एटलेटिको म्याड्रिडले सोमबार स्पेनी ला लिगामा त्यस्तो जित निकालेको छ, जसले उसको एक साता पुरानो हारको चोटलाई बिर्साउन मदत गर्नेछ । उसले रियल बेटिसलाई २–० ले हराएको हो । युरोपेली च्याम्पियन्स लिगमा पछिल्लो साता आर्सनलको हातबाट एटलेटिको ४–० ले हारेको थियो । तर बेटिसमाथिको अहिलेको जितले उसलाई धेरै राहत दिनेछ । एटलेटिकोले यो सिजन क्लिन सिट राखेको पनि यो दोस्रो खेल मात्रै हो । यो जितसँगै डिएगो सिमोनीको टिम अंक तालिकाको चौथो स्थानमा उक्लेको छ । यो जितले उसको १० खेलबाट १९ अंक भएको छ । बेटिस भने १६ अंकमा छैटौं स्थानमा रह्यो । खेलको दुवै गोल पहिलो हाफमा भएका थिए र ती गिलियानो सिमोनी तथा एलेक्स बेनाको नाममा रह्यो । सिमोनीले तेस्रो मिनेटमै गोलको खाता खोले भने बेनाले इन्ज्युरी समयको दोस्रो मिनेटमा गोल गरे ।

एटलेटिकोको चोट बिर्साउने जित

सावित्रा भण्डारीको दुई गोलको मदतले नेपालले थ्री नेसन्सकपमा सोमबार भारतमाथि २–१ को शानदार जित रचेको छ । यससँगै नेपाली राष्ट्रिय महिला टिमले इरान पनि सम्मिलित प्रतियोगिताबाट सुखद अन्त्य लिएको छ । नेपालको दुई खेलबाट तीन अंक भएको छ भने भारत भने शून्य अंकमै रह्यो । इरानले उपाधिका लागि भारत र नेपालविरुद्धको दुवै खेल जितेको थियो । सिलोङको जवाहरलाल नेहरु स्टेडियममा सावित्राले दोस्रो मिनेटमा पहिलो गोल गरिन् । दीपा शाहीको लामो पासमा उनले गोलको खाता खोलेकी हुन् । उनले ६२ औं मिनेटमा फ्रि–किकबाट उत्कृष्ट दोस्रो गोल गरिन् । यससँगै भारतविरुद्ध साविक्राको व्यत्तिगत गोल संख्या १० पुगेको छ । नेपालका लागि ५९ खेलमा उनले गरेको गोल संख्या ६८ पुगेको छ । भारतका लागि करिष्मा पुरुषोत्तमले ८२ औं मिनेटमा एक गोल फर्काइन् । भारतले सन् २०१९ यता नेपाललाई हराउन सकेको छैन् ।

भारतमाथि नेपालको शानदार जित

काठमडौँ । सुदूरपश्चिम रोयल्सले आधिकारिक एपरेल (पोशाक) पार्टनरको रुपमा डीआरसँग सम्झौता गरेको छ ।&nbsp; आइतबार नेपाल प्रिमियर लिग (एनपीएल) टोली सुदूरपश्चिमका प्रमुख कार्यकारी अधिकृत प्रकाश खड्का र चर्चित नेपाली कपडा ब्रान्ड डीआरजेका मालिक डिल्ली राज जोशीले सम्झौता पत्रमा हस्ताक्षर गरे ।&nbsp; डीआरजे पछिल्लो समय निकै लोकप्रिय र चर्चित नेपाली कपडा ब्रान्ड हो । सम्झौताअनुसार डीआरजेले सुदूरपश्चिम रोयल्सका लागि जर्सी उपलब्ध गराउने छ।&nbsp; सुदूरपश्चिम रोयल्सका सीईओ खड्काले डीआरजेले उच्च गुणस्तरका खेल पोशाक उपलब्ध गराउने र यसले खेलाडीको प्रदर्शन र आत्मविश्वासमा सकारात्मक प्रभाव पार्ने विश्वास व्यक्त गरे । ‘डीआरजे पछिल्लो समय निकै लोकप्रिय र चर्चित नेपाली कपडा ब्रान्ड हो । खेलाडीहरू र टिम दुवैका लागि उत्कृष्ट र गुणस्तरका खेल पोसाक चाहिन्छ, सीइओ खड्काले भने,‘त्यसैले हामीले डीआरजेसँग सहकार्य गरेका छौं । यसले सुदूरपश्चिमको पोशाकमा उच्च स्तरको गुणस्तर झल्काउने छ ।’&nbsp; डीआरजेका वनर दिल्लीराज जोशीले सुदूरपश्चिमसँग जोडिन पाउनु गौरवको कुरा भएको बताए ।&nbsp; ‘सुदूरपश्चिमसँग सहकार्य गर्न पाउँदा आफ्नै माटोसँग जोडिएको अनुभूति भएको छ । पछिल्लो सिजन जस्तै उत्कृष्ट प्रदर्शन यो सिजन उपाधि जित्ने कुरामा विश्वस्त छु,’&nbsp;जोशीले&nbsp;भने&nbsp;।

डीआरजे सुदूरपश्चिम रोयल्सको एपरेल पार्टनर

काठमाडौं, कात्तिक १० गते । भूपेन्द्र गुरुङले विश्व खुला मार्सल आर्ट्स च्याम्पियनसिपमा ३ पदक जितेका छन् । अमेरिकाको बोस्टनमा अक्टोबर २६ तारिखमा भएको प्रतियोगितामा भूपेन्द्रले ३ फरक स्पर्धामा २ स्वर्ण र १ रजत पदक जितेका हुन् । वल्र्ड फाइटिङ मार्सल आर्ट्स फेडरेसनको आयोजनामा भएको प्रतियोगितामा भूपेन्द्रले ताइची छ्वान ओपन ह्यान्ड र छाङ छ्वानमा स्वर्ण जिते । उनले ताइची छ्वान ओपन ह्यान्डमा ९.५ अंक र छाङ छ्वानमा ९.०३३ अंक जोड्दै स्वर्ण चुमे । ताइची छ्वान सर्ट वेपनमा रजत जितेका भूपेन्द्रले ९.२ अंक बटुले । तीनै स्पर्धाको पूर्णाङक १० थियो । यसअघि उनले अमेरिकाको विभिन्न शहरमा भएका ३ प्रतियोगितामा प्रतिस्पर्धा गरेका थिए । उक्त प्रतियोगितामा भूपेन्द्रले ३ स्वर्ण र ३ रजत पदक जितेका थिए । भूपेन्द्रले जर्मनी, युके र थाइल्यान्डमा भएका विभिन्न प्रतियोगितामा पनि पदक जितेका छन् । उनले विभिन्न राष्ट्रिय तथा अन्तर्राष्ट्रिय प्रतियोगितामा निर्णायकको भूमिका पनि निर्वाह गरेका छन् । भूपेन्द्र नेपाल उमा कुङफु संघका उपाध्यक्ष पनि हुन् । भूपेन्द्रले राष्ट्रलाई पदक दिलाउन सकेकोमा खुशी व्यक्त गर्दै प्रतियोगितामा सहभागी हुन विशेष सहयोग गरेकोमा टिम व्यवस्थापकको भूमिका निर्वाह गरेका समाजसेवी एवं कलाकार प्रेम गुरुङ, लम्जुङ सेवा समाज, न्युयोर्कका अध्यक्ष गम गुरुङलगायत सम्पूर्ण सहयोगी प्रति आभार व्यक्त गरे ।

भूपेन्द्रलाई अमेरिकामा ३ पदक

काठमाडौँ। काभा पुरुष भलिबल कपमा नेपालले समूह चरणको आफ्नो अन्तिम खेलमा पनि हार व्यहोरेको छ।&nbsp; बंगलादेशकाे कास्थित इन्डोर हलमा साेमबार सम्पन्न खेलमा नेपाल श्रीलंकासँग ३-० को सोझो सेटमा पराजित भएकाे हाे।&nbsp; श्रीलंकाले पहिलो सेट २५–१८, दोस्रो सेट २५–१७ र तेस्रो सेट २५–२० को फराकिलो अन्तरले जित्दै सहज रूपमा खेल आफ्नो पक्षमा पार्‍यो। नेपालले प्रत्येक सेटमा सुरुवातमा केही प्रतिस्पर्धा प्रदर्शन गरे पनि मध्यान्तरपछि लय कायम राख्न नसक्दा लगातार अंक गुमाएको थियो। नेपालले यसअघि खेलेका चार खेलमध्ये एकमा मात्र जित हासिल गरेको थियो। उद्घाटन खेलमा तुर्कमेनिस्तानसँग ३–० ले पराजित भएको नेपालले दोस्रो खेलमा अफगानिस्तानलाई ३–० ले पराजित गर्दै पहिलो जित निकालेको थियो।

श्रीलंकासँग पनि पराजित

काठमाडौँ । प्रिमियर लिग अन्तर्गत गएराति भएको रोमाञ्चक खेलमा म्यानचेस्टर सिटी एस्टन भिल्लासँग १–० ले पराजित भएको छ। अपेक्षाकृत कमजोर ठानिएको भिल्लाले घरेलु मैदानमा उत्कृष्ट प्रदर्शन गर्दै शक्तिशाली सिटीलाई स्तब्ध पार्‍यो। खेलको सुरुवातदेखि नै दुवै टोलीले आक्रमक खेल प्रस्तुत गरेका थिए। तर, १९औं मिनेटमा &nbsp;भिल्लाका माटी काशले गरेको गोल नै खेलको निर्णायक बन्यो। उनको प्रहारले सिटीका गोलकिपर एडेर्सनलाई कुनै मौका दिएन। त्यसपछि पनि सिटीले बराबरी गोलका लागि निकै प्रयास गरे पनि फिनिसिङमा कमजोरी देखियो। दोस्रो हाफमा सिटीका प्रशिक्षक पेप गार्डियोलाले एर्लिङ हालान्ड र फिल फोडेनमार्फत आक्रमण तीव्र बनाए पनि भिल्लाको सशक्त रक्षात्मक खेलका कारण गोल गर्न असफल रहे। अर्कोतर्फ, भिल्लाले काउण्टर अट्याकमार्फत खेलमा प्रभाव जमाउँदै बारम्बार सिटीलाई दबाबमा राख्यो। यस जितसँगै एस्टन भिल्लाले ९ खेलबाट १५ अंकसहित लिगको सातौँ स्थानमा उक्लिएको छ। लगातार लयमा देखिएको भिल्लाको यो जित यस सिजनको उल्लेखनीय प्रदर्शनमध्ये एक मानिएको छ। पराजयसँगै म्यानचेस्टर सिटी १६ अंकमा सीमित रहँदै चौथो स्थानमा झरेको छ। पछिल्ला खेलमा स्थिर प्रदर्शन गर्न नसकेको सिटीका लागि यो हार शीर्ष स्थानमा पुनः फर्किन चुनौतीपूर्ण सावित हुने देखिन्छ।

भिल्लासँग सिटी स्तब्ध

काठमाडौँ। नेपाली राष्ट्रिय महिला फुटबल टिम आज भारतविरुद्ध मैत्रीपूर्ण खेल खेल्दैछ। भारतको शिलङस्थित जवाहरलाल नेहरु रंगशालामा आज साँझ ६:१५ बजे सुरु हुनेछ। फिफा वरीयतामा नेपाल ८९औं र भारत ६३औं स्थानमा छन्। दुवै टोलीबीच अहिलेसम्म १८ खेल भइसकेका छन्। जसमा भारतले ११ जित, ५ बराबरी, र नेपालले २ जित हासिल गरेको छ। नेपालले यसअघि खेलेको मैत्रीपूर्ण खेलमा इरानसँग ३–० ले हार बेहोरेको थियो। आजको खेल नेपाली टिमका लागि इरानविरुद्धको हारपछि पुनः लयमा फर्किने अवसरका रूपमा हेरिएको छ।

नेपाल र भारत आमनेसामने हुँदै

आर्सनलले इंग्लिस प्रिमियर लिगमा आइतबार शीर्ष स्थानमा आफ्नो पकड बलियो बनाएको छ । उसले इमिरेट्समा भएको खेलमा क्रिस्टल प्यालेसलाई १–० ले हरायो । इबेरची इजीले ३९ औं मिनेटमा निर्णायक गोल गरे । आर्सनलको नौ खेलबाट २२ अंक भएको छ र पहिलो पहिलो स्थान छ । बर्नमाउथले भने नटिङघम फरेस्टमाथि २–० को जित रच्यो र यससँगै १८ अंकमामा दोस्रो स्थानमा रह्यो । यस्तै टोटनहमले एभरटनलाई ३–० ले हरायो र लिग तालिकाको तेस्रो स्थानमा उक्लिन सफल रह्यो । यो जितपछि टोटनहमको नौ खेलबाट १७ अंक भएको छ । टोटनहमका लागि मिकी भान डे भेनले दुई गोल गरे । म्यानचेस्टर सिटी भने एस्टन भिल्लाको हातबाट १–० ले पराजित रह्यो र त्यसमा म्याट क्यासले १९ औं मिनेटमा निर्णायक गोल गरे । यस्तै बर्नलीले उल्भ्सलाई रोमाञ्चक खेलमा ३–२ ले पराजित गर्‍यो ।

शीर्ष स्थानमा आर्सनलको पकड

गत सिजन बार्सिलोनाले रियल म्याड्रिडविरुद्धका सबै चार खेल जितेको थियो । यस सिजनका लागि रियलले नयाँ प्रशिक्षक भित्र्याएको थियो, ज्याबी एलोन्सो । उनकै नेतृत्वमा रियलले आइतबार राति पहिलो अल–क्लासिको खेल्यो र त्यसमा विजयी पनि रह्यो । जुड बेलिङघमको निर्णायक गोलको मदतले रियलले स्पेनी ला लिगामा आफ्नो सबैभन्दा ठूलो प्रतिद्वन्द्वी बार्सिलोनालाई २–१ ले हरायो र शीर्ष स्थानमा पाँच अंकको पनि अग्रता लियो । रियलको दस खेलबाट २७ अंक भएको छ । बार्सिलोनाको &nbsp;दसै खेलबाट २२ अंकछ र दोस्रो स्थानमा छ। खेलका तीनै गोल पहिलो हाफमा भए । केयलिन एमबापेले २२ औं मिनेटमा पहिलो गोल गरे । फेरमिन लोपेजले ३८ औं मिनेटमा बार्सिलोनाका लागि बराबरी गोल गरे । यही स्थितिमा बेलिङघमले ४३ मिनेटमा निर्णायक गोल गरे । एमबापे दोस्रो हाफमा पेनाल्टीबाट गोल गर्न भने चुकेका थिए ।

ज्याभीको पहिलो अल–क्लासिको जित

काठमाडौं। आइसीसी पुरुष क्रिकेट विश्वकप लिग-२ अन्तर्गत पाँचौ सिरिजको आफ्नो पहिलो खेलमा नेपाल पराजित भएको छ। युएईमा आइतबार सम्पन्न खेलमा नेपाल अमेरिकासँग १०६ रनले पराजित भएको हो। यो हरासँगै नेपालको १७ खेलमाबाट १२ अंक छ। अमेरिका भने ३० अंकमा तालिकाको शीर्ष स्थानमा उक्लिएको छ। अमेरिकाले दिएको २६३ रनको लक्ष्य पछ्याएको नेपाल ३९.१ ओभरमा १५६ रनमा अलआउट भयो। नेपालका लागि दीपेन्द्र सिंह ऐरीले ४०, आरिफ शेख ३७, भीम सार्की २९, आरिफ शेखले २० र सोमपाल कामीले ११ रन बनाए। रोहित पौडेल, गुल्शन झा, करण केसी, सन्दीप लामिछाने र कुशल भुर्तेलले दोहोरो अंकमा रन बनाउन सकेनन्। नेपाललाई सस्तैमा अलआउट गर्नेक्रममा हरमित सिंहले ६ विकेट लिए। शुभम रन्जानेले २ र रुशिल उगरकरले एक विकेट लिए। यसअघि पहिला ब्याटिङ गरेको अमेरिकाले निर्धारित ओभरमा ६ विकेट गुमाएर २६२ रनको योगफल तयार पारेको थियो।

नेपाल १०६ रनले पराजित

काठमाडौ । कर्णाली याक्स स्पोट्र्स प्रा.लि.ले स्ट्रेन्थ पार्टनरको रुपमा प्लम्बर पाइप्ससँग सह–प्रायोजनका लागि सम्झौता गरेको छ ।&nbsp; आइतबार काठमाडौंको याक एण्ड यति होटलमा आयोजित कार्यक्रममा कर्णाली याक्सका निर्देशक गृहेन्द्र घिमिरे र प्लम्बर पाइप्सका म्यानेजिङ डाइरेक्टर नितिन जालानले सम्झौता पत्रमा हस्ताक्षर गरे ।&nbsp; जय बागेश्वरी रोटो मोल्डिङ इन्डस्ट्रिजले यो कम्पनी २०७१ सालदेखि नेपालमा ल्याएको हो । सम्झौता नेपाल प्रिमियर लिग (एनपिएल) को दोस्रो संस्करणको लागि भएको हो । प्लम्बर पाइप्सका डाइरेक्टर निरज जालानले कर्णाली याक्ससँग जोडिनु गौरवको विषय रहेको बताएका छन् । ‘ प्लम्बर पाइप्स प्लम्बिङ प्रणालीको लागि एक प्रसिद्ध ब्रान्ड हो । नेपालको अग्रणी प्लम्बिङ ब्रान्ड प्लम्बर पाइप्सले कर्णाली याक्ससँग प्रायोजकको रूपमा हात मिलाएको छ,’ कम्पनीका डाइरेक्टर जालानले भने, ‘हाम्रो देशको प्रमुख खेलकुद प्रतियोगिता एनपीएल र कर्णाली याक्ससँग जोडिनु गर्वको कुरा हो । यसबाहेक हामी हाम्रो देशमा खेलकुदको उन्नतिमा योगदान पु¥याउने आशा गर्छौं ।’ २०८१ मंसिर १५ गतेदेखि पुस ६ गते सम्म भएको पहिलो संस्करणमा कर्णाली याक्सले दोस्रो क्वालिफायरसम्मको यात्रा तय गरेको थियो । दोस्रो संस्करणमा पनि कर्णालीले ज्ञानेन्द्र मल्ललाई नै प्रशिक्षकमा निरन्तरता दिएको छ । टोलीको &nbsp;कन्सल्ट्यान्ट प्रशिक्षकमा राजु बस्नेत छन् ।&nbsp; यस्तै, कर्णालीले मार्की सोमपाल कामीसँगै गुल्सन झा, नन्दन यादव, विपिनप्रसाद शर्मा, दीपेन्द्र रावत, अर्जुन घर्ती र युनिससिंह ठकुरीलाई रिटेन गरेको छ । अक्सनबाट पवन सर्राफ, युवराज खत्री, इमरान शेख र दीपक डुम्रेलाई अनुबन्ध गरेको थियो । यसअघि कर्णाली याक्सले विदेशी खेलाडीका स्कटल्यान्डका स्पिनर मार्क रोबर्ट जेम्स वाट र अस्ट्रेलियाका विलियम बोसिस्टोलाई अनुबन्ध गरिसकेको छ ।&nbsp; कर्णाली याक्सले हस्पिटालिटी पार्टनरमा याक एण्ड यति तथा सह प्रायोजकमा नेबिकोसँग सम्झौता गरिसकेको छ ।

कर्णाली  याक्स र प्लम्बर पाइप्सबीच सम्झौता

काठमाडौं। सुशीला कार्की नेतृत्वको मन्त्रिपरिषद्मा बब्लु गुप्ता युवा तथा खेलकुद मन्त्रीमा नियुक्त भएका छन्। राष्ट्रपति कार्यालय शिलतनिवासमा आइतबार आयोजित समारोहमा उनले शपथ लिएका हुन्। राष्ट्रपति रामचन्द्र पौडेलले गुप्तासँगै स्वास्थ्य तथा जनसंख्यामन्त्री डा. सुधा शर्मा गौतमलाई सपथ दिलाए। आइतबार कार्कीले तेस्रो पटक मन्त्रिपरिषद् विस्तार गरेकी हुन्। जेन्जी आन्दोलनपछि केपी शर्मा ओलीको सरकार ढलेको थियो।&nbsp; उक्त सरकारमा रहेका तेजुलाल चौधरीले राजीनामा दिएपछि खेलकुद मन्त्रालय मन्त्रीविहीन भएको थियो।

बब्लु गुप्ता बने युवा तथा खेलकुद मन्त्री

तेश्रो एसियाली युथ गेम्समा सहभागी हुन नेपाली जुडो टोली सोमबार बहराइन जाने भएको छ । एसियाली युथ गेम्स सुरु भइसकेपनि जुडोको प्रतिस्पर्धा अक्टोबर २९ तारिखदेखि हुनेछ ।&nbsp; जुडोमा नेपालबाट महिला ४४ केजीमुनि समिता नेपालीले चुनौती प्रस्तुत गर्ने छिन् । समितासहित उनको स्पर्धामा १३ प्रतिस्पर्धी छन् । समिता बन्दी सहायता नियोग (पाम) की खेलाडी हुन् ।&nbsp; समितिको प्रशिक्षकमा राष्ट्रिय टिमकी सदस्य देवकीमाया श्रेष्ठ छिन् । पामकै सहायक जुडो प्रशिक्षक देवकी पनि पामकै उत्पादन हुन् । टोलीलाई नागर्जुन नगरपालिका वडा १ ले आइतबार बिदाइ गरेको छ । वडा १ का अध्यक्ष रामेश्वर लामा, जुडोका मुख्य प्रशिक्षक वीरेन्द्र रन्जित, पामका कार्यकारी निर्देशक एवं प्रमुख प्रशिक्षक सूर्यनारायण श्रेष्ठ, पामका सदस्य छविन्द्र श्रेष्ठले एक कार्यक्रमबीच बिदाइ गरे ।&nbsp; सो अवसरमा अध्यक्ष लामाले समिताले पदक जिते व्यक्तिगत रुपमा २५ हजार नगदसहित सम्मान गर्ने प्रतिबद्धता जनाए। एसियाली युथ गेम्सकै लागि नेपाल जुडो संघका अध्यक्ष दीपकहर्ष वज्राचार्य र आईटी एक्सपर्ट सुप्रसिद्ध ताम्राकार पनि सोमबारै बहराइन जाने छन् ।

एसियाली युथ गेम्सका लागि जुडो टोली बहराइन जाने

काठमाडौं। काभा पुरूष नेसन्स भलिबलमा नेपाल अफगानिस्तानसँग पनि पराजित भएको छ। &nbsp; बंगलादेशको मिरपुरमा सम्पन्न आफ्नो चौथो खेलमा नेपाल ३–० को सोझो सेटमा पराजित भएको हो।&nbsp; पहिलो सेट २५–१८, दोस्रो सेट २५–१७ तथा तेस्रो सेटमा नेपाल २५–२१ ले पराजित भएको हो।&nbsp; नेपालले यसअघि खेलेका तीन खेलमा एक जित र २ हार बेहोरेको थियो। नेपालले यसअघि तुर्किमेनिस्तान र बंगलादेशसँग लगातार हार बेहोरेपछि तेस्रो खेलमा माल्दिभ्सलाई पराजित गरेको थियो। नेपालले अब अर्को खेल भोलि श्रीलंकासँग खेल्ने छ। प्रतियोगितामा नेपालसहित ६ देशको सहभागिता छ।

नेपाल अफगानिस्तानसँग सोझो सेटमा पराजित

काठमाडौं। आइसीसी विश्वकप लिग–२ अन्तर्गत अमेरिकाविरुद्ध नेपालले टस जितेर बलिङ रोजेको छ। यूएईको दुबई अन्तर्राष्ट्रिय स्टेडियममा भएको टसमा नेपालका कप्तना रोहितकुमार पौडेलले टस जितेर पहिले बलिङ रोजेका हुन्। नेपालको प्लेईङ-११आसिफ शेख, कुशल भुर्तेल, रोहितकुमार पौडेल, दीपेन्द्रसिंह ऐरी, आरिफ शेख, भीम सार्की, गुलशन झा, करण केसी, सोमपाल कामी, ललितनारायण राजवंशी, सन्दीप लामिछाने

नेपालले टस जित्यो

काठमाडौं। कप्तना क्रिस्टियानो रोनाल्डो र जाेओ फेलिक्सकाे गाेलमा अल नासर विजयी भएकाे छ।&nbsp; यस जितसँगै खेलेका सबै ६ खेल जित्दै १८ अंकसहित शीर्ष स्थानमा रहेका छन्। दोस्रो स्थानमा १५ अंकसहित अल–ताउन र तेस्रो स्थानमा १४ अंकसहित अल–हिलाल छन्। साउदी प्रो लिग अन्तर्गत शनिबार राति सम्पन्न खेलमा नासरले अल–हजमलाई २–० ले पराजित गरेकाे हाे। याे खेलमा एक गाेल गरेसँगै रोनाल्डोले आफ्नो ९५०औं गोल गरेका हुन्। उनको यो उपलब्धिले फेरि एकपटक उमेरले उनको क्षमतामा कुनै असर नपार्ने प्रमाणित गरेको छ। किङ्स अब्दुल्लाह स्पोर्ट्स सिटी स्टेडियममा भएको खेलमा अल–नासरले सुरुदेखि नै बलमा नियन्त्रण राख्दै आक्रमणमा दबाब सिर्जना गर्‍यो। खेलको २५औं मिनेटमा पोर्चुगाली युवा स्टार जाओ फेलिक्सले गोल गर्दै टोलीलाई अग्रता दिलाए। यो गोल फेलिक्सको लिगको पाँचौं खेलमा नवौं गोल हो। पहिलो हाफमा अरू गोल हुन नसके पनि अल–नासरको खेलमा पूर्ण नियन्त्रण देखिन्थ्यो। दोस्रो हाफमा पनि अल–नासर लगातार अवसर खोज्दै रह्यो। अन्ततः खेलको ८८औं मिनेटमा रोनाल्डोले उत्कृष्ट फिनिसिङ गर्दै गोल गरे। यो गोलसँगै उनले आफ्नो करिअरको ९५०औं गोल पूरा गरे। उनले पाँच क्लब र पोर्चुगल राष्ट्रिय टिमबाट यो उपलब्धि हासिल गरेका हुन्। स्पोर्टिङ सीपीबाट करिअर सुरु गरेका रोनाल्डोले म्यानचेस्टर युनाइटेडका लागि १४५, रियल मड्रिडका लागि ४५०, युभेन्ट्सका लागि १०१ र अहिले अल–नासरका लागि १०६ गोल गरेका छन्। राष्ट्रिय टोली पोर्चुगलका लागि उनले १४३ गोल गरेका छन्।

रोनाल्डो र फेलिक्सको गोलमा अल नासर विजयी

काठमाडौं। काभा पुरुष नेसन्स भलिबल कपअन्तर्गत नेपालले आफ्नो चाैँथाे खेलमा आज अफगानिस्तानसँग प्रतिस्पर्धा गर्ने भएको छ। यो मुकाबला बंगलादेशको मिरपुरस्थित इन्डोर स्टेडियममा दिउँसो १२:४५ बजेबाट सुरु हुनेछ। यसअघि समूह चरणका तीन खेल सकेको नेपालले मिश्रित प्रदर्शन गरेको छ। दुई खेलमा तुर्कमेनिस्तान र घरेलु टोली बंगलादेशसँग लगातार पराजय ब्यहोरेपछि नेपालले तेस्रो खेलमा माल्दिभ्सविरुद्ध प्रभावशाली प्रदर्शन गर्दै जित हात पारेको थियो। उक्त जितपछि टोलीको मनोबल केही स्तरमा उकासिएको छ। अब अफगानिस्तानविरुद्धको खेल नेपालका लागि महत्वपूर्ण मानिएको छ, किनभने यो खेलले प्रतियोगिताको सेमिफाइनल चरणमा पुग्ने सम्भावनालाई समेत प्रभावित पार्नेछ। नेपालले आफ्नो अन्तिम लिग चरणको खेल अक्टोबर २७ मा श्रीलंकाविरुद्ध खेल्ने तालिका रहेको छ। काभा पुरुष नेसन्स भलिबल कपमा नेपालसहित अफगानिस्तान, श्रीलंका, माल्दिभ्स, तुर्कमेनिस्तान र बंगलादेश गरी कुल ६ देशको सहभागिता रहेको छ।

कभा पुरुष भलिबलमा नेपाल अफगानिस्तानसँग प्रतिस्पर्धा गर्दै

काठमाडौँ। नेपालले आइसीसी क्रिकेट विश्वकप लिग-२ अन्तर्गतको त्रिकोणात्मक सिरिजको पहिलो खेल आज अमेरिकाविरुद्ध खेल्दैछ। दुबईस्थित दुबई इन्टरनेसनल क्रिकेट स्टेडियममा हुने यो खेल नेपाली समयअनुसार बिहान ११:१५ बजेदेखि सुरु हुँदैछ। आइसीसीको एकदिवसीय वरियतामा नेपाल हाल १७औं स्थानमा छ भने अमेरिका १४औं स्थानमा छ। एकदिवसीय अन्तर्राष्ट्रिय खेलमा नेपाल र अमेरिका हालसम्म ९ पटक आमने सामने भएका छन्। जसमा दुवै देशले ४-४ खेल जितेका छन्। त्यस्तै एक खेल टाइ भएको थियो। लिग २ को अंक तालिकामा अमेरिका २० खेलबाट २८ अंकसहित दोस्रो स्थानमा छ। नेपालले भने १६ खेलमा केवल ५ खेल जितेको छ। यसअघि ओमानमा भएको टी–२० विश्वकप एशिया छनोट जितेर नेपाल अर्को वर्ष भारत र श्रीलंकामा हुने टी–२० विश्वकपमा पुगिसकेको छ।&nbsp;

लिग–२ : नेपालले अमेरिकासँग खेल्दै

लयमा रहेको बायर्न म्युनिकले शनिबार युरोपेली क्लब फुटबलमा कीर्तिमान बराबरी हुने गरेर लगातार सबै खाले प्रतियोगितामा १३ औं जित हात पारेको छ । यसका लागि उसले जर्मन बुंडेसलिगामा बोरुसिया मोन्चेनग्लाडबाखलाई सजिलै ३–० ले हराएको छ । जोसुआ किमिच, रोफेल गुरेरो र लेनार्ट कार्लले बायर्नका लागि गोल गरे । यसँगै बायर्नको आठ खेलबाट अधिक्तम २४ अंक भएको छ र शीर्षमा छ । उसको पछाडि आरबी लाइपजिगको १९ र बोरुसिया डर्टमुन्डको १७ अंक छ । लाइपजिगले असबर्गलाई ६–० र बोरुसिया डर्टमुन्डले कोलोनालाई १–० ले हरायो । सन् १९९२–१९९३ को सिजन एसी मिलानले लगातार १३ खेल जितेर गरेको प्रदर्शनलाई अहिले बायर्नले बराबरी गरेको हो ।

बायर्नको लगातार १३ औं जित

सम्भवतः इटालीको सिरी ए को उपाधि होडमा यो यस्तो नतिजा हुनेछ, जुन निर्णायक सावित हुन सक्नेछ । डिफेन्डिङ च्याम्पियन नेपालीले शनिबार उपाधिको होडका प्रमुख प्रतिद्वन्द्वी इन्टर मिलानलाई ३–१ ले पराजित गरेको छ । यो जितसँगै नेपोली शीर्ष स्थानमा पनि उक्लेको छ । नेपोलीको आठ खेलबाट १८ अंक भएको छ र यो दोस्रोमा रहेको मिलानमाथि एकै अंकको दूरी हो । हारे पनि इन्टर १५ अंकमा तेस्रो स्थानमा छ । नेपोलीका लागि केभिन डे ब्रुएना, स्कट म्याक टोमिनी, आन्द्रे–फ्रायन्कले एक एक गोल गरे । अन्य खेलमा युडिनेजीले लेचेलाई ३–२ ले हरायो । पार्मा र कोमोले गोलरहित बराबरी खेले ।

Nepalsports

इन्टरलाई नेपोलीको निर्णायक धक्का

📰 Recent News

Nepalsports