काठमाडौं । पाँचपोखरी क्रिकेट क्लब र मेलम्ची नगरपालिका सिन्धुपाल्चोक जिल्लास्तरिय पाँचपोखरी ट्वान्टी-२० प्रतियोगिताको उपाधिका लागि प्रतिस्पर्धा गर्ने भएका छन् । कीर्तिपुरस्थित त्रिवि क्रिकेट मैदानमा आइतबार तय भोटेचौर स्पोर्टस क्लबसँगकाे पहिलो सेमिफाइनल वर्षाका कारण हुन नसके पनि समूह विजेता भएका आधारमा पाँचपोखरीले फाइनलमा स्थान बनायो ।&nbsp; पाँचपोखरी समूह ‘ए’ को विजेता तथा भोटेचौर समुह‘बी’ को उपविजेता बन्दै सेमिफाइनलमा प्रवेश गरेका थिए । &nbsp; यता निकै रोमाञ्चक दोस्रो सेमिफाइनलमा मेलम्चीले द माइटी साँगाचोक क्लबलाई सुपर ओभरमा पराजित गर्यो ।&nbsp; साँगाचोकले प्रस्तुत गरेको ८२ रनको लक्ष्य पछ्याएको मेलम्चीले निर्धारित १० ओभरमा पाँच विकेट गुमाउँदै ८१ रन नै बनाएपछि खेल सुपर ओभरमा गएको थियो ।&nbsp; वर्षाका कारण खेललाई १० ओभरमा झारिएको थियो । मेलम्चीका लागि कप्तान रिन्जिङ लामाले ३३, उत्तम थापा मगरले १५ र सोनु देवकोटाले ११ रन बनाए ।&nbsp; सँगाचोकका लागि उद्धव तिमल्सिनाले दुई तथा प्रतिक श्रेष्ठ, समुन चौलागाईँ र मनिष पराजुलीले समान एक विकेट लिए ।&nbsp; त्यसअघि टस हारेर ब्याटिङको निम्तो पाएको साँगाचोकले निर्धारित २० ओभरमा आठ विकेट गुमाउँदै ८१ रनको योगफल तयार पारेको थियो ।&nbsp; साँगाचोकका लागि आशोक पौडेल ३३, प्रतिश श्रेष्ठले २१ र कप्तान उमंग धितालले १० रन बनाए ।&nbsp; मेलम्चीका लागि सन्दीपकुमार शाहले दुई तथा सोनु देवकोटा, निशान भारती, राकेश श्रेष्ठ र रिन्जिङ लामाले समान एक विकेट लिए ।&nbsp;मेलम्ची &nbsp;समुह ‘बी’ को विजेता र साँगाचोक समूह ‘ए’ को उपाविजेताका रूपमा अन्तिम चारमा पुगेका थिए । पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी प्रतियोगिताको फाइनल सोमबार हुनेछ ।&nbsp; &nbsp;प्रतियोगिताको विजेताले १ लाख र उपविजेताले ५० हजार रुपैयाँ प्राप्त गर्नेछन् ।

पाँचपोखरी ट्वान्टी-२० प्रतियोगिताः उपाधिका लागि पाँचपोखरी र मेलम्ची प्रतिस्पर्धा गर्ने

काठमाडौं । अमेरिकी क्लब इन्टर मियामी र इजिप्टियन क्लब अल अहलीले फिफा क्लब विश्वकपमा गोलरहित बराबरी खेलेका छन्। अमेरिकाको मियामीस्थित हार्ड रक रंगशालामा सम्पन्न उद्घाटन खेलमा घरेलु टोली मियामी गोलरहित बराबरीमा रोकिएको हो। खेलमा दुवै टोलीले पाएका केही अवसरलाई सदुपयोग गर्न सकेनन्।&nbsp; यो बराबरीसँगै समूह 'ए' का दुबै टोलीले पहिलो खेलबाट एक एक अंक जोडेका छन्। मियामीले अर्को खेल १९ जुनमा पोर्चुगिज क्लब पोर्टोविरुद्ध खेल्नेछ भने। सोही दिन अल अहलीको भेट पाल्मेइराससँग हुनेछ। फिफा क्लब विश्वकपको नयाँ स्वरुपमा ३२ टोलीले प्रतिस्पर्धा गरिरहेका छन्।

क्लब विश्वकप : मियामी र अल अहली बराबरीमा रोकिए

काठमाडौं। नेपाल राष्ट्रिय महिला फुटबल टोलीकी स्ट्राइकर रेखा पौडेलले पहिलो अन्तर्राष्ट्रिय व्यावसायिक लिगमै उपाधि हासिल गरेकी छन्। उनीसम्मिलित आबुधाबी कन्ट्री क्लबले अपराजित रहँदै युएई महिला लिग जितेको हो। समग्रमा &nbsp;आबुधाबी ११औंपल्ट लिग च्याम्पियन बनेको हो।&nbsp; आठ टोली सहभागी रहेको लिगमा आबुधाबीले आफ्नो सात वटै खेलमा शतप्रतिशत जित निकाल्दै २१ अंक बटुल्यो। एक खेल खेल्न बाँकी रहेको इम्पायरले १५ अंकका साथ दोस्रो स्थानमा छ।

रेखा सम्मिलित आबुधाबीलाई युएई महिला लिगको उपाधि

बुढानीलकण्ठ नगरपालिकाको प्रायोजनमा सम्पन्न प्रथम जुनियर राष्ट्रिय चेस च्याम्पियनसिपमा झापाका रिसोन थापाले सत प्रतिशत जित निकाल्दै प्रथम भएका छन्।&nbsp; रिसोनले ९ चरणको खेलमा पूर्ण ९ अङ्क प्राप्त गर्दै पहिलो पुरस्कार नगद रु ४० हजार हात पार्न सफल भएका छन्। उनले नगदसहित आकर्षक ट्रफी स्वर्ण पदक र प्रमाणपत्र प्राप्त गरेका छन्।&nbsp;यस्तै श्रीलंकामा भएको एसियाली चेसमा रजक पदक प्राप्त गरेका सीएम पुरुषोत्तम सिलवालले ८ अङ्क जोडेर द्वितीय बन्दै नगद २५ हजार प्राप्त गरेका छन्। प्रतिस्पर्धामा समान ७ अङ्क प्रोग्रेसिभ प्वाइन्टका आधारमा प्रतिक सुवेदी तृतीय बन्दै नगद १० हजार प्राप्त गरे।&nbsp;रोमाञ्चक खेलतर्फ समान ७ अङ्क प्रोग्रेसिभ प्वाइन्टका आधारमा ललितपुरका अविक शाह चौथो स्थान मा रहँदै नगद ७ हजार ५०० प्राप्त गरेका छन् र काठमाडौँका अग्रिम सैजु पाँचौं स्थानमा प्रतियोगिता सम्पन्न गर्दै नगद ५ हजार पुरस्कार प्राप्त गरे।यसैगरी जुनियर छात्रा तर्फ काठमाडौँ जिल्लाका रिया श्रेष्ठले ७ चरणको खेलमा पाँच जित र दुई बराबरी नतिजासँगै ६ अङ्कका साथ उपाधि जित्न सफल भएकी छिन्।&nbsp;छात्रा तर्फ अपराजित रहँदै उपाधि जित्ने क्रममा रिया श्रेष्ठले पहिलो पुरस्कार नगद रु. ४० हजार, ट्रफी, गोल्ड मेडल र प्रमाणपत्र हात पारेकी छिन्।प्रतियोगितामा बाँकेकी ईशा गिरीले ५.५ अङ्क टाइब्रेक ३३ प्वाइन्ट जोडेर द्वितीय बन्न सफल भएकी छिन्। ईशाले नगद पुरस्कार रु.२५ हजार, सिल्भर मेडल प्रमाणपत्र प्राप्त गरेकी छिन्।यस्तै दक्षिणकाली नगरपालिकाका एन्जल महर्जनले समान ५.५ अङ्क टाइब्रेक ३१ प्वाइन्ट बनाउँदै तृतीय बन्न सफल भएकी छिन्। उनले नगद पुरस्कार रु १० हजार ब्रोन्ज मेडल र प्रमाणपत्र प्राप्त गरेका छन्।&nbsp;यसै स्पर्धामा काठमाडौँका दानिसा पुरीले ५.५ अङ्क टाइब्रेक २७.५ प्वाइन्टमा सीमित रहँदै चौथो स्थान प्राप्त गरेका छन्। उनले नगद पुरस्कार रु ७,५०० हात पारेकी छिन्।&nbsp;काठमाडौँकै प्रिसियस अधिकारीले पाँच अङ्क जोडेर पाँचौं स्थानमा उभिँदै नगद पुरस्कार रु ५ हजार हात पारेकी छिन्।स्पर्धामा विधागततर्फ उत्कृष्ट छात्र यू ८ काठमाडौँका शुभाङ्ग प्रधान, यू १० आस्विक पोखरेल, यू १२ समृद्ध श्रेष्ठ, यू १४ ओस्कार पन्थी र यू १६ आद्यान्त काफ्ले र यू १८ युनिक गौतमले पुरस्कार ग्रहण गरे।उत्कृष्ट छात्रातर्फ यू १० अग्रता आचार्य, यू १२ निहाना श्रेष्ठ, यू १४ नेलिसा ओझा, यू १६ ओजस्वी श्रेष्ठ र यू १८ ग्लोसी श्रेष्ठ ले नगद पुरस्कार ग्रहण गरेका छन्।यसै बीच त्रिज्योति स्कुलमा भएको पुरस्कार वितरण कार्यक्रम संयोजक दीपक तामाङको सभापतित्वमा सम्पन्न भएको थियो।&nbsp;उक्त समापन समारोहमा बुढानिलकण्ठ नगरपालिकाका प्रमुख मिठाराम अधिकारीले विजेता खेलाडीहरुलाई पुरस्कार वितरण गरेका छन्। कार्यक्रममा नेपाल बुद्धिचाल महासङ्घका अध्यक्ष हेराकाजी महर्जन, प्रवक्ता राजु ताम्राकारको उपस्थिति रहेको थियो।

प्रथम जुनियर राष्ट्रिय चेसमा रिसोन थापा र रिया श्रेष्ठ च्याम्पियन बने।

पोखरा । विभागीय टिम एपीएफ क्लबले ‘प्रचण्ड कप’ राष्ट्रिय महिला भलिबल प्रतियोगिताको उपाधि जितेको छ । शनिबार पोखरा रंगशालामा नेपाल पुलिस क्लबमाथि शानदार जित निकाल्दै एपीएफ पहिलो संस्करणको प्रतियोगिताको च्याम्पियन बनेको हो । एपीएफले पुलिसलाई ३–० को सोझो सेटमा हरायो । पुलिसमाथि हाबी बनेको एपीएफले २५–१९, २५–२० र २५–१३ को सहज जित निकाल्यो । निरुता ठगुन्नाको अलराउण्डर प्रर्दशनमा एपीएफको सहज जित सम्भव बनेको हो । उपाधि सहित एपीएफले ६ लाख रुपैयाँ प्राप्त गरेको छ । पुलिसले ३ लाख रुपैयाँमा चित्त बुझाएको छ । उपाधिको दाबेदार मानिएको न्यु डायमण्ड स्पोर्ट्स क्लब तेस्रो बन्यो । न्यु डामण्डले तेस्रो स्थानका लागि भएको खेलमा एभरेस्टलाई २५–८, २५–१९ र २५–११ को सेटमा हरायो । तेस्रो बनेको न्यु डायमण्डले १ लाख रुपैयाँ हात पार्यो । प्रतियोगिताको सर्वोत्कृष्ट खेलाडी एपीएफकी निरुता ठगुन्ना घोषित भईन् । उनले ३० हजार रुपैयाँ प्राप्त गरिन् । विधागत पुरस्कारतर्फ पुलिसकी उषा भण्डारी उत्कृष्ट स्पाईकर, न्यु डायमण्डकी सुमित्रा रेग्मी उत्कृष्ट ब्लकर, न्यु डायमण्डकी शलिना श्रेष्ठ उत्कृष्ट लिब्रो, एपीएफकी श्रृष्टि खड्गी उत्कृष्ट सर्भर र एपीएफका पुष्पजंग मल्ल उत्कृष्ट प्रशिक्षक घोषित भए । विधागततर्फका उत्कृष्टले जनही २० हजार रुपैयाँ प्राप्त गरे । विजेता खेलाडीलाई प्रमुख अतिथी शक्तिबहादुर बस्नेत, अखिल नेपाल खेलकुद महासंघका अध्यक्ष शिव कोईराला ज्वाला, राष्ट्रिय खेलकुद परिषदका बोर्ड सदस्यहरु अन्जन धमला, सम्राट कुशारी लगायतका अतिथीहरुले नगद, ट्रफी, मेडल, प्रमाणपत्रले पुरस्कृत गरेका थिए । नेश्नल स्पोर्ट्स एकेडमीले आयोजना गरेको प्रतियोगिता जेठ २७ गतेदेखि पोखरा रंगशालामा सुरु भएको थियो । प्रतियोगितामा राष्ट्रिय स्तरका ६ महिला भलिबलका टिम सहभागी थिए । समापन समारोहमा आयोजक टिमका अध्यक्ष दिपक कोईरालाले कार्यक्रमको दोस्रो संस्करणमा पुरुष विधालाई समेत समावेश गरेर अझ भब्य रुपमा सञ्चालन गरिने प्रतिबद्धता ब्यक्त गरेका थिए ।&nbsp;

एपीएफ प्रचण्ड कप भलिबलको च्याम्पियन

काठमाडौं । सिन्धुपाल्चोक जिल्लास्तरिय पाँचपोखरी ट्वान्टी-२० प्रतियोगिताको सेमिफाइनल समीकरण पूरा भएको छ ।&nbsp; कीर्तिपुरस्थित त्रिवि क्रिकेट मैदानमा जारी प्रतिायेगितामा समूह ‘ए’ बाट पाँचपोखरी क्रिकेट क्लब र द माइटी साँगाचोक क्लब तथा समूह ‘बी’बाट मेलम्ची नगरपालिका र भोटेचौर स्पोर्टस क्लबले अन्तिम चारको यात्रा तय गरे ।&nbsp; शनिबार सम्पन्न समूह चरणको अन्तिम खेलमा मेलम्ची नगरपालिकाले हेलम्बु गाउँपालिकाविरुद्ध सात विकेटको जित निकाल्यो ।&nbsp; हेलम्बुले प्रस्तुत गरेको ७६ रनको लक्ष्य मेलम्चीले ११.१ ओभरमा तीन विकेट गुमाउँदै पूरा गर्यो ।&nbsp; मेलम्चीका लागि सोनु देवकोटाले अविजित ४१, विनोद तामाङले अविजित २१ र कप्तान रिन्जिङ लामाले ११ रन बनाए ।&nbsp; हेलम्बुका लागि विनोद तामाङले दुई र कृष कार्कीले एक विकेट लिए ।&nbsp; त्यसअघि टस हारेर ब्याटिङ रोजेको हेलम्बुले १५.१ ओभरमा सबै विकेट गुमाउँदै ७५ रनको योगफल तयार पारेको थियो ।&nbsp; हेलम्बुका लागि विवेक तामाङले ३२ र विनोद तामाङले २४ रन बनाउनुबाहेक अन्य ब्याटरले दोहोरो अंकमा रन जोड्न सकेनन् ।&nbsp; मेलम्चीका लागि सोनु देवकोटाले चार ओरभरमा १२ रन खर्चिएर सर्वाधिक सात विकेट लिए । यसैगरी रिन्जिन लामाले दुई र उत्तम थापामगरले एक विकेट हात पारे ।&nbsp; पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी प्रतियोगिताको सेमिफाइनलमा पाँचपोखरी क्रिकेट क्लब र भोटेचौर स्पोर्टस क्लब तथा मेलम्ची नगरपालिका र द माइटी साँगाचोक प्रतिस्पर्धा गर्नेछन् ।

पाँचपोखरी ट्वान्टी-२० प्रतियोगिताको सेमिफाइनल समीकरण पूरा

बागमती प्रदेशले १५ औं केन्द्रीय राष्ट्रपति रनिङ खेलकुद प्रतियोगिताको उपाधि शुक्रबार जितेको छ । बागमती ३६ स्वर्ण, ७ रजत र ११ कांस्यसाथ ७ प्रदेश सहभागी प्रतियोगितामा समग्रमा टिम च्याम्पियन बन्यो । युवा तथा खेलकुद मन्त्रालयको तत्वावधान तथा राष्ट्रिय खेलकुद परिषद् (राखेप) को आयोजनामा भएको प्रतियोगितामा गत संस्करणको च्याम्पियन सुदूरपश्चिम प्रदेश दोश्रो स्थानमा सीमित भयो । सुदूरपश्चिमले १४ स्वर्ण, २० रजत र १८ कांस्य हात पा¥यो । ११, १२ र १३ औं संस्करणको उपाधि विजेता लुम्बिनी प्रदेशले तेश्रो स्थानमा चित्त बुझायो । लुम्बिनीले ५ स्वर्ण, १३ रजत र १५ कांस्य जित्यो ।गण्डकी प्रदेश ४ स्वर्ण, ११ रजत र १७ कांस्यसाथ चौथो, कर्णाली प्रदेश ४ स्वर्ण, ६ रजत र १९ कांस्यसाथ पाँचौं तथा मधेश प्रदेश ३ स्वर्ण, २ रजत र १० कांस्यसाथ छैटौं स्थानमा रहे । सातौं स्थानमा रहेको स्वर्णविहीन कोशी प्रदेशले ७ रजत र ८ कांस्य जित्यो ।विजेतालाई राखेपका उपाध्यक्ष ध्रुव आचार्य, राखेपका सदस्य–सचिव टंकलाल घिसिङ, राखेप कार्यकारी समितिका सदस्य कमलबहादुर भट्टराई, रञ्जना प्रधान र सुवर्ण श्रेष्ठ, राखेप सदस्य जगतसिंह धामी, प्रशासन विभाग प्रमुख भोजानन्द राई, खेलकुद प्रतियोगिता तथा योजना विभागका प्रमुख मिनकुमार शर्मालगायतले एक कार्यक्रमबीच पुरस्कृत गरे ।प्रतियोगितामा एथलेटिक्स, भलिबल, कबड्डी, कराते, उसु र तेक्वान्दो गरी ६ खेलमा प्रतिस्पर्धा भएको थियो । तीदने प्रतियोगितामा ६ सय ८६ खेलाडीले ६६ स्वर्ण, ६६ रजत र ९८ कांस्य पदकका लागि प्रतिस्पर्धा गरेका थिए । प्रतियोगितामा कुल ९ जुनियर राष्ट्रिय कीर्तिमान बने । प्रत्येक कीर्तिमानका लागि १० हजार नगद पुरस्कार प्रदान गरिएको थियो । समावेश ६ वटै खेलको हरेक पदकका कुल १२ लाख नगद पुरस्कार वितरण गरिएको थियो ।

बागमती प्रदेश राष्ट्रपति रनिङ सिल्ड च्याम्पियन

नेपाल बुद्धिचाल महासङ्घको तत्वावधान तथा बुढानीलकण्ठ युथ काउन्सिलको आयोजनामा चलिरहेको प्रथम जुनियर नेशनल चेस &nbsp;च्याम्पियनसिप अन्तर्गत छात्रातर्फ काठमाडौँका रिया श्रेष्ठले एकल अग्रता कायम गर्न सफल भएकी छन्। बुढानिलकण्ठ नगरपालिकाको प्रायोजनमा चलिरहेको युवा राष्ट्रिय चेस प्रतियोगितामा रिया श्रेष्ठले पाँच चरणको खेलमध्ये ४.५ अङ्क जोडेर अग्रता कायम गरेकी छिन्।&nbsp; ओलम्पियाडमा छनोट भएकी रियाले प्रतिद्वन्दी नयुमा मगर, उज्जिभनी कँडेल, निहाना श्रेष्ठ र प्रेसियस अधिकारी माथि जित दर्ता गरेकी थिइन् भने विविशा तामाङसँग बराबरी खेल्न पुगेकी थिइन्।&nbsp; दोस्रो दिनको स्पर्धामा प्रेसियस अधिकारी, एन्जेल महर्जन, दानिशा पुरी र नेलिसा ओझाले समान ४ अङ्क प्राप्त गर्दै संयुक्त रुपमा दोस्रो स्थान ओगट्न सफल भएका छन्। यता पुरुषतर्फ ६ चरणको खेल सम्पन्न हुँदा रिसोन थापा र सीएम पुरुषोत्तम सिलवाल समान ६ अङ्क जोडेर संयुक्त रूपमा अग्रता कायम गरेका छन् ।&nbsp; जारी चेस प्रतिस्पर्धामा आद्यान्त काफ्ले, प्रतीक सुवेदी, एआईएम अभीक शाह, अभिनभ पाण्डे, युनिक गौतम, स्वर्णिम दुवाल र खिमबहादुर पुन समान ५ अङ्क बनाउँदै संयुक्त दोस्रो स्थान ओगट्न सफल भएका छन्। प्रतियोगिता स्विस लिग क्लासिकल ६० मिनेट ३० सेकेन्ड इनक्रिजमेन्टका बाकी चरणको खेलमा भोलि &nbsp;रिसोन थापा र सीएम पुरुषोत्तम सिलवाल, प्रतीक र एआईएम अभीक, आद्यान्त र स्वर्णिम, खिम बहादुर र सतिश शाह बीच हुनेछ । प्रथम राष्ट्रिय जुनियर चेस प्रतियोगिताका विजेता खेलाडीले कुल २ लाख ३० हजार नगद पुरस्कार प्राप्त गर्नेछन्। जसमा छात्र तथा छात्रा समूहका प्रथम देखि पाँचौं स्थान प्राप्त गर्ने खेलाडीले क्रमशः ४० हजार, २५ हजार, १० हजार, ७ हजार ५ सय र ५ हजार नगद पुरस्कार प्राप्त गर्नेछन्। यसैगरी ११० युवा खेलाडी मध्ये ८, १०, १२, १४, १६ र १८ वर्षका उत्कृष्ट खेलाडीलाई पनि नगद पुरस्कारबाट सम्मानित गर्ने छन्।

जुनियर चेसमा रिया श्रेष्ठको एकल अग्रता

&nbsp;काठमाडौं। नेपाल क्रिकेट संघ (क्यान)ले स्कटल्यान्डमा हुने &nbsp;त्रिदेशीय टि-२० आई सिरिज खेल्ने नेपाली राष्ट्रिय क्रिकेट टोलीकाे घोषणा गरेको छ।क्यानले शुक्रबार १५ सदस्सीय अन्तिम टोली घोषणा गरेको हो। उक्त टोलीमा मधेस प्रदेशका रुपेश सिंह र सुदूरपश्चिम प्रदेशका किरण ठागुन्ना पनि अटाएका हुन्। नेपालले घरेलु टोलीसँगै नेदरल्यान्ड्ससँग टी–२० सिरिज खेल्ने तय छ। टोलीमा लोकेश बमले पुनरागमन गर्नेछन्। यी दुई खेलाडी एकदिवसीय टोलीमा थिएनन्। तीव्र गतिका बलर सोमपाल कामी र अलराउन्डर गुल्शनकुमार झाले भने यो सिरिज गुमाउने छन्। यी दुई खेलाडी आइसिसी क्रिकेट विश्वकप लिग २ अन्तर्गत नेदरल्यान्ड्सविरुद्धको अन्तिम खेलअघि अभ्यास गर्दा घाइते भएका थिए।<img src="/media/django-summernote/2025-06-13/39bb4009-7850-4c0c-9e37-84077e30942b.jpeg" style="width: 698px;">

त्रिदेशीय टि-२० आई सिरिज खेल्ने नेपाली टोली घोषणा

काठमाडौं । भोटेचौर स्पोर्टस क्लबले सिन्धुपाल्चोक जिल्लास्तरिय पाँचपोखरी ट्वान्टी–२० प्रतियोगितामा शुक्रबार हेलम्बु गाउँपालिकालाई डकवर्थ लुइस पद्धति (डिएसएल) का आधारमा ६ रनले पराजित गरेको छ । जितसँगै भोटेचोरले समूह ‘बी’ मा दुई खेलबाट दुई अंक जोडेको छ । हेलम्बुले भने हारबाट प्रतियोगिताको सुरुआत गरेको छ । पहिलो खेलमा भोटेचौर मेलम्ची नगरपालिकासँग पराजित भएको थियो । कीर्तिपुरस्थित त्रिवि क्रिकेट मैदानमा सम्पन्न खेलमा वर्षा बाधक बन्दा हेलम्बुले ६.४ ओभरमा ६४ रनको नयाँ लक्ष्य प्राप्त गरेको थियो । उक्त लक्ष्य पछ्याएको हेलम्बुले सबै ओभर ब्याटिङ गरे पनि तीन विकेट गुमाउँदै ५७ रन मात्रै बनाउन सक्यो । विनोद तामाङले अविजित ३३ र कृष कार्कीले १० रन बनाए । भोटेचौरका लागि राजेश चौलागाईँले दुई र सुमित झाले एक विकेट लिए । त्यसअघि टस जितेर ब्याटिङ रोजेको भोटेचौरले निर्धारित २० ओभरमा चार विकेट गुमाउँदै १८२ रनको योगफल तयार पारेको थियो । भोटकोशीका लागि दुर्गेश थापाले ६३ बलमा १० चौका र पाँच छक्काको मद्दतले अविजित ११२ रनको योगदान गरे । प्रतियोगितामा यो दोस्रो शतक हो । &nbsp;यसअघि द माइटी साँगाचोकका अशोक पौडेलले पाँचपोखरी हिमालयन क्रिकेट क्लबविरुद्ध १०१ रन प्रहार गरेका थिए ।&nbsp; यसैगरी सुमित झाले ३६, निश्चल थापाले १६ र कप्तान राजीव चौलागाईँले १० रन बनाए । हेलम्बुका लागि दावा शेर्पाले दुई र विनोद तामाङले एक विकेट लिए । शक्रुबारलाई तय पाँच पोखरी हिमालय क्लब र पाँचपोखरी क्रिकेट क्लबबीचको खेल भने वर्षाका कारण रद्द भयो ।&nbsp; पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी प्रतियोगितामा सात टोलीले प्रतिस्पर्धा गरिरहेका छन् ।

दुर्गेशको शतकमा भोटेचौरको पहिलो जित

नेपाल बुद्धिचाल महासङ्घको तत्वावधान तथा बुढानीलकण्ठ युथ काउन्सिलको आयोजनामा सञ्चालित प्रथम राष्ट्रिय जुनियर नेशनल चेस च्याम्पियनसिप सुरु भएको छ।&nbsp; बुढानिलकण्ठ नगरपालिकाको प्रायोजनमा बिहीबार पहिलो दिन तिन चरणका खेलहरु सम्पन्न भएका छन् । पुरुष तर्फको स्पर्धा स्ट्यान्डर्ड क्लासिकल ६० मिनेट ३० सेकेन्ड इनक्रिजमेन्ट नौ चरणको खेल हुनेछ । युवा पुरुष २० वर्ष मुनिका ११७ जना खेलाडीहरु सहभागी रहेको प्रतिस्पर्धामा १२ जना राष्ट्रिय जुनियर खेलाडीहरुले सत प्रतिशत नतिजा आत्मसाथ गर्दै अग्रस्थानमा रहन सफल भएका छन्। हिजो भर्खर श्रीलङ्कामा सम्पन्न एसियन जुनियर ब्लिज चेस खेलमा रजत पदक जित्न सफल सीएम पुरुषोत्तम सिलवालले पूर्ण तीन अङ्क जोडेर शीर्ष स्थानमा रहन सफल भएका छन्।&nbsp;प्रतियोगिताका उच्च २०८७ रेटेड सिएम पुरुषोत्तम सँगै १९७३ रेटेड रिसोन थापा, १८७९ रेटेड एआईएम अभीक शाह, १७६५ रेटेड आद्यन्त काफ्ले, १७०७ रेटेड सम्यक श्रेष्ठ, १६९९ रेटेड अविन पाण्डे, १६६३ रेटेड सुदिन तुई तुई र १६६२ रेटेड स्वर्णिम दुवाल समान ३ अङ्क जोडेर अगाडि रहेका छन्।&nbsp;यसैगरी महिलातर्फ सम्पन्न दुई चरणको खेलमा शीर्ष खेलाडी ईशा गिरीले दुई अङ्क जोडेर प्रतियोगितामा सुखद सुरुवात गरेकी छिन्।&nbsp;ईशासँगै विविशा तामाङ, रिया श्रेष्ठ, एन्जल महर्जन र प्रेसियस अधिकारीले सम्मान दुई अङ्क जोडेर संयुक्त रूपमा अगाडि रहन सफल भएका छन्।&nbsp; खेल पूर्व प्रतियोगिताका संयोजक दीपक तामाङको सभापतित्वमा मा. योगेश भट्टराईले उद्घाटन गरेका छन् भने महासङ्घका महासचिव धरमबहादुर लामा, प्रमुख निर्णायक निरञ्जन प्रजापतिको उपस्थिति रहेको थियो।

प्रथम जुनियर नेशनल च्याम्पियनसिप चेस सुरु

काठमाडौँ, जेठ २९ गते । अखिल नेपाल फुटबल संघ (एन्फा)ले बिहिबार नेपाल खेलकुद पत्रकार मञ्च (एनएसजेएफ) को नवनिर्वाचित पदाधिकारी र सदस्यहरुलाई बधाई तथा शुभकामना दिएको छ । सातदोबाटोस्थ्ति एन्फा मुख्यालयमा भएको कार्यक्रममा अध्यक्ष पंकज नेम्वाङलगायतको एन्फाको टिमले एनएसजेएफका नवनिर्वाचित पदाधिकारी तथा सदस्यहरुलाई सम्मान पत्र र खादा ओढाएर बधाई तथा शुभकामना दिनुभयो ।एन्फाका अध्यक्ष नेम्वाङले पूर्व कार्यवाहक अध्यक्ष ललितकृष्ण श्रेष्ठको दशौँ स्मृति दिवसमा यो कार्यक्रम गरिएको जानकारी दिनुभयो । उहाँले भन्नुभयो– ललित दाई हुँदाको समयमा एन्फा र नेपाल खेलकुद पत्रकार मञ्चबिच सुनौलो सम्बन्ध थियो, त्यसैले यी दुई संस्थाबिच त्यत्तिकै सुनौलो, सुमुधर सम्बन्ध बनाउनुपर्छ भन्ने सोचाईसहित आजको दिन यो कार्यक्रम राखिएको हो । अध्यक्ष नेम्वाङले नेपाल खेलकुद पत्रकार मञ्चको स्थापना भएपछि नेपाल फुटबलको विकासको क्रम ठूलो टेवा पुगेको र यी दुई संस्था मिलेर अझ धेरै राम्रो काम गर्न बाँकी छ, भन्नुभयो ।&nbsp;एन्फाका पूर्व कार्यवाहक अध्यक्ष तथा थ्रीस्टार क्लबका पूर्व अध्यक्ष श्रेष्ठको बिहिबार दशौँ स्मृति दिवस हो । एन्फा मुख्यालयमा बिहिबार बिहान नै श्रेष्ठको दशौँ स्मृत दिवसमा श्रद्धाञ्जली सभाको आयोजना गरिएको थियो ।खेलकुद पत्रकार मञ्चका नवनिर्वाचित अध्यक्ष निरञ्जन अधिकारीले मञ्चले नेपाल फुटबलको हरेक राम्रो पक्षमा होस्टेमा हैँस्ते गरिरहेको र एन्फाले केही गलत गरेको छ भने रचनात्मक आलोचना गर्न पनि नछोडेको भनाइ राख्नुभयो । उहाँले भन्नुभयो– ‘फुटबल अहिले उद्योग भइसकेको छ, यो खेलभन्दा धेरै माथि पुगिसकेको छ । यो फुटबल उद्योगको विकासका लागि एन्फासँग सहकार्य गर्न सकिन्छ, त्यसका लागि मञ्च तयार छ ।’ यसैगरी अध्यक्ष अधिकारीले खेल अध्ययन र अनुसन्धानको पक्षमा काम गर्ने एनएसजेफ एकेडेमीसँग मिलेर एन्फाले काम गर्न सकेमा पनि नेपाली फुटबललाई राम्रो हुनेछ, भन्नुभयो ।यसैगरी एन्फा महासचिव किरण राइले महिला फुटबलले लगातार राम्रो गरेपछि नेपालका प्रत्येक अभिभावकले आप्mना छोरीहरुले प्रिति राई र सावित्रा भण्डारीले जस्तो खेलोस् भन्ने सपना देख्न थालेको र यही कारणले अहिले देशमा हजारौको सङ्ख्यामा महिलाहरु फुटबलमा होमिएको बताउनुभयो । उहाँले यसैलाई उदाहरण दिँदै फुटबलले महिला सशक्तिकरणमा निकै ठूलो छलाङ मारेको धारणा राख्नुभयो ।यसैगरी एआइपिएस एसियाका कोषाध्यक्ष निरञ्जन राजवंशीले नेपालमा रहेका खेलकुद संघमध्ये एन्फामा खेल पत्रकारहरुको अझ बढी लगाव र चासो हुने भनाई राख्नुभयो । उहाँले फुटबल नेपालको नम्बर एक खेल भएकोले खेल पत्रकारहरुको त्यो फुटबल प्रतिको चासो हो भनी प्रस्ट्याउनुभयो ।एन्फा उपाध्यक्ष दिपक खतिवडाले खेल पत्रकारविना नेपाली खेलकुद अगाडि बढ्न नसक्ने र खेल पत्रकारहरुले फुटबललाई अझ बढी माया गरेको आफूले महसुस गरेको बताउनुभयो ।

एनएसजेएफको कार्यसमितिलाई एन्फाको बधाइ तथा शुभकामना

<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपाल क्रिकेट संघ (क्यान) ले&nbsp;&nbsp;वेस्ट इन्डिज विरुद्ध ऐतिहासिक टि२०आई श्रृङ्खला घोषणा गरेकोछ।<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">यहि सेप्टेम्बर २७, २८ र ३० २०२५ मा युएई स्थित शारजाह क्रिकेट रंगशालामा खेल खेलिनेछ।<p class="p2" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपालले अक्टोबरमा ओमानमा हुने टि२० विश्वकप छनोट खेलको तयारीश्वरूप यस श्रृङ्खला खेल्न लागेको क्यानले आज विज्ञप्ति निकाल्दै जानकारी दिलाए। <p class="p2" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">स्थान: शारजाह क्रिकेट रंगशाला, युएई <p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">• पहिलो खेल&nbsp;- २७ सेप्टेम्बर २०२५<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">• दोस्रो खेल - २८ सेप्टेम्बर २०२५<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">• तेस्रो&nbsp;खेल&nbsp; - ३० सेप्टेम्बर २०२५

नेपालले वेस्ट इन्डिजसंग टि२० आई खेल्ने

फिफा वारियतामा नेपाली महिला टोली १ स्थान खस्कदै १०० औं स्थानमा झरेकोछ। आज सार्वजिक गरेको&nbsp;नयाँ वरियता अनुसार नेपाल १००औं स्थानमा छ। यसअघि नेपाल ९९ औं स्थानमा थियो। दक्षिण एसियाली देशहरूको वरियतामा नेपाल दोस्रो स्थानमा छ। भारत ७०औं एक स्थान तल झर्दै (६९औं बाट) पहिलो स्थानमा रहेको छ ।&nbsp;&nbsp;बंगलादेश १२८ औं, पीकिस्तान १५७औं श्रीलंका १५३ औं, माल्दिभ्स १६३ औं र भुटान १७१ औं स्थानमा छ। अमेरिका विश्व वरियताको शीर्ष स्थानमा छ। त्यस्तै, स्पेन दोस्रो स्थानमा छ र जर्मनी तेस्रो स्थानमा छ। ब्राजिल चौथो स्थानमा छ भने ईगंल्याण्ड पाँचौं स्थानमा छ। स्वीडेन छैटौं, &nbsp;जापान ७ औं,&nbsp;क्यानडा&nbsp;८ औं,&nbsp;उत्तर कोरिया&nbsp;९ औं र &nbsp;फ्रान्स १० औं स्थानमा छ।

नेपाली महिला फिफा वारियतामा १ स्थान तल

काठमाडौँ, जेठ २९ गते । बागमती प्रदेशले बिहिबार १३औँ एनएसआरए राष्ट्रिय स्क्वास प्रतियोगताको पुरुष टिम इभेन्टको उपाधि जितेको छ ।&nbsp; एक दिनअघि बागमती महिला टिम इभेन्ट्समा पनि च्याम्पियन बनेको थियो । महिला टिम इभेन्ट्समा गण्डकी प्रदेश उपविजेता तथा कोशी र कर्णाली प्रदेश संयुक्तरुपमा तेस्रो स्थानमा रहे ।नेपाल स्क्वास र्याकेट्स संघको आयोजनामा भएको प्रतियोगिताअन्तर्गत पुरुष टिम इभेन्टको फाइनलमा बागमतीले कोशी प्रदेशलाई ३–० ले हरायो । अरहन्तकेशर सिम्हले नैन बहादुर मगरलाई ११–२, ११–३, ११–५, पासाङ ब्लोनले सुर्य कुमार राईलाई ११–३, ११–४, ११–६ र राकेश परियारले खेमराज राइलाई ११–४, ११–५ र ११–३ ले हराएर बागमतीलाई च्याम्पियन बनाउनुभयो । बागमतीको टिममा प्रज्वल प्रधान र कोशीको टिममा शक्ति लिम्बु पनि रहनुभएको छ ।यसैगरी सुदीपबहादुर ंिसंह, गौरव कटवाल, यम राना र ज्ञानु चौधरी सामेल लुम्बिनी प्रदेश तथा दिपक थापा, हेसिल घिसिङ, सञ्जिव थापा मगर र कृष श्रेष्ठ सामेल मधेश प्रदेशको टिम संयुक्तरुपमा तेस्रो स्थानमा रहे ।सातदोबाटोस्थित स्क्वास हलमा चालू प्रतियोगिताअन्तर्गत बिहिबार व्यक्तिगत स्पर्धा पनि सुरु भएको छ । पहिलो चरणमा बाइ पाएका नेपालका नम्बर एक अरहन्त कर्णालीका हिमाल जिसीलाई सजिलै ११–१, ११–२ र ११–२ ले हराएर क्वाटरफाइनलमा स्थान बनाउनुभयो । यसैगरी कोशीका सुर्यकुमार राई पनि बागमतीका प्रज्वललाई ११–९, ५–११, ११–५ र ११–७ ले हराएर अन्तिम आठमा पुग्नुभयो ।यसैगरी पहिलो चरणमा कोशीका नैन बहादुर मगरले लुम्बिनका गौरव कटवाललाइ ११–५, ११–२, ११–५, कर्णालीका जैन जिसीले कोशीका शक्तिलाई ११–८, ११–४, ११–८, कोशीका खेमराजले गण्डकीका राजु श्रेष्ठलाई ११–३, ११–६, ११–८, कोशीका सुर्यकुमारले लुम्बिनीका यमलाई ११–६, ११–६, ११–६ तथा मधेशका सञ्जीवले गण्डकीका नवराज थापालाई ११–८, ११–६ र ११–४ ले हराउनुभयो ।

स्क्वासको पुरुष टिम इभेन्टमा बागमतीलाई उपाधि

विश्व बुद्धिचाल महासङ्घ तथा एसियन चेस फेडरेसनको तत्वावधानमा श्रीलंका चेस फेडरेसनले ४ जुनदेखि १२ जुनसम्म आयोजना गरेको द वेस्टर्न एसियन जुनियर चेस च्याम्पियनसिप सम्पन्न भएको छ।&nbsp;प्रतियोगितामा आयोजक राष्ट्र श्रीलङ्का‌ सहित नेपाल, बङ्गलादेश, भारत, काजकिस्तान, माल्दिभ्स, रसिया, तुर्कमिनिस्तान र उज्बेकिस्तान गरी ९ राष्ट्र का ५९ जना खेलाडीहरूको सहभागिता रहेको थियो।श्रीलंकामा सम्पन्न द्रुत गतिको ब्लिट्ज चेस खेलमा नेपालका युवा खेलाडी सिएम पुरुषोत्तम सिलवालले नेपाललाई रजत पदक दिलाउन सफल भएका छन्।&nbsp;आठौँ वरियताका २१३० रेटेड सिएम पुरुषोत्तमले स्पर्धाको अन्तिम चरणमा प्रतियोगिताकै शीर्ष खेलाडी भारतका २३७९ उच्च रेटेड आइएम मायाङ्क चक्रवर्तीलाई पराजित गर्न सफल भएका छन्।प्रतिस्पर्धामा उज्बेकिस्तानका २१२० रेटेड एफएम अबु खाकिमोभ अकबरलिले ६ अङ्क प्रोग्रेसिभ २५.५ प्वाइन्ट जोडेर स्वर्ण पदक जितेका छन्।&nbsp;पुरुषोत्तमले प्रतिस्पर्धामा बंगलादेशका २१४२ रेटेड आइएम मनून रेजानीर सँग एक खेल गुमाउँदा अन्य ६ खेलमा उत्कृष्ट जित हासिल गर्दै सात चरणको खेलमा समान ६ अङ्क २४.५ प्रोग्रेसिभ प्वाइन्ट जोडेर&nbsp; रजत पदक जित्न सफल भएका छन्। यसैगरी पुरुषोत्तमसँग हार आत्मसाथ गरेका भारतीय आइएम मायाङ्क चक्रवर्ती काश्य पदकमा सीमित रहन पुगे।यसअघि अन्तर्राष्ट्रिय बुद्धिचाल प्रतियोगिता अन्तर्गत सिंगापुरमा सम्पन्न फिडेको आधिकारिक प्रतियोगितामा रुपेश जैशवालले रापिड तर्फ रजक र ब्लिट्जमा काश्य पदक जितेको थियो भने कृष्ण थापाले नेपालमा भएको एशियन एमेच्योर च्याम्पियनसिपमा स्वर्ण पदक हात पारेका थिए।सिएम पुरुषोत्तम सिलवाल विहिवार देखि नेपालमा सञ्चालन हुने नेशनल युथ च्याम्पियनसिपमा सहभागीता जनाउन एशियन जुनियर रापिड च्याम्पियनसिप छोडेर आज स्वदेश फर्केका छन्।&nbsp;सिलवाललाई महासंघका कोषाध्यक्ष ताराबहादुर रानाभाटले त्रिभुवन विमानस्थलमा स्वागत गरे।

पुरुषोत्तम सिलवालले चेसमा जिते अन्तर्राष्ट्रिय रजत पदक

काठमाडौँ, जेठ २८ गते । १३ औँ एनएसआरए राष्ट्रिय स्क्वास प्रतियोगताको महिला टिम इभेन्टको उपाधि बागमती प्रदेशले जितेको छ । नेपालका नम्बर एक विपना ब्लोन र नम्बर दुई स्वस्थानी श्रेष्ठ सामेल बागमती कोशी प्रदेश, गण्डकी प्रदेश र कर्णाली प्रदेशलाई समान ३–० ले हराएर समूहको शीर्ष स्थानमा रहेर च्याम्पियन बनेको हो । चार प्रदेश सहभागी महिला टिम इभेन्टमा सबैले एकअर्कासँग खेलेपछि शीर्ष स्थानमा रहने टिमले उपाधि जित्ने प्रावधान रहेको छ । महिला टिम इभेन्टमा रजत र काश्य पदकको छिनोफानो हुन भने बाँकी छ ।कोशी प्रदेशविरुद्धका खेलमा बागमतीका लागि स्वास्थानीले डोल्मा तामाङलाई ११–८, ११–५ र ११–४, विपनाले रचना प्रजालाई ११–४, ११–५ र ११–४ तथा अस्मिता नगरकोटीले तारादेवी गुरुङलाई ११–३, ११–१ र ११–२ ले पराजित गरे । यसैगरी गण्डकीविरुद्ध तीन खेल जित्ने क्रममा स्वस्थनीले रेसना महर्जनलाई ११–३, ११–५ र ११–३, विपनाले समीक्षा खाँडलाई ११–२, ११–२ र ११–५ तथा अस्मिताले नियुक्ती श्रेष्ठलाई ११–१, ११–५ र ११–६ ले हराए । कर्णालीविरुद्धको खेलमा स्वस्थानीले भगवती जिसीलाई ११–२, ११–१ र ११–३, विपनाले प्रतीक्षा प्रजालाई ११–३, ११–५ र ११–५ तथा साक्षी सुनुवारले अर्पणा प्रजालाई ६–११, ११–७, ११–६ र ११–३ ले निराश बनाए ।यसैगरी गण्डकी प्रदेशले कोशी प्रदेशलाई २–१ ले हरायो । गण्डकीकाका लागि नियुक्तीले कृषा राईलाई ११–२, ११–१ र ११–३ तथा रेनेशाले डोल्मालाई १५–१३, ११–४ र ११–२ ले पराजित गरे । कोशीकी रचनाले भने गण्डकीकी समीक्षालाई ११–७, १२–११ र १४–१२ ले हराएकी थिइन् ।&nbsp;नेपाल स्क्वास र्याकेट्स संघको आयोजनामा भएको प्रतियोगितामा पुरुष टिम इभेन्टमा बागमती प्रदेश र कोशी प्रदेश फाइनलमा पुगेका छन् । बुधबार भएको सेमिफाइनलमा बागमतीले मधेश प्रदेश र कोशीले प्रदेशले लुम्बिनी प्रदेशलाई समान २–१ ले हराए ।सातदोबाटोस्थिति नेपाल स्क्वास संघको एकेडमी हलमा भएको सेमिफाइनलमा बागमतीका लागि राकेश परियार र प्रज्वल प्रधानले जित हात पारे । राकेशले सञ्जीव थापा मगरलाई १२–१०, ९–११, ११–८ र ११–० तथा प्रज्वलले हेलिस घिसिङलाई ११–६, ११–६ र ११–४ ले हराए । पहिलो खेलमा भने मधेशका दिपक थापाले बागमतीका पासाङ ब्लोनलाई ३–११, १२–१०, १३–१ १र ११–५ ले पराजित गरेका थिए ।ऋर्को सेमिफाइनलमा सुदीप बहादुर सिंहले कोशीका नैनबहादुर मगरलाई पाँच सेट लम्बिएको खेलमा ४–११, ११–५, १२–१४, ११–७ र ११–९ ले हराएर लुम्बिनीलाई अगाडि पारेका थिए । तर त्यसपछिका दुई खेलमा सुर्य कुमार राईले गौरव कटवाललाई ११–७, ११–५, ९–११ र १३–११ तथा खेमराज राईले यम रानालाई ११–६, ११–७, ४–१ १र ११–४ ले हराएर कोशी प्रदेशलाई फाइनलमा पुर्याए ।

बागमतीलाई स्क्वासको महिला टिम इभेन्टमा उपाधि

काठमाडौँ, जेठ २७ गते । नेपाल स्क्वास र्याकेट्स संघको आयोजनाा १३ औँ एनएसआरए राष्ट्रिय स्क्वास च्याम्पियन्सीप मङगलबार सुरु भएको छ ।&nbsp; सातदोबाटोस्थिति नेपाल स्क्वास संघको एकेडमी हलमा भएको पहिलो दिन पुरुषतर्फको टिभ इभेन्टमा बागमती प्रदेशले दोहोरो जित हासिल गरेको छ । बागमतीले कर्णाली प्रदेश र कोशी प्रदेशलाई सहजै हराएको हो । कर्णाली प्रदेशविरुद्धको खेलमा बागमतीका अरहन्त के सिम्ह र पासाङ ब्लोनले सहजै खेल जित्नुभयो । नेपालका नम्बर एक स्क्वास खेलाडी अरहन्तले जलन जिसीलाई ११–२? ११–७ र ११–७ तथा पाासङले हिमाल जिसीलाई ११–०, ११–३ र ११–० ले हराउनुभयो ।&nbsp;कोशी प्रदेशविरुद्ध पनि बागमतीका तीन खेलाडीले सोझो सेटमा जित हासिल गरे । राकेश परियारले खेम राज राईलाई ११–२, ११–९ र ११४, अरहन्तले नयन बहादुर मगरलाई ११–६, ११–३ र ११–३ तथा पासाङले सुर्य कुमार राईलाई ११–६, ११–५ र ११–४ ले पराजत गर्नुभयो ।&nbsp;यसैगरी लुम्बिनी प्रदेशले पनि गण्डकी प्रदेशलाई ३–२ ले हराएर विजयी सुरुआत गर्यो । पहिलो खेलमा सुदीप बहादुर सिंहले गण्डकीका आभन श्रेष्ठलाई ११–८, ७–११, १४–१२ र ११–९ ले हराएर लुम्बिनीलाई अग्रता दिलाउनुभएको थियो । दोस्रो खेलमा &nbsp;गौरव कटवालले गण्डकीका राजु श्रेष्ठलाई इ११–९, १३–११ र ११–३ ले पराजित गरी लुम्बिनीलाई जित दिलाउनुभयो । तेस्रो खेलमा नवराज श्रेष्ठले लुम्बिनीका ज्ञानु चौधरीलाई प्रतिस्पर्धात्मक खेलमा ११–६, ११–३, ४–११, ५–११ र ११–५ ले हराएपछि गण्डकीले सान्त्वना जित प्राप्त गरेको थियो ।राष्ट्रिय खेलकुद परिषद् (राखेप)का सदस्यसचिव टङकलाल घिसिङले प्रतियोगिताको उद्घाटन गर्नुभएको हो । उहाँले राखेपले देशभर विभिन्न खेलको विकास र बिस्तारमा निरन्तर सहयोग पुर्याउँदै आएको र स्क्वासजसतो सम्भावनायुक्त खेलमा यस्ता प्रतियोगिताले नयाँ प्रतिभा उजागर गर्न थप प्रेरणा दिनेछ, भन्नुभयो ।प्रतियोगितामा पुरुषतर्फ छ प्रदेशको सहभागिता रहनेछ । सहभागी छ प्रदेशलाई दुई समूहमा विभाजन गरिएको छ । पुल एमा गण्डकी प्रदेश, लुम्बिनी प्रदेश, मधेश प्रदेश तथा पुल बीमा बागमती प्रदेश, कोशी प्रदेश र कर्णाली प्रदेश रहेका छन् । लिग कम नकआउटको आधारमा प्रतियोगिता हुनेछ । हरेक पुलबाट शीर्ष दुई स्थानमा रहने टिम सेमिफाइनलमा पुग्नेछन् । टिम इभेन्टमा हरेक टिममा चार खेलाडी रहेका छन् ।महिला टिम इभेन्ट्समा बागमती, गण्डकी, कर्णाली र कोशी गरी चार प्रदेशले भाग लिएको छ । महिला टिम इभेन्ट्समा लिग चरणमा शीर्ष स्थानमा रहेको टिम च्याम्पियन बन्नेछ ।

१३ औँ एनएसआरए राष्ट्रिय स्क्वासमा बागमतीको दोहारो जित

काठमाडौं। ब्राजिलले प्याराग्वेलाई पराजित गर्दै २०२६ को विश्वकपका लागि आफ्नो स्थान पक्का गरेको छ। साओ पाउलोमा मंगलबार भएको खेलमा ब्राजिलले प्याराग्वेलाई &nbsp;१–० गोलले पराजित गरेको हो।&nbsp;यस जितमा भिनिसियस जुनियरले &nbsp;निर्णायक गोल गरेको थियो।&nbsp; यस जित पछि ब्राजिल १६ खेल खेल्दै २५ अंकसहित तेस्रो स्थानमा रहेक छ। अर्जेन्टिनासँग ३५ अंकका साथ पहिसो स्थानमा रहेको छ। २५ अंक सहित इक्वेडर दोस्रो स्थानमा रहेको छ। दक्षिण अमेरिकाबाट शीर्ष ६ टोलीले सिधै ४८ टोलीको विश्वकपमा स्थान बनाउनेछन्‌ आज भएको अन्य खेलका नतिजाहरू बोलिभिया २–० चिल्लीउरूग्वे २–० भेनेजुएलाअरजेन्टिना १–१ कोल्मबियापेरू ०–० इक्वेडर﻿﻿

ब्राजिलको  विश्वकपमा स्थान पक्का

काठमाडौं। आईसीसी विश्वकप क्रिकेट लिग-२ अन्तर्गतको खेलमा नेपालले नेदरल्यान्ड्सलाई पराजित गरेको छ। मंगलबारराति सम्पन्न खेलमा नेपाल १६ रनले विजयी भएको हो। नेपालले दिएको २३७ रनको लक्ष्य पछाएको नेदरल्यान्ड्सल ४९.२ ओभरमा अल आउट हुँदै २२० रन मात्रै बनायो। नेदरल्यान्ड्सका लागि वेसली बारेसीले सर्वाधिक ३६ रन बनाए भने कप्तान स्कट एडवार्ड्सले ३० रन बनाएका थिए। &nbsp;त्यस्तै माइकल लेभीटले २७, कील क्लेइनले २५, नोअह क्रोएसले २२ रन बनाएका थिए।&nbsp; नेपालका लागि नन्दन यादवले आफ्नो एकदिवसीय &nbsp;खेलमा डेभ्यु गर्दै ३ विकेट लिए। नन्दनले ९ ओभरमा एक मेडनसहित ३९ रन दिएर ३ विकेट लिएका हुन्। सन्दीप लामीछानेले ३, ललित राजबंशीले २ तथा करण केसी र कुशल भुर्तेलले एक एक विकेट लिए। यसअघि टस हारेर पहिला ब्याटिङ गरेको नेपालले ५० ओभरमा ९ विकेट गुमाउँदै २३६ रन बनाएको थियो। नेपालका लागि आरिफ सेखले सर्वाधिक ८४ रन बनाए। भीम सार्की र कप्तान रोहित पौडेलले ३५-३५ रन बनाए भने कुशल भुर्तेलले १८, दिपेन्द्र सिंह ऐरीले १६, बसिर अहमद र करण केसीले ११-११ रन बनाएका थिए। नेदरल्यान्ड्सका लागि बलर पौल भान मीकेरेनले ४ विकेट लिएका थिए भने माइकल लेभिटले ३ विकेट लिए। यो जितसँगै नेपालले महत्वपूर्ण २ अंक हासिल गर्दै लिग-२ मा १६ खेलमा १२ अंकसहित सातौं स्थानमा छ। नेपालले यस सिरिजमा खेलेका ४ मध्ये ३ खेल जितेको छ र एक खेलमा हार बेहोरेको छ।

Nepalsports

क्लब विश्वकप : मियामी र अल अहली बराबरीमा रोकिए

📰 Recent News

Nepalsports