बोडो/गिल्म्टले मंगलबार युरोपेली च्याम्पियन्स लिग नकआउट चरण प्ले अफको दोस्रो लेगमा इन्टर मिलानलाई २–१ ले हराउँदै प्रतियोगिता अन्तिम १६ मा प्रवेश गरेको छ । यो जितपछि नर्वेली क्लबलाई समग्रमा ५–२ को अग्रता लिएको हो ।

यो नतिजालाई युरोपेली च्याम्पियन्स लिगको आधुनिक इतिहासकै सबैभन्दा स्तब्धपूर्ण र अविश्वसनीय नतिजा मानिएको छ । सानसिरोमा भएको खेलमा बोडोका लागि जेन्स पिटर हग र हाकोन इभजेनले एक एक गोल गरे ।

इन्टरका तर्फबाट एलेसान्ड्रो बास्टोनीले एक गोल फर्काए । तीनै गोल दोस्रो हाफमा भएका हुन् । एटलेटिको म्याड्रिड, न्युकासल युनाइटेड र बायर लेभरकुजन पनि अन्तिम १६ पुगेका छन् ।

यसका लागि एटलेटिकोले क्लब ब्रुगलाई ४–१ र न्युकासलले कोराबागलाई ३–२ ले हरायो । त्यस क्रममा एटलेटिकोले समग्रमा ७–४ र न्युकासलले समग्रमा ९–३ को अग्रता लिएको हो । लेभरकुजनले भने ओलम्पियाकोजसँग गोलरहित बराबरी खेल्यो र २–० ले अगाडि रह्यो ।