काठमाडौं। अखिल नेपाल फुटबल संघ (एन्फा)ले हङकङविरुद्ध हुने अन्तर्राष्ट्रिय मैत्रीपूर्ण खेलका लागि बालगोपाल साहुखला र चेतकुमार घिमिरे सहायक प्रशिक्षकमा नियुक्त छ। यस्तै, एन्फाले मदनलाल श्रेष्ठ टीम व्यवस्थापकको जिम्मेवारीमा रहनेछन् भने राजीव कुमार यादव सहायक टोली व्यवस्थापक नियुक्त भएका छन्। पंकज शाहीले प्रदर्शन विश्लेषक ९परफर्मेन्स एनालिस्ट० को भूमिका सम्हाल्नेछन्। <img src="https://app.nepalsportz.com/media/django-summernote/2026-03-17/3eb2e75e-561e-4cdd-994f-e65e2a2f1a14.jpeg" style="width: 698px;"> नियुक्त भएका सबै पदाधिकारीलाई एन्फाका महासचिव किरण राईले सातदोबाटोस्थित एन्फा कम्प्लेक्समा नियुक्तिपत्र प्रदान गरेका हुन्। नेपालले यही चैत १३ गते (मार्च २६) त्रिपुरेश्वरस्थित दशरथ रंगशालामा हङकङसँग अन्तर्राष्ट्रिय मैत्रीपूर्ण खेल खेल्ने तालिका छ।

बालगोपाल र चेतकुमार सहायक प्रशिक्षकमा नियुक्त

पोखरामा खेलकुद पत्रकारको क्षमता अभिबृद्धिका लागि दुईदिने खेलकुद पत्रकारिता तालिम सम्पन्न भएको छ।&nbsp; नेपाल खेलकुद पत्रकार मञ्च गण्डकीको आयोजना तथा प्रेस रजिष्ट्रारको कार्यालय गण्डकी प्रदेशको सहयोगमा तालिमको आयोजना भएको हो। पोखरामा रहेर काम गरिरहेका पत्रकारहरूलाई विभिन्न विधाका खेलका रिपोर्टिङ कसरी गर्ने र कस्ता नियम छन् भन्ने बारेमा प्रशिक्षण दिइएको थियो। विशेष गरि खेलकुदको क्षेत्रमा कलम चलाउन मद्दत पुग्ने लक्ष्यका साथ तालिमको आयोजना गरिएको हो। दुईदिने तालिममा राष्ट्रिय खेल भलिबलका प्रशिक्षक राजन पौडेल, क्रिकेटका अन्तर्राष्ट्रिय अम्पायर दुर्गानाथ सुवेदी, गल्फ विधामा जिवाराम गुरुङ्ग, मार्शलआर्ट विधामा प्रशिक्षक सुवास खड्का र फुटबल विधामा प्रशिक्षक हिमेश रत्न बज्राचार्यले प्रशिक्षण दिएका थिए। तालिमको समापनका अवसरमा नेपाल पत्रकार महासंघ कास्कीका अध्यक्ष माधव बरालले तालिमले विभिन्न सञ्चार माध्यममा कार्यरत पत्रकारहरूको क्षमता वृद्धि सँगै लेखन शैलीमा निखार ल्याउने बताए। तालिममा ६५ जना पत्रकारको सहभागिता रहेको थियो। तालिमपश्चात् प्रमुख प्रशिक्षक दुर्गानाथ सुवेदीले खेलाडीहरूको उत्साहसँगै उनीहरूको लगनशीलता र मेहनतलाई देखाउने माध्यम नै खेल पत्रकार रहेको बताए। उनले खेलका नियम र सिस्टमलाई राम्रोसँग बुझेर प्रसारण गर्नका लागि यस तालिमले महत्त्वपूर्ण भूमिका खेलेको सुनाए। गण्डकी प्रदेशमा रहेर खेल्ने खेलाडी, खेल प्रशिक्षक, खेलकुदका संघ संस्था र सरोकारवालाहरूका लागि यस्ता तालिमले खेलकुदको विकाससँगै खेल पर्यटनको प्रवद्र्धनमा महत्त्वपूर्ण योगदान दिने उनले बताए। यस्तै पत्रकार कमल पौडेल (अथक) ले प्रत्यक्ष खेल भइरहेकै ठाउँमा समेत पुगेर तालिम लिने अवसर पाएकोमा खुसी व्यक्त गर्दै तालिमले लेखन शैलीमा निखार आउने र खेलकुदका समाचार बनाउँदा हुने समस्यामा कमी आउने बताए। मञ्चका अध्यक्ष मान बहादुर घर्तिमगर (एमबि आस्था) ले दुईदिनसम्म सञ्चालन भएको तालिमबाट केही न केही नयाँ ज्ञान प्राप्त भएको विश्वास व्यक्त गरे। उनले आगामी दिनमा खेलकुद सम्बन्धी समाचार उत्पादन तथा प्रसारणमा सहजता ल्याउने चर्चा गर्दै तालिमका प्रशिक्षक तथा सहभागीहरूलाई धन्यवाद ज्ञापन गरे।&nbsp; प्रशिक्षार्थीहरुलाई खेलकुद पत्रकार मञ्च गण्डकीका अध्यक्ष एमबि आस्था, नेपाल पत्रकार महासंघ कास्कीका अध्यक्ष माधव बराल, मञ्चका सल्लाहकार सुरज श्रेष्ठ, पूर्व अध्यक्ष प्रेम नारायण न्यौपाने, उपाध्यक्ष राजाराम पौडेल संगै प्रशिक्षकहरु दुर्गानाथ सुवेदी, हिमेश रत्न बज्राचार्य, सुबास खड्का लगायतले प्रमाणपत्र प्रदान गरेका थिए।&nbsp;

पोखरामा दुईदिने खेलकुद पत्रकारिता तालिम सम्पन्न

इंग्लिस प्रिमियर लिगमा उल्भ्सले दुई गोलले पछाडि रहेको स्थितिबाट सोमबार ब्रेन्टफोर्डलाई २–२ को बराबरीमा चित्त बुझाउन बाध्य पारेको छ । पूरा सिजन खराव खेलेको उल्भ्स लिगका पछिल्ला तीन खेलमा अपराजित रहेको छ । त्यस अगाडि उसले एस्टन भिल्ला र लिभरपुललाई हराएको थियो । तर पनि उल्भ्स रेलिगेसनमा पर्ने निश्चित छ, अहिले भने दोस्रो डिभिजनमा झर्न अगाडि उल्भ्स लयमा देखिएको हो । ब्रेन्टफोर्डले माइकल कयोडे र इयोर थिएगोको गोलमा अग्रता लिएको थियो । त्यसपछि एडम आम्स्ट्रङ र टोलु एराकोडारले बराबरी गोल फर्काए । ब्रेन्टफोर्ड ४५ अंकमा सातौं स्थान छ । उल्भ्स भने १७ अंकमा २० औं स्थानमा छ ।

झर्न अगाडि उल्भ्स लयमा

काठमाडौं। एन्फा राष्ट्रिय लिग अन्तर्गत सोमबार तीन खेल हुँदैछन्। सातदोबाटोस्थित एन्फा कम्प्लेक्स र त्रिपुरेश्वरस्थित दशरथ रंगशालामा हुने खेलमा शीर्ष टोलीदेखि मध्यतालिकाका टोलीसम्म प्रतिस्पर्धामा उत्रनेछन्। दिनको पहिलो खेलमा सातदोबाटो युथ क्लबले विभागीय टोली नेपाल पुलिस क्लबसँग प्रतिस्पर्धा गर्नेछ। यो खेल बिहान १० बजे सातदोबाटोस्थित एन्फा कम्प्लेक्समा सुरु हुनेछ। दोस्रो खेलमा लालीगुराँस एसोसिएसन र प्लानिङ ब्वाइज युनाइटेडबीच प्रतिस्पर्धा हुनेछ। यी दुई टोलीबीचको खेल दिउँसो २ बजे त्रिपुरेश्वरस्थित दशरथ रंगशालामा सुरु हुनेछ। दिनको अन्तिम खेलमा मच्छिन्द्र फुटबल क्लबले विभागीय टोली त्रिभुवन आर्मी क्लबसँग भिड्नेछ। यो खेल साँझ ६ बजे दशरथ रंगशालामा हुनेछ। जारी लिगमा १० खेलबाट २५ अंक जोडेको मच्छिन्द्र फुटबल क्लब तालिकाको शीर्ष स्थानमा छ। ११ खेलबाट समान २५ अंक जोडेको सशस्त्र प्रहरी बलको एपिएफ फुटबल क्लब दोस्रो स्थानमा रहेको छ। यस्तै, ११ खेलबाट २२ अंक जोडेको प्लानिङ ब्वाइज युनाइटेड तेस्रो स्थानमा रहँदा १० खेलबाट समान २२ अंक रहेको संकट फुटबल क्लब चौथो स्थानमा रहेको छ।

एन्फा राष्ट्रिय लिगमा आज तीन खेल हुँदै

इटालीको सिरी ए मा एसी मिलानले आइतबार लाजियोलाई १–० ले हराएको छ । यो स्तब्धपूर्ण हारले मिलानको उपाधि होड कमजोर बनेको छ । त्यस खेलमा निर्णायक गोल गुस्ताभ इसाकेसनले गरे । मिलानसामु जितसँगै शीर्षमा रहेको इन्टर मिलानसँको दूरी छोट्याउने अवसर थियो । तर अब इन्टर ६८ अंकमा शीर्षमा रह्यो भने मिलान ६० अंकमा दोस्रो स्थानमा रह्यो । यो सिजनको आश्चर्यजनक टिम कोमो भने ५४ अंकमा चौथो स्थानमा रहेको छ । यसका लागि उसले अर्को खेलमा एएस रोमालाई २–१ ले हरायो । कोमोको ५४ अंक भएको छ । रोमा भने ५१ अंकमै सीमित रहेर छैटौं स्थानमा रह्यो ।

मिलान लाजियोसँग स्तब्ध

बार्सिलोनाले स्पेनी ला लिगामा आइतबार सेभियालाई ५–२ ले हराएको छ र शीर्ष स्थानमा फेरि चार अंकको अग्रता लिएको छ । बार्सिलोनाको २८ खेलबाट ७० अंक भएको छ । उसको पछाडि रियल म्याड्रिड ६६ अंकमा दोस्रो स्थानमा रहेको छ । क्याटलान क्लबको जितको नायक रहे, राफिन्हा । उनले शानदार ह्याट्रिक गरे । बार्सिलोनाका लागि डानी ओल्मो र जाओ क्यान्सेलोले पनि एक एक गोल गरे । अन्य खेलमा रियल सोसिडाडले ओसासुनालाई ३–१ ले हरायो भने रियल बेटिस र सेल्टा भिगोले १–१ को बराबरी खेले । सोसिडाड ३८ अंकमा सातौं स्थानमा उक्लिन सफल रह्यो र उसको अर्को सिजन युरोपमा खेल्ने सम्भावना जीवन्त रह्यो ।

बार्सिलोना चार अंकले अगाडि

सबै खाले प्रतियोगिताका छ खेलमा बेहोरेको लगातार हारमा पूर्ण विराम लगाउँदै टोटनहमले आइतबार इंग्लिस प्रिमियर लिगमा लिभरपुललाई १–१ को बराबरीमा रोकेको छ । त्यसमा रिचार्लिसनले ९० औं मिनेटमा टोटनहमका लागि बराबरी गोल फर्काए । त्यस अगाडि लिभरपुलले डोमिनिक सबोसलाईको गोलले अग्रता लिएको थियो । यो नतिजाले लिभरपुल ४९ अंकमा पाँचौं स्थानमा रह्यो । टोटनहम भने ३० अंकमा १६ औं स्थानमा रह्यो । उसमाथि रेलिगेसनबाट बच्ने दबाब रहेको छ । म्यानचेस्टर युनाइटेड ५४ अंकमा तेस्रो तथा भिल्ला ५१ अंकमा चौथो स्थानमा रहेका छन् । त्यस अगाडि म्यानचेस्टर युनाइटेडले एस्टन भिल्लालाई ३–१ ले पराजित गरेको थियो । अन्य खेलमा क्रिस्टल प्यालेस र लिड्स युनाइटेड तथा नटिंघम फरेस्ट र फुलहमले समान गोलरहित बराबरी खेलेका थिए ।

लिभरपुललाई टोटनहमको धक्का

काठमाडौं । हिमालयन क्वीन्स ग्याम्बिटको दोस्रो संस्करणको उपाधि अधिवक्ता सदिक्षा आचार्यले जितेकी छन् । उनले थापाथाली चेस पार्कमा आइतबार सम्पन्न खेलमा अपराजित रहँदै ६.५ अंक बनाएर सफलता हात पारेकी हुन् । स्वीस लिग प्रणालीको आधारमा सात चरणमा सञ्चालित ब्लिट्ज चेस प्रतियोगितामा सोनालिका सर्राफले पनि सदिक्षासमान ६.५ अंक बनाएकी थिइन् । बराबरी अंक भएपनि टाइब्रेकरको आधारमा पायोनियर एसोसिएट लकी सदिक्षाले उपाधि जितेकी हुन् । प्रिसियस अधिकारी र शुभश्री श्रेष्ठले पनि समान ६ अंक बनाए । तर, टाइब्रेकरको आधारमा अगाडि रहँदै प्रिसियस तेस्रो भइन् । प्रकृति न्यौपाने (५.५ अंक), अस्मिता दाहाल (५.५), मेघना अधिकारी (५) र आरती राई (५) ले शीर्ष आठमा रहँदै पदक हात पारे । त्यस्तै, यू ७ मा रुथ्वी सिंह (४ अंक), यू १० मा संगीता दास (४.५), यू १३ मा सुप्रिया खत्री (५), यू १६ मा गृष्मा पौडेल (५) र ४० वर्षमाथि शिवांगी नाथ (५ अंक) पहिलो स्थानमा रहे । स्कुलतर्फको उपाधि मार्भलस इंग्लिस बोर्डिङले जित्यो । उसले शीर्ष तीन खेलाडीको मूल्यांकनको आधारमा आठ अंक बटुल्दै ट्रफी जितेको हो । ग्रिनल्यान्ड इन्टरनेसनल स्कुल पाँचअंकसहित उपविजेता भयो । श्री पञ्चकन्या आधारभूत विद्यालय चार अंक बनाएर तेस्रो स्थानमा रह्यो । विश्व बुद्धिचाल महासंघको फिडे वुमेन्स कमिसन फर चेसले मार्च महिनामा ‘फिडे वुमेन्स चेस म्याराथन’ सञ्चालन गरिरहेको छ र त्यसैअन्तर्गत हिमालयन चेस एकेडेमीले नेपालमा हिमालयन क्वीन्स ग्याम्बिट आयोजना गरेको हो, जसमा ६ वर्षदेखि ४७ वर्षसम्मका एक सय तीन खेलाडी सहभागि थिए । रोयल सिंगी होटलमा शनिबार दोस्रो बार्षिकोत्सव मनाएको हिमालयन चेस एकेडेमीले क्वीन्स ग्याम्बिटसँगै क्लासिकल, र्यापिड, ब्लिट्ज र पजल सोल्भिङ गरी कुल १४ प्रतियोगिता सफलतापूर्वक आयोजना गरेको छ । विजेता खेलाडीहरूलाई ट्रफी, मेडल तथा पुरस्कार हिमालयन चेस एकेडेमीकी संस्थापक मोनालिशा खम्बू, कोसी प्रदेश बुद्धिचाल संघका अध्यक्ष सुरेन्द्रकुमार राई, राष्ट्रिय स्वतन्त्र पार्टीकी नेतृ सिर्जना श्रेष्ठ, थापाथाली चेस पार्कका अध्यक्ष सानुराज बज्राचार्य र २०४५ सालका राष्ट्रिय बुद्धिचाल च्याम्पियन नवीन तन्डुकारले प्रदान गरेका थिए ।

हिमालयन क्वीन्स ग्याम्बिटमा सदिक्षाले जितिन् ट्रफी

काठमाडौं। एपिएफ क्लब जारी एन्फा राष्ट्रिय लिगमा आइतबार बराबरीमा रोकिएपछि शीर्ष स्थानका लागि अंक दूरी बढाउने अवसर गुमाएको छ। सातदोबाटोस्थित एन्फा कम्प्लेक्समा आइतबार भएको पहिलो खेलमा विभागीय टोली एपिएफ चित्लाङ एफसीसँग गोलरहित बराबरीमा रोकिन पुग्यो।&nbsp; यससँगै एपिएफले १७ वटा क्लबले प्रतिस्पर्धा गरिरहेको लिगमा शीर्ष स्थानका लागि दूरी बढाउने अवसर गुमायो। खेल अवधिभर दुवै तर्फबाट राम्रा अवसर सिर्जना भए। तर, दुवै टोलीले गोल निकाल्न सकेनन् र अंक बाँडेका हुन्।&nbsp; समग्रमा भने एपिएफको चौथो बराबरी हो। ११ खेलबाट २५ अंक जोड्दै एपिएफ गोलअन्तरका आधारमा लिगको दोस्रो स्थानमा छ। एक खेल कम खेलेको मच्छिन्द्र क्लब शीर्ष स्थानमा छ। सातौं स्थानको टोलीसँग एपिएफको अन्तर पाँच अंक मात्र छ। यता, चित्लाङको जारी लिगमा यो पाँचौं बराबरी हो। एन्फा प्रेसिडेन्ट लिगबाट छनोट भएर राष्ट्रिय लिग खेलको चित्लाङले एक मात्र जित पुछारको टोली नव जनजागृतिविरुद्ध निकालेको थियो। त्यसबाहेक बाँकी ११ खेलमा चित्लाङ जितविहीन छ। १२ खेलबाट चित्लाङ ८ अंक जोड्दै १३औं स्थानमा छ।

एपीएफ र चित्लाङले अंक बाँडे

काठमाडौं। एन्फा राष्ट्रिय लिग अन्तर्गत जावलाखेल युथ क्लबले शानदार पुनरागमन जित दर्ता गरेको छ। सातदोबाटोस्थित एन्फा कम्प्लेक्समा आइतबार सम्पन्न खेलमा जावलाखेलले काक्रेबिहार क्लबलाई ४–१ गोल अन्तरले पराजित गरेको हो। जावलाखेलको जितमा निकोलसले दुई गोल गर्दा बुबाकार र विकास दर्लामीले समान एक–एक गोल गरे। यता काक्रेबिहारका लागि दिपेन्द्र छुनाराले गरेको गोल सान्त्वनामा सीमित बन्यो। खेलको छैटौं मिनेटमा दिपेन्द्र छुनाराको गोलबाट काक्रेबिहार क्लबले सुरुआती अग्रता बनाएको थियो। तर त्यसको १० मिनेटपछि जावलाखेल युथ क्लबका बुबाकारले गोल गर्दै खेललाई १–१ को बराबरीमा ल्याए। पहिलो हाफ १–१ को बराबरीमा सकिएको खेलमा ५०औं मिनेटमा निकोलसले गोल गर्दै जावलाखेललाई २–१ को अग्रता दिलाए। त्यसपछि ६४औं मिनेटमा विकास दर्लामीले अर्को गोल थपे। इन्जुरी समयको चौथो मिनेटमा निकोलसले व्यक्तिगत दोस्रो गोल गर्दै जावलाखेलको ४–१ को शानदार जित सुनिश्चित गरे।

काक्रेबिहारमाथि जावलाखेलको पुनरागमन जित

काठमाडौं। हङकङविरुद्ध हुने अन्तर्राष्ट्रिय मैत्रीपूर्ण फुटबल खेलका लागि नेपालले प्रारम्भिक टोली घोषणा गरेको छ। अखिल नेपाल फुटबल संघ ९एन्फा० ले चैत १३ गते काठमाडौंस्थित दशरथ रंगशालामा हुने हङकङविरुद्धको खेलका लागि ४९ खेलाडी समेटिएको प्रारम्भिक टोली सार्वजनिक गरेको हो। नेपालका मुख्य प्रशिक्षक गुग्लिएल्मो एरेनाले घोषणा गरेको प्रारम्भिक टोलीमा राष्ट्रिय टोलीका अनुभवी खेलाडीसँगै केही नयाँ खेलाडीलाई पनि अवसर दिइएको छ। प्रारम्भिक टोलीमा अभिषेक लिम्बु, आदित्य शाक्य, अजय चौधरी, अनन्त तामाङ, अञ्जन बिष्ट, एरिक बिष्ट, अविष्कार खड्का, आयुष घलान, भरत खवास, विशाल सुनार, दीप कार्की, दिपेश गुरुङ, दिनेश हेञ्जन, दिवाकर चौधरी, जर्ज प्रिन्स कार्की, जिलेस्पीजंग कार्की, किरण चेम्जोङ, किरण सुनार, कृतिश रत्न छुन्जु, कुशल देउवा, लच्छु थापा, लाकेन लिम्बु, मणि लामा, मनीष डाँगी, मिलन राई, नवयुग श्रेष्ठ, ओशेन्द्र कटुवाल, पदम भट्टराई, पदमकुमार तामाङ, पेम्बा दोर्जे लामा, प्रदीप बुढाथोकी, प्रदीप लामा, प्रतापसिंह राई, रामबाबु कुमार शाह, रोहन कार्की, रोहित चन्द, रोमन भुजेल, सकल रेग्मी, सनीश श्रेष्ठ, सरोज तामाङ, शंकर थारु, सृजनराज गौतम, सुबास बाम, सुमित श्रेष्ठ, सुमन श्रेष्ठ, सुरज गुरुङ, योगेश धिमाल, योगेश गुरुङ र युवराज खड्का रहेका छन्।

४९ खेलाडी प्रारम्भिक टोलीमा

काठमाडौं। साउदी प्रो लिग अन्तर्गत २६औं साताकाे खेलमा &nbsp;अल नासरले अल खलिजमाथि प्रभावशाली जित निकालेको छ। शनिबार राति खलिजकाे घरेलु मैदानमा सम्पन्न खेलमा अल नासर ५-० ले विजयी भयाे। यो जितसँगै नासरले २६ खेलबाट ६७ अंक पुर्‍याउँदै शीर्ष स्थान कायम राखेको छ। समान खेलबाट ६४ अंक रहेको अल हिलाल दोस्रो स्थानमा रहेको छ। खेलको ३०औँ मिनेटमा अब्दुल्लाह अल–हमदानले गोल गर्दै अल नासरलाई अग्रता दिलाए। त्यसपछि दोस्रो हाफको ५४औँ मिनेटमा ऐमान यह्याले गोल गर्दै टोलीको अग्रता दोब्बर बनाए। ७३औँ मिनेटमा जोआओ फेलिक्सले गोल थप्दै नासरलाई अझ बलियो स्थितिमा पुर्‍याए। उनले ७९औँ मिनेटमा व्यक्तिगत दोस्रो गोल गर्दै टोलीको जित सुनिश्चित गरे। इन्जुरी समयमा अर्थात् ९१औँ मिनेटमा एन्जेलो गाब्रिएलले अर्को गोल थप्दै अल नासरको जित ५-० काे अझ फराकिलो बनाए।

फेलिक्स चम्किँदा नासरको शानदार जित

खराव लयबाट गुज्रिरहेको इन्टर मिलान शनिबार इटालीको सिरी ए मा एटलान्टासँग १–१ को बराबरीमा रोकिएको छ । अर्कोतर्फ नेपोलीले भने लेचेमाथि २–१ को जित निकालेको छ । सानसिरोमा भएको खेलमा इन्टरले पिओ इस्पासिटोको गोलले अग्रता लिएको थियो, तर त्यसलाई कायम राख्न सकेन् र खेलको अन्त्यतिर निकोला क्रास्टिभिचले एटलान्टाका लागि बराबरी गोल फर्काए । युभेन्ट्स भने युडिनेजीमाथि १–० को जित रच्न सफल रह्यो । यस्तै टुरिनोले पार्मालाई ४–१ ले पराजित गरेको छ । इन्टर ६८ अंकमा शीर्ष स्थानमा छ र उसको स्थिति अझै बलियो छ । उसको पछाडि एक खेल कम खेलेको एसी मिलानको ६०, नेपोलीको ५९ र युभेन्ट्सको ५३ अंक रहेको छ ।

इन्टरको खराव लय कायम

नौ खेलाडीमा सीमित रहेर पनि बार्यन म्युनिकले जर्मन बुंडेसलिगामा बायर लेभरकुजनलाई शनिबार १–१ को बराबरीमा रोकेको छ । लेभरकुजनले एलेक्स गार्सियाको गोलले अग्रता लिएपछि लुइस डियाजले बराबरी गोल गरे । रातो कार्डमा मैदान छाड्न बाध्य खेलाडीमा डियाजसँगै निकोलस ज्याक्सन रहे । यो नतिजापछि बायर्न ६७ अंकमा शीर्ष स्थानमै रह्यो र दोस्रोमा रहेको बोरुसिया डर्टमुन्डमाथि नौ अंकको अग्रता हो । अर्को खेलमा डर्टमुन्डले असबर्गलाई २–० पराजित गरेको थियो । तेस्रो स्थानमा रहेको होफनहाइनले पनि उल्भ्सबर्गसँग १–१ को बराबरीमा चित्त बुझायो । होफनहाइनको ५० अंक रहेको छ ।

लेभरकुजनसँग बायर्नको बराबरी

आर्डा गुलेरले ७० यार्डबाट सनसनीपूर्ण गोल गरेपछि रियल म्याड्रिडले स्पेनी ला लिगामा शनिबार एल्चेलाई ४–१ ले हराएको छ । यो जितपछि रियलले बार्सिलोनासँगको दूरी एक अंकमा छोट्याएर दबाब सिर्जना गरेको छ । रियलको ६६ अंक भएको छ । एक खेल कम खेलेको बार्सिलोना भने ६७ अंकमा छ । एटलेटिको म्याड्रिड ५७ अंकमा तेस्रो स्थानमा उक्लेको छ । उसले अर्को खेलमा गेटाफेलाई १–० ले पराजित गर्न सफल रह्यो । यस्तै अन्य खेलमा जिरोनाले एथलेटिको बिलबाओलाई ३–० र रियल ओभिएडोले भ्यालेन्सियालाई १–० ले हरायो ।

रियलको जितमा गुलेरको अद्धितीय गोल

आर्सनलले इंग्लिस प्रिमियर लिगमा शनिबार एभरटनमाथि २–० ले नाटकीय जित रच्दै उपाधि होडमा आफूलाई अझ बलियो बनाएको छ । अर्को खेलमा म्यानचेस्टर सिटी वेस्ट ह्यामको हातबाट १–१ को बराबरीमा रोकिएपछि आर्सनललाई अझ फाइदा भएको हो । &nbsp; अब आर्सनलले शीर्ष स्थानमा नौ अंकको अग्रता लिएको छ र २२ वर्षयता पहिलो पटक लिग जित्ने सम्भावना धेरै बलियो भएको छ । खेल बराबरीतर्फ अग्रसर भएको बेला भिक्टोर ग्योकेरेसले ८९ औं मिनेटमा गोल गर्दै आर्सलनलाई अग्रता दिलाए । लगतै इन्ज्युरी समयमा १६ वर्षीय म्याक डेमनले दोस्रो गोल थपे र उनी प्रिमियर लिगमा गोल गर्ने सबैभन्दा कान्छा खेलाडी पनि बने । सिटीले बर्नाडो सिल्भाको गोलले अग्रता लिएको थियो । वेस्ट ह्यामका ालगि कोन्स्टानटिनोस माभ्रोपोनोसले बराबरी गोल गरे । अन्य खेलमा न्युकासल युनाइटेडले चेल्सी तथा ब्राइटनले सन्डरल्यान्डलाई समान १–० ले हरायो । बर्नली र बर्नमाउथले भने १–१ को बराबरी खेले । वेस्ट ह्यामले भने रेलिगेसन क्षेत्र छाडेको छ ।

आर्सनललाई नौ अंकको अग्रता

काठमाडौं। एन्फा राष्ट्रिय लिग अन्तर्गत सातदोबाटो युथ क्लब र नव जनजागृति युवा क्लबबीचको खेल बराबरीमा टुंगिएको छ। सातदोबाटोस्थित एन्फा कम्प्लेक्समा शनिबार सम्पन्न खेलमा दुवै टोलीले १–१ गोल गर्दै अंक बाँडेका हुन्। खेलको २६औं मिनेटमा बिक्रम ठोकरले गोल गर्दै नव जनजागृति युवा क्लबलाई अग्रता दिलाएका थिए। तर दोस्रो हाफको ४८औं मिनेटमा अरुण लामाले गोल फर्काउँदै सातदोबाटो युथ क्लबलाई खेलमा फर्काए। त्यसपछि दुवै टोलीले थप गोलका अवसर सिर्जना गरे पनि त्यसलाई सदुपयोग गर्न नसक्दा खेल १–१ को बराबरीमा सकियो। बराबरीसँगै दुवै टोलीले १–१ अंक बाँडेका छन्।

सातदोबाटो र नव जनजागृतिले अंक बाँडे

काठमाडौं । २०८२ साल फागुन ३० गते शनिबार चेस बोर्डमा ४३ वर्षयता नियमित चुनौती दिइरहेका नवाीन तन्डुकरलाई हिमालयन लाइफटाइम अचिभमेन्ट अवार्ड प्रदान गरिएको छ । उक्त अवार्ड हिमालयन चेस एकेडेमीको दोस्रो बार्षिकोत्सवको अवसरमा शनिबार प्रदान गरिएको हो । रोयल सिंगीहोटलमा आयोजित कार्यक्रममा २०४५ साल (सन् १९८८) को राष्ट्रिय बुद्धिचाल प्रतियोगिताका च्याम्पियन तन्डुकरलाई अवार्ड तथा नगद पुरस्कार नेपाल ओलम्पिक कमिटिका अध्यक्ष जीवनराम श्रेष्ठ र हांस्यकलाकार मदनकृष्ण श्रेष्ठले प्रदान गरे । संकटा क्ल्बबाट सहिद स्मारक ए डिभिजन लिग खेलेका ६६ वर्षीय तन्डुकरले यो सम्मान आफ्नो जीवनकै सबभन्दा महत्वपूर्ण भएको बताए । राष्ट्रिय यू ८ चेस च्याम्पियन शुभांग प्रधानले प्लेयर अफ द इयर २०२५ अवार्ड हात पारे । निहाना श्रेष्ठ क्वीन अफ दि हिमालयज २०२५ घोषित् भइन् । त्यस्तै, प्रसित खनालले रेटिङ एक्सिलेन्स अवार्ड, प्रवीर केसीले हिमालयन ट्याक्टिकल टाइटन, सात्विकमान तुलाधरले हिमालयन एरिना अवार्ड, नायुमा मगरले कम्युनिटी सर्भिस अवार्ड, आयन जोशीले स्पेसल अवार्ड, अरिज राईले हिमालयन स्पिरिट अवार्ड र लियोन महर्जनले फेयर प्ले अवार्ड प्राप्त गरे । विराज सारडाले इमर्जिङ प्लेयर अफ दि इयर २०२५ जिते । परराष्ट्र मन्त्रालयका सहसचिव गेहेन्द्र राजभण्डारी (युरोपोयिन युनियनका लागि पूर्वराजदूत पनि हुन्), राष्ट्रिय खेलकुद परिषद (राखेप) का पूर्वसदस्यसचिव टंकलाल घिसिङ, सूर्य नेपालका उपमहानिर्देशक ईश्वर गौतम, सिक्किम ओलम्पिक संघका सहसचिव महेन्द्र ढकाललगायतले सन् २०२५ का उत्कृष्ट चेस खेलाडीहरूलाई प्रदान गरे । त्यसअघि पूर्वयुवा तथा खेलकुद मन्त्री विराजभक्त श्रेष्ठ र हिमालयन चेस एकेडेमीकी संस्थापक मोनालिशा खम्बूले २०८३ सालको नयाँ क्यालेन्डर सार्वजनिक गरेका थिए । कार्यक्रममा राखेपका पूर्वसदस्यसचिव रमेशकुमार सिलवाल, लक्ष्मी सनराइज बैंकका वरिष्ठ उपकार्यकारी प्रमुख सुमेद भट्टराई, राष्ट्रिय पुरुष क्रिकेट टिमका पूर्वकप्तान ज्ञानेन्द्र मल्ल, एतिहास रच्दै आएकी कराते खेलाडी एरिका गुरुङ र प्रशिक्षक कुशल श्रेष्ठ, पर्वतारोही पूर्णिमा श्रेष्ठ, हिमालयन आउटडोर प्रोजेक्टका सहसंस्थापक अनुप गुरुङ, राखेपका कार्यकारी सदस्य सुवर्ण श्रेष्ठ, सदस्य कुमार लामा घिसिङ, काठमाडौं महानगर ४ का वडाध्यक्ष दिनेश महर्जनलगायतको उपस्थिति रहेको थियो । एकेडेमीकी संस्थापक खम्बूले दुई वर्षयता गरेको काम र कार्ययोजनाबारे विस्तृत प्रस्तुती दिएकी थिइन् । एकेडेमीले हिमालयन क्वीन्स ग्याम्बिटको दोस्रो संस्करण आइतबार काठमाडौं ११ स्थित थापाथली चेस पार्कमा आयोजना गर्दैछ । विश्व चेस महासंघको ‘फिडे वुमेन्स चेस म्याराथन’ अन्तर्गतको अफिसियल प्रतियोगिताको रुपमा हुने हिमालयन क्वीन्स ग्याम्बिटमा एक सय बढी खेलाडीले प्रतिस्पर्धा गर्ने बताइएको छ । एकेडेमीको यो १४ औं प्रतियोगिता हुनेछ ।

हिमालयन लाइफटाइम अचिभमेन्ट अवार्डबाट नवीन तन्डुरकार सम्मानित

खेलकुद पत्रकार मञ्च गण्डकीको आयोजना र प्रेस रजिष्टारको कार्यालय गण्डकीप्रदेशको सहयोगमा आज देखी शुरु भएको तालिमको गण्डकी प्रदेशका पे्रस रजिष्टार एबं कार्यक्रमका प्रमुख अतिथि &nbsp;विमला भण्डारीले उद्घाटन गरेकी छिन् । तालिमको उदघाटन गर्दै प्रमुख अतिथि भण्डारीले &nbsp;खेलकुद पत्रकारीता तालिमका माध्यम बाट गण्डकी प्रदेशको खेल क्षेत्रमा भएका खेल गतिबिधि सहित समग्र खेलकुदको बिकासका लागी महत्वपूर्ण योगदान पुग्ने बताइन् ।&nbsp;&nbsp;कार्यक्रममा नेपाल पत्रकार महासंघ कास्कीका अध्यक्ष माधब बरालले कास्की जिल्लामा रहेर बिभिन्न सञ्चार मिडियामा कलम चलाउने पत्रकार हरुका लागी खेलकुद पत्रकारीता तालिमले अन्य समाचार संगै खेलकुद समाचार लेखन शैलीमा बलियो आधार बन्नेमा सहयोग पुग्ने धारणा राखे।&nbsp; सो अबसरमा मञ्चका अध्यक्ष एबं कार्यक्रका सभापति मान बहादुर घर्ति (एमवि आस्था) मगरले गण्डकी प्रदेशको पोखरा पछिल्लो समय खेलकुदको हव बन्दै गएकाले स्थानिय उदियमान खेलाडी देखी अन्तराष्ट्रिय खेलाडीले समेत पोखरमा बिभिनन बिद्यामा खेल्ने गरेकाले खेलाडी तथा खेल प्रशिक्षक एबं खेलप्रमी हरुको हौसला बढाउने र खेलकुद सम्बन्धि समाचार लेखन बृद्धिका लागी तालिमको आयोजना गरिएको धारणा राखे।

नेपाल खेलकुद पत्रकार हरुको क्षमता अभिबृद्धिका लागी दुईदिने खेलकुद पत्रकारीता तालिम

निकोलस पेपेले दोस्रो हाफको इन्ज्युरी समयको आठौं मिनेटमा नाटकीय रूपमा गरेको गोलको मदतले भिल्लारियलले स्पेनी ला लिगामा शुक्रबार एलाभेसलाई १–१ को बराबरीमा रोकेको छ । पेपेले खेलको अन्तिम क्षणमा गोल गरेका हुन् । यससँगै टिम निश्चित देखिएको हारबाट जोगिएको थियो । यसअघि राजभन मारिनको आत्मघाती गोलमा एलाभेस ४० औं मिनेटमा अगाडि रहेको थियो । यो नतिजापछि भिल्लारियल २८ खेलबाट ५५ अंकमा तेस्रो स्थानमा रह्यो । एलाभेस भने २८ अंकमा १६ औं स्थानमा छ र उसमाथि रेलिगेसनको दबाब कायम छ । एक खेल कम खेलेको एटलेटिको म्याड्रिड ५४ अंकमा चौथोमा छ । बार्सिलोना ६७ र रियल म्याड्रिड ६३ अंकमा शीर्ष दुई स्थानमा रहेका छन् ।

Nepalsports

बालगोपाल र चेतकुमार सहायक प्रशिक्षकमा नियुक्त

📰 Recent News

Nepalsports