काठमाडौं एभरेस्ट महिला भलिबल लिग अन्तर्गत समूह चरणको अन्तिम खेलमा काठमाडौं स्पाइकरसले रोमाञ्चक जित निकाल्दै तेस्रो स्थानमा रहेर प्रतियोगिताको अन्त्य गरेको छ। त्रिपुरेश्वस्थित राष्ट्रिय खेलकुद परिषद् राखेपको कभर्ड हलमा शुक्रबार उषा भण्डारीको कप्तानीमा रहेको काठमाडौंले अरुना शाहीको कप्तानीमा रहेको लुम्बिनी लाभालाई ३–२ को सेटमा पराजित गरेको हो।&nbsp; पहिलो २३–२५ र दोस्रो सेट २४–२६ ले पराजय व्यहोरेको काठमाडौंले बाँकी तीन खेलमा २५–१७, २५–१६, १५–६ ले रोमाञ्चक जित हासिल गर्यो। जितसँगै काठमाडौंको ९ अंक पुगेको छ। पराजित लुम्बिनीको समान खेलबाट ६ अंकसहित प्रतियोगिता सकायो।

रोमाञ्चक जितसँगै काठमाडौँ तेस्रो स्थानमा

काठमाडौं। एन्फा प्रेसिडेन्ट लिग फुटबल २०८२ अन्तरगत शुक्रबार भएको खेलमा काँक्रेविहार सेमिफाइनलमा प्रवेश गरेको छ। समूह ए बाट काँक्रेविहार १० अङ्क सहित दोस्रो भयो। काक्रेबिहारले गाईघाट फुटबल क्लबलाई ५–३ ले हरायो। सेमिफाइनलमा नव जनजागृतिले चित्लाङ एफसी तथा काक्रेबिहारले लालीगुराँस एसोसिएसन क्लबसँग खेल्ने छन्।&nbsp; काँक्रेविहारका लागि अनीश घर्ती क्षेत्रीले ह्याट्रिक गरे। आशिष चापागाईँ र गणेश पुलामी मगरले थप गोल गरे। गाईघाटका पविन राईले दुई गोल गरे भने विवश श्रेष्ठले एक गोल गरे।&nbsp; २ मङ्सिरसम्म हेटौडामा आयोजना हुने लिगमा शीर्ष ४ स्थान पाउने टोली राष्ट्रिय लिगमा प्रवेश पाएका छन्। प्रेसिडेन्ट लिगको विजेता टोलीले १० लाख रुपैयाँ पुरस्कार पाउने छ। उपविजेताले ५ लाख रुपैयाँ पुरस्कार पाउने छ।

गाईघाटलाई हराउँदै काँक्रेविहार सेमिफाइनलमा

काठमाडौँ, कात्तिक २८ गते । वडा नं ४ र वडा नं १३ बिच तेस्रो प्रयागराज सिंह सुवाल स्मृति अन्तर वडा फुटसल प्रतियोगिताको उपाधि भिडन्त हुने भएको छ । वडा २३ को आयोजनामा लैनचौर फुटसल मैदानमा भइरहेको प्रतियोगिताअन्तर्गत शुक्रबार भएको सेमिफाइनलमा वडा ४ ले वडा ११ लाई सडन डेढमा ६–५ र पराजित गर्यो । निर्धारीत समयको खेल २–२ ले बराबरीमा सकिएको थियो । निर्धारीत समयमा वडा ४ का लागि दुवै गोल प्रसिद्ध थापा मगरले गरे । वडा ११ का लागि धने श्रेष्ठ र शंकर ध्वजले गोल गरेका थिए । सो खेलमा प्रसिद्ध म्यान अफ दि म्याच बने । अर्को सेमिफाइनलमा वडा १३ ले वडा ६ लाई पेनाल्टी सुटआउटमै २–१ ले पराजित गर्यो । &nbsp;निर्धारति समयको खेल १–१ ले बराबरीमा सकिएपछि निर्णय टाइब्रेकरमा भएको हो । निर्धारीत समयमा वडा १३ का लागि विकेश शाही र वडा ६ का लागि संयम घिमिरेले गोल गरेका थिए । प्रतियोगितामा विजेता टिमलाई ट्रफीसहित दुई लाख रुपियाँ प्रदान गरिनेछ । उपविजेता टिमले एक लाख रुपियाँ प्राप्त गर्नेछ । यसैगरी, विधागततर्फ उत्कृष्ट हुने सर्वश्रेष्ठ खेलाडी, सर्वाधिक गोलकर्ता र सर्वश्रेष्ठ गोलरक्षकलाई जनही दस हजार रुपियाँले पुरस्कृत गरिनेछ । पहिलो संस्करणमा वडा नं १४ र दोस्रो संस्करणमा १६ ले उपाधि जितेका थिए ।

वडा ४ र १३ बिच प्रयागराज सिंह सुवाल स्मृति फुटसलको उपाधि भिडन्त

नेपालले बंगलादेशविरुद्धको मैत्रीपूर्ण अन्तर्राष्ट्रिय खेललाई बिहीबार २–२ को बराबरीमा रोकेको छ । अनन्त तामाङले दोस्रो हाफको इन्ज्युरी समयमा उत्कृष्ट बराबरी गोल गरे । त्यस अगाडि इंग्ल्यान्डको लेस्टर सिटीका खेल्ने हाम्जा चौधरीले दोस्रो हाफमा दुई गोल गरेपछि बंगलादेश अगाडि रहेको थियो । नेपालले रोहित चन्दको गोलले २९ औं मिनेटमा अग्रता लिएको थियो । नेपालका लागि यो रोहितका दोस्रो व्यक्तिगत गोल मात्रै हो । हाम्जाले दोस्रो हाफ सुरु हुने वित्तिकै चार मिनेटको अन्तरमा दुई गोल गरे । उनले ४६ औं मिनेटमा ‘ओभर हेड बाइसाइकल किक’ को मदतले सुन्दर र उच्च दर्जाको गोल गरे । हाम्जाले ५० औं मिनेटमा पेनल्टीबाट दोस्रो गोल थपे । रोहितले यसअघि सन् २०२४ मा अफगानिस्तानविरुद्ध अन्तर्राष्ट्रिय मैत्रीपूर्ण खेलमा पहिलो गोल गरेका थिए । यस खेलबाट हरि खड्काले प्रशिक्षकका रूपमा नेपालका लागि डेब्यु गरेका छन् ।

बंगलादेशसँग नेपालको बराबरी

काठमाडौँ, कात्तिक २७ गते । वडा नं ४, वडा नं ११, वडा नं १३ र वडा नं १४ प्रयागराज सिंह सुवाल स्मृति अन्तर वडा फुटसल प्रतियोगिताको सेमिफाइनलमा पुगेका छन् । वडा २३ को आयोजनामा लैनचौर फुटसल मैदानमा भइरकेको प्रतियोगिताअन्तर्गत बिहीबार भएको पहिलो क्वाटरफाइनलमा वडा नं १३ ले वडा न. २४ लाई सजिलै ५–० ले हरायो । सो खेलमा विकेश शाहीले ह्याट्रिक गरे । अन्य गोल अभय राना र आसिस कपालीको नाममा रह्यो । तीन गोल गर्ने विकेश म्यान अफ दि म्याच घोषित भए । दोस्रो क्वाटरफाइनलमा वडा ६ ले वडा १४ लाई १–० ले पराजित गर्यो । सो खेलमा केशव भण्डारीको गोल निर्णायक बनेको हो । केशव नै म्यान अफ दि म्याच चुनिए । तेस्रो क्वाटरफाइन वडा नं ४ ले वडा नं ३ विरुद्ध कठिन १–० को जित हात पार्यो । विक्रान्त नरसिंह रानाको गोलले वडा नं ४ विजयी भएको हो । विक्रान्तले म्यान अफ दि म्याचको पुरस्कार पाए । चौथो तथा अन्तिम क्वाटरफाइनलमा वडा ११ ले गत विजेता वडा १६ को चुनौती १–० ले नै समाप्त पार्यो । सो खेलमा म्यान अफ दि म्याच बनेका विराज महर्जनले गोल गरेका थिए । शुक्रबार पहिलो सेमिफाइनल वडा १३ र वडा १४ बिच बिहान ८ बजे र दोस्रो सेमिफाइनल वडा ४ र वडा ११ बिच बिहान ९ बजे हुनेछन् । प्रतियोगिताको समापन शनिबार हुनेछ । विजेता टिमलाई ट्रफीसहित दुई लाख रुपियाँ प्रदान गरिनेछ । उपविजेता टिमले एक लाख रुपियाँ प्राप्त गर्नेछ । यसैगरी, विधागततर्फ उत्कृष्ट हुने सर्वश्रेष्ठ खेलाडी, सर्वाधिक गोलकर्ता र सर्वश्रेष्ठ गोलरक्षकलाई जनही दस हजार रुपियाँले पुरस्कृत गरिनेछ । पहिलो संस्करणमा वडा नं १४ र दोस्रो संस्करणमा १६ ले उपाधि जितेका थिए ।

प्रयागराज सिंह सुवाल स्मृति अन्तर वडा फुटसलमा सेमिफाइनलको समीकरण पूरा

काठमाडौँ। एन्फा प्रेसिडेन्ट लिग अन्तर्गत जन जागृति युवा क्बललाई हराउँदै चित्लाङ एफसी एन्फा राष्ट्रिय लिगमा छनोट भएको छ। मकवानपुरको हेटौँडास्थित गौरिटार रंगशालामा सम्पन्न समूह ‘ए’को खेलमा चित्लाङले जन जागृतिलाई २–० ले पराजित गरेको हो। चित्लाङको जितमा विज्ञान खड्का र मदन स्याङतानले गोल गरे। विज्ञानले खेलको १३औँ र मदनले ७०औँ मिनेटमा गोल गरेका हुन्। जितसँगै चित्लाङ यही पुस ९ बाट हुने भनिएको राष्ट्रिय लिगका लागि छनोट भएको छ। चित्लाङ राष्ट्रिय लिगमा छनोट हुने दोस्रो टिम हो। यसअघि लालिगुँरा एसोसिएसन छनोट भइसकेको छ। जारी प्रतियोगितामा चार खेलबाट सात अंक जोड्दै चित्लाङ दोस्रो स्थानमा उक्लिएको छ। सात अंक नै रहेको लालिगुँरास शीर्ष स्थानमा यथावत् छ। समान खेलबाट एक अंक रहेको जन जागृति पूछारमा छ। समान खेलबाट ६ अंकसहित विजय स्पोर्ट्स क्लब तेस्रो स्थानमा झरेको छ।

चित्लाङ एफसी राष्ट्रिय लिगमा छनोट

काठमाडौं। नेपालले घरेलु टोली बंगलादेशसँग अन्तर्राष्ट्रिय मैत्रीपूर्ण फुटबल खेल्दैछ। बिहिबार ढाकामा हुने खेल नेपाली समय अनुसार राति ७ः४५ बजेबाट सुरु हुनेछ। नेपाल र बंगलादेश यसअघि भदाैमा दशरथ रंगशालामा खेलेका थिए। उक्त भेट् गाेलरहित बराबरीमा सकिएकाे थियाे। दुई खेल हुने तय भएपनि जेन्जी आन्दोलनका कारण दोस्रो खेल रद्द भएको थियो। हरि खड्काको प्रशिक्षणमा रहेकाे नेपाली टिम बंगलादेशलाई उसैकाे मैदानमा हराउन चहान्छ। मुख्य म्याट रसले राजीनामा दिएपछि एन्फाले खड्कालाई प्रशिक्षक बनाएको हो। यता बंगलादेश पनि घरेलु मैदानको फाइदा उठाउँदै नेपाललाई निसार बनाउने लक्ष्यमा छ। बंगलादेशले यस खेलमा भने हम्जा चौधरीलाई खेलाउँदै छ।&nbsp;

नेपाल र बंगलादेश खेल्दै

काठमाडौं। एभरेस्ट महिला भलिबल लिगमा पोखरा निन्जार्सले पहिलो जित हासिल गरेको छ। त्रिपुरेश्वस्थित राष्ट्रिय खेलकुद परिषद् राखेपको कभर्ड हलमा बुधवार सम्पन्न दिनको दोस्रो खेलमा पोखराले ललितपुर क्विन्सलाई ३-० को सोझो सेटमा पराजित गरेको हो। पहिलो सेटमा पोखरा २५-२३, दोस्रो सेट २५-१३ ले आफ्नो पक्षमा पारेको पोखराले तेस्रो सेटमा पनि २५- ले जित्यो। जितसँगै पहिलो जित हासिल गरेको पोखराको चार खेलबाट चार अंक छ। यता समान खेलबाट ९ अंक रहेको ललितपुरले भने फाईनल प्रवेशको लागि अर्को खेल कुर्नुपर्ने भएको छ। पोखरामा भएको यसअघिका तीनै खेलमा पोखरा पराजित भएको थियो। जेनजी आन्दोलनका कारण प्रभावित भएको फ्रेन्चाइच महिला भलिबल लिग बुधबारबाट काठमाडौंमा पुन: सुचारू भएको हो ।

पोखराको पहिलो जित

काठमाडौं। साविक विजेता कर्णाली यशविस लगातार चौथो खेलमा अपराजित रहॅंदै एभरेस्ट महिला भलिबल लिग (इडब्लुभिएल) को फाइनलमा पुगेको छ। त्रिपुरेश्वस्थित राष्ट्रिय खेलकुद परिषद् (राखेप) को कभर्डहलमा बुधबार सम्पन्न खेलमा कर्णालीले मधेशमाथि २५-१५, २५-१२ र २५-१७ ले सहज जित निकाल्यो र चौथो खेलमा पनि अपराजित यात्रा कायमै राखेको हो। जेनजी आन्दोलनका कारण प्रभावित भएको फ्रेन्चाइच महिला भलिबल लिग बुधबारबाट काठमाडौंमा सुचारू भएको हो।&nbsp; यसअघि पोखरामा लिग भए पनि आन्दोलनपछि आयोजक इनफिनिटी ड्रिम्स प्रालीले आयोजना काठमाडौंमा सार्ने निर्णय गरेको थियो।&nbsp; विदेशी खेलाडीबिना नै सुचारू भएको लिगमा पनि कर्णालीले आफ्नो लय जारी राख्दै जित निकाल्यो र फाइनलमा पनि पुग्यो। सुमित्रा रेग्मीको कप्तानीमा रहेको कर्णालीले निरूता ठगुन्नाको कप्तानीमा रहेको मधेश युनाइटेडमाथि ३-० सोझो सेटमा सहज जित निकाल्यो।&nbsp; ६ वटा फ्रेन्चाइज टोली रहेको लिगमा कर्णालीले चार खेलबाट १२ अंक बटुल्यो।

चौथो खेलमा अपराजित रहँदै कर्णाली फाइनलमा

काठमाडौँ, कात्तिक २६ गते । गत विजेता वडा १६ ले वडा २० लाई ३–० ले हराएर प्रयागराज सिंह सुवाल स्मृति अन्तर वडा फुटसल प्रतियोगितामको क्वाटरफाइनलमा स्थान बनाएको छ । सोही दिन वडा ११, वडा ४, वडा ३ पनि आआफ्नो खेल जितेर अन्तिम आठमा पुगे । वडा २३ को आयोजनामा लैनचौर फुटसल मैदानमा भइसकेको प्रतियोगिताअन्तर्गत बुधबार वडा १६ ले वडा २० लाई ३–० ले हरायो । सो खेलमा सुबिल श्रेष्ठले ह्याट्रिक गरे । सुबिल नै म्यान अफ दि म्याच घोषित भए । यसैगरी वडा ११ ले वडा ५ लाई ३–१ ले पराजित गर्यो । विजयी टिमका लागि विराज महर्जनले दुई तथा शंख आलेले एक गोल गरे । विराज म्यान अफ दि म्याच चुनिए । वडा ४ ले क्वाटरफाइनलमा स्थान बनाउन वडा ८ लाई २–० ले निराश पार्यो । वडा ४ का लागि प्रसिद्ध मगर र म्यान अफ दि म्याच सुविन थापा मगरले गोल गरे । यसैगरी वडा ३ ले वडा २६ को चुनौती ३–२ ले पन्छायो । वडा ३ का लागि रोसिस्की शाही, अमृत र आर्यन शर्माले गोल गरे । अमृतले आत्मघाती गोल पनि गरेका थिए । वडा २६ का लागि नितेशले गोल गरे । बिहिबार पहिलो क्वाटरफाइनलमा वडा १३ ले वडा २४ को सामना गर्नेछ &nbsp;। सोही दिन वडा १४ ले वडा ६, वडा ४ ले वडा ३ तथा वडा ११ ले वडा १६ विरुद्ध प्रतिस्पर्धा गर्नेछन् ।

सुविलको ह्याट्रिकले वडा १६ क्वाटरफाइनलमा

काठमाडौं। लामो विवादपछि एन्फा, खेलाडी संघ, क्लब र युवा तथा खेलकुद मन्त्रालयबीच मंगलबार भएको छलफलले १२० दिनभित्र सहिद स्मारक ए डिभिजन लिग गर्ने सहमति गरेको छ। सम्भावित सुरुआत फागुन अन्तिम सातातिर रहनेछ। यसअघि एन्फाले लिग अर्को वर्ष सार्ने निर्णय गरेपछि खेलाडीहरूले धर्ना दिएर विरोध गरेका थिए। खेलाडी संघले ‘पहिले ए डिभिजन, पछि राष्ट्रिय लिग’ माग गर्दै राष्ट्रिय लिगको प्रस्ताव अस्वीकार गरेको थियो। एन्फा अध्यक्ष पंकज नेम्वाङले राष्ट्रिय लिग १० टिममा गर्ने तयारी भइरहेको बताए। तर खेलाडी संघका अध्यक्ष विक्रम लामाले ८८४ दिन लिग नहुँदा खेलाडी बेरोजगार भएको र राष्ट्रिय लिगमा धेरै खेलाडी वञ्चित हुने तर्क गर्दै पहिले ए डिभिजन अनिवार्य भएको बताए। मन्त्री बब्लु गुप्ताले एन्फाले स्पष्ट मिति निर्धारित गर्नैपर्ने र क्लबसँग पनि सहमतिमा लिग टुंग्याउने बताउँदै ‘अब लम्ब्याउने स्थिति छैन’ भने।

ए डिभिजन लिग १२० दिनभित्र गर्ने सहमति

पोर्चुगाली स्टार क्रिस्टियानो रोनाल्डोका लागि सन् २०२६ को विश्वकप उनको अन्तिम हुनेछ । त्यति मात्र होइन्, अबको एक दुई वर्षमा उनी आफ्नो खेल जीवनबाट नै सन्यास लिंदैछन् । भर्खरै दिएको एउटा अन्तर्वार्तामा ४० वर्षीय रोनाल्डोले दुई तथ्यको घोषणा गरेका हुन् । &nbsp;उनी अहिले नै ४० वर्षका भइसके । त्यसैले उनको सन्यास र अबको विश्वकप उनका लागि अन्तिम हुने अपेक्षित थियो । रोनाल्डोले क्लब र आफ्नो देशका लागि ९ सय ५३ गोल गरिसकेका छन् । त्यसैले सन्यास लिंदासम्म उनले आफ्नो हजार गोल पनि पूरा गरिसक्ने अपेक्षा छ । रोनाल्डोले त्यस अन्तर्वार्तामा भनेका छन्, ‘अब त म ४१ वर्ष पुग्नै लागें । त्यसैले अबको विश्वकप मेरो लागि अन्तिम हुनेछ ।’ अहिले उनी साउदी अरेबियामा अल नासरका लागि खेलिरहेका छन् । अन्तर्राष्ट्रिय फुटबलमा उनको गोल संख्या कीर्तिमान १ सय ४३ रहेको छ । म्यान्चेस्टर युनाइटेड, रियल म्याड्रिड र युभेन्ट्सका लागि पनि खेलेका रोनाल्डोले पोर्चुगलका लागि सन् २०१६ को युरो जितेका थिए । तर उनले विश्वकपमा भने कुनै ठूलो सफलता हात पारेका छैनन् ।

रोनाल्डोले अब आफ्नो अन्तिम विश्वकप खेल्ने

काठमाडौँ। एन्फा प्रेसिडेन्ट लिगमा जन जागृति युवा क्लबले विजय स्पोर्ट्स क्लबसँग एक अंक खोसेको छ।&nbsp; बागमती प्रदेशको राजधानी हेटौँडामा मंगलबार सम्पन्न खेलमा विजय र जन जागृतिले १–१ गोलको बराबरीमा रोकिएका हुन्।&nbsp; खेलमा जिततर्फ अग्रसर बनेको विजय अन्तिम समयमा सम्हालिन सकेन। ४१औँ एरोन थापाको गोलमा सुरुआती अग्रता बनाएको विजयले इन्जुरी समयको अन्तिम मिनेटमा गोल खान पुग्यो।&nbsp; जन जागृितको लागि हरिहर बुढा मागरले इन्जुरी समयको चौथो मिनेटमा गोल गर्दै एक अंक दिलाउन सफल भए।&nbsp; यो नतिजासँगै चार खेलबाट ६ अंक जोडेको विजय समूह ए को शीर्ष स्थानमा यथावत् छ। यता एक खेल कम खेलेको जन जागृितले पहिलो अंक जोडको छ। यसअघिका दुई खेलमा पराजय ब्यहोरेको जन जागृितले यो पहिलो अंक हासिल गरेको हो।

जन जागृतिलाई पहिलो अंक

काठमाडौं। काभा महिला यु–१९ भलिबल च्याम्पियनसिपमा रजत पदक विजेता नेपाली यु–१९ महिला भलिबल टीम स्वदेश फर्किएको छ।&nbsp; गत आइतबार सम्पन्न फाइनल खेलमा नेपाल किर्गिस्तनासँग ३–२ को सेटमा पराजित हुँदै उप–विजेतामा सिमित बनेको थियो।&nbsp; रजत पदक विजेता नेपाली टिम सोमबार राति स्वदेश फर्किएको हो। नेपाली टिमलाई नेपाल भलिबल संघका अध्यक्ष जितेन्द्रबहादुर चन्दलगायतका पदाधिकारीले टोलीलाई त्रिभुवन अन्तर्राष्ट्रिय विमानस्थलमा खादा र मालासहित स्वागत गरेका हुन्। श्रीलंकामा सम्पन्न प्रतियोगितामा आयोजक श्रीलंकासहित नेपाल, माल्दिभ्स र किर्गिस्तानको सहभागिता रहेको थियो। अयोजक श्रीलंका तेस्रो तथा किर्गिस्तान च्याम्पियन बनेको थियो।

रजत पदक विजेता नेपाली टोली स्वदेश फिर्ता

काठमाडौं। बंगलादेशसँगको मैत्रीपूर्ण तथा मलेसियासँगको एएफसी एसियन कप छनोटमा सहभागी हुने नेपाली राष्ट्रिय फुटबल टोलीलाई विदाई गरिएको छ। &nbsp; एन्फा कम्प्लेक्स सातदोबाटोमा सोमबार आयोजित एक कार्यक्रममाबीच खेलकुद मन्त्री बब्लु गुप्ता र एन्फा पदाधिकारीहरुले नेपाली टोलीलाई विदाई गरेका हुन्। विदाई कार्यक्रममा नेपाली पुरुष राष्ट्रिय फुटबल टोलीका कप्तान किरणकुमार लिम्बूले एएफसी एसियन कप छनोटअघि बंगलादेशसँग हुने मैत्रीपूर्ण खेल खेलाडीको फिटनेसका लागि महत्वपूर्ण हुने बताए। छोटो समयको बन्द प्रशिक्षण भएपनि दुवै खेलमा राम्रो नजिता आउने उनले विश्वास व्यक्त गरे। त्यस्तै ए डिभिजन लिगको माग गर्दै राष्ट्रिय खेलाडीहरु विरोधमा उत्रनुपर्ने अवस्था नेपाली फुटबलका लागि उचित नभएकाले सरोकारवाला सवैले यसमा ध्यान दिनुपर्ने धारणासमेत राखेका थिए। नेपालले नोभेम्बर १३ मा बंगलादेशसँग मैत्रीपूर्ण खेल खेल्नेछ भने त्यसपछि नोभेम्बर १८ मा एएफसी एसियन कप क्वालिफायरअन्तर्गत मलेसियाविरुद्ध प्रतिस्पर्धा गर्नेछ।

नेपाली फुटबल टोलीको विदाई

काठमाडौं। झापा महिला गोल्डकपको उपाधि नेपाल पुलिस क्लबले जितेको छ। शिवसताक्षीस्थित दूधे रङशालामा साेमबार सम्पन्न प्रतिस्पर्धी खेलमा विभागीय टोली एपिएफ फुटबल क्लबलाई १–० गोलले पराजित गर्दै नेपालले उपाधि कब्जा गरेको हो।&nbsp; उपाधिसँगै पुलिस क्लबले नगद रु १० लाख १० हजार, मेडल र ट्रफी प्राप्त गरेको छ भने उपविजयी एपिएफ फुटबल क्लबले नगद रु पाँच लाख प्राप्त गरेको छ। प्रतियोगिताको सर्वोत्कृष्ट खेलाडी र सर्वाधिक गोलकर्ताको उपाधि पुलिस क्लबकी मीना देउवाले हात पारेकी छन्। उनले प्रतियोगिता अवधिभर सात गोल गर्दै टप स्कोरर बनेर रु २५ हजार र सर्वोत्कृष्ट खेलाडी बन्दै रु एक लाख ५० हजार प्राप्त गरिन्। प्लेयर अफ द म्याचको उपाधि पुलिस क्लबकी पूजा रानाले जितेकी छन्। यसैगरी, उत्कृष्ट गोलकिपर उषा नाथ (पुलिस क्लब), उत्कृष्ट डिफेन्डर मनमाया दमाई (एपिएफ क्लब), उत्कृष्ट मिडफिल्डर रेनुका नगरकोटी (एपिएफ क्लब), उत्कृष्ट फरवार्ड अनिता बस्नेत (एपिएफ क्लब), उत्कृष्ट प्रशिक्षक भोला सिलवाल (पुलिस क्लब) र उदीयमान खेलाडी जेनिफर राना मगर (त्रिभुवन आर्मी क्लब) बनेकी छन्। उत्कृष्ट विजेताहरुले जनही रु २५ हजार प्राप्त गरे। विजेता तथा उपविजेता टोलीलाई गोल्डकपका अध्यक्ष सन्तोष थोप्रा, प्रमुख अतिथि शिवसताक्षी नगरपालिकाका नगरप्रमुख मेगाहाङ थोप्रा, झापा गोल्डकपका अध्यक्ष केदार गिरी, अन्तरराष्ट्रिय झापाली समाजकी उपाध्यक्ष सीता पाण्डेलगायतले वितरण गरे।

झापा महिला गोल्डकपको उपाधि पुलिसलाई

काठमाडौं। दोस्रो संस्करणको नेपाल प्रिमियर लिगको खेल तालिका सार्वजनिक भएको छ।&nbsp; आयोजक नेपाल क्रिकेट संघ क्यानले सोमबार आगमी मंसिर एक गतेबाट सुरु हुने गरि सिजन टु को&nbsp;खेल तालिका सार्वजनिक गरेकाे हाे।&nbsp; उक्त तालिका अनुसार उद्घाटन खेलमा साविक विजेता जनकपुर वोल्सले काठमाडौं गुर्खाज भिड्ने भएका छन्। उक्त दिन एक खेल मात्रै रहेकाे छ भने खेल ४ बजेबाट सुरु हुनेछ। यस्तै खेल फ्लडलाइडमा हुनेछ।&nbsp; दाेस्राे दिन दुई खेल हुनेछ भने तेस्राे, चाैथाे र पाँचाैँ दिन पनि समान एक खेल हुनेछ। दिनमा दुई खेल हुँदा पहिलाे खेल ११:४५ तथा दाेस्राे खेल ४ बजेबाट सुरु हुनेछ। यस सिजन पनि अघिल्लाे सिजनकाे जस्तै आठ टाेलीकाे सहभागिता रहेकाे छ।&nbsp; दाेस्राे दिन चितवन राइनाेज र कर्णाली याक्स तथा बिराटनगर किंग्स र पाेखरा एभेन्जर्स भिड्नेछ।&nbsp; यस्तै, प्रतियाेगिताकाे फाइनल खेल मंसिर २७ गते हुनेछ।&nbsp;<img src="https://app.nepalsportz.com/media/django-summernote/2025-11-10/e379d618-5bda-4833-870b-890af9946287.jpg" style="width: 698px;">

एनपीएलको खेल तालिका सार्वजनिक, उद्घाटन खेलमा जनकपुर र काठमाडौं भिड्ने

समर डेफलिम्पिक्समा सहभागी हुन नेपाली जुडो टोली मंगलबार जापानको टोकियो जाने भएको छ । नोभेम्बर १५ देखि २६ तारिखसम्म हुने डेफलिम्पिक्सको जुडोमा २ खेलाडीले नेपालको चुनौती प्रस्तुत गर्ने छन् । पुरुष ६० केजीमा लक्की चौधरी तथा महिला ५२ केजीमा सुष्मा तामाङले प्रतिस्पर्धा गर्ने छन् । जुडो नोभेम्बर १६ देखि सुरु हुनेछ । टोली प्रमुखमा नेपाल बहिरा तथा दृष्टिविहीन पारा जुडो संघका अध्यक्ष धर्मकुमार श्रेष्ठ, व्यवस्थापकमा रोजिना श्रेष्ठ र प्रशिक्षकमा सन्जित डंगोल रहेका छन् । घरमा शोक परेका कारण प्रशिक्षक डंगोल भने नोभेम्बर १४ तारिखमा जापान जाने छन् । टोलीलाई राष्ट्रिय खेलकुद परिषद् (राखेप) का उपाध्यक्ष ध्रुव आचार्यले सोमबार एक कार्यक्रमबीच बिदाइ गरे । सो अवसरमा राखेप कार्यकारी समितिका सदस्यद्वय भानबहादुर चन्द र सुवर्ण श्रेष्ठ, राखेपका सदस्य जगतसिंह धामीलगायतको उपस्थिति रहेको थियो । डेफलिम्पिक्समा नेपालले जुडो बाहेक कराते, एथलेटिक्स, तेक्वान्दो, ब्याडमिन्टन र टेबलटेनिसमा पनि सहभागिता जानाउने छ ।

जुडो टोली जापान जाँदै

काठमाडौँ, कात्तिक २४ गते । उपाधि रक्षा अभियानमा रहेको वडा नं १६ ले प्रयागराज सिंह सुवाल स्मृति अन्तर वडा फुटसल प्रतियोगितामा विजयी सुरुआत गरेको छ । लैनचौर फुटसल मैदानमा सोमबार वडा १६ ले वडा २ लाई ५–१ ले हरायो । वडा १६का लागि प्रिन्स महर्जनले दुई तथा विक्रम श्रेष्ठले एक गोल गरे । ब्योग रजक र सरोज रजकले आप्mनै गोलपोस्टमा बल छिराएपछि वडा १६ ले आत्मघातीस्वरुप दुई गोल उपहार पाएको थियो । वडा २ का लागि बुजल रजकले एक गोल फर्काए । सो खेलमा प्रिन्स म्यान अफ दि म्याच चुनिए । अन्य खेलमा वडा २८, वडा २६ र वडा ११ ले जित हात पारे । यी तीनै खेलको निर्णय पेनाल्टी सुटआउटमा भएको हो । वडा २८ ले वडा २१ लाई टाइब्रेकरमा ५–४ ले हरायो । निर्धारीत समयको खेल १–१ ले सकिएको थियो । वडा २१ का लागि रोनस महजृन र वडा २८ का लागि उदेश खड्गीले गोल गरेका थिए । सो खेलमा वडा २८ का सिरिस वज्राचार्य म्यान अफ दि म्याच बने । वडा २६ ले वडा ३१ लाई टाइब्रेकरमा ६–५ ले निराश बनायो । निर्धारति समयमा दुवै टिमले २–२ गोल गरेका थिए । वडा २६ का लागि म्यान अफ दि म्याच अमूल दुवै गोल गरे भने वडा ३१ का लागि दिपक लामा र दिपेन्द्रसिंह ठकुरीले गोल गरेका थिए । यसैगरी वडा ११ ले वडा १५ लार्इी पेनाल्टी सुटआउटमा ६–५ ले नै हरायो । वडा ११ का शंकरध्वज र वडा १५ का सञ्जीव श्रेष्ठको गोलबाट निर्धारीत समयको खेल १–१ ले बराबरीमा टुङिगएको थियो । सो खेलमा विजयी टिमका शंकरध्वजले म्यान अफ दि म्याचको पुरस्कार पाए । प्रतियोगिताअन्तर्गत मङगलबार प्रिक्वाटरफाइनलका चार खेल हुनेछन् । पहिलो खेलमा आयोजक वडा २३ ले वडा १३, दोस्रो खेलमा वडा १९ ले वडा २४, तेस्रो खेलमा पहिलो संस्करणको विजेता वडा १४ ले वडा २५ र चौथो खेलमा वडा ६ खेल वडा २० को सामना गर्नेछ ।

साविक विजेता वडा १६ को विजयी सुरुआत

नेपाली अल्ट्रा रनर सुमन कुलुङले हङकङमा आयोजना हुने ट्रान्सलान्टाउ रेसमा प्रतिस्पर्धा गर्ने भएका छन् । नोभेम्बर १४ देखि १६ तारिखसम्म हङकङमा हुने ट्रान्सलानटाउ रेसमा भाग लिन सुमन सोमबारै राती हङकङ प्रस्थान गर्देछन् । उनले ८० किलोमिटर दूरीको रेसमा प्रतिस्पर्धा गर्नेछन् । केही समयअघि स्पेनमा भएको वल्र्ड ट्रेल एन्ड माउन्टेन च्याम्पियनसिपमा भाग लिएका सुमनले एसियाली धावकहरुमध्ये राम्रो प्रदर्शन गरेका थिए । नेपाल एड्भेन्चर रनिङ फेडेरेसनका अध्यक्ष एकेन्द्र कुँवरले सुमन कुलुङले अन्तर्राष्ट्रिय ट्रेल रेसहरुमा उत्कृष्ट प्रदर्शन गरिरहेको र हङकङमा पनि राम्रो प्रदर्शन गर्ने विश्वास व्यक्त गरे । सुमनले पहिलो पटक वल्र्ड ट्रेल रनिङ एन्ड माउन्टेन च्याम्पियन खेल्दा राम्रो अनुभव भएको र धेरै कुरा सिक्ने अवसर पाएको बताए । उनले हङकङमा हुने रेसमा राम्रो प्रदर्शन गर्ने विश्वास व्यक्त गरे ।&nbsp; अल्ट्रा रनर सुमनलाई अष्ट्रियाको सिग्रिड फाउन्डेसनले स्पोनसरसिप गरेको छ । सुमन पर्यटक गाइडको रुपमा काम गर्दा सन् २०२२ मा फाउन्डेसनका पदाधिकारीसँग भेट भएको र त्यसपछि सम्पर्कमा पुगेका थिए । त्यसपछि राईको सम्पूर्ण मेडिकल चेकअप गर्दा विश्वका शीर्ष धावकभित्र पर्ने सम्भावना देखिएको भन्दै सहयोग गरेको फाउन्डेसनले जनाएको छ । सुमन हाल अष्ट्रियामा ट्रेल रनिङ अभ्यासका साथै काम पनि गर्दै आएका छन् । उनी त्यहाँ स्की लगायत खेलहरु पनि अभ्यास गर्ने गर्नछन् । सुमनले वल्र्ड च्याम्पियनसिप लगायत विश्वका विभिन्न देशमा हुने अल्ट्रा रेसहरुमा भाग लिईसकेका छन् । सुमनसंगै फाउन्डेसनकी संस्थापक डा. सिग्रिड स्वार्जेनबाकर र पेट्रा नोकर पनि हङकङ जाने छन् ।

Nepalsports

बंगलादेशसँग नेपालको बराबरी

📰 Recent News

Nepalsports