काठमाडौं। काभा महिला भलिबल च्याम्पियनसिपअन्तर्गत सम्पन्न खेलमा किर्गिस्तानले बंगलादेशलाई सोझो सेटमा पराजित गर्दै प्रभावशाली जित दर्ता गरेको छ। किर्गिस्तानले बंगलादेशमाथि ३-० को सहज जित निकाल्ने क्रममा पहिलो सेट २५-१५, दोस्रो सेट २५-१० र तेस्रो सेट २५-१० ले आफ्नो पक्षमा पार्‍यो। खेलभरि किर्गिस्तानले उत्कृष्ट ब्लकिङ, आक्रामक स्पाइक तथा मजबुत डिफेन्स प्रस्तुत गर्दै बंगलादेशलाई दबाबमा राखेको थियो। बंगलादेशले केही उत्कृष्ट र्‍याली खेले पनि किर्गिस्तानको बलियो प्रदर्शन अगाडि टिक्न सकेन।

काभा महिला भलिबल च्याम्पियनसिप : बंगलादेशमाथि किर्गिस्तानको जित

काठमाडौं। ‘सुपर ड्राइभ नेपाल’ ले नेपालकै सबैभन्दा ठूलो अटोमोटिभ लाइफस्टाइल र्‍याली आयोजना गर्ने भएको छ। आयोजकले सन् २०२६ मे ३१ देखि जुन ६ सम्म सञ्चालन हुने औपचारिक घोषणा गरेको हो। एक सातासम्म चल्ने यस र्‍यालीमा अन्तर्राष्ट्रिय सुपरकार, लक्जरी ब्रान्ड, कन्टेन्ट क्रियटर, प्रिमियम हस्पिटालिटी पार्टनर तथा अटोमोटिभ पारखीहरूको सहभागिता रहने जनाइएको छ। मोटरस्पोर्ट केटीएमद्वारा आयोजना गरिने र्‍याली बुटवल, भैरहवा, पोखरा, चितवन हुँदै काठमाडौंसम्म सञ्चालन हुनेछ। आयोजकका अनुसार कार्यक्रमले अटोमोटिभ संस्कृति, पर्यटन, मनोरञ्जन, नाइट लाइफ तथा आधुनिक जीवनशैलीलाई एउटै प्रिमियम प्लेटफर्ममा जोड्ने लक्ष्य राखेको छ। र्‍यालीमा पोर्श, अडी, बीएमडब्ल्यू एम सिरिज तथा मर्सिडिज–एएमजी जस्ता विश्वप्रसिद्ध उच्च प्रदर्शन क्षमतायुक्त सवारी साधन सहभागी हुनेछन्। विभिन्न सहरमा सुपरकारहरूको कन्भोय ड्राइभ, सार्वजनिक प्रदर्शनी, दर्शकसँगको भेटघाट, कन्टेन्ट क्रियटर सहकार्य तथा विशेष मिडिया कभरेज कार्यक्रमका मुख्य आकर्षण रहनेछन्। त्यसैगरी, कार्यक्रममा विशेष पुल पार्टी, बारबेक्यु नाइट, ब्रान्ड एक्टिभेसन, व्यावसायिक फोटोग्राफी, भिडियोग्राफी तथा ड्रोन कभरेजसमेत समावेश गरिने आयोजकले जनाएको छ। र्‍यालीको समापन आगामी जुन ६ मा काठमाडौंको दरबारमार्गमा आयोजना हुने ‘सुपर ड्राइभ नेपाल ग्रान्ड शोकेस’ मार्फत गरिनेछ। अपराह्न ४ बजेदेखि सुरु हुने उक्त कार्यक्रममा सहभागी सबै सुपरकारहरू सार्वजनिक प्रदर्शनमा राखिनेछन्। साथै मनोरञ्जनात्मक प्रस्तुति र विभिन्न ब्रान्ड एक्टिभेसनसहित भव्य समापन गरिने बताइएको छ। आयोजकका अनुसार ‘सुपर ड्राइभ नेपाल’ ले नेपाललाई प्रिमियम अटोमोटिभ पर्यटन तथा अन्तर्राष्ट्रिय स्तरका लाइफस्टाइल इभेन्टहरूको नयाँ गन्तव्यका रूपमा स्थापित गर्ने लक्ष्य लिएको छ।&nbsp;

नेपालमै पहिलोपटक ‘सुपर ड्राइभ नेपाल’ अटोमोटिभ लाइफस्टाइल र्‍याली आयोजना हुने

काठमाडौं। काभा महिला भलिबल च्याम्पियनसिपअन्तर्गत आज दुई महत्वपूर्ण खेल हुँदैछन्।&nbsp; प्रतियोगिताको पाँचौं दिनअन्तर्गत वरियता चरणका खेलहरू त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा सञ्चालन हुनेछन्। आजको पहिलो खेलमा किर्गिस्तान र बंगलादेशबीच प्रतिस्पर्धा हुनेछ। यी दुई टोलीबीचको खेल दिउँसो २ः३० बजे सुरु हुनेछ। त्यसपछि हुने दोस्रो खेलमा श्रीलंका र माल्दिभ्स आमनेसामने हुनेछन्। यो खेल साँझ ५ बजेबाट सुरु हुनेछ। यस्तै, साेमाबार समूह चरणकाे खेल सकिएसँगै सेमिफाइनल समिकरण पूरा भएकाे छ। सेमिफाइनलमा इरानले नेपालसँग प्रतिस्पर्धा गर्नेछ। नेपाल समूह ‘ए’ को उपविजेता बनेर सेमिफाइनलमा पुगेको हो। अर्को सेमिफाइनलमा समूह ‘ए’ को विजेता भारतले काजाकिस्तानसँग खेल्नेछ।

काभा महिला भलिबल च्याम्पियनसिप : आज दुई खेल हुँदै

अर्को सिजनको युरोपेली च्याम्पियन्स लिगमा छनोट हुन असफल रहेपछि एसी मिलानले सोमबार आफ्ना प्रशिक्षक मासिमिलिनो एलेग्रीलाई वर्खास्त गरेको छ । इटालीको सिरी ए को यो जिनको अन्त्यमा मिलान निराशाजन रूपमा पाँचौं स्थानमा रहेको थियो । आइतबारको अन्तिम मिलान सानसिरोमा भएको खेलमा कागलिरीसँग २–१ ले पराजित भएको थियो । यससँगै मिलान शीर्ष चारमा पर्न असफल रहेको थियो । गत सिजन पनि मिलान च्याम्पियन्स लिगका लागि छनोट हुन सकेको थिएन् । क्लबले अब टिम व्यवस्थापनमा पूर्णतः नयाँ नियुक्त गर्ने पनि भनेको छ । इटालीको सिरी ए बाट यसपल्ट इन्टर मिलान, नेपोली, रोमा र कोमो शीर्ष चारमा रहेर च्याम्पियन्स लिगमा छनोट भएका थिए ।

एलेग्री परे वर्खास्तीमा

भारतले वुमेन्स साफ च्याम्पियनसिप २०२६ को सोमबार भएको समूह ‘बी’ को खेलमा माल्दिभ्सलाई सजिलै ११–० ले पराजित गरेका छ । भारतको गोवास्थित जवाहरलाल नेहरु स्टेडियममा भएको खेलमा प्राप्त ठूलो अन्तर जितपछि पाँच पल्टको पूर्व च्याम्पियन भारतको सेमिफाइनल यात्रा सहज हुने भएको छ । आयोजक टिमका लागि एभेका सिंहले ह्याट्रिक सहित चार गोल गरिन् । यस्तै प्रियन्का देवी र करिश्मा सिरसोकरले दुई दुई गोल गरे । यो समूहमा दुई पल्टको डिफेन्डिङ च्याम्पियन बंगलादेश पनि रहेको छ । यसअघि समूह ‘ए’ को खेलमा नेपालले भुटानलाई १–० ले पराजित गरेको थियो ।

मादिल्भ्समाथि भारतको ११ गोल

काठमाडौं। साफ महिला च्याम्पियनसिपमा नेपालले संघर्षपूर्ण जित दर्ता गर्दै प्रतियोगिताको सुखद सुरुआत गरेको छ। भारतको गोवास्थित जवाहरलाल नेहरू रंगशालामा सोमबार सम्पन्न उद्घाटन खेलमा नेपालले भुटानलाई १–० गोलअन्तरले पराजित गरेको हो। नेपालले खेलकाे २३औं मिनेटमा अग्रता बनायो। पेनाल्टी बक्स भित्रबाट गीता रानाले हानेको प्रहार भुटानको खेलाडीलाई लाग्दै गोलमा परिणत भयो। याे नै नेपालकाे जितमा निर्णायक बन्याे। यस जितसँगै नेपालले प्रतियोगितामा महत्वपूर्ण तीन अंक जोडेको छ। उपाधि जित्ने लक्ष्यसहित प्रतियोगितामा सहभागी भएको नेपाली टोलीका लागि पहिलो खेलको जितले आत्मविश्वास थप बढाएको छ। नेपालले अब आइतबार श्रीलंकासँग समूह चरणको अन्तिम खेल खेल्नेछ।

नेपाल  जितसँगै साफ महिला च्याम्पियनसिपमा सुरुआत

काठमाडौं। काभा महिला भलिबल च्याम्पियनसिपअन्तर्गत भारतले किर्गिस्तानलाई सोझो सेटमा पराजित गर्दै समूह विजेताको रुपमा सेमिफाइनलमा स्थान सुरक्षित गरेको छ। भारतले किर्गिस्तानविरुद्ध उत्कृष्ट प्रदर्शन गर्दै ३-० को सहज जित दर्ता गरेको हो। खेलमा भारतले पहिलो सेट २५-१४ ले आफ्नो पक्षमा पार्दा दोस्रो सेटमा किर्गिस्तानले कडा प्रतिस्पर्धा गरे पनि भारत २६-२४ ले विजयी भयो। तेस्रो सेटमा पनि भारतले दबाब कायम राख्दै २५-१४ को जित निकाल्यो। यस जितसँगै भारत समूह चरणमा ८ अंक जोड्दै समूह विजेता बनेको छ। यही समूहबाट नेपाल ७ अंकसहित उपविजेता बन्दै सेमिफाइनलमा प्रवेश गरेको छ।

भारत समूह विजेता बन्दै सेमिफाइनलमा

काठमाडौँमा जारी काभा महिला भलिबल च्याम्पियनसिप अन्तर्गत सोमबार तीन रोमाञ्चक खेल हुँदैछन्। प्रतियोगितामा आज समूह ‘ए’ र समूह ‘बी’ अन्तर्गतका टोलीहरू प्रतिस्पर्धामा उत्रिने भएका हुन्। प्रतियोगिताको पहिलो खेलमा बंगलादेशले श्रीलंकाको सामना गर्नेछ। समूह ‘बी’ अन्तर्गतको यो खेल मध्यान्ह १२ बजे सुरु हुनेछ। दुवै टोली पहिलो जितको खोजीमा रहने भएकाले खेल प्रतिस्पर्धात्मक हुने अपेक्षा गरिएको छ। दोस्रो खेलमा समूह ‘ए’ अन्तर्गत भारत र किर्गिस्तान आमनेसामने हुनेछन्। यो खेल दिउँसो २ः३० बजे सुरु हुनेछ। लगातार उत्कृष्ट प्रदर्शन गर्दै आएको भारत आफ्नो जितको यात्रालाई कायम राख्ने लक्ष्यमा हुनेछ भने किर्गिस्तान बलियो चुनौती प्रस्तुत गर्ने तयारीमा रहेको छ। दिनको अन्तिम खेलमा इरान र काजाकिस्तानबीच प्रतिस्पर्धा हुनेछ। समूह ‘बी’ अन्तर्गतको यो खेल साँझ ५ बजे सुरु हुनेछ।&nbsp;

काभा भलिबल आज पनि तीन खेल हुँदै

काठमाडौं । दक्षिण एसियाली फुटबल महासंघ (साफ) को आयोजनामा हुने महिला च्याम्पियनसिप आजदेखि सुरु हुँदैछ । प्रतियोगिताको उद्घाटन खेलमा नेपालले आज भुटानसँग प्रतिस्पर्धा गर्दैछ । खेल नेपाली समयअनुसार साँझ ४ः४५ बजे भारतको गोवास्थित फतोरदा रंगशालामा सुरु हुनेछ । आजै हुने दोस्रो खेलमा घरेलु टोली भारतले माल्दिभ्ससँग साँझ ७ः४५ बजे प्रतिस्पर्धा गर्नेछ । प्रतियोगिता आजदेखि जेठ २३ गतेसम्म भारतमा सञ्चालन हुनेछ । प्रतियोगितामा नेपाल, भुटान र श्रीलंका समूह ‘ए’ मा रहेका छन् भने समूह ‘बी’ मा भारत, माल्दिभ्स र बंगलादेश रहेका छन् । नेपालले आफ्नो दोस्रो खेल जेठ १७ गते श्रीलंकाविरुद्ध खेल्नेछ ।

नेपालले आज भुटानको सामना गर्दै

नेपाल बुद्धिचाल महासंघ केन्द्रीय कार्यसमितिले आह्वान गरेको पहिलो पटकको विशेष साधारणसभा मकवानपुर स्थित क्लब हेटौंडाको सभाहलमा जारी रहेको छ।&nbsp; महासंघका एक तिहाई साधारणसभा सदस्यहरूले विधान अन्तर्गत रहेर विधिवत रुपमा कार्यसमिति समक्ष अध्यक्ष हेराकाजी महर्जन र महासचिव धरमबहादुर लामा विरुद्ध अविश्वासको प्रस्ताव दर्ता गरेका थिए। केन्द्रीय कार्यसमितिले जेष्ठ १० गते आह्वान गरेको विशेष साधारणसभाको अध्यक्षता कार्यसमितिका निर्वाचित उपाध्यक्ष माधवप्रसाद प्रधानले गरेका छन्। बिशेष साधारणसभामा विश्व बुद्धिचाल महासंघ (फिडे) तथा राष्ट्रिय खेलकुद परिषद(राखेप)लाई पर्यवेक्षकको रुपमा आमन्त्रण गरिएको थियो। उक्त बिशेष साधारणसभामा विश्व बुद्धिचाल महासंघ (फिडे) पर्यवेक्षकका रूपमा भारतका दिलजित खन्नाले उपस्थिति &nbsp;जनाएका छन्। उनले नेपाल चेसको पछिल्लो क्रियाशीलता प्रशंसनीय रहेको धारणा ब्यक्त गर्दै नेपाल चेस र नेपाली खेलाडीको खेल बिकासमा निरन्तर सहयोग रहने जानकारी गराए । विशेष सभाको प्रमुख अतिथि बागमती प्रदेश सभाका पूर्व मन्त्री, सभाषद् एवं बुद्धिचाल महासंघका पूर्व अध्यक्ष एकालाल श्रेष्ठले नेपाल बुद्धिचाल महासंघको गतिविधिलाई मध्य नजर गर्दै प्रदेश सरकारको तर्फबाट नियमित रुपमा बजेटको व्यवस्था गरिरहेको जानकारी गराएका छन्। उनले नेपालको समग्र खेलकुदलाई विवाद रहित बनाउन जरुरी रहेको धारणा राख्दै बुद्धिचाल खेलकर्मीहरू निकै सानो परिधि भित्र भएका कारण असमझदारी बिच नियम संगत ढंगबाट समाधान खोज्न सकिने बताए। अध्यक्ष र महासचिव विरुद्ध दर्ता भएको अविश्वासको प्रस्ताव उपर छलफलका लागि विधान अनुसार आवश्यक ५१ प्रतिशत साधारणसभा सदस्यको उपस्थिति रहन सकेन। राखेपद्वारा स्वीकृत विधानको परिच्छेद ३ दफा १०, उपदफा ५ को (घ) मा व्यवस्था भए बमोजिम एक दिनको फरकमा दोस्रो पटक कूल प्रतिनिधिको ३३ प्रतिशत उपस्थितिलाई गणपूरक संख्या मानिने प्रावधान अनुरुप ११ गते सोमबार विहान ९:०० बजेका लागि पुन: विशेष साधारणसभाको आह्वान गरिएको छ। नेपाल सरकार खेलकुद बिकास ऐन २०७७ बमोजिम गठित नेपाल बुद्धिचाल महासंघको विधान २०४८, राष्ट्रिय खेलकुद परिषदवाट मिति २०८१/०५/११ मा स्वीकृत आठौं संशोधन २०८० अनुसार सोमबार प्रस्तावको पक्षको कथन, विपक्षको प्रतिवाद कथन सुनेर आवश्यक निर्णय लिइनेछ।

बुद्धिचाल महासंघको बिशेष साधारणसभा दोस्रो पटक आह्वान

दिल्ली क्यापिटल्सले इन्डियन प्रिमियर लिग (आईपीएल) २०२६ को लिग चरणको अन्तिम खेलमा कोलकाता नाइटराइडर्सलाई ४० रनले हराएको छ । यस खेल अगाडि दुवै टिमको प्ले अफ पुग्ने सम्भावना समाप्त भइसकेको थियो । त्यसैले यसको औपचारिक महत्त्व रहेन् । इडेन गार्डेनमा भएको खेलमा दिल्लीले पहिले ब्याटिङ गर्दै केएल राहुलको ६० रनको मदतले पाँच विकेटमा २ सय ३ रनको स्कोर खडा गरेको थियो । जवाफमा कोलकाता १८.४ ओभरमा १ सय ६३ रन मात्र बनाएर अलआउट भयो । अब मंगलबार रोयल च्यालेन्जर्स बेंगलुरु र गुजरात टाइटन्सबीच क्वालिफायनर वानको प्रतिस्पर्धा हुनेछ । यस्तै बुधबार राजस्थान रोयल्स र सनराइज हैदरावाद इलिमिनेटरमा भिड्ने छन् ।

लिग चरणको अन्तिम खेलमा दिल्ली विजयी

राजस्थान रोयल्सले आइतबार इन्डियन प्रिमियर लिग (आईपीएल) २०२६ मा मुम्बई इन्डियन्सलाई ३० रनले पराजित गरेको छ । यो नतिजापछि राजस्थान प्ले अफका लागि छनोट भएको छ । यससँगै प्रतियोगिताको प्ले अफ समीकरण पनि पूरा भएको छ । अब शीर्ष दुई स्थानमा रहेका रोयल च्यालेर्न्स बेंगलुरु र गुजरात टाइटन्सबीच क्वालिफायर–वान खेल हुनेछ । यस्तै सनराइज हैदरावाद र राजस्थानले इलिमिनेटर खेल्नेछन् । जितपछि राजस्थान १६ अंकमा चौथो स्थानमा रह्यो । मुम्बईको यसअघि नै चुनौती समाप्त भइसकेको थियो । यो खेलपछि दिल्ली क्यापिटल्स र कोलकाता नाइटराइडर्सबीचको खेलको नतिजाले अर्थ बोक्ने छैन् । वानखेडे स्टेडियममा भएको खेलमा राजस्थानले पहिले ब्याटिङ गर्दै आठ विकेटमा २ सय ५ रन बनाएको थियो । जवाफमा मुम्बईले नौ विकेटमा १ सय ७५ रन मात्र बनाउन सक्यो ।

राजस्थान जितेसँगै प्ले अफ समीकरण पूरा

काठमाडौं, माल्दिभ्सलाई ३-० को सोझो सेटमा पराजित गर्दै नेपाल सेमिफाइनलमा प्रवेश गरेको छ। त्रिपुरेश्वरस्थित राखेपकाे कभर्डहलमा आइतबार नेपालले पहिलो सेट २५-१२ ले आफ्नो पक्षमा पार्दै उत्कृष्ट सुरुआत गरेको थियो। दोस्रो सेटमा पनि नेपालले शानदार प्रदर्शन गर्दै २५-९ को सहज जित निकाल्यो। तेस्रो सेटमा माल्दिभ्सले केही प्रतिस्पर्धा गरे पनि नेपाल २५-२० ले विजयी हुँदै खेल आफ्नो पक्षमा पार्न सफल भयो। यस जितसँगै नेपाल प्रतियोगिताको सेमिफाइनलमा प्रवेश गर्न सफल भएको छ। समूह चरणमा नेपालले तीन खेलबाट सात अंक जाेडेकाे छ।

माल्दिभ्सलाई पराजित गर्दै नेपाल सेमिफाइनलमा

काठमाडौं, नेपाल क्रिकेट संघले सिंगापुरमा आयोजना हुने पुरुष एसियन गेम्स छनोट प्रतियोगिताका लागि नेपाली राष्ट्रिय क्रिकेट टोली घोषणा गरेको छ। प्रतियोगिता सन् २०२६ मे ३१ देखि जुन ९ सम्म सञ्चालन हुनेछ। नेपाली टोलीको कप्तानी दीपेन्द्र सिंह ऐरीले गर्ने भएका छन्। घोषित टोलीमा कुशल भुर्तेल, आसिफ शेख, रोहित पौडेल, सन्दीप जोरा, कुशल मल्ल, लोकेश बम, सन्दीप लामिछाने, सोमपाल कामी र करण केसीलगायत खेलाडी समावेश छन्। घोषित नेपाली टोली यसप्रकार रहेको छः१. दीपेन्द्र सिंह ऐरी (कप्तान)२. कुशल भुर्तेल३. आसिफ शेख४. रोहित पौडेल५. सन्दीप जोरा६. कुशल मल्ल७. लोकेश बम८. सन्दीप लामिछाने९. शेर मल्ल१०. नन्दन यादव११. आरिफ शेख१२. सोमपाल कामी१३. करण केसी१४. साहब आलम

दीपेन्द्रसिंह ऐरीको कप्तानीमा नेपाली टोली घोषणा

काठमाडौं। काभा महिला भलिबल च्याम्पियनसिप २०२६ अन्तर्गत आज तेस्रो दिन तीन खेल हुँदैछन्।&nbsp; आजको पहिलो खेलमा इरान र श्रीलंका दिउँसो १२ बजे प्रतिस्पर्धा गर्नेछन्। दोस्रो खेलमा बंगलादेश र काजाकिस्तानबीच दिउँसो २स्३० बजे प्रतिस्पर्धा हुनेछ। यस्तै, दिनको अन्तिम तथा सबैको चासोको खेलमा घरेलु टोली नेपालले माल्दिभ्ससँग साँझ ५ बजे प्रतिस्पर्धा गर्नेछ। नेपाल लगातार दोस्रो जित निकाल्दै प्रतियोगिताको सेमिफाइनलमा स्थान बनाउन चाहन्छ। पहिलो खेलमा भारतसँग पराजित भएको नेपालले दोस्रो खेलमा किर्गिस्तानलाई ३–० को सोझो सेटमा पराजित गरेको थियो।

काभा महिला भलिबल च्याम्पियनसिपमा आज पनि तीन खेल हुँदै

हल सिटीले च्याम्पियनसिप प्ले अफ फाइनलमा शनिबार मिडल्सब्रोलाई १–० ले पराजित गर्दै इंग्लिस प्रिमियर लिगमा उक्लेको छ । वेम्लीमा भएको खेलमा ओलि म्याकब्रनीले दोस्रो हाफको इन्ज्युरी समयमा निर्णायक गोल गरे । साउथह्याम्पटनमाथि आफ्ना प्रतिद्वन्द्वी टिमको जासुसी गरेको आरोपमा च्याम्पियनसिप प्ले अफ फाइनलबाट निस्कासित गरिएको थियो । हललेउनकै स्थानमा अहिले निर्णायक खेल खेलेको हो । सन् २०१७ यता हल सिटीले अब इंग्लिस फुटबलको माथिल्लो डिभिजन खेल्नेछ । च्याम्पियनसिप प्ले अफ फाइनललाई विश्व फुटबलकै सबैभन्दा महँगो खेल मानिन्छ र यो खेल जित्नेले कम्तीमा २६ करोड डलर भन्दा बढी कमाउन गर्छ ।

हल पुग्यो प्रिमियर लिगमा

बायर्न म्युनिकले स्टुटगार्टलाई शनिबार सजिलै ३–० ले पराजित गर्दै जर्मनकपको उपाधि जितेको छ । फाइनलमा ह्यारी केनले दोस्रो हाफमा तीन गोल गरे र यो सिजन बायर्नका लागि ५१ खेलबाट ६१ गोलको शानदार प्रदर्शन पूरा गरे । इंग्लिस कप्तानले ५५ र ८० औं मिनेटमा दुई गोल गरेपछि दोस्रो हाफको इन्ज्युरी समयको दोस्रो मिनेटमा पेनाल्टीबाट तेस्रा गोल थपेका हुन् । सन् २०२३ मा बानर्य अएयता केनले जितेको उपाधि संख्या चार पुगेको छ ।बायर्नले लिगसँगै जर्मनका दुवै कप उपाधि जितेको छ । यस्तोमा उनले कप डबल गरेको छ । यसअघि बायर्नले जर्मन बुंडेसलिगा जितेयता जर्मन सुपरकप पनि जितेको थियो ।

बायर्न बन्यो जर्मनकप च्याम्पियन

पंजाव किंग्सले शनिबार लखनउ सुपर जायन्ट्सलाई सात विकेटले हराएर इन्डियन प्रिमियर लिगमा प्ले अफ सम्भावना कायम राखेको छ । लखनउले पहिले ब्याटिङ गदै छ विकेटमा १ सय ९६ रन बनाएको थियो । यसमा जस इंग्लिसले सर्वाधिक ७२ रन बनाए । जवाफमा पंजावले १८ ओभरमा तीन विकेट गुमाएर २ सय रन बनायो । कप्तान श्रेयस अय्यरले ५१ बलको मात्र सामना गरेर १ सय १ रन बनाए र नटआउट रहे । प्रतियोगितामै उनको यो पहिलो शतकको हो । उनले ५१ बलको मात्र सामना गरेर १ सय १ रन बनाए र नटआउट रहे । यो जितपछि पंजावको १५ अंक भएको छ र चोथो स्थानमा कायम छ । प्ले अफका लागि एकै स्थान मात्र बाँकी रहेको छ । अब त्यसका लागि पंजाव, राजस्थान रोयल्स र कोलकाता नाइट राइडर्समध्ये एक टिम छनोट हुनेछ । रोयल च्यालेन्जर्स बेंगलुरु, गुजरात टाइटन्स र सनराइज हैदरावाद यसअघि नै प्ले अफ पुगिसकेका छन् ।

पंजावको प्ले अफ सम्भावना कायम

९ जेष्ठ, हेटौंडा । नेपाल बुद्धिचाल महासंघको कार्यसमिति वैठकले निर्णय गरे बमोजिम महासंघको विशेष साधारणसभा भोलि जेष्ठ १० गते आइतबारका दिन क्लब हेटौंडा, हेटौंडा-४, मकवानपुरमा गर्ने भएको छ। गत बैशाख १२ गते अध्यक्ष हेराकाजी महर्जन तथा महासचिव धरमबहादुर लामा विरुद्ध बुद्धिचाल महासंघका वरिष्ठ उपाध्यक्ष दिपेन राईले ४० जना साधारणसभाका प्रतिनिधिहरुको हस्ताक्षर सहित अविश्वासको प्रस्ताव निवेदन पेश गरेका थिए। यसै अविश्वास प्रस्ताव माथि वैशाख ३० गते बसेको वैठकले विधानको परिच्छेद ७ दफा २२ उपदफा २ मा स्पष्ट रूपमा उल्लेखित “उपदफा १ बमोजिम दर्ता हुन आएको अविश्वासको प्रस्ताव माथि छलफल र निर्णयका लागि सम्बन्धित कार्यसमितिले ३५ दिन भित्र विशेष साधारणसभा बस्ने गरि सूचना दिनु पर्नेछ।” भन्ने व्यवस्था अनुसार मिति, समय र स्थानको निर्णय भएको थियो । पुनश्चः केन्द्रीय कार्यसमितिले बहुमतद्वारा अविश्वास प्रस्ताव निर्णयार्थ पेश गर्नका लागि बिशेष साधारणसभा मकवानपुरको हेटौंडामा गर्ने निर्णय भएको थियो। यद्यपि सो स्थानका सम्बन्धमा केहीले लिखित असहमति &nbsp;जनाएका थिए। &nbsp; विशेष साधारणसभामा पर्यवेक्षकको निष्पक्ष भूमिकाका लागि आफ्नो छाता संस्थाहरु वर्ल्ड चेस फेडेरेशन तथा राष्ट्रिय खेलकुद परिषदमा लिखित जानकारी पेश गरिएकोमा फिडे डेलिगेट अमित खन्नालाई नेपाल बुद्धिचाल महासंघका महासचिव धरमबहादुर लामा तथा सचिवालय सदस्य बालाराम पुनद्वारा हेटौंडामा स्वागत गरिएको छ।&nbsp; यसै सम्बन्धमा राष्ट्रिय खेलकुद परिषदको प्रतिनिधिवाट खेल संघको वृहत्तर बिकासका लागि विशेष साधारणसभामा आइपुग्ने अध्यक्ष हेराकाजीले बताए। विधानको परिच्छेद ३ दफा १० उपदफा ५ को (घ) अनुसार साधारणसभामा कम्तिमा ५१% सदस्य उपस्थित भए पछि सभाको गणपुरक संख्या मानिनेछ। नपुग भएमा ३३% सदस्यलाई गणपुरक मानिनेछ। तर दोस्रोमा पनि संख्या नपुग भएमा तेस्रो आह्वानमा उपस्थित संख्यालाई नै गणपुरक मानिनेछ। यसरी आह्वान गरिएको विधिलाई नै विधानले मान्यता दिएको छ। नेपाल बुद्धिचाल महासंघका साधारणसभा सदस्य ११८ जना मध्ये ७ जना प्रतिनिधिहरुले कार्य व्यस्तताका कारण उपस्थित हुन नसक्ने जानकारी गराउदै हेटौंडामा सम्पन्न हुने सभाका लागि सहमत सहित शुभकामना सन्देश पठाएका छन्। अविश्वास प्रस्ताव पारित गर्न दुई तिहाई प्रतिनिधि र विफल गर्न एकतिहाई प्रतिनिधि आवश्यक रहने विधानको व्यवस्था रहेकोमा शनिबार साँझसम्म &nbsp;हेटौंडामा ५२ जना उपस्थित भइसकेको र यो क्रम जारी रहेको प्रवक्ता राजु ताम्राकारले जानकारी गराएका छन्।&nbsp; प्रस्तावको पक्षमा हस्ताक्षर गर्नु हुने प्रतिनिधि साथीहरूलाई लामो इतिहास बोकेको नेपाल बुद्धिचाल महासंघलाई गतिशील बनाउन आफ्नो भूमिकामा पुनर्विचार गर्नुहुन अध्यक्ष महर्जनले आह्वान गरेका छन्।

महासंघका अध्यक्ष तथा महासचिवले अविश्वास प्रस्तावको सामना गर्ने ।

काठमाडौं। काभा महिला भलिबल च्याम्पियनसिपमा नेपालले पहिलो जित दर्ता गरेको छ।&nbsp; घरेलु टोली नेपालले किर्गिस्तानलाई ३-० को सोझो सेटमा पराजित गर्दै महत्वपूर्ण जित हासिल गरेको हो। जितसँगै नेपालले दुई खेलबाट चार अंक जाेडेकाे छ। याेसँगै नेपालकाे सेमिफाइनलकाे सम्भावना बलियाे बनेकाे छ। नेपालले पहिलो सेट २५-१८ ले आफ्नो पक्षमा पार्दै उत्कृष्ट सुरुआत गरेको थियो। त्यसपछि दोस्रो सेटमा पनि निरन्तर दबाब कायम राख्दै नेपाल २५-२० ले विजयी बन्यो। तेस्रो तथा अन्तिम सेटमा नेपाली टोली झनै आक्रामक देखियो। उत्कृष्ट समन्वय र सशक्त प्रदर्शनसहित नेपालले तेस्रो सेट २५-१३ ले जित्दै खेल ३-० ले आफ्नो पक्षमा पार्‍यो।

Nepalsports

काभा महिला भलिबल च्याम्पियनसिप : बंगलादेशमाथि किर्गिस्तानको जित

📰 Recent News

Nepalsports