यो खेललाई फ्रान्सेली घरेलु फुटबलको सबैभन्दा ठूलो खेल मानिन्छ । त्यो भनेको पेरिस सेन्ट जर्मेन (पीएसजी) विरुद्ध मार्से । फ्रान्सेली लिग वानको सोमबार राति भएको त्यही खेलमा मार्सेले पीएसजीलाई १–० ले हरायो ।&nbsp; त्यसमा मोरक्कोका डिफेन्डर नयेफ अग्वार्डले एक मात्र गोल गरे । दक्षिण फ्रान्समा हावाहुरीसहित ठूलो वर्षाको सम्भावनाबीच यो खेललाई एक दिन पछाडि सारिएको थियो ।&nbsp; यो नतिजाले पीएसजी अंक तालिकाको शीर्षमा उक्लन असफल रह्यो र १२ अंकमा दोस्रो स्थानमा रह्यो । समान १२ अंकमा मोनाको पहिलो स्थानमा रह्यो । मार्से भने नौ अंकमा छैटौं स्थानमा छ ।&nbsp;

मार्सेसँग पीएसजीको सिजनको पहिलो हार

डिफेन्डिङ च्याम्पियन नेपोलीले इटालीको सिरी ‘ए’ मा सोमबार आफ्नो शतप्रतिशत प्रदर्शन कायम राखेको छ । उसले यसै सिजन बढुवा भएर माथि उक्लेको पिसामाथि ३–२ को जित हात पारेको हो । यससँगै नेपोलीको चार खेलबाट १२ अंक भएको छ र लिग तालिकाको शीर्ष स्थानमा छ । यो दोस्रो स्थानमा रहेको युभेन्ट्समाथि दुई अंकको दूरी हो । नेपोलीका लागि बिली गिलमोरले ३९, लियानार्डो स्पिनजोलाले ७३ र लोरेन्जो लुकाले ८२ औं मिनेटमा गोल गरे । पिसाका तर्फबाट एबाला एनजोलाले ६० र लोरेनले ९० औं मिनेटमा गोल फर्काए । पिसाको चार खेलबाट एक अंक मात्र छ र १९ औं स्थानमा छ ।

नेपोलीको लगातार चौथो जित

काठमाडौँ। नेपाली राष्ट्रिय क्रिकेट टिमको नयाँ जर्सी सार्वजनिक गरिएको छ। नेपाल क्रिकेट संघ (क्यान) ले साेमबार नयाँ जर्सी सार्वजनिक गरेको हो। नेपाली क्रिकेट टिमकाे नयाँ जर्सीलाई नासा सेक्यूरिटीजले स्पोन्सर गरेको छ। नयाँ जर्सीमा निलो र रातो रंगको मिश्रण रहेको छ भने जर्सीको तल्लो भागमा सगरमाथाको चित्र राखिएको छ जसले जर्सीलाई अर्थपूर्ण र उत्कृष्ट बनाएको छ। जर्सीमा नयाँ स्पोन्सर नासा सेक्युरिटीजको लोगो अंकित गरिएको छ। गत साउन २५ गते क्यान र नासाबीच जर्सी स्पोन्सरको सम्झौता भएको थियो &nbsp;नासा सेक्युरिटिजले जर्सी स्पोन्सर गरे बापत बार्षिक २ करोड ३६ लाख भुक्तानी गर्ने गरि सम्झौता भएको छ।

क्रिकेट टिमको नयाँ जर्सी सार्वजनिक

कुनै समय मानिएको थियो, ओसमन डेम्बेलेको फुटबल खेल जीवन अब धेरै लामो चल्ने छैन् । उनी अनुशासनको कारवाहीमा परेका थिए । तर सुध्रिएका तिनै डेम्बेलेले सोमबार पेरिसमा आयोजित विशेष कार्यक्रममा विश्व फुटबलको सबैभन्दा प्रतिष्ठित व्यक्तिगत अवार्ड बेलन डे’अर जितेका छन् । उनको गतिलो योगदानकै कारण पेरिस सेन्ट जर्मेन (पीएसजी) ले गत सिजन युरोपेली च्याम्पियन्स लिग जितेको थियो । पीएसजीले युरोपेली क्लब फुटबलको सबैभन्दा ठूलो उपाधि जितेको पनि यो पहिलो पटक नै हो । यस्तै पीएसजीले फ्रान्सेली लिग र कप दुवै उपाधि पनि जितेको थियो । च्याम्पियन्स लिगको फाइनलमा भने पीएसजीले इन्टर मिलानलाई ५–० ले हराएको थियो । पीएसजी प्रशिक्षक लुइस एनरिकेले डेम्बेलेलाई अनुशासनको कारवाही गरेपछि सम्हालिएका २८ वर्षीय डेम्बेलेले पछि नम्बर ९ खेलाडीको भूमिका बलियोसँग निभाएका थिए । महिलातर्फको अवार्ड लगातर तेस्रो वर्ष आइटाना बोनमटीले जितेकी छिन् । स्पेन तथा बार्सिलोनाकी मिडफिल्डर बोनमटी यो अवार्ड लगातार तीन पल्ट जित्ने पहिलो खेलाडी पनि भएकी छिन् । वुमेन्स युरो २०२५ मा स्पेन उप–विजेता हुँदा बोनमटी उत्कृष्ट खेलाडी घोषित भएकी थिइन् ।

अन्ततः डेम्बेलेले जिते बेलन डे’अर

पहिलो अन्तर्राष्ट्रिय बौद्ध राष्ट्रहरु बिच भएको ब्लिट्ज चेस प्रतियोगितामा नेपाली खेलाडी सिएम पुरुषोत्तम सिलवालले रसियन ग्रान्ड मास्टरलाई हराउन सफल भएका छन्।&nbsp; रूसको बुद्धिस्ट गणराज्य रिपब्लिक अफ क्याल्मिकिया, एलिस्तामा सम्पन्न ११ चरणको ब्लिट्ज खेलमा नेपालका पुरुषोत्तम सिलवालले ६.५ अङ्क जोडेर उच्चस्तरीय खेल प्रदर्शन गर्न सफल भएका छन्।&nbsp;नेपालका उदयमान २२२४ रेटेड सिएम पुरुषोत्तम सिलवालले नवौं चरणको खेलमा सेतो गोटीबाट खेल्दै रूसका २६१३ रेटेड ग्रान्ड मास्टर साइडाइपोभ झम्सारनलाई २८औं चालमा नाइट एचफो चाल्दै माथ गरेका हुन्।युवा खेलाडी सिलवालले ५ मिनेट ३ सेकेन्ड इनन्क्रिमेन्टको छरिटो खेलमा फिलिपिन्सका इन्टरनेसनल मास्टर नाभा रोडेरिक सँग बराबरी खेल खेलेका छन्। यसअघि भएको र्‍यापिड खेलमा पनि सिलवालले इन्टरनेसनल मास्टर तथा वोमन ग्राण्डमास्टरलाई पराजित गरेका थिए।अन्तर्राष्ट्रिय प्रतियोगितामा सहभागी नेपाली टोलीका अन्य खेलाडीहरू शैलेन्द्र न्यौपानेले ५ अङ्क र महिला खेलाडी सिन्दिरा जोशीले ५ अङ्क बनाएका छन्।यससँगै ब्लिट्ज विधामा नेपाली टोलीले समग्र १६.५ अङ्क जोडेर छैठौं स्थानमा रहँदै प्रतियोगिताको अन्त्य गरेका छन्। टोलीले र्‍यापिड स्पर्धामा पनि छैठौं स्थान ओगटेका थिए।&nbsp;सेप्टेम्बर १८ देखि सुरु भएको अन्तर्राष्ट्रिय चेस प्रतियोगिता अन्तर्गत ब्लिज विधातर्फ आयोजक काल्मिकियाले २३ अङ्क जोडेर प्रथम बनेका छन्। रुसकै बुरियाटिया का टिमले २२.५ अङ्क जोडेर दोस्रो स्थानमा रहे भने फिलिपिन्सका टिमले २१.५ अङ्क बनाएर तेस्रो स्थानमा रहन सफल भएका छन्।नेपाल बुद्धिचाल महासंघको पहलमा अन्तर्राष्ट्रिय आमन्त्रित विश्वका प्रमुख बौद्ध राष्ट्रहरूबीच भएको बुद्धिचाल प्रतिस्पर्धा नेपाली खेलाडीहरूको निम्ति आफूभन्दा उच्च रेटेड ग्रान्डमास्टर, वोमन ग्रान्डमास्टर, इन्टरनेसनल मास्टर, फिडेमास्टर, क्यान्डिडेट मास्टरहरूसँग प्रतिस्पर्धा गर्दै राम्रो अनुभव प्राप्त गर्ने महत्त्वपूर्ण अवसर बनेको छ।

नेपाली चेस खेलाडी पुरुषोत्तमले ग्रान्ड मास्टरलाई हराउदै नेपाली टिम छैठौं बने

काठमाडौँ। श्रीलंकामा जारी साफ यू–१७ च्याम्पियनसिपमा नेपाल सेमिफाइनलमा भारतसँग भिड्ने भएको छ।&nbsp; समूह 'ए' को उपविजेता बनेको नेपालले फाइनल प्रवेशका लागि समूह 'बी' को विजेता भारतसँग प्रतिस्पर्धा गर्नेछ। कोलम्बो रेसकोर्समा सोमबार सम्पन्न समूह ‘बी’ को अन्तिम खेलमा भारतले पाकिस्तानलाई हराएको थियो। उक्त खेलमा भारत ३–२ ले विजयी बन्यो। योसँगै अपराजित रहेको भारत ९ अंकसहित आफ्नो समूहको विजेता बनेको हो। नेपाल र भारत बिहीबार अन्तिम चारमा भिड्नेछन्। सोही दिन बंगलादेश र पाकिस्तानले एकअर्कासँग खेल्नेछन्।

फाइनल प्रवेशको लागि नेपालले भारतसँग खेल्ने

काठमाडौँ। भारतले एसिया कपको सुपर फोरमा पाकिस्तानलाई पराजित गरेको छ।&nbsp; आइतबार राति सम्पन्न खेलमा भारतले पाकिस्तानलाई ६ विकेटले पराजित गरेको हो। पाकिस्तानले दिएको १७२ रनको लक्ष्य दिएको पछाएको भारतले १८.५ ओभरमा ४ विकेट गुमाउँदै लक्ष्य पुरा गर्याे। भारतको जितमा अभिषेक शर्माले सर्वाधिक ७४ रन बनाए। शुभमन गिलले ४७, तिलक बर्माले ३० र सन्जु सामसनले १३ रन बनाए। पाकिस्तानका बलर हरिस राउफले २ विकेट लिए भने अब्रार आयुब र फाहीम अशरफले एक एक विकेट लिए। यसअघि टस हारेर पहिला ब्याटिङ गरेको पाकिस्तानले २० ओभरमा ५ विकेट गुमाउँदै १७१ रन बनाएको थियो। पाकिस्तानका लागि शाहीबजादा फरहानले ५८ तथा सैम आयुब र मोहमद नवाजले २१-२१ रन बनाएका थिए। जितसँगै भारतको सुपर फोरमा २ अंक भएको छ। सुपर फोरमा मंगलबार पाकिस्तान र श्रीलंका खेल्ने तालिका रहेको छ।

पाकिस्तानमाथि भारतको सहज जित

ग्याब्रिएल मार्टिनेलीले ९३ औं मिनेटमा गरेको गोलको मदतले आसर्ननले इंग्लिस प्रिमियर लिगमा आइतबार म्यानचेस्टर सिटीलाई १–१ को बराबरीमा रोकेको छ । सिटीले इर्लिङ हालान्डको गोलले पहिलो हाफमा अग्रता लिएको थियो । यो यस्तो नतिजा रहेको छ, जसले उपाधि होडमा आर्सनल र सिटी दुवैलाई घाटा पुर्‍याएको छ । यसको फाइदा भने शीर्ष स्थानमा रहेको डिफेन्डिङ च्याम्पियन लिभरपुलका लागि हुनेछ । आर्सनल शीर्ष स्थानसँग पाँच अंकको दूरीमा दोस्रोमा छ । सिटी अझ आठ अंकको दूरीमा नवौं स्थानमा रहेको छ । लिभरपुलले अहिलेसम्मका सबै पाँच खेल जितेर १५ अंकमा शीर्ष स्थानमा छ । टोटनहम र बर्नमाउथ पनि दस दस अंकमा शीर्ष चारभित्र छन् ।

आर्सनल र सिटीको बराबरीमा दुवैलाई घाटा

बार्सिलोनाले स्पेनी ला लिगामा आइतबार गेटाफेमाथि ३–० को प्रभावशाली जित निकालेको छ र यसक्रममा शीर्षमा रहेको रियल म्याड्रिडको दूरी दुई अंकमा कायम राखेको छ । क्याटलान क्लबका लागि फेरान टोरेसले दुई गोल गरे । यस्तै डानी ओल्मोले पनि एक गोल गरे । रियलको पाँच खेलबाट १५ अंक छ भने बार्सिलोना १३ अंकमा दोस्रो स्थानमा रहेको छ । शीर्ष चारका अन्य दुई टिममध्ये भिल्लारियल र इस्पनयोललको समान दस अंक छ । अर्को खेलमा एटलेटिको म्याड्रिडको सिजनमा खराव फेरि एकपल्ट कायम रह्यो । उसले रियल मार्लोकासँग निराशाजनक १–१ को बराबरी खेल्यो । एटलेटिकोको पाँच खेलबाट छ अंक मात्र रहेको छ र लिग तालिकाको १२ औं स्थानमा रहेको छ ।

बार्सिलोनाको प्रभावशाली जित

इंग्लिस प्रिमियर लिगको आइतबार भएका सुरुआती दुवै खेल बराबरीमा टुंगेका छन् । त्यसमध्ये पहिलो खेलमा बर्नमाउथ र न्युकासल युनाइटेडले गोलरहित बराबरी खेले । बर्नमाउथ १० अंकमा तेस्रो स्थानमा छ भने न्युकासलको छ अंक भएको छ र १३ औं स्थानमा छ । यस्तै अर्को खेलमा दस खेलडीमा सीमित सन्डरल्यान्डले एस्टन भिल्लालाई १–१ को बराबरी रोक्यो । भिल्लाले म्याटी क्यासको गोलले अग्रता लिएपछि सन्डरल्यान्डका लागि विल्सन इसिडोरले बराबरी गोल फर्काए । सन्डरल्यान्डको आठ अंक भएको छ र सातौं स्थानमा छ । यस्तै भिल्ला भने तीन अंकमा १८ औं स्थानमा छ ।

दुवै खेल बराबरी समाप्त

काठमाडौं। अखिल नेपाल फुटबल संघ (एन्फा)ले सहिद स्मारक ‘ए’ डिभिजन लिग र एन्फा यु–१६ युथ लिगका बारेमा छलफल गर्न १४ क्लबलाई बोलाएको छ। आइतबार एन्फाले पत्रमार्फत शीर्ष डिभिजनका १४ क्लबलाई असोज २६ गते दिउँसो १ का लागि बैठकमा बोलाएको हो। बैठक सातदोबाटोस्थित एन्फा कम्प्लेक्समा हुनेछ। पछिल्लाे समय नेपालमा भएकाे जेनजी प्रदर्शनकाे कारण चलिरहेकाे यु–१६ लिग लगायत अन्य प्रतियाेगिताहरु राेकिएकाे थियाे। यस्तै एन्फाले दुई वर्षभन्दा बढी समयदेखि हुन नसकेको शीर्ष डिभिजन लिग पुसमा गर्ने योजना अगाडि सारेको छ। तर, एन्फा र शीर्ष डिभिजन क्लबबीच बैठक हुन सकिरहेको छैन। जसकाे कारण र लिग संचालकाे लागि छलफल गर्न बाेलाएकाे एन्फाले जनाएकाे छ। गत मंगलबार मात्र एन्फाले सबै क्लबहरूलाई पत्र पठाउँदै प्राविधिक कारण देखाएर बैठक अनिश्चितकालका लागि स्थगित गरिएको जानकारी गराएको थियो। देशका विभिन्न जिल्लामा १४ मैदान प्रयोग गरेर ‘होम एन्ड अवे’का आधारमा लिग आयोजना गर्ने प्रस्ताव एन्फाले अघि सारेको थियो।

एन्फाले बोलायो ए डिभिजनका क्लबलाई बैठकमा

काठमाडौँ। एएफसी एसियन कप छनाेट खेल्ने नेपालकाे प्रारम्भिक टाेली घोषणा भएकाे छ। अखिल नेपाल फुटबल संघ (एन्फा)ले आइतबार भियतनामविरुद्ध हुने खेलकाे लागि ३३ सदस्यीय प्रारम्भिक टिमको घोषणा गरेको हाे। नेपालले आगामी अक्टोबर ९ र १४ मा भियतनामविरुद्ध खेल्ने तालिका रहेको छ। एन्फाले क्लोज क्याम्प सेप्टेम्बर २३ देखि सुरु हुने जानकारी दिएको छ। नेपाली प्रारम्भक टाेलीअभिषेक लिम्बू, आदित्य शाक्य, अमित लामा, अनन्त तामाङ, अञ्जन विष्ट, अन्जल श्रेष्ठ, अरिक विष्ट, आयुष घलान, बिमल पाण्डे, विशाल सुनार, दिपेन्द्र विक, दिपेस गुरुङ, जिलेस्पी जंग कार्की, किरण चेम्जोङ, कृतिश छुञ्जु, कुशल देउवा, लाखेन लिम्बु, मणि लामा, मनिष डाँगी, निरजन धामी, रोहित चन्द, रोहन कार्की, समीर तामाङ, समित श्रेष्ठ, सनिश श्रेष्ठ सन्तोष खत्रिसुबास बम सुमन श्रेष्ठ, सुमित श्रेष्ठ, टेकेन्द्र थापा र योगेश गुरुङ

एसियन कप छनोट: नेपालको प्रारम्भिक टोली घोषणा

काठमाडौँ। नेपाली राष्ट्रिय पुरुष क्रिकेट खेलाडीको युएईको भिसा लागेको छ। नेपाल क्रिकेट संघ(क्यान) ले सबै खेलाडीको युएईको भिसा लागिसकेकाले सोमबार नेपाली क्रिकेट टिम त्यसतर्फ प्रस्थान गर्ने जानकारी दिएको हाे।&nbsp; यसअघि युएईले नेपालीका लागि भिसा रोकेपछि क्रिकेट टाेली प्रभावित भएका थिए। भिसा नलागेपछि शुक्रबार नै युएई प्रस्थान गर्नुपर्ने नेपाली क्रिकेट टिम रोकिएको थियो। युएईको शारजहामा हुने वेस्ट इन्डिजविरुद्धको टी–२० सिरिज खेल्न त्यसतर्फ जादै छ। नेपालले सेप्टेम्बर २७ देखि वेस्ट इन्डिजसँग खेल्ने तालिका छ।&nbsp; नेपालमा जेनजी आन्दोलनपछि युएईले कुनै सुचना जारी नगरेर नेपाली नागरिकलाई भिजिट भिसा बन्द गरेको छ।

क्रिकेट टोलीको युएईको भिसा लाग्यो

काठमाडौँ । कप्तना क्रिस्टियानो रोनाल्डो जोआओ फेलिक्स चम्किँदा अल नासरले साउदी प्रो लिगमा फराकिलो जित हासिल गरेको छ। शुक्रबार राति सम्पन्न खेलमा नासरले अल रियादलाई ५-१ गोल अन्तरले पराजित गरेको हो। यो सँगै नासरले नयाँ सिजनको लगातार तेस्रो जित हासिल गरेको छ। अल नासरको जितमा रोनाल्डो र फेलिक्सले २-२ गोल गरे भने किंग्सले कोम्यानले एक गोल थपे। त्यस्तै मामाडाउ सियाल्लाले एक गोल गरेका थिए। जारी लिगमा नासरको ३ खेलबाट ९ अंक जोडेर शीर्ष स्थानमा छ। रियादको भने यो दोस्रो हार हो।

रोनाल्डो र फेलिक्सको गोलमा अल नासर विजयी

लयमा रहेका ह्यारी केनले यो सिजनको दोस्रो ह्याट्रिक गरेपछि बायर्न म्युनिकले शनिबार जर्मन बुंडेसलिगामा होफनहाइनलाई सजिलै ४–१ ले हराएको छ र यससँगै उाधिमाथि बलियो दावेदारी प्रस्तुत गरेको छ । इंग्लिस कप्तान केनले ४४, ४८ र ७७ औं मिनेटमा गोल गरे । त्यसमध्ये अन्तिम दुई गोल पेनाल्टीमा गरेका हुन् । उनले यो सिजन १३ गोल गरिसकेका छन् । सन् २०२३ मा बायर्न आएयता उनले १ सय ३ खेलमा ९८ गोल गरिसकेका छन् । उनले बायर्नका लागि गरेको ह्याट्रिकको संख्या पनि नौ पुगेको छ । यो जितपछि बायर्नको चार खेलबाट १२ अंक भएको छ । अर्को खेलमा ह्याम्बर्गले हेडेनहेमलाई २–१ ले पराजित गर्‍यो र यो माथिल्लो डिभिजनमा उसको सात वर्षयताको पहिलो जित रह्यो ।

लयमा रहेका केनको अर्को ह्याट्रिक

इटालीको सिरी ए मा शनिबार युभेन्ट्सको जित यात्रामा पूर्ण विराम लागेको छ । उसलाई भेरोनाले १–१ को बराबरीमा रोकेको हो । युभेन्ट्सले फ्रान्सिस्को कोन्सेकाउको गोलले अग्रता लिए पनि त्यसलाई कायम राख्न सकेन् । गिफ्ट ओरबनले ४४ औं मिनेटमा पेनाल्टीबाट भेरोनाका लागि बराबरी गोल फर्काए । युभेन्ट्स १० अंकसहित अझै शीर्ष स्थानमा छ । एसी मिलानले भने अर्को खेलमा युनिडेजीलाई सजिलै ३–० ले पराजित गर्‍यो र लिग तालिकको तेस्रो स्थानमा उक्लेको छ । मिलानका लागि क्रिस्टियन पुलिसिचले ३९ र ५३ औं मिनेटमा दुई गोल गरे । यस्तै योसुफ फोफानाले ४६ औं मिनेटमा एक गोल थपे । यो जितपछि मिलानको नौ अंक भएको छ ।

युभेन्ट्सको जित यात्रामा पूर्ण विराम

रियल म्याड्रिडले शनिबार स्पेनी ला लिगामा लगातार पाँचौं जित निकालेको छ । उसले इस्पनयोललाई २–० ले हराएर आफ्नो शतप्रतिशत प्रदर्शन कायम राखेको हो । यो जितपछि रियलको पाँच खेलबाट १५ अंक भएको छ । रियलका लागि इडेर मिलिटाओले पहिलो गोल गरे भने लयमा रहेका केयलिन एमबापेले दोस्रो गोल थपे । हारपछि इस्पनयोल १० अंकमा चौथो स्थानमा कायम रह्यो । एमबापले यो सिजन लिगमा गरेको गोल संख्या पाँच पुगिसकेको छ । शनिबारका अन्य खेलमा लेभान्टेले जिरोनालाई ४–०, सेभियाले डेपार्टिभो एलाभेसलाई २–१, भिल्लारियलले ओसाुनालाई २–१ तथा भ्यालेन्सिायले एथलेटिको बिलबाओलाई २–० ले पराजित गरेको छ ।

रियलको लगातार पाँचौं जित

काठमाडौँ। एसीसी एसिया कप २०२५ को सुपर फोरमा बंगलादेशले श्रीलंकालाई पराजित गरेको छ।&nbsp; शनिबार राति सम्पन्न खेलमा बंगलादेशले श्रीलंकालाई ४ विकेटले पराजित गरेको हो। श्रीलंकाले दिएको १६९ रनको लक्ष्य पछाएको बंगलादेशले १९.५ ओभरमा ६ विकेट गुमाउँदै लक्ष्य पुरा गरेको थियो।&nbsp; बंगलादेशको जितमा सैफ हसनले सर्वाधिक ६१ रन बनाए भने टोवहिड हृदोयले ५८ रन बनाएका थिए। यसअघि टस हारेर पहिला ब्याटिङ गरेको श्रीलंकाले २० ओभरमा ७ विकेट गुमाउँदै १६८ रन बनाएको थियो।&nbsp; श्रीलंकाका लागि दासुन शानकाले ६४ रन बनाए भने कुसल मेन्डिसले ३४ रन बनाएका थिए। यो जितपछि बंगलादेशले सुपर फोरमा २ अंक हासिल गरेको छ। सुपर फोर अन्तर्गत आज भारत र पाकिस्तानबीच खेल हुँदैछ।

श्रीलंकामाथि बंगलादेशको जित

म्यानचेस्टर युनाइटेडले इंग्लिस प्रिमियर लिगमा शनिबार राति चेल्सीमाथि २–१ को त्यस्तो जित निकालेको छ, जसले टिमको उत्साह बढाउने छ । यो प्रशिक्षक प्रशिक्षक रुबेन एमोरिमलाई राहत हुनेछ । नत्र उनी वर्खास्त हुने सम्भावना बताएको थियो । ओल्ड ट्रायफोर्डमा भएको खेलमा युनाइटेडले ब्रुनो फर्नान्डेज र कासेमिरोको गोलले पहिलो हाफमा सहज अग्रता लिएको थयिो । ट्रेभोह चालोबहले चेल्सीका लागि एक गोल फर्काए । खेलको अन्त्यमा दुवै टिम दस खेलाडीमा सीमित रहेका थिए । यो जितपछि युनाइटेडको सात अंक भएको छ र दसौं स्थानमा उक्लेका छ । चेल्सी भने आठ अंकमा छैटौं स्थानमा छ । शनिबारका अन्य खेलमा फुलहमले ब्रेन्टफोर्डलाई ३–१, लिड्स युनाइटेडले उल्भ्सलाई ३–१ र क्रिस्टल प्यालेसले वेस्ट ह्यामलाई २–१ ले हरायो । यस्तै ब्रायटन र टोटनहमले २–२ र बर्नली र नटिङ फरेस्टले १–१ को बराबरी खेले ।

चेल्सीमाथि युनाइटेडको उत्साह बढाउने जित

लिभरपुलले मर्सिसाइड डर्बीमा शनिबार एभरटनलाई २–१ ले हराएको छ र यससँगै इंग्लिस प्रिमियर लिगमा लगातार पाँचौं जित दर्ता गरेको छ । लिभरपुल १५ अंकसहित शीर्ष स्थानमा छ । लिभरपुलले रायन ग्राभेनबाखको गोलले १० औं मिनेटमा अग्रता लिएको थियो । त्यसपछि ह्युगो एकिटिकेले २९ औं मिनेटमा दोस्रो गोल थपे । एभरटनका तर्फबाट इड्रिस गुएयले ५८ औं मिनेटमा एक गोल फर्काए । यससँग खेल थप रोमाञ्चक बनेको थियो, तर थप गोल हुन सकेन् । एभरटनका डेविड मोयसले प्रशिक्षकका रूपमा अहिलेसम्म एनफिल्डमा कुनै खेल जित्न सकेका छैनन् । प्रशिक्षकका रूपमा एनफिल्डमा उनको यो २३ औं खेल हो । अर्कोतर्फ यस खेलसँगै एलेक्जान्डर इसाकले लिगमा डेब्यु गरेका छन् । उनी ब्रिटिस कीर्तिमान रकममा न्युकासल युनाइटेडबाट लिरभपुल आएका थिए ।

Nepalsports

नेपोलीको लगातार चौथो जित

📰 Recent News

Nepalsports