काठमाडौं। साउदी प्रो लिग अन्तर्गत सम्पन्न खेलमा अल नासरले अल नज्मामाथि प्रभावशाली जित दर्ता गरेको छ।&nbsp; बिहिवार बिहान सम्पन्न खेलमा नासरले घरेलु टोली अल नज्मालाई ५-० ले पराजित गरेको हो। यस जितसँगै अल नासरले लिग तालिकाको शीर्ष स्थानमा स्पष्ट दुई अंकको अग्रता बनाएको छ। खेलको सातौं मिनेटमा क्रिस्टियानो रोनाल्डोले पेनाल्टीमार्फत गोल गर्दै अल नासरलाई अग्रता दिलाए। ३१औं मिनेटमाकिङ्स्ले कोमानले गोल गर्दै अग्रता दोब्बर पारे। ४२औं मिनेटमा इनिगो मार्टिनेजले गोल गरे। ५२औं मिनेटमा साडियो मानेले अर्को गोल थपे। त्यसपछि ८०औं मिनेटमा इनिगो मार्टिनेजले व्यक्तिगत दोस्रो गोल गर्दै टोलीको जित सुनिश्चित गरे। यस जितसँगै अल नासरले २३ खेलबाट ५८ अंक पुर्याएको छ।&nbsp;

अल नासरको शानदार जित, शीर्ष स्थानमा दुई अंकको अग्रता

डिफेन्डिङ च्याम्पियन पेरिस सेन्ट जर्मेन (पीएसजी) र रियल म्याड्रिडले बुधबार युरोपेली च्याम्पियन्स लिगको अन्तिम १६ मा स्थान बनाएका छन् र यससँगै प्रतियोगिताको यो चरण पुग्ने सबै टिमको टुंगो लागेको छ । बुधबार अन्तिम १६ को याक्रा तय गर्ने अर्को दुई टिममा गालातासारे र एटलान्टा रहे । अब शुत्रबार प्रतियोगिताको आगामी खेलको ड्र निकालिनेछ । एटलेटिको म्याड्रिड, बायर लेभरकुजन, बोडो र न्युकासल युनाइटेड पनि प्ले अफबाट अन्तिम १६ पुगेका हुन् । लिग चरणको समाप्तीमा शीर्ष आठ स्थानमा रहेर यो चरण पुग्नेमा आर्सनल, बायर्न म्युनिक, लिभरपुल, टोटनहम, बार्सिलोना, चेल्सी, स्पोर्टिङ लिस्वन र म्यानचेस्टर सिटी रहेका छन् । प्ले अफको अन्तिम दिनको खेलमा पीएसजीले मोनाकोलाई २–२ को बराबरीमा रोक्दै ५–४ को निर्णायक अग्रता लियो । रियलले बेनफिकालाई २–१ ले हराएर समग्रमा ३–१ को निर्णायक अग्रता प्राप्त गर्न सफल रह्यो । यस्तै युभेन्ट्सले गालातासारेलाई ३–२ ले पराजित गरे पनि समग्रमा ३–२ ले पछाडि पर्‍यो । &nbsp;एटलान्टाले भने बोरुसिया डर्टमुन्डलाई ४–१ ले हरायो र समग्रमा ४–३ ले अग्रता लियो ।<img src="https://app.nepalsportz.com/media/django-summernote/2026-02-26/8d23cd6a-5dfd-4fff-b7e5-522f66911091.webp" style="width: 698px;">

पीएसजी र रियल पुगे अन्तिम १६

काठमाडौं। एन्फा राष्ट्रिय लिगमा लालीगुराँस एसोसियसन क्लबले प्रभावशाली जित दर्ता गरेको छ। लिग अन्तर्गत दशरथ रंगशालामा सम्पन्न खेलमा लालीगुराँसले काँक्रेबिहार क्लबलाई ४–१ गोलअन्तरले पराजित गरेको हो। सुरुदेखि नै आक्रामक खेल प्रदर्शन गरेको लालीगुराँसले विपक्षीमाथि दबाब कायम राख्दै स्पष्ट जित निकाल्न सफल भयो। यस जितसँगै लालीगुराँसले सात खेलबाट १७ अंक जोड्दै तालिकाको शीर्षस्थानमा उक्लिएको छ। अपराजित यात्रामा रहेको लालीगुराँसको यो पाँचौँ जित हो। दुई खेल बराबरीमा टुंग्याएको टोली हालसम्म पराजित भएको छैन। यता काँक्रेबिहारको भने यो छैटौँ हार हो। सात खेल खेलिसकेको काँक्रेबिहारले हालसम्म जम्मा एक अंक मात्र जोड्न सकेको छ।

अपराजित रहँदै लालीगुराँस शीर्षस्थानमा

काठमाडौं। नेपाल राष्ट्रिय पुरुष फुटबल टोलीले घरेलु मैदानमा अन्तर्राष्ट्रिय मैत्रीपूर्ण प्रतियोगिता अन्तर्गत खेल खेल्ने भएको छ। नेपालले चैत १२ गते काठमाडौंस्थित दशरथ रंगशालामा हङकङ राष्ट्रिय पुरुष फुटबल टोलीविरुद्ध मैत्रीपूर्ण खेल खेल्नेछ। अखिल नेपाल फुटबल संघ (एन्फा)का अनुसार उक्त खेल दशरथ रंगशालामै आयोजना हुनेछ। घरेलु मैदानमा हुने यस खेलले नेपाली टोलीको अन्तर्राष्ट्रिय तयारीलाई थप सुदृढ बनाउने अपेक्षा गरिएको छ।&nbsp;

नेपालले हङकङसँग अन्तर्राष्ट्रिय मैत्रीपूर्ण खेल खेल्ने

बोडो/गिल्म्टले मंगलबार युरोपेली च्याम्पियन्स लिग नकआउट चरण प्ले अफको दोस्रो लेगमा इन्टर मिलानलाई २–१ ले हराउँदै प्रतियोगिता अन्तिम १६ मा प्रवेश गरेको छ । यो जितपछि नर्वेली क्लबलाई समग्रमा ५–२ को अग्रता लिएको हो । <img src="https://app.nepalsportz.com/media/django-summernote/2026-02-25/acca8dff-43e8-417b-8f96-43b48d8cc6d1.jpeg" style="width: 698px;"> यो नतिजालाई युरोपेली च्याम्पियन्स लिगको आधुनिक इतिहासकै सबैभन्दा स्तब्धपूर्ण र अविश्वसनीय नतिजा मानिएको छ । सानसिरोमा भएको खेलमा बोडोका लागि जेन्स पिटर हग र हाकोन इभजेनले एक एक गोल गरे । इन्टरका तर्फबाट एलेसान्ड्रो बास्टोनीले एक गोल फर्काए । तीनै गोल दोस्रो हाफमा भएका हुन् । एटलेटिको म्याड्रिड, न्युकासल युनाइटेड र बायर लेभरकुजन पनि अन्तिम १६ पुगेका छन् । <img src="https://app.nepalsportz.com/media/django-summernote/2026-02-25/947fe967-4c08-42ff-90ca-934723382dc1.jpeg" style="width: 698px;"> यसका लागि एटलेटिकोले क्लब ब्रुगलाई ४–१ र न्युकासलले कोराबागलाई ३–२ ले हरायो । त्यस क्रममा एटलेटिकोले समग्रमा ७–४ र न्युकासलले समग्रमा ९–३ को अग्रता लिएको हो । लेभरकुजनले भने ओलम्पियाकोजसँग गोलरहित बराबरी खेल्यो र २–० ले अगाडि रह्यो ।

बोडो, एटलेटिको, न्युकासल र लेभरकुजन अन्तिम १६ मा

काठमाडौं । एन्फा राष्ट्रिय लिगमा चर्च ब्वाइज युनाइटेडले विभागीय टोली त्रिभुवन आर्मी क्लबमाथि जित दर्ता गरेको छ।&nbsp; सातदोबाटोस्थित एन्फा कम्प्लेक्समा चर्च ब्वाइजले आर्मीविरुद्ध २–१ को संघर्षपूर्ण जित हासिल गरेको हो।&nbsp; जितसँगै ६ खेलमा १३ अंक जोड्दै चर्च ब्वाइज अंकतालिकाको छैटौं स्थानमा उक्लिएको छ। आर्मीको यो दोस्रो हार हो। समान खेलमा ११ अंक जोड्दै आर्मी सातौं स्थानमा छ। चर्च ब्वाइजको जितमा अबायोमी फाकुन्ले र रोहन कार्कीले गोल गरे। आर्मीका नवयुग श्रेष्ठले गरेको गोल सान्त्वना बन्यो। दिनको दोस्रो खेलमा फ्रेन्ड्स क्लब र चित्लाङ एफसी गोलरहित बराबरीमा रोकिएका छन्।

आर्मीविरुद्ध चर्च ब्वाइजको जित, फ्रेन्ड्स र चित्लाङ रोकिए

काठमाडौं। सहिद स्मारक एन्फा महिला लिग चैत पहिलो सातादेखि सुरु हुने भएको छ। अखिल नेपाल फुटबल संघ (एन्फा) ले मंगलबार लिग ४ चैतदेखि हुने जनाएको हो। एन्फा कम्प्लेक्स सातदोबाटोमा सहभागी क्लबहरूसँग भएको छलफलपछि लिगको मिति तय गरिएको एन्फाले जनाएको छ। प्रतियोगितामा सहभागी हुने क्लबहरूले खेलाडी दर्ता फागुन २९ भित्र गर्नु पर्ने सहमति पनि भएको छ।

महिला लिग चैत पहिलो सातादेखि

काठमाडौं। नेपाली राष्ट्रिय महिला फुटबल टोलीकी कप्तान सावित्रा भण्डारी ‘साम्बा’ ले आफ्नो उपचारका लागि रकम पुगिसकेको बताएकी छन्। मंगलबार सामाजिक सञ्जालमार्फत उनले उपचारका लागि पाएको अपार साथ, विश्वास र आर्थिक सहयोगप्रति आभार व्यक्त गर्दै अब सहयोग रकम रोकिदिन आग्रह गरेकी हुन्। उनले पछिल्लो २४ घन्टामा पाएको माया र समर्थनलाई शब्दमा व्यक्त गर्न नसकिने बताएकी छन्। साम्बाका अनुसार नेपाली बैंक खातामा एक करोड रुपैयाँभन्दा बढी र विदेशी प्लेटफर्ममा करिब ४५ लाख रुपैयाँ ९५२ हजार न्युजिल्यान्ड डलर० संकलन भएको छ। ‘विभिन्न संघ–संस्था तथा प्रायोजकहरूले नगद र सुविधा सहयोगको वाचा गर्नुभएको छ। कतारमा उपचारका क्रममा आवास र यातायात व्यवस्थापनका लागि पनि सहयोग सुनिश्चित भइसकेको छ। त्यसैले आजैदेखि दुवै खातामा सहयोग रकम जम्मा गर्न रोकिदिन आग्रह गर्छु,’ उनले भनेकी छन्।

उपचारका लागि पर्याप्त सहयोग जुट्यो, थप रकम नपठाउन साम्बाको आग्रह

म्यानचेस्टर युनाइटेडले इंग्लिस प्रिमियर लिगमा सोमबार एभरटनलाई १–० ले पराजित गरेको छ र यससँगै उसको अर्को सिजन युरोपेली च्याम्पियन्स लिग खेल्ने सपना बलियो भएको छ । खेलको एक मात्र गोल सब्टिच्युट खेलाडी बेन्जामिन सेस्कोले गरे । उनले ७१ औं मिनेटमा निर्णायक गोल गरेका हुन् । युनाइटेडको २७ खेलबाट ४८ अंक भएको छ र चौथो स्थानमा रह्यो । युनाइटेडलाई पाँचौं स्थानमा रहेको चेल्सीमाथि ३ अंकको अग्रता प्राप्त भएको छ । लिभरपुल पनि ४५ अंकमा छैटौंमा रहेको छ । यस्तो चौथो स्थानका लागि त्रिकोणात्मक होड पनि चल्ने भएको छ । पछिल्लो समय लय समाउन संघर्षरत एभरटन ३७ अंकमा नवौं स्थानमा रहेको छ ।

युनाइटेड च्याम्पियन्स लिगको सपना बुन्दै

काठमाडौं। पापा ईबु केबेको शानदार ह्याट्रिकसँगै प्लानिङ ब्वाइज युनाइटेडले संकटा फुटबल क्लबमाथि सहज जित दर्ता गरेको छ। सातदोबाटोस्थिति एन्फा कम्प्लेक्समा सोमबार सम्पन्न दिनेको दोस्रो खेलमा प्लानिङले ४–० ले जित निकालेको हो। लिगमा प्लानिङको पाँचौं जित हो। यो जितसँगै ७ खेल खेलेको प्लानिङले १६ अंक जोडेको छ। संकटाको भने तेस्रो हार हो। समान खेलबाट संकटाको ६ अंक छ।&nbsp; खेलको १९औं मिनेटमा प्रतापसिंह राईको पासमा ईबु केबेले गोल गर्दै प्लानिङ ब्वाइजलाई सुरूआती अग्रता दिलाए। त्यस्तै ३०औं मिनेटमा रोमन भुजेलको पासमा श्यामु मुर्मुले उत्कृष्ट गोल गर्दै प्लानिङ ब्वाइजको अग्रता दोब्बर बनायो।&nbsp; ८०औं मिनेटमा ईबु केबेले व्यक्तिगत दोस्रो गोल गर्दै प्लानिङलाई ३–० को स्थिति ल्याए। खेलको अन्तिम मिनेटमा ईबु केबेले प्लानिङ ब्वाइजका लागि पुनस् गोल गर्दै ह्याट्रिक पूरा गरे।

ईबु केबेको ह्याट्रिक संकटामाथि प्लानिङको जित

काठमाडौं । महिला डिजिटल सशक्तिकरणको लागि फागुन ३० गते स्टार क्रिकेट आयोजना हुने भएको छ &nbsp;। आयोजक आइडिया पिक्सेलको सहायक कम्पनी आइडिया स्पोट्र्सले सोमबार होटल अलफ्टमा पत्रकार सम्मेलन गर्दै स्टार क्रिकेट सिजन –२ को मिति तय गरेको हो ।&nbsp; एक दिने क्रिकेट प्रतियोगिता काठमाडौंको मुलपानी मैदानमा आयोजना हुनेछ । जुन खेलमा सर्वसाधारणलाई निशुल्क प्रवेश गराइनेछ ।&nbsp; स्टार क्रिकेट सिजन–२ कर्पोरेट सामाजिक उत्तरदायित्व (सिएसआर) अन्तर्गत रहेको आयोजकले जनाएको छ । आयोजक समितिका संस्थापक पवन राज जोशीले पहिलो संस्करण भव्य सफल भएपछि दोस्रो संस्करण गर्न तयार भएको बताए । ‘पहिलो संस्करण भव्यरुपमा सफल भएपछि दोस्रो संस्करण गर्न तयार भएका &nbsp;हौं,’ उनले भने, ‘दोस्रो संस्करणले क्रिकेटको माध्यमबाट चलचित्र क्षेत्रका कलाकार, खेलाडी, मिडिया व्यक्तित्व, कर्पोरेट प्रोफेशनलहरू तथा डिजिटल क्रिएटरहरू सबै एकै मैदानमा उत्रिएर &nbsp;क्रिकेट खेललाई अगाडी बढाउन प्रोत्साहन हुने तथा पर्यटन प्रवद्र्धनमा समेत टेवा पुग्ने &nbsp;विश्वास गरेका छौं । हामी क्रिकेटलाई मनोरञ्जन, व्यवसाय र सामाजिक उत्तरदायित्वसँग जोड्ने प्रयास गर्दछौं।’ पत्रकार सम्मेलनमा आइडिया स्पोट्र्सका संयोजक जोशी र शृष्टि फाउन्डेसनकी अध्यक्ष शृष्टि मदन कार्कीबीच सम्झौता भयो । कार्यक्रममा नेपाल राष्ट्रिय फुटबल टोलीका पूर्व कप्तान अनिल गुरुङ पनि सहभागी थिए । &nbsp; प्रतियोगिताको लागि आयोजकले श्रृष्टि फाउन्डेसनसँग पनि सहकार्य गरेको छ । &nbsp;प्रतियोगिताबाट ग्रामीण नेपालका महिलाहरु सूचना प्रविधिमा शिक्षित, सशक्तिकरण र प्रोत्साहित हुने आशा गरिएको छ ।&nbsp; टी–१० फम्र्याटमा &nbsp;आयोजना हुने प्रतियोगितामा ८ टिम सहभागी हुनेछन् । सहभागी टिमलाई २ समूहमा विभाजन गरिनेछ । त्यसपछि सेमिफाइनल र फाइनल खेल हुने आयोजक आइडिया स्पोट्र्सले जनाएको छ ।&nbsp; हरेक टिममा नेपाली सेलिब्रेटी, सामाजिक सञ्जालमा प्रभाव जमाएका व्यक्तित्व, मिडियाकर्मी, राष्ट्रिय खेलाडी तथा क्रिकेटर समावेश हुने छन् &nbsp;।

फागुण अन्तिम साता स्टार क्रिकेट आयोजना हुने

काठमाडौं। अखिल नेपाल फुटबल संघले नेपाली राष्ट्रिय महिला फुटबल टोलीकी कप्तान सावित्रा भण्डारी (साम्बा) को उपचारका लागि आवश्यक समन्वय तथा सहजीकरण प्रक्रिया अगाडि बढाएको जनाएको छ। संघले जारी गरेको प्रेस विज्ञप्तिअनुसार खेलका क्रममा घुँडामा चोट लागेपछि हाल अस्ट्रेलियाको व्यावसायिक क्लब वेलेङ्टन फिनिक्स एफसीबाट खेलिरहेकी भण्डारीको उपचार प्रक्रियालाई सहज बनाउन पहल गरिएको हो। व्यावसायिक खेलमा खेलाडी घाइते भएमा सम्बन्धित क्लबले उपचारको जिम्मेवारी लिने अन्तर्राष्ट्रिय प्रचलन रहे पनि संघले आवश्यक समन्वयका लागि निरन्तर पहल गरिरहेको जनाएको छ। <img src="https://app.nepalsportz.com/media/django-summernote/2026-02-23/976b2cca-952f-4ca4-8fc1-8de4c709e93e.jpeg" style="width: 698px;"> संघका अनुसार भण्डारीको उपचारका विषयमा सम्बन्धित क्लब तथा कतार फुटबल संघसँग औपचारिक र अनौपचारिक दुवै माध्यमबाट संवाद भइरहेको छ। साथै परराष्ट्र मन्त्रालयमार्फत आवश्यक कूटनीतिक सहजीकरणका लागि समेत पत्राचार गरिएको जानकारी गराइएको छ। यसै सन्दर्भमा संघले परराष्ट्र मन्त्रालयलाई पत्र लेख्दै कतारमा स्वास्थ्य उपचार तथा शल्यक्रिया प्रक्रिया सम्पन्न गर्न आवश्यक सहजीकरण गरिदिन अनुरोध गरेको छ। संघले यसअघि राष्ट्रिय महिला टोलीका खेलाडीहरू— गिता राना, हिरा कुमारी भुजेल, पुनम घर्ति मगर, रेणुका नगरकोटी लगायतका खेलाडीहरूको उपचार खर्च व्यहोरेको उल्लेख गर्दै राष्ट्रिय टोलीप्रति आफ्नो दायित्वबाट पछि नहट्ने स्पष्ट पारेको छ। राष्ट्रिय टोलीकी कप्तान भण्डारीप्रति सम्पूर्ण फुटबल परिवार एकजुट रहेको र उनलाई यथाशीघ्र मैदानमा फर्काउने लक्ष्यसहित आवश्यक सम्पूर्ण पहल जारी रहने संघले जनाएको छ।

एन्फाद्वारा साम्बाको उपचारमा सहजीकरणका लागि पहल

काठमाडौँ। विश्व फुटबलको सर्वोच निकाले फिफाले सिरिज २०२६ को आधिकारिक खेल तालिका सार्वजनिक गरेको छ। मार्च र अप्रिल २०२६ को अन्तर्राष्ट्रिय खेल समयावधिमा सञ्चालन हुने प्रतियोगितामा नेपाली राष्ट्रिय महिला फुटबल टोलीले सहभागिता जनाउने भएको हो। नेपालले आफ्नो पहिलो खेल १२ अप्रिलमा कंगोसँग खेल्नेछ। नेपाल रहेको समूहमा कंगो, थाइल्यान्ड र अफिसियल टोली सहभागी छन्। समूहका सबै खेलहरू थाइल्यान्डको रत्चाबुरी स्टेडियम मा आयोजना हुनेछन्। नेपाल पहिलो खेलमा विजयी भए थाइल्यान्ड र अफिसियल टोलीबीचको खेलको विजेतासँग १५ अप्रिलमा प्रतिस्पर्धा गर्नेछ। पराजित भए सोही खेलको पराजित टोलीसँग खेल्ने तालिका छ। यस संस्करणमा पुरुष र महिला गरी ४८ राष्ट्रिय टोली सहभागी हुनेछन्। ती टोलीहरू १२ समूहमा विभाजित छन्। प्रतियोगिता ११ सदस्य राष्ट्रले आयोजना गर्नेछन् भने सबै ६ महादेशीय महासंघका टोलीको प्रतिनिधित्व रहनेछ।<img src="https://app.nepalsportz.com/media/django-summernote/2026-02-23/160875db-23da-43c9-a3ed-b169a980bb34.jpeg" style="width: 698px;"> फिफा सिरिजको उद्देश्य फरक–फरक महादेशका टोलीबीच मैत्रीपूर्ण अन्तर्राष्ट्रिय खेलमार्फत प्रतिस्पर्धात्मक अवसर सिर्जना गर्नु हो। सन् २०२४ मा सफल परीक्षण संस्करणपछि २०२६ मा यसको दायरा विस्तार गरिएको हो। समूहका खेलहरू सेमिफाइनल र फाइनल ढाँचामा वा पूर्वनिर्धारित तालिकाअनुसार सञ्चालन हुनेछन्। बराबरीमा सकिएमा अतिरिक्त समय नराखी सोझै पेनाल्टी प्रहारमार्फत नतिजा टुंग्याइनेछ। प्रत्येक समूहबाट एक टोली समूह विजेता घोषित हुनेछ।

फिफा सिरिज २०२६ : नेपालले १२ अप्रिलमा कंगोसँग खेल्ने

काठमाडौँ। राष्ट्रिय महिला फुटबल टोलीकी कप्तान सावित्रा भण्डारी (साम्बा) ले घुँडाको जटिल शल्यक्रियाका लागि आर्थिक सहयोगको अपिल गरेकी छन्। पछिल्ला सात हप्तादेखि चोटका कारण मैदानबाहिर रहेकी उनले यसअघि गरिएको एसीएलको शल्यक्रियाबाट राखिएको ग्राफ्ट र एमसिएल दुवैमा गम्भीर समस्या देखिएको जानकारी दिएकी छन्। चिकित्सकले पुनः जटिल शल्यक्रिया गर्नुपर्ने सुझाव दिएका छन्। उनका अनुसार अघिल्लो पटक अखिल नेपाल फुटबल संघको पहलमा उपचार व्यवस्थापन भएको थियो। तर यसपटक संघबाट सहयोग नपाएको उनले उल्लेख गरेकी छन्। संघ नेतृत्वले नगद पाँच लाख रुपैयाँसम्म सहयोग गर्ने बताएको तर उपचार प्रक्रिया अघि बढ्न नसकेको उनको भनाइ छ। हाल उनी आबद्ध क्लबले न्युजिल्यान्डमै उपचार गराउन तयारी देखाएको भए पनि उनले यसअघि उच्चस्तरीय उपचार गराएको कतारस्थित अस्पतालमै पुनः शल्यक्रिया गराउने इच्छा व्यक्त गरेकी छन्। बीमा बापत प्राप्त रकम अपुग हुने भएकाले करिब ८० हजार अमेरिकी डलर खर्च अनुमान गरिएको उनले जनाएकी छन्। विदेशमा रहेकाले सरकारी प्रक्रियाबाट सहयोग जुटाउने प्रयास पनि भएको तर अपेक्षित रूपमा अघि नबढेको उनको भनाइ छ। उनले आफूले सधैं देशका लागि शतप्रतिशत योगदान दिएको स्मरण गर्दै पुनः राष्ट्रिय टोलीको जर्सी लगाएर मैदान फर्कने अठोट व्यक्त गरेकी छन्। उपचारका लागि नेपाल तथा विदेशमा रहेका समर्थकलाई बैंक, क्यूआर तथा अनलाइन माध्यमबाट सहयोग गर्न उनले आग्रह गरेकी छन्। “थाकेकी छु, हारेकी छैन। फेरि नेपालको जर्सीमा मैदान फर्कनेछु,” उनले भावुक सन्देश दिएकी छन्।

घुँडाको शल्यक्रियाका लागि  ‘साम्बा’द्वारा सहयोग अपिल

काठमाडौं। विभागीय टोली नेपाल पुलिस क्लब जावलाखेलसँग पराजित भएको छ। सातदोबाटोस्थित एन्फा कम्प्लेक्समा सोमबार सम्पन्न राष्ट्रिय लिग अन्तर्गतको खेलमा जावलाखेल युथ क्लब ले पुलिसलाई ३–० ले हराएको हो। जारी लिगमा जावलाखेलको यो तेस्रो जित हो। यो जितसँगै ६ खेल खेलेको जावलाखेलले ९ अंक जोडेर तालिकाको आठौं स्थानमा उक्लिएको छ। पुलिसको भने यो चौथो हार हो। समान खेलबाट पुलिसको ४ अंक छ। खेलको १८औं मिनेटमा निकोलस ओडाने ह्यामिल्टनको गोलमा जावलाखेलले अग्रता लिएको थियो। त्यसको आठ मिनेटपछि युवराज ढकालले गोल गर्दै जावलाखेलको अग्रता दोब्बर बनाए। ७४औं मिनेटमा जावलाखेलका अनिल रानामगरले पुलिसका धीरेन्द्रबहादुर शाहलाई पेनाल्टी बक्सभित्र लडाएपछि पुलिसले पेनाल्टी पाएको थियो। तर, उक्त अवसरको सदुपयोग गर्न सकेन। पुलिसका कप्तान भारत शाहले प्रहार गरेको पेनाल्टी क्रसबार हुँदै बाहिरिएको थियो। ७८औं मिनेटमा विकास दर्लामी मगरले उत्कृष्ट गोल गर्दै जावलाखेललाई ३–० को जित दिलाए

जावलाखेलसँग पुलिस पराजित

इटालीको सिरी ए मा उपाधि होडमा रहेका एसी मिलान र नेपोली दुवै आइतबार पराजित भएका छन् । यसले शीर्ष स्थानमा रहेको इन्टर मिलानलाई ठूलो राहत मिल्नेछ । पार्माले सानसिरोमा भएको खेलमा मिलानलाई १–० ले हराएको हो । त्यसमा मारिएनो ट्रोलोले एक मात्र गोल गरे । यस्तै एटलान्टाले नेपोलीलाई २–१ ले पराजित गरेको हो ।<img src="https://app.nepalsportz.com/media/django-summernote/2026-02-23/c0f77d3a-3dab-4cb6-a79c-b20aa63e751a.jpeg" style="width: 698px;"> त्यसमा भने लाजर समारडिजिचले गरेको गोल निर्णायक सावित भयो । यी नतिजापछि इन्टर ६४ अंकमा शीर्ष स्थानमा रह्यो । उसको पछाडि मिलान ५४ अंकमा दोस्रो तथा नेपोली ५० अंकमा तेस्रो स्थानमा रह्यो । एएस रोमा ५० अंकमै चौथो स्थानमा छ ।

मिलान र नेपोली  दुवै  पराजित

स्पेनी ला लिगामा आइतबार बार्सिलोनाले फेरि रियल म्याड्रिडलाई उछिनेको छ । उसले क्याम्प नुमा भएको खेलमा लेभान्टेलाई सजिलै ३–० ले पन्छायो र अघिल्लो दिन रियलको हारको पूरा फाइदा लियो । यो जितपछि बार्सिलोनाको ६१ अंक भएको छ । रियल भने झिनो दूरीमा ६० अंकमा दोस्रो स्थानमा रह्यो । क्याम्प नुमा भएको खेलमा बार्सिलोनाका लागि मार्क बेरनल, फ्रेन्क डे जोङ र फेरमिन लोपेजले एक एक गोल गरे । अर्को प्रमुख खेलमा भिल्लारियलले भ्यालेन्सियालाई २–१ ले हराएर तेस्रो स्थानमा आफ्नो पकड बलियो बनायो । उसको ५१ अंक भएको छ । एटलेटिको म्याड्रिड भने ४८ अंकमा चौथो स्थानमा छ । यस्तै सेभियाले गेटाफेलाई १–० र सेल्टा भिगोले रियल मार्लोकालाई २–० ले हरायो ।

रियललाई उछिनेर बार्सिलोना अगाडि

आर्सनलले उत्तरी लन्डन डर्बीमा आइतबार टोटनहममाथि प्रभावशाली ४–१ को जित रच्दै इंग्लिस प्रिमियर लिगको शीर्षमा ५ अंकको अग्रता लिएको छ । यो जितपछि आर्सनलको ६१ अंक भएको हो । उसको पछाडि म्यानचेस्टर सिटी ५६ अंकमा दोस्रोमा रहेको छ । टोटनहममाथि हाबी रहने क्रममा आर्सनलका लागि इबेरची इजी र भिक्टर ग्योकेरेसले दुई दुई गोल गरे । टोटनहमका लागि रान्डल कोलो मुनीले एक गोल फर्काए, तर त्यो सान्त्वना गोल भन्दा बढी केही सावित भएन् । अको महत्त्वपूर्ण खेलमा लिभरपुलले नटिंघम फरेस्टलाई १–० ले हरायो र आफ्नो शीर्ष चारको सम्भावनालाई कायम राख्यो । लिभरपुल ४५ अंकमा छैटौं स्थानमा छ । यस्तै क्रिस्टल प्यालेसले उल्भ्सलाई १–० ले हरायो ।

टोटनहममाथि आर्सनल हाबी

काठमाडौं। अखिल नेपाल फुटबल संघ ९एन्फा० को आयोजनामा जारी राष्ट्रिय लिगअन्तर्गत आइतबार सम्पन्न खेलमा विभागीय टोली एपीएफ क्लबले नव जनजागृति युवा क्लबमाथि सहज जित निकालेको छ। सातदोबाटोस्थित एन्फा कम्प्लेक्समा भएको खेलमा एपीएफले जनजागृतिलाई ४–१ ले पराजित गर्‍यो। योसँगै जनजागृतिको लिगमा लगातार छैटौं हार भएको छ भने एपीएफले पाँचौं जित दर्ता गरेको छ। जितसँगै एपीएफले ६ खेलबाट १६ अंक जोडेको छ। जनजागृति भने अंकविहीन रहँदै तालिकाको पुछारमा छ। एपीएफले सुरुआतदेखि नै आक्रमक खेल प्रस्तुत गरेको थियो। खेलको २९औं मिनेटमा निश्चल थापाले गोल गर्दै जनजागृतिलाई अप्रत्याशित अग्रता दिलाए। यद्यपि त्यो अग्रता धेरै बेर टिक्न सकेन। पहिलो हाफको अन्त्यतिर ४३औं मिनेटमा एपीएफका कप्तान हरि कार्कीले उत्कृष्ट गोल गर्दै खेल १–१ को बराबरीमा ल्याए। <img src="https://app.nepalsportz.com/media/django-summernote/2026-02-22/74b0d90e-333e-430b-be98-304a7b14187a.jpeg" style="width: 698px;"> दोस्रो हाफ सुरु भएको एक मिनेटमै, ४६औं मिनेटमा युवराज थापाले गोल गर्दै एपीएफलाई २–१ को अग्रता दिलाए। त्यसपछि ५९औं मिनेटमा समिराज थोकरले गोल थपेपछि एपीएफ ३–१ ले अघि बढ्यो। तीन मिनेटपछि अनिश घर्ती क्षेत्रीले गोल गर्दै एपीएफको जित सुनिश्चित गरे। यसैगरी, दोस्रो खेलमा मनाङ मर्स्याङदी क्लब र न्यू रोड टिम (एनआरटी) बीचको गोलरहित बराबरीमा सकिँदा दुवै टोलीले एक–एक अंक बाँडेका छन्।

जनजागृतिमाथि एपीएफको सहज जित, मनाङ र एनआरटी बराबरीमा रोकिए

काठमाडौं । अभिक शाह र अनिश प्रसाइँको टिम सान्टा जेभियरले दोस्रो हिमालयन डुओ चेसको उपाधि जितेको छ । भक्तपुरस्थित रिडर्स हव, कौशलटारमा शनिबार सम्पन्न प्रतियोगिताको फाइनलमा ईलाम हाइटलाई पराजित गर्दै सफलता हात पारेको हो । ‘बगहाउस फम्र्याट’ मा सञ्चालित प्रतियोगिता पाँच चरणमा लिगका शीर्ष चार टिमले उपाधि होडमा सेमिफाइनलमा प्रतिस्पर्धा गर्ने अवसर पाएका थिए । लिगमा १९४८ रेटेड अभिक नेतृत्वको सान्टा जेभियरले शतप्रतिशत जितसहित शीर्षस्थान हासिल गर्यो । निहाना श्रेष्ठ र रिदम थापाको टिम मार्भलस चार जितसहित दोस्रो भयो । सुरेन्द्रकुमार राई र रवीन्द्र श्रेष्ठको टिम ईलाम हाइट तेस्रोमा रह्यो । बराबरी अंकपछि त्रियोग हाईस्कुललाई प्ले–अफमा हराएर प्याट्रियटिक पनले पनि शीर्ष चारमा स्थान बनायो । तर, प्रवीर केसी र पर्ल श्रेष्ठसम्मिलित प्याट्रियटिक पनलाई सेमिफाइनलमा रोक्दै सान्टा जेभियर फाइनल पुगेको थियो । अर्को सेमिफाइनलमा होटल ईलाम हाइटले टिम मार्भलसलाई पराजित गरेको थियो । हिमालयन चेस एकेडेमीद्वारा आयोजित एकदिने प्रतियोगितामा प्रत्येक टिममा फिडे रेटेड एक खेलाडीलाई मात्रै समावेश गरिएको थियो । परिवारका सदस्य, साथी, स्कुलका विद्यार्थी, छिमेकीलाई टिम निर्माणमा संलग्न गरिएको प्रतियोगिताको विजेता सान्टा जेभियरले सात हजार रुपिया, ट्रफी र मेडल हात पारे । उपविजेता होटल ईलाम हाइटले पाँच हजार र मेडल तथा तेस्रो भएको टिम मार्भलसले तीन हजार र मेडल प्राप्त गरे । विजेता खेलाडीहरूलाई बेथानचोक गाउँपालिकाका अध्यक्ष भगवान अधिकारी र अन्टरप्रेनर अनुप आचार्यले पुरस्कार प्रदान गरेका थिए । हिमालयन चेस एकेडेमीको झक्तपुर शाखा रहेको योङ लर्नस् (रिडर्स हवसँगै रहेको) मा आयोजित प्रतियोगितामा १२ टिम सहभागि थिए । योसँगै २०८० साल चैत १ गते औपचारिक उद्घाटनसँगै व्यवस्थित रुपमा सञ्चालित हिमालयन चेस एकेडेमी आफैले ब्लिट्ज, र्यापिड, क्लासिकल चेस र पजल सोल्भिङ कन्टेस्ट गरी १३ प्रतियोगिता सफलतापूर्वक आयोजना गर्यो ।

Nepalsports

नेपालले हङकङसँग अन्तर्राष्ट्रिय मैत्रीपूर्ण खेल खेल्ने

📰 Recent News

Nepalsports