। शेहान जयसूर्याले ५० रनको योगदान दिए भने मिलिन्द कुमारले २८ रन जोडे। अन्य ब्याटरले उल्लेखनीय प्रदर्शन गर्न सकेनन्। हरमीत सिंह १४, शयान जहाँगीर ६, साइतेजा मुक्कामल्ला ४, शुभम रञ्जाने २, सञ्जय कृष्णमूर्ति १,मोहम्मद मोहसिन शून्य तथा नोष्थुस केन्जिगे १ रनमा आउट भए। नेपालका दीपेन्द्रसिंह ऐरीले ७ दशमलव ३ ओभरमा २४ रन खर्चेर ४ विकेट लिए। सोमपाल कामीले २ विकेट लिए भने सन्दीप लामिछाने र गुल्सन झाले समान १–१ विकेट हात पारे। ललित राजवंशीले ९ ओभरमा ३५ रन खर्चिए।&nbsp;

नेपाललाई १९६ रनको लक्ष्य

काठमाडौँ। भारतमा आयोजना हुने साफ महिला च्याम्पियनसिप २०२६ का लागि अखिल नेपाल फुटबल संघ (एन्फा) ले नेपाली राष्ट्रिय महिला फुटबल टोलीको अन्तिम टोली घोषणा गरेको छ। मुख्य प्रशिक्षक नवीन न्यौपानेले घोषणा गरेको टोलीमा कप्तानका रूपमा एञ्जिला तुम्बापो सुब्बा रहेकी छन्। टोलीमा अञ्जनाराना मगर, उषा नाथ, पूजा राना, गीता राना, विमला बिक, हिराकुमारी भुजेल, प्रतिक्षा चौधरी, समीक्षा घिमिरे, निशा थोकर र साविना चौधरी समावेश छन्। यस्तै, रेनुका नगरकोटी, दिपा शाही, प्रीति राई, सरु लिम्बु, बिर्सना चौधरी, अनिता बस्नेत, अनिता लाम्जेल र अनिता केसीले पनि टोलीमा स्थान बनाएका छन्। त्यसैगरी, रश्मि घिसिङ, रेखा पौडेल, पूर्णिमा राई र मिना देउवा पनि अन्तिम टोलीमा अटाएका छन्। साफ च्याम्पियनसिप भारतको गोवामा जेठ ११ गते (मे २५ ) देखि सुरू हुँदैछ। जहाँ ६ राष्ट्रले प्रतिस्पर्धा गर्नेछन्। नेपाल ग्रुप ‘ए’ मा श्रीलंका र भुटान रहेका छन्। ग्रुप ‘बी’ मा भारत, बङ्गलादेश र माल्दिभ्स रहेका छन्।<img src="https://app.nepalsportz.com/media/django-summernote/2026-05-16/7c5f7375-c42c-4022-bf92-bb92211bb30d.jpeg" style="width: 698px;">

एन्जिलाको कप्तानीमा साफ खेल्ने नेपाली टोलीको घोषणा

काठमाडौं। राष्ट्रिय खेलकुद परिषद् (राखेप) ले अखिल नेपाल फुटबल संघ (एन्फा) माथि लगाएको अनिश्चितकालीन निलम्बन फुकुवा गरेको छ। शिक्षा तथा खेलकुदमन्त्री सस्मित पोखरेलका खेलकुद सल्लाहकार सिद्दी व्यञ्जनकार, राखेपका सदस्य–सचिव रामचन्द्र मेहता, एन्फाका महासचिव किरण राई, कोषाध्यक्ष रविन्द्र जोशी तथा प्रवक्ता सुरेश शाहलगायतको बैठकपछि निलम्बन फुकुवा गर्ने सहमति भएको बताइएको छ। एन्फाले भने आफूहरूमाथिको निलम्बन विनाशर्त फुकुवा गरिएको जनाएको छ।&nbsp; राखेपले देशको कानुनविपरीत जबर्जस्ती ‘अर्ली इलेक्सन’ गर्न खोजिएको लगायतका आरोप लगाउँदै गत चैत ११ गते एन्फालाई निलम्बन गरेको थियो।

एन्फाको निलम्बन फुकुवा

काठमाडाैं। नेपाली राष्ट्रिय महिला भलिबल टोलीको नयाँ कप्तान निरुता ठगुन्ना बनेकी छिन्। नेपाल भलिबल सघंले ६९औँ केन्द्रीय कार्यसमितिको बैठकले ओपन स्पाइकर निरुतालाई कप्तानको जिम्मेवारी सुम्पिने निर्णय गरेको हो। लामो समयदेखि राष्ट्रिय टोलीबाट उत्कृष्ट प्रदर्शन गर्दै आएकी निरुताले अब घरेलु तथा अन्तर्राष्ट्रिय कोर्टमा नेपाली टोलीको नेतृत्व सम्हाल्नेछिन्। सम्भावना बोकेकी र अनुभवी खेलाडीका रूपमा चिनिएकी निरुतालाई कप्तानको जिम्मेवारी दिएसँगै नेपाली महिला भलिबलले नयाँ उचाइ लिने विश्वास लिएको छ। यसअघिकी कप्तान अरुणा शाही अष्ट्रेलिया प्रस्थान गरेपछि महिला टिम कप्तान विहीन थियो। निरुताको कप्तानीमा नेपालले काभा महिला च्याम्पियनसिप खेल्ने छ।&nbsp;

निरुता महिला भलिबल टोलीको कप्तान

लखनउ सुपर जायन्ट्सले शुक्रबार इन्डियन प्रिमियर लिगमा चेन्नाइ सुपर किंग्सलाई सजिलै सात विकेटले हराएको छ । यो प्रतियोगितामा उसको चौथो जित रह्यो, तर यसका बावजुत टिम आठ अंकमा अन्तिम स्थानमै रह्यो । हारले चेन्नाइ भने १२ अंकमा छैटौं स्थानमा झरेको छ र यो हारले उसको प्ले अफ सम्भावना कमजोर बनाएको छ । लखनउमा भएको खेलमा चेन्नाइले पहिले ब्याटिङ गर्दै पाँच विकेटमा १ सय ८७ रन बनाएको थियो । कार्तिक शर्माले सबैभन्दा बढी ७१ रन बनाए । जवाफमा लखनउले १६.४ ओभरमा तीन विकेटमा १ सय ८८ रन बनायो । ओपनर मिचेल मार्सले नटआउट रहेर ९० रन बनाए । उनले ३८ बलको इनिङ्समा नौ चौका तथा सात छक्का प्रहार गरे ।

लखनउसँग हारेपछि चेन्नाइलाई गाह्रो

एस्टन भिल्लाले इंग्लिस प्रिमियर लिगमा शुक्रबार लिभरपुलमाथि ४–२ को जित आत्मसात् गरेको छ । लिभरपुलका लागि भने यो लज्जाबोध हुने हार रह्यो । यो नतिजापछि भिल्लाले अर्को सिजन युरोपेली च्याम्पियन्स लिग खेल्ने निश्चित भएको छ । तर लिभरपुलको यस्तै सम्भावना अझै अनिश्चित रह्यो । लिभरपुल पाँचौं स्थानमा झरेको छ र उसको ३७ खेलबाट ६२ अंक छ । यो सिजन लिगमा लिभरपुलको यो १२ औं हार हो । बर्नमाउथ भने ५५ अंकमा छैटौं स्थानमा छ । उसका दुई खेल खेल्न बाँकी छन् र लिभरपुललाई उछिन्न सक्ने अवसर छ । भिल्लाका लागि ओली वाट्किन्सनले दुई गोल गरे भने मोर्गन रोजर्स र जोन म्याक गिनले एक एक गोल थपे । लिभरपुलबाट दुवै गोल भर्जिल भान डाइकले गरे ।

भिल्लासँग लिभरपुलको लज्जाबोध हुने हार

काठमाडौं। राष्ट्रिय युवा संघ नेपालको ३७औँ स्थापना दिवसको अवसरमा आयोजित &nbsp;‘१० के एनवाईएफएन रन’ शुक्रबार काठमाडौँमा भव्य रूपमा सम्पन्न भएको छ ।&nbsp; राष्ट्रिय युवा संघ नेपालका अध्यक्ष माहाराज गुरुङको अध्यक्षतामा र ओलम्पियन बैकुण्ठ मानन्धरको प्रमुख आतिथ्यमा पार्टी केन्द्रिय कमिटी सचीव द्वय भानुभक्त ढकाल , महेश बस्नेत ,प्रतिनिधि सभा माननीय क्षितिज थेवे सहितको उपस्थितिमा युवामा खेलकुदप्रतिको आकर्षण बढाउने तथा स्वस्थ जीवनशैली प्रवर्द्धन गर्ने उद्देश्यले आयोजना गरिएको उक्त प्रतियोगितामा देशभरका धावकहरूको उत्साहजनक सहभागिता रहेको थियो । त्रिपुरेश्वरस्थित दशरथ रंगशालाबाट सुरु भएको दौड पुनः सोही स्थानमा आएर समापन गरिएको थियो । प्रतियोगितामा सहभागी धावकहरूले उत्कृष्ट प्रतिस्पर्धा प्रस्तुत गरेका थिए । प्रतियोगितामा राजन रोकायाले निर्धारित १० किलोमिटर दूरी २९ मिनेट ५६।९ सेकेन्डमा पूरा गर्दै प्रथम स्थान हासिल गरे । त्यस्तै खड्क बहादुर खड्का ३० मिनेट २६।७ सेकेन्डसहित दोस्रो भए भने मुकेश बहादुर पाल ३१ मिनेट ००।२ सेकेन्डका साथ तेस्रो स्थानमा रहे । यसैगरी, संजय श्रेष्ठ ३१ मिनेट ०७।४ सेकेन्डका साथ चौथो तथा सुशील शाही ३२ मिनेट ०७।६ सेकेन्डका साथ पाँचौँ स्थान हासिल गर्न सफल भए । विजेता धावकहरूलाई नगद पुरस्कार, प्रमाणपत्र तथा सम्मान प्रदान गरिएको आयोजकले जनाएको छ । प्रतियोगिताको समापन समारोहमा बोल्दै आयोजकहरूले खेलकुदले युवालाई अनुशासित, ऊर्जाशील र राष्ट्रप्रति जिम्मेवार बनाउन महत्वपूर्ण भूमिका खेल्ने बताएका थिए । राष्ट्रिय युवा संघ नेपालले आगामी दिनमा पनि युवालाई खेलकुदमार्फत एकताबद्ध गर्ने यस्ता कार्यक्रमलाई निरन्तरता दिने जनाएको छ । कार्यक्रममा विभिन्न सामाजिक, राजनीतिक तथा खेल क्षेत्रका व्यक्तित्वहरूको उपस्थिति रहेको थियो । प्रतियोगिताले राजधानीमा खेलकुदमय वातावरण सिर्जना गर्नुका साथै युवा पुस्तामाझ दौड संस्कृतिलाई थप प्रवर्द्धन गरेको आयोजकहरूको विश्वास छ ।

‘१० के एनवाईएफएन रन’: राजन रोकायाले जिते उपाधि

मुम्बई इन्डियन्सले बिहीबार इन्डियन प्रिमियर लिग (आईपीएल) २०२६ मा पंजाव किग्सलाई छ विकेटले हराएको छ । पंजावको यो लगातार पाँचौ हार हो र यससँगै उसको प्ले अफ सम्भावना कमजोर बनेको छ । मुम्बई यसअघि नै प्रतियोगिताबाट बाहिरिसकेको छ र उसको आठ अंक भएको छ । पंजाव भने १३ अंकमा चौथो स्थानमा छ । सुरुआती सात खेलमा अपराजित रहेर उत्कृष्ट सुरुआत लिएको पंजावले त्यसपछि लय गुमाएको हो । धर्मशालामा भएको खेलमा पहिले ब्याटिङ गरेको पंजावले आठ विकेटमा दुई सय रन बनाएको थियो र त्यसमा प्रभसिमरन सिंहले ५७ रन जोडे । मुम्बईका लागि सार्दुल ठाकुरले ३९ रनमा चार विकेट लिए । जवाफमा मुम्बईले एक बलको खेल बाँकी छँदा चार विकेट गुमाएर २ सय ५ रन बनायो । तिलक वर्माले मुम्बईका लागि ७५ रन बनाएर नटआउट रहे र जितको आधार तयार पारे ।

मुम्बईसँग हारेपछि पंजाव कमजोर

रियल म्याड्रिडले बिहीबार स्पेनी ला लिगामा रियल ओभिएडोलाई २–० ले हराएको छ । यो रियलका लागि सान्त्वना जित भन्दा बढी केही रहेन् । बर्नाबाउमा भएको खेलमा जितका बावजुत समर्थन आक्रोसित रहे । समर्थकले केयलिएन एमबापेसँगै अन्य खेलाडीको विरोध गरेका थिए । खेलमा भने रियलका लागि गोन्जालो गार्सिया र जुड वेलिंघमले एक एक गोल गरे । यो जितपछि रियलको ८० अंक भएको छ र दोस्रो स्थानमा छ । ओभिएडो भने २९ अंकमा सबैभन्दा पुछारमा छ र यसअघि नै रेलिगेसनमा परिसकेको छ । लगातार दोस्रो सिजन रियलले कुनै पनि उपाधि जित्न नसक्ने निश्चित भइसकेको छ ।

रियलको जितमा समर्थकको आक्रोस

&nbsp;काठमाडौं। स्कटल्यान्डले आईसीसी विश्वकप लिग–२ अन्तर्गत वर्षाले प्रभावित खेलमा अमेरिकालाई डिएलएस पद्धतिबाट २ रनले पराजित गर्दै अंकतालिकाको शीर्ष स्थानमा उक्लिएको छ। ३२ ओभरमा २४९ रनको लक्ष्य पछ्याएको अमेरिकाले निर्धारित ओभरमा ८ विकेट गुमाएर २४६ रन मात्रै बनाउन सक्यो। अमेरिकाका लागि साइतेजा मुक्कामल्लाले ७५ बलमा ५ चौका र ८ छक्कासहित शानदार १०४ रनको शतकीय इनिङ्स खेले। स्मित पटेलले ७२ रन बनाए भने शुभम रञ्जानेले १६ रन जोडे। स्कटल्यान्डका ब्राड करी र जसदीप सिंहले समान २ विकेट लिए। ओलिभर डेभिडसन, सफयान शरीफ, शुभम रञ्जाने र सौरभ नेत्रावलकरले समान १–१ विकेट हात पारे। यसअघि टस हारेर पहिले ब्याटिङ गरेको स्कटल्यान्डले ४७ ओभरमा ६ विकेट गुमाएर ३२१ रनको विशाल योगफल तयार पारेको थियो। फिन्ले म्याकक्रेथले १०२ बलमा ७७ रन बनाए भने ब्रान्डन म्याकमुलनले ४० बलमा ५५ रनको आक्रामक इनिङ्स खेले। विकेटकिपर म्याथ्यु क्रसले ३२ बलमा ५८ रन जोडे। अन्तिमतिर मार्क वाट २५ र माइकल लिस्क २८ रनमा अविजित रहे। अमेरिकाका सौरभ नेत्रावलकर र जसदीप सिंहले समान २ विकेट लिए भने मिलिन्द कुमार र शुभम रञ्जानेले समान १ विकेट हात पारे। यस जितसँगै स्कटल्यान्ड ३० खेलबाट ३६ अंकसहित विश्वकप लिग–२ को अंकतालिकाको शीर्ष स्थानमा उक्लिएको छ।

अमेरिकालाई हराउँदै स्कटल्यान्ड शीर्ष स्थानमा

काठमाडाैं। आईसीसी पुरुष क्रिकेट विश्वकप लिग–२ अन्तर्गत कीर्तिपुरस्थित त्रिवि क्रिकेट रंगशालामा जारी खेलमा स्कटल्यान्डले अमेरिकासामु ३२२ रनको विशाल लक्ष्य प्रस्तुत गरेको छ।&nbsp; ४७ओभरमा निर्धारित खेलमा स्कटल्यान्डले ६ विकेट गुमाएर ३२१ रन बनायो। स्कटल्यान्डका फिन्ले म्याकक्रिथले सर्वाधिक ७७ रन बनाए। उनले १०२ बलमा ६ चौका र १ छक्का प्रहार गरे। ब्रान्डन म्याकमुलनले ४० बलमा ५५ रन बनाउँदै टोलीलाई तीव्र सुरुआत दिलाए। कप्तान रिची बेरिङ्टन १० रनमा आउट हुँदा माइकल इंग्लिसले ३२ रन जोडे। म्याथ्यु क्रसले विस्फोटक ब्याटिङ गर्दै ३२ बलमा ५८ रन बनाए। उनले ८ चौका र २ छक्का प्रहार गरे। अन्तिम ओभरहरूमा मार्क वाट २५ र माइकल लिस्क २८ रनमा अविजित रहँदा स्कटल्यान्डले बलियो योगफल तयार गर्‍याे। अमेरिकाका लागि सौरभ नेत्रवल्कर र जसदीप सिंहले समान २–२ विकेट लिए। मिलिन्द कुमार र शुभम रञ्जानेले १–१ विकेट हात पारे। स्कटल्यान्डले अन्तिम पाँच ओभरमा तीव्र ब्याटिङ गर्दै ६४ रन थपेपछि अमेरिकामाथि दबाब बढेको थियाे।

अमेरिकालाई ३२२ रनको लक्ष्य

काठमाडौं । २०८३ साल वैशाख ३० गते वुधबार नेपाली कबड्डीको इतिहासलाई समेट्दै तयार पारिएको डकुमेन्ट्री ‘माटोदेखि मैदानसम्म’ वुधबार स्क्रिनिङ गरिएको छ । नेपाल कबड्डी लिग दोस्रो सिजन तयारीको क्रममा एनकेएल एन्थम सङ पनि सार्वजनिक गरियो । लबिम मल, पुल्चोकस्थित क्यूएफएक्समा आयोजित कार्यक्रममा स्क्रिनिङ गरिएको डकुमेन्ट्रीले भगवान् गौतम बुद्धले ‘हूतुतु’ को रुपमा कबड्डी खेलेको इतिहासलाई पनि देखाइएको छ । निशान शाहीद्वारा निर्देशित डकुमेन्ट्रीमा २०३४ सालमा स्थापित अखिल नेपाल कबड्डी संघ, त्यसको दुई वर्षपछि सुरु भएको राष्ट्रिय प्रतियोगिता, माओवादी जनयुद्धताका प्रतियोगिताविहिन ११ वर्षको कठिन अवधिलाई पनि देखाउने प्रयास गरिएको छ । अनि ढाका, बंगलादेशमा भएको ११ औं दक्षिण एसियाली खेलकुद (साग २०१०) मा नेपाली कबड्डी टिमले जितेको ऐतिहासिक पदक, नेपालमै आयोजित १३ औं साग २०१९ र ढाकामा भएको चौथो बंगबन्धु कपका उपलब्धि, चीनमा महिला टिमले हात पारेका १९ औं एसियाली खेलकुद २०२२ र छैटौं एसियन बिच गेम्स २०२६ का ऐतिहासिक कांस्यपदकलाई डकुमेन्ट्रीले सुखद पक्षको रुपमा समेटेको छ । अर्थात्, डकुमेन्ट्रीमा माटोदेखि म्याटसम्मको रुपान्तरणलाई संघर्ष र सफलताको कथाको रुपमा चित्रण गरिएको छ । एक घन्टा लामो डकुमेन्ट्रीले गत वर्ष एनकेएलको सुरुआतसँगै पुनरुत्थानको युग प्रारम्भलाई प्रष्ट पारेको छ । एनकेएल आयोजक एस्ट्रेनिक्स म्यानेजमेन्टद्वारा प्रस्तुत गरिएको डकुमेन्ट्रीको एक्ज्युकेटिभ प्रोड्युसर अमितकुमार बेगानी, प्रोड्युसर प्रवीन कुमार साह, एडिटर सुमन खड्का र क्रिएटिभ एडिटर असिम श्रेष्ठ रहेका छन् । डकुमेन्ट्री स्क्रिनिङलगत्तै र्यापर भियोमाद्वारा तयार पारिएको एनकेएलको एन्थम सङ पनि सार्वजनिक गरिएको थियो । कार्यक्रममा ‘एनकेएल, कबड्डी र व्यावसायिकता’ विषयमा प्यानल डिस्कसनसमेत गरिएको थियो, जहाँ पत्रकार राजु घिसिङ मोडोरेटर रहँदा एस्ट्रोनिक्स म्यानेजमेन्टका चेयरम्यान अमितकुमार बेगानी, अखिल नेपाल कबड्डी संघका अध्यक्ष तुल्सी थापा र राष्ट्रिय खेलकुद परिषदका चिफ कोच (कबड्डी) पार्वती राई प्यानलिस्ट रहेका थिए । नेपाल कबड्डी लिग (एनकेएल) सिजन २ जेठ २२ (जुन ५ तारिख) सुरु हुँदैछ, जहाँ ६ सहरका ६ टिमले प्रतिस्पर्धा गर्नेछन् । ती टिमले ‘प्लेयर्स ड्राफ्ट’ मार्फत् स्वदेशी ५४ र बिदेशी ३० गरी ८४ खेलाडी अनुबन्ध गरिसकेका छन् । दशरथ रंगशालास्थित राखेप कभर्डहल, त्रिपुरेश्वरमा हुने एनकेएल सिजन २ मा विराटनगर बाहुबली (कोशी प्रदेश), डिफेन्डिङ च्याम्पियन जनकपुर नाइट्स (मधेश प्रदेश), काठमाडौं माभरिक्स (बाग्मती प्रदेश), पोखरा लेकर्स (गण्डकी प्रदेश), बुटवल बुल्स (लुम्बिनी प्रदेश) र धनगढी वाइल्डक्याट्स (सुदूरपश्चिम प्रदेश) ले खेल्नेछन् । पहिलो सिजनको रोमान्चक फाइनलमा काठमाडौं माभरिक्सलाई पराजित गर्दै जनकपुर नाइट्स च्याम्पियन भएको थियो । एस्ट्रोनिक्स म्यानेजमेन्टले एनकेएल सिजन २ को ब्रोडकास्ट पार्टनरको रुपमा कान्तिपुर म्याक्स टीभी एचडी भित्र्याइसकेको छ । फ्रेन्चाइज लिगको रियालिटी शो पार्टनर नेपहपको श्रीपेच रहेको छ ।

डकुमेन्ट्री ‘माटोदेखि मैदानसम्म’ स्क्रिनिङसँगै एनकेएलको एन्थम सार्वजनिक

नयाँ च्याम्पियन बार्सिलोनाले स्पेनी ला लिगामा बुधबार एलाभेसको हातबाट १–० ले स्तब्ध भएको छ । यो हारले बार्सिलोनाले यो सिजन कीर्तिमान सय अंक छुने अवसर समाप्त भएको छ । हान्सी फ्लिकको बार्सिलोनाले लिगका आफ्ना अन्तिम तीन खेल जितेको भए कीर्तिमान सय अंक छुने थियो । बार्सिलोना अहिले ९१ अंकमै कायम रह्यो । खेलको एक मात्र गोल इब्राहिम डाइबेट्सले गरे । बार्सिलोनाले सोमबार मात्रै लिग उपाधि जितेको थियो र यसक्रममा रियल म्याड्रिडलाई हराएको थियो । एलाभेसले भने यो जितपछि रेलिगेसन क्षेत्र छाडेर १५ औं स्थानमा उक्लेको छ । उसको ४० अंक भएको छ र यो रेलिगेसन क्षेत्रबाट एकै अंकको दूरी मात्र हो ।

बार्सिलोना एलाभेससँग स्तब्ध

म्यानचेस्टर सिटीले बुधबार इंग्लिस प्रिमियर लिगमा क्रिस्टल प्यालेसलाई ३–० ले पराजित गर्दै लिग तालिकाको शीर्षमा रहेको आर्सनलसँगको दूरी दुई अंकमा छोट्याएको छ । लिगमा अब दुई चरणका खेल मात्र बाँकी छन् । इतिहाडमा भएको खेलमा पेप ग्वार्डिओलाको सिटीका लागि एन्टोन समेन्यो र ओमर मारमाुसले पहिलो हाफमा गोल गरे । साभिन्होले खेलको अन्त्यतिर तेस्रो गोल थपे । यो नजितापछि सिटीको ७७ अंक भएको छ । आर्सनल भने ७९ अंकमा शीर्ष स्थानमा छ । अब सिटीले शनिबार वेम्बलीमा हुने एफएकपको फाइनलमा चेल्सीको सामना गर्नेछ । यसअघि सिटीले लिग कपको उपाधि पनि जितेको थियो ।

सिटी शीर्षसँग दुई अंकको दूरीमा

इन्टर मिलानले बुधबार लाजियोलाई सजिलै २–० ले हराएर इटालियन कपको उपाधि जितेको छ र यससँगै घरेलु कप डबलको उपलब्धी हात पारेको छ । इन्टरले यसअघि इटालीको सिरी ए पनि जितेको थियो । रोममा भएको एकपक्षीय खेलमा एडम मरुसिचको आत्मघाती गोलमा १४ औं मिनेटमा अगाडि रहेको इन्टरका लागि लउटारो मार्टिनेजले ३५ औं मिनेटमा दोस्रो गोल गरे । यो सिजन सबै खाले प्रतियोगितामा गरेर मार्टिनेजले गरेको गोल संख्या २२ पुगेको छ । इन्टरले इटालियन कप जितेको यो दसौं पल्ट हो । लाजियोले भने पूरा खेल अवधिमा इन्टरसामु दरिलो चुनौती पेस गर्न सकेन् र हारको हकदार रह्यो ।

Nepalsports

अल नासरलाई हराउँदै गाम्बा ओसाकाको ऐतिहासिक उपाधि

📰 Recent News

Nepalsports