ब्राजिली किशोर खेलाडी जाओ फोनसेकाले फ्रेन्च ओपनको तेस्रो चरणमा शनिबार नोभाक जाकोभिचलाई हराएका छन् र यसले सर्बियाली खेलाडीको कीर्तिमान २५ औं ग्रान्ड स्लाम जित्ने सपना फेरि अधुरै रहने भएको छ । यो नतिजाले जोकोभिचलाई एक अर्को ग्रान्ड स्लाम जित्ने अभियान निकै गाह्रो हुने पनि तय देखिएको छ । फोनसेकाले दुई सेटले पछाडि परेको स्थितिबाट ३९ वर्षीय जोकोभिचलाई ४–६, ४–६, ६–३, ७–५ र ७–५ ले पराजित गरे । खेल चार घण्टा ५३ मिनेट चलेको थियो र यसक्रममा १९ वर्षीय खेलाडी उत्कृष्ट पुर्नआगमन रच्न सफल रहे र आफ्नो खेल जीवमा पहिलो पटक ग्रान्ड स्लामको अन्तिम १६ पुगे । &nbsp; महिलातर्फ इगा स्वाटिक पनि प्रतियोगिताको अन्तिम १६ पुगेकी छिन् । उनले यसका लागि मागडा लिनेटलाई ६–४ र ६–४ ले पराजित गरिन् ।

फोनसेकासँग हारेपछि जोकोभिचको सपना अधुरै

गुजरात टाइटन्सले शुक्रबार इन्डियन प्रिमियर लिग (आईपीएल) २०२६ को फाइनल यात्रा निश्चित गरेको छ र त्यहाँ उसको भेट हुनेछ, डिफेन्डिङ च्याम्पियन रोयल च्यालेर्न्ज बेंगलुरुसँग । फाइनल क्वालिफायर वानकै पुनरावृत्ति रहनेछ । यस्तै यो खेल लिग चरणको समाप्तीमा शीर्ष दुई स्थानमा रहने टिमबीचकै प्रतिस्पर्धा पनि हुनेछ । गुजरातले चंडिगढमा भएको क्वालिफायर–टुमा राजस्थान रोयल्सलाई सजिलै सात विकेटले हराएको हो । जितका लागि २ सय १५ रनको लक्ष्य पछ्याएको गुजरातले सात विकेट गुमाएर १८.४ ओभरमा २ सय १९ रन बनायो । ओपनर तथा कप्तान शुभमन गिलले १ सय ४ रनको शतकीय इनिङ्स खेले । उनले ५३ बलको मात्र सामना गरे र त्यसमा १५ चौका र तीन छक्का प्रहार गरे । अर्का ओपरन साई सुदर्शनले ३२ बलमा ५८ रन बनाए । उनीहरूले पहिलो विकेटका लागि १ सय ६७ रनको साझेदारी गरे र यो नै जितको आधार भयो । त्यस अगाडि पहिले ब्याटिङ गरेको राजस्थानले छ विकेटमा २ सय १४ रन बनाएको थियो ।ओपनर वैभव सूर्यवंशीले ९६ रन बनाए । यस्तै रविन्द्र जडेजाले ४५ रन थपे ।

गुजरात पुग्यो फाइनलमा

काठमाडौं घरेलु टोली नेपाललाई हराउँदै भारतले काभा महिला भलिबल च्याम्पियनसिपमा तेस्रो स्थान हासिल गरेको छ। त्रिपुरेश्वरस्थित राखेपको कभर्डहलमा शुक्रबार सम्पन्न तेस्रो स्थानका लागि भएको खेलमा नेपाल भारतसँग ३–१ को सेटमा पराजित भयो। नेपाल पहिलो सेटमा २५–२३ तथा दोस्रो सेटमा २५–२२ ले पराजित भएको थियो। तेस्रो सेट भने नेपालले २५–१५ ले आफ्नो पक्षमा पार्‍यो। तर, चौथो सेटमा २५–२२ ले पराजित हुँदै नेपाल प्रतियोगितामा पदकविहीन बन्न पुग्यो। यससँगै नेपाल घरेलु कोर्टमा पहिलो पटक पदकविहीन बनेको हो। नेपाल सेमिफाइनलमा इरानसँग ३–० को सोझो सेटमा पराजित हुँदै तेस्रो स्थानका लागि प्रतिस्पर्धामा पुगेको थियो भने भारत काजाकिस्तानसँग समान सेटमा पराजित भएको थियो। गत ८ जेठबाट सुरु भएको प्रतियोगितामा ८ टोलीको सहभागिता रहेको थियो। यससँगै नेपाल चौथो स्थानमा सीमित बनेको छ। प्रतियोगिताको उपाधिका लागि काजाकिस्तान र इरानबीच आजै प्रतिस्पर्धा हुनेछ।

नेपाललाई हराउँदै भारत तेस्रो

काठमाडौं। सेन्ट्रल एसियन भलिबल एसोसिएसन (काभा) महिला भलिबल च्याम्पियनसिपको उपाधि भिडन्त आज हुँदैछ। गत जेठ ८ गतेदेखि सुरु भएको प्रतियोगितामा आठ टोलीको सहभागिता रहेको थियो। उपाधिका लागि आज इरान र काजाकिस्तान आमनेसामने हुँदैछन्। फाइनल खेल दिउँसो ४:३० बजे त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सुरु हुनेछ। त्यसअघि तेस्रो स्थानका लागि घरेलु टोली नेपाल र भारतबीच प्रतिस्पर्धा हुनेछ। नेपाल र भारतबीचको खेल दिउँसो १ बजे सुरु हुनेछ। बिहीबार सम्पन्न पहिलो सेमिफाइनलमा काजाकिस्तानले भारतलाई तथा दोस्रो सेमिफाइनलमा इरानले नेपाललाई समान ३–० को सोझो सेटमा पराजित गर्दै फाइनल यात्रा तय गरेका हुन्। यी दुवै टोली समूह ‘ए’ बाट सेमिफाइनलमा पुगेका थिए। समूह चरणमा भारत समूह विजेता तथा नेपाल उपविजेता बनेका थिए। भारतले समूह चरणका सबै खेलमा जित हात पार्दा नेपाल भने भारतसँग पाँचौं सेटसम्म पुगेको प्रतिस्पर्धात्मक खेलमा पराजित भएको थियो। यता, समूह चरणमै काजाकिस्तानलाई ३–० को सोझो सेटमा हराएको इरान अपराजित रहँदै फाइनल पुगेको हो। इरान समूह चरणको लय कायम राख्दै उपाधि जित्ने लक्ष्यमा हुनेछ भने काजाकिस्तान समूह चरणको हारको बदला फाइनलमै लिने दाउमा रहनेछ। प्रतियोगितामा किर्गिस्तान पाँचौं तथा श्रीलंका छैटौं स्थानमा रहे। यस्तै, माल्दिभ्स सातौं स्थानमा रहँदा कुनै पनि खेल जित्न नसकेको बंगलादेश पुछारमा सीमित भयो।

काभा महिला भलिबल च्याम्पियनसिपको उपाधिका लागि इरान र काजाकिस्तान भिड्दै

अपेक्षा अनुसार नै लियोनल मेसीको कप्तानीमा अर्जेन्टिनाले विश्वकप २०२६ खेल्ने भएको छ । प्रशिक्षक लियोनल स्कोलोनीले शुक्रबार २६ सदस्यीय टिम घोषणा गरेका छन् र अब मेसीले कीर्तिमान छैटौं पल्ट विश्वकप खेल्नेछन् । चार वर्ष अगाडि मेसीकै नेतृत्वमा अर्जेन्टिनाले विश्वकप जितेको थियो । घोषित टिमको गोलरक्षकमा इमिलिनो मार्टिनेज, जेरोनिमो रुली र जुवान मुसा परेका छन् । डिफेन्डरमा गोन्जालो मान्टेलो, नाहुल मोलिना, लिसान्ड्रो मार्टिनेज, निकोलस मोटमेन्डी, लियोनार्डो बालेर्डी, क्रिस्टयन रोमेरो, फकुन्डो मेडिना र निकोलस टागलिफिको रहेका छन् । यस्तै मिडफिल्डरको सूचीमा लियान्ड्रो पारेडेस, रोड्रिगो डे पउल, एक्सक्वेल पालाकोस, इन्जो फर्नान्डेज, एलेक्स म्याकएलिस्टर, जियोभानी लो सेल्सो र भ्यालेन्टिन बार्को छन् । फरवार्डमा मेसीसँगै, निकोलस पाज, थिएगो आल्मान्डा, निकोलस गोन्जालेज, जुलियन एल्भारेज, गुलिनो सिमो, लउतारो मार्टिनेज र जोसे म्यानुएल लोपेज रहेका छन् ।

मेसीको नेतृत्वमा अर्जेन्टिनी टिम घोषित

काठमाडौं। घरेलु टोली नेपाललाई ३–० को सोझो सेटमा पराजित गर्दै इरान काभा महिला भलिबल च्याम्पियनसिप २०२६ को फाइनलमा प्रवेश गरेको छ। त्रिपुरेश्वरस्थित राष्ट्रिय खेलकुद परिषद्को कभर्डहलमा बिहीबार सम्पन्न दोस्रो सेमिफाइनलमा इरानले नेपाललाई २५–२०, २५–१५ र २५–११ ले हराउँदै उपाधिनजिक पुगेको हो। नेपालले पहिलो सेटमा प्रतिस्पर्धात्मक खेल देखाए पनि त्यसपछि इरानले खेलमा पूर्ण नियन्त्रण जमाएको थियो। लगातार दोस्रो र तेस्रो सेट सहजै आफ्नो पक्षमा पार्दै इरानले फाइनल यात्रा तय गर्‍यो। अब नेपालले तेस्रो स्थानका लागि शुक्रबार भारतसँग प्रतिस्पर्धा गर्नेछ। यता, उपाधिका लागि इरानले काजाकिस्तानसँग खेल्नेछ।

नेपाललाई हराउँदै इरान फाइनलमा, उपाधिका लागि काजाकिस्तानसँग खेल्ने

काठमाडौँ। भारतलाई सोझो सेटमा पराजित गर्दै काजाकिस्तान काभा महिला भलिबल च्याम्पियनसिप २०२६ को फाइनलमा प्रवेश गरेको छ।&nbsp; बिहीबार त्रिपुरेश्वरस्थित राष्ट्रिय खेलकुद परिषद्को कभर्डहलमा भएको पहिलो सेमिफाइनलमा काजाकिस्तानले भारतलाई ३-० को सेटमा हराउँदै उपाधिनजिक पुगेको हो। काजाकिस्तानले खेलको सुरुदेखि नै उत्कृष्ट प्रदर्शन गर्दै भारतमाथि दबाब बनाएको थियो। उसले पहिलो सेट २५-२१ ले आफ्नो पक्षमा पार्दा दोस्रो सेटमा २५-१७ को सहज जित निकाल्यो। तेस्रो सेटमा पनि काजाकिस्तानले आक्रामक खेल जारी राख्दै २५-१४ ले जित हात पार्दै फाइनल यात्रा तय गर्‍यो। समूह बी काे उपाविजेाता बनेर सेमिफाइनलमा प्रवेश गरेकाे काजाकिस्तानले फाइनलमा सहज जित दर्ता गर्याे यता, भारत भने समूह ए काे विजेता बन्दै सेमिफाइनलकाे यात्रा तय गरेकाे थियाे।&nbsp; अब काजाकिस्तानले उपाधिका लागि फाइनलमा नेपाल र इरानबीचको विजेतासँग प्रतिस्पर्धा गर्नेछ।

काजाकिस्तान फाइनलमा, भारत सोझो सेटमा पराजित

काठमाडौं। महिला टी २० एसियन कप छनोटको खेलमा नेपालले इन्डोनेसियाबाट ११४ रनकाे लक्ष्य पाएकाे छ। टस जितेर पहिले ब्याटिङ रोजेको इन्डोनेसियाले निर्धारित २० ओभरमा ४ विकेट गुमाए ११३ रन बनायाे। उसका लागि सुरुआतमै दबाब सामना गरेको थियो। नेपाली मनिषा उपाध्यायले पहिलो ओभरमै दुई विकेट लिएपछि इन्डोनेसिया संकटमा परेको थियो। उनले ४ ओभरमा मात्र ९ रन खर्चेर २ विकेट लिइन्। इन्डोनेसियाका लागि कप्तान नी पुटु आयु नन्दा सकारिनीले अविजित ५६ रन बनाउँदै टोलीलाई सम्मानजनक योगफलतर्फ पुर्‍याइन्। उनले ६२ बलमा ३ चौका प्रहार गरिन्। नी लुह देवीले २३ रनको योगदान दिइन् भने नी माडे पुत्री सुवान्देवीले १३ रन जोडिन्। नेपालका लागि रिया शर्माले पनि किफायती बलिङ गर्दै ४ ओभरमा १७ रन खर्चेर १ विकेट लिइन्। कविता कुँवर, रुबिना क्षेत्री र सीमाना केसीले पनि दबाबपूर्ण बलिङ गरे।

नेपालले पायो १२४ रनको लक्ष्य

काठमाडौं। काभा महिला भलिबल च्याम्पियनसिप २०२६ अन्तर्गत बिहीबार सेमिफाइनलका दुई रोमाञ्चक खेल हुँदैछन्। प्रतियोगिताको सातौं दिन हुने पहिलो सेमिफाइनलमा काजाकिस्तानले भारतसँग प्रतिस्पर्धा गर्नेछ भने दोस्रो सेमिफाइनलमा घरेलु टोली नेपालले इरानको सामना गर्नेछ। पहिलो सेमिफाइनल खेल दिउँसो २ः३० बजे सुरु हुनेछ। त्यसपछि साँझ ५ बजे नेपाल र इरानबीचको बहुप्रतीक्षित खेल हुनेछ। घरेलु समर्थकको साथ पाएको नेपाल फाइनल प्रवेशको लक्ष्यसहित कोर्टमा उत्रिनेछ। नेपालले समूह चरणमा उत्कृष्ट प्रदर्शन गर्दै सेमिफाइनल यात्रा तय गरेको हो। यता इरान पनि बलियो टोलीका रूपमा उपाधि दाबेदार मानिएको छ। नेपाली टोली घरेलु मैदानको फाइदा उठाउँदै ऐतिहासिक सफलता हात पार्ने योजनामा रहेको छ।

फाइनल यात्राका लागि नेपाल आज इरानसँग प्रतिस्पर्धा गर्दै

प्रशिक्षक ओलिभर ग्लासनेरको बिदाई खेलमा क्रिस्टल प्यालेसले रायो भालेकानोलाई १–० ले पराजित गर्दै बुधबार यूईएफए कन्फ्रेन्स लिगको उपाधि जितेको छ । खेलको एक मात्र गोल जियान फिलिपे मेटाटेको नाममा रह्यो । फ्रान्सेली खेलाडीले ५१ औं मिनेटमा गोल गरेका हुन् । प्यालेसको साढे दुई वर्षको बसाईमा ग्यासनेर जितेको यो तेस्रो उपाधि हो र यो अवधिलाई क्लब इतिहासकै सबैभन्दा सफल समय रहेको छ । &nbsp; प्यालेस भने कन्फ्रेन्स लिगको उपाधि जितेर अर्को सिजनको युरोपा लिगका लागि छनोट भएको छ । एस्टन भिल्लाले यसअघि नै युरोपा लिग जितिसकेको छ र भने आर्सनलले च्याम्पियन्स लिगको फाइनल खेल्दैछ ।

ग्यासनेरको बिदाईमा प्यालेसलाई कन्फ्रेन्स लिगको उपाधि

वैभव सूर्यवंशीको एक अर्को अद्धितीय ब्याटिङको मदतले राजस्थान रोयल्सले बुधबार इन्डियन प्रिमियर लिग (आईपीएल) २०२६ मा सनराइज हैदरावादलाई ४७ रनले हराएको छ र प्रतियोगिताको क्वालियर–टु प्रवेश गरेको छ । अब राजस्थानले शुक्रबार हुने खेलमा गुजरात टाइटन्सको सामना गर्नेछ । रोयल च्यालेन्जर्स बेंगलुरु यसअघि नै फाइनल पुगिसकेको छ । सूर्यवंशीले २९ बलमै ९७ रन बनाए र पहिले ब्याटिङ गरेको राजस्थानले आठ विकेटमा २ सय ४३ रनको स्कोर खडा गरेको थियो । ध्रुव जुरेलले पनि २१ बलमा अर्धशतक बनाए । जवाफमा हैदरावाद १९.२ ओभरमा अलआउट हुन अगाडि १ सय ९६ रन मात्र बनायो र त्यसमा कोही पनि ब्याटरको गतिलो योगदान रहेन् ।

सूर्यवंशीको अद्धितीय ब्याटिङमा राजस्थानको जित

काठमाडौं। नेपाल बुद्धिचाल महासङ्घ भित्रको विवाद सार्वजनिक रूपमा सतहमा आएको छ। १० जेठमा दुई फरक स्थानमा विशेष अधिवेशन आयोजना भएपछि हेटौंडामा अधिवेशन गरेको पक्षले आफूहरूको विशेष साधारणसभा वैध रहेको दाबी गर्दै बुधबार पत्रकार सम्मेलन आयोजना गरेको हो। उक्त पक्षका अनुसार हेराकाजी महर्जन नेतृत्वको पुरानै कार्यसमिति यथावत रहेको छ। पहिलो पटक बोलाइएको सभामा आवश्यक ५० प्रतिशत गणपूरक सङ्ख्या नपुगेपछि ११ जेठमा दोस्रोपटक सभा आयोजना गरिएको र त्यसमा आवश्यक ३३ प्रतिशत सदस्य उपस्थित भएकाले अधिवेशन वैध भएको दाबी गरिएको छ। अध्यक्ष हेराकाजी महर्जन र महासचिव धरमबहादुर लामाविरुद्ध अविश्वास प्रस्ताव दर्ता भएपछि विशेष साधारणसभा आयोजनाको विषयमा महासङ्घभित्र विवाद उत्पन्न भएको थियो। एक पक्षले हेटौंडामा विशेष अधिवेशन आयोजना गरेको थियो भने अर्को पक्षले काठमाडौंमा विशेष साधारणसभा बोलाउने निर्णय गरेको थियो। सोही आधारमा काठमाडौंमा पनि छुट्टै विशेष साधारणसभा आयोजना गरिएको थियो। महासङ्घ नेतृत्वमाथि आर्थिक अनियमितता, खेलाडीमाथि दुर्व्यवहार तथा दुई वर्षअघि अनावश्यक व्यक्तिलाई भ्रमण गराउन खोज्दा चेस ओलम्पियाडका लागि नेपाली खेलाडीले भिसा नपाएकोलगायत आरोप लगाउँदै अविश्वास प्रस्ताव दर्ता गरिएको बताइएको छ।

नेपाल बुद्धिचाल महासङ्घको विवाद सतहमा, हेटौंडा पक्षद्वारा विशेष साधारणसभा वैध भएको दाबी

काठमाडौं। एसीसी महिला टी–२० एसिया कप छनोटकाे समूह ‘बी’ मा रहेकाे नेपालले चीनलाई १९ रनले पराजित गरेको छ।&nbsp; मलेसियाको क्वालालम्पुरमा बुधबार सम्पन्न खेलमा नेपालले दिएको १२६ रनको लक्ष्य पछ्याएको चीनले निर्धारित २० ओभरमा ५ विकेट गुमाउँदै १०६ रन मात्रै बनाउन सक्यो। नेपालको जितमा रिया शर्माले ४ ओभरमा १८ रन खर्चेर २ विकेट लिइन् भने मनीषा उपाध्याय, कविता कुँवर र पूजा महतोले समान १–१ विकेट हात पारे। चीनका लागि कप्तान मिङयुए झुले सर्वाधिक ३० रन बनाइन्। वाङ हुईयिङले २१ तथा वेई हाईटिङले १८ रन जोडे पनि टोलीलाई जितसम्म पुर्‍याउन सकेनन्। त्यसअघि टस जितेर पहिले ब्याटिङ गरेको नेपालले निर्धारित २० ओभरमा ५ विकेट गुमाउँदै १२५ रन बनाएको थियो। नेपालको इनिङ्समा पूजा महतोले शानदार अर्धशतक प्रहार गर्दै ५७ बलमा ६ चौकासहित ६३ रनको योगदान दिइन्। सोनी पाख्रिनले १८ तथा रुबी पोदार अविजित २२ रन बनाइन्। चीनकी मा रुइकेले २ विकेट लिइन् भने वाङ हुईयिङ र जियापिङ लीले समान १–१ विकेट हात पारे। यो जितसँगै नेपालले प्रतियोगितामा महत्वपूर्ण दुई अंक जोडेको छ। दुई खेलबाट चीनकाे दुई अंक छ।

नेपाल १९ रनले विजयी

काठमाडौं। काभा महिला भलिबल च्याम्पियनसिपअन्तर्गत पाँचौं स्थानका लागि भएको खेलमा किर्गिस्तानले श्रीलंकालाई ३–१ को सेटमा पराजित गर्दै प्रतियोगितामा पाँचौं स्थान हासिल गरेको छ। खेलको पहिलो सेट १५–२५ ले गुमाएको किर्गिस्तानले त्यसपछि उत्कृष्ट पुनरागमन गर्दै लगातार तीन सेट आफ्नो पक्षमा पार्‍यो। किर्गिस्तानले दोस्रो र तेस्रो सेट समान २५–२३ ले जित्दा चौथो तथा अन्तिम सेटमा २५–१५ को सहज जित निकाल्दै खेल आफ्नो पक्षमा पारेको हो। पहिलो सेटमा दबाबमा देखिएको किर्गिस्तानले त्यसपछि सशक्त प्रदर्शन गर्दै आक्रमण, ब्लक तथा डिफेन्समा सुधार गरेको थियो। लगातार तीन सेट जितेसँगै किर्गिस्तानले प्रतियोगिताको अन्त्य सुखद बनाएको छ। हारसँगै श्रीलंका भने छैटाैं स्थनामा रहेकाे प्रतियाेगिता समापन गरेकाे छ।

श्रीलंकामाथि जित निकाल्दै किर्गिस्तानले गर्‍यो पाँचौं स्थान कब्जा

काठमाडौं, नेपाली राष्ट्रिय क्रिकेट टिमका लेग स्पीनर सन्दीप लामिछाने र ब्रिज इन्टरनेशनल कन्सलटेन्सीबीच पाँच वर्षको सम्झौता भएको छ।&nbsp; मंगलबार साँझ पोखरामा आयोजित एक भव्य कार्यक्रममाकाबीच शैक्षिक परामर्शदाता कम्पनी ब्रिजले सन्दीपसँग पाँच वर्षको लागि सम्झौता नविकरण गरेको हो। यसअघि २०८१ भदौमा ब्रिज इन्टरनेशनलले सन्दीपसँग दुई वर्षको लागि सम्झौता गरेको थियो। त्यो सम्झौताको केही समय बाँकी नै रहँदा नै ब्रिजले सन्दीपसँग सम्झौता नविकरण गर्दै थप पाँच वर्षको लागि सम्झौता गरेको हो।&nbsp; ब्रिज इन्टरनेशनलका सिइओ भुवन गिरी र सन्दीप लामिछानेले सम्झौता पत्रमा हस्ताक्षर गरे। ब्रिज इन्टरनेशनलका सिइओ भुवन गिरीले सम्झौता पाँच वर्षको भएको र नेपालको खेलकुद इतिहासमै एकै पटक यति लामो समयमको लागि सम्झौता भएको यो पहिलो पटक भएको बताए।&nbsp; गिरीले सन्दीपसँग पहिलो पटक सम्झौता गर्दा त्यो गर्वको क्षण रहेको र फेरि सम्झौता गर्न पाउँदा धेरै खुशी लागेको बताए। &nbsp;‘हामीले करिब दुई वर्ष अघि सम्झौता गरेको थियौँ। कति छिटो समय बित्यो पत्तै भएन। फेरी हामीले पाँच वर्षको लागि सम्झौता नविकरण गरेका छौँ।’ गिरीले भने, ‘हाम्रो सहकार्यलाई&nbsp; अझ धेरै समय निरन्तरता दिनका लागि हामीले केही समयअघि नै सम्झौता नविकरण गरेका छौँ।’ गिरीले सन्दीपले अन्तर्राष्ट्रिय क्रिकेटमा सन्दीपले नेपाललाई चिनाउने काम गरेको र सगरमाथा र गौतम बुद्धपछि नेपाललाई चिनाउने फरक क्षेत्रको व्यक्ति सन्दीप नै रहेको बताए।&nbsp; गिरीले ग्राउण्ड लेभलबाट नै क्रिकेट खेलको विकास गर्नुपर्छ भनेर हामीले राइजिङ एण्ड साइनिङ विथ एस २५ कार्यक्रम समेत घोषणा गर्दै हरेक प्रदेशमा गएर प्रतिभावान खेलाडीहरुको खोजी गर्ने र कम्तीमा ५ खेलाडीलाई स्कलरसिप दिने योजना रहेको बताए।&nbsp; ‘शिक्षा र खेलकुदलाई जोड्ने र क्रिकेटको मोह र माया खेलबाट टाढा हुन नपरोस् भनेर हामीले सन्दीप जस्तै अन्य क्रिकेटर उत्पादन गर्नुपर्छ भनेर कम्तीमा ५ जना छनोट गरेर छात्रवृति दिने योजना बनाएका छौँ। त्यो क्रिकेटका लागि ठूलो विषय हो।’ यस्तै ब्रिज कन्सल्टेन्सीका चियरम्यान महेश गिरीले सन्दीपसँग सम्झौतामा हस्ताक्षर गर्ने मात्र भन्दा पनि यो एउटा टिम स्ट्रिपको रुपमा रहेको बताए। सन्दीप ओडिआई क्रिकेटमा सबैभन्दा छिटो १५० विकेट लिने खेलाडीको विश्व कीर्तिमान बनाएका थिए। उनले ७३ खेलमा उक्त उपलब्धी हासिल गर्दै अस्ट्रेलियाको मिचेल स्टार्कले ७७ खेलमा बनाएको कीर्तिमान तोडेका हुन् । यस्तै सन्दीपको नाममा ओडिआईमा सबैभन्दा छिटो १०० विकेट लिने कीर्तिमान पनि छ।&nbsp; सन्दीपले दुई वर्षअघि आफू कठिन समयमा हुँदा ब्रिज इन्टरनेसनलले उठाउने काम गरेको भन्दै यो सम्झौता मात्र नभएर परिवार जस्तै भएको बताए। ‘म कुनै समय कठिन अवस्थामा हुँदा लडेको बेला उठाउने काम ब्रिजले गर्‍यो। यो सम्झौताले मलाई जुन जिम्मेवारी दिनुभाछ। त्यो अटुट सम्बन्धको रुपमा लिएर जानेछौँ। सन्दीपले ब्रिज इन्टरनेसलन नेपालकै नम्बर वान कन्सल्टेन्सी भएको र आफूलाई विश्वास गरेर फेरि पाँच वर्षको लागि सम्झौता भएकोमा आभार व्यक्त गरे। ‘मलाई तपाईँहरुले यो जिम्मेवारी दिनुभाछ । म जब नेपालको प्रतिनिधित्व गर्छु सधैँ नेपाल र नेपालप्रति लोयल हुनेछु।’ सम्झौता कार्यक्रममा गण्डकी प्रदेशका सामाजिक युवा तथा खेलकुद मन्त्री रेखा गुरुङ, प्रदेश सांसद टिका माया बस्याल, डाइरेक्टर अफ ग्लोबल बिजनेस एन्ड रिलेसन्स एन्ड्रु होपकिन्स, एनआरएनएका प्रवक्ता सोम प्रसाद सापकोटा, नेपाल स्कुल स्पोर्ट्स फेडेरेसनका महासचिव राज कुमार कार्की लगायतले सन्दीपले नेपाली क्रिकेटमा गरेको योगदान र उनले विश्वमा नेपाललाई चिनाउने काम गरेको भन्दै योगदानको चर्चा गरेका थिए।&nbsp;

सन्दीप लामिछाने र ब्रिज इन्टरनेशनलबीच पाँच वर्षको सम्झौता

झापा स्थित मेचिनगरको खानेपानी तथा सरसफाइ हलमा मंगलबार देखि राष्ट्रिय ‘बी’ बुद्धिचाल च्याम्पियनसिप शुरु भएको छ।&nbsp; नेपाल बुद्धिचाल महासंघको आयोजनामा जेठ १२ देखि १५ गतेसम्म २६ औँ राष्ट्रिय पुरुष तथा ११ औँ राष्ट्रिय महिला बुद्धिचाल च्याम्पियनसिप छनोटका रूपमा प्रतियोगिताको आयोजना गरिएको हो। काँकडभिट्टाको नाइट चेस क्लब, स्थानीय व्यवस्थापन रहेको स्पर्धामा देशभरका शीर्ष ७८ जना खेलाडीहरूको सहभागिता रहेको क्लबका अध्यक्ष विश्वविजय घिमिरले जानकारी गराएका छन्। प्रतियोगिताको प्रमुख निर्णायक एफए भुपेन्द्र निरौलाले राष्ट्रिय खेलको फर्म्याट स्विस प्रणालीमा सञ्चालित क्लासिकल खेल समय ९० मिनेट &nbsp;प्रत्येक चालमा थप ३० सेकेन्ड इन्क्रिमेन्ट रहेको &nbsp;बताए । खुल्ला तर्फ जम्मा ८ चरणको लिग खेल मध्ये दुई चरण समाप्तिसम्म रिसोन थापा २ अंकसहित शीर्ष स्थानमा रहेका छन् ।&nbsp; रिसोन सँगै अंक २ जोडेका सीएम पुरुषोत्तम चौलागाईं, सीएम सुश्रुत दाहाल, आशिष फूँयाल, मुहान नरसिंह श्रेष्ठ, धिरेन राई, सुरोज महर्जन शीर्ष समूहमा छन्। यसै ज्वाला इम्बुङ्ग, कमल श्रेष्ठ, प्रतीक सुवेदी, सिएम नवीन तण्डुकार, मणिराज डाँगी, र सत्यम शर्मा समान २ अंक जोडेर राम्रो शुरुआत गरेका छन्। यसैगरी महिलातर्फ पहिलो चरणपछिको नतिजा अनुसार कृतिसरा अधिकारी, शान्ति धिमाल, बिनिता कापाली, पूजा भण्डारी र सुशिला गुरुङले विजयी शुरुआत गरेका छन्। महिला राष्ट्रिय बी खेलमा प्रवीषा दवाडी, लक्ष्मी कँडेल, उज्जीभनी कँडेल, प्रिया क्षेत्री र नुमा सुब्बाले समान १ जीत दर्ता गर्न सफल भएका छन्। खुल्ला तथा महिला दुबै विधाका शीर्ष ९ जना खेलाडीले नगद रु. ५ हजार प्राप्त गर्नेछन् भने राष्ट्रिय शीर्ष तिन जना सँग नेपाल च्याम्पियनसीपका लागि राउण्डरोबिन खेल्ने छन्।

काकरभिट्टामा राष्ट्रिय ‘बी’ बुद्धिचाल च्याम्पियनसिप शुरु, रिसोन थापा र कृतिसरा अधिकारी अग्रस्थानमा

डिफेन्डिङ च्याम्पियन रोयल च्यालेन्जर्स बेंगलुरुले मंगलबार इन्डियन प्रिमियर लिग (आईपीएल) २०२६ को फाइनल प्रवेश गर्ने क्रममा क्वालिफायर–वानमा गुजरात टाइटन्सलाई सजिलै ९२ रनले पराजित गरेको छ । धर्मशालामा भएको खेलमा जितका लागि २ सय ५५ रनको लक्ष्य पछ्याएको गुजरात १९.३ ओभर मात्र टिकेर १ सय ६२ रन बनाएर अलआउट भयो । त्यसमा राहुल तेवतियाले सर्वाधिक ६८ रन बनाए र बेंगलुरुलाई जितका लागि पर्खन बाध्य तुल्याए । पहिले ब्याटिङको निम्तो पाएको बेंगलुरुले पाँच विकेटमा २ सय ५४ रनको कीर्तिमानी स्कोर बनाएको थियो । कप्तान रजत पाटिदारले ३३ बलमा ९३ रन जोडे । त्यसमा पाँच चौका र नौ छक्का सामेल थियो । यस्तै बेंगलुरुका लागि विराट कोहली र क्रुनाल पान्ड्याले समान ४३ रन जोडे । अब गत वर्ष पहिलो पटक च्याम्पियन भएको बेंगलुरुसामु उपाधि रक्षाको अवसर हुनेछ । आज हुने इलिमिनेटरमा सन राइज हैदरावाद र राजस्थान रोयल्स खेल्नेछन् । त्यसमा विजयी रहने टिमले क्वालिफायर–टुमा गुजरातको सामना गर्नेछ । त्यसकै विजेताले फाइनलमा बेंगलुरुको सामना गर्नेछ ।

गुजरातलाई पराजित गर्दै बेंगलुरु फाइनलमा

काठमाडौं। काभा महिला भलिबल च्याम्पियनसिपअन्तर्गत सम्पन्न खेलमा किर्गिस्तानले बंगलादेशलाई सोझो सेटमा पराजित गर्दै प्रभावशाली जित दर्ता गरेको छ। किर्गिस्तानले बंगलादेशमाथि ३-० को सहज जित निकाल्ने क्रममा पहिलो सेट २५-१५, दोस्रो सेट २५-१० र तेस्रो सेट २५-१० ले आफ्नो पक्षमा पार्‍यो। खेलभरि किर्गिस्तानले उत्कृष्ट ब्लकिङ, आक्रामक स्पाइक तथा मजबुत डिफेन्स प्रस्तुत गर्दै बंगलादेशलाई दबाबमा राखेको थियो। बंगलादेशले केही उत्कृष्ट र्‍याली खेले पनि किर्गिस्तानको बलियो प्रदर्शन अगाडि टिक्न सकेन।

काभा महिला भलिबल च्याम्पियनसिप : बंगलादेशमाथि किर्गिस्तानको जित

काठमाडौं। ‘सुपर ड्राइभ नेपाल’ ले नेपालकै सबैभन्दा ठूलो अटोमोटिभ लाइफस्टाइल र्‍याली आयोजना गर्ने भएको छ। आयोजकले सन् २०२६ मे ३१ देखि जुन ६ सम्म सञ्चालन हुने औपचारिक घोषणा गरेको हो। एक सातासम्म चल्ने यस र्‍यालीमा अन्तर्राष्ट्रिय सुपरकार, लक्जरी ब्रान्ड, कन्टेन्ट क्रियटर, प्रिमियम हस्पिटालिटी पार्टनर तथा अटोमोटिभ पारखीहरूको सहभागिता रहने जनाइएको छ। मोटरस्पोर्ट केटीएमद्वारा आयोजना गरिने र्‍याली बुटवल, भैरहवा, पोखरा, चितवन हुँदै काठमाडौंसम्म सञ्चालन हुनेछ। आयोजकका अनुसार कार्यक्रमले अटोमोटिभ संस्कृति, पर्यटन, मनोरञ्जन, नाइट लाइफ तथा आधुनिक जीवनशैलीलाई एउटै प्रिमियम प्लेटफर्ममा जोड्ने लक्ष्य राखेको छ। र्‍यालीमा पोर्श, अडी, बीएमडब्ल्यू एम सिरिज तथा मर्सिडिज–एएमजी जस्ता विश्वप्रसिद्ध उच्च प्रदर्शन क्षमतायुक्त सवारी साधन सहभागी हुनेछन्। विभिन्न सहरमा सुपरकारहरूको कन्भोय ड्राइभ, सार्वजनिक प्रदर्शनी, दर्शकसँगको भेटघाट, कन्टेन्ट क्रियटर सहकार्य तथा विशेष मिडिया कभरेज कार्यक्रमका मुख्य आकर्षण रहनेछन्। त्यसैगरी, कार्यक्रममा विशेष पुल पार्टी, बारबेक्यु नाइट, ब्रान्ड एक्टिभेसन, व्यावसायिक फोटोग्राफी, भिडियोग्राफी तथा ड्रोन कभरेजसमेत समावेश गरिने आयोजकले जनाएको छ। र्‍यालीको समापन आगामी जुन ६ मा काठमाडौंको दरबारमार्गमा आयोजना हुने ‘सुपर ड्राइभ नेपाल ग्रान्ड शोकेस’ मार्फत गरिनेछ। अपराह्न ४ बजेदेखि सुरु हुने उक्त कार्यक्रममा सहभागी सबै सुपरकारहरू सार्वजनिक प्रदर्शनमा राखिनेछन्। साथै मनोरञ्जनात्मक प्रस्तुति र विभिन्न ब्रान्ड एक्टिभेसनसहित भव्य समापन गरिने बताइएको छ। आयोजकका अनुसार ‘सुपर ड्राइभ नेपाल’ ले नेपाललाई प्रिमियम अटोमोटिभ पर्यटन तथा अन्तर्राष्ट्रिय स्तरका लाइफस्टाइल इभेन्टहरूको नयाँ गन्तव्यका रूपमा स्थापित गर्ने लक्ष्य लिएको छ।&nbsp;

नेपालमै पहिलोपटक ‘सुपर ड्राइभ नेपाल’ अटोमोटिभ लाइफस्टाइल र्‍याली आयोजना हुने

काठमाडौं। काभा महिला भलिबल च्याम्पियनसिपअन्तर्गत आज दुई महत्वपूर्ण खेल हुँदैछन्।&nbsp; प्रतियोगिताको पाँचौं दिनअन्तर्गत वरियता चरणका खेलहरू त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा सञ्चालन हुनेछन्। आजको पहिलो खेलमा किर्गिस्तान र बंगलादेशबीच प्रतिस्पर्धा हुनेछ। यी दुई टोलीबीचको खेल दिउँसो २ः३० बजे सुरु हुनेछ। त्यसपछि हुने दोस्रो खेलमा श्रीलंका र माल्दिभ्स आमनेसामने हुनेछन्। यो खेल साँझ ५ बजेबाट सुरु हुनेछ। यस्तै, साेमाबार समूह चरणकाे खेल सकिएसँगै सेमिफाइनल समिकरण पूरा भएकाे छ। सेमिफाइनलमा इरानले नेपालसँग प्रतिस्पर्धा गर्नेछ। नेपाल समूह ‘ए’ को उपविजेता बनेर सेमिफाइनलमा पुगेको हो। अर्को सेमिफाइनलमा समूह ‘ए’ को विजेता भारतले काजाकिस्तानसँग खेल्नेछ।

Nepalsports

फोनसेकासँग हारेपछि जोकोभिचको सपना अधुरै

📰 Recent News

Nepalsports