काठमाडौं। विभागीय टोली सशस्त्र प्रहरी बलको एपीएफ फुटबल क्लबले आउँदो राष्ट्रिय लिगलाई लक्षित गर्दै अनुभवी प्रशिक्षक राजेन्द्र तामाङलाई मुख्य प्रशिक्षकमा नियुक्त गरेको छ। क्लबले बिहीबार सामाजिक सञ्जालमार्फत तामाङसँग सम्झौता भएको जानकारी सार्वजनिक गरेको हो। लामो समयदेखि नेपाली फुटबलमा सक्रिय रहँदै आएका तामाङको आगमनसँगै एपीएफले राष्ट्रिय लिगमा अझ सशक्त र प्रतिस्पर्धात्मक प्रदर्शन गर्ने अपेक्षा गरिएको छ। पुस २५ गतेदेखि सुरु हुने राष्ट्रिय लिगमा शीर्ष डिभिजनका १३ टोली र एन्फा प्रेसिडेन्ट लिगबाट छनोट भएका ४ टोली गरी कूल १७ टोलीको सहभागिता रहनेछ।

राजेन्द्र तामाङ एपीएफको मुख्य प्रशिक्षक नियुक्त

काठमाडौं। महिला खेलाडीको सशक्तिकरण र क्षमता अभिवृद्धिलाई लक्ष्य गर्दै शेरबहादुर खड्का स्मृति प्रतिष्ठानले नवौँ राष्ट्रिय महिला भलिबल प्रतियोगिता आयोजना गर्ने भएको छ।&nbsp; प्रतियोगिता पुस २३ देखि २६ गतेसम्म त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सञ्चालन हुनेछ। २०७२ सालदेखि निरन्तर आयोजना हुँदै आएको यो प्रतियोगिताका आठ संस्करण यसअघि सफलतापूर्वक सम्पन्न भइसकेका छन्। नवौँ संस्करणमा साविक विजेता नेपाल पुलिस क्लब, सशस्त्र प्रहरी बलको एपीएफ क्लब, न्यु डायमन्ड युथ स्पोर्ट्स क्लब, त्रिभुवन आर्मी क्लब र एभरेष्ट भलिबल क्लब गरी पाँच टोलीको सहभागिता रहनेछ। नेपाल भलिबल संघको प्राविधिक सहयोगमा सञ्चालन हुने प्रतियोगितामा सहभागी टोलीलाई दुई समूहमा विभाजन गरी लिगकम नकआउट आधारमा खेलाइनेछ। प्रतियोगिताको विजेता टोलीले पाँच लाख रुपैयाँ नगद पुरस्कार प्राप्त गर्नेछ भने उपविजेताले दुई लाख ५० हजार र तेस्रो हुने टोलीले एक लाख २५ हजार रुपैयाँ नगद पुरस्कार पाउनेछन्। प्रतियोगिताको सर्वोत्कृष्ट खेलाडीलाई ५० हजार रुपैयाँ नगदसहित आकर्षक पुरस्कार प्रदान गरिनेछ। विधागततर्फ उत्कृष्ट खेलाडीलाई जनही २५ हजार तथा प्रत्येक खेलको ‘प्लेयर अफ द म्याच’ लाई १५ हजार रुपैयाँ नगद पुरस्कार प्रदान गरिने आयोजकले जनाएको छ। साथै, उद्घाटन समारोहका अवसरमा एक जना राष्ट्रिय खेलाडीलाई ५० हजार रुपैयाँ नगदसहित ‘शेरबहादुर खड्का स्पेसल अवार्ड’ प्रदान गरिनेछ। बहुराष्ट्रिय पेन्ट कम्पनी केएनपी नेरोलेकको मुख्य प्रायोजनमा आयोजना हुने यस प्रतियोगितालाई राष्ट्रिय खेलकुद परिषद्, बागमती प्रदेश खेलकुद परिषद्, मार्बल टेक्नोप्लास्टलगायत विभिन्न कर्पोरेट हाउस र नगरपालिकाको सहयोग रहनेछ।&nbsp; प्रतियोगिताको कुल पुरस्कार राशि १३ लाख रुपैयाँ रहेको छ भने अनुमानित बजेट करिब ४० लाख रुपैयाँ रहेको प्रतिष्ठानले जनाएको छ। प्रतिष्ठानले प्रतियोगितासँगै खेलाडी बीमा, हरेक खेलमा प्लेयर अफ द म्याच पुरस्कार, टेक्निकल मिटिङजस्ता अन्तर्राष्ट्रिय अभ्यासलाई निरन्तरता दिँदै आएको छ।&nbsp; राष्ट्रिय महिला भलिबल प्रतियोगितासँगै स्पेसल अवार्डलगायतका कार्यक्रमसमेत आयोजना गर्दै आएको प्रतिष्ठानले भविष्यमा पनि महिला खेलकुद प्रवर्द्धनमा निरन्तर योगदान गर्ने जनाएको छ।

नवौँ राष्ट्रिय महिला भलिबल प्रतियोगिता पुस २३ देखि, पाँच टोलीको सहभागिता

काठमाडौं- शेरबहादुर खड्का स्मृति प्रतिष्ठानले नवौं संस्करणको भलिबल प्रतियोगिता पुस २३ देखि २६ सम्म हुने भएको छ । &nbsp; शेरबहादुर खड्का स्मृति प्रतिष्ठानले पत्रकार सम्मेलन गर्दै प्रतियोगितामा नेपाल पुलिस क्लब, सशस्त्र प्रहरी बलको एपीएफ क्लब, न्यु डायमन्ड युथ स्पोर्टस स्लब, त्रिभुवन आर्मी क्लब र एभरेष्ट भलिबल क्लब गरेर पाँच टोलीको सहभागिता रहने बताएको छ ।&nbsp; नेपाल भलिबल संघको प्राविधिक सहयोगमा सञ्चालन हुने प्रतियोगिताका सहभागी टोलीलाई दुई समूहमा विभाजन गरी लिगकम नकआउटका आधारमा खेल सञ्चालन गरिनेछ । त्रिपुरेश्वरस्थित राष्ट्रिय खेलकुद परिषद्‌को कभर्डहलमा सञ्चालन हुने प्रतियोगिताका विजेता टोलीलाई नगद पांच लाख रुपैयाँ नगद पुरस्कार प्रदान गरिने आयोजकले जनाएको छ। यस्तै उपविजेताले दुई लाख ५० हजार र तेस्रो हुने टोलीलाई एक लाख २५ हजार रुपैयाँ नगद पुरस्कार प्रदान गरिनेछ ।

शेरबहादुर स्मृति भलिबल पुस तेस्रो साता

काठमाडौं नेपालगन्जका मंगले तामाङ अबोट वल्र्ड म्याराथन मेजर्सको विश्व वरियतामा नेपालबाट सुचिकृत हुने बढी उमेरका एकमात्र धावक बनेका छन् ।&nbsp; गत मंसिर २२ गते सम्पन्न ११औं धारा नेपालगन्ज म्याराथनमा भेट्रानतर्फ ४२.१९५ किमी दुरी चार घण्टा ३८ मिनेट ५० सेकेन्डमा पुरा गरेपछि मंगलेको नाम विश्व वरियतामा लेखिएको हो । उनको जन्म २०१५ असार २७ गते हो । संसारका उत्कृष्ट म्याराथन रेसहरुलाई एउटा प्लेटफर्ममा जोड्ने अबोट वल्र्ड म्याराथन मेजर्सले विश्वभरका उमेर समुहका धावकहरुको सुचिकृत गर्दै वरियताक्रम निर्धारण गर्दछ । साथै मेजर म्याराथनको नतिजा र इलाईट रनरहरुको प्रदर्शनलाई पनि मापन गर्दै अवसर र पुरस्कृत समेत गर्दछ ।&nbsp; वल्र्ड म्याराथन मेजर्सको ६५–६९ बर्ष उमेरसमुहमा नेपालबाट एकमात्र धावक मंगले विश्व वरियताको २६७८ नम्बरमा रहेका छन् । मंगले नेपालगन्ज उपमहानगरपालिका वडा नं १२ निवासी हुन् । मंगलेको उपलब्धिमा वडा नं १२का अध्यक्ष तरुण बज्राचार्यले खुशी व्यक्त गरे । ‘६८ बर्षको उमेरमा पनि मंगले दाइले प्राप्त गरेको उपलब्धि वडाको मात्र नभई सिंगो सहरको लागि गर्वको बिषय हो ।’ उनले भने –‘यसले दौड संस्कृतिको विकासमा टेवा पुग्छ, समाजलाई स्वस्थ बनाउन सघाउँछ, साथै नेपालगन्जलाई अन्तर्राष्ट्रिय मन्चमा स्थापित गर्दै जान्छ ।’ त्यसैगरी सिकागो म्याराथनमा ३ः३३ः०८ को समय निकालेका नेपालका अशोककुमार चापागाईं ६०–६४ बर्ष उमेर समुहमा विश्व वरियताको १७०३ नम्बरमा छन् ।&nbsp; त्यस्तै नेपालगन्ज म्याराथनमा ३ः४५ः१२ समयमा दुरी पुरा गरेका रमेश शाक्य ५५–५९ बर्ष उमेर समुहमा विश्व वरियताको ७३३४ स्थान र आबुधावी म्याराथनमा ४ः३०ः५० को समय निकालेका देबकुमार कुवँर १६०८३ स्थानमा छन् ।&nbsp; ५०–५४ बर्ष उमेर समुहमा नेपालबाट पाण्डव महतो ३ः०६ः४५ समयका साथ २६९८, &nbsp;उमेश मानन्धर ३ः५२ः३६ समयसहित १६०८०, युवराज खनाल ३ः५४ः४८ समयसहित १६९३०, भरतकुमार श्रेष्ठ ४ः०६ः३० सहित २१०१४ स्थान, टीबहादुर हमाल ४ः३०ः४९ सहित २७६९९ र राजेश श्रेष्ठ ४ः४१ः४२ समयका साथ ३००७२ बरियतामा छन् । यसमा पाण्डव, युवराज र राजेशले न्युयोर्क सिटी म्याराथन, हमालले आबुधावी र भरतले नेपालगन्ज म्याराथनमा दौडिएका थिए । भरत बाँकेको खजुराका बासिन्दा हुन् ।&nbsp; त्यस्तै ४५–४९ बर्ष उमेरसमुहमा सुशील कुमार श्रेष्ठ, कुमारप्रसाद अधिकारी, श्याम चालिसे, सुर्य गुरुङ, यलम्बर श्रेष्ठ, कुमार श्रेष्ठ, सन्देशकुमार श्रेष्ठ, प्रेम गिरी, कुमारविक्रम रेग्मी नेपालको शीर्ष नौ भित्र छन् भने विश्व बरियतामा न्युयोर्क सिटी म्याराथनमार्फत सुशील २ः५०ः०८ समयका साथ १२२६, नेपालगन्ज म्याराथनमा भाग लिएका कुमार ३ः२६ः१९ समयका साथ १०९८४, सिकागो म्याराथन दौडिएका श्यामले ४ः०४ः१८ समयका साथ २६२०४, भ्यालेन्सिया म्याराथन कुदेका सुर्य ४ः०४ः२० समयका साथ २६२१२, आबुधाबी म्याराथन दौडिएका यलम्बर ४ः१८ः५४ समयसहित ३०६३८ स्थान, &nbsp;सिकागो म्याराथन कुदेका कुमार श्रेष्ठले ४ः३०ः४५ समयका साथ ३४२०८, न्युयोर्क सिटी म्याराथन दौडिएका सन्देश ४ः३३ः३२ समयका साथ ३४८५३, आबुधाबी म्याराथन कुदेका प्रेम गिरी ४ः४८ः११ समयका साथ ३८२५१ र थाइल्याण्डको बाङ्सेन४२ चोनबुरी म्याराथन कुदेका कुमार विक्रम अधिकारी ४ः५०ः४३ समयका साथ ३८७८० स्थानमा रहेका छन् । सुर्खेतका कुमार हाल नेपाली दुतावास(बैंकक, थाइल्याण्ड)मा कार्यरत छन् । ४०–४४ बर्ष उमेरसमुहमा नेपालबाट शीर्ष दशभित्र क्रमशः मुहाइजरबीन मोहम्मद, सन्तोष राई, बलदेव कुवँर, तपेश जोशी, प्रकाश प्रसाई, ललितशाही, माधव बुढाथोकी, विकल गुरुङ, बिरेन्द्र गुरुङ र कृष्णकुमार महर्जन रहेका छन् । विश्व बरियतामा भने मुहाइजरबीन १२७५ नम्बरमा छन् । क्वालालम्पुर म्याराथनमा २ः४४ः३६ सयमले उनलाई विश्व बरियता प्रदान गरेको हो । सन्तोष राईले भ्यालेन्सिया म्याराथनमा ३ः००ः१९ को समयले विश्व बरियतामा ५६५६ नं दिएको छ । बलदेव कुवँर सिकागो म्याराथनमा ३ः०३ः४३ समय निकाल्दै ६४८८, तपेश जोशीले फिलाडेल्फिया म्याराथनमा ३ः१४ः४५ समयका साथ १०१७१, प्रकाश प्रसाईंले क्यालिफोर्निया इन्टरनेसनल म्याराथनमा ३ः४३ः२२ समय निकाल्दा २२१६०, &nbsp;ललित शाहीले आबुधावी म्याराथनमा ३ः५८ः०५ समय निकाल्दा २९६६४, &nbsp;माधव बुढाथोकीले आबुधावी म्याराथनमा ४ः१९ः३२ समय निकाल्दा ३७६९०, विकल गुरुङले न्युयोर्क सिटी म्याराथनमा ४ः२३ः४७ समयका साथ ३८९५३, वीरेन्द्र गुरुङले न्युयोर्क सिटी म्याराथनमा ४ः२८ः२४ समयका साथ ४०५४५ र कृष्ण कुमार महर्जनले नेपालगन्ज म्याराथनमा ४ः३७ः५१ सयम निकाल्दा ४३१९९ मा पर्न सफल भएका छन् । यही उमेर समुहमा निरज लवजुले छेन्दु इन्टरनेसनल म्याराथनमा ५ः०१ः५१ समयका साथ ४९११०, भिष्म पाण्डले न्युयोर्क सिटी म्याराथनमा ५ः०६ः१९ समयका साथ ४९८१६, आमोदप्रसाद आचार्यले न्युयोर्क सिटी म्याराथनमा ५ः१५ः२३ समयका साथ ५११४७, &nbsp;मेघराज लामाले आबुधाबी म्याराथनमा ५ः१९ः०१ समयका साथ ५१७०१, पुर्णबहादुर ओलीले आबुधाबी म्याराथनमा ६ः०३ः२४ समयसहित ५६५६५ र रबिनकुमार राईले गल्फ बैंक ६४२ म्याराथनमा ६ः१४ः३१ समयका साथ ५७२२६ स्थान हासिल गरेका छन् ।&nbsp; त्यस्तै महिलातर्फ ५०–५४ बर्ष उमेर समुहमा पुनम राई र इन्दिरा चापागाईं सुचिकृत छन् । पुनमले &nbsp;न्युयोर्क सिटी म्याराथनमा ३ः५४ः३१ समय निकाल्दै नेपालको शीर्ष तथा विश्व बरियतामा २८१७ स्थान हासिल गर्दा इन्दिराले सिकागो म्याराथनमा निकालेको ४ः४३ः२० को समयले नेपालको दोस्रो तथा विश्व बरियताको ८३६४ स्थान दिलाएको छ । ४५–४९ बर्ष उमेरसमुहमा स्वरुपा खड्का र सकुन अधिकारी रहेका छन् । स्वरुपाले न्युयोर्क सिटी म्याराथनमा ३ः११ः०० को समयले विश्व बरियतामा ३५४ स्थान दिलाएको छ भने सकुनका लागि सिकागो म्याराथनमा निकालेको ५ः२७ः५१ को समयले १६२७० स्थान दिलाएको छ । वल्र्ड एथ्लेटिक्सको वरियतामा भने नेपालबाट सन्तोषी श्रेष्ठको मात्र नाम सुचिकृत छ ।

नेपालगन्जका मंगले तामाङ वल्र्ड म्याराथनको बरियतामा

काठमाडौं। नवौं संस्करणको एनभीए महिला तथा पुरुष भलिबल च्याम्पियनसिपको सुरुवातमै विभागीय टोली नेपाल पुलिस क्लबका दुवै टोलीले प्रतिस्पर्धा गर्ने भएका छन्। नेपाल भलिबल संघको वार्षिक कार्यतालिका अनुसार आयोजना हुने यो प्रतियोगिता पुस ११ देखि १९ गतेसम्म राष्ट्रिय खेलकुद परिषद् ९राखेप० को कभर्ड हल, त्रिपुरेश्वरमा सञ्चालन हुनेछ। प्रतियोगिताको पहिलो दिन बिहान ९ बजे महिलातर्फ नेपाल पुलिस क्लबले सुदूरपश्चिम प्रदेशको सामना गर्नेछ। त्यसपछि दिउँसो १ बजे पुरुषतर्फ पुलिस टोली ढोरपाटन क्लबविरुद्ध प्रतिस्पर्धामा उत्रिनेछ। सोहि दिन दिउँसो ३ बजे हेल्प नेपाल र एपीएफ क्लब पुरुष टिमको उद्घाटन खेल हुनेछ। महिलातर्फ ११ एभरष्ट महिला भलिबल क्लब र आर्मी भिड्ने छन्। च्याम्पियनसिपमा पुरुष तर्फ १२ र महिला तर्फ ८ टोली गरी कुल २० टोलीको सहभागिता रहने नेपाल भलिबल संघले जनाएको छ। यस प्रतियोगिताबाट पुरुषतर्फ शीर्ष ८ तथा महिलातर्फ शीर्ष ६ टोली १०औँ प्रधानमन्त्री कप एनभीए लिगका लागि छनोट हुनेछन्।

एनभीए भलिबल च्याम्पियनसिप : उद्घाटन खेलमा हेल्प नेपाल र एपीएफ भिड्ने

काठमाडौँ, पुस ९ । तेस्रो संस्करणको थन्डर बोल्ट्स कप २०२५ मा जेम्स स्कुल लगातार तेस्रो वर्ष च्याम्पियन बनेको छ। विभिन्न १२ खेलको ३२ विधामा भएको खेलमा जेम्सले कुल ४९ अङ्क प्राप्त गर्दै पाँच लाख रुपैंया प्राप्त गर्न सफल भयो। यो सँगै जेम्सले लगातार तेस्रो वर्ष प्रतियोगिता जित्दै ह्याट्रिक गरेको छ। यस्तै एभिएम स्कुल दोस्रो तथा निसर्ग वाटिका स्कुल तेस्रो स्थान हात पार्‍यो। एभिएमले २० तथा निसर्ग वाटिकाले कुल ११ अङ्क बटुलेको थियो। विजेता स्कुललाई समापन समारोहका प्रमुख अतिथि अखिल नेपाल फुटबल सङ्घ (एन्फा) का महासचिव किरण राई र जेम्स स्कुलका अध्यक्ष राजेश खड्का लगायतले पुरस्कार वितरण गर्नुभयो। समारोहका क्रममा विभिन्न विधाका व्यक्तिगत विजेता, टिम तथा विद्यालयहरूलाई पदक र ट्रफी प्रदान गरिएको थियो। उक्त अवसरमा प्रमुख अतिथि राईले भन्नुभयो, " स्कुल स्पोर्टसलाई हाँक्ने अभियानमा जेम्स स्कुलले नेतृत्व लिइरहेको देख्दा खुसी लागेको छ। युवा प्रतिभाहरू यस्तै खाले देशव्यापी प्रतियोगिताबाट उत्पादन हुनेछ।" समापन समारोहमा स्पोर्ट्स फर अल कमिसनका अध्यक्ष विष्णु गोपाल श्रेष्ठ, थन्डरबोल्ट्स डेभलपमेन्ट सेन्टरका प्राविधिक निर्देशक जोन व्हिटल, लिटल एन्जल्स स्कुलका प्रधानाध्यापक मुकुन्दराज शर्मा, नेपाल जुडो सङ्घका अध्यक्ष दीपकहर्ष बज्राचार्य लगायतका अतिथिहरूको उपस्थिति रहेको थियो। आयोजक विद्यालयको तर्फबाट शैक्षिक निर्देशक डा. राजीव क्षेत्रीले सहभागी विद्यालय तथा खेलाडीहरूलाई बधाई दिँदै धन्यवाद ज्ञापन गरेका थिए।प्रतियोगितामा काठमाडौँ उपत्यकाभित्र तथा बाहिरका गरी १०७ भन्दा बढी स्कुलका ३५ सय खेलाडीले सहभागिता जनाएका थिए।

थन्डर बोल्ट्स कपमा जेम्स च्याम्पियन

<h5 class="fw-bold m-0" style="font-family: mukta, sans-serif; line-height: 1.2; color: rgb(97, 94, 94); font-size: inherit; border: 0px solid rgb(229, 231, 235); caret-color: rgb(97, 94, 94); -webkit-text-size-adjust: 100%; margin: 0px !important;">काठमाडौं। नेपाल राष्ट्रिय फुटबल टिमकी मिडफिल्डर सविता रानामगरको घुँडाको शल्यक्रिया गरिएको छ।</h5><h5 class="fw-bold m-0" style="font-family: mukta, sans-serif; line-height: 1.2; color: rgb(97, 94, 94); font-size: inherit; border: 0px solid rgb(229, 231, 235); caret-color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="font-family: mukta, sans-serif; line-height: 1.2; color: rgb(97, 94, 94); font-size: inherit; border: 0px solid rgb(229, 231, 235); caret-color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="font-family: mukta, sans-serif; line-height: 1.2; color: rgb(97, 94, 94); font-size: inherit; border: 0px solid rgb(229, 231, 235); caret-color: rgb(97, 94, 94); -webkit-text-size-adjust: 100%; margin: 0px !important;">अखिल नेपाल फुटबल संघ ९एन्फा० का प्रवक्ता सुरेश शाहका अनुसार मंगलबार सातदोबाटोस्थित बी एन्ड बी हस्पिटलमा उनको शल्यक्रिया गरिएको हो।</h5><h5 class="fw-bold m-0" style="font-family: mukta, sans-serif; line-height: 1.2; color: rgb(97, 94, 94); font-size: inherit; border: 0px solid rgb(229, 231, 235); caret-color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="font-family: mukta, sans-serif; line-height: 1.2; color: rgb(97, 94, 94); font-size: inherit; border: 0px solid rgb(229, 231, 235); caret-color: rgb(97, 94, 94); -webkit-text-size-adjust: 100%; margin: 0px !important;"> </h5><h5 class="fw-bold m-0" style="font-family: mukta, sans-serif; line-height: 1.2; color: rgb(97, 94, 94); font-size: inherit; border: 0px solid rgb(229, 231, 235); caret-color: rgb(97, 94, 94); -webkit-text-size-adjust: 100%; margin: 0px !important;">उनी करिब १ वर्ष पूर्ण रुपमा रेस्टमा जाने शाहले जानकारी दिए। गत महिना इन्डोनेसिया भएको त्रिदेशीय फुटबल प्रतियोगिताको क्रममा उनले घुँडाको चोट बोकेकी थिइन्। त्रिपुरेश्वरस्थित दशरथ रंगशालामा गत शनिबार सम्पन्न साफ महिला क्लब च्याम्पियनसिपमा समेत उनी मैदान उत्रिन पाएकी थिइनन्।</h5>

सविताको घुँडाको शल्यक्रिया, करिब १ वर्ष पूर्ण रुपमा रेस्टमा

आफ्नो लन्डन छिमेकी क्रिस्टल प्यालेसलाई टाइब्रेकरमा पराजित गर्दै आर्सनलले मंगलबार इंग्लिस लिगकपको सेमिफाइनल यात्रा निश्चित गरेको छ । अबको अन्तिम चारको खेलमा उसको सामना अर्को लन्डन क्लब चेल्सीविरुद्ध हुनेछ । इमिरेट्समा भएको नाटकीय खेलमा प्यालेस पेनाल्टी सुटआउटमा ८–७ ले विजयी रहेको हो । त्यस अगाडिको खेलमा भने दुवै टिम १–१ को बराबरीमा रहेका थिए । म्याकेन्स लाक्रोसको आत्मघाती गोलमा आर्सनल अगाडि रहेको थियो । लगतै मार्क गुएहीले प्यालेसका लागि बराबरी गोल फर्काए । दुवै टिमले लगातार सात गोल गरिसकेपछि पेनाल्टीमा विलियम सलिबाले आर्सनललाई अगाडि राखे । त्यसपछि गोलरक्षक केपा एरिजाबालागाले प्यालेसको प्रहार जोगाए । प्रतियोगिताको अर्को सेमिफाइनलमा डिफेन्डिङ च्याम्पियन न्युकासलल युनाइटेडले म्यानचेस्टर सिटीको सामना गर्नेछ । जनवरी र फेब्रवरीमा सेमिफाइनल दुई लेगमा हुनेछ ।

टाइब्रेकरमा जित्दै आर्सनल सेमिफाइनलमा

बङ्गलादेशको राजधानी ढाकामा आयोजित एमटिबि इन्टरनेसनल मास्टर्स चेस प्रतियोगितामा नेपाली युवा चेस खेलाडी पुरुषोत्तम सिलवालले मिश्रित नतिजा प्राप्त गरेका छन्।&nbsp; इन्डिपेन्डेन्ट युनिभर्सिटीको आयोजना तथा बंगलादेश चेस फेडेरेसनको तत्वावधानमा ९ दिन सम्म सञ्चालन भएको त्रिदेशीय राउन्ड रोबिन चेस प्रतियोगितामा आयोजक राष्ट्रका २३७१ रेटेड अन्तर्राष्ट्रिय मास्टर रेजा नीर मनुनले ६.५ अंक जोडेर प्रथम स्थान हासिल गरेका छन्। इन्डिपेन्डेन्ट युनिभर्सिटीको सभाहलमा सम्पन्न प्रतिस्पर्धामा बंगलादेशका २३३९ रेटेड एफएम सक्किन मुस्तफाले ६ अंक प्रोग्रेसिभ प्वाइन्टका आधारमा द्वितीय स्थान प्राप्त गरेका छन्। म्युच्युअल ट्रष्ट बैंकको प्रायोजनमा सकेको खेल नतिजा अनुसार भारतका २३८८ रेटेड खेलाडी विभोर अदकले समान ६ अंक बनाएर प्रोग्रेसिभ प्वाइन्टका आधारमा तृतीय भएका छन्। १० जना शीर्ष खेलाडी बिच चलेको स्पर्धामा बंगलादेशका २२६१ रेटेड अन्तर्राष्ट्रिय मास्टर मिनाह उद्दिन ५.५ अंक जोडेर चौथो भए। भारतका २३५० रेटेड अर्पन दासले ५ अंक बनाएर पाँचौं, बंगलादेशका २२३९ रेटेड अन्तर्राष्ट्रिय मास्टर अबू सुफियान सकिलले ४ अंकमा छैंटौं, भारतका २२७३ रेटेड फिडे मास्टर गुर्पित पालले ४ अंक सहित सातौं स्थानमा रहे। यस्तै भारतका २२२२ रेटेड एफएम खान्दाकर अमिनुलले ३.५ अंक जोडेर आठौं, नेपालका २०७४ रेटेड क्यान्डिडेड मास्टर पुरुषोत्तम सिलवालले २.५ अंक बनाएर नवौं र बंगलादेशका २०४६ रेटेड खेलाडी अमित बिक्रम रोयले २ अंकमा सिमित भई दशौं स्थानमा रहेर प्रतियोगिताको अन्त्य गरेका छन्। नेपालका पुरुषोत्तम सिलवालले सशक्त खेलाडीहरुको सामाना गर्दै आफु भन्दा उच्च रेटेडका तिन जना खेलाडीहरूसँग बराबरी गर्न सफल भएका छन्। सिलवालले बङ्गलादेशका अमित विक्रम रोयलाई पराजित गरे। अन्य खेलाडी सँग भने पराजयको सामना गर्न पुगे। अन्तर्राष्ट्रिय बुद्धिचाल प्रतियोगितामा पुरुषोत्तम सिलवालले २११ १ रेटिङ पर्फर्म गरेका थिए भने उनले २४५० रेटिङको खेलस्तर देखाउन सके अन्तर्राष्ट्रिय मास्टरको पहिलो नाम प्राप्त गर्न सफल हुने थियो।&nbsp; प्रतियोगितामा व्यक्तिगत सम्पर्क गरेर सहभागी भएका सिलवालले खेलपूर्व नेपाल बुद्धिचाल महासंघलाई उक्त खेलमा सहभागी जनाउनको निम्ति समन्वय गरिदिन आग्रह गरेको जानकारी गराएका छन्।

बङ्गलादेशमा पुरुषोत्तमको मिश्रित खेल प्रदर्शन

काठमाडौं, पुस ८ गते । राष्ट्रिय खेलकुद परिषद् (राखेप) ले पाँचौं एसियाली युथ पारा खेलकुदको तेक्वान्दोमा कास्य पदक जितेकी रेनु तामाङ र प्रशिक्षक कविराज नेगी लामालाई मंगलबार बधाई दिएको छ । राखेपका सदस्य–सचिव रामचरित्र मेहताले त्रिपुरेश्वरस्थित आफ्नै कार्यकक्षमा भेट गरी दुवैलाई बधाई दिदै आगामी दिनमा अझ सफलता प्राप्त गर्न शुभकामना दिए । रेनुले दुबईमा डिसेम्बर ७ देखि १४ तारिखसम्म भएको एसियन युथ पारा गेम्समा के–४४ क्याटगोरीको महिला ४७ केजीमुनि तौलसमूहमा कांस्य जितेकी थिइन् । रेनु राखेपले सञ्चालन गरिरहेको मिसन– २०२६ अन्तर्गत राष्ट्रिय टिम तयारीको विशेष प्रशिक्षणमा रहेकी खेलाडी हुन् । सो अवसरमा राखेप कार्यकारी समितिका सदस्य भानबहादुर चन्द, राखेपकी सदस्य नन्दा बस्याललगायतको उपस्थिति रहेको थियो ।

रेनुलाई राखेपको बधाई

काठमाडौँ। &nbsp;नेपालमा आयोजना हुने महिला टी–२० विश्वकप छनोट प्रतियोगिताको खेल तालिका सार्वजनिक भएको छ।&nbsp; नेपालले पहिलो खेल थाइल्यान्डसँग खेल्नेछ। प्रतियोगितामा दुई समूह बनाइएका छन्, समूह ‘बी’ मा नेपाल, स्कटल्यान्ड, नेदरल्याण्ड्स, जिम्बाब्वे र थाइल्यान्ड रहेका छन्। समूह ‘ए’ मा बंगलादेश, आयरल्याण्ड, पापुआ न्यू गिनी, नामिबिया र संयुक्त राज्य अमेरिका रहेका छन्। समूह ‘बी’ मा नेपालसँगै स्कटल्यान्ड, नेदरल्याण्ड्स, जिम्बाब्वे र थाइल्यान्ड रहेका छन्। नेपालमा आयोजना हुन लागेको यस प्रतियोगिताबाट महिला टी–२० विश्वकपमा छनोट हुने टोलीहरूको टुंगो लाग्नेछ। छनोट खेल १८ जनावरीबाट सुरु हुनेछ।

महिला टी–२० विश्वकप छनोटको खेल तालिका सार्वजनिक

काठमाडौं। ब्राजिलियन स्टार फुटबलर नेयमारले आफ्नो बायाँ घुँडामा सानो शल्यक्रिया गराएका छन्। उनको क्लब सान्तोसले सोमबार यसबारे जानकारी दिएको हो। ३३ वर्षीय नेयमारले यस वर्ष बारम्बार देखिएको घुँडाको दुखाइका कारण शल्यक्रिया गराउने निर्णय लिएका थिए। उनको घुँडामा गरिएको आर्थ्रोस्कोपी शल्यक्रिया ब्राजिल राष्ट्रिय फुटबल टोलीका चिकित्सकसमेत रहेका डा रोड्रिगो लासमारले गरेका हुन्। क्लबका अनुसार यो न्यून आक्रामक (मिनिमली इनभेसिभ) प्रक्रिया हो, जसबाट जोर्नीभित्र देखिएका समस्याहरूको उपचार गरिएको छ। गत साता साओ पाउलोमा आयोजित एक सङ्गीत कार्यक्रममा नेयमारले आफू अझै पनि विश्वकप खेल्ने र फाइनलमा गोल गर्ने सपना देखिरहेको बताएका थिए। यद्यपि मे महिनामा नियुक्त भएका ब्राजिलका मुख्य प्रशिक्षक कार्लो एन्सेलोटीले अहिलेसम्म नेयमारलाई राष्ट्रिय टोलीमा समावेश गरेका छैनन्। सन् २०२३ को अक्टोबरमा विश्वकप छनोट खेलका क्रममा एसीएल च्यातिएपछि नेयमार पूर्ण फिटनेसमा फर्किन संघर्षरत छन्। नेयमार जनवरीमा आफ्नो बाल्यकालको क्लब सान्तोस फर्किएका थिए। अप्रिलमा सुरु भएको ब्राजिलको सेरी एमा सान्तोसले खेलेका ३८ खेलमध्ये उनले १९ खेल मात्र खेले।

नेयमारको घुँडामा शल्यक्रिया, विश्वकप खेल्ने आशा कायम

इस्पनयोलले स्पेनी ला लिगामा सोमबार एथलेटिको बिलबाओमाथि २–१ को जित रचेको छ । सान मामेसमा भएको खेलमा बिलबाओले एलेक्स बेरनेगरको गोलले पहिलो हाफको ३८ औं मिनेटमा अग्रता लिएको थियो । त्यसपछि कार्लोस रोमेरोले ४४ र पेरे मिल्लाले ५२ औं मिनेटमा इस्प्नयोलाका लागि एक एक गोल गरे । यो जितपछि इस्पनयो १७ खेलबाट ३३ अंकमा पाँचौं स्थानमा रह्यो । यो शीर्ष चारबाट दुई अंककै मात्र दूरी हो । बिलबाओ भने समान खेलबाट २३ अंकमा सीमित रहेर आठौं स्थानमा रह्यो । बार्सिलोना भने ४६ अंकमा शीर्ष स्थानमा रहेको छ ।

बिलबाओमाथि इस्पनयोलको पुर्नआगन जित

राउल जिमिनेजले पेनाल्टीबाट गरेको एक मात्र गोलको मदतले फुलहमले इंग्लिस प्रिमियर लिगमा नटिंघम फरेस्टलाई १–० ले हराएको छ । यो जितपछि फुलहम रेलिगेसन क्षेत्रबाट अझ टाढिंदै गएको छ ।&nbsp; त्यसको विपरित फरेस्टले भने रेलिगेसनबाट बच्न अझ संघर्ष गर्नु पर्नेछ । फुलहमको १७ खेलबाट २३ अंक भएको छ र १३ औं स्थानमा छ । फरेस्ट भने १८ अंकमा १७ औं स्थानमा छ ।&nbsp; यो रेलिगेसन क्षेत्रबाट पाँच अंकको दूरी हो । कार्भेन कटेजमा भएको खेलमा जिमिनेजले पहिलो हाफको इन्ज्युरी समयमा गोल गरे ।&nbsp;

फुलहम रेलिगेसन क्षेत्रबाट टाढिंदै

ब्राजिली विन्गर डाभिड नेभिसले प्रत्येक हाफमा गरेको एक एक गोलको मदतले नेपोलीले सोमबार बोलोग्नालाई २–० ले पराजित गर्दै इटालियन सुपरकप जितेको छ । नेरेसले ३९ औं मिनेटमा गोलको खाता खोले । उनले ५७ औं मिनेटमा दोस्रो गोल गरे । नेपोलीले इटालियन सुपरकप जितेको भने यो तेस्रो पल्ट हो । उसले यसअघि यो उपाधि सन् १९९० र २०१४ मा जितेको थियो । यो प्रतियोगिता सन् २०२९ सम्म साउदी अरेबियामा हुनेछ । अब नेपोलीले सिरी ए को आइतबार हुने खेलमा क्रेमोन्सेको सामना गर्नेछ । त्यसमा नेपोलीले ३१ अंकमा तेस्रो स्थानमा छ । यो शीर्षमा रहेको इन्टर मिलानभन्दा दुई अंकले पछाडि हो ।

नेपोलीलाई इटालियन सुपरकप

<p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपाल फिफा वरीयतामा यथावत रहेको छ ।<p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">विश्व फुटबलको सर्वोच्च निकाय फिफाले सोमबार जारी गरेको वरीयताअनुसार नेपाल यथा स्थान १८२ औं स्थानमा नै रहेको छ।<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपालले हालै मात्र मलेशियामा एएफसी एशिया कप छनोटअन्तर्गत खेलमा मलेशियामासॅंग १–० गोलले पराजितको भएको थियो । यस अघि बंगलादेश संगको मैत्रिपुर्ण खेलमा २-२ गोलको बराबरी खेलेको थियो। नेपालको एएफसी एशिया कप छनोट यात्रा एक खेल बाकी रहदासम्म अंक विहिन रहेको छ ।&nbsp;<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">दक्षिण एसियामा सबैभन्दा अघि रहेको भारतको वारियता पनि&nbsp;&nbsp;यथावत १४२ औं स्थानमा रहेको छ । बंगलादेश पनि&nbsp;&nbsp;यथावत १८० औं स्थानमा, माल्दिभ्स १७३ यथावत, भुटान&nbsp;&nbsp;१८९ यथावत, श्रीलंका १९४ र पाकिस्तान १९९ यथावत स्थानमा छ ।<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">यस्तै विश्व वरीयतामा&nbsp;&nbsp;शीर्ष दश पनि यथावत रहेको छ। स्पेन पहिलो , अर्जेन्टिना दोस्रो फ्रान्स तेस्रो, इगंल्याण्ड चौथौं, ब्राजिल पांचौ स्थानमा पोर्चुगल छठौं, नेदरल्यान्ड्स सातौं, बेलजियम आठौं, जर्मनी नौवौ र क्रोयसिया दशौं स्थानमा उक्लिंएको छ।<p class="p2" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 24.8px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">एसिया महादेशमा जोर्डन ३ स्थान माथि उक्लदै ६४ औं पुगेको छ। यस्तै कतार ५१ बाट ५४ औं स्थानमा झरेको छ भने युएई ५७ बाट ५८ औं स्थानमा झरेको छ।&nbsp;<p class="p1" style="margin-bottom: 0px; font-width: normal; font-size: medium; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"><a href="https://inside.fifa.com/en/fifa-world-ranking/men" target="_blank">पुरा फिफा वरीयता हेर्न यता&nbsp;</a>

नेपाल फिफा वरीयतामा यथावत

काठमाडौँ। थाइल्यान्डमा आयोजना हुने साफ फुटसल च्याम्पियनसिपको पहिलो संस्करणका लागि नेपालको पुरुष तथा महिला दुवै टोली घोषणा भएको छ। अखिल नेपाल फुटबल संघ एन्फाले आइतबार पुरुष र महिला टोलीको १४ सदस्यीय सार्वजनिक गरेको हो। पुरुष टोलीका मुख्य प्रशिक्षक अनिल बहादुर गुरुङ र महिला राष्ट्रिय फुटसल टोलीका मुख्य प्रशिक्षक विक्रम महर्जनले छनोट प्रक्रिया र प्रशिक्षण शिविर पूरा भएपछि आ-आफ्नो टोलीको घोषणा गरेका हुन्। दुबै टोलीले जनवरी १३ देखि २६ सम्म थाइल्याण्डमा हुने साफ फुटसल च्याम्पियनसिप २०२६ मा नेपालको प्रतिनिधित्व गर्नेछन्। पुरुष टोली&nbsp;अमित लामा, अशोक दर्लामी, विजय श्रेष्ठ, विक्रान्त नरसिङ राणा, विशाल सारु मगर, दिपेश श्रेष्ठ (जीके), जेनिश प्रजापति, लाक्पा तामाङ, पदम तामाङ जीके०, पेम्बा दोर्जे लामा, सान्जे स्याङ्तान, सरोज तामाङ, सुवेत लामा तामाङ, सुरज गुरुङ । महिला टोलीअनिता केसी, अञ्जली मचामसी, विमला चौधरी, विमला थापा, दीपा राई, जेनिफर राना, झरना डुम्राकोटी (जीके), मनिषा थापामगर, प्रतीक्षा ठकुरी, रोशनीबोहरा क्षेत्री, सावित्री किशन (जीके), सजिना कोइराला, सुनकला राई, सुष्मा तामाङ

साफ फुटसल च्याम्पियनसिप : नेपाली पुरुष र महिला टोलीको घोषणा

बायर्न म्युनिकले जर्मन बुंडेसलिगाको शीर्षमा आफ्नो पकड अझ बलियो बनाएको छ र यसका लागि उसले आइतबारको खेलमा हेडनहेमलाई सजिलै ४–० ले पराजित गरेको छ । ह्यारी केनको कप्तानीमा पहिलो पटक मैदानमा उत्रेको बायर्नले यो जितपछि पहिलो स्थानमा आफ्नो अग्रतालाई नौ अंक पुर्‍याएको छ । उसको १५ खेलबाट ४१ अंक भएको छ । उत्तिकै खेल खेलेर बोरुसिया डर्टमुन्डको ३२, बायर लेभरकुजनको २९ र आरबी लाइपजिगको २९ अंक भएको छ । हेडनहेम भने ११ अंकमा १७ औं स्थानमा छ र उसमाथि रेलिगेसनको तनाव छ । भोइथ एरिनामा भएको खेलमा बार्यनका लागि केनसँगै जोसिप स्टानिच, माइकल ओलिस र लुइस डिजाजले एक एक गोल गरे ।

शीर्षमा बायर्नको अग्रता नौ अंक

शीर्ष चारभित्र रहेका टिमबीचको भिडन्तमा बार्सिलोनाले आइतबार स्पेनी ला लिगामा भिल्लारियललाई २–० ले पराजित गरेको छ । दस खेलाडीमा सीमित भिल्लारियलविरुद्ध बार्सिलोनाको जित सहज रह्यो । यो जितमा राफिन्हाले १२ र लामिन यामलले ६३ औं मिनेटमा एक एक गोल गरे । यो जितपछि बार्सिलोनाले शीर्ष स्थानमा फेरि चार अंकको अग्रता फेरि कायम राखेको छ । हारलले भिल्लारियल चौथो स्थानमा झरेको छ । त्यस अगाडि एटलेटिको म्याड्रिडले जिरोनालाई ३–० ले पराजित गरेको थियो । शीर्ष चारमा बार्सिलोनाको ४६ र रियलको ४२ अंक छ । यस्तै एटलेटिकोको ३७ र भिल्लारियलको ३५ अंक भएको छ ।

भिल्लारियलमाथि बार्सिलोनाको सजिलो जित

इंग्लिस प्रिमियर लिगमा एस्टन भिल्ला अप्रत्यासित रूपमा उपाधिको प्रत्यासी बनेको छ । आइतबारको खेलमा उसले म्यानचेस्टर युनाइटेडलाई २–१ ले पराजित गर्दै शीर्ष तीनमा आफूलाई अझ मजबुत बनाएको हो । यो जितपछि भिल्लाको १७ खेलबाट ३६ अंक भएको छ । शीर्षमा रहेको आर्सनलको ३९ अंक छ । यस्तै म्यानचेस्टर सिटीको ३७ अंक छ । भिल्लाका लागि सबैभन्दा महत्त्वपूर्ण तथ्य चौथोमा रहेको चेल्सीमाथि प्राप्त सात अंकको ठोस अग्रता हो । सबै प्रतियोगितामा गरेर लगातार दसौं जित निकाल्ने क्रममा भिल्लाका लागि मोर्गन रोजर्सले दुवै गोल गरे । युनाइटेडका लागि म्याथेस कुन्हाले एक गोल फर्काएका हुन् ।

Nepalsports

राजेन्द्र तामाङ एपीएफको मुख्य प्रशिक्षक नियुक्त

📰 Recent News

Nepalsports