किंग्स क्रिकेट क्लबको आयोजनामा यही श्रावण ९ गते देखि १७ गते सम्म काठमाडौंको बुढानिलकण्ठमा किंग्स टी- टेन इन्डोर प्रतियोगिता आयोजना हुने भएको छ ।&nbsp; बुधबार काठमाडौँमा आयोजित पत्रकार सम्मेलनमा प्रतियोगिताको दोश्रो संस्करणको घोषणा गरिएको हो । रोयल स्पोर्ट्स पार्कमा खेलिने खुला प्रतियोगितामा इन्डोर क्रिकेटकै सर्वाधिक ३२ टिमको सहभागिता रहनेछ । हालसम्म आयोजित इन्डोर प्रतियोगितामा यो सर्वाधिक सहभागिता हो ।&nbsp; पत्रकार सम्मेलनमा बोल्दै आयोजक किंग्स क्रिकेट क्लबका अध्यक्ष मिलन थापाले प्रतियोगिताको उद्देश्य युथ क्रिकेट विकास गर्दै ग्रासरूट क्रिकेटलाई प्रोत्साहन गर्नु रहेको बताए ।&nbsp; यस्तै प्रतियोगिताका टेक्निकल डिरेक्टर रवीन्द्र गुप्ताले लिग र नकआउट चरणमा प्रतियोगिता सञ्चालन हुने बताए ।&nbsp; सहभागी ३२ टिमलाई आठ समुहमा विभाजन गरिएको छ र हरेक समुहमा रहेका टिमहरुले एक अर्कासँग १/१ खेल खेल्ने छन् । त्यसपछि प्रत्येक समुहबाट शीर्ष टिम क्वार्टर फाइनल पुग्नेछन्।&nbsp; प्रतियोगिता आयोजनाको कुल बजेट करिब १० लाख रुपैयाँ रहेको सिजन प्रसाईंले जानकारी गराए ।&nbsp; प्रतियोगिताको मूख्य प्रायोजक गार्जीयन माइक्रो लाईफ इन्स्योरेन्स रहेको छ । यस्तै ट्राभल पार्टनर प्याङ्गोलिन ट्राभल्स, बैंकिङ पार्टनर महालक्ष्मी विकास बैंक लिमिटेड, एजुकेशन पार्टनर फ्र्याङ्कलिन एजुकेशन कन्सल्टेन्सी, फुड पार्टनर सेकुवा बाई किलो रहेको छ । यस्तै द पभेलियन स्टोर, हाम्रो खाजा घर, चिया अमृत, नेपाल बैंक लिमिटेडको पनि साथ रहेको छ ।

किंग्स टी- टेन इन्डोर प्रतियोगिता आयोजना हुने, हालसम्मकै सर्वाधिक सहभागीता

काठमाडौं। &nbsp;नेपालकाे समूहमा रहेकाे &nbsp;मंगोलियाले एएफसी यु–२० महिला एसियन कप छनोटबाट नाम फिर्ता लिएको छ। एसियाली फुटबल महासंघका अनुसार थाइल्यान्डमा अर्को वर्ष हुने प्रतियोगिताका लागि समूह ए मा साबिक विजेता उत्तर कोरियासँगै मंगोलिया, नेपाल, भुटान र साउदी अरब थिए। यो समूहक खेल ६ अगस्टदेखि भुटानको राजधानी थिम्पुमा हुने तय छ। तर, अन्तिम समयमा मंगोलियाले नाम फिर्ता लिएको हो। योसँगै नेपाललाई छनोटमा केही सहज भएको छ। नेपालले बंगलादेशमा भएको साफ महिला यु–२० च्याम्पियनसिपमा भुटानलाई ६–१ र ८–० ले पराजित गरिसकेको छ। अर्कोतर्फ साउदी अरब भुटानभन्दा पनि कमजोर टोली मानिन्छ। हरेक समूहको शीर्ष स्थानमा रहने टोलीले सिधै थाइल्यान्डको टिकट पक्का गर्नेछन्। समूहको दोस्रो स्थानमा रहने टोलीले पनि मौका पाउने छन्।&nbsp;

यु–२० महिला एसियन कप छनोट : मंगोलियाले नाम फिर्ता लियो,  नेपाललाई छनोटमा केही सहज

काठमाडौँ। नेपाल क्रिकेट संघ (क्यान) र कुवेत क्रिकेटबीच पुरुष र महिला क्रिकेट टिमलाई बढावा दिन हरेक बर्ष द्विपक्षीय क्रिकेट सिरिज आयोजना गर्ने सहमति भएको छ। क्यानका प्रवक्ता छुम्बी लामाका अनुसार प्रत्येक वर्ष होम एण्ड अवेका आधारमा दुवै देशमा कम्तिमा तीनवटा टी-२० अन्तर्राष्ट्रिय र थप ५० ओभरका खेलहरू खेलिने गरि सहमति भएको छ। यो रणनीतिक सहकार्य अन्तर्राष्ट्रिय एक्सपोजर बढाउन र यस क्षेत्रमा एसोसिएट राष्ट्रहरू बीच प्रतिस्पर्धी क्रिकेटलाई बढावा दिन एक महत्वपूर्ण कदम भएको क्यानले जानाएको छ। यो सहमति २०२६ देखि लागु हुने छ। नेपालले हालै आइसीसी टी-२० विश्वकप २०२४ मा विश्व मञ्चमा आफ्नो प्रतिभा प्रदर्शन गरेको र कुवेतले यस वर्षको अन्त्यमा आइसीसी पुरुष टी-२० विश्वकप २०२६ एशिया क्षेत्रीय छनोटमा भाग लिन तयारी गरिरहेको अवस्थामा, यो सकारात्मक पहल भएको क्यानले उल्लेख गरेको छ। यसले उदीयमान खेलाडीहरूको लागि प्रतिस्पर्धात्मक वातावारण बनाउनुका साथै कुवेतमा बसोबास गर्ने जीवन्त र जोशिलो नेपाली समुदायसँग दुई राष्ट्रहरू बीचको सांस्कृतिक र क्रिकेट सम्बन्धलाई पनि बलियो बनाउने विश्वास क्यानले गरेको छ। नेपाल र कुवेत दुवै आईसीसी पुरुष टी-२० विश्वकप २०२६ एशिया क्षेत्रीय छनोटको लागि एउटै समूहमा रहेका छन्।

नेपाल र कुवेतबीच द्विपक्षीय क्रिकेट सिरिज खेल्ने सहमति

काठमाडौं। टिपटप हेल्प नेपाल स्पाेर्टस क्लबले काभा पुरुष क्लब च्याम्पियन लिगमा तेस्रो स्थानका लागि खेल्ने भएको छ। मंगलबार भएको लिग चरणको अन्तिम खेलमा हेल्प नेपालले श्रीलंकाली पुलिसलाई ३-० को सेटमा पराजित गरेको हो। योसँगै कीर्गिस्तान बिश्केकसँग समान अंक (११) भए पनि सेटको (२ सेटले पछि पर्दा) आधारमा हेल्प नेपाल तेस्रो स्थानमा रह्यो। अब हेल्प नेपालले तेस्रो स्थानका लागि श्रीलंकाली पुलिससँग नै खेल्ने छ। यता, शीर्ष दुई स्थानका काजकस्तानको झाइयक (१४) किर्गिस्तानको बिश्केक (११ अंक) र ले फाइनल खेल्ने भएका छन्। मंगलबार नै भएको खेलमा झाइयकले बिश्केकलाई ३-० को सोझो सेटमा पराजित गर्दै शीर्ष स्थान हासिल गरेको थियो।

हेल्प नेपालले तेस्रो स्थानको लागि श्रीलंकाली पुलिसँग खेल्ने

भनिन्छ, विरालोको नौ जीवन हुन्छ । युरो २०२५ मा सायद इंग्ल्यान्डले यो भन्दा बढी जीवन पाएको छ । इटालीलाई नाटकीय रूपमा पराजित गर्दै इंग्ल्यान्ड भर्खरै प्रतियोगिताको फाइनल पुगेको छ । इटालीविरुद्धको त्यस फाइनलमा इंग्ल्यान्ड निश्चित हारको संघारमा थियो ।तर अन्त्यमा स्कोर इंग्ल्यान्डको पक्षमा २–१ रह्यो । इटालीले जेनेभामा भएको अन्तिम चारको खेलमा बारबरा बोनान्सीको गोलले अग्रता लिएको थियो । दोस्रो हाफको इन्ज्युरी समयको छैटौं मिनेटमा इंग्ल्यान्डका लागि मिचेल अगयामाङले बराबरी गोल गरिन् । त्यसपछि अतिरिक्त समयको १ सय १९ औं मिनेटमा क्लोई केलीले निर्णायक गोल गरिन् । प्रतियोगितामा इंग्ल्यान्डको सुरुआत राम्रो रहेन्, लिग चरणमा सुरुमै फ्रान्ससँग पराजित रह्यो ।&nbsp; त्यसपछि नकआउट चरण पुग्न नेदरल्यान्ड्सविरुद्ध निश्चित जितको आवश्यकता थियो ।क्वाटरफाइनलमा भने स्विडेनविरुद्ध दुई गोलले पछाडि रहेको स्थिति थियो । तर त्यसमा पनि इंग्ल्यान्ड टाइब्रेकरमा विजयी रह्यो । अहिले इंग्ल्यान्डले यस्तै परिस्थिजतिमा इटालीलाई हराएको छ । इंग्ल्यान्डकी मुख्य प्रशिक्षक सरिना वेगमनले ठीकै भनेकी छिन् । उनको भनाई थियो, ‘कुनै दिन हामी इंग्ल्यान्डको यो यात्रालाई लिएर सिनेमा बनाउने छौं । साँच्चै के यो सिनेमा नै हो त ? ओहो भगवान, जे जस्तो भइरहेकोछ, त्यो नाटकीय छ, मलाई त विश्वास नै भइरहेको छैन् ।’ डिफेन्डिङ च्याम्पियन इंग्ल्यान्डले अब आइतबार हुने फाइनलमा स्पेन अथवा जर्मनीमध्ये एकको सामना गर्नेछ ।

इंग्ल्यान्ड फाइनलमाः के यो सिनेमा हो ?

इंग्ल्यान्ड र भारतबीच चलिरहेको पाँच टेस्टको सिरिज रोमाञ्चक मोडमा छ र त्यसकै चौथो टेस्ट आज बुधबारदेखि म्यानचेस्टरको ओल्ड ट्रायफोर्डमा सुरु हुनेछ । सिरिजमा इंग्ल्यान्ड २–१ ले अगाडि छ । घरेलु टिमसामु सिरिज जित्ने अवसर हुनेछ । भारत भने यो टेस्ट जितेर सिरिज बराबर गर्ने लक्ष्यमा हुनेछ । लर्डसमा भएको तेस्रो टेस्टमा इंग्ल्यान्डले सनसनीपूर्ण जित निकाल्दै सिरिजमा अग्रता लिएको थियो । म्यानचेस्टरमा हुने अबको टेस्ट पनि उत्तिकै रोमाञ्चक हुने अनुमान गरिएको छ ।भारतका लागि यो टेस्टमा आफ्ना स्टार फास्ट बलर जसप्रित बुमराहलाई खेलाउने अथवा नखेलाउने निर्णय प्रमुख मुद्दा रहेको छ । चोटको समस्याबाट गुज्रिरहेका बुमरालाई आराम पनि उत्तिकै आवश्यक रहेको छ । सिरिजमा उनले तीन टेस्ट मात्र खेल्ने बताइएको थियो ।त्यसमध्ये उनले दुई टेस्ट खेलिसकेका छन् । भारतलाई बलरकै समस्या भइरहेको छ । अर्कोतर्फ इंग्ल्यान्डसामु आफ्नो माथिल्लो क्रमको ब्याटिङ समस्या समाधान गर्नु पर्ने आवश्यकता छ ।

ओल्ड ट्रायफोर्डमा आजदेखि चौथौ टेस्ट

इंग्ल्यान्डका पूर्व स्टार खेलाडी पउल ग्यास्कोइन मंगलबार अस्पतालबाट छुट्टी लिएर घर पुगेका छन् । उनको उपचार अब घरमै हुनेछ । गत शुक्रबार उनलाई अस्पताल भर्ना गरिएको थियो । उनलाई त्यहाँ आईसीयूमा राखिएको थियो । ग्यास्कोइनलाई उनका एक साथीले घरमै अचेत अवस्थामा भेटाएका थिए । अहिले उनको स्वास्थ्य स्थिति सुधारतर्फ उन्मुख रहेको बताइएको छ । उनी अहिले ५८ वर्षका भएका छन् र समय समयमा स्वास्थ्यमा समस्या आइरहने गर्छ ।इंग्ल्यान्डका लागि उनले कुल ५७ क्याप जिते र आफ्नो समयका सबैभन्दा ठूला फुटबल स्टार थिए । तर आफ्नो खेल जीवनमा उनी मदिरा पिउने बानीबाट सधैं समस्यामा रहे । यसले नै उनको उज्ज्वल खेल जीवन ध्वस्त पारेको थियो ।सन् १९९८ मा इटालीमा भएको विश्वकपमा इंग्ल्यान्ड सेमिफाइनलसम्म पुगेको थियो र उनी त्यस टिमका प्रमुख खेलाडी थिए ।

ग्यास्कोइन अस्पतालबाट घर पुगे

एरिका र अञ्जनालाई इनर ह्विलको सम्मानएसियाली खेलकुदकी रजत विजेता कराते खेलाडी एरिका गुरुङ र नेपाली राष्ट्रिय महिला फुटबल टिमकी गोलकिपर अञ्जना राना मगर मंगलबार भक्तपुरको मध्यपुरमा नगदसहित सम्मानित भएका छन् । कराते वान प्रिमियर लिगमा कांस्य, थाइल्यान्ड ओपन र युएस ओपनमा स्वर्ण तथा एसियन च्याम्पियनसिपमा रजत जितेकी कराते स्टार एरिका र फुटबलकी सनसनी अञ्जनालाई मध्यपुरस्थित इनर ह्विल क्लबले २५ हजार रुपैयाँ नगदसहित सम्मान गरेको थियो । नेपाली खेलकुदमा उल्लेखनीय योगदान गरेवापत दुवै खेलाडीलाई डा. सृष्टी उत्कृष्ट महिला खेलाडीको अवार्ड प्रदान गरिएको आयोजकले जनाएको छ । क्लबकी संस्थापक तथा इनर ह्विल डिस्ट्रिक्ट ३५० की उपाध्यक्ष डा. सृष्टी श्रेष्ठ प्रजापतीले खेलाडीलाई सम्मान गर्दै खेलकुदमा महिलाको सहभागिता र सफलतालाई सम्मान गर्न पाउनु आफ्नै लागि पनि गौरवको विषय रहेको बताइन । उनले आगामी वर्षहरुमा पनि यस्ता उदाहरणीय खेलाडीलाई सम्मानित गर्ने क्रमलाई अझ व्यापक बनाउँदै लाने प्रतिबद्धता जनाइन । सम्मानित हुने दुवै खेलाडीले निजी स्तरबाट हुने यस्ता सम्मानले आफूहरुलाई देशका लागि अझ समर्पित भएर खेल्न उर्जा मिल्ने बताउँदै आयोजकलाई धन्यवाद दिए ।

एरिका र अञ्जनालाई इनर ह्विलको सम्मान

विश्व बुद्धिचाल महासंघको आधिकारिक वर्ल्ड आइपिसिए चेस च्याम्पियनसिपमा नेपालका विश्व विजय घिमिरेले पहिलो चरणको खेलमा सफलता हासिल गरेका छन्।&nbsp; उनले भारतका दिनेश कुमार विरुद्ध प्रतिस्पर्धात्मक खेलमा जित निकालेका छन्।भारत स्थित गोवाको इन्टरनेशनल सेन्टरमा आरम्भ पहिलो चरणको खेलमा विश्वले कालो गोटी लिएर सिसिलियन &nbsp;प्रणालीमा प्रतिउत्तर खेल शुरु गरेका थिए।&nbsp; स्पर्धाको २१ औं चालसम्म बराबरी अवस्थामा रहेको खेलमा २२ औं चाल पुग्दा विश्वले आक्रमण सुरुवात गरे।&nbsp;फल स्वरुप खेलको २७ औं चालमा सिपाही एउटा फाइदा लिए । नेपाली खेलाडीको &nbsp;लगातार आक्रमणबाट रक्षात्मक अवस्थामा पुगेका भारतका दिनेशले ३२ औं चालमा अर्को ठूलो गल्ती गर्ने पुगे। जसको फाइदा उठाउदै विजयले दिनेशलाई ३८ औं &nbsp;चालमा खेल त्याग बाध्य बनाए।स्वीस लिग प्रणाली अनुसार नवौं चरणसम्म संचालन हुने खेलमा विश्व विजय घिमिरे सहित प्रतियोगिताका शिर्षस्थ खेलाडीहरु पोलाण्डका आइएम मर्सिन मोलेण्डा, इजरायलका आईएम आन्द्रेस गोर्वानोभ, आर्मेनियाका एफएम सर्गिस सर्गिस्यान, काजकिस्तान एफएम सेरिक सोल्तानोभ, &nbsp;रसियाका सेरेब्रियाकोभ सेर्गेइ, भारतका जि एजिलारासिले सफलता हात पार्दै पहिलो १-१ अंक जोडेका छन्।सत्र राष्ट्रका ९७ जना खेलाडीहरुको सहभागी रहेको प्रतियोगितामा विजेताले १ लाख नब्बे हजार, उप-विजेताले १ लाख ३५ हजार र तेस्रो हुनेले १ लाख नगद पुरस्कार हात पार्ने छन् । प्रतिस्पर्धाका विभिन्न विधामा ४६ जना खेलाडीहरूलाई नगद पुरस्कारको व्यवस्था गरिएको छ।आईपिसिए विश्व चेस प्रतियोगितामा नेपालका अन्तर्राष्ट्रिय निर्णायक आईए यज्ञप्रसाद पन्त पहिलो पटक नेपालको तर्फबाट निर्णयको भूमिकामा रहेका छन्।

विश्व चेस च्याम्पियनसिपमा विश्व विजयलाई सफलता

काठमाडौं। बंगलादेशमा साेमबार सम्पन्न साफ यु –२० च्याम्पियनसिपमा उपविजेता भएको नेपाली टोली मंगलबार स्वदेश फर्किएको छ।&nbsp; टोलीलाई अखिल नेपाल फुटबल संघ (एन्फा) केन्द्रीय सदस्य तथा महिला कमिटी संयोजक सरिला श्रेष्ठ मलेकु र प्रवक्ता सुरेश शाह त्रिभुवन अन्तर्राष्ट्रिय विमानस्थल स्वागत गरे। प्रतियोगितामा भुटान र श्रीलंकलाई हराएको नेपालले बंगलादेशसँग दुवै खेलमा पराजित हुँदै उपविजेतामा सीमित भएको थियो। बंगलादेशको ढाकास्थित बसुन्धरा किङ्स एरिनामा सोमबार भएको लिग चरणको अन्तिम खेलमा घरेलु टोली बंगलादेशसँग नेपाल ४–० ले पराजित भयो।योसँगै बंगलादेशले अपराजित रहँदै १८ अंकका साथ उपाधि हात पार्‍यो। बंगलादेशसँग दुई हार बेहोरेको नेपालले ६ खेलबाट १२ अंक पुर्‍यायो।

साफ उपविजेता नेपाली टोली स्वदेश फिर्ता

काठमाडौं । नेपालका सुनिल खड्काले एक मिनेटमा सर्वाधिक क्ल्याप पुल–अप्सको गिनिज विश्व कीर्तिमान बनाएका छन् । उनले ३२ पटक क्ल्याप पुल–अप्स गर्दै यसअघि &nbsp;अमेरिकी नागरिकको नाममा रहेको कीर्तिमान आफ्नो नाममा ल्याएका हुन् । &nbsp;यसअघि सन् २०१५ मा अमेरिकाका ब्लेक अस्टिनले ३० पटकको कीर्तिमान कायम गरेका थिए । काठमाडौँको त्रिपुरेश्वरस्थित नेपाल खेलकुद पत्रकार मञ्चमा आयोजित पत्रकार सम्मेलनमा सुनिल खड्काले यसबारे जानकारी दिए ।&nbsp; खड्काले क्यालिस्थेनिक्स विधा अन्तर्गत किर्तिमान रचेका हुन् ।खड्काले नेपालीहरूका लागि गर्वको क्षण भएको र नेपालका एथलिटहरु कुनै देशभन्दा कमजोर नरहेको बताए ।&nbsp; “मैले यसअघि यो कीर्तिमान १० वर्षदेखि कसैले तोड्न नसकेको पाए । आफू यही क्षेत्रमा भएको हुँदा प्रयास गर्छु भन्नेमात्रै सोच थियो । तर, कीर्तिमान नै आफ्नो नाममा ल्याउन सफल भए,” पत्रकार सम्मेलनमा खड्काले भने “कीर्तिमान बनाउनु नै मेरो लक्ष्य थिएन । तर, मेरो कीर्तिमानले नेपालका अरु युवा प्रेरित हुन् भनेर गरेर देखाए ।” २५ वर्षीय खड्का पेशाले एरोस्पेस इन्जिनियर हुन् । उनले अबको आफ्नो लक्ष्य क्यालिस्थेनिक्स वल्र्ड च्याम्पियनसिपमा च्याम्पियन बन्दै नेपालका झन्डा फहराउने रहेको बताए ।

एरोस्पेस इन्जिनियर सुनिलको नाम ‘गिनिज बुक अफ रेकर्ड’मा

काठमाडौं। पहिलो क्युएस अन्तरविद्यालय क्रिकेट प्रतियोगिता मंसिर पहिलो सातादेखि सुरु हुने भएको छ। प्रतियोगिता धुम्बाराही क्रिकेट मैदानमा हुनेछ। क्वालिटी काठमाडौं स्कुल्स (क्युकेएस) को आयोजनामा हुने यस प्रतियोगितामा २५ वटा विद्यालयले भाग लिनेछन्।&nbsp; प्रतियोगिताको उद्देश्य विद्यार्थीहरूमा क्रिकेटप्रतिको रुचि बढाउनु, स्वस्थ प्रतिस्पर्धालाई प्रवर्द्धन गर्नु र विद्यालय तहमा रहेका प्रतिभाहरूलाई अगाडि ल्याउनु रहेको आयोजकले जनाएको छ। प्रतियोगितामा १६ टिम सहभागी हुनेछन्, जसलाई चार समूहमा विभाजन गरिनेछ। प्रत्येक समूहका शीर्ष दुई टिम नकआउट चरणमा प्रवेश गर्नेछन्। विजेता र उपविजेतालाई ट्रफीसहित मेडल र प्रमाणपत्र प्रदान गरिनेछ। साथै व्यक्तिगततर्फ ‘प्लेयर अफ द टूर्नामेन्ट’, ‘इमर्जिङ प्लेयर’, ‘उत्कृष्ट बलर’ र ‘उत्कृष्ट ब्याटर’ को विधामा समेत सम्मान गरिने आयोजकले जानकारी दिएका छन्। प्रतियोगिताको तयारी अन्तिम चरणमा पुगेको र खेल तालिका चाँडै सार्वजनिक गरिने आयोजकको भनाइ छ।

क्युएस अन्तरविद्यालय क्रिकेट मंसिर पहिलो सातादेखि

काठमाडौं। नेपाली फरवार्ड पूर्णिमा राई साफु यु-२० महिला च्याम्पियनसिप २०२५ को सर्वाधिक गोलकर्ता बनेकी छिन्। बंगलादेशको ढाकास्थित बसुन्धार किङ्स एरिनामा सोमबार सम्पन्न अन्तिम खेलसँग कुल १० गोल गरेकी पुर्णिमाले गोल्डेन बुट जितेकी छिन्। उक्त खेलमा नेपाल घरेलु टोलीसँग ४-० ले निरहि बन्यो।&nbsp;योसँगै उनले साफ इतिहासको पानामा पनि आफ्नै नाम सुरक्षित गरेकी छन्। उनको यो कीर्तिमानले सन् २०१८ को साफ यु–१८ च्याम्पियनसिपलाई सम्झाउँछ। उक्त प्रतियोगितामा बंगलादेशकी फरवार्ड मोसममत सिरात जहान शोपनाले चाङ्लिमिथाङ रंगशालामा ८ गोलको कीर्तिमान बनाएकी थिइन्। त्यो कीर्तिमान पूर्णिमाले ७ वर्षपछि भंग गरेकी हुन्।

१० गोलसहित पूर्णिमा बनिन् सर्वाधिक गोलकर्ता

काठमाडौं। तीन खेलको प्रतिबन्धपछि मैदान फर्किएकी स्ट्राइकर मोसम्मत सागोरिकाको सानदार प्रदर्शनमा नेपाललाई हराउँदै बंगलादेशले उपाधि उचालेको छ।बंगलादेशको ढाकामा सोमबार सम्पन्न लिग चरणको अन्तिम खेलमा नेपाललाई ४-० ले हराउँदै बंगलादेश अपराजित रहँदै उपाधि जितेको हो। बंगलादेशको जितमा सागोरिका एक्लैले चार गोल गरिन्।&nbsp; पहिलो हाफमा १-० ले अग्रता बनाएको बंगलादेशले दोस्रो हाफमा थप तीन गोल गर्न सफल भयो। जितसँगै ६ खेलमा १८ अंक जोड्दै बंगलादेश च्याम्पियन बनेको हो। समान खेलमा १२ अंकसहित नेपाल उपविजेतामा सिमित बन्यो।

नेपालको उपाधि लक्ष्यमा सागोरिका बाधक

नेपाल र बंगलादेश बिच खेल हेर्नुहोस <a href="https://www.youtube.com/live/HR4EMeSItDo?si=59ShGkmP0wIY0gDL" target="_blank">Watch live match here</a><a href="https://www.youtube.com/live/HR4EMeSItDo?si=59ShGkmP0wIY0gDL" target="_blank"> </a> 
<iframe width="560" height="315" src="https://www.youtube.com/embed/x9HRnrWMv3Y?si=WIxkj94IGXSPGbBr" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe>

नेपाल र बंगलादेश बिच खेल हेर्नुहोस

काठमाडौं। काभा पुरुष च्याम्पियन्स लिगमा हेल्प नेपाल स्पोर्ट्स क्लबले काजकस्तानको क्लब जेटएचकेक्लबलाई हराउँदै तेस्रोजित हासिल गरेको छ।माल्दिभ्सको मालेमा सोमबार सम्पन्न खेलमा हेल्प नेपाल ३-२ सेटमा विजयी भएको हो। पहिलो सेट २५-२३ ले आफ्नो पक्षमा पारेको हेल्प नेपालले त्यसपछि लगातार दुई सेट १८-२५ र २३-२५ ले पराजित भयो। तर, चौथो सेटमा २५-१८ ले विजयी हुँदै खेल पाँचौँ सेटमा पुर्याउन सफल भयो। पाँचौं सेटमा हेल्प नेपाल १५-११ ले विजयी भयो। जारी प्रतियोगितामा चौथो खेलमा तेस्रो जित हासिल गर्न सफल भयो छ। यसअघि पहिलो खेलमा हेल्प नेपालले बिहीवार घरेलु टोली धिवेही सिफाइन्स क्लबलाई ३-२ ले हराएको थियो। दोस्रो खेलमा शुक्रवार माल्दिभ्सकै क्लब एचडिसीलाई ३-१ ले‌ हराएको हो। च्याम्पियन्स लिगमा काभाका सदस्य रहेका ५ देशका लिग च्याम्पियन क्लब र आयोजकको उपविजेतासमेत गरि ६ टोलीको सहभागिता रहेको छ। प्रतियोगिता सिंगल राउण्ड रोबिनका आधारमा हुनेछ। च्याम्पियन्स लिगको विजेताले सन् २०२६ को एसियन क्लब च्याम्पियनसिप खेल्न पाउनेछ

हेल्प नेपालको तेस्रोजित

श्रावण ५ गते , गोवा। शारिरिक रुपमा अशक्त चेस फेडेरेशन (CFPD) र विशेष रुपमा सक्षम गोवा चेस एशोशिएशन (GCASA) को संयुक्त आयोजनामा फरक क्षमता भएका व्यक्तिहरूको लागि २४ औं विश्व व्यक्तिगत चेस च्याम्पियनसिप (IPCA) छिमेकी मुलुक भारतमा आजबाट सुरु भएको छ।&nbsp; विश्व बुद्धिचाल महासंघको तत्वावधानमा जुलाई २१ देखि ३१ सम्म भारतको गोवामा सञ्चालन हुने प्रतियोगिताको भव्य समारोह बीच गोवाका मुख्यमन्त्री प्रमोद सावन्तले उद्घाटन गरेका छन्।&nbsp; यस प्रतियोगितामा नेपालका विश्व विजय घिमिरेले खेलाडीका रुपमा नेपालको प्रतिनिधि गर्दै सोमबार उद्घाटन समारोहमा उपस्थित भएका छन्। फरक क्षमताको बीचमा हुने स्पर्धामा ५५ बर्षिय विश्व विजय घिमिरेलाई सहभागीताको लागि मेची नगरपालिकालेे आर्थिक सहयोग प्रदान गरिएको थियो । विश्व चेस महासंघको आधिकारिक वर्ल्ड च्याम्पियनसिपमा भने नेपालको यो तेस्रो सहभागीता हो । यसअघि सन् २०२४ मा नेपाल च्याम्पियन रुपेश जैशवालले अजरबैजानमा भएको वर्ल्ड &nbsp;साइकल छनौटमा नेपालको प्रतिनिधित्व गरेका थिए । त्यस्तै सन् २०२४ कै काजाकिस्तानमा भएको वर्ल्ड युथ क्याडेट च्याम्पियनसिपमा त्रियोग उच्च माविका विद्यार्थीहरुले नेपालको प्रतिनिधित्व गरेका थिए। त्यसैगरी यस वर्ल्ड च्याम्पियनसिपमा नेपालका अन्तर्राष्ट्रिय आविर्टर &nbsp;यज्ञप्रसाद पन्त निर्णायकको भुमिकामा रहनेछ। कुनै पनि वर्ल्ड च्याम्पियनसिपमा निर्णायकको रुपमा नेपाली आर्विटरको यो पहिलो अवसर पनि हो। नेपाल बुद्धिचाल महासंघको पहलमा नेपालको प्रतिनिधित्व गरेका राष्ट्रिय तथा अन्तर्राष्ट्रिय खेलाडी विश्व विजयले विश्व स्तरिय खेलमा सहभागी हुन पाउनु गौरवको विषय हो भन्दै राम्रो प्रदर्शन गर्ने बताएका छन्। महासंघकै पहलमा मौका प्राप्त गरेका निर्णायक आईए पन्तले विश्व स्तरिय अवसरलाई चुनौतीको रुपमा लिएको बताए । उक्त फरक क्षमता भएका बुद्धिचाल खेलाडीहरुको वर्ल्ड च्याम्पियनसिपमा नेपाल सहित आयोजक राष्ट्र भारत, &nbsp;कजाकिस्तान, चीन, इजरायल, फ्रान्स, रुस, पोलाण्ड, स्लोभाकिया,हंगेरी, चेकोस्लाभाकिया, मंगोलिया, फिलिपिन्स, अवरबैजान, उब्जेकिस्तान लगायत देशहरुका ९७ जना खेलाडीहरुको सहभागीता रहेको छ । भारतको पर्यटकीय स्थल गोवामा आगामी ११ दिन सम्म संचालन हुने नौ चरणको प्रतिस्पर्धामा खेलाडीलाई हौसला प्रदान गर्न नेपाल &nbsp;बुद्धिचाल महासंघका अध्यक्ष हेराकाजी महर्जन र विश्व स्तरीय खेल अवलोकन गर्न खेलाडी राजभाई महर्जन भारत पुगेका छन्।

वर्ल्ड च्याम्पियनसिपमा नेपालका विश्व विजय घिमिरेले प्रतिस्पर्धा गर्ने।

काठमाडौं। बंगलादेशको राजधानी ढाकास्थित बसुन्धरा किङ्स एरेना जारी साफ महिला यु–२० च्याम्पियनसिपमा नेपालकी पूर्णिमा राईले शीर्ष गोलकर्ताको सूचीमा एकल अग्रता बनाएकी छन्। उनले भुटानविरुद्ध लगातार दुई ह्याट्रिकसहित ७ गोल गरेकी थिइन्। श्रीलंकाविरुद्धको दुई खेलमा थप ३ गोल गरेर उनले आफ्नो कुल संख्या १० पुर्‍याएकी हुन्।&nbsp; योसँगै उनले बंगलादेशकी फरवार्ड मोसममत सिरात जहान शोपनाको कीर्तिमान भंग गरेकी छन्। सन् २०१८ मा भुटानको चाङ्लिमिथाङ रंगशालामा भएको साफ यु–१८ च्याम्पियनसिपमा उनले सर्वाधिक ८ गोल गरेकी थिइन्। त्यो कीर्तिमान पूर्णिमाले ७ वर्षपछि भंग गरेकी हुन्।&nbsp; जारी प्रतियोगिता पूर्णिमालाई नेपालकै फरवार्ड मीना देउवाले पछ्याइरहेकी छन्। उनले प्रतियोगितामा दुई ह्याट्रिकसहित कुल ६ गोल गरेकी छन्। प्रतियोगिताका १० खेलमा ६२ गोल भएका छन्। तीमध्ये २९ गोल नेपाली खेलाडीले नै गरेका हुन्। पूर्णिमा र मीनाबाहेक नेपालका मिडिफिल्डरद्व समीक्षा मगर र कुशुम खतिवडाले समान ३ गोल गरेकी छन्। सेनु परियार र सरिता कुमारी नाथको नाममा समान २ गोल छन्। बिर्सना चौधरी र अनिशा राईको नाममा पनि समान एक गोल छ।

सर्वाधिक गोलकर्तामा पूर्णिमाको अग्रता

<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">बंगलादेशमा जारी साफ यु–२० महिला च्याम्पियनसिप अन्तर्गत अन्तिम खेल आज नेपालले बंगलादेशको सामना गर्दैछ। ढाकाको बसुन्धरा स्पोर्ट्स मैदानमा हुने यस खेल नेपाली समयअनुसार दिउसोको ६ः४५ बजेबाट सुरु हुनेछ।<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">&nbsp;<p class="p1" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">नेपाल पहिलो चरणको खेलमा बंगलादेशसंग २-३ गोल अन्तरले पराजित भएको थियो। बंगलादेश अहिलेसम्म पुरै प्रतियोगितामा हारेका छैनन्।&nbsp;<p class="p2" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;"> <p class="p2" style="margin-bottom: 0px; font-width: normal; font-size: 17px; line-height: normal; font-size-adjust: none; font-kerning: auto; font-variant-alternates: normal; font-variant-ligatures: normal; font-variant-numeric: normal; font-variant-east-asian: normal; font-variant-position: normal; font-feature-settings: normal; font-optical-sizing: auto; font-variation-settings: normal; min-height: 26px; caret-color: rgb(0, 0, 0); color: rgb(0, 0, 0); -webkit-tap-highlight-color: rgba(26, 26, 26, 0.3); -webkit-text-size-adjust: auto;">आजको यस खेलले प्रतियोगिताको निर्णायक खे हुनेछ। नेपललाई जित्नै पर्ने दबाब रहेको छ भने बंगलादेशलाई&nbsp;&nbsp;बराबरी भए मात्र पनि प्रतियोगिताको बिजेता बन्नेछ। नेपालले आजको खेल जितेर बंगलादेशसंग गोल अन्तरले पनि जित्नु नै पर्छ। नेपाल र बंगलादेशको गोल अन्तर ६ गोलको रहेको भने बंगलादेश १२ अंक सगित नेपाल भन्दा ३ अंकले अगाडी रहेको छ ।

नेपाल र बंगलादेश खेल्दै, नेपाललाई जित्नै पर्ने दबाब

सबैलाई थाहा छ, इंग्ल्यान्डतिर टेस्ट क्रिकेट असाध्यै लोकप्रिय छ । अरू तिर टेस्ट हुँदा दर्शकदीर्घा खालि खालि हुन्छ । तर यही टेस्ट इंग्ल्यान्डमा हुनु पर्छ, दर्शकदीर्घा भरिभराउ हुन्छ ।&nbsp;<div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">पाँचको पाँचै दिन, त्यो पनि पूराका फूरा दिन क्रिकेट हेर्न सक्ने दर्शकको इंग्ल्यान्डमा कमी छैन् । </div><div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;"> </div><div style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">त्यसैल त अन्तर्राष्ट्रिय त्रिकेट काउन्सिल (आईसीसी) ले सिंगापुरमा बसेको बैठकका क्रममा निर्णय गरेको छ, अबको तीनै संस्करणको विश्व टेस्ट च्याम्पियनसिप (डब्लूटीसी) फाइनल इंग्ल्यान्डमै हुनेछ । त्यसको अर्थ सन् २०२७, २०२९ र २०३१ को फाइनल इंग्ल्यान्डमा हुनेछ ।&nbsp; <div>अहिलेसमम डब्लूटीसीका तीन फाइनल भएका छन् र ती सबै पनि इंग्ल्यान्डमै भएका छन् । सन् २०२१ मा फाइनल साउथह्याम्पटनमा भएको थियो । त्यसमा न्युजिल्यान्डले भारतलाई हराएको थियो । सन् २०२३ को फाइनल ओभलमा भएको थियो, त्यसमा भने अस्ट्रेलियाले भारतलाई पराजित गरेको थियो ।&nbsp; </div><div>यसपल्ट सन् २०२५ को फाइनल लर्डसमा भएको थियो । त्यसमा भने अस्ट्रेलिया दक्षिण अफ्रिकाको हातबाट पराजित रह्यो । यी तीनै अवसरमा दर्शकदीर्घा खचाखच भरिएको थियो । रमाइलो तथ्य त के पनि छ भने अहिलेसम्म इंग्ल्यान्ड आफै डब्लूटीसीको फाइनल भने पुग्न सकेको छैन् ।&nbsp; </div></div>

Nepalsports

हेल्प नेपालले तेस्रो स्थानको लागि श्रीलंकाली पुलिसँग खेल्ने

📰 Recent News

Nepalsports