चेल्सीले इंग्लिस प्रिमियर लिगमा शनिबार फुलहमलाई २–० ले पराजित गरेको छ । स्टायनफोर्ड ब्रिजमा भएको खेल जितेर चेल्सी कम्तीमा एक दिनका लागि लिग तालिकाको शीर्ष स्थानमा उक्लेको छ ।

नयाँ सिजन लिगमा अपराजित रहेर चेल्सीले राम्रो सुरुआत पनि लिएको छ । लन्डन डर्बीमा प्राप्त जितपछि चेल्सीको तीन खेलबाट सात अंक भएको छ । फुलहम भने तीनै खेलबाट दुई अंकमा सीमित रह्यो ।

जाओ पेड्रो पहिलो हाफको इन्ज्युरी समयको नवौं मिनेटमा गोल गर्दै चेल्सीलाई अग्रता दिलाए । त्यसपछि इन्जो फर्नान्डेजले पेनाल्टीबाट गोल गर्दै चेल्सीका आरामदायी जित दिलाए ।